رواية لمني بشوق واحضني -43

رواية لمني بشوق واحضني - غرام

رواية لمني بشوق واحضني -43


وكانت لابسه تنوره جينز وبلوزه سوداء ساده موديلها من فوق افريقي ولابسه عقد طبقات طويل روعه يشوفه يتحرك لاتحركت وهي تشتغل ...
نادى صوت من برى :-هنادي
"هنا بالمطبخ "
تخبل محمد هذي اجل هنادي الي صدمت فيه بالمستشفى قبل شهر تقريبا...التفتت وطاحت عينها بعينه
تخبل محمد من الي يشوفه قدامه ...
ماعرفت اني على نفسي جنيت
ولاعرفت ان النواظر جارحات
يوم شفت الخل من شوفه ابتليت
يا الهي صرت مدرك ع الممات
في حياتي مثل شخصه ما رأيـت
ماكذبت ان قلت سيد السيدات
طار بي شوقي وعلى صوته انتشيت
قمت الحن على اوتار العازفات
طحت في بحر الغرام ولا نجيت
الله يستر من ايامي المقبلات
*
انصدمت هنادي صدمة عمرها ...هذا هو نفس الرجال الي صدمت فيه بالمستشفى كيف تنساه وهو مافارق خيالها لحظه وحده
ركضت بسرعه برى المطبخ وقلبها يرقع ...
منال :-بسم الله كنك شايفه سكني
قالت هنادي ووجهها احمر وترتجف بهمس :-منال شفته هو هو ماغيره
منال مافهمت ولا كلمه :-هنادي هدي مو فاهمه منك شي
سحبت هنادي نفس طويل وقالت وهي تحس بقلبها يضرب :-تذكرين الرجال الي صدمت فيه بالمستشفى
منال :-فارس احلامك الخيالي علامه
هنادي :-ماراح تصدقيني
منال تحمست :-هنود قولي لا الفعك
هنادي :-ههههههههههه تخيلي شفته بالمطبخ
منال :-هاااااااااااه
هنادي :-هاه ايش اقولك شفته بالمطبخ تو ..
منال :-متأكده
هنادي :-ايه متاكده هو انا اقدر انسى شكله
منال :-هههههههههههههههههههه لا يالمحظوظه مالت علي
غمزت لها هنادي :-والله وصرنا نعرف نحب
حقرتها منال :-طيب عرفتي من وش اسمه
هنادي تذكرت :-لا ياخساره
الا بجية ايمان اخت محمد :-هاي بنات
هنادي :-اهلين هلا وغلا
ايمان :-وراكم واقفين هنا
هنادي :-ضبطت قهوة الرجال وبطلع الصاله الحين
ايمان :-اشوى انك شفتيها قبل لاياخذها محمد اخوي الشغاله الهبلا ماتعرف تصلح القهوه
ابتسمت منال وفهمت هنادي حركتها ..
كملت ايمان الي غافله عن تلميحاتهم :-بروح اشوفه جا ياخذها
وراحت للمطبخ ...
قالت منال بهمس عشان ماتصارخ من الحماس :-من قدك هنود عرفنا هوية فارس احلامك
هنادي :-ههههههههههههههه شفتي الحظ
مشوا للصاله ولحقتهم ايمان قبل لايدخلون قالت منال (تسوي معروف لهنادي ههههههه الي بتموت فضول) :-هاه اخذ اخوك القهوه
ابتسمت ايمان :-قالت لي الشغاله انه دخل واخذها
ابتسمت منال من شكل هنادي الي بتشقق من الفرحه
شافت دانه ملامح هنادي وعرفت ان فيه شي :-شوي شوي لاتتشققين من الوناسه
هنادي :-هههههههههههههههههههههههههه لو تدرين مالمتيني
دانه :-طيب علمني عشان مالومك
التفتت هنادي يمها :-تذكرين فارس احلامي الي علمتك عنه
دانه :-هههههههههههههههههههههههههههه راعي الاسواره
هنادي :-ههههههههههههههههههههههههههههه ماغيره
دانه المبتسمه :-علامه
هنادي :-تخيلي بس من يكون
تحمست دانه :-عرفتي هويته
هنادي :-ايه
دانه :-من
هنادي :-حزززززززززززري
دانه :-يوووووووووووووه من
هنادي :-محمد
دانه :-محمد من------------اوه صديق حبيب البي
هنادي بخبالها المعتاد :-ايوه صديق حبيب البي (ضربتها دانه على يدها) احمممممممممم اقصد حبيب البك
دانه :-ايه اعقلي
هنادي :-ههههههههههههههههههه انا بوادي وهي بوادي
دانه :-هههههههههههههههههههههه كلش ولاركوني والحين علميني وين شفتيه
هنادي علمت دانه بالسالفه من الاول للاخير
دانه :-ههههههههههههههههههههه سبحان الله تذكرين مو قلت لك اذا ربي كاتبه لك بتجتمعون
قالت هنادي بجديه :-طبعا اذكر وانا صدق انه دخل قلبي من ذاك اليوم الا اني مو مهووسه به يمكن يكون من نصيبي وينقذني من العنوسه ويمكن لا
دانه :-ههههههههههههههههههههههههههههههه الي يسمعك يقول صافقه الخمسين
هنادي :-ههههههههههههههههههههههههههه زوجوني تنحل عقدتي
دانه :-هههههههههههههههههه خلينا نخلص من زواج خالد ونتفضى لك بعدين
هنادي :-الا على فكره مرة اخوك تجنن ناعمه مره ...
دانه :-ايه ماشاء الله عليها
قالت هنادي وهي تناظر قمر الي تسولف مع رنا:-الا دندون ليش احس قمر مو معنا اليوم ومتضايقه
ابتسمت دانه :-بُعد حبيب القلب عامل عمايله كل ما كلمها فكت مناحه على امي المسيكينه
هنادي :-ههههههههههههههههههههههههههههههه ياحسرتي عليك ياهنادي محدن يحبك
دانه :-هههههههههههههههههههههههههههههه احمدك واشكرك يارب ...
هنادي :-الا على الطاري مافيه شي بالطريق
حست دانه بغصه :-لا للاسف
هنادي :-الحمد لله وليش مكتئبه توك متزوجه ..
دانه :-هنادي لي اكثر من خمس شهور متزوجه وللان ماحملت ..
هنادي :-لاتوسوسين .. شوفي الماس من متى متزوجه ومتى حملت
حاولت دانه تبتسم وقالت :-على كثر ماكرهت اجيب عيال وانا في ذمة ------------ انت عارفه من كثر كرهيله ما احب انطق اسمه ،على كثر ما تمنيت كل لحظه ودقيقه اجيب عيال من راكان
ابتسمت هنادي ترفع معنوياتها :-يالله لاتقلبينها نكد وربي بيرزقك بالي تمنين
ابتسمت دانه :-يجيب الله فرج اصلا انا بكلم راكان في هالموضوع لا شفت فرصه مناسبه
هنادي :-مو كنك بتستعجلين
دانه :-لا انا متاكده من الي اسويه
هنادي :-الله يقدم الي فيه خير وتجيب لنا راكان صغيرون
دانه :-ههههههههههههههههههههههههههههه قولي ان شاء الله
هنادي :-ان شاء الله
دق خالد على دانه...
خالد :-هلا دندون تراني دخلت عشاكم مع محمد للمطبخ
دانه :-تسلمون خلوّد
خالد :-يالله سلام
دانه :-سلام
وقفت دانه قالت هنادي :-خير
دانه :-العشا وصل
وقفت هنادي وراحـــــــــــــــت معها للمطبخ .. وبعد شوي لحقتهن قمر وايمان ورنا ومنال والماس
ناظرت هنادي :-هههههههههههههههههه ماشاء الله وش هو له هالجمهور
وكملت وهي تخز الماس الي كانت لابسه لبس حمل يجنن :-وانتي يادوبه رجلك صاجنا بالتعليمات روحي اجلسي لاتولدين علينا
الماس :-هههههههههههههههههههههه انا دوبه وبعدين ويني ووين الولاده تو باقي
هنادي :-والله انتي عكس خلق الله اتوقع منك اي شي
البنات :-ههههههههههههههههههههههههه
دانه بحنيه (تستهبل على الماس) :-اقول لاتحرقين دم اختي ماتشوفينها بتنفقع من الحمل
هنادي :-هههههههههههههههههههههههههههه كفك
ومدت دانه لها كفها :-هههههههههههههههههههه
الماس وهي تناظرهن بنص عين:-خفيفات دم اشوف فيكن يوم
هنادي من قلب :-اللهم امين عاجلا غير اجل
دانه :-هههههههههههههههههههههههه انتي شاربه اليوم شي
البنات :-هههههههههههههههههههههههههه
×

في الجامعه

كلمت دانه هنادي :-الو يا اخت هنادي وينك
هنادي :-توني مخلصه محاضره انتي وينك اخاف عندك محاضره ماتقابلنا من اليوم
دانه وهي تعدل نظارتها :-لا ماعندي الا محاضره وحده وخلصتها
هنادي :-عندك off اليوم مثلي
دانه :-ايه
هنادي :-اوف حر الا انتي وينك بالمكان الي دايم
دانه :-ايه
هنادي :-اوكي جايه خمس دقايق
جلست دانه تشرب عصير وتنتظر هنادي كان الجو حر رفعت شعرها بشباصه عشان تبرد شوي رفعت نظرها الا ويطيح على اخر وحده تتمنى شوفها بهالكره الارضيه
ساره :-لايكون تفكرين تطرديني من هالجامعه تحسبينها جامعة ابوك
ناظرتها دانه باحتقار وهي ترجع ورى وتعقد يدينها على صدرها :-ليش اطردك الامن يعطونهم رواتب ليه عشان يطردون الناس الي ماوراهم الا الفرفره وازعاج الناس
انقهرت ساره من برودها ومن ثقتها بنفسها ..
قالت ساره وهي تأشر على بنتين معها مسترجلات وضخمات اشكالهن تخرع :-ماعرفتك على صديقاتي
ناظرتها وحده بنظرات مو طبيعيه وقالت بصوت كانه صوت رجال :-وش هالجمال كله ماقدر الا احسد زوجك
صرخت ساره :-حمد احم اقصد حمده انا جايبتك تتغزلين فيها
تقززت دانه من الشذوذ الي تشوفه ووقف شعر راسها ..
الا وبجية هنادي الي قالت باستحقار :-الا من اشوف مشرفنا بجامعتنا العجوز الشمطاء سوير
انقهرت ساره من كلامها وقالت وهي تناظر في دانه بكره :-الوعد قريب وانا ساره
وراحت بسرعه ..
جلست هنادي :-شتبي ذي اي مصيبه حذفتها علينا
دانه :-يعني شتبي طردتها من بيتي وجايه تنكد لي عيشتي بهالجامعه
هنادي :-من هالمسترجلات الي معها قلبي ناغزني منهن
دانه :-صديقاتها على قولتها بصراحه مقرفات وحده تتغزل فيني عيني عينك تقول (تقلد صوتها الخشن) وش هالجمال كله ماقدر الا احسد زوجك
اختبص قلب هنادي وارتبش :-دندون حنا مو بأي جامعه حنا بجامعة الملك سعود والجامعه كبيره حيل وانا خايفه عليك
دانه بدا الخوف يتحرك بقلبها :-ماراح تمنعني سوير اكمل دراستي هانت هنود .. كلها كم شهر واخلص الترم الي باقي لي واتخرج

قالت ساره :-راح اعطيك عشرين الف ان شوهتي وجهها لي تشويه ما يعالجه الجني الازرق
حمده او حمد زي ماتحب ينادونها :-اعتبريها تشوهت من الحين
ابتسمت ساره بفرح ووناسه :-ماقد اعتمدت عليك وخذلتني يا هههههههه حمد
وطلعت عشر الاف وعطتها لها :-شوفي شغلك
وراحت ساره ...
قالت حمده لصديقتها :-شرايك
صديقتها :-هههههههههههههه مخفه تدفع عشرين الف بس عشان الغيره
حمده :-تعرفين ساره مريضه نفسيا
صديقتها :-بتسوين الي تبي
حمده :-اكيد صح انها مريضه نفسيا ولكن ينخاف منها وحنا مو قدها
وناظرت دانه من بعيد وقالت وهي تقزها :-ولو انه حرام هالوجه الي مثل القمر يتشوه
صديقتها :-ههههههههههههههههههه كل شي عشان the money يهون
حمده :-هههههههههههههههههههههه صدقتي
صديقتها :-متى طيب
حمده :-انا شيكت على جدول محاضراتها عندها يوم الاربعاء محاضره وحده صباحا نقدر نمسكها لاطلعت من القاعه ونشوف شغلنا
صديقتها :-تمام الوعد اخر الاسبوع
×

وقفت هنادي :-يالله دندون جاء السواق بطلع لا تنتحر منال
دانه :-هههههههههههههههههههه خذيني معك اكيد سواقي جا
هنادي :-يالله مشينا ..
طلعت دانه مع هنادي وشافت راكان واقف ينتظرها جنب سيارته بالمكان الي تعودت يوقف سواقها فيه
راكان :-ياهلا وغلا
ابتسمت وكانت بتشقق من الوناسه :-راكان بن عبدالرحمن بجلالة قدره جاي ياخذني
راكان :- هههههههههههههههههههههههههههههه كم دانه عندي ماعندي الا وحده
وركبوا السياره ....
ماشغل راكان سيارته وكان يناظر قدام مصدوم
دانه بخوف :-راكان علامك
راكان :-مو ذي سيارة عمي حمد
دانه :-ايه
ناظرها راكان :-وش السالفه
دانه :-حبيبي خلنا نمشي واعلمك بالطريق بكل شي
وفي الطريق علمته بكل شي ..
راكان بينجن :-عز الله مو صاحيه بنت عمي
دانه :-متخلفه ماعليك منها
راكان :-شلون شعلي منها هذي مجنونه وماتخاف الله
قالت بعناد :-راكان انت الي اصريت علي اكمل هالترم واتخرج
راكان :-وانا مازلت مصر للان وساره دبرتها عندي
التفتت دانه يمه:-وش بتسوي
راكان (كان يفكر ويفكر بما انه يعرف طبع ساره المريض ) :-بجيب ثنتيت يحرسنك لين تخلصين
انهبلت دانه :-سايبه الدعوه راكان ترانا بالسعوديه كيف تجيب لي ثنتين يحرسني ممنوع
رفع حاجب :-ماعليك من هالشي من بكره بيكون معاك ثنتين يحرسنك
دانه :-حبيبي مستحيل امشي في الجامعه ومعي حرس ما احب المظاهر
ابتسم :-مو مشكله بيكونن معك من بعيد لبعيد
دانه :-بس---------------------
قاطعها :-الاحتياط واجب وكلها كم شهر وتتخرجين
عرفت دانه ان راكان مصر على رايه والاعتراض ماراح يجيب نتيجه معه يمكن حتى كلامه ريحها من الخوف الي تحرك بصدرها من وعيد ساره ..
قالت بتغير الموضوع :-قلي ياقلبي كيف قدرت تترك شغلك وتجيني
ابتسم :-افا عشان دندونتي مافيه مستحيل
دانه بتشقق من الوناسه :-ههههههههههههه طيب علمني كيف قدرت تخالف مبادءك وتجيني هالحزه الي المفروض انك فيها بالشغل
غمز لها :-ببساطه اجلت موعد استراحة الغداء لموعد طلعتك من الجامعه يعني صرت اقدر اطلع واجيبك بنفسي من الجامعه ونتغدى سوى
يلومونها يوم تحبه ... حتى كلمة تحبه في حقه قليله ماتوفي ...
كمل يسالها :-هاه غير النكد بشوفة سوير كيف كان يومك
كيف ينتشلها من حالة الاحباط والزعل .. لعالم بس تضحك وتستانس فيه حتى اصعب الامور دايم يهونها عليها ...
ضيقتها في الي صار لاختها الماس ... كان دايم هو واقف معها وما احتاجت في يوم لاحد كثره .. ولا فضفضت وارتاحت لاحد مثله ..وجوده اغناها عن الكل وخلاها في حالة اكتفاء ...
في حالات الاحباط...في حالات الالم ... في حالات الحزن والاه...
من يشفيها ويفرح قلبها غيره....
12 سنه تفصل بينهم ... لكن عمر طول المسافات مابعد بين القلوب العاشقـــــه
كان قبل كل شي ..نعم الاخ والصديق .. حكمته وخبرته تلاقن مع خبرتها رغم صغر سنها ..
ماساه وصدمه وخيانه مزدوجــــــــــــه .. مصايب ضربت حياة كل واحد منهم قبل لايلتقون ..
رب ضرة (ن) نافعه وحكمة الله في زواجاتهم الاولى .. كانوا نصفين كل واحد يكمل الثاني باطباعه ومواصفاته واخلاقه ..
ابتسمت وقالت :-ههههههههههههههه غير النكد وغير الحر الي يخنق كل شي تمام التمام ..
ابتسم راكان :-الحمد لله ..
×

>>>>>>>>> في شركة راكان
قال محمد لراكان :-ابو فيصل
رفع راكان راسه عن شاشة الكومبيوتر :-نعم
محمد :-باخذ شورك في موضوع
راكان :-تفضل
محمد :-انا نويت اعرس
انصدم راكان :-هههههههههههههههه جد ولا مقلب
محمد :-هههههههههههههههههههه جد جد مو مقلب
راكان مصدوم :-غريبه لك سنين وانت رافض تتزوج
محمد :-من عاشر القوم
راكان :-ههههههههههههههههههههههههههه على الاقل انا جربت حظي وتزوجت خابت بالاوله وصابت بالثانيه
محمد :-الله يسعدك دوم
راكان :-تسلم من سعيدة الحظ
ابتسم محمد :-هنادي بنت ناصر بن سبع
انصدم راكان زود :-ههههههههههههههههههههههه والله وما انت بهين يا محمد بنت عم مدامتي
محمد :-هههههههههههههههههههههههههه ايه بنت عمها
راكان :-طيب وش تنتظر توكل على ربك والله بنات هالعايله بنات رجال والي ياخذ منهن ماهو بخسران
محمد :-ناوي ان شاء الله وخصوصا اني خليت الوالده تسوي تحريات عنها والبنت ماهي لاحد للان
راكان :-موفق ان شاء الله
محمد :-تسلم الوالده منتكسه صحتها شوي لاتعافت خطبتها
راكان :-على بركة الله
×

><بيت ابو احمد><
دخل طلال بيت ابوه الي يكرهه بسبب فعايل امه .. لكن ابوه في اجازه ومايقدر يكلمه الا هنا ..
صحيح انه له كم اسبوع من يوم ماطلع من المستشفى لكنه للان باقيه فيه اثار الحادث ورجوع نظره له مره ثانيه ..
دخل داخل وحسب ساعته ..اكيد ابوه موجود هنا واحسن مافي وقت جيته انه بين الصلاتين المغرب والعشاء يعني يقدر يتحجج بالصلاه ولاطلع يصلي مايرجع مره ثانيه هنا ، سبحان الله كيف ان هالبيت الي ضم سنين طفولته وحياته مصدر حزن وضيق له .. حتى ذكرى جدته الغاليه ماخففت من كرهه المتزايد لهالمكان ...
لقى ابوه وامه يتقهوون بالصاله ..
طلال :-السلام عليكم
الكل :-وعليكم
ابوه :-وينك يبه ماتنشاف
ابتسم طلال بعد ماحب على راس ابوه :-يبه مو انا مارك بالشركه قبل يومين
ابوه :-الشركه غير وبيت ابوك غير كلكم رحتوا وتركتوني احمد ورنا تزوجوا وناصر سافر لتبوك يشتغل
دخلت نوف :-وانا يبه مالي رب
ابوها كان معصب للان منها وخصوصا ان لها عنده قرابة الشهر ونص :-الي تعصي زوجها ماهي ببنتي
قالت بقوه :-ماعصيته
عصب ابوها:-اجل اشرحيلي ليش جابك هنا وانتي مالك اسبوعين من يوم ماتزوجتي
نوف بوقاحه :-ورى ماسالته
عصب طلال :-انتي مافي وجهك حيا تردين على ابوك بوقاحه
ام احمد كان الغيض يكمدها لكنها خايفه من زوجها لاتكلمت يطلقها طلاق نهائي عشان كذا سكتت ..
نوف قالت وهي تحقره :-انت مالك دخل
صرخ ابوها فيها :-انقلعي غرفتك لا اشوف وجهك
وطلعت بسرعة الصاروخ ...
شوي الا وامها وراها ...
ابو احمد :-ذلفة مردي
اكتئب طلال لان جيته ضاعت بسبب نوف الي عكننت مزاج ابوه
قال ابوه :-الله يحرق دمها من بنت
طلال بحنيه :-هد اعصابك يبه صحتك بالدنيا
ابوه :-الله يرضى عليك يبه ...
سكت طلال وهو يتحسر على خيبت مجيته لابوه .. بينما ابوه كان يمعن نظره فيه ..
ةابتسم ابوه :-بغيت شي يبه حاس ان عندك كلام ودك تقوله
ابتسم طلال :-احساسك بمحله يبه بس انت الحين متنكد وزعلان اخليها يوم ثاني
ابوه :-لا قل الي عندك والله ما يزين خاطري الا علومك انت واخوانك وحبيبة قلبي رنوي والا نويف نسخة من امك بلاني الله بها
سكت طلال شوي وقال :-يبه انا نويت اعرس وابيك تخطب لي
انشرح صدر ابو احمد :-يوم المنى يبه بس انت ناسي ان اخوك ناصر ماتزوج للحين وهو اكبر منك
طلال :-يبه ناصر الحين همه في عمله وشغله موضوع الزواج ماهو في راسه والا انا مستقر في عملي من زمان وقادر افتح لي بيت واكون عايله وبصراحه خايف البنت الي ابيها تروح من يدي
ابوه :-هههههههههههههههههههه مستعجل
طلال :-هههههههههه ايه بزود
انتبه ابوه لشي رغم صغره الا انه كبر قلبه وملاه بالفرح والسرور:-انت قايل لاخوك ناصر قبل لاتقول لي
انحرج طلال وخاف ابوه يزعل ..
ابوه :-الله يرحم تراب امي الي ربتكم على التواصل والتراحم خلاص يبه مدام اخوك ماعند مانع انا بعد ماعندي مانع من البنت الي تبيها
طلال :-منال بنت عمي ناصر
تهلل وجه ابوه :-ونعم الاختيار منى عيني تاخذون من بنات عمانكم وربي حقق لي امنيتي بس هنادي
طلال :-شفيها
ابوه :-مايصير تتزوج اختها الي اصغر منها قبلها ورى ماتتزوجها عماركم متقاربه
طلال :-لا يبه انا ابي منال ولاّ هنادي ماعليها قصور اهم شي املك على منال ولا اخطبها بس وننتظر هنادي لين تتزوج مو مشكله ..
ابوه :- ونعم الشور الحين ادق على عمك ابو خالد وبكره نروح نخطبها لك
حب طلال على راسه :-الله لايحرمنا منك يبه
ابوه :-بالتوفيق ياولدي
ووقف...:-يالله يبه الصلاه مابقي عليها شي وتقام خلنا نمشي للمسجد وقف طلال ومشى معه
*
*
في غرفة نوف
قالت بعصبيه :-يالله يمه واضحه وضوح الشمس ابوي يكرهني
امها :-كلام فاضي مافيه ابو يكره عياله
نوف (تستهزء) :-لاتقولين لي مافيه ام تكره عيالها لانها نصبه
فهمت امها قصدها وارتبكت :-لا مو نصبه بس اخوانك غير
نوف :-هه وش مميزهم
امها بحقد :-لما تزوجت ابوك وجبت اخوانك الكبار كنت مادبر شي في البيت ولا الامومه والصراحه ماكنت ابي عيال ماحس باي شي يحثني اجيبهم يمكن لاني تزوجت ابوك لانه ولد عمي والا انا مابيه
انصدمت نوف .. كملت امها :-المهم كلن كان داري ومحد حبني واصلا ماهموني لكن لما ابوك شاف قلة اهتمامي باخوانك بنى لنا بيت جنب بيت جدتك وخلاها تربي اخوانك وصاروا معتبرينها امهم اكثر مني ولما ماتت كان احمد مراهق واخوانك يطيعونه ويحبونه وكانوا مايطيقوني بعيشة الله لدرجة ان احمد جلس ببيت جدتك لين باعوه عمانك لان موقعه كان على شارع والبلديه تبي تهدمه .. حتى ان احمد جلس زعلان كم شهر بعد هدم البيت واخوانك مثله لارضى رضوا ولازعل زعلوا .. وكبروا كذا ..

يتبع ,,,,
👇👇👇
أحدث أقدم