رواية خطاي إني وفيت وأنت للجفا عنوان -5
فيصل يروح عند أبوه ويصيح هزه منظر أبوه وهو بقوته وجبروته يصيح مثل الطفل راح وضمه وقعد يهديه: إن شاء الله يبه يقوم مشاري لنا بالسلامة أنت ادعي له, دعاء الوالدين مستجاب والله يرحمه برحمته..أبو الوليد ما يبي يبين نفسه اضعف من كذا مسح دموعه ومسح على راس ولده وقال: الله كريم يلطف في عباده {يحي العظام وهي رميم{
أم نايف سمعت الكلام إلي دار بين فيصل و أبو الوليد ,ما قدرت تستحمل, ارتفع عندها السكر وأغمى عليها..
إلا بدخلة خالد البيت شاف أمه طايحه بالأرض وقعد يصارخ :آن آن خدامتهم
آن: نعم بابا خالد
خالد: روحي جيبي ماي بسرعة
يطلع أبو الوليد وفيصل من المكتب على صراخ خالد ويتفاجئون إن الأم طايحه..
آن جابت الماي,وخالد غسل وجه أمه بس ,,ما قامت,, قام ودها المستشفى
<<<< في المستشفى
الدكتور: الحمد الله مافيها شي بس ارتفع السكر عندها وبنخليها عندنا يومين عشان نتابع حالتها
أبو الوليد: مشكور يادكتور
الدكتور: هذا واجبنا
أبو الوليد راح يتطمن على زوجته وخالد سحب فيصل وسأله وش السالفه وفيصل قال لخالد كل السالفه خالد قعد على الكرسي وحط يدينه فوق راسه لاحول ولا قوة إلا بالله
خالد: الوليد يدري
فيصل: لا ما يدري
خالد: خلاص كلمه وقوله لأنه الكبير
فيصل: خالد أنت كلمه أنا ماني ناقص تكفى اللي شفته اليوم يشيب الراس خالد يمسك الجوال ويدق على الوليد
<<<<< الوليد كان في الكافيه مع ربعه ويدق جواله
الوليد : السلام عليكم
خالد وصوته متغير: وعليكم السلام
الوليد حس إن صوت خالد متغير: خالد فيك شي صوتك مش طبيعي
خالد ودمعه تنزل على خده: مشاري في المستشفى
الوليد اول ما سمع اسم مستشفى قام من الكرسي وبخوف: ليش!!!!؟
خالد: فيه السرطان وحالته متأخرة
الوليد وكأنه ماسك جمره مو جوال: أي مستشفى أنا جاي
خالد : مستشفى..........
وسكر الوليد
راكان صديق الوليد: خير وش صاير وجهك متغير
الوليد : اخوي في المستشفى وراح وركب سيارته وكان طاير من السرعه وقطع أكثر من إشاره بس المهم عنده انه يوصل المستشفى إلا تطلع عليه سيارة بس الوليد تفاداها الحمد الله وصل المستشفى بالسلامة
راح على طول عند الدكتور
الوليد : السلام عليكم
الدكتور: وعليكم السلام
الوليد : أنا اخو المريض مشاري ناصر الــ ......
الدكتور: ايوه تفضل
قعد الوليد
الدكتور:المريض دخل عندنا اليوم وحالته متأخرة وبكون معاك صريح يمكن ما يعيش أكثر من شهرين إلى أربعه والعلم عند الله وهو قعد يتعذب ورافض العلاج الكيماوي ولازم تقنعونه لان نسبه نجاح العلاج 30% والله كريم ثانياً: العامل النفسي يلعب دور هو في صدمه في حياته
الوليد : والله يادكتور مادري إذا كان فيه صدمه لأنه يدرس في امريكه صار له 6 سنوات
الدكتور: وش يدرس
الوليد بحسره على أخوه إلي ماراح يكمل الحلم اللي كان يحلمه : اختصاصه طب وجراحة القلب
الدكتور: آه
الوليد: وشلون متقدم فيه المرض وتوه يطلع الحين
الدكتور:لا أخوك المرض فيه من سنه تقريباً أو اقل وهو يعرف بمرضه من قبل
الوليد وهو مصدوم من اللي اسمعه: شنو يدري وما قال لنا ؟؟؟؟؟
الدكتور: صراحة هذا الموضوع تتفاهم مع أخوك فيه لأنه أدراه وأتمنى تقنعونه بالعلاج الكيماوي وحنا بنرسله مستشفى التخصصي بالرياض بس نبي الموافقة منه,,
الوليد وهو يقول في نفسه ياليتني ما عرفت وما انحطيت في هذا الموقف: إنشاء الله يادكتور.
بعد ثلاث أيام رجعت أم الوليد بالسلامة بيتها لكن البيت كله كان حزين على مشاري (مشاري إنسان حنون لأبعد الحدود كلمة لا محذوفة من قاموسه لأنه مايرد طلب.. لدرجة إخوانه كلهم متعلقين فيه لأن طبعه يخلي اللي قباله يحبه كان حلم حياته يدرس طب ويتخصص فيه بس الله مو كاتب هذا الشي له(
بندر وشوق ارجعوا السعودية بس كل واحد ما يكلم الثاني
بندر يركب السيارة حقته لأنه قال لسعود يوقف سيارته عند المطار
شوق تلف على بندر وتستحقره: آبي أروح بيت أهلي
بندر: أنا تعبان وما اقدر أوديك
شوق بعناد: آبي أروح بيت أهلي... يعني آبي أروح
بندر وهو يصارخ: خلاص بوديك
شوق تبي تقهره: وما راح ارجع
بندر عصب: شنو حبيبتي لا تحسبيني بطلقك طلاق ما في وإذا تبين تقعدين انطقي وقعدي بس بتكوني معلقة لا مطلقه ولا متزوجة
شوق وهي مقهوره: أحسن
بندر : أحسن ,, أحسن
وصلها بندر بيت أهلها وراح
شوق تدخل بيتهم بعد غياب أسبوعين وشوي
الكل موجود ما عدا مشاري بالمستشفى
دخلت شوق الصالة: السلام عليكم
الكل يلتفت عليها: وعليكم السلام الحمد الله على السلامة
أبو الوليد:هلا والله بالغالية
راحت شوق عند أبوها وضمته وباست راسه وسلمت على أمها وإخوانها
أم الوليد : حبيبتي فيك شي وجهك اصفر وتحت عيونك اسود
شوق : لا مافيني شي بس صار لي يوم ما نمت
أبو الوليد : وين بندر
شوق بارتباك: راح بيت أهله
أم الوليد : وأنتي ليه ما رحتي معه
شوق : قلت له آبي أروح بيت أهلي وبنام عندهم
خالد حس إن شوق فيها شي بس ماتبي تتكلم
شوق: سافر مشاري
الكل انقلب وجهه
فيصل : مشاري في المستشفى
شوق بخوف : ليه
خالد يغمز لفيصل يعني اسكت : لا بس إرهاق وسوء تغذيه
شوق : آبي أزوره
خالد : إنشاء الله بس روحي ارتاحي
شوق : أي اشتقت لغرفتي
راحت شوق غرفتها وقعدت تتأملها كأنها أول مره تشوفها شافت الجوال على السرير قالت بدق على غلا اشتقت لها بس كان ما فيه شحن قالت بدق من تليفون غرفتي
غلا كانت تسولف مع شهد عن الجامعة وإنها بتبدى.. وإنها تبي تروح المول ...يدق جوال غلا وتشوف الشاشة"دقات قلبي يتصل بك"
غلا وهي مستا نسه إن شوق أرجعت: هلا بروحي وقلبي وعيوني وكل ما املك اشتقت لك يــــا الدبة
شوق وهي تصيح بصمت: إنتي أكثر ياقلبي غلا محتاجه لكي...... وقامت تصيح
غلا قامت من عند شهد وراحت غرفتها : شوق وش فيك تصيحين
شوق :غلا تعالي عندي أنا بيت أهلي
غلا : إنشاء الله بقول لامي وبرد لك
شوق : تعالي بروحك
غلا : اوكي
راحت غلا وقالت لأمها تبي تروح عند شوق في بيت أهلها ووافقت
................. في بيت أبو الوليد غلا مع شوق في غرفتها
غلا :شوق وش فيك
شوق ساكته ودموعها متجمعه بعينها
غلا تضم شوق :ياعمري قولي اللي في خاطرك
شوق والدموع تسيل على خدها: اكرهه اكرهه ما أحبه خاين
غلا بدهشة : مين هذا
شوق بقهر: الحقير بندر
غلا بخوف: وش سوى فيك ليكون ضربك
شوق: أتحدى يمسك شعره من راسي
يا غلا اللي صار اكبر من الضرب يا غلا بندر يخوني يكلم وحده واللي أردى من كذا يعاملني وكأني ولا شي تخيلي يا غلا أنا زوجته بس بالاسم تعرفين يعني وشو بالاسم أنا متزوجة ولا كأني متزوجة ياليتني ما تزوجت وقعدت بيت أهلي معززه مكرمه
غلا بحيره: طيب ليه خذاك
شوق وهي تصيح : ما ادري ما ادري
غلا :اهلك يدرون
شوق : لا ما يدرون والحقير يقول ماراح يطلقني بيخليني معلقه لا متزوجة ولا مطلقه
غلا: طلاق إنتي مجنونه إنتي بنت عاقله يا قلبي الزواج والطلاق مو لعبه بعدين إنتي ما صار لك إلا أسبوعين وشوي,,, وش بيقولون الناس
شوق بحيره: يعني وش أسوي
غلا :مفروض إنتي تكسبينه لنفسك إنتي تقدرين تخلينه يحبك بس إنتي صبري عليه
شوق : ما اقدر أذل نفسي عليه يا غلا أنا عندي كرامه
غلا تقاطع شوق: كلنا عندنا كرامه ونخاف عليها بس هذي مصلحتك ومصلحتك دايم تكون في المرتبة الأولى لا تضيعين نفسك بلحظه غضب وكل شي بيتصلح
شوق : ما اقدر
غلا : إلا تقدرين مفروض في قاموسك تمسحين هذي الكلمة حاولي والله ما راح تخسرين وقعدتك بيت اهلك ما راح تنفعك بتضرك وفي بيت زوجك تقدرين تميلين قلبه لك بس حاولي وان الله مع الصابرين
شوق : إنشاء الله يصير خير
غلا:بكيفك أنا قلت لكي اللي اقدر عليه
شوق : مشكوره لولا الله ثم إنتي مدري وش كنت بسوي
غلا : حنا خوات وأكثر سمحي لي ياشوق لازم أروح البيت
شوق : بتروحين مع السواق في هذا الوقت بروحك
غلا: لا بدق على نايف أنا قايله له قبل ما أجي
شوق : إيه على طاري نايف اهو صديق بندر
غلا : الروح بالروح
دقت غلا على نايف وقال لها 10 دقايق وانا جاي
نايف يدق على غلا
غلا : هلا
نايف : أنا عند الباب
غلا وهي عند باب الشارع تلقى خالد.. خالد على طول عرفها ركبت غلا السيارة سلم خالد على نايف
خالد تذكر عيون غلا وقال
يا وش بق باعطيك مني ولا جاك * ما باقي الا روحي أحيا بها لك
أوصف جمالك كل ما نشدت وأهواك * وازين أيامي بجلسة خيالك يا الغايب الحاضر بقلبي ولا ألقاك * اقرب من عيوني وصعبن منالك
شالك زماني عن عيوني ووراك * لا شك وثق في ضلوعي حبالك
يا صاحبي شمسٍ ورا ليل جفواك * ما بالعهد بك قاس .. في دلالك وش غيرك. يا منوه القلب واطفاك * على حبيب ... ما تخير بدالك
دنياي ما تصلح بلا شمس. دنياك * والليل يوحش . لو تغيّب هلالك ولا تشوف العين زينٍ بلياك * ولا يطرب سمعي الا مجالك
ولا انتفض قلبي من الحب لولاك * ولولاك ما يبدي على ما بدالك
)وش بقى) للشاعر خالد الفيصل
في السيارة غلا تسال نايف: شفت صديقك
نايف مستغرب: أي صديق ياكثر ربعي
غلا وهي تقول اسمه من دون نفس: بندر
نايف : إيه وش فيه ؟؟!
غلا: امممم
نايف: ليه وش فيك
غلا وهي مقهوره على شوق : تدري انه حقيـــــــر
نايف وهو معصب: هي إنتي احترمي ألفاظك رجال بشنباته تقولين عنه حقير
غلا: وستين حقير اجل متزوج ويكلم والله قلة أدب
نايف : ممكن تسكرين على الموضوع هذي مواضيع ما لك دخل فيها
سكتت غلا وطول الطريق ما تكلم نايف ألين ما وصلت البيت
في المستشفى
مشاري كان يفكر بكلام إخوانه انه لازم يسافر الرياض و يخضع للعلاج الكيماوي ويقطع تفكيره صوت دقة الجوال وكان فيصل متصل
مشاري: الو
فيصل : السلام عليكم
مشاري: وعليكم السلام وينك اليوم ما شفتك ولا خالد وحتى الوليد ما مر علي
فيصل :السموحه ياطويل العمر الأميره الصغيرة أرجعت اليوم من السفر
مشاري: الحمد الله على سلامتها ودرت إني في المستشفى
فيصل : تدري بس ما تدري انك فيك ذاك المرض
مشاري بحزن : اسمه السرطان
فيصل: اعرف اسمه بس ما آبي أقوله
مشاري: المهم بكره بشوفكم
فيصل: إنشاء الله أنا وخالد عندك من الصباح حتى الفطور بنجيبة معنا تامر شي
مشاري: سلامتك من كل شر
فيصل: ما تقصر فمان الله
مشاري : مع السلامه
يلف فيصل يبي يطلع من الغرفة إلا يشوف؟؟؟؟؟؟
خالـــــــــد
فيصل: بسم الله أنت من متى هنا
خالد: من ما تقصرين فمان الله مين هذي خويتك وأي وحده فيهم رد بسرعة وألا بفرغ المسدس في مخك
فيصل: صج انك مجنون بعدين أنا اكلم واحد مش وحده
خالد : هههههاااي مو علي يا حبيبي اكبر مغازلجي في الدمام والمناطق الأخرى يقول اكلم واحد لا والساعة 12 في الليل
فيصل: اكذب عليك خذ الجوال وشوف المكالمات المستلمة والصادرة
خالد ياخذ الجوال ويشوف المكالمات المستلمة آخر مكالمة كانت منه والصادرة آخر مكالمة مشاري
خالد بعد الفشيله: خلاص تقدر تمر أوراقك كلها صحيحة
فيصل: ههههههاااااااي مالك وجه
خالد: والله ناس ما تنعطى وجه مشكله إذا كنت الكبير وتكلم واحد صغير
فيصل: صغير في عينك يا الشايب رجال بشنباتي ومتخرج من الجامعة الامريكيه في الإمارات ومو مالي عينك المهم الفطور بكره عند مشاري
خالد : نشرة أخبار اوكي ما عندي مانع
فيصل: مانع ولا دواس
خالد: هـ هـ هـ هـ بايخه وقديمه وعليها غبار,,,,,,
من رجع بندر من السفر تسبح وطلع ومارجع الا الساعه 12 في الليل وهو داخل الصالة شاف سعود مع ندى سعود يسلم على أخوه لأنه ماسلم عليه لما رجع من السفر
سعود: الحمد الله على السلامه يا معرس
ندى: وين العروس
بندر من دون نفس: في بيت أهلها
ندى: ما راح تجيبها
بندر: لا بتقعد هناك
ندى : ليه
بندر عصب على ندى: تحقيق
ندى وهي خايفه من بندر لأنه إذا عصب يعني عاصفة ماراح توقف: لا بس حبيت اسأل
راح بندر غرفته يرتاح وخل إخوانه
وفي الصالة
سعود: يلعن أبو اللقافه
ندى: كيفي عندك مانع
سعود: لا بس لو مزودتها شوي كان حنا دافنينك بكره في المقبرة
ندى: هههه أحسن لي أروح أنام وأفتك من وجهك وأنت روح كلم خويتك يمكن تستناك ما نامت المسكينة قبل ما تسمع صوتك
سعود عصب على ندى: والله أذا ما انقلعتي لعطيك كف ينسيك حليب الغالية
ندى : بروح أحسن لي
سعود: بنات آخر زمن
الساعه 8 الصباح يوم الخميس
فيصل وخالد عند مشاري
مشاري: أنا موافق أروح الرياض وأتعالج بس عشان خاطركم على إني عارف أن ما في أمل
خالد: رحمة ربك واسعه وأنا في الشوفه إذا تبيني أروح معاك أنا تحت أمرك
مشاري: خيرك سابق
فيصل : أنا بروح اكلم الدكتور وأقول له انك وافقت
فيصل عند الدكتور: السلام عليكم
الدكتور: وعليكم السلام
فيصل : أنا جاي أقول لك إن مشاري موافق يسافر الرياض
الدكتور: وأخيرا الصراحة أنا كلمت دكتور مختص بالسرطان وقال انه يقدر يروح كل أسبوع ياخذ العلاج ويرجع وهذا راجع على صحته إذا تسمح
فيصل : مشكور يا دكتور
الدكتور: العفو
بعدها كل واحد راح لشغله
الساعه 9 ونص غلا تدق على شوق
غلا: السلام عليكم
شوق: وعليكم السلام كيفك
غلا: منيحه
شوق: الحمد لله
غلا: شوق تروحين معنا المول بشتري حق الجامعة ملابس
شوق: لا عندي ملابس(بعدين تذكرت إن معضم ملابسها في بيت أهل بندر)ولا أقول بروح معاكم بشتري لي
غلا وهي تضحك: ههههههه هذي شوق إلي اعرفها تموت في السوق
شوق: ههههههههههه
غلا : فديت والله اللي ضحك إلا اهلك ما سألوك عن زوجك
شوق: لا بس أنا عارفه أنهم ما راح يسألون وبيخلوني على راحتي
غلا: الله يهديك
شوق: الله يهدي الجميع تأمرين بشي
غلا: لا تسلمين بمر عليك بعد ربع ساعة تجهزي
شوق: إنشاء الله مع السلامه
راحوا شوق وشهد وغلا المول وضحك وسوالف وشوق تسولف عن شهر العسل (طبعا بس عن الأشياء الزينة)
طبعا شهد تحب هذي السوالف البنت رومانسيه وتحب القصص مره متاثره
* طبعا نص المجمع صار بالكيس لأنهم ما يقصرون من يشوفون شي خذوه يبونه ما يبونه المهم ياخذونه
"بنات عز"
قعدوا البنات في الكافيه"قسم النساء"
شهد: غلا اليوم بنروح الشاليه
غلا: أي اسمع أمي تقول اليوم
شهد بضيق: بننام هناك؟؟
غلا: أي قالت بنرجع بكره علشان الجامعة والمدارس"حق نواف"
شهد: أوف يعني مافي نت اول ماارجع بدخل على النت.
شوق وتذكرت أنها بتروح البيت وبتقعد بروحها: بنات خلنا نتغدى في المطعم
شهد: إنتي وين زوجك روحي تغدي معه
شوق تضايقت بس ما حبت تبين لشهد
غلا تبي تغطي على الموضوع:شنو هذي اللقافه
شوق وهي متضايقة: لا عادي أصلن زوجي يدري"ماتبي تقول اسم بندر لأنها إذا قالت اسمه قلبها يعورها"
شهد: والله سوري ما كان قصدي بس أخاف يشتاق لوجه القمر
شوق من دون نفس: هههههاااي ضحكتيني وانا ما آبي اضحك "وتذكرت بندر وهو يكلم ساره ويقولها احبك حست الدمعة بتنزل من عينها بس مسحتها قبل ما تنزل قالت ما يستهل انزل دموعي عليه"
غلا: الـــــــــوووو
شوق بعد سرحان:نعم آمري
شهد: خليها تفكر في الحبيب
غلا صج عصبت على شهد:أنتي و بعدين عن طوالت اللسان
شوق: سمي غلا
غلا: وين تبين نتغدى
شوق: لا خلاص أنا برجع البيت ما قلت لماما
شهد كان في خاطرها تقول ماما الناس بعد الزواج تقول بقول لزوجي بس أسكتت خايفه إن غلا تصارخ عليها وغلا إذا عصبت ما ترحم
غلا: دقي عليها
شوق:خلاص مره ثانيه بعدين انتوا ورآكم طلعه وانا نسيت بزور مشاري مرقد في المستشفى
غلا: عسى ما شر
شوق: لا أخواني يقولون إرهاق وسوء تغذيه
غلا: ما يشوف شر
الساعه 12 الظهر ارجعوا كل وحده بيتها
شوق: مماتي أنا رجعت
أم الوليد: الحمد الله على السلامه
أم الوليد وهي متردده تسال شوق عن بندر خايفه صاير شي: ماما بندر بيجي اليوم؟؟
شوق تفاجأت من السؤال وكانت ماتبي تسمع اسم بندر: لا أنا بروح أحط أغراضي في الغرفة وأرتاح
في بيت أبو نايف الكل على طاولة الطعام
أم نايف: يمه نايف متى بفرح فيك أبي أشوف عيالك قبل ما أموت
نايف: بسم الله عليك أنتي شباب
أم نايف: مو ضروري العجوز بس تموت الأعمار بيد الله
"أم نايف" منيره" عمرها 41 بس مراه مهتمة بنفسها ولي يشوفها مع بناتها يقول هذي أختهم الكبيرة"
أبو نايف: نبي نفرح فيك صديقك وتزوج وأنت مو ناقصك شي
نايف: يصير خير
غلا وهي مقهورة على شوق من اللي صار لها من بندر: مو كل من تزوج ..مو ناقصة شي..شباب الأيام يكلمون حتى وهم متزوجين
نايف عطا غلا نظره يعني سكتي
أم نايف: أنا ولدي غير ما يكلم ولدي متربي
الكل قام عن الغداء وكل واحد راح غرفته وباقي أبو نايف وأم نايف ونواف يلعب بلاي ستيشن, شهد بغرفتها على المسنجر كل العادة, وغلا تقلب المجلة بغرفتها ,و نايف راح ينام عشان العصر بيروحون الشاليه
في بيت أبو الوليد الكل بغرفته يرتاح فيصل دخل على شوق غرفتها وكانت تقلب المجلة
فيصل: شوق
شوق وخايفه يسألها عن بندر: سـم
فيصل: ممكن lap top
شوق وابتسامه شاقه الفـم "زال الخطر": أنت تأخذ من دون ما تسال شوفه مفتوح لأني كنت فاتحه المسنجر بس شكله ما في احد اون لاين
يروح فيصل ويقعد على الطاولة إلي فيها lap top إلى يطلع صوت رسالة مسنجر
شوق : شوف مين
فيصل يشوف الشاشة ومكتوب
~ آهات الشرقية~ :هاي ياحلــــــــــــو
فيصل تذكر انه كان يكلم وحده اسمها
" آهات الشرقية "بس قال يمكن تشابه أسماء
شوق : مين فيصل
فيصل: آهات الشرقية مين هذي
شوق: هذي شهد
فيصل بخبث: مين هذي شهد
شوق: يا كثر أسئلتك شهد بنت طلال الـــ…. يكفي كذا ولاتبي عنوان البيت ورقم التلفون
فيصل: لا يكفي "وقال بتأكد من الايميل"
شوق : وش كاتبه
فيصل يبي يرفع ضغط شوق: هاي يا حلو تبين أرد عليها
شوق : قوم بنات الناس مو لعبه
فيصل تذكر انه يبي يشوف الايميل: لحظه بسوي شي وعطيك إياه
شوق وهي معصبه: إن رديت يا ويلك باذبحك يا حمار
فيصل وهو يشوف الايميل وحفظه عشان
يتأكد: احماره خدمتكم هههههههاااي حلوه صح
شوق: هـ هـ هـ هـ هـ بايخه قـــــــــــــــوم
قام فيصل وضربها بالمخدة وانحاش غرفته
فيصل بغرفته وفتح lap top حقه وقارن بين الايميلات وطلع نفس الشي وقال معقولة أني كنت اكلم شهد بنت طلال الــ... وانا ما ادري وش هذي الصدفه بس بناتهم ما عليهم كلام بس أنا بتأكد بطريقتي فتح المسنجر وكانت شهد للحين اون لاين كتب
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى:هلا بمطول الغيبه
شهد أول ما شفت النك نيم حق فيصل قلبها قام يدق بسرعة قالت وش ذكره فيني بعد شهرين طبعا شهد تعرف انه فيصل لأنها تحبه من كانت في الثانوي وخذت أيميله من lap top شوق
<<< قبل سنتين >>>
شهد: الله شوق هذا النك نيم حلو حق مين
شوق: أي نك نيم
شهد: الشعر قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى
شوق: فديته فيصل اخوي تدرين قوي دايم أقوله غيره بس ما يبي
شهد: ليه
شوق: يقول عشان يجذب البنات صايع ههههههااااااي
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : وينك أبي أكلمك
شهد مطنشه فيصل وما ترد عليه على أنها تحبه بس هي تعرف وش يبي
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى :أبيك بموضوع مهم الله يخليك ردي علي
~ آهات الشرقية~:نعم
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى:وحشتــــــــيني
~ آهات الشرقية~:.............؟؟؟!!!!!!
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : زعلانه
~ آهات الشرقية~:أنت وش تبي تدري أني نسيت أسوي لك بلوك والحين بسوي لك
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: الله يخليك لا تسوين لي
~ آهات الشرقية~:خير وش تبي
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى: ليه ما دقيتي علي انتظرتك
~ آهات الشرقية~: أنا مو من النوع الصايع إذا كنت أنت صايع أنا بنت حمولة وغلطة يوم كلمتك على المسنجر وانا نزلت نفسي كثير لان حب النت خيال
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : بس أنـــــــــا أحـــــــــبــــــــــك
~ آهات الشرقية~: وانا أكـــــــــــــــرهـــــــــــك
"طبعا شهد تموت على فيصل"
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : أبي أتزوجك
~ آهات الشرقية~:هههههههههههههههههههاااااااااااااااي تلعب مع بزره أنا طالـــــــــــــــــعه
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : لحــــــــــــــــظـــــــــــــه
بس شهد اطلعت وسوت له دليت
فيصل إنقهر مررره من شهد " فيصل كان معجب مرره من آهات الشرقية لأنه كانت معها من سنه ونص وكانت كله ترده لأنها ماتبي تكلمه في التلفون كانت بضيق معه وبفرح كان يشكي لها هموم وهو في الإمارات وكانت تعطيه حلول وتفاجى يوم طلعت شهد بنت طلال وهي كان أخر بنت يكلمها بعدها تاب بعد ما ردت عليه من أخر مره كلمها على المسنجر وانقهر لأنها سوت له دليت"
فكر فيصل شلون يوصل لها وقال برسل لها رسالة على الايميل
وصل شهد أيميل فيصل أفتحته كان مكتوب فيه
هــــــــــلا شهــــــــــــــد
أنا فيصل ومدري إذا كنتي تدرين أني فيصل بن ناصر الــــ... اخو شوق بس ممكن تسوين لي أضافه أبي أكلمك بموضوع مهم .....
)شهد خلاص قلبها طاح في بطنها عرفني يا ربي وش أسوي والله بنفضح وأهلي بيذبحوني)
شهد سوت أضافه لفيصل
~ آهات الشرقية~: نعم ومن وين تعرف اسمي
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : والله عرفته اليوم بصدفه
~ آهات الشرقية~:الله يرحم والديك أنت اول واحد اكلمه كل إلي اكلمهم بنات والله العظيم ادري أني غلطانة بس والله ماكان قصدي
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : يعني أنتي ما تحبيني مثل ما قلتي قبل
~ آهات الشرقية~: ...................
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : ادري انك بنت ناس وادري انك ما تكلمين والدليل انك ما رضيتي تكلميني وخلاص سوي لي دليت وانسي الموضوع وانا بسوي لك دليت
~ آهات الشرقية~: مشكــــــــــــــــــــور
قالوا لو حبيبك توفى قلت بالقبر اخاويه لكن بكتب على قبري خلن عن خليله ما تخلى : بودعــــــــك يــــا اغــلـــــى نـــــاســــــــي
وسكر فيصل lap top وقعد يفكر يا الله هذي شهد والله الواحد ما يتخيل يوم شفتها بالمول مع شوق قبل متتزوج ما قدرت انزل عيني عنها قام فيصل وقال بروح عند خالد
طبعا خالد كان هيمان في حبه لغلا إلي ما يعرف اسمها بس كان يقول غلا لأنه يعرف إن هذا اسم صديقة شوق وركب الأمور على كذا
دخل فيصل وقعد عند خالد
فيصل: خالد ماتبي تتزوج
خالد يتذكر غلا: أبي بس مو الحين
فيصل : أنا أبي أتزوج
خالد استأنس إن أخوه بيتزوج: مـــــــبروك مين تعيست الحظ ههههه
فيصل : قول سعيدة الحظ إلي بتاخذ فيصل بن ناصر الــ... دارس في الإمارات الجامعة الامريكيه ووسيم طويل كل البنات تحبه
خالد يبي يرفع ضغط فيصل: مو أحلى مني
فيصل : درينا إنك أحلى مني ما يسوى علينا
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك