رواية ناداني ولبيته -29


رواية ناداني ولبيته -29

رواية ناداني ولبيته -29

طلعت من الصاله وتركته منصدم من تصرفها معقوله ماعطته فرصه حتى يوضح موقفه ويتكلم لهالدرجه كرهته ولاعادت قادره تتحمل منه اي شئ

طلع فيصل وراح لسعد وطلعت العنود غرفتها وهي تصيح لما شافته تذكرت حلم حلوو وحلم منهار وتذكرت الحد الفاصل بينهم ..ورجعت تصيح بشكل يقطع القلب ..هدت ورجعت لها قوتها المعهوده

بسرعه نزلت العنود واتصلت على ام فيصل وكلمتها

العنود..خالتي بطلبك بس لاتزعلين مني
ام فيصل..امري ان شاء الله مابزعل انتي مثل بناتي
العنود..قولي لفيصل مايكلمني
ام فيصل..لانك من بناتي لازم تتكلمون العنود
سكتت العنود شوي..بنتكلم بس مو الحين بعدين
ام فيصل ..ولايهمك بخليه يتركك ترتاحين بعد زواج غدير خلاص عاد تفاهموا واعتقد مده كافيه لعقاب فيصل وصدقيني انا ماعديت الموضوع بسهوله وتكلمت معه
العنود..رغم ان التفاهم مرفوض لكن يصير خير ان شاء الله
ام فيصل ..ان شاء الله ربي بيهديكم
العنود..يالله خالتي تأمريني بشئ
ام فيصل ..ودي تجين عندنا لكن مابجبرك
العنود..تسلمين خالتي مع السلامه
ام فيصل..مع السلامه

كلمت ام فيصل ولدها رغم انه عصب لكنه تقبل الامر بالنهايه مجبر يصبر ويتحمل لانه هو الغلطان ..
فيصل..يعني شو بيصير اذا تكلمنا الحين
ام فيصل..الصافق ينسى والمصفوق عمره ماينسى
فيصل سكت وطلع اقسى شئ بالنسبه له كلام امه وتوبيخها الغير مباشر له ..

اما حمد كان معصب من ساره ورفضها لكنه هالمره طلب من شوق تكلمها وبشكل مباشر حتى يفهم سبب رفضها ..
شوق..ساره ردي شو اقوله
ساره..شوق حرام انا احب حمد لكذا لازم مااوافق
شوق..اي حب يخليك تختاري البعد
ساره..انا انسانه مريضه
شوق وبصوت عالي..بس ساره وهو دكتور ويعرف انك طبيعيه مافيك شئ
ساره ..وقلبي
شوق..مافيه شئ
ساره وبدت تدمع عيونها..لا لا ارجوك شوق
طلعت شوق وبلغت حمد الي عصب من قلب على موقف ساره لكنه قرر يكلم فيصل بالموضوع

اما عبير بعد اخر لقاء وكلام لها مع فهد قررت انها تفكر وتحسم هالموضوع بشكل نهائي ولكذا اتخذت قرار تفاجأت فيه خلود
خلود..معقوله عبير تتركين الشغل يعني تختارين البعد عنه
عبير بحزن..لازم ابعد خلاص سنوات مرت وانا عايشه على وهم اسمه حب نواف الى متى خليني اشوف نصيبي وهو الله يسعده
خلود..وحبك له
عبير وتتنهد..خلاص خلود صحت بما فيه الكفايه على حبي لنواف بس لازم هالحب يندفن وتظل ذكراه بداخلي لازم ارضي نفسي واخوي وامي وكل الي يحبوني اما نواف اخاف انتظره عمري كله وبالاخير يفكر بوحده غيري
خلود..ان شاء الله ربي بيعوضك بأحسن منه
عبير باابتسامه باهته..المشكله انه بنظري مافيه احسن منه لكن نقول ان شاء الله
خلود..بلغتي فهد
عبير..لا مابعد بقوله بااقرب فرصه ..
خلود..طيب بكرا بنروح بيت خالتي ام فيصل زواج غدير قريب وتقول كل يوم بنجتمع عندها
عبير..والعنود
خلود..اتوقع الجمعه تكون عند العنود
عبير..حرام والله ماتستاهل الله يهديهم
خلود..امين الا صدق بدور تقول بتجي هناك

الكل انشغل بزواج غدير وتحضيراته ..ام فيصل رغم انها لاول مره بتكون ام العروس لكن فرحتها ناقصه ولدها ونور عيونها فيصل مو مبسوط ولاهو مرتاح حتى لو حاول يظهر العكس ..ساره حزنها من فقدانها حمد رسم الحزن على وجهها واظهر صوره مكتئبه لساره بهالفتره..اماني قلبها مع خالتها الي تشوف دموعها كل ليله وودها تفرح وتضحك وتفرح لفرحة اختها غدير واحتارت بين الفرح والحزن ولان الحزن هو المنتصر سيطر عليها بشكل اكبر من الفرح..
اما بدور تغيرت كثير وغيرت امها الي بدت تنسحب بهدوء من اي موضوع وتفضل انها تسكت عنه وترتاح ..ام نواف مازالت معصبه على نواف ولاهي راضيه تكلمه بشكل طبيعي وهالشئ ضايق نواف..ام فهد متضايقه من رفض عبير المتكرر لكنها انبسطت لما قررت تترك الشغل لانه اخذ من وقتها الكثير..نجلاء كل يوم عن الثاني تزداد حيرتهاو سرحانها وخوفها وتدخل بحالة صمت اطول من اليوم الي قبله ..شوق تحاول تغير جوو البيت مع غدير وترجع البسمه حتى لو بشكل مؤقت..

في بيت ام نواف كانت ام صقر وعيالها وبناتها مجتمعين بالمجلس ..

ام صقر..يمه صقر حصلت لك بنت والله الكل يمدح فيها
دلال..ايه صقر انا بعد شفتها ماعليها والله
صقر..بنت مين
ام صقر..بنت جيران ام فهد والله البنيه عاجبتني
سلطان..وهذا المهم
صقر..كم عمرها
دلال..19 اول سنه بالجامعه
صقر..اجل توكلي على الله يمه اذا تشوفينها مناسبه لي
ام صقر..يعني ماتبي من بنات خالك احد
صقر..الله يوفقهم ويسعدهم
سلطان..آآآمين
التفت ام صقر ودلال على سلطان الي ضحك ..شفيكم
ام صقر..ماتبي اخطب لك
سلطان مبتسم..لا انا توني عالزواج ومسؤليته
دلال..والله والي من فتره معصب على بنت خاله
سلطان..قلتيها من فتره يعني كان وكان فعل ماضي والماضي مايرجع
ام صقر وتضحك..ماقلت لكم ولدي واعرفه
سلطان..شدعوه الغاليه
ام صقر..زين اني ماكلمتهم وقلت شئ
سلطان..الله يوفقهم ومبروك صقر مقدما لاني واثق البنت واهلها مابيقدرون يردونك وانا اخوك
صقر..بهذي صدقت الحمد لله انك اخوي
ام صقر..اقول سلطان وراء ماتعقل الحين وتترك اخوك
سلطان يبتسم..وانا شو عامل له الحين اسولف الغاليه
ام صقر..سولف بس لاتوجع قلب اخووك
سلطان ويصفر..والله واحلوت يمه هو يهمك قلبه وانا لا يوم اقول لك اخطبي لي تقولي لا
رمته امه بالمخده وطلع وهو يضحك وترك امه واخوانه يتكلمون بموضوع خطوبة صقر ..


اقترب موعد الزواج ليله وحده وتفرح غدير وسعد ..ليلة وتنتقل غدير من حضن البيت الي تربة فيه وعاشت فيه احلى سنين عمرها..البيت الي حضن ضحكها ودموعها..احزانها وافراحها ..راح تودعه بعد ليله وحده بس حاولت ترتاح وتنام بدري لكن من يناام بهالليله ..

بالمجلس كل العيال مجتمعين وخلال الجلسه بلغ فهد نواف بقرار عبير
نواف..افا لايكون صدر منا شئ
فهد..لا ماصار شئ بس تقول تعبت يااخوي بناتنا ماتعودوا عالشغل
نواف سكت وقال..خير ان شاء الله اهم شئ ماتركتنا من قصور منا
فهد..هههههه تطمن مامنك قصور


الكل نام ورتاح الا القلوب التعبانه نومها قلق مو مريح ..نوم متوشح بالخوف والتوتر ..نوم يتعب اكثر ماهو يريح ..

يوم الزواج الكل صاحي ومبسوط ومشغول فيصل ومحمد ومعهم سلوم البنات كلهم مشغولين وغدير متوتره ..

مرت الساعات بسرعه والكل صار جاهز وحاضر...

غدير..العنود بموت من الخوف
العنود..ههههههههههه
غدير..عنوده ليه تضحكين
العنود..ماادري شكلك يكسر الخاطر
غدير..المهم حلوو شكلي
العنود..حلوو لاتخافين كأنك القمر اهم شئ غدور لاتتوترين خليك مرتاحه
غدير..منين تجي الراحه
شوق..الله الله شو هالزين كلوووووووووووش
غدير مبتسمه..شوق والله محمد امي داعيه له
شوق ومبتسمه..احم طبعا مو انا زوجته لازم داعيه له امه
غدير..حتى فيصل داعيه له
نزلت راسها العنود وسكتت وكملت غدير..بس لو بعض الناس يحنون عليه
العنود..غدير بس
شوق..اقول عندي لكم خبر حلوو
الكل..شوو
شوق..انا حامل
غدير..شوق رايقه انتي
شوق..ههههههههههههه ابي تنسين الي انتي فيه
غدير..ذكرتيتي والله خايفه
شوق..مالت علي الحين بنسيها ذكرتها
العنود..شوق خالتي وينها
شوق..تحت روحي عندها انت خطيبة ولدها لا عفوا زوجة ولدها الكبيرر وحي اتجي بنت الحين وتأخذ زوجك منك
العنود..حلال عليها
شوق..ايه طيب حلال عليها المهم بنزل انا تبون شئ
غدير..شوق طمنيني على كل شئ ابي زواجي يكون حلوو
شوق..انتي خليك بحالك رايقه
طلعت شوق ونزلت تحت وحصلت الكل موجودين سلمت عليهم وجلست بعدها طلعت ساره عند غدير الي قالت لها تداري الحزن الواضح على وجهها وتضايقت ساره ونزلت ..

جاء وقت الزفه والكل كان موجود وخايف ومتوتر مع غدير ابتدت الموسيقى الهاديه ونزلت غدير وهو تحاول تبتسم لحد ماوصلت للكوشه الكل طلع يسلم عليها من المعازيم ويباركون لها ..
وشوي وجاء وقت زفة المعرس نزلوا البنات ولاظل غير غدير دخل سعد معه فيصل ومحمد وطبعا سلوم الكل بدأ يعلق عليهم الي تمدح بالمعرس والثانيه بااخوان العروس
شوق..ودي اذبحهم
نجلاء..ههههههههه روحي
التفت ساره عالبنات وهي تضحك..هذي زوجة المملوح الي تتكلمون عنه
استحوا البنات وسكتوا وشوق ضحكت من قلب على حركة خلود اما العنود كانت متغطيه وتحاول تداري حزنها وخيبة املها بفيصل
عبير..عقبال زواجك العنود
العنود..عقبالك انتي عبير
عبير..للحين زعلانه
العنود..قصدك للحين مجروحه
عبير..كل الجروح لها دواء
العنود..الا جرحي حتى لو حصلت له دواء اثره بيظل وبيكون مشوه قلبي
عبير..حتى التشوه له علاج انتي اعطي الغير فرصه
العنود..الله يكتب الي فيه الخير
عبير..العنود لاانتي ولاهو تستاهلون الي صار وكلنا عرفنا الموضوع لكن مانقول الا الله يهديكم ويسعدكم ..
العنود..آمين وياك يارب

طلعت غدير بعد ماحضنت امها وبكت ولاتركها محمد الابعد التعليق اما فيصل كل الي بخاطره قاله لسعد الي مل من كثر مايوصيه فيصل على اخته ..
سعد..بعيوني حرام عليك فيصل خلاص
فيصل مبتسم..يااخي مااقدر اختي
سعد..صارت زوجتي خلاص
فيصل..هههههههه خلاص طيب فهمنا يالله الله معك
سعد..الله الله بااهلك وخلاص الزواج وانتهى حل موضوعك خلنا نفرح
فيصل يتنهد..الله يعين فمان الله
سعد ..مع السلامه

انتهى زواج غدير على الخير الكل طلع وراح لبيته يرتاح وصلت سيارات فيصل ومحمد عند الباب نزلوا ودخلوا البيت لكن هالمره فيصل مسك يد العنود
العنود..ارجوك فيصل
فيصل..لازم نتكلم
العنود..بعدين
فيصل وبصوت حاد ..الحين امون خذي سلوم معك
دخلت اماني وسلوم ولاظل غير العنود وفيصل وموقف صعب على الاثنين ..
رفعت العنود الغطاء وقالت...الجــــــــزء الأخــــــير ...

رفعت العنود الغطى عن وجهها وقالت..بكل هدوء ... تفضل اسمعك
فيصل ظل يتأمل العنود بعدين ابتسم..تصدقين انك وحشتيني
العنود باارتباك ..عن اذنك
ميد يده ومسك يدها..لحظه العنود خلينا ندخل ونتكلم
ام فيصل بعيده عند الباب..فيصل الوقت متأخر خلي كلامكم بكراا
فيصل ويبتسم..الغاليه لخاطري الليله ولاتخافين مابطول
ابتسمت ام فيصل ودخلت للبيت ومشت العنود بااتجاه بيتها وتبعها فيصل ..دخلت وجلست عالكنب بالمجلس بعباتها وطرحتها على راسها مانزلتها
فيصل ومو عارف كيف يبدأ.....العنود انا اسف
العنود ساكته ومنزله راسها ..
فيصل..اعرف انه كلمت اسف ماهي كافيه ولاهي وافيه ولاراح تعوضك عن احساسك بذيك اللحظه لكن صدقيني غصب عني
سكت فيصل وعينه عالعنود الي مارفعت وجهها ولاهو قادر يحدد تقبلها لاسفه قرب عندها
فيصل..العنود تكلمي ردي علي اعرف اني غلطان ومستعد اعتذر لك قدام الكل العنود صدقيني ماكان قصدي اجرحك او اهينك لكن ماقدرت اتمالك نفسي سامحيني
هنا رفعت رأسها وعينها بعينه وبكل قوة تمالكت اعصابها وحبست دموعها وقالت..اسفه فيصل ماعندي غير حل واحد الانفصال ارجوك
فيصل وحاول يكون هادي..لا العنود الانفصال ماهو حل احنا ببداية حياتنا ارجوك العنود
العنود.. اسفه مااقدر ارتبط فيك واكمل حياتي بمهانه وذل مااقدر اسامحك واعيش معك واكون شريكة حياتك ويدك امتدت علي وانت ماتعرف صحة الكلام الي وصلك الطلاق حل واحد واخير مافيه غيره صح انا يتيمه لكن عشت عمري كله رأسي مرفوعه فااسمح لي مااقدر اعيش معك وانت انسان احترمه واقدره واشوفه قدوه لعيال اختي وانت تشوفنني اقل من ثقتك
فيصل يقاطعها..العنود اعتبريها غلطه زله لي وسامحيني
وقفت العنود وهالمره ماقدرت تمنع دموعها الي غطت وجهها ولاتتحكم بطرحتها الي نزلت من غضبها وتناثر شعرها على اكتافها ..زله تطعني وتقول زله ..تهيني قدام اهلك كلهم وتقول اسامحك ..تتهمني بتهمه بشعه وتطلب مني اقبل اسفك ..فيصل صعب جدا تتخيل موقفي او احساسي صعب تدرك حجم الالم الي عشته 23 سنه ولما حسيت بساعات فرح تدمر ومن مين من نفس الشخص صعب تحس بقلبي الي تجاهلت كل احساسه لسنوات طويله وجردته من حقه الطبيعي بالاحساس او حتى الحلم ماتقدر تعيش ساعة من الساعات الي بكيت فيها من قسوتك وظلمك عمرك مابتقدر تتخيل انك تحتاج حضن دافي يضمك امك اختك احد من اهلك وتقول انا تعبت خلاص ولاتحصل سنين من التعب والصبر والتحمل كلها هانت ونسيتها بالحظه الي ارتبطت فيك وبعد ساعات خليتني اتمنى كل سنوات الشقاء كل ليالي العذاب ولااعيش ثانيه من الثواني الي عشتها بعد طعنتك لي حرام عليك اهنتني عشان شخص حقير غرضه ينتقم مني لاني ماانسقت وراء اهواءه وينتقم منك لانك وقفت له حرام عليك مارحمت قلبي الي عااش سنين القهر مارحمت ضعفي ويتمي حرام عليك خليتني احس فعلا اني يتيمه من غير اهل او عزوه يقفون بوجهك ويقولون لا بنتنا طاهره
سكتت العنود وهي تصيح وجلست على ارض وهي تصيح ومسكها فيصل مع اكتافها ..خلاص العنود اهدي الحين
ابتعدت عنه بقوه..لا مابهدى اتركني بحالي خلني ارجوك اذا فعلا تبي اقبل اسفك طلقني ارجوك خلني اعيش بعزه وكرامه رأسي مرفوعه قدام عيال اختي طلقني واتركني اربي عيال اختي الي وثقت فيني وانا بنت مراهقه اتركني اعيش بعيد عن جرحك ابتعد ارجوك الي شفته بحياتي كفايه سنوات الالم والحرمان والشقاء كفايه لاتزيدها ارجوك طلقني الحين طلقني ورد كرامتي
فيصل بصوت عالي ..لا مابطلقك افمي طلاق لا وانسي هالكلمه مستحيل امسح الفرحه بعد ماحصلتها مستحيل ارجع لحياة الاحزان مستحيل اتخيل نفسي من دونك والمستحيل انك تكوني لغيري العنود انا ماتحملت شخص كتب اسمك برساله ماتخيلت ممكن شخص غيري ينطق اسمك حاولي تفهميني ارجوك صح انا اخطيت لكن والله يعلم انه عرف يستخدم الاسلوب الصح والوقت الصح هالحقير العنود امس كانت ملكتنا يعني بهاليوم الاحساس غير واللقاء غير والنظره غير كل شئ مختلف مميز.. استفزتني رسالته اسلوبي وتعاملي مع الي صار خطأ لكن اسف
جلس عندها عالارض ..اسف اسف ارجوك اقبلي اسفي

ماردت العنود وكانت تصيح رفع وجهها فيصل وقالها بتوسل..ارجوك اقبلي اسفي
العنود..مااقدر مااقدر طلقني
فيصل ويتنهد ..العنود كل الي صار لسبب واحد توقعتك تعرفينه توقعت انك فهمتي احساسي تجاهك العنود انا احبك صدقيني احبك وكل الي صار من غيرتي عليك افهميني العنود ارجوك الغيره ذبحتني عمت عيوني عن أي شئ
مارفعت راسها وزادت ببكاها وهالشئ اتعب فيصل ..خلاص خلاص بتركك ترتاحين لكن والله يالعنود انك غاليه عندي ولابسامح نفسي الا اذا قدرت ارجع البسمه الي اهديتني اياها بيوم الملكه وادخل السعاده لقلبك مسك يدها ووقفت ..بطلع واتمنى تطلعين وتصلين وتدعين الله يرحمك ويرحمني العنود سامحيني اذا فعلا تحملين لي ذرة احساس ارجوك
طلع فيصل وهو متضايق لحاله وحال العنود ..
طلع وهو سرحان بالعنود وحزنها والمها الي سببه لها
وطلعت العنود لغرفتها تصيح ماهي قادره كيف تستوعب الموضوع او تفكر وتقرر ماعرفت هل بتقدر تسامح فيصل على تصرفه او هل بتقدر تتحمل نظرته كلامه سلامه ..وغير كذا ماتقدر ماتسامحه ولاتقدر تنسى الي صار منه صارت بين نارين ..حبها له واحتياجها لوجوده بحياتها وبين كرامتها الي انهانت منه
صلت ودعت ربي يختار لها الي فيه الخير ونامت بعد معناة والم ودموع ..

اما فيصل وصل للبيت منهار كيف قدر بسهوله يدمر هالانسانه كيف قدر يذبح فرحتها ويصادر ساعات السعاده القليه بحياتها ..ظل يلوم نفسه ويعاتبها على الالم الي سسببه للعنود وبالاخير تعوذ من الشيطان وذكر الله وناام ..لكن ناام والعنود بااحضان فكره وقلبه وخياله

باليوم الثاني الكل صحى وكالعاده ماشافوا غدير وصلت وسلمت على امها وسافرت
سلوم..خالتي عنوده ليه ماتجي هنا
ام فيصل..لا بتجي ان شاء الله
سلوم..اقول لها يالله نروح تقول تعبانه
اماني..سلوم عنوده راسها يعورها وتبي ترتاح
سلوم بحزن ..كل يوم تعبانه
شوق..وانا بعد سلوم تعبانه
سلوم ببراءه ..وانت اماني تعبانه..؟؟
اماني..لا انت تعبان
سلوم يضحك..لا خالتي بروح العب بالشارع
محمد وهو نازل من فوق ..لا تعال العاب انا وياك برا
سلوم..يالله اول مابتفطر
محمد ويأشر على شوق..هههههههه شوفي الي يهتم فيني مو انتي
شوق وتلتفت عليهم..لاتصدقون صاحي بدري وفطر من زماان
محمد..هههههه حتى يمكن جعت
شوق..لا خلاص الغداء مابقى عليه شئ
محمد..لا ابي فطور
شوق ..محمد
محمد باابتسامه..عيونه
ام فيصل..اقول رح العب مع اخوك
محمد..ان شاء الله بس فيصل وينه
ام فيصل..الظاهر مانام الا متأخر ماشفته
محمد..صح من فاز وكم النتيجه
الكل ضحك على محمد الا ام فيصل الي عصبت بس ضحكت بالاخير..والله لو يسمعك
محمد..خليه يسمع والله من جد احسها مباره نهائيه بس شكلها بااشواط اضافيه
شوق..ان شاء الله بدون اشواط وتعادلوا
محمد..ههههههههه مايصير لازم احد يفوز نهائيه
اماني..محمد بس انت من تشجع اي الفريقين
سلوم..انا الهلال
محمد..هههههههههههه سلوم وانا مثلك يالله نطلع لايسمعنا صدق وتصير مصيبه

اما حمد كان جالس يتكلم مع نجلاء بخصوص موضوع سفره..
حمد..نجلاء انا اعتذرت عن المؤتمر مابسافر
نجلاء..خساره ليه
حمد..مالي خلق والله
نجلاء..بسبب موضوع ساره
حمد..يمكن لكن عندي موضوع بكلمك فيه
نجلاء..تفضل
حمد باابتسامه..فيه واحد من الشباب الي اعرفهم يعني من زملائي دكتور تقدم وطلبك مني
نجلاء..انا ومن وين عرفني
حمد..اهله عرفوك وبصراحه نجلاء الشاب ماعليه كلام كفوا ونعم فيه وبأهله طبعا هو دكتور جراحه عمره من عمري وصدقيني انسان مستقيم ويخاف الله طبعا انا ماابي اسمع منك رد لكن استخيري وفكري كويس بالموضوع لان هذا مستقبلك اوكي
نجلاء..ان شاء الله
طلعت حمد وترك نجلاء الي نزلت دموعها بسرعه كيف تتزوج وفهد شلون تتخلى عن حبها كيف ترضى تتزوج غيره وتتركه ..اتصلت بشوق وطلبت منها تمر عليها لان مالها بعد الله الا اختها تحكي لها وهي تسمعها بصدق الاخوه ..

العنود ظلت بغرفتها محتاره كيف تتصرف وبشو ترد على فيصل هل تصر على موضوع الطلاق او ترضى على فيصل ماعرفت ظلت محتاره لحد مادخلت اماني عندها
اماني..ها عنوده شفيك
العنود..ولاشئ
اماني..تراضيتوا
العنود..لا
اماني بحزن..خساره
العنود ونزلت دموعها...محتاره شو اعمل
اماني..قولي شصار
العنود..اعتذر مني وانا طلبت الطلاق
شهقت اماني ..لا عنوده فيصل مايتعوض صدقيني
العنود..مد يده علي وقدام اهله اماني صدقيني لما شفته حسيت جرحه ينزف
اماني..العنود فكري زين انتي تحبين فيصل وهو يحبك وغير كذا انتي محتاجه وجود واحد مثل فيصل بحياتك العنود انتي خالتي عشنا كل عمرنا مع بعض اعرفك وتعرفيني هم اخواني وعمرهم مابيتخلون عني لكن انتي تضمنين تتزوجين واحد مثل فيصل لا العنود فكري زين والله فيصل رجال حقيقي قليل ماتحصلينه بوقتنا صح عصبي بس انتي تقدرين تتحملين
العنود..اقدر صح وفيصل انا احبه لكن مااقدر اتحمل احد يهيني مااقدر خصوصا اذا شخص له مكانه عندي مااتحمل تصرفه كيف اهديه حبي ويهديني اهانه
اماني..العنود علمتنا امي شئ مهم بحياتها وانا متأكده انك مانسيتي
العنود..شو
اماني باابتسامه..الحب والتسامح يمسح الكره والحقد
العنود وتمسح دموعا..عمري ماانسى كلام عايشه لو كانت موجوده كانت قالت ارجعي بلا تردد عايشه تقول الكمال لله وكل انسان فيه خصله شينه مهما حاولنا لازم تكون ظاهره يمكن نقلل حدوثها بمهارتنا لكن صعب نمنع كل شئ لان الكمال لله ..الله يرحمها كأنها عارفه ان فيصل عصبي وتجنبه افضل وهو معصب
اماني..عنوده خلاص ارضي ابي اشوف الفرحه والحب بعيونك
ابتسمت العنود وسكتت
اماني مبتسمه..بصدق العنود مافرحتي لما كلمك واعتذر
العنود..فرحت ولااقدر اقول لا بس بنفس الوقت ماقدر امسك دموعي قدامه احس اني ضعيفه قدام فيصل
اماني...ههههههههههه عنوده الحين مابقول كلام امي الله يرحمها بقول كلامك انتي
العنود..الله يستر من ذاكرتك اليوم قولي
اماني..اذا نزلت دموعنا غصب عنا تكون اما بسبب احساسنا بالضعف او بسبب احساسنا بالامان وانتي اي الاسباب
العنود..تبين الصدق بكيت لاني حسيت بالامان مو الضعف انا موقفي قوي قدامه والله يعلم اني طاهره لكن دموعي بسبب احساسي ان فيصل انسان قادر يحميني بعد الله
اماني..خلاص اجل لاتصعبين الموضوع الحياة ابسط صدقيني
العنود..ان شاء الله خلينا ننزل تحت يالله

ببيت ام نواف ..نواف كان بالمكتب سرحان ويفكر ياترى ليه عبير تركت الشغل معه هل احد جبرها او هي ابتعدت لو صدق تميل له كاان مااختارت البعد بالعكس ..
كلام فيصل سيطر على نواف لدرجة انه يفكر فيه طوال الوقت معقوله عبير تفكر فيه او تميل له تعب من تفكيره وكل مايتوصل لقرار يخاف ويرجع عنه ..دخلت عليه امه
ام نواف..نواف بروح لبيت ام فيصل
نواف مبتسم وراح لها ومسك يدها..تعالي الغاليه الى متى بتظلين زعلانه
ام نواف..من قال اني زعلانه ماتبي تعرس بكيفك
نواف ويضحك..يمه اول شئ اضحكي
ام نواف وتدفه..ابعد عني والله انك فاضي
نواف..اضحكي والا مابقول اني موافق
ابتسمت ام نواف..موافق تعرس
ابتسم نواف وحب راس امه..لخاطرك موافق
ام نواف ..لا توافق لخاطر ماابي ياتتزوج برضاك والا خل البنت عند اهلها
نواف..موافق بنأخذ الي يحبنا وبنترك الي نحب
ام نواف ..من تقصد للحين تحبها استح على وجهك البنت تزوجت وعندها ولد
نواف ويضحك..لا يمه مااحبها ولاعمري حبيتها صدقيني بس ابي اخذ الي تحبني وابي اعرف منهي
ام نواف..حسبي الله على عدوانك شلون عرفت
نواف مبتسم..انتي قلتي لي
ام نواف تضرب صدرها..انا متى
نواف ويضحك على امه..يمه انتي قلتي خذ من يحبك ولاتأخذ من يحب بس انا مااعرف احد يحبني
ام نواف..ايه تحبك بعد العرس خلاص اخطب لك
نواف..لا اول قولي لي من البنت يمكن ماتعجبني
ام نواف..عبير بنت عمك كامله والكامل الله سبحانه
نواف..واذا رفضتني
ام نواف..وليه ترفضك
نواف..يعني ماتعرفين يمه
ان نواف..يمه اهلك انا ماعرفتهم وعشت معهم الا قليل لكن بالفتره الي رجعتوا مع بعض عرفتهم وخصوصا عبير وصدقني يمه هالبنيه مايهمها المظهر لا بالعكس لكن

يتبع ,,,,
👇👇👇
أحدث أقدم