رواية احبك يا عذابي -3
ام خالد وهي قلقانه على ولدها يمه ولدي وش فيه
سارا بتعب: ان شالله مافيه الا الخير
ريم وهي خايفة :يمه انا راح اتصل على بندر
واتصلت ريم على بندر
بندر: هلا ريم
ريم : بندر وين خالد
بندر :الحين جاين من المستشفى
ريم بخوف:مستشفى ليه وش صار
ام خالد:انا ادري ولدي تعبان
بندر : صار له حادث بسيط والحين احنا بالطريق
ريم :اوكي باااااااااااي
ريم طمنت امها اللي كانت مره خايفة
بندر ينادي : يمه طريق
قاموا البنات ودخلوا
ودخل خالد وبندر
خالد بتعب : السلام عليكم
الكل :وعليكم السلام
ام خالد : هاه انت وش فيك طمني
خالد : ابد يمه بس كسر وشوية رضوض
ام فيصل : الحمدلله على السلامه
خالد: الله يسلمك ياخاله
العمه هند : ماتشوف شر ياولدي وانتبه بعدين
خالد:الشر مايجيك ياعمه
ام عادل : بلاش السرعة ياولدي وانتبه لنفسك بعدين مو كل مره تسلم الجره وماتشوف شر
خالد :الشر مايجيك
ويناظر خواته خالد: وانتم مو فرحانات
سارا: الحمدلله على السلامه
ريم ابتسمت : الحمدلله على السلامه
خالد تطمن لما شاف ريم وسارا ابتسموا
خالد : الله يسلمكم
خالد بصوت واطي : ريم الى الان زعلانه انت وسارا
ريم باتسماه وسلمت على راس اخواها : ماعاش من يزعل من خالد
وجت سارا وسلمت عليه وجلسوا مع بعض وضحك وسوالف
سارا: يالله انا طالعة ابي انام
وقاموا وكل واحد راح ينام
وعدت الايام على خير والكل انبسط وفرح ورجعوا بيوتهم
سارا كل مالها ويزيد التعب
ريم : سارا انت وش فيك
سارا: ..............
ريم:سارا انا احاكيك مااحاكي الطوفه اللي جنبك
سارا:...............
قامت سارا وراحت للحمام تجري وهي تبكي
طلعت كل اللي في بطنها
ريم لحقتها وشافتها
ريم هي تصرخ : سارا وش فيك
سارا: مافي شيء
جات ام خالد : وش فيك ريم تصارخين
ريم : يمه سارا تعبانة توها رجعت
ام خالد بخوف: وش فيك يمه سارا
سارا ابتسمت تبي تطمن امها: يمه الله يهديك مافيني شيء بس بطني شوي يعورني والحين ارتحت
ام خالد مامشت عليها كذبت سارا: انا ابي اكلم واحد من خوانك يوديك المستشفى
سارا : ماله داعي يمه
ريم : الا له داعي
في ذي اللحظة دق التلفون راحت سار ردت
سارا: الو
شيماء: هلا سارا وش اخبارك
سارا : تمام وش اخبارك انتي
شيماء: تمام الا اقول سارا وش رايك تجين عندنا
سارا مافيها تروح وهي تعبانة: اسفة شيماء
شيماء قاطعتها وهي زعلانة: اوكي بااااااااااي
سارا: خلاص جاية
شيماء بفرح : اوكي بس جيبي معاك ريم بااااااي
سارا بنفسها :يالله مافيني اجي
ام خالد : مين يمه سارا
سارا: هذي شيماء تبيني اجي عندها انا وريم
ام خالد : بس انتي تعبانة
سارا : لاتعبانة ولا شيء
دخل ابو خالد الصالة : السلام عليكم
الكل :وعليكم السلام
قامت سارا وسلمت على ابوها
سارا : يبه ابي اروح انا وريم بيت عمي بو فيصل
ابو خالد : خلاص يبه ماعندي مانع بس متى جايين
سارا: مادري على حسب
وطلعت سارا دقت الباب على ريم
سارا:يالله ريوم بسرعه ابي اخذ لي شاور ع السريع وابدل ملابسي ونروح لشيوم لها ساعه تتصل
ريم:يوووووه ماطول كلامك ياسارا طيب طيب
فتحت الباب ريم ودخلت سارا واخذت شاور بسرعه وبدلت ولبست بنطلون جينز وبدي اورنجي
وعليه جكيت لون موف
وريم لابسه تنورة قصيرة لنص الساق جينز لونها اسود ضيقه من عند الخصر ووسيعه من نص الفخذ واطرافها لون ذهبي وبلوزه لونها ذهبي ومن عند الصدر كرانيش لونها اسود وذهبي وفي الوسط كلام انجليزي واطراف البلوزه ذهبي
ومشوا لبيت عمهم
شيماء : هلا والله في بنات عمي
سارا: هلا فيك
وسلمت عليهم ودخلتهم المجلس وسارا تكح وباين عليها انها تعبانة
شيماء:سارا وش فيك
سارا : كح كح مافيني شيء بس اشوي تعبانة
شيماء : ماتشوفين شر
سارا: الشر مايجيك
شيماء: خل الحق على فيصل يجيب اغراض لنا من البقالة
وراحت شيماء
سارا حست بصداع فضيع ماقدرت تتحمل
ريم بخوف: سارا وش فيك
ساراماسكه راسها بقوة وتصيح :آآآآآآآآآآآآه آآآآآآآآآآآآآآه
ريم تصيح : ســــــارا
شيماء جات تجري على الصياح : وش فيكم
ريم وهي تبكي: مادري عن سارا
وسارا الى الان تصيح وماقدرت تستحمل واغمي عليها
ريم تصيح هي وشيماء : ســــــــــــــارا
فيصل من ورا الباب: وش فيكم
شيماء فيصل الحق علينا سارا ماتت
فيصل انهبل لما عرف ان سارا تبي تموت ودخل عليهم ويحرك بسارا
وسارا لا حياة لمن تنادي
فيصل: شيماء جيبي العباية
وراحت شيماء وجابتها ولبسوها سارا
وريم في الغرفة الثانية وهي تبكي : فيصل ابي اروح
فيصل : طيب يالله بسرعة وشال سارا وبسرعة وصلوا المستشفى وسارا اللى الان وهي فاقدة الوعي
طلع الدكتور
الدكتور : انت اخوها
فيصل : لا ولد عمها وهذي( اشر على ريم) اختها
الدكتور : امال وين ابوها اخوها او زوجها
فيصل عصب من الدكتور : وش فيها يادكتور
الدكتور : ممكن تتصل على احد من اهلها
فيصل: ريم اجلسي عندها
وراح مع الدكتور وهو خايف
الدكتور : انا مراح اقول اي شيء الا لما يجي واحد من اهلها
فيصل عصب وقال: انا اهلها كلهم بس قول يادكتور
الدكتور:ماقدر
فيصل اتصل على جوال خالد ولقاه مقفل
وراح اتصل على البيت رد عليه بندر : الو
فيصل : الو بندر
بندر بعصبية : خير وش فيه
فيصل : وين خالد
بندر : نايم ويالله مع السلامة
فيصل : بندر بندر
بندر : نعم
فيصل : ترا سارا في المستشفي تعال واعطاه العنوان
وجاء خالد وبندر
خالد: خير وش فيه
فيصل : الدكتور مارضى يقول لي شيء
الدكتور انتم اخوانها
بندر : ايوه
الدكتور : انا راح اقول لكم كل شيء من دون مقدمات ترا احنا مو متاكدين
خالد بخوف: وش فيه يادكتور
الدكتور رخى راسه وقال: اشتباه ورم
خالد : لاااااااااااااااااااااااااا
نزل الخبر عليهم مثل الصاعقة
وانتظرونا في الجزء القادم
وش تتوقعون يصير لسارا
هل يطلع المرض اللي مع سارا حقيقه مروعه لاهله والا مثل ماقال الدكتور اشتباه
فيصل ايش راح يسوي
وهلها لما يعرفون بالخبر وش راح يسووا
كل هذا بالجزء الجاااي
هذا البارت طويل
الدكتور رخى راسه وقال: اشتباه ورم
خالد : لاااااااااااااااااااااااااا
نزل الخبر عليهم مثل الصاعقة
خالد وبندر وفيصل مو مصدقين خالد راح مسك الدكتور من عند رقبته
خالد:انت تكذب اشتباه ايش هي امس تضحك معنا مافيها شئ
الدكتور يفك يد خالد :احنا قلنا ماحنا متاكدين راح نعمل لها فحوصات وان شالله بكره بالكثير راح نعرف
راحوا كلهم وكانت ريم واقفه تناظرهم مستغربه من وجيهم اللي ماتبشر بخير
راحوا بيتهم
خالد على فراشه يكلم نفسه:ياربي مرضها مايطلع يارب يارب يطلع اشاعه يارب هذي سارا سارا اللي صوت ضحكتها بكل مكان ابتسامتها اللي تشفي الجراح تموت تموت وهي بعمر الزهور يارب كله كذب يارب
انا مارح اقول لاهلي والعيال تاكدنا انهم مارح يقولون لاحد الى ان نتاكد من الفحوصات يارب سترك يارب سترك
بندر على فراشه يكلم نفسه:سارا سارا تموت ابتسم بسخريه وكمل:لا سارا ماتموت سارا اللي تمشي وتنشر الضحكه بكل مكان تموت لاااااااااااااااا استغفر الله يارب اسغفر الله
فيصل حالته لاتسر لاصديق ولاعدو وريم قاعده تقول انه في شئ خطير في سارا والا ماكتئبوا كلهم كذا وقعدت تبكي الا ان قالت آمين
{اليوم الثاني}
خالد قام بسرعه وزي الطير قوم بندر واتصل على فيصل يروح قبلهم المستشفى
وراح خالد وبندر المستشفى وحصلوا فيصل سبقهم
بندر راح للدكتور قال له النتيجه بعد ساعه الا ربع تتطلع
وخالد وفيصل راحوا لسارا
خالد دخل على سارا وقال لفيصل يستنى شوي وسمعوا صوت صرخ سارا
خالد اول مادخل الغرفه لقى ممرضتين ماسكين سارا والدكتور يعطيها مهدئ
سارا:آآآآآآآآآآآآآآآآه آآآآآآآآه راسي راسي حرام عليكم (اول مالمحت خالد)
سارا:خالد تكفى تكفى طلعني (وتبعد يد الممرضه )
خالد راح لسارا ويحاول يهديها وسارا كل شوي تشد بالفراش حقها والا تخبط براسها على حديده السرير وفي النهايه هدوها واعطوها المهدئ
قعدوا ربع ساعه في الانتظار ينتظرون الدكتور
الدكتور اخيرا طلع وقاموا له زي الطير
خالد:دكتور كيفها سارا ان شالله طلع كذب
الدكتور رخى راسه وقال:للاسف طلع صح ولحاله متطورة بس الحمدلله نقدر مع العلاج بعمليه
خالد طاح ع الارض مو مصدق وبندر قعد ع الكرسي وحط راسه بين ايدينه وفيصل قعد واقف مصدوم
فيصل يمشي بهدوئ اللين راح لبندر
فيصل:بندر اذكر الله يابندر وهذا قضاء وقدره وان شالله في امل انت ماسمعت الدكتور يقول يقدر بإذن الله
بندر رفع راسه وناظر فيصل بحزن ورد سوى نفس الحركه
فيصل قام لخالد
فيصل:خالد ياخوي حرام تسوي بنفسك كذا وانا اخوك هذا قضاء الله وقدره
خالد وعيونه صغرت وبصوت كسير:فيصل هذي سارا يافيصل لو طلبتي عيوني اعطيها بدون تردد سارا اللي ماتبكي ونادرا ماتبكي ماتحب احد يشوفها وهي تبكي سارا اليوم بكت ماخافت ماقالت لا سارا الابتسامه ماتفارق وجههااللي اشوف الفرح عليها اللي ماتبين اذا تعبانه اولا ماتبين تبكي اولا سارا يافيصل والله ماقدر ماقدر سارا تمشي وتضحك وتفرح لو كانت حزينه اليوم تستنجد بي وانا ماقدر اسوي لها شئ
فيصل بحزن:استغفر ربك واذكره ياخالد انت انسان مؤمن وسارا مانقدر نسوي لها شئ غير ندعي لها قوم خلنا نقول لهم باللي صار
خالد بنظره منكسره:يالله مشينا (التفت على بندر)يالله يابندر
بندر:ان شالله وقام بندر وهو جدا حزين على اخته
وراحوا البيت علشان يخبرون اهلهم وفيصل راح بيتهم يخبر اهله كمان
خالد وبندر دخلوا وهم مكتئبين :السلام علكم
الكل:وعليكم السلام
بوخالد:وين اختك ياخالد ليش بالمستشفى
ام خالد بخوف:يمه اختك ليش راحت المستشفى
ريم تتطاع تبي تسأل وخايفه من لاجابه
خالد بحزن كبير:يبه يمه ريم سارا ....سارا ماقدر يكمل وطلع على غرفته
ريم وامها قاموا يبكون عرفوا ان سارا فيها شئ كبير
بوخالد بخوف وبصوت مرتجف:بندر تكلم قول ايش فيها اختك )راح مسكه مع كتوفه)بندر تحك قول اختك وش فيها قووووول
بندر بصوت منكسر حزين مرتجف وهو يبعد يد ابوه عنه:ورم ورم بالراس
ريم بصوت عالي:لااااااااااااااااااااااااااااا كلهم الا سارا الا سارا مايصير فيها شئ سارا لااااا كذب وتروح تضرب بند على صدره كذب كذب قول يابندر قول وقعدت تبكي:هذي سارا اختي كيف تبيها تروح وتخليني كيف وحضنها بندر
بوخالد قعد على الكرسي وهو مو مستوعب شئ وام خالد قعدت تبكي وراحت ضمت ريم وكملوا بكي
{بيت بو فيصل}
فيصل دخل البيت وعيونه حمرا وهله كلهم بالصاله قاعدين
فيصل رمى الشماغ حقه بشكل مهمل وفتح ازارير الثوب وشايل هموم الدنيا على راسه
فيصل بصوت حزين:السلام عليكم
الكل:وعليكم السلام
شهد بخوف:فيصل سارونه ايش فيها ليش ماطلعت من المستشفى
شيماء ماتقدر تسأل خااايفه ورايحه ترتجف لانها تحس ان سارا فيها شئ خطير
بو فيصل:تحك ياولد
فيصل يشجع نفسه وفي النهايه تكلم بسرعه:سارا .....سارا معها معها...آآآآ..سارا معها وووووو..و.ورم
شيماء تصرخ بأعلى صوتها:لااااااااااااااااا كلهم الا سارا ليش سارا لانها طيبه ليش ليش سارا لانها تضحك دايم وتبتسم للدنيا ليييييييييييييييييه ليه ياسارا انا كنت ادري فيك كانت كانت آآآآآآآآآآآآآآآآه ياسار ..آآآآآآآآآه
وقعدت تبكي بحراره
شهد تهز راسها بعدم تصديق بصوت واطي:لاء لاء سارا لاء ليه ياسارا ليه خليتينا نحبك بالنهايه في النهايه اهههئ اهئ وراحت وحضنت شيماء وقعدوا يبكون يبكون ويتحسرون
بوفيصل بصوت هادئ:اهلها يدرون
فيصل يحاول يهدي نفسه:ايه خالد وبندر خبروهم
ام فيصل قعدت تشاهق حاول تمسك دموعها وراحت وحضنت بناتها وكملت الناقص
بوخالد:عمتك هند وعمك بوعادل يدرون
فيصل يبي يطلع لغرفته:لا خبرهم يبه وطلع لغرفته
بوفيصل قعد الكنب وحط يدينه بين راسه :لاحول ولاقوة الابالله .... لاحول ولاقوة الابالله
مسك السماعه واتصل على هند وعبد الرحمن(بو عادل)
وقال لهم يجتمعون في بيت عبد العزيز(بوخالد) بعد العصر وقال لهم الخبر وجلسوا بمناحه وبكي
عيلة بوخالد وبوفيصل يمرون بمرحلة حزن
ريم تبكي:خالد بندر تكفون ابي اشوف سارا تكفون (وتذكرت سارا دايم تقول تكفى تهز رحاجيل والا بتسامه شاقه حلقها)خالد تكفى وابتسمت ابتسامه حزينه مكسورة:تكفى تهز رجاجيل تهز رجاجيل ناظروا خالد وبندر وتذكروا سارا يوم تكون تبتسم تكفى يابندر تكفون وقعدت تصيح راح لها خالد وضمها ورفع راسها وقال لها بابتسامه: كلنا نروح لها اوكي
ريم:ان شالله
جات العوايل كلهم
اول ماشافتهم ريم بالحوش راحت بسرعه لهم تستقبلهم عند الباب
ريم تحضن شهد وشيماء وتبكي
ريم تبكي:شهد سارا ياشهد تبي تروح آآآآآآآآآآآآآآه
شهد تبكي:خلاص ياريم خلاص هدي اعصابك ياريوم حبيبتي
ريم:شلون قولي لي شلون واختي بالمستشفى طايحه شلون ياشهد شلون آهئ آهئ
شيماء:آآآه ياسارا اتذكر يوم كانت عند الباب وتصارخ تستقبلنا آآآآآآآآه بس آه
شهد:يالله بنات خلينا ندخل داخل
دخلوا البنات الفيلا
وجلسوا الاهل يهدون ام سارا وريم
ومر اليوم ببطء شديد
في الصباح كانت عملية سارا
واجتمعوا كلهم في المستشفى
ام خالد كانت تدعي ربها انه يشفي بنتها سارا نور البيت
البنت الطيبة اللي ماقد زعلت احد
الكل كان حزين ويدعي ربه انه يشفي سارا ويقومها بالسلامة
سارا طلعت من غرفتها واهي تصارخ
لااااااااااااااااااااا مابي عملية
ام خالد وهي تبكي : يمه سارا هدي يمه وان شالله تقومين بالسلامة
سارا: يمه سامحيني اذا اخطيت في حقك
ام خالد: لا يايمه انت ماخطيتي في حقي
سارا وتناظر الكل وتحاول تبتسم غصب عنها : سامحوني اذا اخطيت في حق احد منكم
ودخلوها غرفة العمليات
ريم والبنات يصيحون
ام سارا راحت المصلى تصلي وتدعي ربها وكان شكلها يقطع لقلب
ومشى الوقت وسارا صار لها 5 ساعات بغرفة العمليات
وطلع الدكتور بو خالد: بشر يادكتور
الدكتور: الحمدلله العمليه نجحت والحين نحطها بغرفة العناية
بو خالد سجد لله سجود شكر وهو يحمد ربه
البنات يبكون من الفرحة
فيصل: يارب لك الحمد
بندر سوا زي ابوه
خالد راح لامه في المصلى ولقاها تدعي الله
خالد وهو يصارخ : يـــــــــــــــــــــمه
ام خالد وهي خايفة ان سارا صار لها شيء : وش صار
خالد وهو يبي يتشقق من الفرحة : يمه سارا العملية نجحت وسارا بخير
ام خالد جلست تبكي ورفعت راسها ويدها للسماء : يــــــــــارب لك الحمد
والكل كان فرحان
الدكتور كان يكلمهم : ماله داعي جلستكم روحوا ارتاحوا وبكرة الصباح تعالوا
ام خالد : لا انا راح اجلس عندها
بندر: يمه بكرة الصباح راح نجيلها الحين ماله داعي جلستنا عندها
واقتنعت وراح كل واحد لبيته
اليوم الثاني الكل اجتمع عند سارا
دخلت ام خالد وهي تبكي وتسلم على بنتها : الحمدلله على السلامة يايمه
سارا وهي تبتسم : الله يسلمك يمه ومالها داعي ذي الدموع
بو خالد وهو يقاوم العبرة : ماتشوفين شر
سارا : الشر مايجيك يبه
ريم وهي تبكي وتضم اختها : ماتشوفين شر حبيبتي
سارا : ريم ليش البكى حبيبتي
خالد وهو يضم اخته : ماتشوفين شر يالغالية
سارا: الشر مايجيك
بندر سلم عليها : الحمدلله على السلامة
وجلسوا سوالف
وجوا باقي الاهل
وسلموا عليها وتحمدوا لها على السلامة
فيصل من ورا الباب: الحمدلله على السلامة يابنت العم
سارا : الله يسلمك ياولد العم
ومرت الايام وخرجت سارا من المستشفى
بو خالد سوا عزيمة بمناسبة شفاء سارا
والكل اجتمع في بيت بو خالد
ام حمزة وهي جارة ام خالد
ام حمزة : اقول يم خالد
ام خالد : هلا
ام حمزة : انا فكرت اخطب لولدي حمزة وبصراحة انا ماراح القى احسن من بنتكم سارا لولدي
ام خالد: هاذي الساعة المناسبة بس لازم ناخذ راي البنت وابوها اول
ام حمزة : ايه ولو هذا حقكم
وانتهى العشاء وكل واحد راح لبيته
ام خالد : اقول يابو خالد
ابو خالد وهو يلتفت لها : هلا
ام خالد : اليوم كلمتني جارتنا ام حمزة وتقول انها تبي سارا لولدها حمزة
ابو خالد : والله والنعم فيه بس لازم ناخذ راي البنت واخواني
ام خالد : قلت لها
اليوم الثاني
ام خالد : يمه سارا تعالي ابيك
ريم : الله وانا ماحد يبيني
ام خالد : عن اللقافة
سارا تمد لسانها لريم
وراحت مع امها
ام خالد : يمه انتي كبرتي وكل واحد يتمناك
سارا استحت من امها : ليش ذا الكلام يمه
ام خالد : تعرفين جارتنا ام حمزة ترا خطبتك لولدها حمزة ( ام خالد على طول تدش دغري بالموضوع ماعندها لا لف ولا دوران )
سارا انصدمت : لا يمه مابي اتزوج الحين
ام خالد: يايمه فكري لاتستعجلين وحمزة ولد ناس
سارا : ان شالله يمه
وراحت غرفتها وجلست تصيح
معقولة انا لواحد غير فيصل
ودخلت عليها ريم : سارا وش فيك
سارا: حمزة خطبني
ريم شهقت لانها عارفة ان سارا تحب فيصل : وش عليك لاتوافقين ماراح احد بغصبك
سارا وهي تبكي : ماقدر من دون عذر وانا وش يضمني ان فيصل يبيني
ريم وهي تحاول تهدي سارا : انا متاكدة ان فيصل يحبك
راحت ريم علشان تجيب لسارا موية
ودق التلفون وردت سارا : الو
شيماء : هلا بالقاطعة كيفك
سارا : تمام كيفك انتي
شيماء بخوف: تمام سارا وش فيه صوتك
سارا : ابد ولا شيء
شيماء وهي زعلت من سارا : افا تخبين على انا شيماء
سارا : بس انا انخطبت لحمزة
شيماء شهقت: ولد جيرانكم
فيصل وريم كانوا جالسين بالصاله مع شيماء
سارا : ايوه
شيماء : طيب انتي تبينه
سارا : ااه لا مابيه بس ابي استخير واشوف
شيماء : الله يكتب اللي فيه الخير
سارا : اميييين
شيماء يالله حبيبتي بعدين اكلمك باااااااااايو
سارا : بااااااااااااي
ريم : خير وش فيها سارا
شيماء : بس انخطبت
ريم : لمين
فيصل انصدم
شيماء : حق ولد جيرانهم
فيصل تضايق واايد وكان اهموم الدنيا كلها فوق راسه
واخذ عمامته وخرج
شيماء وش فيه
ريم :مادري يمكن يبي سارا
فيصل ركب السيارة ومشى بسرعة جنونية
وماكان في باله الا شيء واحد
انه يروح لعمه ويخطبها
فيصل راح الشركة
ودخل على عمه
بو خالد : هلا والله بفيصل تو مانورت الشركة
فيصل حب راس عمه وجلس : الشركة منورة باصحابها ياعمي
وكمل : عمي انا ابيك بموضوع وابيك تقول تم
بوخالد : تم ياولد اذا قدرت عليه
فيصل : انا ابي اخطب بنتك سارا
بو خالد : والله ياولدي هذا الساعة اللي مباركة بس لابد ناخذ راي البنت
فيصل : ارجوك ياعم رد علي باسرع وقت
بو خالد : ان شالله ياولدي
فيصل حب راس عمه وخرج
وهو فرحان
بندر صدم بي فيصل وناظره باحتقار ودخل على ابوه
وحب راس ابوه وجلس
بندر : وش كان يبي فيصل
بو خالد : بس خطب اختك سارا
بندر : لا والف لا ماراح تاخذة
بو خالد عصب : هذا اذا كان الشور شورك تكلم
بندر : نشوف يبه كلمت مين تمشي
بوخالد اعطى بندر كف : تمشي كلمتك علي
بندر : العفو يبه
وحب راس ابوه واستسمح منه وخرج
بندر مارح تاخذ فيصل مهما صار
فيصل رجع البيت مبسوط وحب راس ابوه
بو فيصل : خير ليش مبسوط
ام فيصل : دوم ان شالله
فيصل والابتسامة شاقة حلقه : يبه يمه انا خطبت
ابو فيصل بقق عيونه : شو وانا وين رحت
فيصل : لا مو خطبت خطبت بس حجزت
ام فيصل: من سعيدة الحظ ذي
فيصل : سارا بنت عمي
ام فيصل : والله عرفت تختار
بو فيصل : والنعم والله
ابو خالد رجع البيت وكلم ام خالد على الموضوع
ام خالد : والله فيصل والنعم فيه بس حمزة
ابو خالد : اهم شيء راي بنتي روحي كلميها
ام خالد وهي قايمة : ان شالله
وراحت لسارااللي كانت تفكر
ام خالد : يمه انا بغيت اكلمك في موضوع
سارا : خير يمه
ام خالد : من دون لف ولا دوران ترا اليوم جاك خطيب ثاني
سارا بققت عيونها : من بعد يمه
ام خالد: فيصل ولد عمك
سارا انصدمت اخيرا فيصل فكر فيني
ام خالد : ترا يمه انا ابيك تفكرين بالثنين وترا فيصل ولد والنعم فيه وغير كذا هو ولد عمك
سارا اللي الى الان مصدومة : خلاص يمه انا افكر وارد عليكم
ام خالد : ترا يمه فيصل مره مستعجل يقول لكم يومين
سارا : على كيفه هو
ام خالد حبت راس بنتها وطلعت وتركت سارا تفكر وقامت وصلت صلاة استخارة
فيصل كان على اعصابه لانه مر اسبوع ولا احد رد
سارا فكرت وقررت
شيماء اتصلت على سارا : الو
سارا : اهلين
شيماء وينك يالدب يالقاطعة
سارا : ابدكان عندي شغل وانتهيت منه
شيماء : شغل ايش
سارا : ماراح تصديقين
شيماء : ايه صح وش قررتي بخصوص اللي اسمه حمزه
سارا : رفضته
شيماء : ليش حمزة والنعم فيه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك