رواية سعوديات بعروق ايطاليا -23
نواف شهق ووقف السيارة : انت كنتِ عند مين ..؟ مين
بتو : وش فيك انت شكاك اعوذ بالله من حالك زينة بنت عمي سعو د
نواف قلبه تزايدت دقاته : زينة .
بتو منخرشه : أي
نواف بأسى : وش جايبها هنا؟
بتو : عند جدتها نورة
نواف : أي بس سعود قالي انك عند صاحبتك
بتو : نذل مع مرتبة الشرف ههههههههه يدري لو قلت بيت جدة زينة ماتدل وبترفض ترجعني
نواف ( اآ ه لو تدري بقلبي انا طاري زينة لو اتعنى له بآخر الدنيا ) : وش فيها طيب تعبانه؟
بتو : أي ياحرام تعبانه ...
نواف بمراره : اهي حامل صح ....؟
بتو : لااااااااا تعبانه شوي بس ........
نواف : طيب انا شايف بندر قبل شوي يكلم خالد اخوي في بيتنا يعني موجود ليش زينة في بيت امها نورة ؟
بتو : مدري مقرود وخبل ومايستحي على دمه ....
نواف استغرب : وشو ليش طيب
بتو : حيوان وبس .......
نواف : مافي شيء اسمه بس ليش طيب مزعلها بشيء ( مشاعره انطعنت بقوة )
بتو : ياويلك اذا قلت لاحد اهو طلقها بس ماارسل ورقتهااا للحين
نواف( بارقة امل امامه ليستبيح جمال وبراءة زينة ) : غريب اللي اعرفه انو يموت فيها ؟
بتو : حتى اهي تموت فيه ( صفقه على قلب نواف )
نواف : ليش بيطلقون طيب ؟
بتوووووو : نصيبهم وطبعا ذا غير حركات العذال
نواف مايعرف ليش انبسط مع انه يحب بندر ويبي له الخير دايم لانه مايقصر معه بشيء،
بتو : اقول يالاخووو كنك روقت ....
نواف ابتسم : أي والله
بتو : بما انك مروق الله لا يهينك هات لي كوب كوفي من اللي دايم تأخذ منه كيوبز كافيه
نواف : وانا كم بتووووو ( اول مره يقول بتو ) عندي تأمرين امر
ونزل وجاب لها ، بتو : اللهم زود وبارك كم مات يهودي اليوم ههههههههههههه
نواف : عادي تحسديني على اني مروق .....
بتو : لا بس مو عادة لك انت اكره شيء عندك الزحمة والطريق هههههههههههههه
نواف : لا ابشرك عقلنا ...
بتو تحرك الملعقة في الكوب وتقول : اقول اغسل يدك من اللي تفكر فيه ...؟
نواف ابتسم لانه فهم قصدها قال واهو يحرك الدرقسون : ليش ؟
بتو : ماعتقد البنت منهارة نفسيا بندر ولد عمك كسرها هاللي مايستحي على وجهه
نواف : اقول عاد إلا بندر حرام عليك مايستاهل انتِ وش دراك احنا مانعرف عن شيء ؟
بتو : لا السالفه كلها عندي صبتها علي زينة ياحرام تخيل ماعندها احد تفضفض له
نواف ( آآآآه من زينة بس راح تذبحني ماتدري ان فيه قلب يتحسر ويتعذب ليلياً عشانها) ..
نواف : وش السالفه ؟
بتو : صحيح اني خبله ومتسرعه بس عاد كاتمة اسرار .....
نواف : امحق ههههههه عز الله اللي فضحيتها بكرة بنلاقي الخبر في كل الرياض وملحقاتها
بتو : ياويلك من ربك بالعكس زينة اقرب شيء لي من يوم اننا صغار وانا بعد مااخفي عليها شيء..
.نواف : عسى مافضحتينا وافصحت لها عن مكنون الاشواق لبدر ههههه
ابتهال : احد قال كان دمك خفيف هاهاهاهاها
نواف : احمدي ربك متحمل مصالتك اليوم ههههه لإن فيه ظرف استثنائي ليس إلا
بعــــــد مــــــــرور 3 شــــــــهور .....
><>>< ضــوء الواقـــــع لا يـــقتـــل أحلامنـــا المستحيـــلة فقطـ ..
و إنما يعريــــهــا أيضاً فتعيــش كالميـــت بلا كفـــن ><<><
الجميع مرت أحداث بحياتهم بأحداث عادية جداً وليست جديرة بأن تـــدون !
" هشــام و سعـــود يعزفون أوتار الأبوة المرتقبة بشوق فظيع .."
" حجــرف مــازال يحاول جاهداً أن يقنع مشــاعره بالحب بمصداقية والبعــد عن عدم الإكتــراث الذي حوط ملامح حيـــاته وإن كان اقبل وبقوه على عالم النت وخفاياه .."
" خــــالد وضي حب لا ينضب و شوق حافل بالعطاء والتقديــــر "
" الصبــايا سهــرات و ونــــاسه وكالعــادة تذمر من الدراسة ^_^ " << شطورة خخ
نلـــقي الضـــوء على الكــاسر الجــــريح ...
)()( كلما ارخى الليل ســـــدولة تجــدد مــوعــدي مع الألــم ! )()(
هذا هو لســـان حــال بنــــــــدر المحقق الذي أخرس العديد من المجرمين ..!
المحقق الذي كشف خيـــوط العديد و العديد من الجــــرائم ..!
المحقق الذي أحــــــرز تقــــــدم لا يضاهى في مجال عمله
هذه الرؤية الخارجية لبنـــــــــدر
و لكــن مــــــاذا عن دواخل بنــــــــــدر ...!!
بندر خســـر مـــــشاعر حـب ..
وإحســـــــــاس بالامـــــــــــان ....
وخلجـــــات اشتـــــــــياق ...
كل مايدخل بيته يتعذب واهو يناظر كل زواية وكل ركن له حكاية فيه مع حبيبة القلب اللي حلف لله إنه مايحب غيرها
مهما جرحها وقسى عليها إلا إنه بيظل يحبها واهي اللي في القلــــب لو يتــــزوج غيرها فــهو بغرض الإنجاب فقــــط لااقـــل ولا اكثر ...
هزل جســــــمه و بســــمته اختفت
" ام تركي حالتها تزداد سوء يوما تلو الاخر لذا قرر تركي يأخذ اجازة ويسفرها ألمانيا فيه امل انها تتحسن بإذن الله ... "
" الجميع ودع ام تركي وتركي بالدموع خصوصا اميرة اللي حالتها مره سيئة بفعل الحمل وعاطفتها الجياشة لامها ..."
)()( آخ ياغـــــربتي أنا وســـــــــــــط اهلـــــــي وناســــي واحس اني غريـــــــــب ..)()(
هذا اهو بـــــــــــندر كان جالس في الصالة رامي جسمه كله بشكل متهالك على الأريكة المذهبة ...!
" امه سافرت واخوه الكبير سافر و زينة راحت و تركته لانه طلقها.
بس قلبه معها كل ليله يسترجع شكلها و ذكرياتها و ريحة دموعــــها..."
-
-
نايف شماغه على كتفه : سلاااااام
بندر بحزن رفع راسه : و عليكم السلام هلا والله
نايف طق رجل بندر : اخبارك اليوم ؟
بندر يبتسم : مسوي الماما يعني لينها راحت
نايف يبتسم : على طاري الماما الله يردها بالسلامه الحكومة تحت طالبك
بندر نظرته مستغربه : لا تقول خخخ
نايف : يعز علي والله بس ابوي طالبك تحت لا وفي الزاوية اللي خبرك
بندر : خخخخ ياليل لا تقولي بالزاوية اللي ابوي يجلدنا إذا ما صلينا يوم انا صغار
نايف :خخخخ لا و ازيدك من الشعر بيت عمي سعد توه طالع منه انا ذالاثنين منيب برتاح لجمعتهم بلحالهم خير شر ههههه
بندر وقف : اجل ياهقوتي ان فيه قرار دكتاتوري وربك يستر خلني انزل اشوف لا يكوفنا ابوي هنا
نايف : تلقى خير ...
-
-
نزل بندر وكاهله مثقل بالتفكير
واتجه لابوه بخطوات تجهل مصيرها...
سلم عليه و سولف معه شوي عن الدوام والعزايم
العم ابو تركي نادى بندر يجلس جنبه : انت حالتك مو جايزة لي وش فيك ..؟
بندر يبتسم : ولا شيء يبه بس متأثر بالوالدة الله يرجعها بالسلامة.....
العم فهد بنظرة تخوف : آمين يارب ....إلاّ يا ولدي خبرك انا كبرت وودي اشوف عيالك اليوم قبل بكرة اول رافض اتدخل في حياتك بس الحين مصر اشوف ضناك ياابوكـ
بندر تفطر قلبه تذكر مواجعه ( ياخوفي يبه تكفى لا تقولها ) : ان شالله يبه ان شالله الله كريم ...
ابو تركي : وشلون ان شالله وانت ماتبذل الاسباب ... صار لك 3 شهور مطلق زينة خلاص ياولدي كفاية عذاب انا بخطب لك وحده ان شالله تجيب لك الضنى ...
بندر استغرب يحس دمه نشف وقال : لا يبه الله يوفقك لا تخطب لي مابي اتزوج انا برتاح سنه سنتين وبعدين اتزوج ان شالله ....
ابوه : لا انا مااضمن اعيش للسنه الجاية او لاااا بخطب لك إن شاءالله
بندر ( مستحيل اتقبل وحده غيرها يبه راح اظلم البنت اللي بتزوجها قلبي مع الجمال زينة وبس )
بندر يبوس راس ابوه : يبه ما اعصى لك امر بس سامحني مـ
ابوه سكته : واذا قلت لك اني خطبت البنت وابوها وافق...
؛^؛^ صــــــدمة مشـــوهـــة المـــــــلامح انطبـعــــــت ^؛^؛
بندر بإقناع : انا اللي بتزوج يبه كيف ماتحط عندي خبر بعدين مين ذالبنت اللي بأخذها مسحيل اتزوجها يبه ..؟ ويبه للمعلومية ترى عندك ولد بعمر الزهوراسمه نايف مابعد تزوج هههه زوجه افرح بضناه
ابو تركي بحزم و جدية : علم يوصلك ويتعداك ملكتك على بنت عمك ( ارتج قلبه بقوه ) الخميس الجاي والعرس تحددونه متى مابغيتوااا....
بندر : يا يبه ياعلني مابكيك والله ظلم راح اظلمها معي زوّج نايف عندك اياه يابعد راسي
ابو تركي : لا بزوجك انت و البنت بتطيرك حلوه ومزيونه تجوز لك وانا شرطت على ابوها نكشف اذا تقدرتحمل او لاااااااااااااااااا اخاف تصير مثل زينة ماتقدر تجيب لك ضنى ؟
بندر تضايق وكل هموم الدنيا على راسه من جد يحس فيه صيحه : بعد كل شيء مضبطينه ..؟
ابوه : ايييه مستعجلين
بندر طار عقله ورفض قام من مكانه : يبه مستحيل مالي نفس مابي اتزوج يبه توي مطلق حتى زينة مابعد ارسلت ورقتها لسى على ذمتي تدري او لا !
ابوه : اذا تبي ترجع زينة رجعها وانا ابوك مسكينه ماعندها احد بس عاد الزواج بتتزوج صوفيا يعني تتزوجها
<>>< صــــــ ـ ـ ــدمـ ـ ـة ><<>
بندر ارتاع ( خاف ) : لااااااااااااااا يبه صوفيا لاااااااااا
ابو تركي : لواء يلويك ان شالله كيف بس تتجرا تقولي لي لااااااااا، كنت بخيرك بين صوفيا او ريم بس عاد الحين بعند واختار صوفيا واللي ماتطوله بيدك وصله برجلك وملكتك الاربعاء ..
طلع العم ابو تركي بخطواته الراكزة المغرورة وبندر بقي متهالك عاجز عن إستيعاب كلام ابــوه
-
-
-
>؛< لن يغـنـــــــيكـ إختفاؤكـ... ستــعــود لإنــكـ تــؤمن بالــــقدر ! >؛<
بنـــــدر انهــار شعوره
وقلبه تفطر وكل كيانه يرثي زينة " كيف بناظر غيرها كيف بس بعيش بدونها كيف بنساها ليت النسيان ينشرى والله لااكون اول من يشتريه "...
"آخ يازينة ولهت عليك وحشتني عيونك الجذابة وضحكتك وصوتك سواليفك وحشتيني محتاج لك انا موت شوفي ابوي بيعدمني بيزوجني صوفيا اللي اهلها عجزوا عنها شاتوها علي
الظاهر ذي حوبتك يازينة فيني انا عجزت تعبت وش اسوي اهرب وين اهرب وين اروح لو اخذت زينة وهربنا وتركنا هالعالم "
صحى من زوبعـــة فكــره الحـــزين ...سخــر من مشــاعره اللي تبكــي على إنســـانه شرت فــراقه و فضلت البعــــد ...." يا تــرى يا زينة سعــيدة بالفــــــراق ...؟ "
مع مرور الأيــام التي تجمع معها كمية لا بأس بها من الجــروح لكل ابطــالي الأفذاذ
بندر انقـــــــلب فوق تحت
صار معصب 24 ساعه من عقب المزاح والضحك والسوالف
انجبر انه يتزوج بنت عمه اللي خططت عشان تأخذه بس انتقام منه ومن زينة لان البنات تحدوها بلعب كذى انها تتزوجه واهي دخلت الفكرة برأسها وصارت تلمح لامها ( امها مغربية ) للمعلومية فقط ..
انتشـــر الخــــــبر بسـرـرـرعة فظيعة
-
-
(16)
في جلـــسة البنــات ..
وربي مابعد استوعبت بندر يطلق زينة و يتزوج صوفيا
الهنوف : لحسة مخ والله محد توقع هالشيء ابد
داليا بحزن : نصيب وكل شخص بيأخذ نصيبه
ريم : ايه بس كلنا نعرف وش كثر يحبون بعض وخابرين قصة حبهم من إلى ..!
الهنوف : أنا الحين بس صدقت خرابيط عنتر وعبله و روميو وجوليت على بالي مجرد مواضيع درسناها وحفظناها وكنت مكذبة إن فيه حرمان وشقاء من جد
داليا : ماكنك بديتِ تخرمين خخخخ وش دخل عنتر وعبله
ريم بإقناع : يختي دلو فليها وانا اختك اللي ابرك من اخوك و زينة عنتر وعبله ماتهنوا مع بعض جت على بندر و زينة خيرة ياختي خيرة هههههههههه
داليا تجفف دموعها : لا بس مدري يعني بالقليلة لو صبروا لين ترجع امي و تركي بالسلامة ...
الهنوف بلقافتها : ايه يختي وش معجلهم ..؟
داليا : تعرفين الحكومة اذا قررت خلاص مافيه أمل
ريم : بس من جد قاهرتني صوفيا ليش تأخذ على بنت عمها عيب والله عيب وبندر مع صوفيا احس غلط مافيه توافق لا بالتفكير ولا بالأسلوب ابد
الهنوف : من جد صدقتِ بذي بس غريبة صوفيا كيف وافقت ..؟ اخبرها غاثتنا تقول مابتزوج غير إيطالي او اسباني من زين خشتها عاد اللي كلها عمليات تجميل ...
داليا : انا ماهضمتها بعمري ابد ابد كيف الحين صارت زوجة اغلى اخواني ..
الهنوف : هذا النصيب ماتدرين يمكن بندر يرتاح معها ويشوف ذريته ماندري وين الخيرة فيه !
داليا : احلفي بس ينقالك بتخففين عني بندر لا يمكن يتقبل صوفيا ابد بندر ترى مزاجه صعب شوي
قاطعتها ريم : وش ردة فعله ؟
داليا تذكرته : الله لا يوريك وليومك ذا ماندري وينه فيه ..؟ يارب سترك يارب ونايف كل ما اسأله عنه يقول تطمنوا وهو بخير يحاكي نايف بس وانا كلهم معطيني الطرشى ..
الهنوف ضمتها : يابعد عمري افا عليك بس وحنا وين رحنا !
داليا انفجرت : من جد مليت احس الضغط اللي بمشاعري كبير بنتحر بيوم
ريم : استغفر ربك قبل تكتب عليك ذا وانتِ فاهمة ومحافظة تقولين ذالخرط وش بقيت للمبتدعين الجهلة ..
داليا : بنات من جد احس بكتمة وماابي اضايق اميرة لانها نفسيتها لا تقل دمار عني ...
ريم بلؤم : يختي وين نسرين مو معقول ماتحس فيكم بمثل هالمواقف ؟
داليا كتمت حزنها : نسرين هي اكثر وحدة مبسوطة وهي اللي ضبطت الحفل كله اصلاً
الهنوف بتقرف : ولعنه ولعنتين يا هالحفل اني مااعتبه خير شر ....مع اني مامن معرفة لزينة بس قهر قهر عشان بندر ما يستاهل لو هو يحبها جاملنا و رزينا الفيس لو ان النفس ميب متقبله خشيشة صوفيا
داليا تبكي : يابعد عمري ياخوي والله محد متضايق غيره.....وابوي اعلن قراره وراح لمزرعته والله مادري وش نقول بس الله يسامحه ...
ريم : بنات عندي فكرة نكنسل ابو جد ام هالعرس كله !!
علامات إستفهام على الجميـــــــــع
ريم بحماس فزت من مكانها : ركزوا معي ....
داليا : اسكتي واللي يوفقك مالي خلق تفاهتك ومغامراتك السخيفة
الهنوف : لا تقولين لي نروح لعمي انسي ترى اذا فكرتِ نسوي كذا مسكك عمي و حطك محل صوفيا
داليا تناظرها : ياليت وحده منكم محلها ولا هي ياااااااااي من جد منيب متقبلتها
ريم بتضجر : ليش ما تخلوني احكي !
الهنوف بمسخره : غردي غردي يا مريم نور
ريم : مو وقتك ارد عليك يا فوزية الدريع ...المهم وش رايكم ندعس باسرع سرعة ونروح عند ام شعر أحمر مدري اشقر مدري موف اللي هو صوفيا ذي وننزل سب في بندر يمكن تشيله من راسها !!!
داليا عصبت : لا ياشيخه احلفي بس على حساب اخوي يعني مستحيل
ريم : يالله ياختي اصبري ...مافيه حل إلا كذى عشان تشيله من راسها يعني السالفه واقفة على موافقتها
الهنوف : بس تفكيري يقولي انها تلوحس عليه منذ مبطي
ريم : بالله عندك مخ اصلا عشان تفكرين هههه بس بذي جبتيها كل ما تذكرت عويناتها يوم زواج البنات احس انها تبي بندر
داليا : معقول لا مستحيل كيف تحط براسها واحد متزوج
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك