رواية افهم انك تموت وما تثير اهتمامي -13
في بيت ام ليث الشباب في فلتهم ..
مجتمعين كلهم ويلعبون بلووت إلا فيصل طبعاً الصجه عامله عمايله والعيال فالين خيرهااا على هالجمعه ..
ليث : هههههه يا ررهيب انت يا ررهيب حلووه الدقه يا مان
دق جوال ماجد
ما كلف نفسه بس ناضره من جنب واختبص وجدع الورق واخذ الجوال وطلع بدون ولا كلمه
العيال تنحوووا خير ان شاء الله وش السافه يقوم كذا بدون احم ولا دستور وحنا بوسط اللعب
ليث : خير ان شاء الله وش قله الحيا هاذي
بدر : ولله غريبه من ماجد الا اذا كانت صفقه من صفقاته فهو اول شي فلوس والباقي بالطوفان
محمد : هه لا لا يا دلووخ ما ضنتي يكلم وحده مبين وجهه يوم دق الجوال
بدر : هه عاد انت خبره مشاء الله
ليث : يمكن ولله مو بعيده بس ولله الولد يذبح بغموضه تحسه لغز
محمد : لا لغز ولا شي تلقا وحده مرقمته يوم نطع المجمع ومنهبل اول مره يكلم بنت
ليث : انتم متى طالعين وطالعين من دوني بعد
بدر : ايه ولله فاااتك الصواريخ ذاك اليوم هبااااال صراحه فاااتك
ليث : وين كنت انا ليه ما طلعتون معكم
محمد : اضنك كنت مسافر مدري وين .. ورجعت بنفس حفله بنت خالتي
ليث : ايه ايه تذكرت
محمد : بس ولله فااتك ووونااسه واحد قاعد يغازلني بالبلوتوث يحسبني بنت ولله يا ضحكنا
ضحك عليه بس ناقصنا انت وفيصل ولا الدميجه ماجد مسوي عاقل هو وخشته . .
بدر : الا على طاري فيصل ما تدرون وينه ولله مختفي من زماان وين طلعاته فينا والكشتات
والوناسه احسه مختفي آخر مره شفته في حفله سمر
((محمد فاهم القصه وساكت من البدايه ما حب يدخل))
ليث : مشاء الله توك تفقده ..
بدر : فاقده من زمان بس قلت يمك الولد يطلع شي بس مختفي بقووه لا يكون سالفه سمر مسويه في بلاوي <<<عليه براءه مو على احد
محمد ماضر في وجه ليث وليث ناضر في وجه محمد كل واحد يقول لثاني رقع السالفه
محمد : إإأأ لا ما ضنتي بس يمكن متعرف على شله ابو عراده ما تدري
::::::::::::::::::::::::::
ماجد طلع في الحوش عشان يكلم على راحته
كادي : الوو
ماجد : هلا كادي اخبارك
كادي : بخير دامك بخير ..
ماجد : روقتي ومستعده تكلميني ؟؟
كادي : ما دقيت عليك الا وانا طايب اللي بخاطري
ماجد :انتي مبسوطه باللي تسوينه ؟؟
كادي : احد ينبسط وهو يسوي كذا
ماجد : يعني مو عاجبتك حالتك
كادي : طبعاً لا
ماجد : طيب دام الطريق هذا من الاساس ما يعجبك ليه مشيتي فيه
كادي : كان الفراغ يشغل حياتي بشكل ما تتخيله
ماجد : الفراغ يخليك تبني نفسك مو تذبحينها
كادي : ماجد واللي يرحم والدينك انا ندمانه وما ابي مثل هالكلام
ماجد حس ان هالبنت يغار عليها يحسها زي اخته ما يبيها تضيع يحسها عرضه مو عرض اهلها . . .
ماجد : اعذريني بس انا منقهر عليك عشان الفراغ تضيعين نفسك بهالشكل
كادي : مو عشان الفراغ .. اسمع قصتي
ماجد : اسمع .. تكلمي
كادي : كنت في ثالث متوسط يعني عمري تقريباً 15 سنه طيب . . جوي العائلي غريب
شووي امي ماتت من بدري واخواني وخواتي محد عليه من الثاني كل واحد عايش في عالم
لحاله في غرفته فما لقيت احد يوجهني او ينصحني ومع ذالك اخواني كانوا يشكون فيني انا
وخواتي بشكل فضييييع ما تتخيله لدرجه اننا صرنا من المدرسه للبيت ومن البيت للمدرسه
وتخيل وحده من خواتي صديقتها وصلتها لبيتنا من المدرسه عشان اخوي تأخر عليها .. جاها
ضرب مو طبيعي من كل اخواني اللهما طلال ما جاها ولا اهتم ا مره عازل نفسه عنا يعني ما
يهمه خواته انفضحوا او ما انفضحوا ايززي عنده .. وتخيل حرموها من الدراسه بس عشان
صديقتها وصلتها حبيسه البيت ما تروح ولا تجي لا المدرسه ولا غيرها ..تخيل درجه التكبت
اللي كابتيننا بعد فتره ..تزوج اخوي الكبير ولها مع زوجته واشغله الله بنفسه اخوي بندر لها
مع ربعه وصار ما يجي الا الليل ينام والصبح يطلع .. بعدها انفجرت صراحه وغير هالشي
تعرفت وانا في افتره المراهقه على شله ما كنت اعرف هالبلاوي الا منهم وبداء مشواري في
هالطريق وعمري 15 سنه وما قدرت اطلع منه
ماجد : الكبت يولد الأنفجار هالشي معروف .. عقب قصتك اقدر اعذرك بس ابي أسألك انتي بنت ..
كادي: اكيد بنت وش شايفني رجال
ماجد : لا لا ما فهمتي اقصد انتي للحين بنت
كادي: ما فهمت عليك صراحه
ماجد : بالعربي محد لمسك
كادي : اكييد لااااا مستحيل اوصل لهادرجه صحيح اني ضايعه وصايعه وتايهه بس اضل حذره واخاف على نفسي
ماجد : شي طيب .. اللحين انتي مستعده تغيرين نفسك وتطلعين من اللي انتي فيه ؟؟!! لازم تكوني مستعده
كادي : ماجد انا محتاجه لك عشان اطلع من اللي فيه ما اقدر اطلع منه لوحدي احتاجك معاي
ماجد تحرك فيه شعور الرجوله وحس ان مصير البنيه بين ايدينه وزاد اصراره على انه يطلعها من اللي هي فيه
ماجد : انا معاك للأخر .. المووهم اللحين .. كم واحد تكلمينه ؟؟
كادي : هه يا حليلك كثيررر تقصد اللحين ولا الزمان ولا كيف
ماجد : كم عددهم حالياَ ؟
كادي : حوالي 9
ماجد ما أثر عليه العدد كان متوقع اكثر بعد
ماجد :طلعتي مع احد منهم !!
كادي : ايه 2 بس
ماجد : وين وشافوا وجهك ولا لا ؟
كادي :بدون ما يشوفون وجهي وبمكان عام
ماجد : تماااام الى الان .. ركزي معي احد يعرف اخوانك او مكان بيتكم او يعرف اسمك او شي من هالقبيل
كادي : لا لا ابداااا انت الوحيد اللي عطيته اسمي الحقيقي تراني مو سهله زي اللي فبالك
ماجد : حلو اذا تتكلمين جد فأنتي قطعتي علينا مشوااار طووووويل
كادي : اكيييد اتكلم جد
ماجد : كل اللي عليك اللحين انك تغيرين رقمك وبعدين نبداء بالباقي
كادي : بس كذا اغير رقمي هذا اللي اسويه
ماجد : حالياً بس هذا وبطلي تطلعين خليك في البيت فتره عشان التغيير اللي فيصير في شصيتك . .
كادي : انت تفهم اكثر مني راح اسوي اللي تقولي عليه
ماجد : طيبــ..
كادي قاطعته : طولت عليك شكلي ازعجتك
ماجد : لا عااادي وش دعووه
(( لحضه صمت ))
كادي:هه طيب انا اخليك اللحين
ماجد: طيب .. مع السلامه
كادي : مع السلامه
((قبل لا تسكر ))
ماجد : اقوولك اذا حسيتي نفسك ضايقه فيك حاكيني
كادي :اكيييد
ماجد : مع السلامه
كادي : فامان الله
سكر السماعه ..وفجاءه
: ببببوووووخخخخخ
ماجد : بسم الله الرحمن الرحيم هبلتيني
: مييييييييين تكللللللللللللللللم ؟؟!!!!
ماجد : مالك شغل يالملقووفه
: اسمعك تقول حسيتي وحاكيني وضايقه فيك .. خيررر ان شاء الله عساك بخيرررر سلاماااات يالأخوو وين حنا
ماجد : رفيفووه انتي من متى هنا ؟؟
رفيف : لا يرووح بالك بعيد من يوم ما قلت ((حسيتي !!)) <<قالتها وهي تتنيعم وتددلع تتريق على اخوها <<
ماجد : اااااااااااف منك .. ولا تجسسوا يا شيخه
رفيف : قولي وش اسم اللي تكلمها تكفى تكفى
ماجد : اكلم وحده من الربع انتي تتخيلين أاإ قصدي واحد
رفيف : اجل وحده طيب بعديها يا ماجدوووه
ماجد : المووهم وش جايبك
رفيف : اممم ايه تذكرت امي تقول يالعيال تعشوو برى اليوم ما فيه عشى
ماجد : ززين نفتك من اكل الطباخ لو يووم تدرين زايد ثلاثه كيلوو من اكله دهن دهن اعووذ بالله
رفيف : انتبه تصير زي ليث زمااان . .كبيرهم اللذي علمهم السحر
ماجد : استغفر الله العظيم صدق انك دااااجه .. يلااا طسي هناك عند الحريم
رفيف : تعال اقولك قبل لا اطس البنات يسلموون عليك
ماجد : نصااابه بنات خلاتي يستحوون فيهم دين مو مثلك يا قليله الحيا ودااااجه
رفيف : الله وكبررررررر يالسديس ما انام الليل اسمع تلاوتك
ماجد : حرام عليكم ولله ان فيني دين
رفيف : لا يكثر يلا انقلع
ماجد : خير ان شا ء الله
::::::::::::::::
في غرفه رفيف ومرام ..
مرام : يالبييييييييييييييييه يا تووفي ووه بس ياللبببيه يا قلبك
رفيف : مين توفي
مرام : هتاااف يا حبي له ووه بس يا زينه
رفيف : مدري وش عاجبك في هالبنت ما عجبتي ابداااااااا
مرام : أأأأاااإإإفاااااااا ليه ؟؟
رفيف : مو عارفه ما خشت مزاجي
مرام : ولله بكيفك انتي ومزاجك وش علي منك انا .. بس ولله انها طيبه البنت تخيلي عازمتني على ملكه اختها تخيلي يا فديتها وووه يا زينه يا مللحه بس
رفيف : الله يصلحك انتبهي تنحرفين علينا بس
مرام : خ خ خ خ خ بااايخه يارووحي
رفيف سفهتها ودخلت الحمام تتتسبح
رفيف بالحمام تتسبح .. ومرام منسدحه على السرير وتطالع في السقف وتفكر في هالعالم الواسع ..
بريحك مني خلاااص واغيب عن عينك
مدام هاذي رغبتك لازم احقـــــــــــــقها
وبطلبك آخر طـــــــــلب الله لا يهــينـــك
قولي احبك حبيبي خـــــــاطري اسمعها
دق جوالها
مرام في نفسها : اااااااااااااااف ابلشني هذا له اكثر من اسبوع يدق ما طفش .. خليني ارد واسكته صح
مرام بصوت مشكلجي ومخشنه صوتها لانه صوتها خلقه ناعم : نعم !!
محمد : يا هلا وغلا بهالصووت ما بغيتي تردين
مرام : انت وش تبي هاه ترى طفشتني بعيشتي قسم بالله ما زهقت وانت بس تدق ترى مسوي لي زحمه
محمد : يا فديت هالزحمه ولله اجل ضايقتك زحمتي
مرام : ثمن الفاضك لو سمحت واعرف مين تكلم
محمد : انتي مرام اعرفك يالغلاااا خابزك واعاجنك انا
مرام: انت من وين جبت رقمي وش تبي فيني ومن وين تعرفني
محمد : انتي تعرفيني ومن وين جبت رقمك انا لا حطيت شي في بالي اجيبه
مرام: انت ما تهمني طيب وقله الحيا هاذي ما تمشي عندي ولو سمحت بطل تدق ترى مسووي ازعاااج
محمد : يا فديت هالصووت ولله وووه بس شوفي ببطل ادق بس بشرط تسجلين رقمي عندك وتسمحين لي ارسلك رسايل بدون ما ادق
مرام : تطفى طس هناااك وتتشرط بعد شين وقويت عين
سكرت السماعه ...
رفيف طلعت من الحمام وهي تنشف شعرها
رفيف : آآآآآآآآآه احسي هلكاااااانه من التعب ابي انااااااام
مرام : عادي حتى انا
رفيف : اسمعك تصارخين وتهاوشين تو مين تكلمين
مرام : إإأأااإإ تهاوشت انا وهتاف اول ما دخلتي دقت
رفيف رفعت يدنيها لسماء وتدعي من قلب : يااااااااا الله لك الحمد والشكر على نعمه العقل يالله
لك الحمد يااالله لك الحمد .. فضلتني على كثيرر من خلقك يا رب واولهم اللي قاعده معي ذي
يالله لك الحمد والمنه ..
مرام : ليه تقولين كذا شايفتني طالعه من شهااار
رفيف : لا حشى حشى محشووومه انتي طالعه من شهار من يقوووله
مرام : تتريقين مس رفيف
رفيف : اعنبو دارك تو طايحه لي غراميات ويا لب قلبها يا ملحها يا زين جسمها تقل رجله
وما امدى ربع ساعه عشر دقايق دخلت اتسبح واغسل هالشوشه الا متهاوشه معه تبين دكتور
نفسي انتي
مرام : رفيف وش عندك مستلجه اليوم ترى مالك داعي ابداا
رفيف : اشش جب جب ولا كلمه اخمدي يالله ما بقى الا بزراان
مرام : ايه ولله الحمد الله والشكر على نعمه العقل ..
تخطت بالفراش ونامت على طووول
رفيف قعدت شووي بعدين نامت
قراءة ممتعة ودمتم سالمين
}البارت العاشر {
الصباح الساعه 9 ام ماجد وام ليث وام فيصل ..
في الصاله.. جالسين يتقهوون
ام فيصل : حشى كل ذا نوم
ام ماجد : اخبرهم يسهرون يوم قمت اصلي الفجر ولا يطلعون بوجهي عنود واروى
ام ليث : يمكن قاموا يصلون بعد
ام ماجد : لا ولله شفت عيونهم مفنجله ماهم توهم قايمين
ام فيصل : ابي افهم وش حاجتهم بالسهر
ام ليث : شباب يا ام فيصل شباااب
ام ماجد : اييه الله يصلح الحال
ام ليث تقراء الجريده .. وام ماجد تسمع الرادوا وام فيصل تتقهواء
وفجاءه رن التليفون ..
ام فيصل : اصغر وحده منكم تقوم ترد
ام ليث : هههههه انا بقوم
ام ليث : السلام عليكم
: وعليكم السلام بيت الراشد اختي ؟؟
ام ليث : ايه نعم مين معي ..
: معك مستشفى الحمادي ولدكم فيصل عندنا في العنايه المركزه
((ام ليث انهبلت وطار عقلها من الخوف بس ضبطت نفسها عشان خواتها والضغط ))
ام ليث : يا سااااتر يا ربي لا تفجعنا يا رب ايش حصله
: حادث على الشارع العام والحادث اليم واصابته قوويه لازم تكونوا معه
ام ليث سكرت السماعه
ووجها مصفوووق ودموعها بعيونها من الخوف
ام ليث تصاارخ : بسررعه البسو عبياتكم ام ماجد اذا خلصتي روحي قومي العيال .. .. ميررري ميررري تعااالي بسررعه ميررررررري وصمخ
ميررري : ايوو مدام
ام ليث تصارخ : روحي قومي ام محمد و ام سمر و ام بدر
ميري : اوكي مدام
ام ليث مسكت جوالها وهي تررجف
ام ماجد : وش فيه روعتينا يا اختي
ام ليث سفهتها من الرووعه : الووو احلام
احلام : هلا خالتي اخبارك وش مسوويه على هالصبح
ام ليث : بسررعه تعالي مستشفى الحمادي اخوك فيصل هناك
(( ام فيصل بس سمعت اسم ولدها قامت تصارخ من الخوف عليه ))
احلام : نعم؟؟ مستشفى وش يوديه هناك
ام ليث : بسررعه صاير له حادث ومو سهل
احلام سكرت السماعه بدون ما تتكلم وام محمد فهمت القصه وراحت عند العيال تقومهم
ام ليث : يا ام فيصل خير اللهم جعله خير بسررعه انا وياك نركب السياره وهم يلحقوونا بعدين .. تيييسيي تعاالي يا تيسي
تيسي : يس مدام
ام ليث : قولي للعيال وباقي الحريم يلحقوونا في السيارة الثانيه
ام ليث وام فيصل ركبوا السيارة وراحوا للمستشفى
:::::::::::::::::::::::::::::::::::::::::::::
::بنفس الوقت ::
عنود على السرير نايمه بهدووء
اروى وهي على السرير وتتمغط وكأنه احد مزعجها : ااااااااااااااااففففف وش هالصجه على هالصبح..
الغرفه كلها ازرق فاتح واورنج فاتح الوان فاااتحه ورايقه على بعض اروى مدت يدها على الكومدينه اللي جنب سريرها تدور الساعه بتشوف الساعه كم ؟؟ وعيونها تحت الفراش
فجاءه
طرااااااااااخ
شالت الفراش عن عيونها عشان تشوف وش اللي طاح
كتب فوزيه الدريع مرصووصه على كومدينتها قرآن صغير ودفتر صغير وقلم جنبه .. و جوالها الفرواله بلوتوث بدون كميرا موجود من ضمن الأغراض . . وساعتها اليد اما الأدراج اللي تحت ما قدرت افتحهم واشوف وش فيهم شخصيتها عاااقله كثيرر تذكرني بشخصية ماجد ,,, اما كومدينه عنود بعكس اروى .. عنود كومدينتها رويات رومنسيه مرصوووصه والرويات البوليسيه ماخذه حيز في المكان بعد ايبود نانو جوال n 95 اساور وخاتم فضه شايلتهم لما جت تنام شباصه كبيره ممرصووصه بورود صغيره ورديه
و شموع معطره . . تلاحضوا التناقض بين الشخصيتين ..
نرجع لأروى .. شالت الفراش عن عيونها عشان تشوف وش اللي طاح من على الكومدينه
شافتها الساعه من بعيد .. 9 وربع ..
اروى في نفسها : اففففففف يالله صباح خير مشكله اللي نومه خفيف يقوم مع طقه اصبع يا بختك يا عنود ..
((زادت الصجه تحت))
اروى في نفسها : يا ساتر وش هالصجه اللي تحت ومو صجه عادي هذا صرااخ ومو صراااخ بزرااان صرااخ روعه
قامت من على السرير مفزوعه وطلعت برى الغرفه كانت لابسه قميص الى نص ساقها واكمامه قصيره بس تغطي كتفها وفيها زي الشرايط الورديه وآخر القميص من تحت شرايط ورديه نفس الشرايط اللي على الأكمام القميص كان مشجر بورود صغيره تفاحيه وبنفسجيه .. ونعال بيت كلها قطن وردي ..
شافت من الدربزين ..
ماجد كان واقف ومعصصبببب : بسرررررعه ياااا يمه بسررررعه
ام ماجد : اصبرر ما بقى الا سياره وحده وام محمد تلبس عباتها
ماجد : بسررررررررعه الولد في المستشفى وانتم مبردين بهالشكل وتخيلي محمد ما قام للحين ..وكلن تركه ورااااح
((اروى تسأل نفسها : مين الولد؟؟ ومستشفى ؟؟!! شحاصل ومين هذا اللي داخل البيت لا يكون ماجد مشاء الله عليه صاير رجال ))
ام ماجد : ماجد خله هو يقوم ويعرف شصاير المووهم نروح اللحين
ام محمد : يلااا بسرررعه اسبقووني جيت وراكم
ماجد : لا حول ولا قوة الا بالله العلي العظيم
طلعوا من القصر وكلهم في المستشفى الا البنات طبعاً ما يدرون وش السالفه ومحمد نايم في العسل نوومه ثقييل لو الدنيا تنحرق ما يقوم لما يشبع نوم وسمر الله يعلم بحالها هي وطلال ..
:::::::::::::::::::::::::::::::::::::::::::::::::
طلال يده على خدها ويلمسه بنعوومه : سمر .. سموووره .. قومي حياتي
سمر شوي شووي تفتح عيونها بكسل : همم ..
طلال : يا فديت هالعيوون والله
سمر : كم الساعه
طلال : 9 ونص
سمر : ليه قومتني بدري وربي
طلال : اشتقت لك
سمر وكأنها بيبي وزعلانه عشانه قومها : ما احبك ..
لفت على الجهه الثانيه وعطته ظهرها وغطت نفسها بالفراش
طلال حط يده على كتفها : لا سمر ارجووك
سمر: ما احبك
طلال : انا اموووت فيييك
سمر اول شخص يسعدها بهالشكل ..طلال دخل السعاده جد لقلبها بس اكييد ما حبته الحب ما يجي بين يوم وليله او حتى من شخص دخل السعاده لقلبك الحب يجي احيان بدون ما تعرف الشخص اللي حبيته ويجي احيان بدون اسباب وبعض الحب ما يجي الا مره وحده بالعمر وهي حبت وعندها امل ترجع لحبها الأول . . . واكيد طلال ما حبها بس عشان يروضها من الكره اللي شايلته عليه
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك