رواية سعوديات بعروق ايطاليا -12


رواية سعوديات بعروق ايطاليا -12


رواية سعوديات بعروق ايطاليا -12

الهنوف : وش فيكم مستغربين يا مشفح والله عادي ترانا مسلمات ترى << ياكثر ماتردد ترى خخ

قطع عليهم

دخول صوفيا اللي كانت لابسة فستان سماوي قصير وعليه بوليرو اوف وايت ... وقاصه شعرها قصير ومعها صينية بقلاوة من "سعد الدين" يم يم يم

" كل عــــــــــام وانــــتم بخير "

الجميع : وانتِ بخير ......

تغريد : صوفيا ترى الناس تبوس بعض وتصافح بعض بيوم العيد ههههههه وانت كلمتين وشكلهم بالغصب ...

صوفيا : ذا اانتم يالسعوديين لازم تسوون فيها شيء تقليدي << ودي اصفقها خخ

ريم : مااقوم اتمردغ فيك انتِ خير وانت ايش لا يكون على بالك مغربية زي امك بس

صوفيا : لاااا انا سعودية بس بطباع غربية ههههههههههه

إبتهال : اتعب انا يا سجع خخخخخ وبعدين لاحظوا يا صبايا غربية بعد مو مغربية حطوا تحتها 3 خطوط

صوفيا ناظرت ود : مبروك الزواج ود تستاهلي كل خير

تغريد : توك تباركين لااختك ياكبرها ، حتى اميرة بعد فرحها مع ود تدرين

صوفيا : أي ادري ياتفهكم ليش توافقون تأخذون من هنا تقليديين كلهم...

ود بنعومة : هههههه كل شيء تقليدي عندك

إبتهال : ههههههه وانت وش محرق رزك ود لايكون بدا الشوق يهزك لسعودي هانت مابقى إلا 3 ايام و تعرسين تفارقين عنا احلى ياثقل هههههه

ود اخذت كرتون منديل وشاتته على إبتهال وقالت لها : لا يا قلبي صدقيني مو مثل شوقك لبدير

إبتهال : يؤ يؤ لا مو بدير بدر هههههههه

ريم : إبتهال الله يعينك على حماتك ام بدر

تغريد بسخرية : لا تخافين اذا اخذته بكره تشقلب ابوه وامه بعد شوفي زينة يوم اخذت بندر طار فيها ياحرام والله ياهو يموت فيها يقولون اخواني انه مره يمكن حتى يشهق باسمها من غلاها ههههههه

الهنوف : ما ينلام صراحه تجنن حلوه بطابع غربي ملامحها ايطالية جمالها فظيع

ود: أي تأثرت فيهم حتى طبعهم اخذته ماتسأل ولا شي هههههه

صوفيا : وععععع زينة حلوه ماعندكم ذوووق بس حظها عامر عليها حظ انما ايه ...

تغريد : الله يزرقنا بحظ زي حظ زينة هههههههه ( وماخفي كان أعظم ياحرام يا زينة بس )

صوفيا : إلا بسألكم مين زوجها أي ويحد من عيال عمنا ..؟

تغريد تتمسخر: ابد ماتدرين يعني وبعدين حلوة ويحد ههههه قلبتِ لبنانية الحين

ريم بحماس : لا تغلطين تغريد جدتها لبنانية كانها صادقة خخخخخخخ إلا من جد ما تدرين من زوج زينة ؟

ود : لا تراها ماحولك احد دجه ماتعرف احد ههههههههه

ريم : بندر ...

صوفيا : مين بندر ولد أي عم فيهم ..؟

تغريد : اقول آهااا عاد طولتيهاا

الهنوف قامت من مكانها بحماس تتكلم : ولد عمي فهد بندر ذاك الحلو المزيون الطويل الاطخم الايطالي ياليت فيه بالعائلة مثله 2 على الاقل

ريم : وش 2 كثري الطلب ولاعليك امر ههههههه

تغريد : ياربي لك الحمد مهبل خواتي والله خخخخخ المشكلة ماحكي غير البزران والله دنيا هههه

ريم تنظف اذنها : عفوا ماسمعت وش تفضلتِ عصاقيل خانوم ..

صوفيا بصوت عالي : ااهاااااااااااااا ايه ايه افتكرت واااااااااو يجنن صراحه شيء من جد رزة استغربت انه من هنا اول ما شفته

إبتهال: يلااااااا ا عاد انتِ واياهااا زوج اخت ابوناااااااا استحن على وجيهكن عمتنا ذي

البنات : هههههههههههه

صوفيا : بس بجد خساره عليها

طلعوا الصبايا بعد وصول داليا و اميرة و شخصوا عند الحريم شويات وانواع التعليق

ريم : هنيف عدلي جلستك خليك رزة ترى أم خلف تقزك من قبل شوي

داليا : ههههههههه كفوها والله حدها الفقر تدرين رامي يقولي عمتي الهنوف وجه فقر بس تحب الفقراء تحب يحيى لانه فقير وحتى عمر ماحبته إلا يوم صار فقير ..والحين حبت عمار لانه فقير ههههههه ( طبعا يظهر هنا تاثير المسلسلات التركية وبقوه )

الهنوف : اولا رامي مدمغ ذا شغله عندي بس خليني اشوفه ابو دماغ ذا وبعدين لو اعنس طول عمري مستحيل اخذ ولد ذي ام عوينات اللي تخصصها بس قز

داليا : وليش يا انجلينا جولي اخاف بس خايفه على مشاعري انا وهالهبله

ريم : هههههه ياقلبي ياختي مسموحه ترى

قطع عليهم تهديد تغريد : يعني مستحيل تجاملون و تحترمون نفسكم خمس دقايق على الاقل بعدين اتقوا الله قطعتوا الحريم وحده وحده ..

داليا : وش عندها سماحة الشيخه؟

الهنوف : بشري بس عساك ألتزمتِ

تغريد تضغط على اسنانها : الحمدلله والشكر يعني تتريقون على المشايخ ياللي ما تستحون بس مقيولة ناظر وجه العنز واحلب لبن ..

ريم شهقت ...الجميع انتبه طبعا ... وتعالوا شوفوا وجه ريم خخخخ ازرق احمر اخضر

إبتهال اللي طاقتها حنك مع نورة التفت لهم و البسمة شاقه الكشة

ريم شافت نظرة من امها شقلبت لها توزانها

ريم : ياويلي ياويلي امي عطتني نظرتها اللي يعني ترى بيصير شيء صافرة الانذار

داليا : وانا بعد هاه النحشه بس ...

الهنوف : وين الباب احس اني ضيعته ..بس مشكلة افرضي قمنا اكيد بيقولون وين بتطلعون مين اللي ترد انا لا يمكن بريستيجي يسمح لي اتكلم عند ام خلف خخخخ اخاف تهون بسس

داليا لمحت ام خلف و كتمت الضحكه : ههههه مسرع غيرتِ رأيك ..

الهنوف : هههههه ايه والله ما هانت علي ايام يوم اني امسك ولدها واصفقه وافحط بسيكله كان حجرف يمسكه يعطيه كم كف وانا استغل الفرصه واخذ السيكل

ريم : ماشاءالله مسويه فرد عضلات انت والاطخم حجرف عند المسيكين ...

داليا : بنات يالله نبي نطلع متحمل جلسة الحريم بالله اسمعوا فلانه ولدت وفلانه بتعرس

الهنوف : هههههه ناويات علي بيسببون لي إنهيار ...اللي نجلاء بتعرس ياووك بس

داليا : أي والله المبزرة كلهم تزوجوا ... اووما نجلاء ذي اذكرها بالمدرسه هي والجدار واحد

الهنوف : ههههه حرام عليك بس البنت متغيره انا من يوم شفت الشوشه انصبغت اورانج قلت بتعرس

داليا : ههههههههه حلووة بس غريبة توها صغيره

ريم بعصبية : هيييه انتِ واياها يالله طلعنا.

وقفوا ثلاثتهم بيطلعون ... تغريد تناظرهم

الهنوف ناظرتها : مافيه مافيه احس انك تشاورين عمرك بتروحين معنا

تغريد كتمت الضحكة بس ما قدرت وفقعت ضحك

الهنوف تناظر البنات : اختي انهبلت والله

داليا شهقت بقوه : الله يفضح عدوك انتِ وفستانك ذا قلنا لك ضيق ضيق يابنت و تكرنتِ إلا وتأخذينه

الهنوف : خييييييييير

ريم ضغطت على اسنانها وسحبت الهنوف : يالله حنا شويات وبنرجع

داليا كاتمة الضحكه ووراهم طالعه برباشة غير طبيعيه ...

الهنوف : عمى انتِ وهي وش بلاكم تتضحكون

ريم + داليا فاطسات ضحك بشكل غير طبيعي .. داليا يدها على بطنها و تضحك بقوه

الهنوف بعصبية : ارحمي الكعب ياورع ...بينكسر ترى

ريم : احلفي بسسس ....( وفقعت ضحك)

الهنوف تكرنت بقوه خمتها ام العبيد : جعلك تطيحين انت وهي بالسوق و تنكشف عبايتك و يتسلط عليك اقوى مطوع ياااارب

داليا : استغفر الله يارب ... وش نقول ياختي مشكلة الثقه قايلة لك جسمك مايأهلك تلبسن كذا ناظري الازراير اللي خقينا عليها و اخذيتها انشقت وراحت بخبر كان

الهنوف ناظرت لصدرها و شهقت : يؤ يؤ يمه وشذا ,,,,,,( الصيحه وصلت معها) ( انفتح الفستان من فوق ونظرات امها عشان كذا بس هي فهمتها عشان الضحك صدق اللي على راسه بطحاء )

ريم + داليا : فقعوا ضحك ...

الهنوف : ياخزيييييييييييياه وانا داخله اشوف الناس حشرات من كشختي ياخززززياااه بسس

ريم : يابنت الحلال ذي عين ام خلف الحمدلله سليمة

داليا : أي والله من تو تحشين بالحرمه شفتِ كيف ربي عاقبك

الهنوف : احلفي بس انتِ واياها ..على اساس انت وذالرمه ماحشيتوا معي

ريم : ياحرام اجل غيرانه رمه مرره وحده ههههه

طلعوا البنات يقلبون رووسهم ...

ريم : ياليل الحين من وين لنا ابره الحين

الهنوف : لا ياشيخه تكلفتِ صراحه تبيني انا اخيط فستاني اللي نفسك تقوطر عليه انت واياها

داليا : اميرة خياطة تقدر هالحركات بروح اناديها

الهنوف : وانا بدور ابره ...انشدي أي وحده من البنات يا دالي وانت رايحه

داليا : اخاف شغالة ابوك بس

الهنوف : ياليل البزران ياختي مدرعمه مدرعمه انتِ يعني ليش النذاله

داليا راحت تنادي اميره اللي طلعت ومعها كل القروب ( إبتهال + تغريد + صوفيا + ود)



نورة و ووردة جالسات عند العجايز بإمتعاض مبين على ملامحهم

بينما الهنوف تجر الخطى في المطبخ وشافت كم هائل من الشغالات جالسات

الهنوف : الله لا يسخط علينا استغفر الله كل ذالخدم عندنا ...يارب يارب ارحم ابوي واعمامي بس

داليا : وش فيك تلوحسين هههه ابشرك قروب حزب الله طلعوا

الهنوف ما زالت تقز الشغالات : بالله ناظري هالكم الهائل من الجالية الإندونيسية

داليا : هههههههه ماشاءالله كم وحده بعدهن إلا هنيف لا تفوتك شغالة نورة شوفي كاشخه بتنورة ابتهال سابقا خخخخخخ

الهنوف : هاتي هاتي بصورها عشان اوريها ابتهالووووه ذي اللي مسويه ذويقه

داليا : هههههههه وإلا مريما ذا غثتني كل ماتشوفني تقول اذا صغر لبسك عطيني اياه

الهنوف : لا ياللي ما تستحي بقول لامي عشان تأدبها اجل تشحذ لبس يامال الفقر

داليا : ههههههه يختي الاجر فيهم

الهنوف : اقول انا اذا ظليت معك مانيب متسنعه .....هيه أنتِ ايميليا ,,انت يالشيخه ...

ايميليا بإمتعاض : ايس يبقى ...

الهنوف : يمه يمه خير انت مانيب اطر منك ...

داليا : متكبرة ذي يختي ارطني انقلش معها و تجيك على احسن مايكون

الهنوف : الحين الانقلش ما تعلمته عشان اطور نفسي بتعلمه عشان احاكي ام خشم افنس ذي

داليا : تبين اقولها..... انا اقول بس و شتبين منها

الهنوف تكشش علي ريم : ماقول غير كش لا وربي ماحلا مسويه يعني ان معي لغه هاه تلايطي بس ..

مريماااااااااااا مريماااا

مريما : نعم

الهنوف : فيه ابره ؟

مريما عقدت النون : ابره

الهنوف : لا قلم ... ايه ابره شفتِ او لا بإختصار بلا كثرة هذره

مريما : والله انا مافي سوف ابره ليس استراحه في ابراه مافيه

الهنوف قاطعتها : عاد من يجمعها ذي الحين خلاااص تلايطي .....دقي على " داوود" قولي له يروح يجيب ابره ..

مريما : والله داوود فيه شغل كتير

الهنوف : احلفي بس اقولك دقي عليه لاام تخمني ام التكرن واحوسك انت وذالخمه كلها

ريم دخلت : بنات ابشركم لقينا ابره تعالوا بسسسس

الهنوف بنظرة تهديد : مشغول اجل

داليا : يالله بس خلصينا اخاف تجي ام خلف وتشوف شقة هالصدر و تغير رايها بسسسس هههه

الهنوف : لا مئــدرشي مئـتردشي يامقرمه

داليا فطست ضحك ....

تغريد : ياغبيه انتِ ليش فجيت الصدر كل هالقد

الهنوف : بخرب سوق هيفاء وهبي

اميره : هههههه ياقلبي رحمتك والله يوم سحبتك الخبله ريمووت

الهنوف : آخ بس مشكلة المزيونه تجيها عين ماتشاور دايركتلي

اميره : هههههههه روحي بس غيري وهاتي الفستان خليني ارقع لك فيه

الهنوف : احلفي بس يعني انا البس بجامه وانتم مشخصات بلبس العيد ...

ريم : هههه من قالك البسي بجامه

الهنوف تقلد صوت ريم : لاني ماجبت غير بجامه بس

داليا : يا محلااااتك مشخصه ببجامه قدام ام خلف

ابتهال الرجه : خخخخخ حتى ذالمسكينه طلتوها محد يسلم من لسانكم

ريم : يمه يمه منها بس والله عويناتها تخوووف

تغريد : ذا وهي لابسه البرقع كيف لو تكشفه

الهنوف اللي كانت واقفه عند الباب بتطلع : انا مستغربه الحين عند رجال يوم انها لابسه البرقع عند الحريم تراها ههههه

اميرة : اقووول بسرعه بس ترى وقتي ثمين وعلى فكرة ترى كل شيء بحساب ياقلبه

الهنوف : نحن عائلة نموت على الفلس بس عاد فسقى و بطرى تخيلوا انهبلت يوم شفت الشغالات اكثر منا على كثرنا ماشاءالله ...

داليا : خخخ صح ابتهال ترى شغاله اختك نورة مشخصه بتنورتك التركواز هههه القصيرة على بنطولون جينز اسود تحت هههههه

ابتهال : وعسى ماغردتِ وقلتِ لها ذالحكي يافالحه ترى نفسها عزيزة وبعدين احترمي نفسك هالتنورة هدية من خالد اخوي جايبها لي من مصر

داليا : حرا م عليك والله كانها مربع له يدين و رجلين هههههه بس من جد شغالاتنا مترفات تعالوا نكرفهم !

ريم : شيخات مو بسيطات اووما ايميليا ذي ماهضمتها ابد ...

ود : عسى ماشر يالمخيسات ضاعت السوالف مالقينا غير الششغالات نحش فيهم

داليا : خخخخخخ بلاك ماشفتيهم اكثر من النمل يختي ..

رجعت الهنوف اللي لبست بجامه وردي وعليها صورة ميكي ماوس ...

البنات بصوت واحد اول ما دخلت : ايووووووووه

ريم تصفر : ياساحب عليهممم

الهنوف تمشي ومطنشه .... تغريد : لا احد يشوفك بس

الهنوف : هههه وش فيكم انا انسانه كول عادي ماهتم للمظاهر والدليل ان الاهبل ولد اخوي رامي شافني كذا

داليا : يؤ يؤ هههههههههه تلاقينه اعلن الخبر في كل الرياض وملحقاتها

ريم : تلاقينه الحين مشتغل معه خبر حصري عند العيال ههههههه

ابتهال تتمسخر : العيال اكبر همهم الهنوف وماتسوي ترى

الهنوف : اقوووول لا يكون المزيون مشرف بس والله مدري بس جو الرياض مغبر يع اشم ريحة غبرة اشك انه بالديرة

ابتهال : لا ياللي ما تستحيين بس ماراح ارد عليك لان هذا تأثير انفجاج فستانك اللي تهاوشت انت وذالهبلات عليه ..

الهنوف تذكرت و قربت عيونها لريم : ريموت لا تكون ذي عينك بس

داليا فقعت ضحك : ههههههههههه لا والله والله فاهمه غلط

طبعا قعدوا يسولفون ومعهم قدر يطقون فيه عشان يرقصون الهنوف لابد تهز حتى بالبجامة

اميرة استغرقت وقت ياقلبي تخيط وترقع الفستان ...

تغريد : بروح اجيب القهوة صوفيا وش فيك مالك حس

صوفيا الأي بود على اذنها : تحاكيني تغريد

تغريد : ههههههههه اقول من العايدين

صوفيا ابتسمت بسمة وضحت معالمها الجميلة : وانت بخير ( طقت جبهتها) عفوا اقصد من الفايزين

ضحكوا كلهم ....

الهنوف : اميرة ماصارت والله لو انه فستان عند ايلي صعب او عبد محفوظ امديه خلص

داليا : يعني اني اعرف ديزانيرز

الهنوف : رجاء مااحب احد يقط الفيس وذ مي ....وعلى فكرة ( التفت للبنات) فيه كثير شرذمه على بالهم يمونون وهم من جنبها

ابتهال : ياربي ياربي انتِ حكي العيال ذا من وين تطلعينه يمه يمه منك بس

داليا : بلاك ماشفتِ القروب اللي معها بالمدرسة تحسين انهم من عرابجة شيكاغو

ريم تصفر : ياهوووه يا شيكاغووو ادووخ انا اتعب على شيكاغوو بعدين اسمعي تغلطين على هنيف بيدينك ورجليك بس عاد تتطاولين على اروع قروب سوري اشجب هالحكي منك بنت عمو

تغريد : منتهيات مايمدينا والله هههههههه

اميره : واخيرا خلصت الحمدلله يالله عاد بشويش مو بدفاشه

ود : مالغبي غير اللي لبسهم فساتين والله حدهم جينزات على تي شيرت

الهنوف تنظف اذنها : عفوا ....ماسمعت ترى ...... ترى بكل سهولة يعني امسك جوالي واطلب سعود اخوي والباقي اعتقد تعرفينه ( بحقلت عيونها )

ود بدلع : اتحداك اذا سويتها اصلا سعودي بيطيح وجهك

الهنوف : ابوك يالولد تتحدين

ريم : وسيعة وجه اللي اعرفه ان البنات يتميلحون عن خوات رجالهم وهالطيبة ضامنه سعووودوه حاطته بالجيب

داليا : هييييييه عاد لا تتطاولون على بنت عمي لا اسنع لك لسانك انت وهي

ريم : هنيف وش يقول الورع ذا بالله ..؟

الهنوف : يزامر مدري وش قصة اهله ...

الجميع ضحك على خبـــــــــالهم طبعا ...

اميره : احم احم ابشرك خلاص تم الانتهاء بشكل نهائي

رفعت الفستـــــــــــــــــان ..قربت الهنـــــــــــــــــــــــوف بتاخذه بس

اميرة : خير وش فيه ذا عيا يطلع

الهنوف الصيحه واصله معها : وشو

الجميع انتبـــــــــه لـــــهم

اميره سحبت الفستان و شبك في الخداديه ..من زود الحرص وهي تخيط خاطت الخدادية اللي حاطتها عشان توقي يدها خخخخخخخ ( صدق هالموقف صار لنا بالعيد )

اميره بتعب و إنهاك : لاااااااااااااااااااااااااااااااااااااااااااااااا

الهنوف : فستاااااااااااااااااااااااااااااااني

تغريد اللي جابت القهوه << سنعه : وشو خير مين مات ؟

داليا و ريم فاقعات ضحك ... ود تتأمل بصمت ودها تضحك بس خاف من اميره و الهنوف ..

صوفيا في عالمها الخاص والبعيد ....

ريم دموعها طالعه من الضحك : اميرة .....ابرة ........ مع ذا

تغريد : اقولك لاقيتني انت وخشتك احكي عربي بسرعه ( نزلت الصينية )

داليا : اااااي يابطني مقدر مقدر ...ريم الحقي علي

ريم : ياعمري يالهنوف قايله لك ام خللللللللللف ذي ميب سهله

الهنوف فيها صيحه : ياربي ياربي كيف يعني مكتوب علي اعيد بذالبجامه

ابتهال : خيره خيره ماصار إلا كل خير

ريم: داليا تقول خيره هههههههههههههههه << بزران بجد

ابتهال سحبت ريم وقبصتها بخفيه ريم : أي خلاص بسكت

اميرة بحرج : سوري هنيف والله مدري بالغصب

الهنوف تكرنت وخمتها ام العبيد كتمت بقوه .. : يعني اعيد كذا

اميره : بزينه لك اصبري شويات والله والله راح افك ذالخداديه

الهنوف ماسكه الفستان : ناظري القماش راح القماش شيفون يعني مايتحمل

ريم : خسارة قيمته بس قال ايش قال نيو كولكشن

داليا : خلااااااااااااااااااص ريموت تلايطي

تغريد حطت الحلويات والشكولاتات والقهاوي وقعدوا يتفنجلون <<راعيات كيف

ود : هنيف خلاص عاد فكي هالعقدة اللي بجبهتك وذي اميره تحاول تسنعه

ريم : بس يبدو ان شكله...

ابتهال : كح كح احم فنجالك يا بنت

صوفيا بعد ماعرفت السالفه : طيب روحوا السوق اشتروا فستان جديد

الهنوف ناظرت ريم مباشرة : والله ميب شينة

ابتهال : احلفي بس لا احلفي وبقوة بعد من الفاضي اللي بيوديكم

ريم : السووايق مكثرمنهم

ابتهال : ذز از ماي فيس ان وصولك ياهبله ترانا الساعه 11 الصبح عارفه كيف

داليا : نجرب و نشوف ...

في هذه الاثناء دخلت فرح و حصة

من الجماعة والبنات يموتون عليهم معهم بالمدرسه ...

الهنوف دوروها ما تلاقونها لانها لابسه بجامة خخخخخخخ

ريم : هلاااااااااااااااااااااااا و سهلااااااااااااااااااااااااااااا

داليا : هلا من العايدين

اميرة : حياكم صبايا من العايدين

سلموا عليهم و عايدوهم و لا تفوتكم نظرات هنيف لاميرة خخخخ

طبعا الربشة ريم كبت السالفه كلها للبنات اللي ضحكوا لانهم عارفين البنات زين ..

راحوا البنات سلموا على ام فهد اللي هي ام فرح و حصه ... ( طبعا هنيف ما طلعت تسلم خخخ)

رجعوا عند الهنوف ماتهون عليهم تقعد لحالها

الهنوف من اول ما لمحتهم : ريموت شوفي لي حل لازم اروح السوق ؟

اميرة : اقووول خير مين بيوديك وبعدين ياقلبه الاسواق مقفلة امسكي ارضك بس

الهنوف : لا ياشيخه انتِ بالذات لا تحكين يالله تصرفوا

حصه : يختي روحي البيت هاتي لك أي فستان من فساتينك فستانك الرصاصي اللي لبستيه بتمايم عبودي ولد اخوي يجنن

الهنوف : مين يقلعني للبيت بس السووايق عساهم اللي منيب قايله يتعايدون والله خالد اخوي مسوي راحمهم فاقعن لي مرارتي ...

اميرة : بشوف احد اخواني طيب ..؟

داليا : كح كح اختي الفاضلة ماله داعي تحرجين عمرك من الحين اقولك خخخ

طبعا اميرة ضربت كلامها بعرض الجدار و دقت على نايف اللي زفها زفة مو طبيعيه خصوصا وانه منبه عليهم يأخذون كل الاغراض ...

داليا برباشتها المعتادة : دقي على بندر

الهنوف : اوووووما بندر ههههه ذا يقدر يفارق زينة

ريم : ساحرته شكلها ههههههههه الحين مزلبه العالم كلهم ومع ذا يحبها

صوفيا : ذي ام حظين

ابتهال : احم احم خير خير انتِ واياها مااسمح لكم ترى

( اميرة حست بشعور غريب يجرح قلبها تذكرت زينة ...كيف نسيتها بهاليوم..؟ اه ياليتكم تدرون وش اللي صار بحال بندر و زينة صدق ناس مالها غير الظاهر )

داليا : مادريتوا وش صار ...؟

اميرة انتبهت و قبصتها بخفية : بندر مستلم

الهنوف : يوووم العيد عاد يستلم إلا وش اللي صار داليا << تموت على الاخبار

داليا : ههههه وش دعوه عاد فستانك ماخرب يوم العيد خخخخ

الهنوف : شكلك تصرفين بس صدق ياويلي ذكرتني بصيح اهي اهي

ريم نطت بقوة : نواف نواف لقيته بس هو تعالي ندق عليه

ابتهال بلكنة حزن وضحت على معالمها : اخواني كلهم راحوا يزورون قبر ابوي الله يرحمه

ريم تلاشت بسمتها وحماسها ودمعتها في محاجر عيونها

الجميع : الله يرحمه

الهنوف بلعت ريقها بحزن و تحس ببرودة : الله يرحمه والحمدلله على كل حال ... تنهدت بعمق...دارت دمعة بتطيح من عينها : ايه اجل تقولون لي مين يوديني البيت ؟

ود تناظرها بتمعن : بشوف لك احد اخواني انا اكيد حجرف فاضي

طلعت جوالها و دقت على حجرف...

ود : ياربي مافيه بطاريه مو معقوووووول

حجرف كل شياطين رمضان فلتها بوجه ود حجرف : خير

ود: ااا

(طفى الجهاز البطارية فارغه ..)

ود : ياربي على حظي ذا طفى الزفت ذا وانا اكلمه بس يمه يمه الحمدلله اللي طفى

تغريد : هههه طيب شوفي جهازي اخذيه ..

ود : حجرف من سمعته قال خير غسلت يدي مانيب متصله فيه بدق على مين مين ...ايووه سلمان

دقت على سلمان و حصلت معه انتظار

ود : ياربي عليك بس ويتنق مدهر بالعيد خخخخخخ

الهنوف : هههههههه منحوسه انا من جد حتى البزران اللي يموتون على المشورة يطرطعون بالحوش مامعهم سيارات

ابتهال : احلفي بس تبين رامي او بلوط يوصلونك عشان باول ماصوره خير خير يالطيبة فكينا بعيد ونبي نستانس

اميرة : عن اذنكم بنات

الهنوف : عفوا ماسمعت وين عن اذنكم تعالي تعالي تراك انتِ اللي خطتِ هالمخده مع فستاني اذا ناسيه حبيت اذكرك

اميرة تضحك : وانا اقدر انحاش شويات وبجيك بس

ريم : لا انا اعرف ليش انحاشت لان ماعاد باقي غير ابو الهش و ينقالها مستحيه لا تتميلحين عند ود و صوفيا مايمديك

داليا : خخخخخ بتسوين ثقل يعني

اميرة : الحمدلله و الشكر بزران بجد << خربت الأخلاق

ود : صح ذكرتوني بهشووم بالخدمه ياحبني له بس

داليا : لو سمحتِ لا تتغزلين بزوج اختي مستقبلاً

اميرة بحلقت عيونها بضحكة ..

ود : احلفي بس تراه اخوي قبل يصير زوج اختك اللي خربت فستان الهنوف

الهنوف قامت تنوح : ياااااااااااااااويلي كل شيء تذكروني ...يالله الحين دقي على المصري ذا هشام هو واسمه اللي ...

ود : هااااااااااه عاد كنك تتريقين ....احترمي نفسك عاد ترا ابوي مسميه على الدكتور اللي سوى لامي العمليه لان ولادتها عسره

الهنوف : ياليل انتِ بتقولين لي قصة حياتك انجزي بس

ريم : والله خطير عمي اجل كل ذا حب لامك هههههه

صوفيا : هههه ابوي يعشق امي فقط

داليا : يهوووه يافقط ادوخ اتعب انا بس

ود بإمتعاض : خلونا بالعيد بس ..... تنهدت

الهنوف : اقول دقي على هشام بس

ود : هلا هشام ...

هشام : هلاويين

ود : دام هلاويين لا اكيد بتلبي الطلب

هشام : شوفي كانه من طلباتكم السخيفة اللي تكرر نفسها دبابات

ايكسريم ملاهي اخذ السيارة وافر فيكم انسي

ود : لا هشوم ابد ابد مشوار قريب

هشام : وين قريب

ود : بيت خالد

هشام : عفوا ... ومن خالد ذا موظف بكنتاكي

ود : هههههههههههه خير إن شاءالله خالد ابو رامي

هشام : قريب ذا يالحولا...يالله يالله دخلوا رجال ....طوط طوط

ود برد وجهها : قفل بوجهي اظن

ريم : ياحرام يالهنوف .....

الهنوف : ياويييييييييييييييييييييييييييييييييييييييلي وين اميرة

اميرة اخذت جوالها من ود اللي كانت تحكي فيه هشام

من الجانب الاخر

اميرة واقفه بالحوش تحكي مع بندر

اميرة : بندر ليش ماجبت زينة ..؟

بندر : انت داقه عشان تقولين لي وش اسوي ..وش ماسوي شكت لك الحال

اميره : ياربي منك وربي الكريم ماشكت لي ولا شيء بس من باب

الذوق ضروري تجيبها حرام عليك

بندر : اقووولك انا مشغول وعندي تحقيق في امان الله طوط طوط

اميرة عضت شفتها بقهر و حزن ورجعت للبنات

دق عليها رقم غريب .....( من عادتها ماترد على الارقام الغريبة بس بالعيد قالت يمكن وحده من صحباتي بتعايديني )

اميره : نعم

.......صمت

اميره : نعــــــم

هشام : احم احم

اميره : خير إن شاءالله ...مين انت أي خدمه وش عندك داق <<معصبة من بندر للتو

هشام : أي ااااا

اميره : خير ان شاءالله وشذالوقاحه ...

هشام : يابنت الحلال..

قاطعته بقوه : لا ياقليل الحياء لا ياللي ماتستحي

هشام : خير انا ود

قاطعته : ولا كلمه قسم بالله ان ما قفلت لا اعطي رقمك احد اخواني يتفاهم معك

هشام بصوت عالي : خير انتِ ابي اختي ود كلمتني من ذالرقم من شوي

( اميره تحس جسمها نملّ بقوه عجزت تمشي بردت تجمدت من الفشيله طول الوقت تدعي انه حجرف او سلمان اهم شيء مايكون هشام خطيبها و زوجها عن قريب) دايركتلي قفلت

راحت مدرعمه بسرعه

بصوت عالي : ود ود ود

ود انهبلت : خير وشو

الهنوف : هاه لقيتي احد يودينا

اميرة دمعتها بطرف عينها : انا ....هو ...لا ..انتِ

الهنوف تناظر ود : وش السالفه

اميرة : هو هو انا ذا من رقمه ؟ (رفعت جهازها )

ود تناظر : لا ابشرك عقل ترى من يوم ما خطبناك له وهو تارك حركاته النص كم ( ناظرته بنظرة خبيثه) لا يكون بتكلمينه بس

اميرة بحالة دلاخة : من هو اصلا ذا مين ( مازالت تتأمل انه مو هشام)

ود : بلا إستهبال ...

اميرة : والله من جد احكي

ود : هشام

اميره : لاااااااااااا ياربي لاااااااااااااااا ياخزيااااااااااااااااااااااااااااااااااااااااااااا اااااااااااه



ود : وشو

الهنوف : الله يلعن ابليسك لا يكون تحسف وحن قلبه علينا ودق ولا رديتي هاتي الجوال بس

اميره : ياليت كذا ياليت إلا رديت و عطيته تهزئ محترم

البنات ضحكوا بقووووووووووووه بعدما فهموا السالفه

اميرة تكره عمرها اذا تذكرت الموقف ....

ود كلمت هشام من جوالها بعد ماشحن وفهمته السالفه

هشام : ياخسااااااااااااااااااااااره قهر والله قهر ياليتني عارف بسسسسسس

ود : استح على وجهك اشوى اللي ماعرفت

هشام : بس تصدقين انها بنت رجال والله وصوتها جنان

ود : حلالك وانا اختك هههههههه المهم هاه عساك بتودينا

هشام : يالله لعيونها اوديكم وبعد ابوي ارسلني بجيب اغراض من البيت نروح لبيتنا بيت خالد طيب لان فيه رجال

ود : لا يقولون لي البنات انهم راحوا يزورون قبر عمي

هشام : الله يبلشك اقول بتمشون او لا ..؟

ود : هاه إلا إلا يالله ...

ود : يالله يابنات

الهنوف : منهو ؟

ود : ابو الهش ( تناظر اميره وتضحك )

اميره : سخاااافه استغفر الله العلي العظيم

ود تتريق : يالله بيودينا لعيونها اللوزية ههههههه بس لبيتنا ترى

الهنوف : احلفي بس و في بيتكم اروح وش اسوي

ود : احمدي ربك اعطيك من فساتيني اللي شريت يوم كنت اجهز واحمدي ربك وتراك بترجعينه بعد

الهنوف : يمه يمه حلال اخووي تراه

ود : لا شكلنا ماراح نتفق ابد انا وانتِ هههههههه

اميرة : يالله تراكم تأخرتوا مره ينتظركم

ريم : يحووول يالحب يضني يقولون يالله لا تفطس اميره بس

طلعوا ود و الهنوف ودخلت داليا وحصه وفرح بعدما كانوا يلعبون كورة في الحوش ..

في السيارة

هشام : 10 دقايق اذا ما طلعتن قسما بالله لاحرك السيارة

الهنوف : ياخي دامك معصب ليش وافقت ترى محب احب يتمنن علي

هشام : عفوا مين اللي رطنت حتى البزران عرفوا يصفون كلمتين على بعض يالله بس

الهنوف و ود نزلوا بسرعه اختارت الهنوف اغلى فستان و افخم واحد خخخخ قالت ايش قالت حلال اخوي كيفي

ورجعوا الإستراحة وكشخت في الفستان وضبطت الميك اب و طبعا لا يفوتكم تمشي مع البنات والحريم وتقول هذا هدية من سعود اخوي



بعد الغداء ..

الاغلبيه دخلوا ينامون .... الصبايا توزعوا بين غرفتين

..ود + ابتهال+ صوفيا + تغريد + اميرة في غرفه....... و ريم + الهنوف + حصه + داليا + فرح في غرفه

و اندعست داليا بين فرح و ريم و الهنوف طاقه او بالاحرى حاجزة السرير لها من اول ما وصلت و شاريه مفرش جديد بعد ههههههه دخلت وجلست تسولف مع داليا

طبعا حصيصه و فرح و ريموت خمدوا مباشره بس هنيف ودلو راحوا ودخلوا عن البنات في الغرفه الثانية

وكانت اميرة و تغريد يسولفون عن العيد وكشخة البنات وطبعا اميرة تسترجع موقف هشام وتضحك

الهنوف نطت على السرير : ليش مانمتوا ..؟

اميرة : علمي نفسك ذا وينقالك مصليه العيد المفروض د ايخه من المشوار

الهنوف : يمه يمه خمسه وخميسه بعين العدو

تغريد : صدق ليش ماهجدتِ

داليا : مافيني نوم العيد مرتين بالسنة نبي نفلها ياناس

قعدوا يسولفون واميرة و تغريد خالطهم النعاس بشكل واضح

قعدت داليا تسحب من البنات العلوم خخخخ

تغريد : رجاء بنات اذلفوا وقفلوا الباب

قامت الهنوف شغلت اللاب توب وقعدت تفحط في النت <<راسها دايخ بس تكابر على النوم

داليا : اقوول بالله ياقلبيييه يقولون ماجد المهندس صاير له حادث روحي تأكدي

راحوا فحطوا في المنتديات و وحده من الصبايا كاتبه رواية في المنتدى راحوا يشوفون الردود عشان يقولون لها اذا صحت < < فضاوة من جد

فتحت المسن تبعها وانصدمت : دلو بالله تأكدي ذولي اخواني او يتهيأ لي

داليا : خخخخخخ ياحبني لهم اون لاين كلهم يعيدون ربع النت شكلهم

الهنوف : نوافوووه لو اني شاحدته ابي شيء طيح ماء وجهي وناظري الحين

داليا : هههه يختي من الكتمه اللي هنا ترى ابوي يكتمهم هو وعماني عشان كذا اول مايجون الإستراحه ياخذون اللاب توب ..

الهنوف بفكرة خبيثه : لحظه لحظة ....

راحت وفتحت الشباك الكبير اللي في الصاله يطل على صاله جانبية في قسم الرجال ...شافت اغلب الشباب متبطحين على الزل واللي على الكنب منسدح وكل واحد اللاب تبعه معه

داليا : ياعزززي عنهم احس انهم طفشانين ههههه كاتمهم ابوي واضح ههههه ناظري نايف اخوي يضحك تافل العافيه بجد

الهنوف : اقووول بس شووفي حجرف يجنن ووواااااااو من جدك ذا ولد عمنا

داليا : أي والله حلوو يجنن عارض ازياء والله

الهنوف ناظرتها بعصبية : عفوا ماسمعت مابقى غير البزران يالله تعالي نروح ننام بس ...

و راحوا يجرون خطواتهم ومن الربشة ماسكروا الشباك و دخلوا على غرفة البنات ( واتفقوا يروعون البنات)

طلعت الهنوف طرطعان صوته يرووووع بقوه بس مو ذاك الضرر بس صوت ...( طبعا هالطرطعان اشترته الهنوف من رامي و بلوط بـ 15 ريال نصابين البزران ) و فقعته بغرفه البنات << مجرمه ^_^

الهنوف قربت عند اميره بصووت عالي : قوموا قوموا حررررررررررررريقه حررررررريقه ( وتلمسهم) قوموا حرررررررريقه يمه الكهرب التمس

وداليا ترش ماء : الدفاع المدني وصل يالله قوموا حرررررررررريق ممثله

صرخت اميرة و ابتهال بقوة خافوا من جد و تغريد تجمدت بمكانها من الخوف اووما صوفيا ماطقت خبر نايمه

راحوا يركضون برى بالبجامات ...

والعيال طبعا انفجعوا من الصوت والصراخ لان الشباك مفتوح وصوت الطرطعان روعهم حتى هم

ودرعموا بعد النحنحه طبعا دخلوا حوش الحريم والبنات كلهم طالعات برى بالبجامات ...

العيال تافلين العافيه لا شمغ ولا رزه عليهم ثيابهم بس ...انهبلوا و تبلموا يوم شافوا البنات

والبنات ما تتخيلون شكلهم ... يناظرون بعض بصمت كلهم

كل وحده تنادي اخوها

اميره منفجعه ياقلبي بقوة : ناااااااااااايف ناااااااااااااايف الكهرب ا لكهرب

تغررررررريد : نوووووووواف يا قلبي

ابتهال : سعود امي وين حريق

ود : هشام سلمان ..وليد هذا ..

العيال انفجعوا مو مستوعبين يناظرون بعض بدهشه فظيعه

هشام + نايف : خيييييييييير

نواف يتوعد خواته يصك اسنانه ويحاول يغض البصر عن بنات عمه : يالله ادخلي انت واياها

وقفوا بلموا ....صدوا العيال وهم مفجوعين لانهم مابعد فهموا السالفه .

بس اللي عليه العلم ان هشام كحل عينه باميره المربوشة اللي الخوف جملها زيادة

و سعود حالة خاصة لان الهبله ود مسكت كتفه على بالها اخوها حجرف بس تحمد ربها ان محد شافها غير البنات

الهنوف بلعت العافيه كذبت كذبة و صدقتها على بالها فعلا انفجر عداد الكهرب مدري وشلون تجي ذي خخخخ

( للمعلومية صوفيا بلغت الدفاع المدني وطلب المساعده والإسعاف باسرع وقت)

الامهات اللي نايمة واللي رجعت البيت مع شايبها ....

نايف: يالله يالله اشوف ادخلوا

ريم خايفه تبكي مصدقه : هييييييييه وش ندخل حريقه عساك الحريقة

نايف ابتسم من بين عصبيته : مين ذي الملسونة مين ..؟

الهنوف انعقد لسانها خخخخخ

العيال دخلوا جوا يشوفون ,,, و حجرف مازال يناظر الهنوف بتمسخر على بجامتها اللي مصورتها كانها بزر

بعد حالة الإستنفار ... اللي صارت

حصيصة و فرووحه دقوا على ابوهم جاء واخذهم خخخ << نذاله ولا احد قالهم بدري من البنات هههه

سلمان اللي توه واصل مايدري عن شيء بس الاكيد انه لمح حصيصه و فرح وهم طالعات يتغبرون ويتصايحون

سلمان نزل نظارته برزة والقى نظرة على الجمس اللي فاضي كلها كبير مافيه غير يمكن 10 بزران و كلهم جايين قدام وركبن بنتين عبيهم تبرق و ترعد وواضح الربشة عليهم

سلمان استنكر هالاشكال بقوة وضحك على اشكال البزران اللي جايين قدام كلهم

سلمان يمشي عند البنات : من العايدين بنات عمي الزاحفات ( استغرب يوم شافهم مجتمعات في شرشف واحد)

سلمان : ابوك يالولد وش صاير يا بنت انتِ واياه ...

من ورا الشرشف صوت داليا : حرررريقه حرررريقه

سلمان استغرب الصوت جديد مايعرفها ذي : حريقه تحرقكم قولوا آمين اهااا لا يكون بس الطقاقات اللي جايبين احرقوا الطيران على روسكم هههههه

الهنوف : تتريق حضرتك

سلمان : هنيف بذا ماعقلتِ للحين .....بس وش قصة الطقاقات اللي طلعن مخروشات

داليا+ الهنوف فطسن ضحك من تحت الستار لانهم تذكروا اشكال حصيصة وفرح

سلمان : الحمدلله والشكر انا قلت شيء يضحك

ريم بميانة الاخت : إلا اخبار القنص معك ياشاعرنا الموقر ...

سلمان : مسويه تعرفين انت وخشتك علوم الرجال

داليا : هههههههههههههه

سلمان : يقولون ها هان الضحك من دون سبب من قلة الادب

العيال طلعوا وعلامات العصبية على وجيههم ..سلمان مستغرب بكل قواه العقليه خخخ

نايف بقهر : تستهبلون هاه؟ متى راح تتركون حركاتكم الغبيه ؟

اميرة بدفاع : لا والله والله ضرب العداد ( طبعا البنات لبسوا عبايتهم)

هشام : قالوا ايش قالوا حريم بزران لبسناهم عبايات صدقوا اعمارهم

اميرة انقهرت و لاحظ هشام نظراتها له وابتسم لها : والله ماعقلكم غير اميرة

نايف : اقول زانت علومك بس امش مابقى غير 3 ايام و تأخذها أن شاءالله

هشام : بالله عليك 3 ايام اجل توني ادري احس انها 3 سنين

حجرف : ياليل يالله بس جايزة لكم الجلسه هنا ارحبوا سلمان هووون ..؟ ( ناظر الهنوف يحاول يدورها لان بعد مالبسوا العبايات مايعرفهم )

سلمان : الله مير يخليك ياخوي إلا وين ود لاتصير احترقت بس او لاتكون طلعت مع الطقاقات اللي تو

البنات بصوت خافت ضحكن ....


يتبع ,,,,
👇👇👇
أحدث أقدم