رواية والله احبك لو على رقبتي سيف -6
الريم: ><" اوييه ما واحى يرقد الا توه راقد كله منك..
سالم: وانا اشدخلني ..!*
الريم: يوم ترمس تزاعج ><"
سالم: هههههههههههههههههههه شو اسوي يوم صوت حبيبج عالي
الريم: هههههه فديت حبيبي وريلي انااا
سالم: افداااااااااج كلي
الريم: بس بس نحن نتغزل فـ بعض والولد بيموت من الصياح ><"
وربعت غرفه ولدها سلطان
وسالم يضحك عليهاا ^^"
وما واحى له الا الضحكه والابتسامه انمسحت من شفاته من شاف رقم ساره
سالم: الله ياخذها ><" هذي ما بتفج عني
ورد عليها
سالم: خيييييير
ساره: شو خير بعد جي ترد ع حبيبتك
سالم: اوووووف منج ياخي فكيني من ماذاتج
ساره: سلومي بلاك حبيبي ..!*
سالم: ما بلاني شي
ساره: اكيد هذي ضايجتك ..
سالم: محد غيرج اللي مضايجني
ساره: احبك انااا
سالم: انتي ما تحسين ياخي شو من بشر انتي ..!*
ساره: انا انثى ..
سالم: @.@" استغفر الله ><"
ساره: بلاك حبي
سالم: لا تقولين حبي تيملي
ساره: ليش حبيبي ..!*
سالم: صوتج اييب لي الضييج ><
ساره: فديتك انااا
سالم: لا حول ولا قوه الا بالله ><" انتي دم ما فيج
ساره: حبيبي
سالم انهد حيله: هلا
ساره: بلاك حياتي
سالم حب يسايرها عسب تسكر: ولا شي غناتي
ساره: وفديت شفااتك اللي طلعت هالكلمه
سالم: افداج زود
ساره: احبك
سالم: حتى انااا
ساره: شو انت ..!*
سالم: مثلج ..
ساره: قولهاا ..
سالم وبتردد: ا.. آححبج ..
ساره: امووووووووووووووت فييييييييك انااااه
سالم:.....
ساره: حبيبي
سالم: همممم
ساره: متى بشوفك ..!*
سالم: مادري ..
ساره: بلاك جي ترمسني..!*
سالم: حبيبي الحين انا مشغول بعدين ارمسج..
ساره: اوووف ><"
سالم: يالله غلاي اشوفج ع خير
وما عطاها فرصه ترد عليه الا هو دافن الخط في ويهااا خخخخ
صد وراء وشاف الريم واقفه وشاله سلطان تم ساكت يطالعها وهي اتصييح
سالم: حبيبي ..... وما واحى يكمل الرمس الا الريم رافعه ايدها بمعنى اسكت
سالم: حبيبي انا والله .....
الريم: اسكت الله يخلييييك ><"
سالم: غناتي
الريم: انا مب غناتك ولا حبيبتك ><"
سالم: انتي حرمتي وحبيبتي وروحي وقلبي ودنيتي كلهاااا
الريم: ><"
وتمت اتصيح
سالم: غناتي
الريم: اسمي الريم لو سمحت
سالم: حبي بلا هالاسلوب والعصبيه اللي مالها داعي
الريم بضحكه استهزاء: ههه عصبيه مالها داعي هاااه
سالم: .....
الريم: وحده تشوف ريلها يخونهاااااااااااااااااااااااااااا شو بتسوي بتسكت وتشجعه مثلاً
سالم: الريم الله يخليج
الريم: سالم انت الله يخليك خلني في حالي
سالم: سوري
الريم: ع شوو ..!*
سالم: ما بخليج في حالج ..
الريم: الا بتخليني ومالي قعده عندك من اليوم..
سالم: وين ان شاء الله بتروحين..!*
الريم: عند اهلي..
سالم: عيل طلعه من هالبيت ماشي..
الريم: الا بطلع وغصبا عنك..
وهنيييه صفعهاااا ><"
الريم ماسكه خدها واطالع سالم وعيونها مليانه دموع..
سالم: الريم حبيبي
وتقرب منها ودزته وابتعدت عنه وسلطان تم يصييح
الريم: سالم
سالم: لبيييه..
الريم: طلقني ..
سالم: شووووووووووووووووووو ..!*
الريم: من قال شو سمع .. طلقني يا سالم ..
سالم: طلاق ما راح اطلقج ..
الريم: الا بطلقني .. مالي قعده عند واحد لعاب وبنات يتحكمن به ومب قادر ايود عمره عن البنات ولا بعد معرسسسسسسسس انت ما تخاف ربك عندك ولد شو بيصير لـ ولدك يوم يكبر مابااه يكون شرات ابوووه راعي بنات ويطلع وياهن و .......
ما واحت تكمل
وسالم بصوت عالي
سالم: تتشمتين فيه يا الريم
الريم: ...
سالم: ااااه انتي اخر وحده توقعتها تقول هالكلام ><
الريم:....
سالم: دام اني طايح من عينج ليش وافقتي علي ..!*
الريم: عبالي حبي لك بيغيرك الا انت >< وسكتت
سالم: كملي كملي يالريم
الريم: فضضضضضضلت هاللووووووووث عني اخترتهن عني لـ هالدرجه رخصصصت نفسك عسب..............
ما واحت تكمل الا سالم قطع رمستها
سالم: الريم انتي طااااااااااااااااااالق
وسكتت الريم
وتمو الاثنين يطالعو بعض لمده دقايق وهم ساكتين وسلطان يصيييح وكان بيموت من الصياااح ونزلته الريم وسارت الغرفه تلم ثيابهاا وسالم واقف محله وسلطان يالس تحت يصييح
يلس في الدعنه وحضن ولده وسكت سلطان من شله ابوه
والريم اتصصيح وهي اتلم ثيابها وثياب سلطان عقب طلعت وشلت سلطان من عنده وهو ما قال شي واكتفى بـ نظره اخيييره لها ولـ سلطان
وشلت السويج وركبت السياره وراحت عند اهلهاا وهي اتصييح
سالم في خاطر: خلاص راحت >< هدمت حياتي ساااااااااااااااره الله يلعنج هدمتي حياااااااااااتي ><"
الريم اباااج ما اقدر اتم يوم بدونج ابااج عندي عدالي واباا ولدي في حضني
ابااج تحضنيني كل ما شفتيني مهمووووووووم ><"
آآآآآآآآآآآه يالريييم والله اني احبج
وخطرت في باله ساره
سالم: سسسسسسسسسسسسااااااااااااره انا اراوييييييييج هدمتي حييييييييييياااتي ><"
اتصل لـ ساره
وصارت المشاكل وكل واحد يزاعج ع الثاني
ساره: والله بششتكي عليك
سالم: زوااااااااالج اشتكي اكووه الدرب
وسكر في ويهااا
ساره: اوكيييه يا سالم انا ارواويك تسكر في ويهي هاااه اوك
صوب الريم
كانت موقفه ع الرصيف وهي تصصصيييييح ومب قادره تكمل وتمت حوالي ساعه وهي موقفه لييين هدت شوي وسلطان يالس وراء في يلاسته ويلعب
الريم وهي اطالع سلطان واتفكر: بتكبر بدون ابوك ><"
وتمت تصييح زياده وكملت دربها و وصلت البيت والكل يطالعها ويطالع الشنطه في ايدهااا ....
ام هزاع: بيتي >> الخدامه
بيتي: هاا ماما
ام هزاع: شلي شلي الشنطه من عند الريم
شلت الخدامه الشنطه و اخو الريم >> هزاع شل سلطان
ام هزاع: بلاج بنتي
هنييه الريم ما قدرت تتحمل وصرخت
الريم: طلقنــــــــــــــــــــــــــــــــي
هزاع + ام هزاع: شوووووووووووووووووووووووو .......!*
الريم: سالم طلقني ..
هزاع: آآآه يالحقير انا اراوييييك
ونزل سلطان
الريم: لا يا هزاع انا طلبت الطلاق
هزاع معقد حياته: ليشششششششششششش ..
ام هزاع: شو صاير يا بنتي
وخبرتهم السالفه الريم
ام هزاع: يالله ><"
هزاع ماسك راسه
الريم: ابويه وين
ام هزاع: طلع ويا ربعه
الريم وهي تصيح: امايه انتي خبريييه ><"
ام هزاع وهي اتصييح: ان شاء الله
هزاع: لا لا تخبرونه انا برمسه ..
وطلع عنهم هزاع وهو ضضضضضضضايج ومقهور من سالم
هزاع
انسسسسان متواضع اكبر عن سيف وسالم بـ سنه واصغر من عبدالله بـ سنه يعني عمره 24 سنه ~> حنطاوي وما يحب يطول شعره ابد وعيونه عسليات فاتحاااات وخشمه طويل وجسمه مرتب >> رياضي ومب وايد طويل وكشششيخ يحب يكشخ ^^"
صوب سالم
كان ضاااايج ويلس يدووخ
شوي الا يسمع صووت الجرس
نش يفتح الباب
هزاع: آآآآآآآآآآآآآآآآه يالجلب >> ومسكه من كندورته
سالم: ><"
هزاع: وهذا انا موصنك عليهاااا يا ساااااااااااالم في الاخير جي تسوي فيهااا والله ما هقيتك جي تبدي اللوث عن حرمتك ام ولدك
سالم: هزاع اسمع الرمسه مني
هزاع: الريم قالت كل شي
سالم: الريم فاهمه غلط يا هزاع
هزاع: !!
سالم: اسمعني ولا تقاطعني
هزاع: انزين ارمس انا اسمعك
وخبره سالم بـ كل اللي صار
هزاع: بلعنه تشلها ياربي ><"
سالم: هزااع
نش هزاع ومسكه : بلاك يا سالم
سالم: احس بخنقه ><"
هزاع: سالم كل شي وله حل يا خوي والريم مردها لك
سالم: ما اظن
هزاع: لا تقول هالرمسه ><"
سالم: طحت من عينها : (
هزاع: .... ><"
سالم: شفت حتى انت ما قدرت تقول شي
هزاع: خلاص يا سالم لا تسوي بعمرك جي مب زين يا خوي
سالم كان مخنوق حتى رمسه مب قادر يرمسسس من عرف ساره وهو الا طايح في المشاكل يطلع من مشكله ويدخل فـ مشكله ثانيه وهي السبب...
هزاع وهو يطالع سالم ومستغرب وفي خاطره: هذاا سالم اللي اعرفه معقوله مسستحيل مسستحيل ><" اول مره اشوفه جي
هزاع: سالم..
سالم: همممم
هزاع: انت كنت تحب الريم قبل ما تاخذها ..!*
سالم: آآآه يا هزاع والله اني من شفتهااا ودرت كل سوالفي عشانهاا عشان بس تكون لي ..
ابتسم هزاع لـ سالم وحط ايده ع جتفه
هزاع: وهي بعد تحبك ..^^..
سالم وهو يطالع ابتسامه هزاع وما قدر يتحمل حضن ويهه بـ ايده ويلس يشفط بالمدواخ
هزاع: بتذبح نفسك بالدخان ..
سالم: خلني يا هزاع ..
هزاع: بتحرق صدرك يا ريااال ..
سالم: الا شوي يعدل مزاجي ..
ورن فون سالم وسالم ما طاع يشله
هزاع: سلوم فونك
سالم: مالي بارض حد
هزاع شل الفون يشوف من: اووه هذاا سيف
سالم: رد عليه قول له سالم تعبان شوي
ورد هزاع على سيف
سيف: ساااااااااااااااالم
هزاع: هلا سيف ..
سيف: منوو وياي ..!*
هزاع: انا هزاع يا سيف ^^..
سيف: هزاع الحقنيييييييي ..
هنييه تروع هزاع
هزاع: خير يا سيف بلاك ..
صد سالم صوب هزاع ومط الفون ورمس سيف وينش يربع صوب الباب
وشل سفرته وحطها ع جتفه
هزاع: سالم بلاك
سالم: قم قم سرينا صوبهم
هزاع: خيير شو صاير
سالم: بخبرك في الطريج ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مِن رآسيْ إلى سآسي
. . . . [ مجروحْ ] . . ‘‘
كِلي عنآ ،
. . . . . . . . و بعضِي جروحِ دفينهْ ’
أقوم . . و أقعَد
. . مآ أعرفْ وين أبآ أروحْ . . ،!
ضآيق ، و ضآقت بي ليآلٍ
. . . . - . حزييينَه ؛
أبكِي ‘ و لو أبكِي
. . مآ فآدنِي النوووَح ،
جرحِ البحَر هآيجْ
. . . <- - و قلبيْ سفينَه ‘ـ
><"
نرد لـ جمن ساعه لـ وراء تحديدا عند اتصال الشرطي لـ سيف
سيف: هلاااا ملايين ولا يسدن
عبدالله: اهلييين
سيف رافع واحد من حياته: منووو وياي
خــآلد: معاك الشرطي خــــــآلد
سيف بصوت عالي: الشرطه
حمدآن: خييييييير سيف شو صاير
سيف: ويت حمدان اسكت
حمدان: اوك
خالد: انت تقرب لـ عبدالله بن ******
سيف: هييه اخوي
خالد: ممم والله يا اخوي انا شفت اخر اتصال له وكان منك
سيف: انزييييين بلاه عبدالله ..
خــآلد: اخوك يا سيف صار له حادث وحالته ....
سيف منصدم ولا قدر يرمس
وسكت خالد ولا قدر يرمس
سيف: بلاه عبدالله
خالد: صار له حادث وحالته خطيره ><"
وشهق سيف وتروع حمدآن ومط الفون من ايده وكلم الشرطي
وسيف ما تريا حمدآن شل السويج وركب سيارته وهذاك طريجه >> المستشفى
اول ما وصل سار يتخبر عن رقم الغرفه بس ما خلوه يدخل له لانه في العنايه وحالته خطييييره
ولحقه حمدآن بـ سيارته بعدهــآ اتصل لـ سالم
هزاع: سالم شو صار
سالم: عبدالله
هزاع: شو فييه
سالم: مسوي حادث ><"
هزاع: ><" لا حول ولا قوه الا بالله العلي العظيم .. ان شاء الله خير
سالم: ان شاء الله
في المستشفى
سالم وهو يزاعج من بعيد: سسسسسسسسسسيف
نش سيف و ويهه صاير احمـــــــــر
وقف سالم يطالع شكل سيف
سالم: طمني يا سيف شو قال لكم الدكتور
هز سيف راسه بـ معنى ما اعرف
سالم: الدكتور وين الحين
سيف: عند عبدالله
سالم: من متى وياه
سيف: تقريبا من 4 ساعات
سالم: شو هاا يتمصخرون شووو 4 ساعات ولا طمنونا عليه
وحدر سالم ع الدكتور
سالم: السلام عليك
الدكتور: وعليكو السلام ورحمه الله وبركاته
سالم: دكتور طمنا عن المريض عبدالله بن ......
الدكتور: اه الشاب اللي عامل حادث من اكثر 4 ساعات تقريبا
سالم: هييه
الدكتور: واللهي مش عارف من فين آبدأ
سالم بـ توتر: قول الله يخليك
الدكتور: ممم جسمه ....
سالم: شو فييييه؟؟؟
الدكتور: جسمه ابداً ما يساعده في الحركه وحالته خطيره للاسف ونحن مش قادرين نعمل له شي .. لكن
ادعوو الله يقوم بالسلامه هذا اللي نقدر عليه ..
سكت سالم وما قدر ينطق وسيف كان واقف عند الباب وهزاع وحمدآن ماسكينه
انتشر خبر حادث عبدالله عند العايله ع ساعه 8 ونص وطلع سيف سيده راح المسيد يصلي العشاء ويلس في المسيد لين ساعه 11 تقريباً
وتموو على هالحاله مده اسبوع وعبدالله في العنايه وحالته تزداد من سيء لـ اسواء
بو عبدالله: اشوووووووووووو يعني ابره بالغلط
الدكتور: ...................( لا رد )
مسكه بو عبدالله من قميصه
بو عبدالله وهو يزاعج: تباا تذبح ولدي
ونش سيف و سالم مسكوو بو عبدالله
سيف: ابويه اهدى شوي
بو عبدالله: اهدى ؟؟ وين اهدى يا سيف واخوك من بدأ يتعافى يقوم هالدكتور يعطييه ابره الغلط وزادت حالته
سالم: وين الدكتور المسؤل عن عبدالله
الدكتور: انا الدكتور البديل لان الدكتور عنده استراحه مده 3 ساعات و بعدها بيرجع
بو عبدالله: طلعوووووه طلعوووووووووه
سيف: انطلع شو ابويه
بو عبدالله: ولدي طلعووه من هالمستشفى
سيف: عيل ابويه وين بنوديه
بو عبدالله : بنسفره تايلند
سالم: هييه والله ليش ما انسفره
التفت سيف صوب الدكتور: ماشي عليه خطر
الدكتور: لاءه ما في اي خطر عليه بس من توصلوو ارسلووه للمستشفى
سيف: اوكيييييه
شوي يوصلون الاهل كلهم { ام عبدالله + بو هزاع + بو مروى + ام مروى + هنادي + غاليه + الريم + سلطان ولد سالم + حمدآن + حمده ربيعه مروى والريم + سلطان ولد عمهم }
مسموح ياخلي من اليوم
ماشي لك عندي ولا لي
منته بعهد الود ملزوم
شورك براسك لا تبالي
رح وين ما يطريلك وشوم
دور على شخص(ن) بدالي
مرفوق لا اعاتب ولا الوم
الكم ولا اكثر سؤالي
هذاك يوم الود محشوم
كنت الوحيد اللي في بالي
ادرا هواك وفيك ملزوم
وافي لو مهما جرالي
صفيت لكن مالك اعزوم
يازين غرتك الليالي
مشاعري ماهي بلسوم
كرامتي هي راس مالي
من التفت سالم شاف ولده وحضضضضنه اقوى شي ورفع راسه ويلس يطالع الريم والريم ابد مب مسويه له سالفه
الريم: سلطان تعال
سلطآن: بااابااااااااااااااهـ
الريم: سلطان قلت لك تعال هنيييييييييييييييييييييييه
هززاع وهو يهمس لـ الريم: ايييه بلاج ع الولد تراه مب رايح عند غريب رايح عند ابوه
الريم: انت ما يخصك
هزاع: لا والله اقولج اسكتي لا اييج كف ع ويهج اخوج العود انا
الريم: ><"
بو عبدالله: بعد يومين بنسافر به تـآيلند وحجزت في الفندق مده 3 اسابيع
سيف: انا بسيير وياك ابويه
ام عبدالله وهي تصيح: وانا بسير بعد ما بخلي ولدي
بو عبدالله: لا انتي تمي عند البنات
سالم: عمي وانت بعد ما تقوى ع السفره خلنا انا وسيف و حمدآن وسلطآن نسافر نحن نعرف اكثر و..... قطع كلامه صوت فونه يرن
شاف الرقم ولا رد والريم اطالعه من بعيد
وتم يرن ويرن ويرن ويرن
حمدآن: سلوم فونك مسوي ازعاج ياريااال رد
سالم: هاااه اوك
ورد سالم ع فونه وسار عنهم بعيد
ساره: هلا حبيبي
سالم: اووف
ساره: بلااااااااااااك عمري
سالم: مب وقته يا ساره
ساره: ليش قلبيييييييييييي
سالم: الله يخليج خليني فـ حالي
ساره: ما اقدر ما اقدر مشتاقه لك والله
سالم: ......... لا رد
ساره: شو فييييك .؟
سالم: تعبان والله
ساره: سلامات حبيبي
سالم: الله يسلمج
ساره: ابا اشوفك
سالم: انتي ما مليتي كل يوم تشوفيني
ساره: فديتك وفديت قلبك كيييييييف امل من شوفتك يا روح قلبي
سالم حاط ايده ع راسه: انزين ما اقدر الحين
ساره: ليش حبيبي : (
سالم: انا بالمستشفى الحين
ساره: اويييييييه شي يعورك شو يااك
سالم: ولا شي بس واحد من الاهل مسوي حادث وبنسفره وجي وانا بسافر ويااه
ساره: اهئ يعني ما بشوفك
سالم: ولا اقدر اكلمج بعد
وحاول سالم يسكر عنها بس هي لصقه ما قدر لها لين وصل هزاع ومط الفون من ايد سالم
هزاع: انتي ما تستحين ع ويهج
ساره: منوو انت..؟
هزاع: ما يخصج
ساره: سلومي وين
هزاع: في مخباي
ساره: طلعه لي
هزاع: هاا هاا هاا هاا ضحكتيني وانا مالي بارض تحاولين تنكتين بعد
ساره: ايييييييه حبيبي بو غنيم وييييييييين
هزاع: بو سلطان مشغول الحين ما يقدر يكلمج
يتبع ,,,👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك