رواية نيران الحب -28



رواية نيران الحب - غرام

رواية نيران الحب -28

الساعة 3 ونص

الصالة تقريبا فاضيه

أم جواد: يمه مشعل متى تبيه يدخل ..... طالعي الساعة كم

جمانه: ما يدخل ....

المصورة جات لهم: بيجي العريس وإلا امشي

جمانه: ما بيجي

أم جواد مقاطعه بحزم: بيجي الحين

جمانه: يمه .... والنهاية

أم جواد: أشوف عطيناك وجه زيادة .... يالله سكتي يالله .... (ومشت)

جمانه برطمت وطبعا بين من مكبرة الفيديو وهي منقهره: ما شي .... خيرها بغيرها

أم جواد قالت لأبو جواد يدخل مع جواد وناصر على الساعة 2 بس مشعل ما رضى له يدخل (معاقب) ولما صارت الساعة 3 ونص عصبت أمها وقالت بتدخله هي ....

أم جواد: يالله أم مشعل ..... دخلوا الولد

أم مشعل: أخيرا ..... (وقالت لفيصل يقول لمشعل يدخل)

أحلام جهزت شريط لزفة المعرس وشغلته في دخلة أخوها مع أمه اللي ما سكته من اليمين ومروج وأحلام وراه مستانسين ويلبلبون واللي تنثر الحلاوة .....

طبعا دخل مع انه متوتر إلا انه تماسك وحاول قدر الإمكان يحافظ على الابتسامة وكان يستمع إلى كلام المصورة وينفذ بالحرف الواحد ....




عند جمانه الجهة الثانية


جمانه جالسه وجات أمها: قومي وقفي

جمانه: تعبانه

أم جواد: جمانه ....

جمانه بضيق وهي توقف: زين ....

ظلت واقفة بملل تحوس في باقة الورد وشوي بالفستان تعدله وشوي في الذهب اللي عليها وشوي صديقاتها نور وفاطمة إلى ما وصل وهي تأشر على صديقاتها: تعالوا .... (بخفيف)

مشعل مستغرب واقف قبالها عدل شوي ويصير مكانها وهي ما انتبهت له ابد

جمانه بعناد: تعالوا .... (تأشر)

مشعل: بنظل كذا

جمانه انتبهت وتراجعت بسرعة: بسم الله وش جيبك

أم مشعل: مشعل سلم عليها وحب راسها

مشعل مد يده وسلم عليها وحباها فوق راسها ووقفت جنبها وأمه وأخواته كل وحده خذت مكانها أحلام صارت في الوسط بين مشعل وجمانه

مشعل بخفيف: أحلا موه تباعدي عنا .......

أحلام مسويه حالها مو فاهمه: أنا مو جنبك أنا جنب جمانه

جمانه بخفيف: ما عليك منه .....

مشعل سمعها وتحرك وواجه لها: متأكدة .....

المصورة: مشعل لا تعطي الكاميره ظهرك ....

مشعل قام وسحب جمانه للجهة الثانية ووقف جنبها: يالله صوري

الكل ضحك وأما جمانه تغلي من داخل: فشلني ..... ارويه

بعد بعض اللقطات السريعة جابوا الدبل (طبعا ذوق مشعل وأمه ومروج)
ولبسها الدبلة

مشعل ابتسم: وش رايك فيها

جمانه بدون نفس: لو بذوقي تكون أحلى

مشعل بسخرية: ما احد قال لك تنحاشي عشان سبب تافه .....

جمانه انقهرت: سبب تافه ...... أي أكيد تافه تعرف ليه ؟؟

مشعل: ليه؟؟

جمانه بغضب: لأنك فيه ..... (وقلبت وجهها)

مشعل ابتسم ومسكها من يدها: تعالي لبسيني الدبلة ..... (نغزه) إلا إذا صديقاتك .....

جمانه انقهرت منه وسحبت الدبلة وحاولت تبتسم ابتسامه مزيفه ولبسته اياها .....

أم مشعل: كللللللللوش (وحبت جمانه) المهم بدء مشعل يلبس جمانه الذهب والحلق والساعة وما إلى ذلك وبعد ما خلصوا

أحلام: يالله تعالوا قطعوا الكيك

مشعل مد يده واخذ السكين: أوه حركات .... أكيد مو ذوقي ..... (ينتظر ردة فعل جمانه)

جمانه بعدم اهتمام طالعت الكيكه وبعدين فيه وابتسمت بسخرية وقلبت وجهها عنه .....

أم جواد: جمانه يالله مسكي السكين مع مشعل

جمانه بعناد: ما اعرف امسك شيء واحد ما سكه .....

مشعل بنظرات التهديد: متأكدة ...... تراك اليوم ما قصرتي .... طاوعي أحسن

جمانه: يمه خوفتني (تسوي حالها خايفه)

المصورة بتعجب: تتهاوشوا .....

أم جعفر: أهم من متى ما تناقروا ..... الله يعينهم على بعض

أم مشعل مع أم جواد: سبحان الله متناسبين عدل

جمانه طالعت مشعل اللي كان يطالع فيها مبتسم وانحرجت: يالله بقطع الكيك (تغير الموضوع)

حطت يدها على يده عشان يقطعوا إلا مشعل قرب منها وساسرها: إيه غيري الموضوع

جمانه ابتسمت بخجل وهي تطالع المصورة اللي عجبتها هذي الصورة والتقطتها لهم ....

أم مشعل تقدمت وشالت قطعت كيك حق العروسين وعطتها مشعل وصحن كيك ثاني وعطته حق العروس جمانه

أم جواد: يالله أكلوا بعض

مشعل مد الملعقة عشان يأكلها إلا هي: آسفة اعرف آكل لحالي ....

مشعل استغرب: ها ..... (خلاص طفح الكيل) والنهاية ....

جمانه طالعت فيه عرفت من نظراته أنها حرقت أعصابه بزيادة فسكتت

أم مشعل: يالله أكلوا بعض ....

وكل من مد يده وأكل الثاني وشربوا بعض .....

مشعل: يالله نمشي

أحلام: وين عاد .....

مشعل: أذن الأذان ..... نروح نصلي ....

أم مشعل: كلها سهره ...... أقول الحين بتروح بيت عمك مع مرتك صح

جمانه مقاطعه: لا ..... وين يروح وين يجي أنا تعبانه وبنام

مشعل طالع فيها بنظره خلتها تراجع حساباتها وقال: خلاص أنا بروح البيت بكره عندي شغل

مروج: يعنه حمسان ....

مشعل ما رد وأم جواد: لا يا ولدي اليوم إنت عندنا بالبيت

جمانه: يما .......

أم جواد التفتت لها: خير عندك مانع

جمانه طالعت مشعل اللي ما عبرها ولا نظره وسكتت ....



(23)

بعد ما طلعوا في سيارة مشعل


مشعل: .............................

جمانه: ...............................

أحلام تلطف الجو وهي في الكرسي الخلفي: ليه مر ملك .....

الكل: اللهم صل على محمد

أحلام: مشعل يا خوك شغل شريط

مشعل بدون ما يلتفت لها: أذان

أحلام: خلص الأذان وبدت الصلاة

مشعل: ما فيه ولا شريط

أحلام: بلا خرط أنا شايفه حق أبا ذر قاسي .....

مشعل بقهر: قلت لا .......

أحلام عرفت أخوها معصب التزمت الصمت وجمانه طول الوقت ساكته بس لما عرفت في شريط حق أبا ذر وطبعا هي جالسه جنبه على اليمين على طول فتحت الكبت الصغير الجانبي تدور في الأشرطة

مشعل انتبه: سكري الكبت

جمانه: أول طلع الشريط

مشعل عصب وعلى طول باعد يدها وسكر الكبت وحط القترة والعقال عليه: بنشوف كيف تشغلوا شريط ....

جمانه انقهرت: ......................

أحلام: يا خوك إنت معرس ومعصب ..... ما يلبق

مشعل طالعها من المرايه: أقول ..... اسكتي لا أقطك بالشارع.... يالله .....

جمانه انقهرت: الحين إنت جايبنا معاك تصومنا ..... لا مسجل ولا كلام و .....

مشعل: أي بكيفي

جمانه تتحلطم: لو راكبه مع ناصر كان ما خلا شريط ما حطاه

مشعل: هذا ناصر مو مشعل

أحلام: وش الفرق يعني

مشعل: أنا أختلف عنه .....

جمانه: ليه يا خلاف ..... غير انك عصبي وهو طيب ....

مشعل عصب: ................................. (يبي يعديها على خير)

أحلام: غريبة ما رديت

مشعل: ما أحب أكلم يهال ....

جمانه ما يبيلها بعد عود كبريت: يهال .... هذا إنت .... أصلا أنا أعقل منك و .....

مشعل: باين .... اللي يفكر يتهرب من الناس اللي حواليه يصير عاقل واللي يحاول يعرف السبب أو يعرف صحة الكلام اللي عنده عاقل عجل وش بقى للمجنون

جمانه انقهرت: وقف السيارة .... وقف

مشعل ضحك: وش بتسوي .....

جمانه: أحسن أروح مشي ولا أسمع الاهانات واسكت

مشعل: بس عشان خاطرك بوصلك لباب البيت ....

جمانه بعناد: ما أبي ..... وقف

وظلوا طول الطريق مناقر هي معاه وأما أحلام نعست ونامت على ما يوصلوا

وصلها بيتهم جات بتنزل نست باقة الورد طل براسه: جمانه ..... الورد ....

جمانه معصبه فما سمعته وعلى طول دخلت وقفلت الباب ..... وراحت غرفتها صلت وبدلت ونامت






بعد أسبوع


أبو جواد: وش قلت ....

أبو مشعل: خوش فكره .... متى التنفيذ

أبو جواد: بكره ......

طبعا الخطة انتشرت عند الكل إلا جمانه ومشعل لأنها تخصهم





اليوم اللي بعده


أبو جواد: وإنت بيمر عليك مشعل بياخذك

جمانه: لا ما أبي اركب معاه ..... نحيس

أم جواد: عيب عليك هذا زوجك

جمانه: لا عاد توني أدري .....

أبو جواد ينهي النقاش: اللي قلته بيصير .... (ومشى غرفته)

جمانه بملل: أووووف .... زهق ....

أم جواد ابتسمت وسكتت عنها






الساعة 4 العصر


مشعل عند الباب: يالله عاد تأخرنا ....

جمانه بضيق نازله تتحلطم: اللي يقول ميته على الركبة معاك .... مالت ....

مشعل ما سمعها: تقولي شيء ....

جمانه ابتسمت بدون نفس: سلامتك ....

أم جواد: المهم إحنا بنجي وراكم .....

مشعل: يالله ..... (وطلع ووراه جمانه)






بعد ما ركبوا السيارة


مشعل: تبي شريط ايش

جمانه بدون ما تطالع فيه: ولا شيء ....

مشعل: فيه شريط اسمه ولا شيء ... حق أي رادود

جمانه استغربت وطالعت فيه: مصخن ؟؟؟؟؟؟؟؟

مشعل: لا بس درجة حرارتي مرتفعة

جمانه: ههه .... ظريف

مشعل: لا خفيف ..... (ومشى)






في بيت أبو مشعل


أبو مشعل: فاهمين

الكل يضحك: إيه

أم جعفر: تتوقع تنجح الخطة ....

أبو مشعل: إنشاء الله

أحلام بفرح: يعني بيعترف لها انه يحبها ....

أبو مشعل: مثل ما هي بتعترف .... له ....

أم مشعل ابتسمت: الله يتمم على خير

فاضل: يعني وين راحوا الحين

أبو مشعل: قلنا لهم يروحوا البحر وبنجي هناك .....

أم جعفر: وإحنا بنروح ..... (لقافه)

أبو مشعل: لا بنخليهم لحالهم .....

أحلام: أها يعني عشان انه المكان رومانسي ...... ها






في بيت أبو إبراهيم


مروج في غرفتها تسبح وتلبس عشان تنزل مع عمتها وتروح معاها بيت الجيران بنتهم والد وشذى لا هيه عمرها بالنت وسلمى تنتظر مع أمها نزول مروج

دخل إبراهيم: سلام

الكل: وعليكم السلام

إبراهيم بعجب: إلا لابسين وين على خير

أم إبراهيم: بنروح لبنت الجيران والد بنزورها .....

إبراهيم بعد ما فهم: أها ....

نزلت مروج: يالله ..... (انتبهت) إبراهيم متى جيت

إبراهيم: توني ..... إلا إنت بتروحي معاهم

سلمى: أي أكيد ليه بس أنا ..... (متخصره)

مروج: إذا ما تبي أروح ما بروح (تكلم ابراهيم)

إبراهيم وقف: لا خلاص روحي معاهم بس لا تطولوا .... بروح ارتاح .... (وصعد غرفته والنسوان طلعوا)






في بيت أبو جواد


جواد ضحك: الله يعينهم على بعض

ناصر: سبحان الله ما يعدي يوم على المنيقر

أبو جواد بثقة: لا بيروحوا هناك وبينسوا حالهم في ملتقى العاشقين

شيماء: إذا جمانه خفت عليه ..... أحسها تزيده ....

أم جواد: تعقل .... بس خله يعترف لها انه يحبها ....

أبو جواد: إنشاء الله بيعترف .....

الكل: إنشاء الله


يتبع ,,,,
👇👇👇

أحدث أقدم