بداية

رواية خبيني -8

رواية خبيني - غرام

رواية خبيني -8

بس لأنهم غالين على قلبها , وودها تساعدهم لانها حاسه بمعاناتهم , بس ماهي عارفه تتصرف على جهل ..
لما يأست قررت تتصل على بدور اللي كنها كانت ضايعه تنتظر احد يوصلها بر الأمان ..
هديل بنبره حزينه وهي تدور في الغرفة : وين اخبّيج يابدور هاه
سكتت شوي : مدري !
 تنهدت : بدور ! اسمعيني
 : نعم !
 : انا بشر زيي زيكم , و الله اتعب , لاتخلوني في الظلام ماني فاهمه شي , كيف اقدر اساعدكم وانا مادري شتبون
: يكفي وجودج بس
: طيب بدور لاحد يطلبني اخبيه عن احد , حرام عليكم انتي ونواف انا قصيره ونحيفه ماعندي مكان لأحد اخبيه , تعبت وربي
...... : فضا ياهديل
..... : وشو اللي فضا ؟
...... : قلبج فضا ماله حدود يكفي الناس كلهم !
....... : وفضى , فضى من الصبر والتحمل ....!
......... : ...............
تنهدت هديل : آسفه بدور قولي شفيج يللا فضفضي ....!!

ام نواف : ولدي يبيها يااختي لاتحرمينهم من بعض
ام بدور : ماقلنا شي اذا موافقه بكيفها وبالعكس بنفرح لهم , بس و الله انا شاكه ان بينهم شي
..... ابتسمت ام نواف : قلت لج يحبون بعض
...... : كذا عاد؟ كذا الحب يسوي ؟
...... : و الله مدري عنهم , جيل هالايام بينتحرون من الحب مادري على ايش .. , شوفي خليج معاي , بدور من رجع نواف وتعب طاحت علينا بالعزا , ونواف من يومها وكل يوم يتعب , وش معناه هذا ؟
عصبت ام بدور : انتي عارفه البنت يتيمة , يعني من ناحيتي انا ماعندي مانع , انا بكلمها .. والله يقلع الحب ان كانه يسوي فيهم كذا , خلهم يتزوجون ويريحون انفسهم .. مو معقوله اللي يصير فيهم .. لو دارين كان من زمان زوجناهم ولا هالمصايب ....هذا اللي ناقصنا يسوون لنا افلام بعد
حطت ام نواف يدها على كتف اختها : معليه , طولي بالج
قامت ام بدور بتكلم بنتها في الموضوع .. فرحانه بنواف وتحبه واكيد ودها بولد اختها لبنتها , بس بنفس الوقت ماهي مطمنه , ومقهورة منهم ليه مخبين اشياء عن بعض , اولها سالفة خالهم اللي للحين ماتأكدو منها

بنفس الوقت .. فلا 14
محسن جالس ويدينه بحضنه , ويأشر بذقنه على الاكل : إش هآدا؟
ماجد بابتسامه : سليق , شفيك ماتاكل
محسن هز راسه : لا شكلو بالمرّه يخوف
........ : خخخخخخخخ استغفر ربك واكل وانت ساكت و الله طعمه لذيذ , ولا يعني تبي تزعل الوالدة ماتاكل من طبخها
محسن قام : لا مابغى مابغى , ما أعرف انتو ايش تاكلو , ابغى اروح ماكدونالدز
....... : اقول انرزع في مكانك وأكل وانت ساكت الشرهه على اللي يعزمك
........ استحى محسن ومد يده يحوس في الصحن:طيب .. هوّا فيه رز وكمان إيش ؟
......... : ماني قايل لك ذوقه اول
مد محسن ملعقته واكل وكنّه متخوف , فتكلم ماجد : لا صج محسن انا سئلتك في شي معين ودك تاكله وانت قلت أي شي ..
...... : ماكنت عارف انكم تاكلو اشياء زي كذا
...... : اجل شناكل؟
...... رفع كتوفه : .........
ضحك ماجد : ترا ناكل فوتشيني وباستا ورز صيني واشياء حركات , بس الوالدة متوصيه فيك تقول عشان يشبع ويتغذى ومدري وش , ها كيف حلو طعمه
محسن تقبّل الأكل :اها , طِــعِـم

في جالسه بغرفتها والباب مفتوح .. طق منصور الباب بس مانتبهت ,, عيونها على اللاب تب
منصور اول ماشافها ارتاع .. : في ! شفيج ليه تصيحين
في انتبهت له وغطت وجهها وضحكت علطوول
منصور قرب لها بخوف : في شفيج
في مسحت دموعها بظهر كفها واشرت ع اللاب توب : فواز !
....... : شفيه ؟
..... : كسر خاطري
منصور طالعها ورجع يطالع الشاشه وانفجر ضحك : هههههههههههه خببببببببله ههههههههههههههههههههههههههه
....... : منصوووور لاتضحك لوووسمحت
........ : ليش ما اضحك ؟ ههههههههههههههههههههههههههه مو قادر اصلا ههههههههههههههههههه
يعني الحين انتي اللي قاعده تكتبين ليه تكتبين اشياء تكسر خاطرج وتخلّيج ههههههههههههههههههههههه تصيحين ههههههههههههههههههههههه
فيّ بوزت : مادري احاول اوصف المواقف بدقه عشان يعيشونها ويحسون فيه
....... : يحسون بمين ؟
........ : فواااااز
........... : ههههههههههههههههههههههههههههههه
قامت في من على الكرسي وضربته من كتفه بخفيف , إلا على دخلة مشاري اللي قال ويدينه بجيوبه : لاتتعبين نفسج وتضربين مايحس , اقول كتابي وينه ماخلصتي قرايته للحين؟
....... : اممممممممممم أي واحد
........ : حق العادات السبع ..
....... : اها , بلى خلصته نسيت احطه في غرفتك سوووووري و الله
....... : لا عادي .. بس هاتيه الحين عشان فاضي وبقراه ,,
منصور مو فاهم شي : عن وش الكتاب ذا ؟
مشاري وهو يركّي يده على خشبة سرير فيّ : كن مبادرا , ابدأ والنهايه في ذهنك , فكر بعقليه ,..
منصور عفس وجهه : بس بس جعلكم المانيب قايل على هالفلسفات اللي تقرونها
...... : فيّ شرايج في المقطع ...
منصور قاطعه : لا لا لحظه صبرو اطلع لاتعقّدوني , بلا بشكلكم على قولة صديق ماجد ..
فيّ ,, غالبا تقدر تلقى لها قاسم مشترك مع أي شخص حولها , وتكوّن علاقه حلوة , من مجرد تشابه الاهتمامات ..

فلا 15 ..
بدور تجمدت بمكانها وماقدرت تنطق غير : ليه ؟
ام بدور : شلون ليه , لاتقولين لي انتي ماتحبينه
سرحت بدور وتعلقت دمعه بعينها .. ليه تسوي كذا يانواف , محد طلب منك هالشي ليه تطلبه انت لييييييييه
راقبت امها ملامحها وانتبهت بدور .....
فنزلت يدها الناعمة من شعرها الطويل ونزلت دمعتين معاها
ام بدور : بعد كل هالدموع عشان نواف ؟ خلاص اخليج تفكرين بالموضوع .. (وتحلطمت وهي طالعه) مايبي لها تفكير بتقولين ايه .... مسحي دموعج بس ..
ليت الكل يعرف وش تخبي القلوب , كان محدن يقدر يخمّن وش اللي (بالضبط) فينا !

فلا 16 ..
فواز جالس في الصاله يقرا الجريده .. وديم مقابلته ماسكه الكتاب وتذاكر بصوت مسموع
فواز وهو يقلب صفحة الجريدة الكبيرة : ديم وطّي صوتج ...... فواز يقرا
ضحكت ديم :طيب سوري, خلاص بروح الغرفة
....... : لا ... خليج هنا ..... يمّي
ابتسمت ديم ومسكت قلمها تقرا بصوت واطي ,, وشوي دق التلفون ورفعه فواز : يــا ألو .. هلا بالنسيب
مشعل ضحك : خخخخخخخخخخخخ شدراك انه انا
........ضحك : ستيوبيد ماحد غيرك ,,, يدق بهالوقت ... مزعج
...... : المهم , فواز آي ام سو سوري و الله بس ابيك تساعدني بأشغال بالشركه احتاجهم ضروري بكره , وتوّهم يطلبونها مني ,,
...... : ابشر ,, الحين جايك
..... : تسلم و الله .. كلمت ابو محمد وابو سعود وان شا الله الحين جايين
طالع فواز الساعه المعلقه ع الجدار وقام واقف يترك الجريده على الكنبه : يلا ... جايك
...... : اسمع اسمع , جب مرتك مرتي تبيها , ابلشونا مايزهقون من بعض
...... : عيب تقول كذا .. خلني أوصل ... تشوف شغلك ...
....... : خخخخخخخخخخخخخخخخخخخخخخ
سكر فواز ومسك ديم من يدها : يللا قومي بروح لمشعل ,,,, تبي تروحين لفدوى ... ولا بتذاكرين ؟
...... : لا لا ابي ارووووح ... الامتحان مو بكره
...... : يلا سريع
دخلو الغرفة على استعجال .. فواز سحب الثوب ودخل راسه فيه ووقف , رفع رقبته يسكر ازراره , ديم وقفت تراقبه ,..
جا ببالها "ياويلي حسيته شخص مهم يحتاجونه , شف كيف يلبس ثوبه ويطالع الساعه بعيونه العسلية الكبيرة , يجنننن فديته "
نطت ديم سحبت جوالها ووقفت تصوره , اول مانتبه لها ضحك : هههههههه .... شفيج
........ : لا ويضحك بعد يااااويلي , دقيقة لاتوقف عادي بصورك وانت تسكر ثوبك شكلللللك يجنننن
صورته ديم وهو ماسك ضحكته رافع حاجب وتركت الجوال وراحت له مسكت وجهه وباست خده كنه بزر : فديتك وربي انك تجنن ,,
فواز ضحك وضاع الكلام منه , وانحرج فسكت : .........................
ديم حست انها احرجته : ههههههههههههههههههههههههه شفيييييك
فواز مد يده حاس شعرها بحركة سريعة : زين لاتحطين الصورة .. خلفيه ,, يضحكون البنات عليج
....... بعناد : إلا بحطها واذا احد سأل مين اللي في الصورة بقول زوجي وحبيب قلبي عادي
فواز قرب لها وابتسم : طيب ... مين اللي في الصورة ؟
ديم ضحكت وطاح وجهها وراحت للدولاب : ههههههههههههه بروح ابدل
سحبت ديم اول قطعتين من الدولاب , تي شيرت ابيض وفوق شيال جنز برمودا , معطيها شكل بسيط وكيوت حيل , رتبت شعرها اللي وصل لكتوفها بيدها , وخلته طايح من قدام على وجهها ..
...... : بتروحين كذا ؟
...... : اها , ليه مو حلو ؟
ابتسم : حلو ... وكيوت .... و انتي تحلّينه
ديم بثقه رفعت خشمها : شكرا ادري..
قرب فواز وشالها بخفه خلتها تتفاجأ وتصرخ صرخه خفيفه , فضربته على صدره بخفيف
فواز ضحك : آي ... قلبي !
ديم عفست وجهها : نعم ... بغيت شي ..
...... : يس , ابي تقولين لي , منو اللي صورتيه قبل شوي ... ؟
...... : واحد اسمه فواز !
......... عصب : لأ .... قولي زي قبل شوي
...... مدت ديم يدها لازراره تلعب فيهم : لاتعصب ..كذا استحي اقولها وانت تطالعني بعيونك
نزلها فواز : اقول ,, لبسي لبسي عباتج .. لو عاندتي زياده مارح نطلع اليوم !
...... : هههههههههههه
مر الوقت بسرعه على الكل لين صارت الساعه عشر ونص من غير ماحد يحس ..

عند الشركة , مشعل انتبه للبواب العجوز اللي جالس في مكانه مامشى , فقرب له بشويش
مشعل بحنيه : بو صالح ؟
رفع ابو صالح راسه : هلا عمّي مشعل
مشعل ابتسم : ياعمّ اسمي مشعل وبس
........ : ياولدي انت المدير
....... حط مشعل يده على كتف بو صالح : وانت الكبير , شللي مجلسك هنا ياعمّي الساعه عشر ونص صارت
ابتسم ابو صالح : الحين انا ماشي
رد له مشعل الابتسامه وعلطول تربع جمبه على الارض : قول لي طيب ليه كنت جالس للحين
فز ابو صالح واقف يأشر على الكرسي : قم ياولدي يتوصخ ثوبك , تعال اقعد على الكرسي
مشعل ضحك : اجلس اجلس عادي مرتاح كذا , ممكن تقول لي شقصتك
سكت ابو صالح فترة طويلة خلت مشعل يتأمل وجهه , فجأه فز مشعل قايم واقف لما بدا ابو صالح يصيح : شفيك ياعمّي ليه تسوي بنفسك كذا , احد ضرك بشي ؟
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -