رواية ثلاث سنين من شقى عمري -50

رواية ثلاث سنين من شقى عمري -50


رواية ثلاث سنين من شقى عمري -50

طلعت ساره وعلى طول اخذت غاده الجوال ودقت على فيصل كالعاده ..

فيصل : هلا والله برووحي وقلبي ودنيتي وحيااتي وكلي

غاده : بس بس كافي

فيصل : هههههههههههههه شخبااارك بس

غاده : بخيير مادام نكلم فصوولي

فيصل : ياابعد قلبي انتي

غاده : بس تدري انا زعلانه عليك

فيصل : افاا ماعاش من يزعلك

غاده : ويينك هالاسبوعين صاير ماتدق كثير ولاترسل مسجات يعني لازم انا ادق

فيصل : غدوو عمري والله اني هالاسبوعين مره حالتي صعبه

غاده : ليه شفيك

فيصل : وش اللي مافيني

غاده : فصوول شفيك لاتخوفني

فيصل : خاايف

غاده : خايف من ايش

فيصل : بديت اشك ان خالد صديقي هو نفسه ولد عمك

غاده : اييش !!

فيصل : ايه والله شكله هوو

غاده : لا مستحيييل

فيصل : ليه مستحيل

غاده : على اي اساس قلت كـذا

فيصل : نفس مواصفاته اللي تقولينها لي اشوفها فيه .. مو هو حلوو ومملوح

غاده : اييه بس بعيني اشين واحد

فيصل : ههههههههههه طيب مو هو تقولين نظراته تخووف

غاده : ايه

فيصل : ويعرف كل شي من العيون

غاده : ايه

فيصل : طيب خلاص اجل هذا هوو

غاده : طيب انت من وين عرفته

فيصل : يصير ولد خال صديقي مشعل

غاده : صديقك مشعل الحين خالد يكون ولد خاله

فيصل : اييه

غاده : خاااااالد وش اسم ابووه؟؟

فيصل : اممم اتذكر كان يقول لي سعد ومتوفي بعد

غاده شهقت : ياوييلي

فيصل : شفييك

غاده : هوو نفسه يافيصل هو خالد ولد عمي

فيصل : والله اني كنت حااس من زمان

غاده : ييييع كيف تجلس معه تكفى لاعاد تجلس معه ابد الله يخليييك

فيصل : طلبتي المستحيل ياغاده

استغربت غاده من كلام فيصل ..

غاده : ليه

فيصل : لاني احبك بصارحك واقول لك كل شي

غاده : فييصل قوول تراك خوفتني

فيصل : ياغاده والله ماأكذب عليك من شفت هذاك الولد اول يوم وجلست معه ارتحت له حييل .. صرت اشوفه مره مرتيين كل مااجتمعنا ناديناه معنا ..
من جد دخل قلبي وحبيته .. حسيته يفهمني بسرعه .. طيب وحبووب ..

غاده : لايافيصل قوول لي غير هالكلام .. تحب خاالد والله مصيبه

فيصل : لا والله مو مصيبه .. ياغاده مره خالد اخذ جوالي كان بيشوف شي فيه فجأه سكت وتغيرت ملامح وجهه حتى لونه تغير .. نسأله شفييك مايرد ..
تحسيين انه مو معانا ومصدوووم.. بعدين مد لي الجوال وقاام وطلع ومن بعد ذاك اليوم والولد مرره متغير علي

غاده : شفيه وش شاف في جوالك

فيصل : حسيت انه شاف رقمك على شان كـذا ضاق صدره واللي عرفته منك انه يحبك

غاده : لاااعاد من جدك شاف رقمي

فيصل : اكييد لانه مافي شي في جوالي .. وهو داخل الاسمااء واكيد شاف رقمك لانه ضاق صدره حييل ومن بعدها اقولك تغير

غاده : ياااربي يافيصل انت اخباارك اليوم كلها شينه .. متأكد شااف الرقم

فيصل : اكيد شاافه وماضيق صدره الا هو

غاده : والحين انا شسوي ياااربي

فيصل : انا بعد ضاايق صدري

غاده : على ايش

فيصل : مره متغير علي صااير مايرد على اتصالاتي ولاحتى مسجاتي ..

غاده عصبت : فيـــــــــــصل تستهبل انت

فيصل : وشو

غاده : وش تبي في الولد خله في حاااله اقطع علاقتك معه

فيصل : انتي اللي تستهبلين .. شخص ارتحت له ودخل قلبي مستحيـــل اخليه

غاده :حرام عليك انت كـذا بتورطني معه

فيصل : ليه اورطك

غاده : اذا استمرت علاقتك معه بيعرف عن كل شي

فيصل : هو عرف وانتهى

غاده : وتقووولها ببروود فيصل حراام عليك

فيصل : غاده علاقتي بخالد مالها دخل صدقيني

غاده : مادامك تقول خالد عرف بالله وش تتوقع يسوي

فيصل : يمكن انه ماعرف لانه ياغاده من زمااان وللحين ماأشوفه سوى شي

غاده : ياربي والله وتورطت

فيصل : عاادي لايضيق صدرك مايقدر يسوي شي

غاده : اكيييد انه قال لجدي شي مستحيل يسكت

فيصل : لا ان شاءالله ماقال له شي

غاده : فيصل انت تقدر تسااعدني لو تركته والله برتاح نفسيا

فيصل : غاده صعبه

غاده : شلوون صعبه انا طلبتك طيب علشان خاطري بس

فيصل : والله عمري ماإرتحت لشخص وحبيته مثل خالد .. انسان احس كل شي موجود فيه .. كل اللي كنت فاقده لقيته في خالد

غاده والعبره خانقتها : فيصل ليه انت تبي تقهرني .. ادري انو تحبه ومرتاح له بس تقدر تتركه علشاني لو فتره بسيطه

فيصل : طلبتي شي صعب

غاده بصراخ : فيــــــــصل

فيصل : غااده لاتصاارخين تراني اسمعك

غاده : اسمعني يافييصل

فيصل : اسمعك

غاده : ياأنـا ياخالد بحياتك

فيصل :اقوول اعقلي كلكم ابيكم واحبكم

غاده : بس انا مااابيه انا ماأحبه .. فكر زيين واختار اللي تبيه يعيش معك اوكي

فيصل : غاده شفيييك انتي

غاده : فيصل مثل ماقلتلك

فيصل : غاده لاتخليني اتهاوش معك وارفع صوتي عليك

غاده : اذا انت تحب غاده وتغليها تقدر تتخلي عن الشخص اللي عرفته بس من فترة 7 شهور

فيصل : واذا نتي تحبين فيصل لاتغصبينه على شي مايبيه .. كيف تبيني اختار بين شخصين مثل كـذا ..
غاده انسانه احبها حييل واغليها عشت معها احلى ايامي وماأتخيل حياتي من دونها ..
واحب كل شي فيها سواليفها وضحكتها وزعلها وعتبها .. وخالد انسان له في قلبي معزه .. حبيته من اسلوبه وطيبته .. واحب اشوفه كثير ومو متخيل اني اتركه
يعني كيف تبيني اختار بينهم

غاده :وغااده يافيصل تحبك وتغلييك وتعزك وماترتاااح الا اذا سمعت صوووتك .. وماتبي حياتها من دونك .. بس خالد هذا يطلع من حياتنا والله احسن

فيصل : غدوو حبيبتي ماعليك من خالد احنا نعيش حياتنا مبسووطين وخالد موجود عادي .. صدقيني ماراح يدري عن شي وانا ماراح اقول له شي

غاده : مدري بس انا خايفه

فيصل : كنت انا خايف مثلك .. بس لو فكرتي ليه نخاف خلااص انا ماراح اقول شي..خالد اعتبريه صديق لي عادي وماكأنه ولد عمك

غاده : طيب اللي تشوفه

فيصل : ياابعدهم والله .. ويلوموني فيييك

غاده : الله يخليينا لبعض ولايفرقنا

فيصل : امييين .. يلا حبيبتي انا بناام مره دايخ تبين شي

غاده : سلامتك ورضااك

فيصل : الله يسلمك .. مع السلامه

غاده : باااي

سكرت غاده من فيصل .. تحس الدنيااا كاتمه عليها .. تفكر بخالد هل هو عرف بالسالفه والا لا .. تدعي ربها انه ماعرف علشان ماتطييح بمشكله كبيره وتتورط ..



في بيت حصه ..


( الهنوف اليوم ثالث ايام نفاسها في بيت اهلها .. والبنووته الصغنونه سموها ..)

الهنوف اللي جالسه على سريرها : مشعل حراام عليك بنتي بتموت بين يدينك

مشعل : شفييك ماراح اكلها انا العب معها

الهنوف : من كبرها تلعب معها .. والله لو يشوفك عبدالعزيز يذبحك

مشعل : يااربي ازعجنا في بنته لاتشيلوونها ولاتلمسوونها

الهنوف : طيب تعال حطها بسريرها تراه بيجي الحييين

مشعل : مين اللي بيجي

الهنوف : عبدالعزيز

مشعل يحط ريومه بسريرها : اييه عاد كلش ولاعبدالعزيز والله يموتني لو يشوفني شايلها بس

الهنوف : روح خل الباب مفتوح بيجي الحيين

مشعل : ياربي زوجك قلق .. مامعه مفتااح

الهنوف : لا مامعه رووح والا ترى قمت فتحته

مشعل : لاخلاص برووح

راح مشعل يفتح الباب ..

مشعل : وانت ماشاءالله عليك 24 ساعه عندنا ترانا طفشنا منك

عبدالعزيز : والله ياحبيبي ماجيت لعيوونك جاي علشان زوجتي وبنتي

مشعل : خذ زوجتك وبنتك في بييتك

عبدالعزيز : المشكله اذا اخذتهم انت اول من يعااارض

مشعل : لاعادي ماعندي مشكله خذهم معك لو تبي الحين

عبدالعزيز : طيب طيب انا اورييك

دخل عبدالعزيز مع مشعل ..

عبدالعزيز : السلام عليكم

حصه+الهنوف : وعليكم السلام

عبدالعزيز باس راس خالته وجلس بجنب السرير

عبدالعزيز : شخبااارك اليوم

الهنوف: الحمدلله بخير

عبدالعزيز : وحبيبة قلبي شخباارها

الهنوف : الله يصلحها دلووعه ماتبي احد يخليها

عبدالعزيز : يالبى قلبهااا .. طيب اسمعووني انا قررت قرار ياخالتي

حصه : وشو قرارك

عبدالعزيز : برجع معي الهنوف وبنتي يجلسون في بيتنا

حصه : تستهبل والا تتكلم جد

عبدالعزيز : لا والله اكلمك جد

حصه : لييه

عبدالعزيز : ولدك مشعل مايبيهم يقول خذهم وريحنا من جيااتك ازعجتنا

حصه : اييه اذا على مشعل يقولو كلام مايدري وشو

مشعل : لايمه هالمره اقول له صدق ازعجنا في بنته

عبدالعزيز : قد كلمتك

مشعل : قدها

عبدالعزيز : والله اخذهم واسوويها

الهنوف : لا الله يعافيكم تجلسوت تتحادون على حساابي

حصه : ايه والله ياعمري بنيتي

مشعل : اصلا ماااتقدر تااخذها والله مستحيل

عبدالعزيز : مشعلووه لاتتحداااني

الهنوف : يمه عقلي ولدك عبدالعزيز يسوي اللي في راسه

حصه : ماعلي منه يسوي اللي في راسه والا مايسويه .. بنتي عندي وماتطلع

عبدالعزيز : ههههههههههههههه لاتخافين ياخالتي اصلا انا ماافكر اخذها ماصدقنا نرتااح شوي 40 يوم .. ( وعينه على الهنوف ) اسهر على كيفي وانام على كيفي

مشعل : هههههههههه قوويه الهنووف لاتخلينها تعدي ازعلي عليييه

الهنوف : ترتاااح اجل .. خلاااص يمه ماراح ارجع خليه يرتاح ويسهر على كيفه .. بعيش انا وبنتي عندكم

حصه : ايه عاد ترى ماعاد ترجع لك

مشعل : ايه كفووو والله تعجبووني

عبدالعزيز : ههههههههههههه شفييكم علي .. لا والله عااد شدعوووا الحين راحت 3 ايام وتعبت من دونها شلون 40 يوم ..الله يصبرني بس

الهنوف إستحت لوجود مشعل وامها واكتفت بإبتساامه

عبدالعزيز : الله لايحرمني هالابتسااامه الحلوه وراعيتها

مشعل : بس خلاااص اختي استحت

حصه : مشعل انت الحيين ورا ماتروح تنادي اخووك علشان نتغدى

مشعل يقوم : انشاااءالله يمه

عبدالعزيز : خالتي ترى انا متغدي بالدوااام

حصه : لاعاد غدانا جاهز

عبدالعزيز : والله شبعااان الله يسلمك

حصه : ماعلي منك لو شوي تذوق معانا .. بروح اجيبه الحين

طلعت حصه ,,

الهنوف : حبيبي مو انا قلتلك لاتتغدى

عبدالعزيز : والله ماكان ودي اتغدى بس واحد عزمني وماحبيت ارده

الهنوف : يعني ماراح تتغدى

عبدالعزيز : الحمدلله تغديت بس خالتي شكلها ماراح تخليني

حصه دخلت : ايه ماراح اخلييك مافيها شي اذا تغديت مره ثانيه

عبدالعزيز : الا والله فيها اشياااء

الهنوف : انت سم بالله وطبخ ام نواف ماراح تشبع منه

عبدالعزيز : هين مايبيلها كلاام طبخك طالع حلو على خالتي

دخل محمد ومشعل وتغدوا مع بعض الا ابونواف اللي كان طول وقته بالشركه


جواله بيدينه يدق على تركي ..

تركي يرد: هلا والله وغلا

خالد : هلابك

تركي : اخبااارك وعلوومك

خالد : الحمدلله بخيير شخبارك انت

تركي : بخير ياجعلك بخير

خالد : ترووك انت وين الحين

تركي : بالبيت

خالد : حلووو .. طيب مشغول والا شي

تركي : لا والله .. واذا كنت مشغول اتفضى لك

خالد : تسلملي .. ودي اجييك شوي دقاايق بخصوص هذيك السالفه

تركي : حيااااك .. متى تجي ؟

خالد : خلاص الحيين يعني دقايق واجي عندك

تركي : اوكي حبيبي انتظرك .. فمان الله

خالد : مع السلامه

بعد مابدل خالد ملابسه وجهز عمره راح لتركي في بيتهم ..

تركي : ياهلا والله تو مانور البييت

خالد : بس عاد شفييك علي

تركي : هههههههههههههه خلاص يعني مانمدح

خالد : لا خلنا على حالنا

تركي : من عيووني .. يلا وش عندك خلوود الله يستر منك

خالد : تركي انا قلتلك كل شي

تركي : ايوه

خالد : ووعدتني انك بتدبرها لي بطريقتك

تركي : حلوو

خالد : وأنا خلاص صراحه ماعاد فيني اي صبر .. ياإنك تساعدني والا ترى تهورت وسويت كل شي لحالي

تركي : شدعوووا تستهبل اكيد بسااعدك وبقولك كل شي وانت نفذ

خالد : قوول اللي عندك

تركي : خاالد حبيبي انت لازم تروح لفيصل شخصيا وتقول له كل اللي في قلبك

خالد : يعني شتبيني اقول بالضبط

تركي: الحين فيصل يعزك ويغليك صح

خالد : صح

تركي : وتشوف حركاته تحس انه يعتبرك شخص غييير

خالد : ايه ملاحظ انا

تركي : خلاص حلوو .. يوم اذا شفته تمسكه على جنب وتصارحه بأن اللي يكلمها هي بنت عمك

خالد : لاياتركي وش تتوقع تكون ردة فعله والله قوويه

تركي : لاماتصير قويه ولاشي .. هذا اذا ماكان يعرف ومنتهي

خالد : لا ماأتوقع انه عرف انها بنت عمي وللحيين ماقال شي

تركي : شتبيه يقول .. انا اتووقع لانو مو معقوله هو مايسوولف لغاده عن كل شي وهي بتعرف اتووقع

خالد : المهم نكمل واذا رحت له وقلت كـذا بعديين

تركي : ايوه هو بيستوعب طبيعي وماراح يقول شي .. بس انت اطلب منه قول اذا كان لي معزه في قلبك اترك بنت عمي .. وسمعتها تهمني

خالد : لا تركي ماأقدر

تركي : وش اللي ماتقدر هذا هو احسن شي الصرااحه مافيه غيرها .. وقول له اني احبهاا بين له كل شي

خالد : ترووووك صعبه صدقني

تركي : مو صعبه ابد والله اسهل مما يكون

خالد : طيب بس هو اكييد يحبها ومايبي يتركها .. يعني مو على كيفي

تركي : صدقني ياخالد فيصل مايحبها ممكن هي تحبه ايخ لكن هو ماأتوقع

خالد : ليييييه

تركي : كذا الشباب يجلسون مع البنات سواليف وكلام حب والمسكيينه تتعلق فيه وتحبه وبالاخير يصير مايحبها بس كلااام حفظه وصار متعود عليه

خالد : بس مو كلهم يعني كثير حبوا البنت وتعلقوا فيها

تركي : وانا احس فيصل من النوع اللعاب اللي مايحب

خالد : والله يااتركي مدري شقوولك

تركي : هذا احسن حل .. صدقني مافيه شي احسن منه .. وصدقني اذا سويت اللي قلتلك بتجي تشكرني بعد شكرك لربك

خالد: مدري مره متردد

تركي : وين عزييمتك .. اذا كنت تحب غاده سوو اللي قلتلك ومايمنعك ترددك .. والا ترى البنت بترووح .. عاد انت اختار الشي اللي تبيه

خالد : خلاااص اروح له بكرا مجتمعيين هم بروح لهم

تركي : كفوو والله

خالد : طبعا انت ترووح معي

تركي : ههههههههه اكيييد انا البوديقارد

خالد : ياااحبيلك والله من دوونك مدري وش كنت بسوي

تركي : ماسويت والله شي .. يستاااهل خالد كل خير

خالد : اسمعني ياتركي اقولك من الحيين

تركي : هلا

خالد : ترى زوجتك اللي بتتزوجه بالمستقبل انشاااءالله ماراح يخطبها ويختارها الا انا

تركي : هههههههههه ومتى صرت خطاابه وانا مدري

خالد : والله عندي لك وحده .. بكون اسعد انساان اذا تزوجتها انت

تركي : مين

خالد : مو الحيين اقولك .. متى مابغيت تتزوج قول لي بس وهي جاهزه

تركي : يااربي والله ينخاف منك انت

يتبع ,,,
👇👇👇
أحدث أقدم