رواية ثلاث سنين من شقى عمري -29

رواية ثلاث سنين من شقى عمري -29

الهنوف انتبهت وقامت لاخوها وحضنته : هلااابك .. اخبااارك ياقلبي والله من جد لك وحشه
نواف: والله تدرين بيتنا ماله أي طعم من دووونك
الهنوف: تسلملي والله بجد ماتوقعت اني بفقدكم لهالدرجه
عبدالعزيز: بس بس انا وهو زوجها ماعمرها قالتلي كذااا يكفي عاد
محمد: وانا ياعمري داايم ناسيني كأني مو اخوكم
الهنوف حضنت محمد: شدعـووووه عاد انت الاصل والله

عبدالعزيز مسوي زعلان : ايه اخوانك الاصل وانا التقليد

الكل: ههههه

ضحكوا مع بعض شووي بعدين راحوا لسيارة نواف متجهين لبيت لطيفه ..

كانت جالسه ع سريرها .. ودموعها تسيل ع خدها خلاص الدنيا ماعاد تسوى عندها أي شي ..

الحياة مالها أي طعهم مالها أي معنى بالنسبه لها بهالوقت .. تحس الدنيا ضاقت عليها ..

شريط ايامها يمر قدام عينها ..

تتذكر ايامها اللي فاتت .. هدفها بس كان بالدنيا تضااايق غيرها وتكون هي مبسووطه ..

تحب تشوف الناس تعيسين ومقهوورين من شي خاصه اذا كان هالشي بسببها ..

في هاللحظه سمعت صوت الباب ينفتح التفتت سحر لمصدر الصوت وعيونها غرقانه بدموعها ..

دخلت ريناد وشافت اختها اللي حالها كل ماله يزيد سووء .. شافت دموعها اللي مو راضيه تجف ..

ريناد قربت عندها : سحووره

سحر تناظرها بعيونها من دون ماتهمس

ريناد : سحر حبيبتي مها صديقتك بتجيك تشوفك الحين قبل لاتسافرين

سحر: مهــا !!

ريناد : ايه مها دقت علي من شوي وقالت انا بالطريق

لفت سحر راسها للجهه الثانيه : مابي اشوف احد بليز ياريناد

ريناد: شلون ماتبين الحين هي بالطريق

سحر: قوليلها ترجع لاتجي

ريناد: سحر شهالكلام مها صديقتك وحابه تتطمن عليك

سحر صرخت بوجه ريناد : خلاااااص ريناد تكفين قلتلك مابي اشوف احد ..

حتى انتي ياريناد الله يخليك اطلعي برا ..

ريناد كانت مقدره حالة اختها: انشاءالله بطلع

وطلعت ريناد ..

وصلت مها بهاللحظه لبيت سحر ودقت على ريناد ..

ريناد راحت تفتح لها الباب ..

ريناد: هلا والله تفضلي حياك

مها : هلابك اكثر

دخلت مها وسلمت على ريناد ..

مها: شخبارها سحر الحين ..

ريناد تنهدت : مدري شقوولك يامها .. تعالي ادخلي واقوولك كل شي

دخلت مها بالصاله وسلمت على ام سحر وريناد راحت للمطبخ تجيب القهوه

ام سحر : شخبارك يامها .. شخبار امك

مها : الحمدلله بخيير وعافيه

ام سحر: الحمدلله

مها: خالتي ممكن اشووف سحر

ام سحر : والله مدري شقوولك يابنتي .. سحر نفسيتها زفت ..

ماتبي تشووف احد والله حتى انا ماادخل عندها .. اكثر شي تتقبله اختها ريناد

مها: ماعليه ياخالتي انا لازم اشووفها

ام سحر : والله اخاف تطردك يامها .. سحر اعرفها بتعصب عليك

مها : عادي والله انا عاذرتها

ام سحر: خلاص اجل اذا جت ريناد روحي معاها الحين

ريناد دخلت : والله تو مانور بيتنا

مها: تسلمييين ياقلبي .. منور بوجود اهله

ام سحر : تقهوي يامها بعدين روحي لسحر

مها: لاياخالتي مابي شي قبل مااشوف سحر

ريناد: بس سحر مو راضيه تتقبل احد

مها تلتفت على ريناد : عادي خالتي قالتلي وانا والله بتقبل كل شي منها والله عاذرتها

ريناد: اوكي تعالي معاي اجل

قامت مها ومعاها ريناد وطلعوا فووق لغرفة سحر ..

في بيت لطيفه ..

كانت جالسه لحالها بالصاله تكلم امها ..

رن الجرس ..

لطيفه : يمه انا برووح اشوف من عند الباب .. تامرين شي

ام سعود : من اللي بيجيك هالوقت يعني

لطيفه : والله مدري بروح اشوف

ام سعود : انتبهي بس لاتفتحين الا اذا تأكدتي

لطيفه: هههههههه انشاءالله يالغاليه .. يلا فمان الله

ام سعود: فمان الكريم

راحت لطيفه تفتح الباب

لطيفه : مييييين ؟؟

نواف: انا نواف ياخالتي

لطيفه فتحت الباب : نواااف شعندك بسم الله عليك

دخل نواف ومعاه محمد: يعني ماتبين نجي نشووفك مشتاقين لك

لطيفه وعلامات الاستفهام بوجهها : نوااافوووه امك .. ابوك .. فيهم شي

محمد: هههههههههه والله مافيهم شي بس جينا نشووفك ومعانا هديه لك

لطيفه: لا فيكم شي ياعيال اختي مو طبيعين ابد

دخل في هاللحظه عبدالعزيز معاه الهنوف

عبدالعزيز : صبااااااااح الخير لاحلى ام بالدنيا

لطيفه مو مستووعبه للحين جالسه تطالع فيه

عبدالعزيز : شفيييك يمه .. يعني مااشتقتي لي

لطيفه توها تستوعب وراحت لولدها وضمته

عبدالعزيز : لااا يمه تكفين مابي هالدمووع الحين انا عندك وتصيحين

لطيفه : والله من الفرحه ياوليدي

عبدالعزيز : والله يمه مشتااااااااااقلك حيييل

لطيفه : وانا اكثر ياولدي ..

الهنوف جت وسلمت على خالتها ..

لطيفه : هلا بالغاليه زوجة الغالي ..

الهنوف: هلابك خالتي ..

عبدالعزيز : يمه وين فراسووه والله مشتاق له

لطيفه : بعد عمري فارس نايم الحين

عبدالعزيز : حلووووو .. والتفت على محمد ونواف : تعالوا معااااي

لطيفه : عبدالعزيز اعرف حركاتك حرام عليك لاتسوي فيه شي

عبدالعزيز: ماراح اسوي شي يالغاليه

دخلت لطيفه مع الهنوف بالصاله والعيال راحوا فوووق

لطيفه : شخبااارك يابنتي .. انشاءالله استانستوا وانبسطتوا

الهنوف:الحمدلله ياخالتي كل شي تمام

لطيفه : اجل روحي ارتاحي الحين بغرفتك .. ابكلم امي واجمعهم عندي اليوم شرايك

الهنوف: ايه والله مشتاقه لهم

لطيفه : روحي ارتاحي الحييين ..

الهنوف راحت غرفتها فووق ..

بغرفة فارس ..

فارس : يمه حرام عليك خليني شووي

عبدالعزيز : يمه اجل .. اقوولك انا عبدالعزيز تقول لي يمه خليني شوي

فارس يفتح نص عينه : وانت متى جيت

عبدالعزيز : يالدووب قووم سلم على اخووك بدل ماتسأل متى جيت

قام فارس وسلم على اخووه

فارس: والله اكثر شي اشتقت له تدري وشو

عبدالعزيز : وشو

فارس : اشتقت لضربك وهواشك

نواف: هههههه ياقلبي ولد خالتي معذبك الدوبي بضربه

عبدالعزيز : لا خلاااص انسى هذاك الضرب انا عقلت الحين

محمد: تكفى ياعاقل .. لايكثر بس

نواف : يلاااا حموود مشينا نرجع تراني دااااااايخ

فارس : لا لحظه اجلسوا معاي تصحووني وتخلوني لحالي

محمد: عندك اخوك

فارس: ايه اخووي بيروح الحين مع زوجته وبيتركني

عبدالعزيز : يعني مفكر اني بجلس معاك اصلا

فارس : اجل ليه مصحيني

عبدالعزيز : مشتاااق لك شسوووي

فارس : اووما عزوز يشتاق من المستحيلات هذي

عبدالعزيز : حرام عليك

فارس: المهم انتم ماراح تروحون

نواف: فروس والله دااااايخ بنام

عبدالعزيز : خلاص خلهم يروحون بتشوفهم اليوم او بكرا

محمد: يالله مشينا لاتطيح علينا

فارس: سلموني على ميشو حبيبي

محمد: هههههه يبلغ

طلعوا العيال وعبدالعزيز راح لغرفته ..

الهنوف اللي كانت جالسه على سريرها وتكلم امها ..

حصه : ونواف سااكت ماقال لي شي

الهنوف: ايه عبدالعزيز ناويها مفاجئه

عبدالعزيز دخل : وش فيييييه عبدالعزيز

الهنوف: هههههه مافيه شي

حصه : خلاااص بنتي رووحي ارتاحي واشوفك انشاءالله اليوم العصر

الهنوف : انشاءالله مع السلامه

حصه: مع السلامه ..

مها : خلاص ياسحر الله يخليك لاتسوين بعمرك كذا

سحر من بين دموعها : مها تكفـــين اطلعي

مها : ماراح اطلع ياسحر

سحر : مابي اشوووف احد شفيكم انتم ماتـفهمون

مها: سحر حبيبتي شفيك .. ابي اشووفك واجلس معاك قبل تسافرين

سحر: مها انا تعبت والله تعبت

مها: ياسحر انتي الحين ربي مبتليك .. وهذا قضاء وقدر

سحر: مها انا ماقلت شي اصلا انا ودي اموووت ابي ارتاح

مها: استغفري ربك يابنت

سحر: استغفرالله العظيم .. وربي يامها كوابيس بالليل مو مخليتني ارتاح

مها : ماعليك حبيبتي .. انشاءالله بتروحين وتسوين عمليتك وترجعين سحر اللي اعرفها

سحر صرخت :لاااااااا مستحيل ارجع سحر الاولى .. سحر الانانيه ..

سحر اللي ماتحب الخييير لغيرها .. لا يامها مستحيييل ترجع سحر

مها: اشووفك ياسحر مكبره المسأله مررره شفيك تراك ماكنتي تسووين شي

سحر: ااااه يامها كل اللي سويته وتقولين ماسويتي شي .. فرقت بين ناس وناس

.. خربت بيووت يامها .. شلون تقولين ماسويتي شي

مها: مدري شقوولك بس الشي اللي كنت ابيه مابعد سويتيه

سحر عرفت قصد مها على طول : ومصدقه بسووووووويه خلاص انسي يامها

مها: ليه وقفت علي بس .. سوي اللي ابي وخلاااص

سحر: صدق انك ماتسحتين يامها حرام علييييك خلاص خافي ربك في خلق الله

مها قامت معصبه : اذا انتي مو راضيه تسوين اللي انا ابيه ..

انا بسووويه بنفسي يااااسحر انا بسوووووويه .. أي شي يسبب تعاسه للهنووف ..

انا بـسووي المستحيل علشان يصير..

سحر: للأسف يامها ماتوقعتك كذا .. مها ماتخافين ربك وربي حرام عليك خلي عندك قلب ..

ومهما كان ترى الهنوف بنت عمتك يامها .. وييين قلبك انتي

مها: انا قلبي الحين مثل قلبك اول كنتي تسوين اشياء واشياء .. وين قلبك هذيك اللحظه ؟؟

سحر صررخت صرخه زادت من تعبها : مهااااااااااا بس ..

انتي جاايه تواسيني والا جايه تحسسيني بالندم والحسره .. بس بس يامها ارحمـــــيني

مها قامت: عالعموم لاتفكرين اني بنسى هالانسانه او اخليها في حالها ..

يلا انا بروح بيتنا .. وتروحين وترجعين بالسلامه .. وانا ادري اذا رجعتي ونجحت عمليتك ..

وشفاك الله من اللي انتي فيه .. بترجعين لحركاتك وفعايلك .. انا اعرفك مستحيل تخلينها هههههههههه

سحر بهاللحظه انفجرت : مهااااااااا خلاص اطلعي برااا لو سمحتي

طلعت مها وهي تضحك

سحر سندت راسها وهي تتنهد .. آآهـ .. لا مستحيل انا اصدق هذي مها صديقتي اللي اعرفها .. مستحيل .. ماتوقعتك يامها كذا .. بس همك مصاالح تصادقين الناس علشان مصالحك .. يارب اكون انا في حلم..

ياربي ليه الناس صاروا كذا همهم انفسهم وبس ..

غاده من بعد اصرار فيصل ومن كثر ماازعجها بالمسجااات والاتصالات .. رضت باللي يبيه ..

ونست كل شي ممكن يصير بعد موافقتها ورضاها .. وكلمته مره ومره وبدت العلاقه تصير قويه ..

غاده منسدحه على سريرها وتكلم فيصل ..

فيصل : طيب حلووو وناسه احس

غاده : وناسه وفي نفس الوقت مو وناسه

فيصل : اجل خلاص تعالي اسكني عندنا

غاده : تخيل عاد !!

فيصل : فله والله ترى اصدق عمري الحيييين

غاده: ههههههههههههه

فيصل : لبى هالضحكه يانااااااس

غاده : ههههههه

فيصل : شفييييك

غاده : ماتبيني اضحك يعني

فيصل : لاياقلبي بس انا اقصد مافي سبب يضحك

غاده: شسووي عاد هذا طبعي اضحك من دون سبب

فيصل : ههههههههه فديتك انتي وطبعك والله .. اقول غدوو

غاده: هلا

فيصل : بسمعك بصوتي اغنيه اهدااء لك

غاده: لافيصل ارسلها لي احسن

فيصل :لا ابي اسمعك وانا معاااك

غاده: فيييصل

فيصل : هلا

غاده: انا ابيك ترسلها مابي اسمعها الحين

فيصل : تستحييين يعني ههههههه

غاده: ههههههههه

فيصل : اسمعي بس ..

غاده : فييصل

فيصل ماسمع كلامها وبدا يغني ..

مشكلتي اهوآهـ وحبهـ هو مجنّني

والمشكله عن هوايآ ماهو بدآري

اخآف ابوح بهوآي لايخجّلني

واخاف يزعل علي ويزيد في نآري

محتآر مدري شسوي حيل شآغلني

مليت افكر ولاهي نآفعه افكآري

مدري اعذره عشآنه ماهو فآهمني

والا ألومه عشآنه سبة امرآري

سآعات ارضى اقول كآفي يكلمني

كآفي انه يسأل علي ويآخذ اخبآري

سآعات اطمع ابيه كل يوم يقآبلني

جنني حبه ولا هو بحآلتي دآآآآري

في بيت لطيفه الكل كان مجتمع بمناسبة رجوع عبدالعزيز والهنوف ..

بالصاله ..

غيداء : اهليييييين يالدوووبا تغيرتي مرررره

الهنوف: ههههه اللي يشوووفك يقول غايبه عنكم سنه

غيداء: والله مدري وش اللي غيرك اعترفي شمسوويه

الهنوف: ليه احلى من اووول يعني ؟؟

غيداء: اييييه

ساره: بجد انتي شمسوويه بعمرك يعني الزواج كذا يغير الشكل ونااااسه اجل ابي اتزووج

غيداء : انتي اعقلي بس عاااد لحد يسمعك

الهنوف: لاياحبيبتي مو الزواج يسوي كذا

ساره: اجل انتي بالله وش اللي غيرك كذاا

الهنوف : والله مدري عاد

غاده : الهنوووف من عمرها حلووه ماتغيرت

ساره: اقول انتي خلك في حالك بس

الهنوف: هههههههههههه يابعد قلبي والله انتي

حصه اللي كانت جالسه قريبه منهم ..

حصه : الهنووف بس قصري صووتك استحي توك عرووس

ساره : ههههههههههههههههه مو وجه عرس ابد لو اني انا الي بدالها كان احسن

حصه : الله يوفقك انشاءالله وعقبااال مااشوفك عروووس

ساره: امييييييين

غاده : اووف متحمسه لهالدرجه للعرس .. تراه مو حلووو

غيداء تلتفت على اختها :و انتي شدراااك اللي يشوفك يقول مجربه

غاده: ههههههههه لا بس اسمع الناس تقوووله

حصه : بس عاد كافي سواليف عن العرس قوموا ساعدووا اختي بالمطبخ

ساره: يلا الهنووف قومي معانا

حصه : اقوول خلوا بنتي عرووس وبتخلونها تشتغل

ساره: لاتلووووووموني اذا قلت ابي اتزوج والله فله

حصه تضربها مع كتفها : مدري من طالعه عليه يااختي ..

ساره: ليه شفييني انا

حصه : مافيك شي .. بس رووحي للمطبخ

راحوا البنات عند لطيفه يساعدووونها ..

طبعا ام مها كانت موجوده هي وبناتها الا مها ..

بالمطبخ ..

ساره : والله ماله حق ولدك مايستحي

لطيفه : افا شفيييه بعد

ساره: ماجاء يسلم على خالته

لطيفه : انتي المفرووض تروحين له مو هو يجيك

ساره: لا والله لاتدافعين عن ولدك تكفيين

لطيفه: ساره تراني مشغووله تعالي ساعديني وبس

ساره: ياقلبي انا ماتطلبووني الا بالشغل بس

لطيفه : ساره ياقلبي بتشتغلين والا اطلعي لاتسوين زحمه

ساره : بشتغل شسوووي غصب علي

يتبع ,,,

👇👇👇

تعديل المقال