رواية احبك يا عذابي -2
فيصل:امووت انا على اللي يتغزلون يمه انتي كبرتي على الخجل
بوفيصل:بسم الله انت من وين طلعت
فيصل:من بطن امي يالله يالله انتو بسياره واحنا بسياره علشان تاخذون راحتكم بالغزل
بوفيصل:احسن
فيصل:يبه حرام عليك احرجت امي
ام فيصل:فيصل خلاص روح احنا نلحقكم
فيصل:ههآي قديمه يام فيصل انا ايش دراني ياخذكم الكلام ووو ماكمل قعد يضحك
بوفيصل:ياولد استحي يالله مشينا
فيصل:ههههههههههههآآآي
راحوا كلهم طبعا اول من وصل عايلة بوخالد لانهم من زمان حركوا
دخلوا عيله بوفيصل
سارا واقفه عند الباب
سارا:عمي بوفيصل
بوفيصل:هلا يبه كيفك
سارا:اول شئ السلام (وقربت من عمها وسلمت عليه وحبته على راسه )
سارا:هاللحين تقدر تسأل عن الاحوال
بوفيصل:هههههههههه كيفك
سارا:انا واقفه قدامك مثل الحصان تمام لفت على فيصل
سارا:كيفك ياولد عمي وقلبها يدق كل ماشافت فيصل ماتدري ليه
فيصل:الحمدلله
سارا:هيا بنات بسرررعه
شهد:على وين
سارا:على جهنم يعني على وين ريم فوق بنطلع لها
شيماء:يالله بس ها نبي ننتظر الهنوف والعنود
سارا:بعد انا ابيهم يالله
تو بيتحركون الا ريم: هاه زين ماطلعتوا
سارا:ايه والله انه زين
ريم:ييييييييه ابوك يالنذاله
شهد:اسمع صوت سيارات
ريم:اكيد عمي بوعادل وعمتي هند
شوي كذا الا تدخل العمه هند وعمهم بوعادل وعادل ودانه معهم
نعرفكم بالعمه هند(طيوبه وحلوه وتحب الخرجات زوجها متوفي من خمس سنوات وعندها بنت اللي هي العنود وولد اسمه تركي العنود حلوه تحب الخرجات وتحب امها واخوها حييييل كشخه ع الاخر شعرها ناعم وقاصة قصة الفراوله وعيونها نعسانه وبيضاء وفمها صغير وخدودها مليانه وجسمها مرررررررره خطير ناعمه وهاديه تركي\حلووو وشخصية جدا قويه وقت الجد جد وقت المزح مزح حتى لو احد سبه يدخل من هنا ويخرج من هنا ويزعل لشئ وحيد للي يسب ابوه )
سارا تموت على عمتها هند راحت زي الطير عليها
سارا:هلا والله بعمتي هلا بنوري وهلا بدنيتي شلونك شخبارك
العمه :وي سارا يمه خليني القط نفسي
سارا:انزين كان رديت وقلتي بخير
فيصل واقف يطالع سارا ويقول في نفسه (الله من الرجه الزايده سلمت عليها ولا كن احد واقف انزين انا شعلي منها خلها تولي )
سلم على عمته
سلم على عمه بوعادل وسلم على عادل ومشعل
عايله بوعادل تتكون من ولدين وبنت عادل عمره 28 ومتزوج من بنت خالته دانه وحلو وخلوق ومتفهم ويشتغل في الشرطه (نعرف دانه زوجة عادل مره حلوة وطيوبة والكل يحبها ومتفهمة مره )
مشعل ( اللي هو اخو عادل ولد خلوق وطيوب وحلو ومحبوب من الكل بس فيه شوي عصبية عمرة 23)
الهنوف اختهم ( وبنت حلوة وحبوبة ومملوحة وكل الصفات الحلوة فيها وتموت في بنات عمهاعمرها 20)
المهم سارا حست بنظرات فيصل بس تجاهلته
فيصل استغرب من نفسه واستاذن وطلع
والبنات طلعوا برا في الحديقة وسوالف ولعب وفرفشة وناسة
العنود:بنات شو رايكم نلعب كورة
البنات : يالله ماعندنا مانع
سارا:احنا فريق النصر وانتم اختاروا اممممممم الاتحاد
ريم :وعععععععععع شو الاتحاد لا نبي الاهلي
االهنوف يالله : انا من الحين فريقي النصروكل وحده تختار
سارا : القائدة
وتقسموا البنات ولعبوا طبعا فريق سارا غلب فريق العنود
وجاء وقت العشاء وراحوا البنات للعشاء
بعد العشاء
سارا: بنات يالله طفش نبي نسبح
تناقزوا البنات يااااهووووووو
شيماء :بس لازم نقول للعيال
سارا :لا الحين يقولون لا احنا نبي نسبح
شهد : وانت الصادقة خلينا نسبح من غير مايدرون نحطهم امام الامرالواقع
وكل وحدة لبست
وضحك ووناسة
الا صوت من بارا يالله فيصل يالله انا سابقكم على المسبح
طلعوا البنات جري قبل لا يجي واخر وحده طلعت هي سار
الا توها طالعة من باب المسبح الا عيونها في عيون فيصل
فيصل مانزل عيونه يقول الله يارب شو ذا الجمال
سارا كمان انتبهت لنفسها
وعصبت :هي انت وش فيه
فيصل انحرج وبعد عن طريقها
وسارا راحت وهي مره خجلانه وعلى طول طلعت غرفتها وبدلت ملابسها
وقعدت تفكر في فيصل وكيف خلى كل جسمها يرجف وجلست تصيح
ياربي انا وش فيني كل ماشفته احس بشعور غريب
وجلست تصيح لحد مارقدت
عند الشباب جلس فيصل لوحده يفكر انا ليش سمحت لنفسي اني اطالع فيها
ولا اشيل عيني عنها لكن هي مره حلوه وتنهد وقال اعوذ بالله من الشيطان استغفر الله
الحين وش تبي تقول عني وجلس يفكر لحد ماتعب ورقد
في اليوم الثاني قامت سارا بدري وراسها يبي ينفجر وتوضت وصلت
وراحت وشربت شاهي مع البنات قالت يمكن من الشاهي ولا خف الا بعد شو
وجاء وقت الغدا وتغدوا ودق خالد على سارا
خالد: الو هلا سارا اخبارك
سارا بصوت تعبان :تمام كيفك انت
خالد بقلق :تمام سارا وش فيه صوتك
سارا تبتسم : لا مافيني شيء بس توني صاحية كيف تبي صوت يكون
خالد:ههههههههههه ماعليه بس كنت ابي شاحنك
سارا:وين شاحنك
خالد :الاخ فيصل ماجاب شاحنه واخذ شاحني
سارا: اوكي الحين امده لك عند الباب
وقفلت من عند خالد وقامت واخذت الشاحن علشان توديه
خالد واخذت شيلتها ومشت والا هي تصدم بواحد خافت سارا ورفعت راسها الا هو فيصل
وتو فيصل يبي يتكل الا دخل عليهم واحد بصوت عالي
........ : ســـــــارا
~..~..~..~..~..~..~..~..~..~..~..~..~..~..~
الجزء الثالث
وناظرت سارا في بندر
بندر مسك فيصل من كتوفه وعطاه كف
فيصل انصدم باللي صار قام رد الكف لبندر
الا سارا تصيح : لا يابندر لا
في ذي اللحظة دخل خالد
وش فيه وفرق بينهم
وبندر والشرر يتطاير من عينه :والله لاوريك يافيصل الكلب
فيصل بصوت عالي : والله ماكلب غيرك وحقير لكن والله ان الحشيمة لعمي مو لك يالحقير
سارا لسه جالسة تصيح
وراحت مع الدرج تجري ودخلت غرفتها وجلست تصيح
الشباب على صوت الهواش جو
مشعل: خير وش فيه
تركي : ياجماعة صلوا على لنبي
الكل : عليه الصلاة والسلام
خالد : مافي الا الخير ان شالله
خالد لف على بندر وبصوت حاد :انت فاهم غلط
بندر : وشلون غلط وانا شفتهم مع بعض تعال فهمني
خالد : انا قلت لها تجيب الشاحن
وفيصل بعصبية : وانا كنت داش ابي اكلم اختي
وبندر حس بغلطه بس ماحب يبين : هين يصير خير
ورجع الغرفة
عادل : يالله حصل خير
تركي ينغز فيصل : احلى ياحركات
فيصل : تركي ترا مو ناقصك انت الثاني
تركي : حلوه الكشمة بس لاتعيدها
غصب عنه فيصل ضحك
خالد: فيصل امسحها بوجهي
فيصل : لاتقول كذا ياخالد بعدين احنا اهل
خالد : بس
فيصل : لا بس ولا شيء انسى الموضوع
وجلسوا ضحك وسوالف ونسوا الموضوع ولا كان شيء صار
اما سارا فجلست تبكي الين مانامت
ريم : بنات وين سارا
شهد : مدري من يوم ماطلعت لخالد ماردت
العنود: لايكون طلعت معاه من دون لا تقول لنا
الهنوف : اما انتي عليك تخيلات مستحيل سارا تعملها
شيماء : انا ابي اروح ادورها
وقامت شيماء وطلعت من عند البنات
وصدمت بخالد طالع من المطبخ وناظرته
وجلس اهو يتامل جمالها
اشوي الا ارخى راسه : معليش يا
شيماء : شيماء وحصل خير
الا هي دخلت الطبخ
الا نادها خالد: شيماء
شيماء مستغربة : هلا
خالد : شيماء شفتي سارا
شيماء : لا توني قلت ابي اروح ادورها
خالد : ارجوك هديها
شيماء بخوف: ليه وش فيها
خالد: اطلعي لها وانتي تعرفين
وراح خالد وشيماء على طول طلعت عند سارا ودقت الباب ودخلت
لقت سارا تبكي بمنظر يقطع القلب وراحت وحضنتها
شيماء :سارا وش فيه
سارا : ..........
شيماء وعلى وشك تصيح : سارا واللي يسلمك وش فيه
سارا: ليش انا يصير معي كذا
شيماء : سارا ايش السالفة
سارا : تخيلي ياشيماء اخوي يشك فيني ومع مين مع ولد عمي
وزاد صياح سارا وبكت معاها شيماء
شيماء : اخوك مين
سارا بصوت باكي : بندر يشك فيني انا انا وفيصل
شيماء شهقت : لــــــــيه
وحكت لها سارا السالفة
وجلست تصيح لما هدت ونزلت عند البنات
شهد : الله هذا كله تودين الشاحن لاخوك
ريم : وانتي هذا كله تدورين عليها
شيماء : لا اسرار وماتصلح لكم كنا نقولها وخلصنا منها وجينا
الهنوف : الله كل ذا اسرار
العنود: وشي ذي الاسرار ياكوندليزا رايس
سارا : والله شين وقوات عين وانتم وش دخلكم اسرار بيني وبين بنت عمي
وحضنت شيماء وضحك وناسة وجاء وقت العشاء
وتعشوا وسهروا البنات
ريم بنات طفش نبي نطلع
شيماء : جد والله انا ابي اروح اكلم فيصل
: العنود : كفو والله فيك الخير
واتصلت على جوال فيصل
فيصل : هلا شيماء
شيماء : هلا فيصل كنت ابي اطلب طلب ممكن
فيصل : امري
شيماء نبيك تتطلعنا
فيصل : هذا الوقت
:شيماء : ليه بدري الساعة توها وحده
فيصل : اوكي يالله لاتتاخروترا انا برا
شيماء بفرح : اوكي ياحلى اخو بذي الدنيا بااي
فيصل يضحك على خبال اخته
خالد: على شو تضحك
فيصل : ابد البنات يبون يطلعون تتطلع معانا
خالد فرحان لانه يبي يشوف شيماء : يالله وش ورانا
والبنات بالقوة لما وافقت سارا انها تطلع معاهم
وطلعوا البنات
ركبت سارا وهي متفشلة ورا فيصل على طول
اما شيماء كانت فرحانه لان خالد يبي يروح ماتدري ليش هالفرح والاهتمام
وفيصل هو اللي يسوق وكل شوي يطالع سارا بالمرايا
ورفعت سارا عينها وطاحت في عين فيصل
ونزلت عينها على طول
وفيصل ابتسم
وكل شوي تطيح عين فيصل بعين سارا
وسارا مره منحرجة من فيصل ونظراته لها
وضحك وناسة وفرفشة وجلسوا يلفلفون بالسياره
ريم : يالله خلاص هيا انا ابي ارقد
الهنوف : صدق تعبنا نبي النوم
ورجعوا البيت وناموا ماعدا سارا اللي جلست تفكر بفيصل
واعترفت انها بدت تحبه وجلست تفكر لما نامت
وفيصل نفس الشيء
يفكر في سارا وجمالها واعترف انها حبها وانه مايقدر يعيش من دونها
اتمنى هالبارت يعجبكم
انا اسفه ع التأخير بس الاتصال انقطع علي وماقدرت انزل البارت
اليوم الثالث في المزرعه
ريم:سارا
سارا:همممممممم
ريم:بسك نوم الساعه 2الظهر
سارا:يوووووه عساها 3 ايش اسوي لها
ريم:اقول قومي ترا ابوي تحت ينادي يقول انه راح نمشي الساعه 6 المغرب
سارا:يوووووووه قايمه قايمه
قامت سارا ودخلت الحمام
سارا:ريوم الله لايهينك طلعي لي ملابس طلبتك
ريم:خدامتك وانا مادري
سارا:امانه بسرعه لاني ابي اتوضأ واطلع واصلي ومره ثانيه ارد واخذ شاور عالسريع ياريوووم لاترديني
ريم:اصلا انتي تعرفين الساعه كم
سارا:ايه مهبوله يعني ماسرع مانسى قلتي لي 2
توها طالعه وهي متوضيه
ريم بابتسامه:لا ياقلبي الساعه 9ونص الصبح
سارا بققت عيونها :نعم نعم وليش ماقلتي لي
ريم:مايبغى لها غباء علشان تقومين
سارا:الله يخزيك يالحيوانه
ريم:طيييييييب والله اني ماطلع لك ملابس
سارا:اقلبي وجهك مابغاك تتطلعين لي مالي يد
ريم:طيب ياسوييييييير والله لاوريك
سارا:ههههههههههآآآآي مشى المقلب
ريم:لا حبيبتي ذا مومقلب
سارا:اجل ايش ياحلوووو
ريم:جد ياعفن
سارا قلبت:والله ماعفن غيرك ياتبن برا يالله
ريم:اهبب عليك تبيني اطلع وانا مابدلت ببجامتي
سارا طلعت لها بنطلون برمودا جينز لونها رصاصي وفيه رفعات من عند الرجل وبلوزه لونها وردي وفيها من الوسط شخابيط باللون الرصاصي وبوت لونه وردي وعليه ربطات باللون الرصاصي ومعها ربطه على الرقبه لونها وردي ورصاصي وطلعت لها شباصه ولمت بها شعرها وخلت خصلتها على وجهها
وريم طلعت لها بنطلون لونه اسود وفيه من عند الركبه الى نص الساق حروف انجليزيه باللون الاحمر وبلوزه لونها احمر وفيها قلب اسود وجزمه(اكرمكم الله)اسود واحمر
سارا تبي تنزل الاريم تناديها
ريم:سارا تبين تنزلين كذا
سارا:يوووه عطيني شيلتي
ونزلوا سارا وريم لتحت وصادفوا تركي
تركي :السلام عليكم يابنات العم
ريم وسارا:وعليكم السلام
تركي:لاهنتوا وحده منكم تنادي لي العنود
ريم:ان شالله
دخلوا سار وريم جوا
ريم وسارا:السلام عليكم
الكل :وعليكم السلام
ريم:العنود تركي برا يبيك
العنود:يبيني انا
ريم:لا اللي جنبك حمدلله على الغباء فيه وحده اسمها العنود غيرك
العنود راحت لتركي
شيماء:بنات طفش
الهنوف :ايه والله
ريم:ايش رايكم امممممم
شهد بسرعه:ايش رايكم نركب دبابات
ريم:ايه والله
سارا:والله انك خطييييره يابنت عمي
شهد:طالعه على بنت عمي سارا
سارا تبوسها :تسلمين ياقلبي الزين مايجي الا من زين
شهد:ههههههههههههه وين اروح عنك
دخلت العنود
ريم:العنود بنروح نلعب دبابت
العنود:لالا والله خايفه من تركي
سارا:ياشيخه بلا هم بلا تركي فليها
العنود:سارا انا العنود
سارا بتريقه:امانه حسبتك الهنوف
البنات:هههههههههههآآي
العنود:هههه لا يامجنونه اقصد عندي تركي يمنعني موزيك
سارا بمسخره:ههه ياضعيفه والله انهم اخس من تركي بس انا اسوي اللي براسي وبعدين هي كلها هرج والهرج ياحبيبتي ببلاش يهرجون ويسكتون ماعليكِ
ريم:ايه والله خليك زينا مرره خالد قعد يهاوشنا يوم رحنا يقول ليه تروحون بالدباب موعيب عليكم وكلها خصام وانا وسارا نضحك خليكِ مثلنا
الهنوف:يابنات انتو بتخربون البنت
سارا:عادي
شهد:انتي ياسارا كله ايزي عندك مافي مشكله
سارا:ليه بيموتوني
الهنوف:يووووووه امشوا الوقت بيروح
البنات: يالله
راحوا لبنات يلعبون دبابات
ريم:بنات هاللحين يهاوش بندر تعرفينه
سارا:ايه والله روحي له ياريم
ريم تأشربيدها:والله ماروح
سارا:ريم تكفين
ريم:لا..لا..لا
سارا:الا.. الا.. الا
البنات :يالله ريم
شيماء:حطيهم امام الامر الواقع
شهد:روحي وقولي ياعيال لااحد يجي عند الدبابات لان البنات عندها
ريم:من عيوني اومر ثانيه
سارا:ايه الله لايهينك كاس ماي
ريم:اقلبي وجهك
ريم : يالله بنات والله مولازم يعرفوا العيال
سارا : انا رايحه اللي تجي الله يحيها والله خايفة تنثبر تشاااااااااااااو
ولحقوها البنات
ولعبوا وانبسطوا الا صوت العيال
ودخلوا على البنات
سارا بصوت عالي:ارجعوا احنا موجدين
وطلعوا البنات الا خالد مسك خواته
خالد بعصبية : هين ليه ماقلتوا لنا انا اوريكم
ريم كمان بعصبيه: وانت وش دخلك موشغلك
خالد وصته يعلى : انت اصلا قليلة ادب
ريم : كل يرى الناس بعين طبعه وانا الحمدلله مو قليلة ادب
خالد رفع يده واعطاها كف قدام عيال عمها والبنات
ريم والدموع في عينها : والله لاوريك ياخالد ومشت
سارا تناظر خالد باحتقار : للاسف انت مو اخو انت
وما كملت كلامها لانها لحقت اختها
طلعوا البنات وراح خالد يلوم نفسه وليش سوا كذا
فيصل : خالد
خالد بضيق : نعم فيصل
فيصل :خلاص هونها وتهون وانا اخوك
خالد تنفس بعمق : اه انا يدي تنمد على اختي الله يلعن الشيطان
فيصل : انت الله يهداك كبرت الموضوع
خالد : نا ادري اني غلطان لكن وش اسوي
فيصل : عادي اعتذر لها وترا البنات بسرعة ترضى
خالد وكانه ارتاح شوي : الله يكون بالعون
الا في ذي اللحظه يدش بندر: انت اشلون تسمح لنفسك تمد يدك على ريم
خالد :مو شغلك وبعدين سيبني في حالي
بندر : هين انا اوريك
وطلع
فيصل : كلم الحين ريم واعتذر لها
خالد اخذ يدق على ريم وهو عارف انها ماراح ترد
ريم شافت الرقم وهي تبكي رمت الجوال
سارا: ريم خلاص والله مايسوى تبكين علشانه
ريم : وللي قاهرني انه ضربني قدام العالم كله
شيماء : خلاص ريم هونيها وتهون
ريم تصارخ : خلاص طلعوا برا ابي انام
وطلعوا وخلوها بمنظر يقطع القلب
خالد جاء عند الحريم وينادي
ام خالد:خير ياولدي وش تبي
خالد :يمه ابي اطلع لغرفة ريم ابيها شوفي الطريق
ام خالد: ادخل يمه ماعندك احد
ودخل خالد في اللحظة اللي نزلت فيها سارا وشيماء
شيماء شافت خالد اللي طاحت عينه بعينها ونزلها وهو في نفسه الله
ملكة جمال
سارا بصوت جاف: ريم ماتبي تشوف احد
خالد ناظرها وطلع
ودق الباب على ريم
ريم بصوت باكي : قلت مابي اشوف احد
دخل خالد وهو يبتسم : ولا حتى انا
ريم ناظرت وشالت عينها
خالد جلس جنبها : ريم حبيبتي والله مايسوى خلاص وانا مابيك تزعلين مني
ريم وهي تتمسخر : ايوه وعرفت انك تفرحني بضربي
خالد : طيب وش يراضيك
ريم وهي تبكي : اني ماشوف وجهك برااااااااااااااااا
خالد ضاق صدره وحط العطر اللي كان جايبه هدية لريم على الطاوله وخرج
وجلست ريم تبكي بكى يقطع القلب
فيصل لما شاف خالد بذي الحال كمان تعكر مزاجه
فيصل : خالد وش فيه
خالد مارد وركب سيارته ومشى بسرعة جنونيه
~~..~..~..~..~..~..~..~..~..~..~..~..~..~..~..~
وجاء الليل وخالد ماجاء وفيصل مره قلقان عليه
ويدق على جواله ماحد يرد
ابو خالد:فيصل وين خالد
فيصل بقلق يحاول يخفيه : مدري ماجاء
ابو فيصل : طيب اتصل على جواله
فيصل : ماحد يرد
ابو خالد : طيب ياولدي روحوا دوروا عليه
قام فيصل واخذ تركي معه وراحوا يدورون على خالد
فيصل:تركي وينه
تركي:فيصل انت مهبول والا تستهبل لو ادري عنه قلت لك
فيصل ضحك ضحكه قلق
تركي:ان شالله نلاقيه اتصل على احد من ربعه يمكن عندهم
فيصل:ان شالله اتصل فيصل على جوالات اصحاب خالد وكل واحد يقول ما قابله
فيصل:ياربي ذا الادمي اقلقني
تركي:ان شالله نلاقيه
فيصل:بس وين وين
~..~..~..~..~..~..~..~..~..~..~..~
سارا بالغرفه مع البنات
سارا:بنات انا ابــ.....ماخلصت كلامها الا يمسكها وجع مع راسها وبسرعه طيري على الباب
البنات يناظرون مستغربين من سارا
العنود:ايش فيها
شيماء:والله مادري خليني اقوم اشوفها
قامت شيماء لسارا اللي كانت ورا الباب طايحه
سارا طايحه وماسكه راسها من الوجع
شيماء شهقت من شكل سارا
شيماء تنزل بمستوى سارا
شيماء:سارا ايش فيك حبيبتي
سارا ماهي قادره تتكلم من الالم
سارا:ش ش شيماء جيبي لي بندول وكاس ماي علت صوتها من الالم وتطيح الارض وهي ماسكه راسها :بسرعه شيماء تكفين تكفين
جوا البنات على صراخ سارا
ريم راحت بسرعه لاختها
سارا :مافيني شئ....مافيني شئ
ريم :شلون مافيك شئ
سارا:وجع خفيف في راسي هاللحين يروح ... شيماء
جات شيماء والبندول معها
عطتها سارا وخذتها سارا بسرعه
سارا :بنات انا ابي انام اوكي بليز لاحد يقومني
راحت سارا ونامت بعد عناء من الالم
..~..~..~..~..~..~..~..~..~..~..~..~..~..~..~..
فيصل راح وتركي يدورون خالد والى الان ماحصلوه
فيصل:ياربي والله قلقت عليه خايف صاير فيه شئ
تركي:ياخوي اذكر الله ولاتشيل هم ان شالله نحصله
فيصل:لااله الاالله
دق جوال فيصل من رقم غريب
فيصل:ياساتر استر
تركي :من هذا
فيصل:والله مادري مادري
رد فيصل:الووو
.......:انت فيصل راشد
فيصل:ايه منو معي
.......:احنا شرطه المرور وصار حادث لـــ خالد عبدالعزيز ونبيك تجي مستشفى.......
فيصل انصدم مو مستوعب الكلام اللي يقوله الشرطي
فيصل استوعب وبصوت مخنوق:وكيف خالد
الشرطي:ماندري عن حالته احنا اللي علينا سويناه والباقي عليكم
فيصل:ايه ايه متقصر جزاك الله الف خير مع السلامه
تركي:فيصل خالد وش فيه
فيصل:في المستشفى مسوي حادث وشرطه المرور تقول ماتدري عن حالته
تركي بقلة حيله:لاحول ولا قوة الا بالله
وصلوا المستشفى وسألوا عن خالد قالوا له في غرفه كذا
راح فيصل وتركي
فيصل لقى الدكتور طالع من الغرفه
تركي:دكتور لوسمحت المريض اللي هنا اسمه خالد عبدالعزيز
الدكتور:ايوه انتو قرايبه
تركي:ايه احنا عيال عمه كيفه يادكتور
الدكتور:الحمدلله هو اصابة خفيفة بس باليد اليسرى وشوية رضوض حتى الحين يخرج معاكم
تركي:الحمدلله بس يادكتور هو فين
الدكتور : تفضلوا في ذيك الغرفة
وراحوا وسلموا على خالد وتحمدوا له بالسلامة وخرجوا
ام خالد وهي قلقانه على ولدها يمه ولدي وش فيه
سارا بتعب: ان شالله مافيه الا الخير
ريم وهي خايفة :يمه انا راح اتصل على بندر
واتصلت ريم على بندر
بندر: هلا ريم
ريم : بندر وين خالد
بندر :الحين جاين من المستشفى
ريم بخوف:مستشفى ليه وش صار
ام خالد:انا ادري ولدي تعبان
بندر : صار له حادث بسيط والحين احنا بالطريق
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك