رواية والله احبك لو على رقبتي سيف -7
سالم: ولا شي بس واحد من الاهل مسوي حادث وبنسفره وجي وانا بسافر ويااه
ساره: اهئ يعني ما بشوفك
سالم: ولا اقدر اكلمج بعد
وحاول سالم يسكر عنها بس هي لصقه ما قدر لها لين وصل هزاع ومط الفون من ايد سالم
هزاع: انتي ما تستحين ع ويهج
ساره: منوو انت..؟
هزاع: ما يخصج
ساره: سلومي وين
هزاع: في مخباي
ساره: طلعه لي
هزاع: هاا هاا هاا هاا ضحكتيني وانا مالي بارض تحاولين تنكتين بعد
ساره: ايييييييه حبيبي بو غنيم وييييييييين
هزاع: بو سلطان مشغول الحين ما يقدر يكلمج
ساره: انزين بسولف وياك
هزاع: يلا انقلعي
ودفن الفون في ويهاا
وردو صوب الاهل
سلطآن: اقول لكم انا ما اقدر اسير وياكم
التفت سيف ويطالع سلطان من طرف عينه ومروى اطالع سلطـآن + سيف
مروى: سلطآن ليش ما بتسير وياهم
سلطآن: شوي بزي ^^"
سيف: وبـ شو بزي انت لا شغله ولا مشغله الا هياته في المولات و ركيض وراء البنات
سلطــآن: سيف عن الغلط لو سمحت
سيف: وانا ما غلطت قلت الصدق
تدخل هزاع عسب ما ينقع البكس بين سلطان و سيف
هزاع: انا بسير بداله
ومسكته الريم من ايده
هزاع: بلاج ريمووه
الريم: ممكن طلب
هزاع: عيوني لج
الريم: علني افداك ياربي
هزاع: افداج كلي آمري ام سلطون
الريم: ما يـآمر عليك عدو ولا ظالم مممم
هزاع: ؟؟؟
الريم: ابا فون سالم شوي
هزاع: ليش ..!*
الريم: بس ابااه شوي
هزاع: ههههه اوك ^^"
وعطاها هزاع الفون
وتمت الريم تنبش فيه لين ما لقت رقم ساره وخزنته عندها وعقب ردت الفون عند هزاع
ع ساعه 9 الكل رد البيت لان الزياره تنتهي ساعه 9 + ممنوع حد يتم وياه لانه في العنايه
من رد سيف سكر ع عمره في الغرفه وتعبان ويفكر بـ اخوه ومروى تمت تحاتي سيف
مروى: بلاني جي احاتيييه ><"
غاليه: نعم ..
مروى: هاااه ماشي ^^"
هنادي: خخخ عبالي بعد
مروى: انزين انا بسير البيت
غاليه: لا تمي عندنا =(
مروى: ممم بشوف باباتي اول شي
غاليه: اوك اتصلي بـ عمي
اتصلت مروى لـ ابوها
مروى: هلا ابويه
استغرب بو مروى اول مره تزقره ابويه
بو مروى: اهلين حبيبتي
مروى: ابوويه انا ببات عند عمي ويا غاليووه و هنادي
بو مروى: وحق شو تعالي يلسي ويا امج
مروى: ابويه الكل ضايج هنييه وقلت بخفف عنهم
ابتسم بو مروى وقال في خاطره: والله وكبرتي يا بنتي ^^
بو مروى: زين تسوين
مروى: يعني اتم وياهم..!*
بو مروى: ما اقدر اقول لج لا
مروى: فدييييييييييييييييت قلبك باباتي
بو مروى: طع توني اقول عقلت بنتي هههههههه
مروى: هههههههههههه
بو مروى: يالله عيل اخليج بسير عند امج يالسه بروحها في الصاله
مروى: اوك سلم عليها
بو مروى: ههههه ان شاء الله
مروى: فداعه الله
بو مروى: ربي يحفظج
مروى: ويحفظك يالغالي
سكرت مروى عن ابوها وسارت عند غاليه وهنادي وتمن لين ساعه 12 وبعدها سارن يرقدن
الفير ساعه 4 ونص آذن الاذآن ونشت مروى ع صوت الاذآن وسارت وخذت لها شاور عسب تصلي بعدهـآ يلست في الصاله وهي ميته يوووع لان من البارحه ما كلت شي
مروى: اهئ يوعانه ><" الحين شو اسوي وانا ابد ما اعرف شي ولا مره حدرت مطبخهم ><"
يلست تلهي عمرها عسب الوقت يخطف الا البنت بتموت من اليوع خخخخ
مروى: بسير انغبل في الثلاجه خخخخخخخ
سارت المطبخ وخذت لهــآ عصير + كافي + بسكوت >> وايد عليج
وهي تمشي شافت ليتات الصاله اللي في الطابق الاول مشغلآت
مروى: اميييييييييييه ليكون يني هناك ><"
تمت تتختل صوب الصاله و تمت توايج تقول حراميه خخخخخخ
وشافت سيف منسدح وحاط ايده ع راسه من شافته ارتبكت شوي
تغيرت مشاعر مروى تجاهه سيف والكل ملاحظ ان مروى هاليومين كانت غير عن مروى القبليه
مروى: صبحك الله بالخير
فز سيف من سمع صوتها
سيف: صبحج الله بالنور
مروى: ليش مب راقد
سيف: كنت رايح المسيد ورديت وما ياني رقاد
مروى وهي تشرب العصير: آهـــــآ
سيف: ليش انتي مب راقده
مروى: يوعــــــــــــــــــــــــــــــــــــــــآنه
سيف: ههههههههههه حشى حشى انزين بلعي عن تاكليني
مروى: ههههههه ما تبا اييب لك
سيف: شووو
مروى: شو بعد شو عصير وكافي و بسكوت
سيف: امحق ريوق ^^
مروى: >< اووه مب منك مني انا اعزمك
سيف: اوك عطيني
وحطت مروى الصحن والكوب وسارت اتييب له كوب عصير ومن ردت لقته شارب عصيرهـآ
مروى: آآآآآآييه ><
سيف: بلاج تزاعجين
مروى: شربت عصيري : (
سيف: ويعني !!
سيف: بلاج ماده البوز ترا في ايدج كوب حشى
مروى: شاربه منه اناااا ><
سيف: ويعني !!
مروى: اوووه اسكت بالله عليك انت تقهر
سيف: ههههههه
ويلسوو هم الاثنين يسولفون ويطالعون الـtv
مروى: سيف
سيف: هممم
مروى: ممم آسفه
سيف: ع شووو
مروى: هااك اليوم ... قطع رمستها
سيف: انسي يا مروى ^^"
مروى: انا ما احب سلطان
سيف: عيل ليش قلتي انج تحبينه
مروى: كلامك جرحني
سيف: ..... ( لا رد ) اكتفى انه يمسعها
مروى: ممم هو صدق يعيبني شكله وكل شي فييه بس مب يعني حب حب
سيف: آهـــآ
مروى: ^^"
سيف: انزين بتخبرج
مروى: شووو ..!*
سيف: لو تقدم لج سلطان بتوافقين عليه
مروى: آحم :$ هيييه ليش لاء ولد عمي وما بلقى احسن منه
سيف: خخخخ هييه ما بتلقين احسن منه
مروى: عن الطنازه
سيف: هههههه انزين عمووه
وسكت سيف عنها
مروى: انزين ليش تسأل هو قال لك شي ..!*
سيف: لا ما قال ..
مروى: آهــآآآ
سيف: آآآآه
مروى وهي تشرب العصير: بلاك
سيف: احاتي عبدالله ><"
من سمعت مروى طاري عبدالله دمعت وتذكرت كل سوالفها وياه
انتبه سيف لهــآ
سيف: يالله ما فيه الا الخير ان شاء الله
مروى: الله يسمع منك
وتمو هم الاثنين يسولفون لين ساعه 8 حطت الخدامه الريوق وتريقوو
والكل نش ساعه 10 من التعب تمو راقديين و اللي استغربو منه ان سيف ومروى يالسين مع بعض يسولفون مب شرات قبل كله ضرابه ومناقر خخخخ
غاليه: زين زين الله هداكم
سيف: هههههه يالله عيل انا بروح المستشفى
ام عبدالله: بروح وياك انا اصبر بروح اييب عباتي
سيف: لا امايه بروح روحي لاني عقب بخطف السوق اييب لي اغراض عسب السفره و حمدآن بيسير وياي
ام عبدالله: هييه عيل برايك بخلي ابوك يشلني
سيف: اوك
ونش وباس امه ع راسها و مروى اطالع سيف يوم باسها ع راسها
مروى في خاطرها: والله وفيك حنييه يا سيف ^^"
طلع سيف وسار عند حمدان وبعدها راح عند اخوه وعبدالله ابد ما يتحرك كله راقد وبعدها راحو السوق وخذو لهم اغراض وع ساعه 5 العصر رد البيت عسب يرتب الشنط
وقفت مروى عند باب غرفته ويلست اطالعه وهو يرتب اغراضه
مروى: شو هاااا
سيف: شو شو هااا !!
مروى: والله انك بلا عقل حد يرتب جيييه
سيف: ياخي ياييه تضاربين انتي ولا شوو ..؟
مروى: ي كرهي لك
سكت عنها سيف
ابتسمت مروى
مروى: قوم انا برتب لك الشنطه
استغرب سيف
مروى: قوووم
سيف: الحين انتي ما رتبتي لـ عمرج في بيتكم بترتبين لي انااا !!
مروى: !! وشو فيها يعني !!
سيف: هااه لا ولا شي ^^
مروى: ^^" عبالي بععد
ابتسم سيف لــهآ
اول مره تعامله اوكيييه
رمسته هذاك اليوم غيرتها 180 درجه
وهي ترتب اغراضه سمعت سيف وهو يشل
سيف:
لا تعتقد قربڪ ضرۉري ڪل شي تراه يا زين لـﮧ حد
ۉ انا على ظلمڪ صبۉري ڪاتم ۉ لا بيحت بالسد
ۉ انتـﮧ ۉ لا تراعيـﮯ شعۉري ارضف الونات محتد
اعييت تتفهم امۉري ارميتنيـﮯ في فجزر ۉ مد
يا معذبيـﮯ خلنيـﮯ في طۉري حڪمنتيـﮯ بحزن مؤبد
عقب العنى نفذت شۉري خلاص عن دنياڪ ببعد
ۉ اقولها بصوت جهۉري ما اباڪ ۉ عنڪ اليۉم بصد
بهديڪ باقـﮧ ۉرد جۉري ياللـﮧ عسى في دنياڪ تسعد
مروى: صح لسانك يالشيبه خخخ
سيف: صح بدنج عيوز النار
مروى: فـ عينك ياربي .... محد عيوز النار غير حرمتك
سيف: خخخخ اديتها حرمتي ..~ْ~
مروى في خاطرها: اول مره ما يقول انتي حرمتي !!!!!!!!
سيف: بلاج !!
مروى: انت متغير
سيف: كييف متغير
مروى: مب شرات قبل
سكت سيف عقب تنهد من كل قلبه
مروى: بلاك =(
سيف: احس بخنقه
مروى: مم عشان عبدالله
سيف: عبدالله وغيره
مروى: غيره !!!!!!!
سيف: ساره
مروى: سسسسسسسساره !!!!!!!!!!!!!!!!!!!!!!!!!!!!!!!!!!!!!
توه انتبه سيف: هااه ولا شي
مروى: من هي ساره
سيف في خاطره: يا هي بلششششه ><"
مروى: سيف
سيف: محد محد
مروى: ليكون حرمتك هههههههههههه ^^"
سيف: اخيييييه اونه حرمتي
مروى: عيل
استسلم سيف وخبرها بكل شي عنهااا
مروى: معقوووله >< والريم ابد ما قالت لي و سالم ليش طلقهاااا
سيف: هي طلبت الطلاق
مروى: ><
سيف: المهم من نرجع من السفر اباج تمسكين الريم وانا ع سالم حرام يهدمون حياتهم وحياه سلطان بسبب وحده شرات ساره
مروى وبعدها الصدمه ع ويهاا: اوك
غاليه: بوووووووووو شو تسوووون
مروى: اييييه روعتيني
غاليه بخبث: مروووووى ليش داخله غرفه سيف هااااااااااااااه
سيف: ايييه شوو هالرمسه بعد ترانا هاا جدامج يالسين نرتب الاغراض
غاليه: عليه هالرمسه هااااه
مروى: جب جب انتي
غاليه: ليش الباب ملايم عيل خخخخخخخخ
سيف: بتسكتين لا اييج كف ع ويهج
غاليه: ههههههه اوك اوك حشى ما قلت شي كنت امزح الا اشتطيتوو امره ما اطيقوون بعضكم انتو الاثنين
مروى: هههههه
سيف: جب يلا و تعالي ساعديهاا
غاليه: اوك حوبي
سيف: حطو حساب اخر الشهر
غاليه: هههههههههههههههههههههههههههههههه
مروى: لا اعتبره صدقه لك
سيف: يالله رمست الشيخه مروى اقول مالت عليج
مروى: جب جب
سيف: اييه بنت عن طوله اللسان
غاليه: اوووهووووووو بديييييييييناااا
مروى: لا انتهينااا هههههههههههههه
غاليه: سخيفه
سيف: سيم سيم انتي
غاليه: اوووه اوووه بعد تحايز عنهاااا
مروى: ههههههههههه
سيف: بسكن هذربه يالله خلصن
غاليه + مروى: ههههه تو كي
سار سيف عند اخوو في المستشفى و مروى و غاليه من خلصن يرتبن اغراض سيف يلسن ويا هنادي في الصاله لين ساعه 11 ونص فليل بعدها راحن يرقدن
ورد سيف البيت ساعه 1 ما كان ياينه رقاد وتم لين آذآن الفير و راح يصلي في المسيد بعدها رد البيت وحط راسه ورقد
ونش ساعه 9 الصبح لان ساعه 10 بيروحون المطار
..{{.. مطار بو ظبي ..}}..
الكل كآن في المطار عسب يسلمون عليهم وهيك وسلموو ع الكل الا مروى ما سلمت ع سيف
مروى: سيف وين !!
غاليه: هكووه ..
مروى: ويت بروح اسلم عليه فضيحه سلمت ع الكل الا هو
غاليه: اوك
مروى: تعالي وياي
غاليه: تو كي
سارت غاليه ومروى صوب سيف
مروى: سيف
سيف: هلا
مروى: تروحون وتردون بالسلامه
سيف: الله يسلمج
مروى: ^^
سيف: تحملي بعمرج
مروى: يو 2
سكتوو هم الاثنييين
شوي وقال لها سيف
سيف: مروى
مروى: هلا
سيف: مم ولا شي ... وروح عنهاا
وحمدآن عيونه ع غاليه وغاليه تتحرطم عليه وتسبه سب عند مروى
الريم سلمت ع اخوها هزاع والتفتت ادور طليجها سالم وما لقته
وسالم يطالها من بعيييد و يااه سلطان عنده وشله
الريم وهي تحس بخنقه: ما سلمت عليه
مروى: منوووه
الريم: سالم : (
غاليه: انزين سيري سلمي عليه
الريم: لا مابااا
مروى: جب يالله عن العياره سيري شلي ولدج سلطان من عنده وسلمي عليه
وجــآن ادزها هنادي عسب تسير وسارت الريم وهي ماسكه عمرها عن تنهار جدام سالم
وسالم يطالعها من بعيد وهي يايه صوبه
مدت الريم ايدها عسب اتشل سلطان
شلت سلطان وقالت: تروحون وتردون بالسلامه
سالم وعيونه عليها وهي ابد ما رفعت عيونها من الدعنه وكانت متغشيه
سالم: الله يسلمج يالغلا
فزت الريم من قال لها الغلا
سالم: تحملي بعمرج
الريم: وانت بعد بو سلطان
ابتسم سالم لهآ من قالت له بو سلطان يعني فييه امل الريم ترد له
سالم وهو حاط ايده ع خد سلطان: لا اتعب ماماه انزييين
هز راسه سلطان بـ معنى انزييين
وسار عنهم ومن صد عنهم ما قدرت تتحمل الريم وصاحت
صوب حمده ربيعه مروى
كانت في غرفتها واتصييح
ام حمده: حمدووه بطلي الباب بلاج يا بنتي
حمده: ما بلاني شي خلوني في حالي ><"
ام حمده: شو ما بلاج شي يا بنتي من البارحه وانتي قافله ع عمرج
حمده: امايه الله يخليج خلوني فـ حالي راسي يعورني
ام حمده: تبين اييب لج شي
حمده: لا امايه
ام حمده: عيل وطي راسج وارقدي يا بنتي
حمده: ان شاء الله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد 5 ايام مرن ع سفر ( سيف + عبدالله + هزاع + سالم + حمدآن )
نشت مروى ع صوت مزاج ابوها وتروعت وجـآن تطلع وشافته يرمس فون وهو حاط الغتره ع جتفه ويعدل عقم كندورته
بو مروى: يالله الحين ياي
مروى: صبحك الله بالخير
بو مروى: صبحج الله بالنور
مروى: بلاك ابويه عسى ما شر
وسارت صوبه عسب تعدل عقم كندورته
بو مروى: هالدلخ سلطان
مروى: بلاه سلطان
بو مروى: بيفضحنا هالولد جدام الناس
مروى: ليش شو مسوي
بو مروى: ماسكينه الشرطه وياه وحده في السياره
شهقت مروى: خييييييييييييييييبه لـ هالدرجه يا سلطان ><"
بو مروى: والله ان ما سنعته هالولد ما اكون انا خالد
ام مروى: خالد انت الحين اهدى شوي
بو مروى: شو اهدى اقولج هالولد بيفضحناا جدام الناس
ام مروى: الله يهدييه ياربي
ومن عقمت مروى له العقم طلع وسار مركز الشرطه وطلع سلطــآن ويابه البيت عنده وعطاه كف محترم
بو مروى: انت محد مأدبنك انا اللي بأدبك
سلطان: عمي انا ما سويت شي
بو مروى: ما سويت شي كل هذا وما سويت شي
شوي و وصل بو عبدالله و بو سلطان
بو سلطان: ااه يالنذل شو مسوي
وجان يضرب ولده ومسكه بو عبدالله
بو سلطان: عشان جي ما بغيت تسافر عشان ولد عمك عشان سواتك
بو مروى: اهدى شوي يا بو سلطان خله عليه سلطان بيتم عندي في البيت
بو عبدالله: بو مروى شوي شوي ع الولد
بو مروى: هذا ما ينفع وياه الشوي شوي يباله رص
بو سلطان: شو انت بعد شوي شوي خله يذبحه بعد
ومروى وامها فوق في الصاله وخايفات من المزاعج اللي صاير تحت
مروى: معقوله يا سلطااان
ام مروى: الله يستر من اللي قاعد يصير
مروى: امايه سيري شوفيهم شو بيسون فيه اخاف يجتلونه
ام مروى: جييه شو يجتلونه ما بيسوون فيه شي الا بيصلبونه
مروى: الله يستر
وطلع بو سلطان وهو شاب ضوو وطلع وراه بو عبدالله
بو مروى: هاات تيلفونك
ومده له سلطان تيلفونه
بو مروى: طلع الثاني ادري عندك اثنين
وطلع له الثاني
بو مروى: هالارقام بقطعهن وبطلع لك ارقام يديده وان شفت رقم بنت في تيلفونك ما تلوم الا نفسك
سلطان: ان شاء الله عمي
بو مروى: ويالله من باجر بنسافر انا وانت
سلطان: ليش !!!!!!!!!!!!!!!!
بو مروى: شو بعد ليش بسفرك عشان تعتمد ع نفسك شوي يالدلخ
سلطان: عمي انا مابا اسافر
بو مروى: جب ولا كلمه بتسافر يعني بتسافر ومن اقول لك شي قول ان شاء الله
سلطان: ان شاء الله
من باجر
سافر سلطان + بو مروى وبعد مرور 4 ايام ع سفرتهم رد بو مروى بدون سلطان كان يباه يعتمد ع نفسه في الغربه
ومرن 9 ايام ع سفر سالم وعبدالله وهزاع و حمدآن وسيف
نروح صوب تايلند
>> في الفندق كلهم رقود
نش سالم ع صوت فونه
سالم: يا هي نشششششبه >< "
ورد ع الفون
ساره: هلا حبيبي
سالم: حببببببببببببببتج اليراده
ساره: بلاك سالم
سالم: جب لا تنطقين اسمي ع لسانج ياللوث
ساره: انااااااااااااااااا لوث
سالم: هيييييييييييييه نعم لوث و لوث بععععععد
ساره: سااااااااااااااااااااااااااااالم
سالم: قل لج لا تنطقين اسمي ... ياخي صوتج اييييب لي الضيج من اسمعه
ونشو الشباب ع مزاعج سالم
وربع هزاع صوبه ومط الفون منه وسكر الفون فـ ويهاا
هزاع: سالم بلاك هدي شوي
سالم: رفعت لي ضغطي الله يلعنها ،، ياخي هذي هب صاحيه اسبها سب تزعل يوم واليوم
يتبع ,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك