رواية هروب من الواقع -3
مايبين الشورت...ريحة البناطيل اللي فيها موية البحر طالعه....السياره رطوبه...كأن البحر رجع معنا...
السياره كلها رمل...
***بدأتْ رحلة العوده إلى الواقع
بدأنا نرجع مِن الذي هربنا منه
فمصيرنا لذاك الواقع المؤلم
وليـــــس هنا .....
نعم ..إالى أين المفر؟؟؟!!!
إن تلك المدينه تنادينا...عودوا أيها الأوغاد...
ونحن صامتون...ليس لنا حيله سوى العوده
أفي القدر تخيير..أو في النصيب مجالٌ للتغيير !!!!!
ها نحن نودع المكان الذي جمعنا....الرمال الذهبيه
الخيمة المتقطعه....والبحر الهادئ بزرقته وأصدافه التي أهداها لنا ذكرى بعد الرحيل...
خطواتنا المرسومه على أرض هذه القريه...وأنفاسنا المتبعثره في أرجائها...
نعم ...سيبقى عبق رائحتنا معلقٌ هنا إلى مابعد الحياه...
ستصبح ذكرى أيها اليوم الجميل....
****مشينا وطلعنا من هالقريه من نفس الخط (الطريق) الرملي اللي جينا منه....
ناصر بدا يسرع
آمال وأشواق:هدي يا ناصر هدّي...ترى تونا
ناصر: يوووه.. طيب..
كنا نسولف ونضحك ...بس طفشنا من السواليف...
بعد (60) كيلو من القريه قربنا نوصل للـ(خريطه)...المكان اللي كله هويات ونزلات وطلعات ...يشبه طريق الهدا بالطايف
أماني:خلونا حنا نغني وش هالطفش...
سماح:ايه والله
قامت أماني خذت العلبه البلاستيكيه اللي به التمر...وطلعت التمر منها ...عشان تطق بالعلبه...ومسكت سماح علبة الفاين
أماني:يالله غنوا معي
:graaam (246):
مرتاح ولا يتصنع قلبك الراحه....شايل بخاطرك ولا البال متهني...
مجروح ولا شفى قلبك من جراحه......زعلان للحين ولا راضي عني
وطططق طاق تطقط طق ...وبكل قوته اماني...
وكلهم بصوت واحد
شخبار قلبك عسى مافارق أفراحه...أدري جرحتك وشلت بخاطرك مني
خسران بعدك وقلبي ضاعت ارباحه...غلطان أدري وأبي منك تسامحني..
وآمال وأشواق بكل قوتهن يصفقن والأخ ناصر مسترسل معنا....
آمال:ناصر هدي السرعه
ناصر:طااااااااااااااااايب
أماني:هيه يالله وش به بعد أغنيه ثانيه
وسكتت بعدين انطلقت بأغنيتها المفضله اللي دايم على لسانها
أيوووووووووووووه قلبي ...قلبي عليك التاااااااااااااااااع
آآآآآآآآآآآآآآآآآآآآه ترارا تااااااااااااااه ترارا تاااااااااااااااااااااااه
وطاق طاق وسماح منسجمه مع علبة المناديل
اماني معذووووووووور من ترا را را:graaam (193):
وأشواق وآمال يضحكون
تخربط أماني من عندها عشان ماهي حافظه الأغنيه تقول (طرا ترتهلي........الخ)
سماح:يالله سرى الليل
وكلنا ...سرى الليل وحنا ماسرينا وجا الصبح وحنا مادينا...حباااااايب وتجمعنا الموده
عسى الله لايغير علينا...
وتبي تخربط أماني بس آمال تذكرها بالمقطع الثاني وتعلّي صوتها
نسووووولف تعطرنا الأغاني...وكلن من أشواقه يعاني
وكلنا بصوت واحد
أنا بحمد المولى عطاني ...حبيب صدوق هام فينا:graaam (246):
وطبعا حنا نحب أغنيه مصريه تجنن...وخاصة انا
وبدينا نغنيها:graaam (161):
ياورد داري دموع العين ...آآآآآه
العمر كله يومين اثنين.....آآآآآآه
ورد الحبايب ورد ياورد...ولا حد غايب ورد ياورد:graaam (129):
وانت ياورد حبايبك فين....؟؟
افرح وغني وعيش متهني ...دي الدنيا مابدومش لحد
ياورد ليه عايش بعذاب ....آآآآآآآه
والعمر كله نعيم وشباب....آآآآآآآآآآآه
ورد الحبايب ورد ياورد...ولا حد غايب ورد ياورد
وانت ياورد حبايبك فين....؟؟
افرح وغني وعيش متهني ...دي الدنيا مابدومش لحد
كنا نحس بالانتعاش وحنا نغني هالأغنيه...
غنينا مرتاح وغنينا ياليل خبرني عن امر المعاناه...
وغنينا:graaam (224):
هلي لا تحرموني منه ...هلي لاتبعدوني عنه...
مثل ماهو قطعه مني أنا تراني قطعه منه...
ودخلنا عالم الهويات النزلات والطلعات....لقينا شاحنه مقلوبه وطايحه بالهويه...توها جديد...لأننا بالجيّه ماشفناها...
تعدينا من عندها وحنا ساكتين وخايفين...
مشينا وهدّينا أنفسنا...
كان على يميننا لوحه صغيييييره مكتوب عليها بالأحمر (لشحن السيارات الرقم ......)
ناصر: الحمدلله ههههههههههههههه لشحن السيارات حاطينها بين الجبال..
فيه طلعه طويله على فوق طلعنا عليها بشويييش وحنا بكل قوتنا نغني
هلي الله يسامحكم ...اذا ماكان عاجبكم
حسينا إن حركة الجمس بطيييييئه...وطلعت ريحة(الكفرات والأقمشه حقت السياره)
وسكتنا (بذهول)...
سماح:اااااااااااااااااااااااااااااااااااا واااااااااااااااااااااااااااااا
ناصر خلاص خلاااااااااااااااااص لاتطلع....وقـــــــــــــــــــــف
طفت السياره...وناصر ماسك المفتاح ويشغلها بس معيّـــــــــه...
سماح:خلااااااااااااااااص يا ناصر خلاص
وناصر يرجع بقووووه يبي يشغل السيااااره.....بس مابه أمل
طفت السياره...ودخّنت...ونزلنا بسرعه....فتح ناصر الكبوت وقعد يحوووس...حنا نزلنا جنب السياره...
آمال وأشواق صابهم برود شوي يضحكون وشوي يسكتون يوم يفكرون باللي جاي..
سماح :هاه وش صار وش طلع به؟؟
ناصر:ماهي الحراره زي ماتوقعنا....شكله (القير)...والقير لاخرب مستحيل تشتغل السياره...كله من هذي
ويأشر بيده على آمال ويتهمزا(لاتسرع لاتسرع) وهذي طلعه قويه لازم نسرع فيها...
وقفنا بخوف...مرت سيارتين بعد وقت طويل بس ماوقفوا لنا..سماح ثايره بالحيل ...(الضمير بدا يأنبها)
ناصر:أقول مابه حل إلا إننا ندق على أحمد أخوي هو أهون شي.. نخليه يجينا ألحين
آمال:لا لا لا لااااااااااااااااااااااا مستحيل ..مانتم صاحين
على بالكم يبي يجي يلعب معنا ...ولا ينقذنا منه
هالورطه ويضحك معنا !!!!
سماح:إلا انطمي أحمد هو أهون شي....عادي
ننضرب من أحمد..بس أهم شي أبوي مايدري...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آمال:أقول بلا هبال أنا أعرف أحمد يا (مصيوِل)......لقب ناصر هذا
خذا ناصر جوال سماح يبي يدق على أحمد بس مابه شبكات أبد....يانااااااااااااااااااس مابه شبكات.....
سماح واقفه بالسّكه مع ناصر من الخوف تبي توقف أي أحد(رجّاله) الأخت سماح....
آمال وأشواق وأماني بالسياره قاعدين ينتظرون الفرج....
كان خوفنا بهكالوقت مو بس من انه أهلنا يدرون
لكن خوفنا من الشباب....مابه عوايل مرّت من عندنا,,,حنا بنات لحالنا...ناصر صغير......مابه شين يحمينا
مرّت سياره لونها أحمر صغييره...تعدّت من عندنا وراحت ويوم وصل راعيها لآخر الطلعه فوق شاف سماح تأشّر بيدها تحت
ورجع بسيارته....كان شاب نحيف تقريبا عمره (25) سنه لابس ثوب أبيض وشماغ وجهه مريح وله لحيه خفيفه...
راح لمّـــه ناصر وقعد يكلمه عن السياره وجوا عند السياره وشافها وقال نزّل أهلك نزلهم لا تدحدر السياره الحين....لأن
الجاذبيه تسحب لتحت...وحطها ناصر على الفاضي ونزلها تحت وعلى يمين السكه بجنب الجبل...
ناصر فتح الباب:انزلوا يالله روحوا هناك (على يسار السكه)
أشواق :ياربي كيف أنزل كذا ماني لابسه غير هالعبايه
يافشيــــلتي...ألحين نوقف بعد بالشمس...
أماني: يوه والله ماني نازله(بصوت منخفض)
نزلوا آمال وأشواق مع بعض وراحوا على الجهه الثانيه.......
الرجّال:خل أهلك ينزلون
سماح :بعصبيه مااااااني نازله
الرجال سمع صوت سماح...وشاف انه سماح جسمها شوي مليان قال
(معليش ياخاله انزلي هنا).....ههههههههه على باله سماح أم ناصر......بس الحمدلله انها جت كذا ولا كان رحنا فيها
ناصر قال للرجال انه طالع هو وأمه وخواته لقرية (.......)...وصدّق الرجال بعد ماشاف سماح...
أماني كانت بالسياره تطلع الكيس من ورى تبي تلبس البنطلون لأن عبايتها راس يعني ماتقدر تنزل...
أماني:ياربي بسرعه...
عادالبنطلون خبركم رطب باقي ومحطوط بالكيس ومع هالحر شي طبعا...
أماني تحاول تدخله بكل قوته(اممممممممممممممممممممم يالله ادخل)
حاولت أماني تدخله وبسرعه تبي تفتح الباب بس معيي(مو راضي) ينفتح الباب...
الرجال:ياناصر شف أهلك يبون ينزلون...الباب مو راضي ينفتح
راح ناصر وفتح الباب لأماني وأماني نازله من السياره مفتشله...وآمال وأشواق يناظرون من بعيد لأماني ويضحكون على
شكلها... وعلى الموقف اللي صار..
الرجّال:شف ياناصر وأنا أخوك أنا والله عندي شغل بالجوازات..ولازم أروح بسرعه...انا أقول الأفضل إنكم
تمشون معي ألحين بالسياره حقتي ونتصل على حقين الشحن يجون ياخذون السياره ...ويوصلونها للديره
او اذا تبي بعد تاخذ سيارتي وتمشي ورانا.. أنا أركب مع خويي الحين هو جاي وراي معه جيب (أبو ربع)...
سماح تسمعهم يتشاورون وجا ناصر قالها الموضوع
سماح بعصبيه:لاااااااااااااا أنا والجمس نتحرك مع بعض من هنا :graaam (75):أنا ماني رايحه من هالمكان إلا بالجمس
جا صاحب الجيب ومعه خويه ...ووقفوا لأنه خويهم اللي بالسياره الحمرا واقف معنا...
الرجّال:طيب دق على واحد من أهلك إذا تبيه يجي...ترى أنا معي جوال موبايلي...
(طبعا بس شريحة موبايلي اللي تشتغل بهالمكان أما سوى والجوال ماتشتغل وحنا ولا واحد معه موبايلي)
ناصر:طيب الله يجزاك خير ياخوي
أماني:ناصر تعال دق على خالد أحسن...(أخو أشواق وأماني)
آمال :ايه على الأقل أشوى من أحمد أخوي
أشواق:دق ياناصر دق على خالد
ناصر ماوده يدق بس خذا الرقم من أشواق ودق ورجع قال محد يرد
أشواق:عادي دق مره ثانيه أكيد انه نايم
(ياناس خبلات أخوهن هذا نار جهنم ذبح لو دري.:graaam (234)::graaam (107):.)
ناصر :طيب (طبعا ناصر كذاب كان بس يوريهم انه ضغط الزر الأخضر وهو ولا دق ولا شي لأنه مايبي أحد يدري من العيله وكلهم يلومونه لأنه هو اللي مسافر بنا)
آمال وأماني وأشواق راحوا عند سماح بالسياره ...لحقهم ناصر وقال لهم شُور الرجال يبي يشوف وش يقولون
آمال :ايه والله هو صادق...نروح من هنا لبيت خالتي نوره...واذا جا العصر تكون السياره خلاص مشحونه للديره
وحنا اذا دق أبوي علينا نقول خالتي نوره مسكتنا على الغدا مو مشكله ننضرب ...بس ضرب عن ضرب غير
أشواق:أي والله صادقه:graaam (181):
سماح::graaam (53):يوووووه أنتن خبلات..!!! يا آمال انثبري بس...أبوي عادي عنده نقول رايحين نتغدى عند بيت خالتي منيره؟؟
خير ان شاالله صاحيه انتي !!!! أنا ماني رايحه من هنا إلا بالجمس:graaam (85):
أماني:عادي ياسماح ليش مكبره الموضوع؟؟
سماح :كأنكم ماتعرفون أهلي...وأبوي يمديه الحين داق علينا مية الف مره والجوالات كلها مغلقه...
أشواق:آآآآآه ياربي وش هالحظ قرااااده
الرجّال :ماعرفت اسمك يالاخو
ناصر:ناصر
الرجّال:ناصر ايش
ناصر:ناصر بن فلان الفلاني
الرجّال: وكأنه يسترجع الذاكره والله والنعم....هاه وش قلت ياناصر
ناصر:خلاص روح ياخوي...حنا نستنا الشحن يجون
ياخذونه...الله يجزاك خير ياخوي ماقصرت..يكفينا
ماعملت بنا من خير جوالك خذيناه...واتصلت لنا بعد
على الشحن..وقفتك ما ننساه أبد ياخوي الله يوفقك
آمال:الحين حنا والسياره ننشحن مع بعض؟
أماني :ههههههههههههههههههههههههههههههههههههههه
سماح:وش رايك يعني؟...لا ياخذون السيار ويخلوننا
حنا هنا بهالبر...
أماني:استغفروا استغفروا ترى الاستغفار والله زين
وكلهم قاموا يستغفرون...
آمال وهي تمسك شنطتها:الحمدلله أنا جايبه الدفتر والقلم معي...أبي أكتب وصيتي قبل أموت:graaam (109):...وأبيهم يعرفون ليه حنا متنا
وكيف...
أشواق:سبحان الله حتى أنا جبت بعد....
أماني :ههههههههههههههههههههههاي:graaam (265):
سماح بقهرررررررررررر:أقول الحمدلله والشكر... يلعن أم البرود اللي انتن عايشاتن به ... :graaam (138):
ركب ناصر السياره وكلهم كانوا بالسياره....
نزلت آمال من السياره وقعدت تأمّل المكان ...وتقول بنفسها..:graaam (242):(.ياالله معقوله نموت هنا....يعني حنا رسمنا لموتنا
..!!!!....الأرض فاضيه كأننا بعالم خالي ...عايشين لحالنا...المويه قضت...والحر يوووووووووه...يارب...وش
اللي يبي يصير بنا...يارب طلعنا...وش هالورطه؟؟...حتى حنا أهون من بنات خالتي نوره اللي يبون يروحون فيها
لا قالوا لأهلهم انهم طالعات ولا شي....وغير كذا ملابسهم....يارب انت أعلم بنيتنا واننا طالعين بس ندوّر الوناسه اللي فقدناها بحياتنا
اوووف يالشمس حرقتني...المكان الفاضي يخوف.....
.....ياربي ماعاد أعوده ماعاد أسافر مع ناصر بدون
علم أهلي...مو هذي المصيبه...المصيبه إن أبوي دري
وش يبي يصير به مابي أكون سبب موت أغلى
البشر على قلبي...أنا متأكده ان ابوي دري يبي
يموت...مايكفيه (الجلطه)أجي بعد أنا أكملها عليه...
أنا متأكده انه بهذي الطلعه لازم واحد منا يموت يا أنا يا أبوي......
لازم حنا نموت...هذا أحسن شي....(وفتحت آمال الباب بسرعه)
آمال:اسمعوا ياحلوين حنا كذا كذا نبي نموت...والسياره هذي ماهي متحركه من هنا...وأبوي ان دري يا يموت على طول يا انه يدفني ويموت بعدي...
ناصروش رايك دامنا بمكان عالي ندحدر السياره للهويه وحنا بوسطها ونموت...:graaam (244):
سماح:أقول طسي بالله انتي والتفكير:graaam (64)::graaam (191):
أماني وأشواق:إلا صح...صادقه آمال...هذا أحسن حل...أجل وش نسوي!!!!
سماح:خبلات انتن خبلات!!!!تراني مالي وقت لخبالكم...
أماني:بأعلى صوت ياااااربي والله مااتعوده...يارب تطلع السياره...بنات استغفروا
ناصر قعد يفكر بكلام آمال.....ومساندة أماني وأشواق معها....صح كلامهم...؟؟أسوي اللي يقولونه؟؟
وبكذا انتهى ثاني جــــــــزء من أجزاء هالقصه...
أتمنى انه يكون نال اعجابكم...وانا تحت أمركم عن أي استفسار تبونه...
أختكم حيـــــاتي ابتسامه:graaam (278):
شوفوا وش يصير بالجزء الثالث من أحداث مهمه جدا ومشوقه....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الجـــــــــــــــــــزء الثالث:
:graaam (272):
حسيـــن الجسمي وش فيك تركض وش بلاك
وش اللي تتزاحم عليه
وشفيك تركض واش بلاك
وايش اللذي تتزاحم عليه
ليش اللذي تكمى كفاه
ليش اللذي مو بيديك تبيه
لو كل احد راضي وقنوع
لو مافي شي اسمه طمع
ماكان في هالدنيا جوع
ماكان مركبنا طبع
بس منه يسمع او يجييك
غريب يا ابن ادم غريب
المال كلمه والامل
كلمه بها نفس الحضور
شيئيين من دون العقل
تحيا بهم بس ما اتشوف
ناسي انه هالدنيا نصيب
غريب يا ابن ادم غريب
غريب يا ابن ادم غريب
نزل ناصر من السيــــــاره وقعد يحاول فيها من جديد...(عنده أمل هههههههههه).......نزلت وراه آمال.....تشوف ايش يسوي
ونزلوا معه اشواق واماني وسماح
ووقفوا عند الكبوت يشوفون وش صار
آمال :؟تتوقع تشتغل؟؟:graaam (17):
ناصر:مدري بس اذا انها من القير مستحيل:graaam (28):
آمال وأماني وأشواق وسماح:ياااارب تصلح ياربي ماعاد نعوده:graaam (273)::graaam (69)::graaam (220):
ناصروهو يطالع بهم مستغرب:والله لأعيده:graaam (61):
آمال :يلعن جدفك خلنا نطلع من هالورطه الحين
ناصر:أقول والله أعيده
سمعنا صوت سياره جايّه... انتظرنا:graaam (242):..طلعت (أمن الطرق)....
ناصر: يأشر لآمال بيده ويقول طسي اركبي
آمال:وجع داريه انت تعلمني يعني:graaam (199):
ناصر:أقول طسي يالله انقلعي
ركبت آمال السياره....نزل الرجال وقعد يقوله ناصر عن كل شي...وانه يمكن من القير أو الحراره...
الرجّال:طيب اصبر نسوي اشتراك ونشوف
ناصر :طيب
الرجال رااح يجيب توصيلات الاشتراك.... عشان يشبكهن بالجمس.....ركب ناصر ومدري وش اللي خلاه يمسك المفتاح
حق السياره بيده ويكبس عليه
(السيـــــــــــــــــــــــــــــــــاره اشتغلت....)
كلنا حسينا انه حلم ..وقمنا نصااااااااااااااااااارخ...وااااااااااااااااااااااا ااااااااااااااااااااااااا
هههههههههههههههههههههههههههههههههه
سماح تصارخ وتصيح ودموعها اربع اربع...
.أشواق :اسرع يا ناااااااااااااااصر اسرع يالللللللللللللللللللللللللللللللللللللللا وااااااااااااااااااااااااااااااااااااااااااااااااا ا
وأماني وآمال خامّــــــين بعض ويصارخون بكل قوتهن....وااااااااااااااااا الحمدلله الحمدلله...
ناصر:بكل ماعطاه ربي من قوه...حط السرعه على آخر شي....(عععععععععععععععععن ععععععععن)
بكينا كلنا من قلب....وكلنا نقول بدون شعور (اسرع اسرع ايوه بعد....)
أماني :وينه هالشرطي هذا
آمال :أي والله وجهه خير
أماني:والله ابي احب راسه...أبي أتزوجه
آمال:أي والله انك صادقه الله يوفقه ويسعده
أماني:والله اني حبيته يسعده ربي ويوفقه وجه الخيييييييييييييييييير
قعدنا يمكن (5) دقايق وحنا بس نضحك بس نضحك ياناس....هسترنا...وبعد ماهدينا وصحينا من الحلم... وبلحظة صمت
بكل تعجُّــــــــــــب...
:graaam (193)::graaam (162)::graaam (2):
أشواق:صراحه ...طاح الجمــــس من عيني
أماني: ههههههههههههههههههههاي والله وهالعين اللي طاح منها عاد.........
:graaam (312):
مشينا بسرعه فائقه...نسينا العطش...مانحس بالحر....نحس اننا بقمة الإنتعاش صراحه...ربي رحمنا....وصلنا للمحطه الوحيده بين ديرتنا والقريه التعيسه...
وقفنا عندها ...
آمال:خلونا ننزل به سوبر ماركت
ناصر:أي سوبر ماركت الله يهداك(دكان)مدري نص دكان عايف أبو أمه
أماني:إلا خلونا ننزل نشّري حوسه وعصيرات
سماح:يالله يالله ....(وتنزل من السياره)
فتحنا البيبان بسرعه...ونزلنا ركض...عبايات مغبره...بنات خبلات بكل معنى الخبال...جانا ضحك موطبيعي..
دخلنا (الدكان).....كان دكان قديـــــم ...وكل البطاطس (الشيبس) القديم به...حتى ابو بيض الحمام...وكرك كراك اللي به نوعين واحد لون كيسه أحمر وواحد أصفر....الدكان كأنه سيب طويــــل...ماهي متوفره به كل الأغراض طبعا...
ناصر:عندك فيش نبي نشحن الجوال شوي...
أماني :آمال والله ماتدفعين أنا أدفع...
آمال:أقول طسي...
أشواق: (وهي واقفه عند ثلاجة العصيرات...وش تبون يالله)
سماح:أهم شي شاني
أماني: وأنا جيبي لي بعد مويه
قعدنا نتنخبش ونتخانق على مين يدفع ودفعنا وطلعنا....
آمال وين ناصر؟؟؟؟ !!!!
أشواق :مدري تو كان معنا...
أماني : راح راح يغسل وجهه بحمامهم (وانتم بكرامه) ويجي...
ناصر جا وراسه كله معبى مويه ...(بعذرررررررررررره)
ركب وشغلنا السياره ومشينا.....وقفت بنا قبل ديرتنا ب20 كيلو تقريبا ...وجونا اثنين من أمن الطرق نحيفين بالحيل...وقفوا معنا وقاموا جابوا من عندهم مويه ...وكبوا على نفس الكبوت مويه والحمدلله رجعت الحراره
منخفضه...بس بعد ثلث ساعه تقريبا...الله يوفقهم كانوا قاعدين معنا بعز الحر لين اشتغلت السياره...
لفينا أخيرا...وأول مادخلنا ديرتنا الكئيبه...على الطول أول شي الجوالات...
رنننننننننننننننن رننننننننننننننننن رنننننننننننننننننننننننننننننننننن
أبوي ...وخالتي نوره....
وأبوي يخانق بالحيل ..وخصوصا علي زي ماقال (الذوها )...(يعني الخبله الرفله)>>>كوالا
أشواق يدها على قلبها...أمها تخانق وتستناهم...
أشواق:الله يستر كيف ندخل الحين وحنا كذا...ياويلي:graaam (147):
سماح:من يوم تدخلين انطلقي فوق لغرفتك
أماني:والله لتلعن ابو جدفنا
قربنا لشارع بيتهم...كان فيه اشاره وقفنا عندها..على يميننا فيه صرافة بنك الرياض...ولعت الاشاره خضرا
ومشينا...يسار ولفينا على لفة بيتهم الا السياره وقفت ...عاد عنّدت هالمره وعيت مير ترجع ورى ابد...
كان على يمينا مكتب عقار وبوفيه ...
حاول ناصر يسوي شي بس عيت.....
ناصر:يووووه الحراره بدت ترتفع..
آمال:أماني وأشواق خلاص انتم روحوا....بسرعه
أشواق:بسرعه يالله أماني خلينا نشيل الأغراض...
أماني:انتي يالخبله وشلون ندخل كذا...والكيس هذا اللي به بنطلونك
آمال :هيه أشواق خلو كيس بنطلونك...حنا ناخذه معنا نغسله ونجيبه لك...
سماح:يالله طسّــــن بسرعه.....
خذت أشواق السله اللي به الأغراض....وساعدتها أماني بشيل الأكياس...بس خلوا الخليه...(الدنيا حر....نااااار)
طلع من المكتب رجال كبير بالعمر لابس ثوب أبيض وغتره بيضا...دبدوب...له لحيه بيضا...
الرجال:يا ولد ياولد...ارجع على ورى...
ناصر:السياره ما تتحرك..(ومو هذي المشكله ...المشكله انه قدامنا سياره كابريس بيضا...وحنا وراها والجمس مايرجع على ورى مدري وش فيه القير...بس يقدم قدام وان قدمنا صدمنا السياره)
الرجال:اووووووه
ناصر:طيب خل راع السياره اللي قدامنا يطلع سيارته يا عمي
الرجال:(بكل بساطه)...السياره هذي خربانه...
سماح بصوت عالي:يوووووه والله ماني متحمله هالحر ابي انزل عند بيت خالتي نوره اذا صلحت ناديني ...:graaam (243):
آمال وهي بدون حيل:يووه يا سماح أقول انطقي الحين تصلح...:graaam (20):
سماح وهي تنزل:أقول ماني متحمله ,,,,وتقفل الباب بكل قوته(طااااااااااااااااااااع)
وراحت لبيت خالتي نوره
عاد سماح بسرعه تحتر ...حنا مسمينها (الدفّـــــايه لأنها دايم حاااااااره):graaam (84):
جا الرجال معنا وقاعد يحاول هو وناصر يخلون السياره ترجع ورى بس بدون فايده...كان صاحب البوفيه واحد أسمر
طويل ونحيف...عنده واحد معه صغير يمكن عمره 9 سنوات... يمكن يكون اخو هاو ولده وقعدوا يساعدوننا...وبعد ماطفت السياره عشان الحراره
الرجال الأسمر: (بصوت عالي)روح ياولد جيب المويه من السطل
الولد : طيب..وراح يركض وجاب سطل مويه واعطاه اياه
كبوا المويه فوق الكبوت بس باقي مابردت.....
(اللـــــــــــّــــــه أكبــــر ..اللــــــــــــــّـــــه أكبر...أشهد أن لا إله إلا الله...
أشهد أن محمدا رسول الله...حي على الصلاه حي على الفلاح ...)
أذن الظهر...الساعه 12 ونص...وحنا باقي...قفلوا المحلات...ومكتب العقار الصغير ماعدا البوفيه... الحمدلله الرجال
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك