رواية افهم انك تموت وما تثير اهتمامي -12
ام فهد قريبه من سمر كثيره في غربتها آآ اقصد في عايلتها ام فهد ماهي كبيره كثير متزوجه بدري و مالها ست سنين متزوجه . . تحب سمر كثير ومع ذالك فيه خلافات كبيره بينها وبين ابو سمر . .وسمر تمووت فيها وتمووت في فهد اكثر طفل سيطر على عقلها وحبها
سمر كانت زايرتها في بيتها بدون علم ابوها طبعاً
ام فهد : يا حي الله سمر يا حي الله الغاليه وينك قاطعتني قلت كان ما في البنت شي
سمر : اعذريني يا عمتي تعرفين ابوي لو درى اني جايه وش يبسوي
ام فهد : لا تعلميني يا اختي الله يذوب الثلج يارب
سمر : آآآمين
ام فهد : تفضلي وراك واقفه لا تستحين هذا بيتك الثاني
دخلتها الصاله الكنب ارضي وبسيط وفيه اماكن فاضيه في الصاله مستواهم المادي ضعيف شووي بس مرتبه حالتهم
سمر : ههه تسلمين يا عمتي
ام فهد : لا تقولين عمتي تكبريني بقووه ناديني بأسمي
سمر : ههههه وش رايك بـأم فهد
ام فهد: هههههههه لا لا اللي قبلها اهووون
سمر : خلاص بناديك بأسمك القوري حنين
حنين : ايه كذا البنت الشاطره اللي تحب عمتها
سمر : اقول حنونه وين فهد مشتااقه له حيييييل
حنين : يلعب مع عيال الجيران
سمر : ما تخافين عليه ينضرب ولا يصير له شي ترى اذا انتي ما لاتخافين انا اموت من الخوف عليه
حنين : لا لا هو عند امه الثانيه
سمر: طيب حنين تكفين خل نروح لهم او خلهم يجيبونه مشتاقه له مووت
حنين : طيب اللحين بدق عليهم
قامت حنين بتجيب التلفون من فوق المكتبه وهي رافعه يدينها
دخل ولد تقريباً عمره ما بين السبع الى 9 سنوات وبلوزته مقطعه وبنطلونه قديم وشعره محيووس وشكله قذر وولد فقراء
الولد وهو يلهث من الركض والتعب : خاله حنين خاله حنين بسررعه ولدك فهد طاح علينا ومايقدر يتنفس
حنين ركضت للمطبخ . .
و سمر قامت بسرعه ولبست شيلتها وطلعت بسرررعه مع الولد : ووووينه ووووينه ووين بيتكم بسررعه ودني له
الولد مستغرب مين هاذي وايش دخلها : هاااه طييب تعالي
مسك يدها وطلعواا من البيت
حنين في المطبخ وفاتحه احد الادراج الملياااانه بالأدويه وقاعده ترميهم بسرررعه تدور على البخار تبع الربو وهي ترجف من الخوف على فهد
::::::::::::::::::::
الولد: تعاااالي تعاااالي من هنا
سمر بعصبيه : بسرررعه بسرررعه
الولد : هذا هو
دخلت البيت شافت جدران البيت بويتها قديمه ومقشعه والحوش نصه تراب ونصه بلااط مكسر بعضه البيت مبين بيت فقراااء وفقراااء بقووه بعد تدور في عيونها عن فهد اللي قلبها بيطيح في رجلينها عشانه
شافت اطفال كثير متجمعين في وسط الحوش
سمر ركضت لهم ودفتهم بقووه
سمر : بعدووا بعدووا خلوه يتنفس حرااام عليكم
سمر تموووت في فهد وتحسه طفلها وما تبي أي شي يجيه لو يتأذى بشي بسيط هي تتأذى انهارت لما شافته بهالمنضر يكح بقوووه ومنكتم شكله مرره يخوف نوبه ربو مره قوويه . .ما تعرف تسوي شي اول مره تدري انه فيه ربو ..حطته على رجولها وضمت راسه في حضنها وحاطه يدها على راسه ودموعها تنزل بدون ما تحس
سمر وهي مرعووبه وصوتها يرجف : فهد .. ماما فهد
سمر تزاعق وهي تناضر الأطفال اللي حواليها : وين امكم نااادوا امكم تتصرف
الولد نفسه اللي جابها : لا تصرخين علينا عيب عليك انتي كبيره عيب تتكلمين كذا امي مو موجوده
سمر : . . . فهد ما يصلح اقعد كذا بدق على الاسعااف
دخلت حنين وهي تركض مسكته وضمته وحطت يدها على راسه ودخلت بخار الربو في فمه
ثلاث دقايق . .
اربع دقايق . .
خمس دقايق . .
رجع فهد زي ما هوو قبل
سمر ضمته بقووه وهي تبكي بحررقه عليه : خووفتني عليك يا دووب
فهد : انا آآسف غصب عني ماكنت اعرف انك بتبكين
سمر بكت زياده من كلامه : ما عليه .. حبيبي . . ما عليه
فهد : سمر انتي ليه ما تجينا . . يعني اذا كنت ابغى اموت تجين
كانت واقفه على ركبها وضامته وهو واقف
سمر انصعقت من كلامه فكته وناضرت فيه وجهه: انت مرح تموت حبيبي مين اللي قالك هالكلام
فهد : بابا يقول انهــ. . . .
قاطعته حنين ومسكت يده يلااا البيت فهد تعالي سمر
طلعت حنين وماسكه يد فهد ومزاجها قفل
سمر حست ان الموضوع فيه سالفه وسالفه كاااايده بعد كيف انصفق وتغير وجه حنين لما قال بابا وش صاااير ..
سمر ما اهتمت للموضوع كثير كان كل اللي بالها فهد
الولد اللي كان جايبها للبيت : انتي ليه عصبيه كذا
سمر : آآسفه يا بابا بس كنت خايفه على فهد
الولد : عااادي دايم تجيه هالحاله مو اول مره
سمر متسغربه : صدق؟؟
الولد : ايووه هو تعبان فيه ربووو ومن أي حركه يتعب
سمر بحده من اهمالهم : طيب ليه ما انتبهتوا له؟؟ وليه يجي هنا اساساَ؟؟ ليه ما يقعد في بيت خاله حنين ؟؟
الولد حس ان البنت دااااجه وتبي تفتح تحقيق : ولله مدري تبين اوصلك ولا تدلين
سمر فهمت انه يقولها من غير مطرود: لا يمديني الحقهم
طلعت ..
في بيت حنين ..
سمر شافت ان مزاج حنين مقفل وماهي راده على اسألتها الكثيررره عن اللي صار فأسكتت ولا تكلمت لما تهداء حنين ..
..في الصاله حنين جالسه ومعصبه حدها من فهد مع انه ما سوى شي بس هو سبب اللي صار وسمر جالسه بعيد عنها شوووي وفهد منسدح على رجولها الأضاءه خفييفه وهاديه
حنين خافت على ولدها وانحرقت اعصابها عليه كان واعدها انه ما يركض بسررعه ولا يأذي نفسه وفهد يعتبر بيت جيرانهم زي بيته الثاني بس من بعد ما جاه الربو وامه ما تتركه يطلع بالساهل وغير كذا قهرها لما قال عن ابوه قدام سمر .. سمر ذكيه ولماااحه وتفهمها على الطاير ما تلعب ..يعني كل اسباب العصبيه اللي فيها من فهد
الجووو هااادي والكل سااااكت سمر تنتظر حنين تهداء ما تبي تقول أي كلمه تعرف حنين اذا عصبت ما تقدرين حتى تهدينها ..
تشوف عيون فهد وتتأمل في ملامح وجهه الصغير المليان وهو يشوفها
فهد : سمر ليه ما تجيننا زي اول ما اشووفك كثير
سمر بحنيه وعطف امومي : ما اقدر ياحبيبي اجي كثير بس اليوم لو بغيت انام عندكم نمت
فهد : صدق بتنامين عندنا ؟!
سمر : اذا ماما حنين ما تتضايق
حنين ابتسمت بجامله : بقوم اجيب شي نشربه
سمر : اساعدك
حنين : لا ياليت تجلسين مع فهد <<يا شين الواحد لا عصب
سمر : ان شاء الله خوذي وقتك ..
سمر وهي تناضر فهد :قولي حبيبي متى بتروح لمدرسه
فهد : ما ادري
وشوووي الا زي المويا المالحه نازله على خد فهد دمووعه ؟؟؟؟
طالع فهد فوق . . ومد يده الصغيره لخدها ومسح دمعتها . . فهد : سمر ليه تبكين..؟
ايووه سمر اللي تبكي مو فهد ..
سمر تحاول تخفي دموعها : مافيه شي حبيبي ما فيه شي
::::
سمر في الشرقيه عايشه عذاب محد عاشه ابوها يعاملها اززفت معامله وعايشه عند زوجه ابوها واخوانها من ابوها وبنات عمها .. وكلهم يعاملونها زي الخدامه ..عاشت عذااااب ذيك الايام وما كانت احد ترتاح له ويعاملها زين ويحبها كثر حنين وولدها فهد اللي متعلقه فيهم حتى الموت وخاييفه تخسرهم ..
عشان كذا بكيت خافت انها تخسر فهد .. مع ان السالفه بسيطه لاكن اثرت عليها كثيرررر
:::
حنين رووقت شووي عن اول وتذكرت كيف سمر منهاره وانتبهت انه لازم تهديها ..
حنين : وهذا الشاهي والشابووره
فهد فزز بسررعه ومتشفق على الأكل : الله شاااهي وشابوره انا جوعان قوووه
سمر تناضر له بحنان : يا قلبي انت
حنين : سمر لييه انهبلتي كذا يا سمر
سمر : بعذرري صرااحه .. وبعدين انتم مرره مهملينه
حنين :نوبه ربو عاديه تجي اذا تحرك كثيرر
سمر : بس حتى آآخآآآف منها ممكن تأثر عليه
حنين : ههه يا حياتي تطمني .. . .سمعت انك بتنامين هنا
سمر : اذا فهد يحب اسمر تنام معاه الليله
فهد كان ياكل ومبين انه ميت جووع ياكل بسررعه ومتلهف على الاكل .. دخل قطعه الشابوره في فمه وهي حااارررره وبلعها بسررعه عشان يرد على سمر : آآه .. ااح .. تكفين سمر نامي
سمر : ههههههه يا قلبي قلبك انت بشوويش كل يا فهد بعدين يتعبك الحار
فهد بطفوله وهو يكمل اكله : طيب
حنين : من جدك بتنامين
سمر : اذا كنت ما اضايقكم طبعاَ وسووري لأني عزمت نفسي بس مرره مشتاااقه لفهد ولك كثيرر .. وغير كذا انا ما تخيلت اني ممكن افقد فهد بيوم من الايام يعني ضروري اكون معاه اليوم ..
حنين : لا يا سمر مو قصدي يا قلبي البيت بيتك في أي وقت تجين تشرفين بس انا افكر في ابووك وتعرفين علاقتي معه كيف مكهربه
سمر : ابوووي مسافر طالع البحرين وزوجه ابوي رايحه لأأهلها تنام عندهم هي وخواتي بناتها .. وانا قعدت في البيت مع الشغاله لا شغله ولا مشغله .. اخذت تكسي وجيت دووغري
حنين : ووويه دام السالفه كذا ززين طمنتي قلبي .. إلا قولي لي ليه ما جيتي مع سواقكم ؟؟
سمر : تكفين يا حنين مالي خلق اتكلم عن الموضوع السواق زوجت ابوي مستحلته استحلال وما تخليني اروح فيه أي مكان يا دوب المدرسه
حنين تحس انها كدرتها المفروض توسع صدرها دام جت عندها :طيب ما علينا الحين .. وش تبين نتعشى ؟؟
فهد : مكرونه .. ابي مكرونه
حنين بمززح : ما سألتك انت اسكت اسأل سموره
سمر : ههههه دام فهد يبي مكرونه انا ابي مكرونه
:::
الساعه 2 ونص باليل
مر الوقت بسرررعه فهد دخل غرفته ونام وسمر وحنين في الصاله ويسولفون بهدوء
وفجاء
طررااااخ
طرااااخ
طرااااااخ
سمر بخووف : يمه أيش هذا
حنين : غريبه مين اللي يدق الباب بهالطريقه
زاد صووت الضرب
سمر : حنين شوفي مين هذا اللي يطق الباب
حنين : روحي طفي كل لمبات البيت بسررعه .. وادخلي بغرفه فهد وقفلي البابا ..انا بتصرف
سمر : بس مقدر اخليك
حنين بعصبيه : سمررر بسررعه اشووف ما فيه وقت فهد ما يقعد لحاله
ركضت سمر لغرفته بسررعه ..
::
حنين رفعت سماعه الجرس بدون ما تتكلم تبي تسمع الصوت
: شفت انا قايله لك انها عند اختك الشيطانه حنين بتستغل الفرصه البيت فاضي وشردت لها
ابو سمر : انطمي انتي ززين .. ولله يا سمر لو انك جوى مو حاصل خير
::
حنين عرفت الصوت هذا صوت ابو سمر وصوت زوجته
حنين : مين ؟؟
ابو سمر بصرااخ : حنينووه افتحي لا اكسر الباب عليك طلعي بنتي احسن لك
حنين : البيت ما يوسعك يا اخوي وبنتك تبي تقعد عندي الليله وهذا حقها وما تقدر تمنعها
زوجه ابو سمر بهمس : مشاء الله طالت وشمخت ولله
ازدات ضربات الباب
حنين : تقدر تضرب من هنا لبكرا وخل خلق الله يطلعون ويشوفون المنضر اللي انت مسويه سكرت السماعه ..دخلت المطبخ تشرب مويا بارده تهديء شووي من التوتر اللي فيها
:
:
:
عصصصببب ابو سمر بطل ضرب على الباب ..وفكر شوووي وهو هاايج
زوجته : شووف الباب قد ايش قصير والحديد اللي عليه
ابو سمر : وش تقصدين انتي
زوجته : طب
وشوووي الا راقي من على الباب وطاب على البيت
صبخ بيبان البيت يدور على سمر وهو يدور دخل المطبخ شاف حنين
حنين انصدمت .. طاح الكاس من يدها وترتعش من الخوف ما تأمن له هذا مو طبيعي
ابو سمر : اجل البيت ما يوسعك هاه
اسررع لها ومسكها من رقبتها ولزقها بالجدار صطرها كف من قوته طلع دم من فمها وصبخ راسها بالجدار ,, جدعها بالأرض وطلع بغير مباله
ما كأنها اخته من لحمه ودمه ما كأنها هي وياه طالعين من رحم واحد ما كأنهم تربوا سوا وعاشوا حياة وعشره سووا بطقه اصبع تغير كل شي وانقلب الطيب حقد والوفاء خيانه وهانت العشره بطقه اصبع كل شي تغير ..
حنين طاحت في الأرض مغمى عليها سمر فتحت الباب ونزلت تحت تشوف وش صاير اما فهد قام من النوم ويلحق سمر خايف من الصراخ اللي تحت .. اول ما طلعت بوجه ابوها .. فهد ركض له وضمه مع رجله
فهد : خالي من زمان ما شتفك
ابو سمر دفه بقسووه ويصارخ بوجهه : بعد عني انت . . انقلع هناك
فهد ابعد بشوويش وهو يبكي من صراخ خاله
ابو سمر : تعالي انتي يالحيوانه حسابك بالبيت يالي ما تربيتي
مسك سمر من زراعها بقووه وكأنه بيحفر عضامها حفر
طلعت معه ودموعها على خدها ..
::::::
::::
::
:
.
نرجع لطلال والأستراحه
::::::::::::::::::::::::::::
طلال بحنان وحاس انها بتتجاوب معه : الجو بارد صح
((للمعلومه الجو حاااااار))
سمر : ايووه برداااانه
طلال ظمها لحظنه وذراعه لامه جسمها على صدره من الجنب اليمين حست بدفااا وحنااان يغطيها من ساسها لراسها حبت الجو اللي هي فيه وحبت تعامل طلال معها وصبره عليها
طلال حس تفكيره بينحرف بس ضبط نفسه
سمر : طلال . .
طلال : همم
سمر : . . . . .
طلال حط يده على راسها : سمر فيه شي
سمر : لا
طلال : متأكده ؟؟
سمر ناضرت عيونه وشافت كل حنيه الدنيا فيها حست ابفرح اخيراُ لقت شخص حنون عليها كثر حنيه فيصل
سمر بأبتسامه من قلب : اكيد لا تخاف
الجو حاااار طلال انكتم وفكر يفك ازرار ثوبه بس خاف سمر تنفر منه و تقوم بطلعه الروح روضها وخلاها باللي هي فيه فكر شوووي
بعدين ..
سوى منكتم وتعبان وصار يتنفس بسررعه طبعاُ كل هذا تمثيل
سمر حست بالجسم اللي سانده راسها عليه ينزل ويرقى بسررعه رفعت راسها شافت طلال منكتم وكأنه تعبااان وكأنها جته نوبه ربوو قوويه
سمر فزززت وخاافت حيلل : طلال .. وش فيك
طلال انبسط عليها حس اللعبه ماشيه تمااام ما رد عليها وبداء يكح بقووه وزياااده
سمر خاافت عليه وماتت من الخوف بعد جلست على ركبها وفتحت ازارير ثووبه وحطت يدها على صدره وتدلكه برقه وحنااان ودموعها بعيونها من الخوف
طلااااال كيييف وتعدل المزاج عليها والدنيا مو واسعته من الفرحه ما توقع هالتجاوب .. اسكت بطل يكح .. وعيونه بعيونها وهي تتجاهل نضراته
سمر : وويه الحمدالله عن جد خفت
طلال وهوخاااااااااق وعيونه بعيونها : خفتي !! ؟
سمر : بقووه
طلال ونفس الحاله ما تغيرت : خايفه علي ؟؟!!
سمر : ليه تطالعني كذا ما احب النضرات هاذي
طلال ونفس الحاله بعد : ضايقتك !!؟؟
سمر والدلع زايده جرعته اليوم : بقوووه
طلال نسى نفسه على نبرتها خلااص الولد بيخربها اليوم
طلال : تعالي هنا ليه ابعدتي
سمر فهمت عليه : هااه !!مدريــ .. ليه ؟؟ <<تلعثمت
طلال : شفيك خايفه مني !! ؟
سمر بدلع !! : نووو مو خايفه مين قال !!
طلال : طيب تعالي هنا
سمر بدلع : فين !!؟
طلال : زي ما كنتي قبل لا تقومين .. ولا مو مرتاحه ؟؟!؟!
سمر في نفسها : يا ويلي على الأحرااااج . . وش اسوي معه هذا الليله مو معديه على خير
سمر : هااه !! لا عادي
طلال : يووووووه شوفي وش هذا
سمر التفت على جنب بسرررعه بتناضر عن ايش يتكلم ...
باسها على خدهااا وكأنه ياكلها اكككللللل
سمر دفته لا شعورياً وقااامت من القعده كلها .. تدور على عبايتها واغراضها ما تبي أي شي يصير بينها وبينه ...
طلال قام وراااهااا .. دور دور دور .. لقاها في نفس الغرفه اللي كانت تبلس فيها ..
دخل وسكر الباب وراه وقفل وابتسم بمكر .. سمر كانت خايفه وبنفس الوقت مبسوطه عليه ..
طلال وهو ذاايب عليها ورااايح ملللح : ليه رحتي سمر
سمر : تضايقت مني ؟؟
طلال : جرحتيني يا سمر !!
سمر وهي تحاول تبعد عنه قد ما تقدر .. تبعد عنه واقفه في الزاويه وشنطتها بيدها
سمر خااقه بعد ما عليها زووود : آآسفه .. ما كنت اقصد . .
طلال وقرب منها زياده : مسمووح يالقشطه مسمووح
سمر بضره لعانه : طلااال .. انت شتبي !!
طلال : ابي احسك
سمر بنضره بلعانه : هه تحسني !! كيف يعني ؟؟
×××××××××××××××***************××××××××××××××****** *****
***************××××××××************××××××*******
××××××××××************×××××××××××
************************
××××××××××
*****
على احد شوارع الرياض العامه ..
كان فيصل في السيارة يمشي بسررررعه 170 يمشي بسررعه وهو ما يشوف اللي قدامه يبي
يحط قهره وجورحه في هالسيارة روحه ماتت صار جسد بدون روح ما يحس قلب انسان ثاني
انسان قاسي .. ومو فيصل الأولاني صار فيصل الكئيب الحزين اللي هموووم الدنيا كلها على
راسه جرح رفيق عمره وجرح حبيبته اثروااا عليه وعلى شخصيته وعلى روحه لدرجه انها
ماتت ما تفرق معاه الدنيا احترقت او طارت لسمااااء تبلد إإأإحسااااسه ..
دموعه تنزل بدون لا يحس راحت هيبته راحت رجولته وشخصيته القوويه عشان الحب خسر
كل شي ومن ضمنها حبه واخوته لرفيقه وماتت روحه ومات احساسه بسبب صدمه حب قويه
!! يا ترى يمكن يخسر جسده بعد عشان الحب ..!!
صار حادث أليممم في الشاااارع العام فيصل في المستشفى العنايه المركزه بين الحياة والموت !!
ومحد يعرف بوجوده في المستشفى
::::::::
في بيت ام ليث الشباب في فلتهم ..
مجتمعين كلهم ويلعبون بلووت إلا فيصل طبعاً الصجه عامله عمايله والعيال فالين خيرهااا على هالجمعه ..
ليث : هههههه يا ررهيب انت يا ررهيب حلووه الدقه يا مان
دق جوال ماجد
ما كلف نفسه بس ناضره من جنب واختبص وجدع الورق واخذ الجوال وطلع
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك