رواية لمني بشوق واحضني -29
هز راسه ..
سحبته وقالت تهمس :-شكلك مانمت البارح
سعود :- ولا غمض لي جفن
الماس :-اجل تعال نم لك كم ساعه
سعود :-فكره ماهي بشينه بس
عرفت الماس وش بيقول لكنه فاجاها وقال :-بنام لي ساعتين صحيني بعدهم لايدري ابوي وياكلني
الماس وقلبها مفرفح :-هههه تامرني امر
-+بعده بساعه+--
دقت نوف على امها :-الو
امها :-هلا وغلا بالحلا
نوف :-ههههه اهلين ماما شو الاخبار
ام احمد :-تمام والله انتي وشخبارك
نوف :-بخير
امها :-سويتي الي قلته لك
نوف :-لا
عصبت امها :-صاحيه انتي
نوف :-يمه سعود مو هنا
انهبلت امها :-مارجع من اليوم
نوف :-الا بس رجع طلع
امها :--ماشاء الله عليك
نوف :-وش تبيني اسوي
امها :-وين راح
نوف ببرود :-يقول امه تعبانه وراح لها
صارخت امها عليها :-ورى مارحتي معه
نوف :-اوووووف كنت افطر
داخت امها وجلست على اقرب كرسي :-طلع بدون مايتكلم
نوف بغباء ماله مثيل :-الا قال امي تعبانه قلت ماتشوف شر
امها :-وش قال
نوف :-قال هذا الي قدرك ربي عليه وراح
انقهرت امها :-اكيد الشينه هناك
نوف :-من
امها :-ضرتك يالخبله
صارخت :-لاااااااااااااااااااااااااااااا
امها :-الا اكيد بتكون هناك من يوم ماشفت تحديها وقوة عينها يوم عرسكم وانا عارفه انها ماراح تتركه لك تتهنين فيه
جتها الصيحه :-لا لا لا
امها :-بدل الولوله تلحلحي
نوف (مستعده تسوي اي شي) :-نوريني
امها :-دقي عليه وقوليله يجي ياخذك
نوف :-واقابلها لاااااااااااا
تطنزت امها :-لا اجلسي هنا كنك سكني وبنت فهد تستولي عليه
نوف (بسرعه) :-طيب
سكرت امها ...
وراحت تطلع رقمه الي من سنين وهو معها ...
دق ---------------
مافيه رد
دخلت الماس الغرفه وجوال سعود مسوي ازعاج ...
مالها الا تحطه صامت ...
شكت بالرقم ..وطارت تنادي هنادي
هنادي :-هاه شفيه
الماس :-تعرفين رقم نويف
هنادي :- مو حافظته بس لاشفته اعرفه
الماس ورتها شاشة الجوال والرقم الي يتصل ..ركزت هنادي :-رقمها
الماس :-متاكده
هنادي :-ايه
استانست هنادي :-هههههههههههههههههههه بتبدين شغلك من الحين
الماس :-افا عليك هذا سعود سعودي انا
حطت اصبعها عشان هنادي تسكت ...
الماس بصوت نعسان :-هلا
نوف ارتفع ضغطهااااااااااااااااااااااااااااااااااااااااا ااااا ااااا
قالت بصوت انعم :-الو
قالت نوف بقهر :-هذا جوال رجلي ليه تردين عليه
قالت الماس تتطنز :-هه من نوووووووووووووويف
انقهرت نووووووف موت :-نوف مرة سعود بن ناصر
الماس (بتموتها قهر خلها تذوق شوي من الي ذوقنه لها ) :-متاكده انك مرته لان ماظنيت في رجال يترك عروسه بصباحيه زواجه
من زود قهرها سكرت الجوال
ضحكت الماس قالت هنادي وهي متشققه من الفرحه :- بشريني
الماس :-ههههههههههههههههههههههه تحطيم نفسي معتبر
هنادي :-كفك
الماس مدت كفها لها وهي تضحك ..
قالت هنادي برعب :-الماس لاتدق على ابوي
ارتاعت الماس ..:-تهقينه
هنادي :- ما اهقى الا متاكده ان دقت على ابوي بيروح فيها رجلك
الماس :-بسم الله عليه
هنادي :-الحقي عمرك اجل وتصرفي قبل لاتحطنا بمصيبه ابوي مانقدر عليه
طارت الماس غرفتها ...مالقت سعود
حزززززززززززززززززززززنت شكله طلع حتى جواله معها ..الا ويضمها من ورى ..صرخت من المفاجاه
الماس :-ههههههههههههههههههههههههههه خرعتني
سعود :-حتى وانتي مخترعه تهبلين
حمرت خدودها ...قال بوله :-تدرين ان حياك ذبااااااااااااااااااااااااح
الماس :-ههههههههههههههههههه انت الي والله كلامك ذباح
قال من قلب :-اخ ياقلبي ..
قالت الماس :-قلبو بقولك شي
همس :-مو وقته
الماس :-بـ..
فكرت وراها تحر عمرها وتحره ...
ونويف بالطقاق فيها
(الجزء الثالث)
><في بيت محمد (عم ساره) ><
قال بدر لاخوه محمد :-والله ياهالراكان قاهرني
محمد :-شتبي فيه خله يولي
بدر :-ياخي ليه حنا ماحنا برخوم حتى مانقدر ناخذ حقنا منه
محمد :-يابن الحلال اخونا حمد ماقصر وطول هالسنين يحاول بس مافيه امل
بدر كان الحقد مالي قلبه ملي على الرغم من انه يشتغل مع اخوانه ومنعم الله عليه الا انه حاسد النعمه والنجاح الي راكان فيه ..
قال بعناد :-والله ليندم لو اروح فيه اعدام
محمد مو مرتاح لنوايا بدر
محمد بخوف :- بدر وش في راسك
كان بدر في عالم ثاني كله سواد في سواد وحسد وكره الخير للغير ..
التفت يم اخوه وقال :-بعدين بتعرف
محمد (يمكن يكون الين اخوانه ) :-بدر خف ربك
بدر (عيونه محمره) :-ليه ماخاف هو ربه
محمد :-استغفر الله
حقر اخوه وسكــــــــــــــت مارد عليه
[(((نبذه عن حياة بدر))) طبعا بدر اصغر عمام راكان عمره بالاربعينات فاشل في حياته العائليه تزوج كم مره وكلما تزوج زوجاته يتركنه ليه؟؟ لانه مدمن مخدرات سابق ومعاشر له شلة سرابيت (منحرفين عن الطريق المستقيم) سابقا وحاليا عنده ولد وبنتين وعياله بحضانه امهاتهم لانه مو مؤهل يربيهم بسبب تعاطيه سابقا وسنترته بقسم الشرطه دوم وخصوصا انه انسجن مره مدة خمس سنوات بسبب ضربه لواحد ضرب كان بيوديه للموت لولا ستر الله ، طبعا لولا اخوانه ضامينه عندهم بالشركه وحاطين عيونهم عليه ولا كان انطرد من الشغل وجلس بدون شغل وبدون راتب نقدر نقول انه لو يحط باله بشغله ممكن يمشي حاله لكنه الي براسه حقد دفين على راكان ،لانه لو ورث الورث كان ما بحياته اشتغل وتعب نفسه ثاني شي نظرة راكان له في المناسبات تقهره نظرة غرور ونظرة ثقه هو بنفسه يفتقدها ..يحس حياته مالها معنى ولاطعم وخصوصا انه رجع يتعاطى بس الي بقلبه وبسبب كلام اخوانه عن هالشي دوم وخصوصا ابو سعد (ابوساره)]
وقف ووقف معه محمد الي قال :-بدر عن حركاتك ياخي جننتنا الي كبرك عيالهم بالثنويه
ناظر اخوه وضحك ضحكة استهزاء قال وهو طالع يمشي :-جربتوا طريقتكم خلونا الحين اجرب طريقتي
صرخ محمد :-بدر
بدر قال يصارخ اكثر منه :-في صدري نار لازم اطفيها
محمد (يحاول يقنعه) :-ياخوي النار هذي بالاخير راح تحرقنا كلنا
بدر (مصمم وشايف الي يسويه صح) :-تحرقنا ماعندي مانع بس هي تطفي
محمد :-بدر
لكنه طلع وركب سيارته ومشى بسررررررررررررررررررعه
تورط محمد ، طلع جواله
"الو "
ابو سعد :- نعم
محمد :-ياخوي مصيبه
تافف ابو سعد :-لاتقول بدر
محمد :-ايه
ابو سعد :-لاتقول راكان له دخل بالسالفه
محمد :-الا ياخوي يبي يذبحه
طاحت كاسة الشااهي الي بيد ابو سعد :-هاااااااااااااااااااااه
محمد (من جد بدا يخاف ) :-الي سمعته ياخي تو كان عندي وجلس يهلوس شكله رجع للمخدرات
ضاق خلق ابو سعد ناقص هو اخوه الي يتصرف مثل المراهقين :-لاحول تهقاه وين راح
محمد :-علمي علمك
ابو سعد :-طيب يالله ناقصين مصايب حنا
محمد :-مقدر اجلس انا بروح لراكان
ابوسعد :-انهبلت انت
محمد :-بوقف قريب من شركته عشان لاجاء اخوك اعرف امسكه
ابو سعد :-طيب ببلغ السكيورتي يدورونه
محمد :-نعم الراي
وسكر
><في بيت احمد><
جلس احمد وضغطه مرتفع من الحاله القشرا الي هم فيها ..من اسبوعين وحالتهم حاله سعاد ماتجلس معه ابد بس تصد عنه وماحطت عينها بعينه
من بعد الموقف الاخير الي صار بينهم
الحين من المفروض يزعل هو ولاهي !!
هز راسه وهو يوقف يتمشى بالبيت الخالي ، صدودها مو زعل لا صدودها انكسار والم تحاول تخفيه بس مافيه فايده لانه متجلي على وجهها
مل من الفرفره بالبيت لازم يواجهها ولا بيموت او يصير له شي ، اهتمامها به ورعايتها له يوم كان مريض اكيد تخفي تحتها شعور له لو كان صغير اهم شي هناك امل له معها ، امل انها تحبه
لو على نفسه كل يوم يمر حبها يزيد يقلبه ، وش يسوي الي يحب مايعرف يكره ابد
وليه يكرهها مافيها شي ينكره
تذكـــــــــــــــــــــــــــر
تصرفها مع رنا يوم جت بيتهم وهم مالهم 3 ايام متزوجين لو وحده غيرها قلبت الدنيا على راسه لكن لا هذي سعاد استقبلتها احسن استقبال وقفت جنبها بوقت امهم خذلتهم كلهم ..
كانت صبوره حنونه متفهمه ..وماقصرت مع رنا بشي ..ساعدتها في تجهيزات زواجها من الالف للياء
اما معه هو
..سهرت معه والي سوته ماتسويه وحده تكرهه حتى مع فكرتها انه خاينها ماقصرت وتصرفت احسن تصرف حتى طاب وقدر يقوم منها سليم معافى ..
جاء بيطلع غرفتها وبينهي الخلاف الي بينهم لانه مو قادر يتحمل الصـــــــــــد اكثر من كذا
الا وجواله يدق ..كان بيجحد لكنه كان رقم رنا ..:-هلا
رنا :-هلا بحمودي
احمد :-اهلين رنو كيف الحال
رنا :-بخير يالغالي
احمد :-غريبه داقه
رنا :-هههههههههههههههههه تصريفه حلوه
احمد :-هههههههههههههه لا مو تصريفه بس لانك مكلمتني قبل ساعتين
رنا :-لقيت نفسي فاضيه قلت اكلمك
احمد :-احلفي يالله انتي فاضيه غريبه وقيس ليلى وينه
رنا :-هههههههههههههههه فهد رنا لو سمحت
احمد :-الي هي به اخلصي رجلك وينه
رنـــــــــــا :-فهد برى
احمد (مسوي فيها معصب) :-لا والله ليه يتركك امحق ---------------
رنا :-ههههههههههههههه على هونك بيدخل السياره المواقف وبيطلع
احمد :-كنتم برى
رنا :-ايه كنا ببيت عمي
احمد :-بيت عمي
رنا :-ايه رحنا نشوف عمتي ام سعود
انخرش احمد :-علامها
رنا :-ماعندكم خبر
احمد :-لا
رنا :-عقب زواج سعود ارتفع عليها السكر وطاحت عليهم
احمد :-افـــــــــــــــــــــا
رنا :-تنومت بالمستشفى وعدلوا السكر عندها وطلعت اليوم
احمد :-زين علمتيني بروح اعلم سعاد ونروح لها
رنا :-يكون احســــــــــــن
احمد :-يالله سلام
رنا :-مع السلامه
سكر الجوال وطلع الغرفه بسرعه ..
×
كانت سعاد جالسه في وسط سريرها تفكر وتفكر اصلا ماعندها الا التفكير بما انها مضربه عن الجلوس مع احمد ماتقدر قلبها مايطاوعها ماتقدر الي سوته فيه موهين الي سوته ماتسويه وحده غبيـــــــــــــــــــه مره ..
ياربي من الغلطان ...؟؟
هزئت نفسها انتي الغلطانه لاترمين بلاك عليه ..هو عمره ماقصر معك بشي بالعكس حفت رجلينه وهو يخطبك انتي الي كنتي عنيده وراسك يابس وغبيه
اول مره عذرك -------------->>ما ابي اربطه كم سنه معي حتى اخلص جامعه عشان مايندم بعدين على انتظاره لي لين اتخرج
ثاني مره عذرك----------------->>الخيانه وبالاخير طلع يكلم اخته الصغيره
نزلت دموعها غصب..
وهي وقفت اصلا .. القهـــــــ والندم ـــــــــر محرقينها احراق ..!!
دق باب غرفتها ،
غمضت اكيد الشغاله جايبه لها العشاء..ناظرت في الساعه لقت تو بدري على العشاء
قالت :-ادخـــــــــــــــــــــــــــــــــل
دخل احمد غرفتها طلعت عيونها قدام اخر من توقعته بيدخل ويجي يشوفها هو احمد
وقفت بدون شعور .تعلقت عيونهم ببعض ..
قال احمد وهو يتماسك :-ماودك نطلع من البيت
انصدمت سعاد
وقالت :-وين
احمد :-عازمك على العشــــــــــــاء ويمكن نمر بيت عمي تشوفين الاهل قبل
استانست سعاد وقالت بهدوء :-طيب
مسك عمره لا يروح لها ويرفع راسها عشان ترجع تناظره ..زين مو نظره عابره بس
احمد :-يالله بروح اصلي العشا وبرجع الاقيك جاهزه
طلع من غرفتها اسرع من الرصاصه لانه لو طول عندها دقيقه جت علوم ..
جلست سعاد مو مستوعبه شي
لكنها قامت وبدلت ملابسها وكشخت...
نزلت لقته توه واصل من المسجــــــــــد
تعلقت عيونه بها ووصل قلبه لحلقه ..
قال يضيع تفكيره باي شي :-جاهزه
هزت راسها
وطلعوا ....
قال لها وهو بالسياره :-بنروح بيت عمي الحين
سعاد :-طيب
بعد ربع ساعه وصلوا ....
نزل احمــــــــــــــــد ونزلت سعاد من السياره ودخلوا
قال احمد :-بروح المجلس
ودخل المجلس اما هي دخلت البيت ...
لقت الماس وهنادي ومنال جالسات وامها معهن وسوالف وضحك
منال :-سعوووووووووووووووده
التفتن البنات ...ابتسمت سعاد :-وش هالجمعه الحلوه
الماس :-هلا وغلا والله وش هالزياره الحلوه
سعاد :-طواري
سلمت على امها ..
سعاد :-كيفك يالغاليه
امها :-بخير يمه مدامكم بخير
سعاد :-دوم يارب
الا وبنزله سعود من غرفته ، انهبلت سعاد والتفتت لالماس وابتسمت لها الماس وهي تغمز ..
تفاجأ سعود بوجود سعاد :-اهلين حرم احمد مسيره علينا
سعاد :-ههههههههههههههههههه اهلين سعودي كيفك
سعود :-بخير انتي شخبارك
سعاد :-بخير
سعود :-شلون احمد
سعاد :-بخير على فكره تراه برى بالمجلس
سعود :-بروح له
ومشى بيطلع اما الماس لحقته عند الباب
الماس :-سعود
سعود :-عيونه
ابتسمت :-تسلم العيون وراعيها
سعود :-آمريني يالغاليه
الماس بهمس :-تو عمي دق علينا وجاي بالدرب
سعود :-طيب
الماس :-ان شافك جت مشكله
سعود :-ايه فهمت
الماس :-اوكي (كنها حزنت شوي)
مسكها قبل لاتروح وقال لها يهمس :-مافيه بوسه قبل لا اروح
ولع وجهها ..الا وبجية سعاد :-اقول يا اخوان فيه جمهور جالس هنا ومتمتع بالي يشوف بس لو سمحتم رجلي برى ماعنده احد
سعود (يمزح) :-والله المشكله يالله بروح له
التفت لالماس وقال وهو يبتسم :-نكمل كلامنا الليله
انجنت الماس من الفرحــــــــــــه الليله بيكون موجود عندها ..
وطلع
مسكتها سعاد وسحبتها فوق على طول
قالت الماس تضحك :-قطعتي يدي شوي شوي
سعاد :-ههههههههههههههه وش السالفه والله مو فاهمه وين الشينه
الماس :-ههههههههههههههه بالفندق
سعاد (مو مصدقه) :-ههههههههههههههههههههه مو معقوله
الماس :-والله
سعاد جرتها ودخلن غرفة هنادي :-علميني بكل شي من الى
الماس :-قبل كل شي بشريني عنك
ابتسمت سعاد :-اليوم احمد غريب نوعا ما
الماس :-كيف
سعاد (هزت كتوفها حيره) :-مدري بس نظرته لي غير تكهرب جسمي منها
الماس :-ههههههههههههههههه اموت على الوصوف
حمر وجه سعاد وقالت (مسويه معصبه) :-يالله ماعادني بمعلمتك
الماس :-ههههههههههههه خلاص ماعاد بمعلقه بس كملي
سعاد :-ولاشي طلع احمد برئ ومايكلم والي كلمها ذاك اليوم كانت تهاني اخته
انصدمت الماس :-هاه
سعاد :- هو قال لي هالكلام وماصدقته قلت يرقع السالفه عندي لكني سمعته يسال رنا عن الي كلمه بليلة ملكتنا وقالت له رنا تهاني
حطت الماس يدها على فمها :-يا الله
نزلت سعاد راسها :-اغمي علي من بعدها ماقدرت احط عيني بعينه
الماس :-طيب شردة فعله
سعاد :-من بعد ما اغمي علي ماتكلمنا في شي عشاني انشغلت بعرس رنا بس ---------
الماس :-ايه
سعاد :-في حفلة دانه كان محموم مره وسهرت معه ولما صحى والحمى عليه قال لي كلام ماراح انساه بحياتي قال لي (((من وانا وعمري 15 سنه وانا احلم باليوم الي يجمعنا صديتيني مره واثنين وثلاث لكن ما ان يروح زعلي وقهري الا وارجع لحبك ذليل )))
الماس دمعت عيوني
وكملت سعاد ودموعها تنزل :-حلفت ميت يمين ماتزوج غيرك لو ماصرتي من نصيبي ياليتك كنت تحبيني ياليت
ضمتها الماس بقوه وقالت وهي متأثره حيل :-سعاد اصلحي امورك تمسكي برجلك
سعاد :-اخ يا الماس والله انه كثير علي
عصبت الماس :-وش هالكلام الفاضي
سعاد :-طلبت الطلاق
شبت الماس ضو :-صاحيه انتي
سعاد :-لا تعصبين قال لي بعضمة لسانه طلاق ما اطلق
الماس (معصبه) :-لة معطيك طراق احسن بعد
ابتسمت سعاد
مسكت الماس يدها وقالت :-سعاد انتي تحبينه وهو يحبك الي سويتيه معذوره فيه مافيه بنت تتزوج رجال يخونها في ليلة ملكتها وخصوصا لو كانت تحبه لان جرحه بيكون اعمق واخطر والحمد لله انه يحبك كافحي انتي غلطتي مره لاتغلطين مره ثانيه
اقتنعت سعاد بكلام الماس ...ورجع لها عنادها وتصميمها الي تخلت عنهم من يوم ماتزوجته وحبت الحياه معه على كثر ماكرهتها بسبب سواياها فيه ..
قال الماس :-من علمكم عن عمتي
عقدت سعاد :-حواجبها عن امي
الماس :-ايه
سعاد :-مافهمت جاني احمد غرفتي وقال انه عازمني على العشا بس بنسير عليكم
ابتسمت الماس وقالت تستهبل :-مالت عليك من بنت لو وحده غيرك تمسكت فيه باظافرها واسنانها عمتي طاحت علينا بسبب السكر وطلعت اليوم من المستشفى
انهبلت سعاد :-ايش
الماس :-هههههههههههه والله
سعاد :-ماقال لي شي
الماس :-مايبي يخرعك يالخبله شفتي شكثر يحبك
تأثرت سعاد ونزلت دموعها :-فديته والله
الماس :-ياعينــــــــــي يالحب
ناظرتها سعاد :-اخ يا الماس يوم تزوجني غصب توقعته بيذلني مذله ماوراها مذله حتى هو قال لي كذا بس تصرفاته غير
الماس :-يتالم ياسعاد بسبب الي صار له بس حبه لك يمنعه من انه يضايقك بأي شي ..
سعاد :-الله لايحرمني منه
الماس :-امين
دخلــــــــــت هنادي غرفتها لقت البنات فيها
قالت تستهبل :-لا والله غرفتي صاله يوم جالسات فيها
الماس (تخف عليها) :-نحبك شنسوي
سعاد :-ههههههههههههههههه
هنادي :-ههههههههههههههههههه غبيه انا تلعبين علي بكلمتين بس مع كذا ثانكيو احد لاقي في هالزمان احد يقول له كلام حلو لو نصب
الماس :-هههههههههههههههههههههه خبله
هنادي :-على طاري الخبال قمير وعمتي تحت
الماس :-والله
هنادي :-يس
سعاد :-وين ماماتي
هنادي :-بغرفتها تصلي العصر
قالت هنادي لالماس :-ترى سلطان هونا
الماس :-زين علمتيني بروح اجيب غطا وجهي
وطلعوا البنات ..
الا هنادي جلست تصلي العشاء بغرفتها..
÷
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك