رواية ثلاث سنين من شقى عمري -38


رواية ثلاث سنين من شقى عمري - غرام


رواية ثلاث سنين من شقى عمري -38

غاده: ههههههههه

غيداء : خلونا من الفستان الحين

غاده تلتفت على اختها : خلاص انا قلتلك مابي اروح ليه تغصبيني على شي انا ماأبيه

غيداء : ماغصبتك انا .. بس ابي وناستك ابيك تغيرين جو

غاده: بالبيت انا مستانسه والله مابي اطلع

ساره : بس وش بتسوين يعني لحالك

غاده: ونفس السؤال اللي تسأله غيداء تجين انتي تسأليني اياه .. خلاص بنااام والله ماعندي شي بسويه بس كذا

ساره : اقول غيداء خليها يجي ابوي الحين ويخليها تروح غصب

غاده : لاااا تكفوون انا بروح انام قولوا غاده تعبانه

ساره : والله ماأعرف اكذب على بابا بروح اقول غاده ماتبي تروح معانا

غاده : ساااره والله انك سخييفه

ساره تطلع من الغرفه : هههههههه بروح اقول له مايفيد معاك الا كذا انتي

غاده عصبت : شفتي ياغيداء كله منك .. يعني انا بفهم شتبون فيني انا قلت مابي ليه تحبون تغصبون الواحد على شي مايبيه .. وانتي ياغيداء كل ماتدخلين في سالفه لازم تخربينها .. علشان كذا لو سمحتي اطلعي برا قبل يجي جدي خليني انام

غيداء بهاللحظه ماتدري وش تسوي .. كلام غاده يضيق الصدر .. ماتوقعت يجي اليوم اللي تكون علاقتها مع اختها تصير كذا .. ماتدري وش تسوي مع هالبنت كل مره وأسلوبها يتغير وكل شي فيها يتغير ..
موقادره تمسك دموعها .. حاولت تتماسك وطلعت برا من دون ماتقول لاختها شي .. وغاده سكرت الباب وراحت لسريرها بتنام ..

في جهة ثانيه ... في بيت ابوسعود في الصاله ..

ابوسعود وخالد جالسين .. ومعاهم الوليد ..

ساره بعد مانزلت من البنات : اقول بابا

ابو سعود: سمي ياروح ابوك

ساره : متى بنمشي للاستراحه

ابو سعود : والله مدري متى ماخلصت امك وخلصتي انتي والبنات مشينا

ساره : كلنا بنروح بسيارة وحده

الوليد: لا انا بروح بسيارتي

ابو سعود : ماله داعي سيارتك اركب معنا احسن

الوليد : عندي ثيابي بالمغسله لازم امر وآخذها وارجع للبيت البس واضبط عمري وامشي

ابو سعود : ماله داعي بس خلك بثوبك هذا حلوو

الوليد : لا يبه مايصير

ابو سعود: وماعندك غير هذا

الوليد: لايبه الزينه كلها عند المغسله

ابو سعود: ياأبوي كذا بتتاخر خذ لك ثوب من عند خالد

الوليد: ههههههههههه يبه مايصير فيه فرق بيني وبين خلود

خالد: ايه ياجدي الله يهديك انا اطول منه

الوليد: اقول بس لايكثر لا مو علشان طول بس فيه فرق هو دووب وانا نحيف بضيع داخل ثوبه

خالد: هههههههههههه بتجيبها من طرف ثاني

ساره : الاعتراف بالحق فضيله قوول خالد اطول مني وريحنا

الوليد: المهم ثيابك ماتنفع لي وبس

خالد: ههههههههههههههههه هذا احسن شي

ابوسعود : طيب يلا روح جيبها علشان يمديك تمشي معانا .. الاستراحه بعيده ولازم الساعه 1 الظهر احنا موجودين

الوليد: تونا بدري 11

ابو سعود: قم بس وين بدري ترى اذا تأخرت بنمشي عنك

الوليد : عادي معاي سيارتي

ابو سعود: وليدوووه اقول قم ترى بتركب معانا .. يلا استعجل

الوليد يقوم: ههههههههه انشاءالله يبه

طلع الوليد ..

ساره : ماتلاحظون انكم نسيتوني وانا جايه متحمسه بقولكم شي

ابو سعود: وش عندك قولي الله يصلحك

ساره : يبه احنا كلنا بنروح الاستراحه صح

ابو سعود: ايه اكيد

ساره : وانت خالد بتروح؟

خالد: ايه بروح .. والا ماتبيني ؟

ساره : والله ودي انك ماتروح بتسوي لنا زحمه بالسياره

خالد: طيب يالشينه لاتخليني احلف اني ماأمشي الا بسيارتي

ساره : هههههههههههه

خالد: والله كله علشان الغالي والا مابي اروح يعني سياره انتي فيها بتصير بايخه اكيد

ساره : بابا شفت وش يقول

ابو سعود : انتي اللي بديتي معاه تستاهلين

خالد: ههههههههه كملي بس وقولي اللي عندك

ساره : مابي خلاص زعلت خل خالد ينفعك يبه

ابوسعود: الله يعين زوجك عليك ياسرع ماتزعلين يابنتي

ساره : يحمد ربه بعد زوجته بتكون ساره ..

ابو سعود: ايه والله وأنا اشهد .. بس تعالي كملي

ساره : بكمل بس خالد مايتكلم ومايقول شي

خالد: هههههههه ماراح اقول شي

ساره : السالفه بإختصار ابيك تقنع غاده يبه ؟

خالد بسرعه وبعفويه : شفيها غاده ؟

ساره تناظره بطرف عين : ههههههههه ياحبيلك ماراح اجيب طاري البنت مادامك موجود لاحظت انك ماتمسك نفسك

خالد تفشل وحس بعمره وكان وده يصفق ساره على كلامها .. وعطاها نظره خلاها تسكت

ابو سعود: شسالفتكم انتم الحين ترى مافهمت شي

خالد: مافيه شي ياجدي ( والتفت على ساره وناظرها نظره حاده) كملي ساره ..

ساره : ايه يبه اقولك ابيك تقنعها هي مو راضيه تروح معانا للاستراحه

ابوسعود: لييه

ساره : مدري عنها تقول مالي خلق اروح وناويه تجلس بالبيت لحالها

ابوسعود : وينها هي الحين

ساره : فوق بغرفتها قلتلها بقول لأبوي وعصبت علي قالت بروح نام

ابوسعود : لا ماعليك انشاءالله بتروح انا اقنعها

ساره : طيب روح لها الحين قبل لاتنام

ابوسعود: بروح لها ماعليك .. انتي بس خلصتي

ساره : ايييه متى ماتبون نمشي انا جاهزه

ابوسعود : بعدي والله بنتي

ابوسعود : وانت ياخالد مخلص اشغالك

خالد: ايه جدي ماعندي شي

ابوسعود يقوم : انا بروح عند غاده بشوف شفيها وانت ياخالد الله يعافيك روح شوف الاغراض اللي حطتها جدتك وركبها بالسياره

خالد: انشاءالله ..

راح ابو سعود فوق .. وساره قامت بتروح معاه ..

خالد: سااره

ساره التفتت : هلا

خالد: تعالي

ساره ابتسمت : وشو بغيت شي

مسكها خالد مع اذانها : وش اسوي فيك انا .. اذبحك

ساره : أي حرام عليك فكني

خالد: قوليلي بس شسوي فيييك

ساره : هههههههه ماسويت شي انا

خالد: كل هذا وماسويتي شي ماشفتي كيف جدي يشوفني

ساره : وشو يعني بتنكر انك ترتبك من اجيب طاريها وتقول كلام من دون ماتحس

خالد: ساره بسألك

ساره : طيب بس فكني والله تووجع

خالد بعد ايده من ساره ..

ساره : يلا قوول الحين اللي عندك ..

خالد : من وين جايبه كلامك هذا

ساره : هههههههههههه منك يعني من وين بجيبه

خالد: وانا قلتلك شي

ساره : ياحبيبي ياخالد تصرفاتك وحركاتك .. ماتقدر تخبي هالشي خاصه عني

خالد يحاول ينكر : اقول بس لاتفسرين اشياء وانتي ماتدرين شسالفه

ساره ( تغمز له ): علينا ياخلووود

خالد ماقدر يمسك نفسه : هههههههههههه ساره والله اذبحك اذا ماعقلتي

ساره : هههههههههههههههههه شفت اني ذيبه مافي شي يخفى علي

خالد : من جد ذيبه الله يستر منك

ساره : ههههههههه يعني خلاص الحين اعترفت

خالد : اقول انقلعي عن وجهي والله لأسوي فيك جريمه

ساره : ههههههههههه طيب رووح بس ركب الاغراض اللي قال لك عنها ابوي

خالد: ايه صح نسيت كله منك وخري عني خليني اروح اركبها

ساره : مامسكتك مع يدينك .. رووح يلا بيجي ابوي الحين

طلع خالد برا على اساس بيركب الاغراض ..




في بيت حصه ..


ابو نواف : وش يوديكم ياحصه ..

حصه : الله يهديك عزيمة امي الحين انا بقول لك انت تروح معنا

ابونواف : لا انا والله عندي شغل ماأقدر

حصه : تعال تغداء وارجع لاتجلس معاهم

ابونواف : والله صعبه بعدين الاستراحه بعيده يعني مشاوير على الفاضي.. انتم بس اجلسوا ولاتروحون

مشعل : لا يبه حرام عليك الكل بيجتمع هناك

ابونواف: وانتم لازم كل اجتماع تجتمعون معهم

حصه : شفيك أبو نواف كأنك متضايق

ابونواف : لا مو متضايق بس من بيوديكم غيري

حصه : بسم الله عليهم وعيالي وين راحوا

ابونواف: نواف مو رايح على كلامه واظن محمد بعد

حصه : لا انا مكلمتهم ماقالوا شي لاتخربهم علي بس

ابونواف : روحي انتي ومشعل وهم خليهم معي بالشركه عندي اشغال كثيره

مشعل : هههههههههه ايه يبه قول كذا من أول .. ولايهمك انا اجلس معك

ابونواف: يلا خلاص اجلس ولاتروح

مشعل : لا شفيك يبه صدقت الله يهديك على طول .. بليز عاد ماصدقت ارتاح من الشركه شوي تبيني اجي معك

ابونواف: خلاص روحوا اجل ووسعوا صدوركم بس دقي على ولدك شوفي

حصه : الحين بيجون انا داقه على نواف من شوي

ثواني ويدخل محمد معاه نواف ..

نواف : السلام عليكم

الكل : وعليكم السلام

مشعل : وينكم تأخرتوا

نواف : ايه صح خالد داق علي من شوي يقول احنا بنمشي بعد شوي

مشعل : طيب يالله وش تحترون ترى انا مره متحمس

نواف : يلا انا بروح ابدل واجي ثواني وانا عندكم

حصه : يلا إحنا مخلصين كل شي

محمد راح وجلس جنب مشعل

محمد: ايه تعال شفت فارس وش يقول

مشعل : وشو

محمد: مدري يقول لي واحد من اخوياك بيجي

مشعل : ايه والله انا قلتله حتى الوليد دخلت في باله الفكره يقول بنادي اخوياي عاد هم يوسعوون الصدر

محمد: ياسلام عليكم ونسوي هناك ملتقى تعارف

مشعل : هههههههه والله تغيير ملينا من بعض حلو كذا نسوي تجديد

محمد: والله مدري عنكم أتخيل أشكالنا بس

مشعل : عادي وانت ماودك تنادي مشاري

محمد: ياحبييلك مشاري بالشرقيه رايح مع اهله

مشعل : ياحبيله ليه ماقال لنا نروح معه

محمد: اقولك رايح مع اهله

مشعل : عادي نتعرف عليهم

محمد: هههههههههه وانت تبي تروح مع الكل اقول انقلع بس

مشعل : والله فله هو عنده اخوات ؟

محمد يقوم : اقول انا بروح البس انت بتضيع وقتي

مشعل : ههههههههههههههه البس زين عاد تكشخ كل ربعي بيجون

محمـد: مايحتاج انا حـلوو مـن دون ماأكشخ

مشعل : هههههه عاش واثق




في بيت فهد ..

فهد كان طالع برا ويكلم ابوه ..

فهد : خلاص يبه انا دقايق وطالع من البيت

ابوسعود: يلا ياأبوي استعجل احنا مشينا

فهد : انشاءالله .. فمان الله

ابوسعود: مع السلامه ..

فهد دخل داخل البيت .. وقابلته ام مها ..

فهد : يلا مابعد خلصتوا

ام مها : انا خلصت باقي بناتك كل وحده بغرفتها تعبت وانا اناديهم روح لهم انت

فهد : خلاص طيب اركبي .. ابوي داق علي كلهم مشوا

ام مها : انشاءالله ..

فهد راح فوق لبناته ..

طلعوا رنا ونوره وريم من غرفهم ..

فهد : يلااا استعجلوا اختكم وينها

ريم : مها نايمه يبه ..

فهد : وش منومها الحييين

رنا : انا رحت لها اصحيها بس طردتني

فهد : خلاص طيب انتم انزلوا الحين روحوا اركبوا مع امكم وانا بناديها .. يلا بسرعه

نزلوا البنات وراح فهد لغرفة مها ..

دخل عليها وبالفعل شافها نايمه ..

فهد عصب : مهاااا

مها اللي ماكانت نايمه اصلا : نعم

فهد : وش منومك الحيين يلا قوومي اخواتك كلهم ركبوا يلا

مها : وانتم اصلا وش يوديكم من زين جمعاتهم

فهد : مها ماعلييك مني مو انتي اللي تعلميني اروح والا اجلس يلا قوومي انا بطلع ودقايق بنتظرك اذا ماطلعتي بمشي .. وطلع فهد

مها قامت : الله يعييني عليهم بس

ولبست بسرعه ونزلت ركبت مع ابوها ..



في سيارة ابوسعود ..

ساره : يبه مو لو ان وليدوه وخالد في سياراتهم احسن لنا

الوليد : الحين اللي يشوفك جالس فوق راسك

ساره : لا بس مسوي زحمه

ابوسعود: الله يهديك شفيك عليهم

الوليد: يبه ماعليك منها الدلوعه

ابوسعود: ارجعي ورا مع البنات

ساره : وشغالتكم الجميله وين اوديها

الوليد : خليها تجي عندنا وانتي ارجعي مع البنات اصرف منك

خالد: لا لا الله يرحم والديك شتبي فيها معنا بعد أنت

ساره : ههههههههههه والله فكره حلوه شرايكم بنوتات

غاده: ياليت والله تسوين خير فيني

ساره : هههههههههههه ياعمري والله تنرحمين صراحه

غاده: تكفين تعالي وخليها تجي معهم دامهم يبونها

الوليد يلتفت على غاده : والله من قدك جالسه جنب هالحلوه

غاده: هههههههه والله ماشاف حلاتها الا انت

غيداء : حرام عليكم بس عاد ترى والله تدري انك تتكلمون عنها

الوليد : ههههههههههه والله ماتدري شسالفه واكبر دليل انها تشوفنا وتبتسم

غاده : ايه الحين على بالها نمدح فيها

خالد : والله تلقينها فاهمه كل شي وودها تقوم عليكم وتصفقكم

غاده : ايه عاد مالقاها الا انت وغيداء ماقلتوا شي احنا اللي بنروح فيها

خالد: ههههههههه تخيلتها تصفقكم

غاده: انا اصلا ماقلت شي .. ياحلووها الجلسه جنبها تسوى الدنيا ومافيها

الوليد : ايه بنت ابوها بتنقذ نفسها بأي طريقه

غاده: والله اهم ماعلي نفسي تخيلت شكلها تصفقنا وخفت صراحه

ساره : انا مستحيل أغير كلامي لو تبي تسوي اللي تسوي

خالد: ايه نشوف ياساره بس لو تطير عيونها عليك صحتي

ساره : لا لا عادي ماعليك انا ساروونه لاتخاف

غاده: طيب خلاص ماودكم تسكتون انا لاحظت ان الحلوه كثرت حركتها والله مارايح فيها الا انا اللي جالسه جنبها

الكل : ههههههههههههههه

خالد بهاللحظه كان مره مبسووط غاده متجاوبه معاه بشكل ماكان يتصوره تسولف وتاخذ وتعطي .. مبسوط ويتمنى انها تدوم على هالحال ..



طبعا الكل وصل للاستراحه .. الا عبدالعزيز والهنوف ..

عند الحريم ..

ام سعود : دقي عليهم طيب علشان يمديهم يتغدون معنا

لطيفه : لا يمه خلاص نتغداء لانهم توهم مابعد طلعوا والرجال ماراح يصبرون

ام سعود : الله يهديهم وش عندهم مابعد طلعوا

حصه : الله يهديها هالبنت انا داقه عليها قبل تقول دقايق ونطلع

ام سعود : خلاص اجل اقول لهم بس يحطون الغداء

حصه : ايه والله خلاص اذا بننتظرهم راح يذن العصر واحنا مابعد تغدينا

ام مها : اجل ياخالتي نروح نحطه لهم

ام سعود : ايه الله يعافيك

قامت ام مها ومعاها حصه ولطيفه يحطون الغداء للرجال ..

عند البنات ..

مها كانت جالسه بعيد عن البنات ومعاها جوالها تلعب فيه ..

ساره : مها تعالي تقهوي معانا شفيك جالسه لحالك

مها وعينها ع الجوال : ماأشتهي شي

ساره : شفيك كأنك جايه غصب

مها : ايه يعني تحسبيني جايه برضاي

غيداء : انتي شسالفتك يامها

مها : ليه شفيني انا

غيداء : مدري عنك مره تصيرين عاديه وتجلسين معانا وتسولفين ..
ومره تنقلبين وتصير نفسيتك زفت علينا ..
عكس اخواتك انتي الوحيده يعني ليه كــذا ؟

مها : والله عاد شسوي هذي نفسيتي تبيني كذا وإلا مو مغصوبه انتك تجلسين عندي

رنا : شفيك يامها ماقالت شي هي

مها : رنا لو سمحتي انا اكلم البنت ماكلمتك

ساره : والله يامها نفسيتك زفت خلاص ماراح نقول لك شي

مها : يكون احسن اذا ماكلمتوني

يتبع ,,,
👇👇👇
أحدث أقدم