رواية لمني بشوق واحضني -25

رواية لمني بشوق واحضني -25

.. القريبه البعيده ..
تمدد على الصوفا وعيونه بالسقف حتى النظر ما يقدر يناظرها
كانت وهي نايمه بريئه وصغنونه ..
اه يالقهر ....
تقلب وتقلب .. لكن حالته حاله ..
>الساعه 12 الظهر <
صحت سعاد ..حست بشي غريب
فتحت عيونها النعسانه بقوه ..هذي مو غرفتها
جلست بسرعه الا وتشوف احمد جالس يلبس ملابسه ..حمر وجهها
وش قاعده تسوي بغرفته ..

انتبه احمد لها وقال بدون مايناظرها :-صباح الخير

قالت بهمس :- صباح النور

لبس شماغه وعدله قدام المرايه ...وطلع من الغرفه ..

بعد ماطلع احمد

طق باب الغرفه ..

كانت سعاد مكتئبه حيييييييييييل ومالها خلق اكل (تحسبها الشغاله جايبه الفطور)

الا وصوت رنا :-سعوده

سعاد :-ادخلي رنو

دخلت رنا وشكلها مستحيه وهي تكشر بابتسامه حلوه :-ماقدرت اقاوم وجيت ركض يوم طلع احمد

ابتسمت سعاد :-فديت عمرك

جلست رنا جنبها :-سلامتك قلبي

تذكرت سعاد الاغماء الي صابها البارح وضاق صدرها وقالت تجامل رنا :-الله يسلمك

رنا (تمزح) :- لايكون فيه شي بالطريق

مافهمت سعاد شي من تلميح رنا ويوم شافت غمزتها ولععععععععععععع وجهها ...

رنا :-ههههههههههههههههههه اموت على الحيا خلاص اسحب تعليقي

ضحكت سعاد غصب يا الله رنا هي الوحيده بالبيت الي تضحكها لا راحت وش بيصير

قالت سعاد وهي منفجعه :-رنو ماعندك وقت لازم تبدين تجهزين للعرس فهد جاد بالموعد

استحت رنا وحست بغصة حزن في صدرها :-ايه جاد

سعاد :-ههههههههههههههههههه هبلتي باخوي

رنا :-هههههههههههههههههههههههههه

وقفت رنا :- بروح اشوف اخبار الغداء

نزلت رنا وفزت سعاد من السرير وش قاعده تنتظرين ..روحي لغرفتك لايجي ويلقاك مرتزه هنا بغرفته

مو كافي الي سويتيه فيه اكيد يكرهك كره العمى من تعاملك معه وتضييعك لسنيين عمره

راحت لغرفتها ..والحزن في كل خطوه تمشيها لو صارحت سعود السنه الي فاتت كان عايشه مع الي تحبه بسعاده ويمكن يكون ربي رازقهم ببنت او ولد

دخلت غرفتها بسرعه ورمت نفسها على سريرها وجلست تبكي من قلب ..

هالاسبوع هو اسبوع التنفيس عن الاحزان وعن الكبت وعن الم قرارها بتركه يوم ملكتهم والي دمر قلبها وخلاه انقاض ..

*

*

بعد ما تطمنت رنا على الغداء الي كانت طابخته بنفسها لانها تحب المطبخ وهالشغلات الي كانت محرومه منها في بيت ابوها بسبب امها ..

جلست على السرير ..وماقدرت تقاوم

رنا :- الوووووووووووو

امها :-نعم

رنا (في حلقها غصه ) :- يمه انا رنا

امها :- نعم

سالت دموعها :-يمه زواجي بعد الخميس الجاي

بكل تبلد :-و المطلوب

زادت دموعها :-يمه بغيتك تساعديني بالجهاز

امها :- ماعندي وقت

تبلمت رنا :- هاه

امها :-الي سمعتيه نوف بتتزوج الخميس الي عقب الجاي وحنا مشغولات مره

غمضت عيونها بقوه وحست بقلبها ثقله ثقل الجبال

سكرت الخط بهدوء ...

رمت جوالها جنبها لمتى بترجي حنان امها المعدوم ..

دق الجوال لينه رقم فهد ابتسمت من بين دموعها على الاقل هو الوحيد الي يرتبش قلبها لاسمعت صوته وتحس با احلى الاحاسيس :-هلا

قال فهد بوله :- ما انحرم من هالصوت وراعيته

رنا :-اهلين فهد

فهد (حس بشي مو مضبوط ) :-رنا فيك شي

ماقدرت تسكت ونزلت دموعها ..قالت وهي يالله تركب جملتين على بعض :-ا..انـ..ـا ما ما فيني شي

عصب فهد :-رنا علامك

رنا :-ولاشي

فهد (من جده يتكلم) :-ترى بجي

قالت رنا :-لا توسوس انا بخير بس توني صاحيه من النوم

فهد عرف انها تكذب :-لا والله ومين الي يراسلني الصباح

تذكرت رنا انها تراسلت هي وياه اليوم الصبح عمرها ماكانت تعرف الكذب ولاتضبطه ..

قال فهد بهدوء عشان يمسك نفسه :-رنا تعلميني ولا شلون

عندت رنا :-انا بخير فهد...........

قاطعها :- انا جاااااااااااي

انصدمت رنا :-فـ.............

"طوطططططططططططططططط ...........

سكر الخط

جلست تفكر من جده بيجي .. لا يمكن يهددها اكيد ربع ساعه ويدق عليها ..

غسلت وجهها ..ورفعت شعرها شنيون ناعم ..عدلت بلوزتها البيضاء الخفيفه الي توصل للركب وبنطلونها الاسود الخفيف بما ان الجو حر ..

ونزلت المطبخ تشوف اخبار الغداء...

،

قالت رنا للشغاله :- طلعي من الثلاجه خضار للسلطه بسرعه بنحط الغداء

لكن الشغاله كانت عيونها للباب

ناظرتها رنا وقالت وهي ماتبي تفقد اعصابها :-السلطه

راحت الشغاله ..للثلاجه

اما رنا طفت النار عن الغداء ..مسحت يدينها بمريلة الطبخ ..الي نزلتها وغسلت يدينها ..كانت تتالم بس لازم تتحمل

اخذت صحن عشان تحط فيه السلطه ...

التفتت الا وتشوف فهد واقف بالباب...

طاح الصحن من يدها من الرعبه ...

قالت وهي مو مصدقه :-سويتها وجيت

مشى لجهتها وقال :- واسوي اكثر بعد علامك

صرفت رنا عمرها :-مابي الا العافيه

مسك يدها وقال :- رنا عن الحركات هذي ليش كنتي تبكين يوم كلمتك

وبسرعه البرق امتلت عيونها دموع

طلعت من المطبخ بسرعه لكنه لحقها ومسكها مع يدها ؟؟

قال وهو منقهر :- امك لها دخل بالسالفه

ناظرته رنا وهي مو مصدقه

قال يفسر :- لانك بتتزوجين وهي ما حضرت لا ملكتنا ولا اظن بتحضر تجهيزات العرس

سالت دموعها غصب عنها ..

قال برقه وحنان :-لاتبكين يالغاليه ..انا مدري عن المشكله الي بينكم ولا ابي اعرف لكن المهم والاهم لازم تعرفين اني احبك واني موجود علشانك وجنبك دايم ..والله لو بيدي كان خليت العرس اليوم قبل بكره ...

بدون مقدمات ضمها لصدره ..

قال وهو يبتسم :- بدق اخذ الاذن من اخوك لا يجي ويلقاني هنا ويحوسني

رنا :-هههههههههههههههه

ناظرها :-علامك تضحكين

رنا :-ههههههههههههه كلامك يجنن

غمز لها :-بس كلامي

حمر وجهها ..وحط فهد يده على فمه عشان تسكت ..

فهد :- هلا والله بالنسيب

احمد :-هههههههههههه هلا

فهد ببراءه هههههه :- تصدق اني جوعان ومشتهي كبسة لحم مع شوية ايدامات

عرف احمد قصده :-هههههههههه احلف تصدق كان ودي اعزمك بس غدانا مو كبسه

فهد (يستهبل) :- يالله بس احتسوني (احسبوا حسابي) انا جااااااااي

احمد :- ههههههههههههههههه ازين مافي الموضوع انه اسبوع وافتك من قطات وجهك

فهد :- ههههههههههههههه خمس ايام لو سمحت

احمد :- يالله من فضلك وحاسبها بعد

فهد :-اجل ..

احمد :- طيب لاتعصب ههههههههههههههه

فهد :-اقول لايكثر انا قريب من بيتكم سلام

احمد :-ههههههههههههههه هلا

ناظرته رنا وقالت له :- هههههههههههههههه عليك كذب

فهد :-كل شي حلال في الحب والحرب

رنا :-هههههههههههههههه بالله توني ادري

فهد :- هههههههههههههههههه

وتذكر :- الا تعالي اختي وينها

رنا :-بتنزل الحين

فهد :-كارفتك من اليوم في المطبخ

رنا :-لاتقول كذا عن سعاد والله انها عسل

قرب منها فهد :- والله انتي العسسسسسسسسسل

استحت رنا

الا واحمد يقول :- اقرب تراك بعيد عنها

التفتت فهد :-لاحول ولاقوة الا بالله عليك اوقات غلط

احمد :-هههههههههههههههههه وتعترف بعد

فهد (يتبيزر ) :-زوجتي وانا حر

احمد :-هههههههههههههههههههههه ياخي كلها خمس ايام على قولتك واكلها محد بماسكك

فهد :-اخ ياطولها من ايام

ماتت رنا من الحياء وراحت للمطبخ ركض...

مسكه احمد من ثوبه من قدام وسحبه

احمد :- ههههههههههههه شكلك استخفيت

قال فهد بوله وغرام :-اختك تخلي بالواحد عقل

احمد :-ههههههههههههههههههه اقول قدامي للمجلس بس

فهد (يستهبل) :-طيب عمي

احمد :-هههههههههههههههههههههه

*

*

قالت سعاد لرنا الي جهزت الغداء :- الله يسلم لي عمرك يالغلا من جد مالي وجه المفروض اريحك ما اكرفك

ناظرتها رنا وابتسمت :- حمد لله مابين الخوات هالكلام وبعدين انتي شايلتني على راسك من يوم ماجيت وامس كنتي سهرانه جنب احمد وما نمتي الا الصبح

سعاد :-يابخت فهد فيك

حمر وجه رنا ...

وضحكت سعاد :-يوووووووه نسيت انك بتصيرين عروس

رنا :-ههههههههههههههههههههههه رديتي الحركه

سعاد :- اعجبك

قالت رنا بتردد :-سعاد

التفتت سعاد :-سمي

رنا :- سم الله عدوك ، تقدرين تساعديني في تجهيزات عرسي ترى والله مدري كيف اجهز لعمري

ناظرتها سعاد :-افا يالغلا انتي اختي ويوم المنى والله

رتبت رنا الصحون وخلت الشغاله توديها غرفة الاكل لاحظت سعاد انها تداري دموعها بخصل شعرها الي منفلته على وجهها

مسكتها سعاد وقالت لها :-علامك

ضمت يدينها وقالت :- كلمت امي ابي مساعدتها وقالت انها مشغوله بالتجهيز لعرس نوف

ما استغربت سعاد هالشي من ام تجرأت وعذبت عيالها بالنار ..

قالت ترفع معنويات رنا :-ياااااااااااي وناسه تدرين نبي نبدا العصر ما معنا وقت

تحمست رنا من حماس سعاد :- ههههههههه اوكي

كملت رنا :-ترى فهودي هنا

سعاد :-ههههههههههههههههههههه لو ينام هنا احسن له من المشاوير

رنا :- حراااااااااام عليك انتي واحمد بس تحطيم فيه (قالت بكآبه) انا ماصدقت القى احد ما يستغني عني

سعاد :-كلنا مانستغني عنك والله يهدي الضالين والي اعماهم الحسد

رنا :-امين

*(الجزء الثالث)

مرت الايام بسرعه ...والليله زواج فهد ورنا..

طبعا احمد ماقدر يكلم سعاد لانها انشغلت بالتجهيزات لزواج رنا...

=في القاعه =

قالت سعاد لرنا وهي تعطرها :-ماشاء الله تبارك الله

(وجلست تقرء عليها اءية الكرسي والمعوذات)

ابتسمت رنا :-الله لايخليني منك يالغاليه

حبتها سعاد على جبهتها :-ولامنك

دخلت دانه وهنادي ومنال قمر :-مبروووووووووووووووك

رنا :-ههههههههههههههههههه تبريك بالجمله

دانه :-ههههههههههههه الله يوفقك قلبي تستاهلين كل خير

رنا :-يسلم عمرك..ويبارك فيك ويخليلك راكان

استانست دانه :-آآآآآآآآآآآآآآآمين

دفتها هنادي (دفشه ههههههه) وقالت وهي تسلم على رنا :-الف مبروك يامرة اخوك

رنا :-هههههههههههههههههههه يسلمو حماتي

هنادي :-هههههههههههههههههههه خطيره

كانت رنا لابسه فستان نافش ذيله الطويل مركب عليه ورد احمر طبيعي وكان روووووووووعه وشعرها رافعته شنيون وعليه طرحه خليجيه طوووويله ..اما المكياج فكان سموكي جنان..

اما البنات

سعاد كانت لابسه فستان سماوي وبيج فخم مره ..وشعرها كله كيرلي عريض اما المكياج فكان سموكي رووووووعه

هنادي كانت لابسه فستان تايقر قصير خيالي ومكياج خفيف وشعرها كيرلي جنان وخصوصا انه طولان شوي بعد

منال كانت لابسه فستان ناعم لونه ليموني طالعه فيه صغنونه ومكياج خفيف مره وشعرها القصير مستشورته على داخل وطالعه كيوت

دانه كانت لابسه فستان كموني وزهر فخم مره وله ذيل طويل ..ومكياجها سموكي يدخل عليه الكموني والزهر اما شعرها كانت مسيحته وملفلفه اطرافه بالطول..

قمر كانت لابسه فستان بيج قصيررررر ناعم يجنن وشعرها مسيحته عادي ومكياجها لبناني رايق وطالع جو عليها

دخلت الماس جناح رنا وتوها واصله ...

الماس :-سلام

البنات :-بدررررررررري

الماس :-ههههههههههههههههههه الشوارع كانت زحمه

هنادي (تبي تحرجها) :-الله يرزقنا بمثل هالزحمه

دانه :-هههههههههههههههههههههههههههههه انتي مضيعه شكلي بخلي ركوني يشوفلك واحد من ربعه

البنات :-هههههههههههههههههههه

هنادي :-والله مو بشينه اهم شي يكون عذاب مثله

عصبت دانه عليها :-هنود اهااااااااااااااااااااااا

هنادي :-ههههههههههههههههههههههههه لاحول فهمنا

قالت الماس وهي تضم رنا :-الف مبروك يالغاليه

(سالفة زواج نوف من سعود حازه بخاطرها مره الماس ماتستاهل )

قالت تبتسم غصب :-الله يسلمك ويبارك فيك

وراح الوقت في السواليف والضحك والوناسه ، لقت الماس في هالساعات سلوى لروحها المجروحه لكن ترجع تحزن مره وهي تشوف اجواء الزواج وتتذكر انه بنفس هاليوم من الاسبوع الجاي بيكون حبيبها لغيرها ..

لاحظت سعاد حالة الماس وقالت :-الماس تعالي نشوف تجهيزات الزفه

ماصدقت الماس خبر تطلع قبل لاتفك مناحه لان صبرها وصل حده

مسكتها سعاد في زاويه بعيده وقالت :-الماس خليك قويه الحزن متجلي على وجهك الي صار صار على الاقل لاتخسرين كل شي وتفرحين اعداءك

(واشرت لطاوله بعيده) شوفي نويف وامها ولاكن الزواج زواج رنا جالسات مثلهن مثل المعازيم والاجناب ..صدقيني حوبة رنا ماراح تخليهن

ناظرتهن الماس وشافة نوف تدير عيونها في القاعه تدورها ..

الماس (رجعت لها عزيمتها ) :-صدقتي

زينت فستانها الي لونه ازرق بحري روووووووعه وشعرها كله شنيون فخم والمكياج ولا اروع طالعه فيه ملكه

ثم دخلت الصاله مع سعاد

قالت نوف لامها :-يمه شوفيها

ناظرت امها الماس وهي تمشي مع سعاد وتضحك ولا كن شي هامها قالت :-ولها عين تجي

نوف (بتموت من الغيره وهي تشوف كشختها وجمالها) :-تقهررررررر لا وكاشخه بعد

امها :-ماعليك منها الاسبوع الجاي بتتزوجين رجلها وبتكون هي القديمه الي شبع منها

استانست نوف :-صدق يمه

بكل ثقه قالت امها :- اجل

وظلت نوف تخز الماس من فوق لتحت ..

همست سعاد لالماس :-شينة الحلايا تقزك من فوق لتحت

التفتت الماس لها وشافتها تخزها..

ناظرتها الماس باحتقار وكره ..وماعطتها وجه اكثر من كذا

شبت نوف ضو ..

قال لامها :-شفتيها كيف ناظرتني

امها شافت نظرة الماس لها وانقهرت :-ماعليك منها من الي بقلبها والله تخزك

نوف :-طيب نشوف من يربح بالاخير لامن جبتله الولد

ابتسم امها بثقه :-اكيددددددد لاجاء الولد بيحترق كرتها

ماشافت رنا امها ولاطلت عليها ..وهذا الي جرح قلبها

انزفت رنا ... وانزف عقبها فهد ..

وتمت الامور على خير ..

قال فهد يهمس في اذن رنا :-ياويل حالي وش هالزين

ولعت رنااااااااااااااا

قالت هنادي :-هيه خف على البنت

فهد :- اقول فكيني من شرك يالشينه لا والله بالعقال

هنادي :-ههههههههههههههههه

طاحت عين رنا بعينه وهي تناظره بحب من بشته الاسود لغترته البيضاء كان شكله يخبل

ابتسم لها بحب وهو يناظرها لوقال له احد انه بيحب وحده هالكثر كان ضحك عليه ..

قالت نوف لامها بهمس :-اخسسسسسس نسيبك يجنن

قالت امها بدون اهتمام :- موب ازين من نسيبي الثاني

استانست نوف ..

قال فهد يغمز لامه :-الغاليه صرفيني بطلع

امه :-هههههههههههههههههه يسلملي عمرك (وماتت الابتسامه وهي تشوف ام نوف طالعه الدرج جايه لهم )

قال فهد بسرعه :-من ذي

(اول مره يشوفها)

قالت رنا وهي منزله عيونها الارض وتبلع غصتها بلع :-هذي امي

ناظر رنا بقوه ..ورجع التفت يم الحرمه الي لابسه جلابيه وجايته تمشي ..

حبت على خدود رنا وقالت :-مبروك

رنا:- ---------------------------

وسلمت على فهد الي وقف ..:-مبروك

قال فهد وهو نفسه يتوطى ببطنها :-الله يبارك فيك

في لمحة حنان شبه معدومه قالت :-لا اوصيك على رنا

فهد (بدون نفس) :-رنا بعيوني

وطلعت من المنصه ...

ضاق خلق فهد لان رنا شكلها متنكده ..

وقف بدون مقدمات ومد يده لها ..مسكت يده ووقفت

وطلعوا من القاعه ..

*

*

****قبل زواج سعود بيومين****

قال ابو سعود لام سعود :-ليه نوف وش منقصها عن غيرها

ارتفع ضغط ام سعود :-ناصر انت عارف رايي بهالزواج اختصر وخله للرجال وبنت اخوك ياخذها رجلها من بيت ابوها

ناظرها بنص عين :-العرس بيكون مثل عرس فهد ورنا فاهمه ولا لا

ام سعود :-بس----------------

عصب :-جاك العلم

ضاق خلق ام سعود كلن كاره هالعرس بس من يحس ..

قال ابو سعود :-ولدك وينه

قالت بدون نفس :-ولدي من عيالي ثلاثه

ناظرها :-سعود من يعني مايرد على مكالماتي

في نفسها "ماينلام"

لكنها قالت :-وش تبي فيه

ابو سعود :-بغسل شراعه

ام سعود بتموت بسببه :-ليه

ابو سعود :-مو مهتم بشي انا الي حاجز القاعه وكل شي ولا وماثث جناحه بنفسي وانتي وبناتك مامنكن فايده

باعتها ام سعود :- انا وبناتي مو موافقات على العرس عارفه انه صاير صاير بس انت ماتقدرتتحكم بالي نحس به ..

انبطت كبده من البرود من عرس سعود ..

وسفه حرمته...

*

*

قالت الماس لسعود :-حبيب القلب

التفت يمها وبعيونه نظرة حزن هزتها من داخلها..ااااااااااه حزنها قدام حزنه ولاشي ..

ابتسم غصب :-عيونه

جلست جنبه وقالت (تحاول تخلي الموضوع ايزي) :-ودني بيت عمي اليوم

انقبض قلبه وقال بضيق :-ليه

الماس :-برتب اغراضي

سعود :-----------------

الماس :-اقول لخالد يوديني

سعود :-لا انتي جاهزه

الماس :-ايه

سعود :-مشينا

لبس شماغه وطلعوا ...

؛

؛

في بيت ابو سعود

"هنااااااااااااااااااااااااااااااااااااااااااا اااا اااااااادي"

تخرعت هنادي وطاح جوالها من يدها طلعت بالسيب :-منالوه شفيه

قالت منال :-ام نووووووووووف هنا

شبت هنادي :-هنا

منال :-ايه جايبه اغراض العقربه

هنادي (بكت غصب) ودخلت غرفتها وقفلت الباب ..

ومنال نفس الشي دخلت غرفتها وقفلت بابها ...

قالت ام نوف وهي تناظر في البيت بتملك :-حلوه الديكورات الجديده

قالت ام سعود بدون نفس بس بلباقه :-لازم لانها متعوب عليها

ام نوف (مبسوطه) :- وين جناح العرسان

ام سعود (نفسها تقلب الطاوله حقت القهوه على راسها) لكنها قالت :-سوووووونيا

جت الشغاله قالت لها :-سونيا ودي المدام جناح بابا سعود نمبر 2

وقفت ام نوف وقالت ام سعود :-الشغاله بتدلك للجناح خذي راحتك

(ام سعود سوت نفسها انها بتخليها تشوف الجناح وترتب غرفه بنتها بلحالها من باب الذوق ماتدري ان الذوق اخر شي تفكر فيه )

طلعت ام نوف الجناح مع الشغاله ...

الا وبدخلة سعود الماس

انشرح قلب ام سعود الي لها كم يوم ماشافت ولدها ولاسمعت صوته :-هلا يمه

ابتسم سعود :-اهلين بالغاليه

وسلم عليها..

الماس :-هلا خالتي كيفك

ام سعود :-عيون خالتك بخير يالغلا انتي شخبارك وش اخبار العلاج

الماس :-تعبانه شوي بس بخير الدكتور دق على سعود عشان يجي ياخذ وصفة

يتبع ,,,,

👇👇👇

تعديل المقال