رواية ثلاث سنين من شقى عمري -12

رواية ثلاث سنين من شقى عمري - غرام


رواية ثلاث سنين من شقى عمري -12

نواف: يالله الهنوووووف تعالي
الهنوف: وش اللي تعالي خير

نواف: تعالي ادخلي

الهنوف: خلاص مااابي

نواف: على كيفك انتي

الهنوف: نواف تكفى مابي احس شكلي غبي

نواف: والله انك حلوووووه احلى من عزوز امشي بس ومسكها مع ايدها ودخلها
دخلت الهنوف وهي متمسكه في ذراع نواف ومنزله وجهها في الارض

نواف وهو يبعد ايدها عنه: خلاص الهنوف اتركيني

الهنوف متعلقه زياده وماتبي تفكه

نواف فكها بالقوه: روحي يالله كافي حيا عاد تراه بكره بيصير زوجك

الهنوف كان ودها تصفق نواف
تقدمت الهنوف عند عبدالعزيز

عبدالعزيز سلم عليها وباسها مع خدها

الهنوف في هاللحظه تمنت ان الارض تبلعها ولايصر لها هالموقف قدام اخوانها

محمد: اجلسي يابنت الناس والا مع البوسه ماعاد تدرين وش السالفه

مشعل: ههههههههههههههههههااااااي

ابونواف: عيال بس عااااااااد اعقلوو

جلست الهنوف ونواف طلع من اول مادخلت

ابونواف استأذن وقال لعياله يطلعون معه

مشعل: ااااااخ يالقهر

محمد: ليييييه شفيك؟

مشعل: ياليت كان معاي كاميرا وصورت اختك الحلوه

محمد: انا معاي كاميرا وصورت كل شي لاتخاف فيه ناس احرص منك

عبدالعزيز: اقول ماودكم تطلعووون وتخلون الواحد ياخذ راحته

محمد: بنطلع بس ياويلك ان سويت لأختي شي

طلعوا العيال وسكروا الباب معاااهم


عبدالعزيز: كيفك الهنوف؟

الهنوف والحيا مقطعها : تمام

عبدالهزيز مد يده على وجهها ورفعه: حرام عليك بتحرمينا من هالوجه

الهنوف مغمضه عيونها وساكته ومو قادره تتكلم

عبدالعزيز: الهنوف

الهنوف ومازالت على وضعها: نعم

عبدالعزيز : لهالدرجه انا اخوف ماتبين تطالعيني والله تراني حلو بس مو احلى منك

فتحت الهنوف عيونها بعد محاولات عبدالعزيز

عبدالعزيز: ياسلااااااام الحين تصيرين حلوه

في هاللحظه دخل مشعل: يالله تراكم طولتوها

عبدالعزيز: حرام عليك مالي عشر دفايق داخل

مشعل: وما تكفيك يعني عشر دقايق والا ناوي تنام عندنا بعد

عبدالعزيز: مشعلوووووه بدينا بالطنازه طيب خلاص اطلع دقيقه بس

مشعل:مني دقيقه وحده بسسسسسسس


عبدالعزيز ودع الهنوووف وطلع


انتهت الملكه والكل راح لبيته الهنوف على طول راحت لغرفتها وبدلت ملابسهااااا
وراحت لسريرها ورمت نفسها عليه بكل راااحه
ااااه ... من قدك يالهنوف حققتي اللي في باالك
والله مااقدر اعبر عن فرحتي ... والله يعجبني هالانسان شخصيته مميزه.... رزته حلوه ياااااااه.... كل شي فيه يجنن
قطع عليها حبل افكارها جوالها اللي كان يرن
الهنوف قامت وشافت الجوال رقم غريب

ردت الهنوف: ألو

.............: استانستي يالخايسه حققتي اللي في بالك

الهنوف: مين ...... مها!!

مها : ايه مها اللي خليتيها اكبر حراميه بهالدنيا

الهنوف: مهـ...

قاطعتها مها: اسمعيني يالهنوف انا حذرتك واقولك ابعدي عن عبدالعزيز احسن لك ابعددددددي عنه

وقفلت الخط........





بنات فهد اول مارجعو من الملكه ر احوا على طول لغرفة مها وشافوها تبكي وخبروها عن اللي صار
وكيف شكل الهنوف كان يجنن والكل فرحان ومبسووووط



الصبح في الجامعه.....



سحر : مبرووك يالهنوف الف الف مبروك

الهنوف: الله يبارك بعمرك

ساره: والله وكبرنا ياهنوووفه

سحر: اقول الهنوف ماكأنك صغيره عالزواج

ساره: خلاص مابقى شي وتنجح لثاني كبرت

سحر: بتكملين دراستك والا خلاص بتوقفين

الهنوف: لاان شالله بكمل اهم ماعلي دراستي

مها: سحرررررر انتي وش اللي مجلسك هنا بالله عليك ماتتقرفين

غيداء: تتقرف من ايش؟؟

مها: كافي وجهك من يشوووفه يتقرف

غيداء: مها لوسمحتي احترمي نفسك

مها: الحمدلله محترمه نفسي ومحترمه غيري

ساره: الحين هذا تسمينه احترام

فاطمه: بس بنات لاتكبرون السالفه وهي صغيره

الهنوف: شوفو الكل جالس يناظر خلاص عاد

مها: انتي اخر من يتكلم ياسراقة الرجاجيل

سحر: اووووووف يامها خلاص يالله مشينا

سحبت سحر مها معها وراحووو
(طبعا سحر صديقة مها بس ماكانت نفسها سحر بنت طيووبه وتتمنى للكل الخير وعمرها ماشالت على احد في قلبها )


فاطمه: شفيها هالبنت ليه كذا تحب دايم تتهاوش

الهنوف: استغفرالله عمرها ماتمنت لأحد الخير

ساره: ماعلينا منها يالله بس نروح ناخذ لنا شي من الكافتريا
ترا بمووووت من الجوع

غيداء: ماشالله عليك ياساره ماعمري شفتك شبعااانه

البنات: ههههههههههههه

وراحوا للكافتريا علشان ساروووونه





فهد: اسمعيني يامنيره(ام مها) اشوفك مكلمه وحده من اخواتي بتشوفين شي مايرضيك

ام مها: فهد مو علشان عبدالعزيز ماتزوج مها نقطعهم والله مايصير

رنا: يمّه اللي سووه في حق مها مو شويه حطموا قلبها

فهد: صادقه ... بنتي تحب عبدالعزيز ومن طلعت هالدنيا وهو لها وهي له

ام مها عصبت: انت شفيك انت وبنتك ليه تفكيركم كذا دايم تحبون تتملكون الناس وهم احرار

وبعدين من قال ان عبدالعزيز لمها انت وبنتك جالسين تتوهمون بنتك عااااااايشه في حلم يا فهد وعبدالعزيز مادرا عنها ولاجاب خبرها

فهد:انا كنت دايم اقول لعبدالعزيز عن فكرة زواجه من مها ولاكان يعارضني ليه يوم جاء وقتها رفض
ليييييييه

ام مها: فهد والله مايصير تعصب على شي تافه زي كذا خلاص الولد خطب وتملك وزواجه قريب ماراح تقدر تمنعه

فهد: يكون في علمك يامنيره هالزواج ماراح يتم وانا موجود مارااااااااااااااح يتم وطلع فهد وهو معصب من البيت


ام مها التفتت على رنا : شفتي شلوون خليتي ابوك يعصب

رنا: احسن خليها الهنوف والله قاهرتني
وترفع ايدها للسماااء ان شالله ماتتوفق ياااااااارب

ام مها راحت وضربت بنتها: استغفري ربك مايجوز تدعين عالبنت هي شذنبها ماسوت لك شي

رنا: حطمت قلب اختي المسكينه واخذت منها عبدالعزيز

ام مها: اقول لاتقعدين تخربطين علي سرقته وماسرقته الهنوف مالها أي ذنب وبعدين عبدالعزيز مايبي اختك يعني نغصبه عليها مايصير ..... وانا مااقول لك حبيها بس اهم شي لاتدعين عليها تمني لها الخير وخافي ربك فيها

رنا وهي ترقى الدرج: تستااااهل اللي يجيها واكثر الحقيره







مشعل: محمد واللي يرحم والديك رد على جوالك ازعجتنا

محمد: مو فاضي ارد عليه هو وسوالفه

مشعل: مييييييين؟؟

محمد: ماجد

مشعل نط من مكانه: ماجد ماجد ماغيره

محمد بإبتسامه باهته: ايه ماغيره

مشعل: افاااااااا وش اللي قلب المحبه والصداقه

محمد من غير نفس: مانقلبت هي على حالها

مشعل: على غيري ياحبيبي باين عليكم انتو هالايام مو على بعضكم

محمد وهو قايم: قلتلك مافينا شي ماتهاوشنا ولاشي بالعكس مثل العسل

نواف دخل وهو يغني ومبسوووط

مثل العسل وسط الضماير غلاكم.......انتووو غلا كل الليالي والايام

مشعل: اخ نواف شعنده مبسوط اليوم

نواف: انا اصلا اول مااشوف وجهك تنفتح لي الدنيا واصير رايق

حصه: ماشاءالله شهالكلام اللي اسمعه اول مره اجي مااشوفكم تتهاوشون

مشعل: خلاص كبرنا اختنا بتتزوج لازم نصير عاقلين

نواف ويضرب مشعل على ظهره: ههههههه شدخل اختك ياغبي

مشعل: مدري المهم انها دخلت وبس

حصه: الله يهديكم ياعيالي وعقبال ماأشوفكم معاريس

نواف يرفع يدينه: من بؤك لباااااب السماااء




الهنوف اللي كانت منسدحه عالسرير وتفكر باللي مزعجها بالرسايل هاليومين ياترى من يكون وايش يبي مني؟؟؟؟؟؟
رن جوالها في هالوقت

الهنوف: اووووف اكيد هي اللي تدق هالمزعجه ماراح ارد عليها

ضل جوال الهنوف مستمر وهو يرن مره ومرتين وثلاث
قامت الهنوف بتشوووف مع هالمزعجه حل
الهنوف يوم شافت الر قم خااافت وارتبكت


الهنوف: الو

عبدالعزيز: هلا والله عاش من سمع هالصوت

الهنوف: عاشت ايامك

عبدالعزيز: كيف الحال؟

الهنوف: الحمدلله تمام... انت اخبارك

عبدالعزيز: اكون بخير ان كنتي بقربي

الهنوف : .............

عبدالعزيز: هههههههههه لبى قلب اللي يستحووون

الهنوف: ...........

عبدالعزيز: وين رحنا ياهووه معانا والا نسكر

الهنوف بعفويه: لا لا لا تسكر

عبدالعزيز: طالعه من قلب

الهنوف بالحيييييييل استحت


عبدالعزيز: المهم ليه مارديتي علي والا ماتبين تسمعين صوتي

الهنوف: لا والله بس الجوال كان بعيد عني لاني كنت في الحمام
( وانتو بكرامه) اخذ لي شاور

عبدالعزيز: تاخذين لك شاور في هالبرد والله تمرضين

الهنوف: لاتوصي حريص

عبدالعزيز: ايه ياقلبي دفي عمرك وانتبهي لنفسك ياقلبي







ساره: يمّه والله ماصاااااارت حاله طفشت من هالبيت

ام سعود: وش تبين اسوي يابنتي

ساره: ابي اطلع مليييييت

ام سعود: قولي لأخوك يوديك

ساره: ايه عاد ماوداني الا الوليد طول عمره مشغول

خالد دخل: سارووونه الحلوه وين تبي تروح

ام سعود: هلا خالد.... طفشانه من البيت ازعجتني تبي تطلع

خالد: ولايهمك انا اطلعك

ساره قامت وراحت لخالد وحبت راسه: يلوووموني في احلى خالد بهالدنيا

خالد: لاعاد حبة راس كثيره علي

ام سعود: تستاهل اكثر ياولدي

خالد: الله يخليك لنا يالغاليه

ساره: اوكي انا بروح ابدل دقايق وانا عندك

خالد: اوكي






سعود: اقول ام ماجد

ام ماجد: لبيه

سعود: العيال وينهم

ام ماجد: البنات في غرفهم وماجد في الملحق يلعب بلاي ستيشن

سعود: نادي لي البنات ابيهم

ام ماجد: ان شاءالله وراحت تنادي بناتها

سعود طلع برا في الملحق ينادي ماجد

ماجداللي كان منسدح عالكنب ويكلم بالجوال


ماجد: ههههههههههه زعلانه يعني

هيفاء: ماجد وربي اني زعلانه عليك

ماجد: افاااا ليه

هيفاء بزعل: مدري اسأل نفسك

ماجد: ههههههههههه لبى قلب اللي زعلانين فديتهم والله

هيفاء: ..........

ماجد: هيووفه ياقلبي سوووري والله طلعت مني بالغلط

هيفاء: وش تفيد سوري هذي

ماجد: هيفاء تكفين لاتزعلين عاد كلش ولازعل حياتي

هيفاء: تدري ياماجد على كثر ماتزعلني احاول اسوي نفسي زعلانه بس مااقدر قلبي موراضي يزعل عليك

ماجد: يابعد هالدنيا والله يلووموني في هيوفتي



سعود دخل : ماجد

ماجد اللي كان منسدح قام وعدل جلسته
ماجد ارتبك مايدري شسالفه

ماجد: اقول طارق اكلمك بعدين الوالد يبيني يالله باي
ماجد وقف وراح عند ابوه

ماجد: هلا يبه بغيت شي

سعود بنظرة شك: من كنت تكلم

ماجد بإرتباك: هـ..هاه لا ابد طارق يبه ايه طارق طارق

سعود: من طارق هذا اول مره اسمع فيه

ماجد: ايه هذا توني متعرف عليه قريب

سعود: تعال طيب ابيك في المعيشه



في المعيشه


غيداء: ونااسه من زمان عن البحر

غاده: احلى شي نروح للراشد علشان نشتري فساتين زواج الهنوف

ماجد: هذا اللي همكم انتو يالبنات (وهوينعم صوته) بروح اشتري فستان واسوي ميك اب وابي اصير احلى وحده من الحضووور علشان يخطبوني


غيداء: هههههههههههههه كأنك بنيه عارف حركات البنات كلها

في بيت هيا (ام خالد)

هيا: يوسف(زوج هيا) صدقني ماراح اطول عندها دقايق وانا راجعه

يوسف: قلتلك طلعه من البيت مافيه

هيا: يوسف حرام عليك حتى اختي بتمنعني منها

يوسف: انتي ماتفهمين قلتلك لااااا خلاص

هيا: من زمان ماشفتها يايوسف طلبتك ابي اروح اليوم

يوسف عصب من هيا وهو مايحب احد يقعد فوق راسه وهو اذا قال لا خلاص مايبي احد يجادله

يوسف بصراخ: هيا وبعدين معاك انتي ماتفهمين

هيا: يوسف لاتصارخ طيب انت شفيك كذا دايم معصب وتهاوش

يوسف عطاها هذاك الطراق: اذا قلتلك لا خلاص لاتناقشيني وطلع براااا

هيا جلست عالارض ودموعها على خدها زي المطر تبكي حياتها اللي صارت تعاسه مع يوسف.... تبكي زوجها اللي متغير عليها ولا صار يتحمل منها كلمة وحده....تبكي اهلها وناسها اللي ضحت فيهم علشان يوسف .... تبكي خالد اللي صارت تشتاق له كثيرررر من بعد قسوة يوسف عليها........


العنود دخلت على امها: يمّه بسم الله عليك شفيك

هيا وهي تمسح دموعها: مافيني شي يابنيتي

العنود: كل هالدموع يمّه ومافيك شي

هيا: لابس من شوي طحت عالارض

العنود: يمّه ادري اكيد متهاوشه مع ابوي زي العاده

هيا: العنود ماتهاوشنا انا وابوك ولاشي

العنود: وريني طيب ليه خدك كذا

هيا قامت: خلاص حبيبتي ماعليك مني روحي لغرفتك

العنود والعبره خانقتها: يمه لاتحاولين تخبين علينا شي ... كل شي واضح قدامنا.... احنا نشوف ابوي وتعامله مو معك بس حتى معانا

يمه ليه ابوي كذا ليه؟

هيا: .........

العنود: ماعمره عاملنا زي بناته يعاملنا وكأننا غرباء مانعرفه وهو مايعرفنا..... ليه يايمه ..ليه احنا شذنبنا ...والله اكرهه يمه اكرهه
وراحت لغرفتها وهي تصيح






مها وهي تصيح: انا بموووت خلاص والله مو قادره استوعب اللي يصير

سحر: حبيبتي لايهمونك ولاتضيقين صدرك على شي مايسوى وسعي صدرك

مها عصبت: سحر زواااااجه قريب وتقولين وسعي صدرك

عبدالعزيز بيروووح مني بيروح ياسحر الهنوف بتتزوج عبدالعزيز لا مستحيييييييييل

سحر: مها ماسمعتي اللي يقول من باعنا برخيص بتراب ينباع

خلاص يامها من باعك بيعيه انسي عبدالعزيز وخليه يروح بطريقه

مها : شلوووووون تبيني انسى ياسحر انا حبيت عبدالعزيز من طلعت عالدنيا دايم احب اشووفه احب اسمع صوووته احب اسمع كل شي عنه وكل شي يخصه تجين انتي وتقولين انسيييييييه كيف بالله عليك كييييييييف

سحر: مهاوي خلاص طيب انتي يبيلك جلسه محترمه انا بجي عندك ببيتكم ونتكلم بالموضوع

مها: يكون احسن بعد .... يالله انتظرك باي

يتبع ,,,
👇👇👇
أحدث أقدم