رواية اسيرة البدر -6
ابتسمت وقالت : هلا والله ابمن يانا .. حياكم الله
بوبدر : الله يحيج يا ام الدانه
ورد البدر : الله يحيج مرت عمي
***************
.:. الدانه كانت ابدارها ومو داريه بشي .. كانت اتفكر بالبدر وهي ما تدري انه موجود بنفس المكان اللي اهي عايشه فيه .. قامت من السرير وقعدت عالكمبيوتر بتدز مسج للبدر .. دخلت على النت لبرنامج محدد للمسجات وكتبت : احبك يا البدر
.:. كان البدر قاعد بالميلس مع ابوه وعمه ومرت عمه .. فتح المسج وقراه وهو متضايق .:.
البدر ( يسال نفسه ) : شالفايده اتحبيني واكاهو الوالد الحين بيخطب لي !!
.:. وبعدها .:.
ابتسم بودانه : والله ويحصلنا الشرف .. هذي اهي الساعه المباركه .. واحنا من وين بنحصل للدانه واحد احسن من البدر ؟؟
واستانست ام الدانه : والله انك ما تنرد يا البدر
.:. سكت البدر اللي ما كان عاجبه هالشي .. واكتفى بالابتسامه المزيفه .. اما بالنسبه للدانه ما كانت تدري بشي .:.
.:. وبعدها .:.
سال بوبدر : عيل وين الدانه ؟؟نبي نسمع رايها ؟؟
ابتسمت ام الدانه : ان شالله .. دقايق بس واناديها
.:. ابدار الدانه .:.
دخلت امها عليها بسرعه : يالله يالله بسرعه .. تعدلي والبسي بسرعه
ما فهمت دانه شي : ليش ؟؟ وشسالفه ؟؟ وليش بسرعه ؟؟
ام الدانه : ياينج خطاب يا ابنيه .. يالله بسرعه البسي وخلصينا
انصدمت الدانه : شنوو ؟؟ خطاب ؟؟ ولي انا ؟؟ ومنو ان شالله ؟؟ انا ما افكر بالزواج الحين
عصبت امها : مو على كيفج ما اتوافقين .. البدر وابوه يايين بنفسهم يخطبونج وانتي اتقولين ما افكر بالزواج الحين ؟؟
استغربت الدانه : البدر ؟؟ اي بدر هذا ؟؟
ام الدانه : البدر ولد عمج احمد .. بعد اكو غيره !؟
.:. تعجبت الدانه وما استوعبت وبنفس الوقت استانست واستغربت !! ما قدرت توصف شعورها بالهاللحظه .. حست نفسها بتطير من الوناسه .. معقوله حبيبها البدر ياي بنفسه مع ابوه عشان يخطبها ؟؟ وبسرعه من الوناسه ما عرفت شتقول او شتسوي ؟؟ قاعده تلف وتدور بدارها مثل المينونه .. مو مصدقه هالشي .. بسرعه تلبس تختار شي تلبسه وهي متخربطه .. تعجبت امها من حالها واستغربت !! توها من ثانيه بس ما كانت اتفكر بالزواج ومن اسمعت اسم البدر غيرت رايها واستانست .:.
.:. كان بدر قاعد على اعصابه ومتضايق من هالمصخره اللي اتصير بدون موافقته بس سكتت واستحمل وما بين هالشي .:.
.:. وبعد 10 دقايق تقريبا .:.
.:. دخلت الدانه مع امها .. دخلت واهي امنزله راسها وهم مستحيه .. تضايق البدر من يوم دخلت وتمنى بقلبه ان اتصير كارثه اتكنسل كل شي .:.
.:. وبعدها .:.
سال بوبدر ( بابتسامه ) : اشلونج يا ابنيتي يا الدانه ؟؟
ردتت مستحيه : ابخير يا عمي والحمدلله
وسال بوبدر : انا والبدر ياين اليوم عشان نخطبج للبدر .. شرايج يا الدانه ؟؟
.:. نزلت راسها .. استحت وما ردتت .:.
سال بوبدر مره ثانيه : ما قلتيلنا شرايج يا الدانه ؟؟ اكيد يبيلج وقت للتفكير ؟؟
تليقفت امها : اكييد موافقه .. ما هو السكون علامة الرضى
.:. وبعدها .:.
ما استحمل بدر وتكلم : انا اقول ما دامها اسكتت يعني مو موافقه .. ما يخالف كل شي قسمه ونصيب
.:. وفجاه .:.
انطقت الدانه بدون حاسيه : امبله .. امبله .. موافقه .. منو قال مو موافقه ؟؟
.:. وبسرعه حطت ايدها على حلجها وهي منحرجه شلون تجرات وانطقت وقالت اللي قالته !! تضايق البدر من موافقتها السريعه بعكس بوبدر اللي كان متشقق .. اما بالنسه لام الدانه وابوها كانوا مستانسين من هالشي .:.
:
.:. في بيت بوبدر .:.
.:. كانت سلوى قاعده بدارها اليديده اترتبها .. كانت اتفكر بكلام بوبدر عن الحب لما قالها انج تضايقتي ليش ان البدر بيخطب الدانه .:.
سلوى ( بينها وبين نفسها ) : بالعكس انا مستانسه للبدر .. والله يوفقه ان شالله مع الدانه .. اما لسبب ضيقتي هذا لشي ثاني .. شلون ما تبوني اتضايق وانا اشوف الشخص اللي احبه قاعد مع بنت غيري ؟؟ واللي يضايق اكثر انه كان ماسك ايدها .. واللي يضايق اكثر واكثر ان البنت اللي كانت قاعده معاه اهي ساندرا رفيجتي !! يعني معقوله خليفه يحب ساندرا واهي اتحبه ؟؟ ما قدرت استحمل هذاك اليوم وتليقفت واتصلت لساندرا بس للاسف ما توصلت لشي !! من المحزن اني احب نفس الشخص اللي اتحبه رفيجتي ومن المحزن اني احب شخص وهو طايح بحب غيري !! انا اشبيصير فيني لو كانوا هالاثنين يحبون بعض ؟؟ اعتقد نار الغيره بدتت تشتغل فيني
.:. وبعدها قطت نفسها عالسرير متضايقه من هالتفكير اللي تعبها .:.
***************
.:. ومجددا ابيت بودانه .:.
ابتسم بوبدر وقال : على خير ان شالله .. احنا راح انخلي الحريم يتفقون على كل شي
رد بودانه : ان شالله
.:. كانت الدانه مستانسه وسعادتها ابد ما تنوصف .. كانت طول الوقت امنزله راسها اتحاول ترفعه اتشوف البدر بس استحت .. وتمت على هالحاله ليمن طلع بوبدر والبدر من البيت .:.
***************
.:. ابيت بوبدر .. تليفون الصاله كان يرن ومحد قاعد بالصاله ويسمعه .. مر نايف بالصدفه وشافه .:.
نايف ( وهو يشيل السماعه ) : الو
.:. ما رد المتصل .:.
كرر نايف : الو
.:. هم ما رد .:.
عصب نايف : مو قلنا الو !!
.:. وماكو فايده ومحد رد .:.
نايف بعصبيه اكبر : ما اترد يا المتخلف ؟؟
.:. وبسرعه سكر المتصل الخط .:.
نايف : حسبي الله عليك ايا كنت المتصل .. بنت او ولد .. للاسف ماكو كاشف عشان اشوف الرقم
***************
.:. ابيت ساندرا .:.
تحلطم جوزيف : هيدي مو امون اللي بالفون .. انا اسمعيت فويس رجال من هلا
ساندرا : يمكن يكون البدر
جوزيف : ما باعريف .. بس انا بادي احكي مع امون .. بالمره السابئه سكرت الخط ابوشي !!
استنتجت ساندرا : يمكن خيا او البدر كانوا موجودين ولهيدا السبب سكرتوا ابوشك
جوزيف ( يسال ) : وشو العمل برائييك ؟؟
ساندرا : امممم .. ما باعريف
جوزيف : طيب ما بئدر شوفها بمكان عام ؟؟
ساندرا : ما بعتئيد
تنهد جوزيف : اممم .. الحل الوحييد اني بصبر على هيدا الشي
***************
دخل البيت وهو متضايق .. يبي يكسر كل شي من حوله بسبب هالضيقه .. ابوه سوه اللي براسه وخطب له الدانه والدانه وافقت واهو من الاساس ما يبي هالدانه .:.
كسر المزهريه اللي جدامه وهو معصب : اللي براس ابوج سواه يعني سواه !! والشيخه الدانه ما صدقت عالله وانطقت بالموافقه وبدون ما اتفكر حتى او تستخير !! شي اكيد بتوافق وما بتصدق .. اصلا وين بيحصلها واحد وسيم مثلي يخطبها واهي اتخرع ؟؟
تعجبت غدير من هاللي تسمعه : البدر .. انت شقاعد اتقول ؟؟ شنو هالغرور اللي يالك فجاه !!
تنهد بدر : مو غرور يا غدير والله العظيم مو غرور بس من القهر اللي بقلبي انا ما عرفت شاقول !!
غدير : فاهمتك وحاسه فيك .. بس كل شي بالدنيا قسمه ونصيب
بدر ( وهو مو مقتنع بالشي هذا ) : بس انا ما ابيها يا غدير ما ابيها !!
غدير : بس الدانه خوش ابنيه وطيبه يا البدر وتنحب والله
بدر : خوش ابنيه كانت او طيبه انا مو متقبلها .. وحرام عليه الوالد يسوي فيني جذي ويغصبني على شي انا ما ابيه
سالت غدير : اقول يا البدر .. انت مو متقبلها لانها مو حلوه ؟؟ هذا اهو السبب ؟؟
بدر ( بضيق ) : تقريبا
غدير : بس الجمال مو كل شي يا البدر
بدر ( وهو يبرر ) : ادري بس هم يلعب دور
غدير : والله ما ادري شاقولك .. المصيبه ان الدانه ما رفضت هالخطبه
تضايق البدر : انا يا غدير عايش بكابوس مرير تمنيته انه يختفي بس للاسف ما اختفى !!
***************
مبروك يا الدانه
استحت الدانه : الله يبارك فيك يبا
ام الدانه : مبروك يا ابنيتي والله ان هالبدر يستاهلج وتستاهلينه
ابتسمت الدانه : تسلمين يمه والله يبارك فيج ان شالله
.:. اي سعاده هذي اللي كانت فيها الدانه واي حزن هذاك اللي كان فيه البدر ؟؟ بس منو اللي بيدوم اكثر ؟؟ سعادة الدانه او حزن البدر ؟؟ الدانه اتفكر بالحلم الجميل اللي بيتحقق والبدر يفكر بالكابوس الاسود المرير اللي دخل بحياته .:.
.:. مرت الايام .:.
.:. 8 تيام .:.
.:. مرت هالايام مثل ما اهي وما تغير شي .. خطوبة الدانه من البدر ما وقفتها من المسجات المعتاده .. كانت الدانه مستانسه وتنتظر يوم الملجه بفارغ الصبر بعكس البدر اللي كان متضايق من هالشي .:.
.:. خلصت المدارس من الامتحانات الثانويه وما بقى غير النتايج .. كانت امنه ميته من الخوف تنتظر نتيجتها .. كانت تتمنى اتيب فوق 85 عشان نسبتها اتسفرها تدرس بلبنان مثل ما تبي .. اما بالنسبه لنجلا اخت خليفه هم كانت بالثانويه العامه وكانت تتمنى مجرد نسبه بسيطه ادخلها جامعة قطر .:.
.:. وبيوم النتايج .:.
صرخت امنه مستانسه :88.9 % 88.9 % .. باركولي نجحت ويبت نسبة اتسفرني لجامعة لبنان !!
الف مبروك يا حياتي .. ابتستاهلي يا دلوعة الماما انتي
ابتسمت امنه وباست امها : الله يبارك فيج يا يمه والله اني بطيير من الوناااسه
وقالت سلوى بابتسامه : مبروك يا امون .. والله وسويتي اللي براسج ويبتي هالنسبه
ضحكت غدير : كل هالتعب والمذاكره بس عشان لبنان ؟؟
غمزة امنه : شور امشان لبنان
.:. وفجاه .:.
ومنو قالج انتي بخليج اتروحين لبنان ؟؟
عفست امنه الوي : هذا من بدل ما اتباركلي يا نيوف قاعد اتقولي هالحجي هذا ؟؟
ابتسم نايف : مبروك يا اللبنانيه .. تستاهلين
تشققت امنه : الله يبارك فيك يا القطري الوسيم
.:. وبعدها ضحك نايف والكل ضحك معاه من خفت دم امنه .:.
.:. على كثر ما كانت امنه مستانسه كانت نجلا حزينه ليش ان نسبتها 60 % ومستحيل ادخلها هالنسبه الجامعه .:.
هذا مو منج .. من التليفون اللي 24 ساعه ماسكته وتهذرين فيه !!
نجلا ( بضيق ) : بس انا درست وسويت اللي علي
تمسخر خالد : اي دراسه هذي ؟؟ اللي بالتليفون او بالتليفزيون ؟؟
.:. وبعدها .:.
تدخلت امهم : شفيك يا خالد على اختك ؟؟ اهي سوت اللي عليها وهذا اللي الله كاتبه .. وبعدين قبل ما اتحاسب اختك على نسبتها حاسب نفسك .. شكلك بتصيف بالجامعه واخوك خليفه ما شالله عليه تخرج من متى واكاهو يشتغل الحين .. وانت توك
خالد ( يبرر ) : على الاقل انا يبت نسبه ودخلت الجامعه ومو مثل نجلوه
عصبت نجلا : نجلا لو سمحت
تمسخر خالد : ما ادري منو عشان اقول نجلا ؟؟ هذا بعد ما يبتي نسبه وشايفه نفسج علينا شلون لو نسبتج اتونس ؟؟
.:. ما اهتمت نجلا لرده عشان ما تتناجر معاه .. فكتفت بالصمت .. ليما تملل خالد وراح من نفسه .:.
***************
سمعت انك خطبت يا البدر .. منو هالانسانه المحظوظه اللي خطبتها وبتكون من نصيبك ؟؟ عسى الله يهنيك معاها ان شالله .. بس ما قلت لي منو اهي ؟؟ هل بالفعل انت حبيتها ؟؟ ما تتصور شكثر انا متشوقه لجوابك .. انا احبك وابي اعرف كل شي عنك .. وشلون فكرت تخطب هالبنت بالذات بعض النظر عن كل البنات ؟؟ انتظر رسالتك بالمكتبه يا البدر
.:. تضايق بدر واييد من قرا هالمسج .. وحس بالحزن ليش ان هالانسانه اللي امسميه نفسها اسيرته اتحبه وبالوقت نفسه تساله عن الخطبه .. حس ان قلبها يتقطع من هالشي ليش انه خطب بنت عمه وهو ما يدري انها ميته من الوناسه لانها نفسها الدانه بنت عمه .:.
.:. وبعدها .:.
.:. قرر البدر انه يفتح قلبه ويكتب لأسيرته رساله عن كل شي يتعلق بالخطبه ويحطها بالمكتبه .:.
الحلقة 12 .:.
يمه .. انا عالسنه اليديده بسافر بدرس ابلبنان ان شالله
داليا ( تسال ) : وانا شو بادي اعمول مع خيك نايف ازا ما وافئ ؟؟
امنه : اذا على نايف خليه علي وان شالله بيوافق
داليا : حتى لو وافئ نايف اوليك بيك بيوافق ؟؟
استنكرت امنه : اي ابو هذا ؟؟
داليا : بيك سعود .. شو انسيتي انو عنديك بيي وعايش ؟؟
تضايقت امنه : تبين الصراحه !! اي والله نسيت .. ليش واهو يسال عنا عشان ما انسى ان عندي ابو وهم عايش ؟؟
داليا : هوا ماعيك حقئ .. بس مهما يكون هيدا بييك .. ومو بستطاعتك اتسافري لاي مكان بدون شورو
سالت امنه : شلون يعني ؟؟ اتهقين انه هاللي اسمه ابوي ما بيوافق على دراستي ابلبنان ؟؟
داليا : ما باعريف
استفسرت امنه : شلون يعني ما تعرفين ؟؟ وبعدين اهو مو من حقه يرفض هالشي .. اهو ما يسال عنا ومو مفتكر فينا وناسينا وحتى ما اتصلي يبارك لي عالنسبه .. بختصار اهو مو داري عنا .. يعني عادي اسافر بدون ما يدري لانه اصلا ما بيفتكر
تنهدتت داليا : الله كريم للسنه الجايه ان شالله
امنه : ان شالله .. بس انا من الحين اقولج يا يمه ..انا بسافر لبنان عالسنه الجايه وبسكن هناك مع اهلج .. سواء وافق ابوي او رفض انا بروح ان شالله .. انا ما شديت حيلي بالدراسه وتعبت الا عشان اسافر لبنان .. فمو على كيفه يتشرط ويمنعني
***************
نجول .. خلاص عاد فديتج .. لا تتضايقين
شاسوي يا نور ؟؟ انا كنت اتمنى بس 70 عشان يقبلوني جامعة قطر وحتى لو بفلوس .. 66 ما يقبلوني حتى لو دفعت لهم
نور : شتسوين بعد ؟؟ هذا اللي الله كاتبه .. واذا تبين الصراحه وما تزعلين خالد اخوي كان معاه حق لما قالج هذا مو منج من التليفون !!
عصبت نجلا : شنو يعني ؟؟ ما كنتوا تبوني اسولف بالتليفون ؟؟ احرم نفسي منه ؟؟
نور : انا ما قلتلج احرمي نفسج منه .. بس عالاقل جان قللتي منه بوقت الامتحانات
نجلا ( بضيق ) : والله اللي صار صار
وبعدها قالت : وامنه بنت داليا نسبتها 88 .. يا مال الشطاره
نور : والله البنت كانت تدرس اول باول وكانت حاطه ابالها من زمان انها اتيب نسبه واتسافر لجامعة لبنان
.:. وبعدها سكتت نجلا وما علقت بشي .:.
وقالت بقلبها : كله من هالمغازل اللي بالتليفون اهو السبب .. ما استفدت منه شي !!
***************
:. توه البدر واصل المكتبه وبيده الرساله اللي كتبها للبنت اسيرته .. نزل من السيارة ودخل المكتبه وشاف الهندي يبتسم ابويه .:.
سال البدر : اشفيك تبتسم ؟؟
رد وهو ليمن الحين يبتسم : انا يشوف ويه مال انته .. اكيد في شي حق ابنيه مال انته
سال بدر : وانت شكو ؟؟
ضحك الهندي وبينت ضروسه السودا : الحين انا شكو ؟؟ انا كله يساعد انتوا .. وانت اتقول حق انا شكو ؟؟
البدر : عاد لا تقعد اتذلنا انت الحين .. ادري انك اتساعدنا وما تقصر
وبعدها مد ايده بالرساله : شوف هذي الرساله ابيك اتخليها عندك ليمن اتشرف البنت للمكتبه وتعطيها حلو ؟؟
عفس الهندي ويها : لا مافي حلو .. انا من زمان يسكت وما يقول يبي فلوس !! انتوا لازم يعطي انا مقابل حق هاي كله .. مافي شي بلاش الحين داخل هاي دنيا .. لو مكتبه ثانيه جان ما يسوي هاي مصخره بين بنيه ولد
.:. تعجب البدر وهم استغرب من هالحجي .. يعني معقوله شايل بخاطره طول هالمده وساكت !! والحين قاعد يذلهم ذل ؟؟
.:. وبعدها .:.
طلع البدر 10 ريالات من محفظته ومد ايده : يالله خلصني واخذ هالعشره
تمسخر الهندي : شنو هذا ؟؟ عشر ريال بس ؟؟ انا ما بيوصل هاي رساله على عشر ريال !!
تعجب البدر : عيل كم تبي ان شالله ؟؟ مليون ؟؟
قاعد ويتشرط :100 ريال اخر شي
عصب البدر : قوم انزين .. قاعد تستغلني عشان رساله ؟؟
الهندي : انزين 50 ريال ؟؟
بدر : ماكو
الهندي : انزين 40 ؟؟
بدر : ماكو
الهندي :30 ؟؟
بدر : ماكو
الهندي :20 ؟؟
بدر : هم ماكو
يأس الهندي : خلاص عيل 10 ريال ؟؟
البدر : اعناد فيك ما راح اعطيك ولا ريال
تليعن الهندي : عيل شوف منو بيوصل رساله مال انته
تنرفز البدر : اكو مكاتب بالديره غيرك .. ومن زين مكتبتك عاد !!
الهندي : بس بنيه مال انته .. ما في معلوم غير هاي مكتبه الحين
اعتفس البدر : حسبي الله عليك من هندي .. مو سهل .. والله وعرفت تستغلني
ابتسم الهندي ومد ايده : يالله ميه ريال يالله
بدر ( بعصبيه ) : شنو شايفني ؟؟ ادريول ابوك يالله ويالله ؟؟
وبعدها قال : شوف يا ..
وسال عن اسمه : شسمك انت ؟؟
رد الهندي : محدين
وكمل البدر : شوف يا محدين .. انا راح اعطيك مية ريال بس بشرط اني اشتري من المكتبه شغلات بمية ريال !! او ماكو
ابتسم محدين : ماكو مشكله
.:. وبعدها قعد البدر يلقط له مجموعه من الكروت الملونه وستكرات ومجلات ومن هالسوالف ليمن وصل المبلغ 100ريال .:.
قط البدر الميه على الهندي : استانست الحين ؟؟
تشقق محدين : اي .. مشكور وما يقصر .. واذا ابنيه ايجي انا بعطيها رساله مال انته
تنهد البدر : حلو
***************
الله الله شهالترتيب الحلو هذا ؟؟
سلوى ( ابمجامله ) : اعتقد ان الاثاث اللي شريته لي يا عمي اهو اللي امحلي الدار
ابتسم بوبدر : والله عيونج اهي الحلوه ومو الاثاث
.:. ابتسمت وسكتت .:.
استغل بوبدر الفرصه : فديتج يا سلوى
.:. سمعته مستنكره هالكلمه بس ما علقت بشي .:.
استانس بوبدر على سكوتها : شفتي القمر اللي بالسما ؟؟ هذا انتي
.:. ما عجبها هالحجي بس مسكت نفسها وتمت ساكته .:.
مسك بوبدر ايدها : ما اتحسين بشعور الحب يا سلوى ؟؟
.:. تجمدت سلوى ابمكانها ميته من الخوف من لمسة ايده .:.
مسح بوبدر بيده على ويهها يسال : اشفيج يا قلبي ترتجفين ؟؟
.:. تبي تنطق .. تبي اتقول شي .. بس ما اقدرت وحست نفسها متجمده كالجليد .:.
همس بوبدر : يعني معقوله الحين ما حسيتي اني احبج يا سلوى ؟؟ معقوله انج ما حسيتي بكل هالايام انج ذابحتني بجمالج وسكوتج ؟؟
ادمعت عيون سلوى وانطقت بالم : انت شقاعد اتقول يا عمي ؟؟ انت شقاعد اتقول ؟؟
كرر بوبدر : قلتلج احبج وبتذبحيني بجمالج وهم سكوتج
.:. وبعدها .:.
ما استحملت وبجت : حرام عليك يا عمي اللي قاعد تقوله .. انا بنت مرتك .. يعني ابمثابة بنتك .. شلون اتقولي هالحجي الحقير ؟؟
بوبدر : بس انا ما عمري شفتج مثل بنتي .. انا من شفتج حبيتج وبغيتج
سلوى : عيل ليش تزوجت امي يا عمي ليش ؟؟
برر بوبدر : انا من يوم تزوجت امج انتي كنتي ياهل 13 سنه وبعدها شفتج وانتي تكبرين جدامي وتحلوين وما حسيت بعمري الا وانا احبج وتمنيتج بيوم
.:. ما علقت سلوى من هالصدمه اللي سمعتها وتمت اتصيح وهي مو مستوعبه هالشي !! وبعدها مسكها بوبدر من ايدها وضمها .. انصدمت سلوى وادموعها امغرقه ويهها وما قدرت تنطق بشي .. كانت بتنطق بتقول بسك .. ابتعد عني .. بس حست ان السانها وجسمها تجمدوا .. من الخوف والخرعه تجمدت من يديد .:.
.:. وفجاه .:.
دخلت غدير بدون ما اطق الباب : سلوى .. الجود رفيجتج تبيج عالتليف ..
.:. وسكتت فجاه وعيونها اتشوف هالمنظر الرهيب الغريب !! ابوها ماسك سلوى من ايدها وضامها لصدره وكانت سلوى اتصيح .:.
وصرخت غدير تسال مستنكره هالمشهد : شنو هذا اللي اشوفه ؟؟ شسالفه ؟؟
***************
الو محدين ؟
ايه
محدين بسالك .. اكو رسال اوصلتني من شوي ..
قاطعها محدين : اي .. رساله من حبيب مال انتي
سالت الدانه : وانت شكو ؟؟
محدين : الحين انا شكو ؟؟ انا كله يساعد انتوا .. وانتي اتقولين حق انا شكو ؟؟
الدانه : عاد لا تقعد اتذلنا انت الحين .. ادري انك اتساعدنا وما تقصر
وبعدها قالت : الموهم .. الحين بطرشلك السايق عشان تعطيه الرساله حلو ؟؟
محدين : لا مافي حلو .. انا من زمان يسكت وما يقول يبي فلوس !! انتوا لازم يعطي انا مقابل حق هاي كله .. مافي شي بلاش الحين داخل هاي دنيا .. لو مكتبه ثانيه جان ما يسوي هاي مصخره بين بنيه ولد
.:. تعجبت الدانه وهم استغربت من هالحجي .. يعني معقوله محدين شايل بخاطره طول هالمده وساكت !! والحين قاعد يذلهم ذل ؟؟
.:. وبعدها .:.
دانه : ما يخالف بطرشلك 100 ريال مع السايق
تمسخر محدين : شنو هذا ؟؟ ميه ريال بس ؟؟ انا ما بيعطي السايق الرساله على ميه ريال بس !!
تعجبت الدانه : عيل كم تبي ان شالله ؟؟ بليون ؟؟
قاعد ويتشرط :500 ريال اخر شي
عصبت الدانه : قوم انزين .. قاعد تستغلني عشان رساله ؟؟
محدين : انزين 400 ريال ؟؟
الدانه : ماكو
محدين : انزين 300 ؟؟
الدانه : ماكو
محدين : 200 ؟؟
الدانه : هم ماكو
يأس محدين : خلاص عيل 100 ريال ؟؟
الدانه : اعناد فيك ما راح اعطيك ولا ريال
تليعن محدين : عيل شوفي منو بيعطي الرساله حق سايق مال انتي !!
تنرفزت الدانه : اكو مكاتب بالديره غيرك .. ومن زين مكتبتك عاد !!
محدين : بس ولد مال انتي .. ما في معلوم غير هاي مكتبه الحين
اعتفست الدانه : حسبي الله عليك من هندي .. مو سهل .. والله وعرفت تستغلني
ابتسم محدين : طرشي 500 ريال مع السايق
دانه : شوف محدين انا بعطيك 500 ريال بس بشرط اشتري منك اشيا للكمبيوتر بقيمة 500 ريال !! او ماكو
ابتسم محدين : ماكو مشكله
دانه : لما ايك المكتبه ان شالله اشوف شنو محتاجه واشتريه والحين مو تنسى تعطي السايق الرساله .. هالرساله ثمينه بالنسبه لي فاهم ؟؟
محدين : ان شالله
***************
ما تتحجون ؟؟ ما تقولون شي ؟؟ شفيكم انطميتوا ها ؟؟ شنو هذا اللي شفته من توه ؟؟
.:. تخرعت سلوى واهي ليمن الحين اتصيح ليش انه غدير دخلت عليهم الدار وشافت هالمنظر اللي بنظرها كان حقير .. اما عن بوبدر كانت اعصابه بارده ومو هامه شي .:.
رد بوبدر ببرود تام : اشفيج يا غدير ؟؟ ليش متخرعه ؟؟ ابو لم بنته ليش انها كانت متضايقه شوي .. فيها شي يعني ؟؟
استنكرت غدير : بس سلوى مو بنتك !!
بوبدر : ابمثابة بنتي .. يعني ابمكانتج بالضبط
غدير : بس هاللمه اللي شفتها من توه بينت لي شي ثاني !! ان اكو شي من بينكم ؟؟
.:. وفجاه .:.
صرخت سلوى وهي اتصيح : غدير انتي شقاعده اتقولين ؟؟ شنو هالحجي هذا ؟؟
عصبت غدير : انتي انجبي لا تتكلمين .. وخليني افهم السالفه من ابوي
تضايقت سلوى : حرام عليج يا غدير .. لا تفهمين السالفه غلط تكفين !!
غدير : انا قلتلج انجبي ولا تتكلمين
وبعدها نطق بوبدر : عيب عليج هالحجي يا غدير .. يعني بالله عليج شنو الشي اللي بيكون من بينا ؟؟ ومثل ما قلتلج سلوى ابمثابتج بالضبظ ومو مثل ما انتي مفتكره
ما اقتنعت غدير : اسمحلي يبه بس انا مو مصدقه هالشي !!
عصب بوبدر : شلون يعني ؟؟ بتكذبيني ؟؟
غدير : انا ما اكذبك بس موصدقه اللي شافته عيوني
بوبدر : عيونج غلطانه يا ابنيتي
غدير ( وهي ليما الحين شاكه ) : ما اعتقد انها غلطانه بعد ما شافت اللي شافته !!
بوبدر ( يسال ) : اشتقصدين اتقولين ؟؟
غدير : ان اكو شي من بينكم
بوبدر : تعتقدين ان بنخلي الباب مفتوح اذا اكو شي من بينا ؟؟
وسالت سلوى : وتعتقدين اني بخون امي الغاليه ؟؟
.:. وبعدها سكتت غدير وما قالت شي وهي ليما الحين حاسه ان اكو شي من بينهم .:.
بوبدر ( يسال ) : ها .. ليش سكتي ؟؟
ردت بدون نفس : ماكو شي وانا ظاهره الحين
والتفتت لسلوى وقالت : الجود رفيجتج تنتظرج على تليفون البيت .. هذا اذا ما تعبت من الويتنق وسكرت الخط !!
***************
عالساعه 4 العصر تقريبا .. كانت ساندرا منتظره بسيارتها عند باب بيت بوبدر .. تنتظره البدر .. عشان اتشوفه وتسولف معاها .. البدر كانت توه راد البيت من بعد ما وده الرساله للمكتبه ومن بعدها تمشى بالسياره شويه .. توه البدر بيدخل سيارته المرسيدس للبيت الا بسيارة ساندرا تتحرك واتسد عليه الطريج وكانت امجابلته بالسياره وهي تبتسم له .:.
تعجب البدر : شالسالفه ؟؟ ومنو هذي ؟؟
***************
.:. ابيت بوالدانه .:.
.:. بعد ما طرشت الدانه السايق للمكتبه واستلم الرساله وعطاها لدانه .. دخلت لدارها متشوقه وبتطير من السعاده تبي تفتح الرساله وتقرا محتواها وهي المسكينه ما تدري بالشي المكتوب بالرساله .. بالشي اللي بيجرح قلبها وبيدمره وبيعقدها من شكلها ومن نفسها ومن الناس كلهم .. انسدحت عالسرير مبتسمه وفتحت الرساله وهي اتغني بسعاده
.:. الحلقة 13 .:.
.:. عند باب بيت بوبدر .:.
فتح البدر الجامه وسال ساندرا بتعجب : اشفيج يا الشيخه ؟؟ شنو هالحركه السخيفه ؟؟ اشله وقفتي بسيارتج جدامي ؟؟ اشتبين ؟؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك