رواية طلبتك لاتحاكيني -36

رواية طلبتك لاتحاكيني - غرام


رواية طلبتك لاتحاكيني -36

مشاعل:يعني تبي تودعني
لحظة وداعك اه يا لحظه وداعك
ياهي صعبه بالحيل صعبه
وانا ابي قربك وابي قلبك
وابيك بدنتي تبقى معي تبقى
نسيت اني اعشقك ولا تنسى اني بفقدك
لحظة وداعك ياهي صعبه بالحيل صعبه




ايطاليا_روما



في حديقة فيلا بور قيزي كانت رغد مع تركي فرحانه ضحك وسوالف وناسيه كل الدنيا وراه لاول مره بحياتها تحس بالفرحه بقلبها من دون شي ينكد عليها....

قعدت رغد تطالع القوارب الي بالبحيره ...

تركي:تبين تركبين في القارب؟
رغد:تعرف اني ماقدر اركب لاني...
تركي(يقاطعها):لا تقولين هالكلام انا بسويلك أي شي تبينه
رغد(طالعت فيه مستغربه):شلون؟

قرب منها تركي وشالها من الكرسي قدام الناس وتصارخ متعلقه فيه...

رغد:تركي نزلني الناس فشله تطالعنا
تركي:ماعلى منهم مو تبين تركبين بركبك

راح عند القوارب واختار قارب وقعد رغد فيه وجلس فيه ....

رغد ماتوقعت يسوي هالحركه بس حبته اكثر لانه ركبها وحقق لها الي تبيه...
تركي يطالع فيها اهم شي انه قدر يفرحها بشي حتى لو بسيط...

رغد:ادرى تعبتك معاي
تركي:رغد لاتقولين كذا انتي ماتدرين شكثر انا افرح لما اشوفك تبتسمين
رغد:طيب ممكن سؤال؟
تركي:امري
رغد:انت ليه مهتم فيني مع اني ما اقدر اتحرك
تركي:وهذا الي شدني لك
رغد:شلون مافهمت ؟
تركي:لان احس دايم انك معتمده على ومحتاجه لي مثل ما انا محتاجلك
رغد:طيب لو قدرت امشي ماراح تحبني
تركي:يعني مو مثل اول
رغد:تركي بلا سخافه تبيني اقعد طول عمري مشلوله
تركي:لا تقولين مشلوله قولي مقعده
رغد:وش الفرق؟
تركي:على الاقل باللفظ بس
رغد:طيب شنو المفاجاه الي قلت عنها؟
تركي(وجها ومسك ايدها):رغد تتزوجيني



الجزء الخامس والعشرون

اسبانيا_مدريد


رجعت مشاعل للغرفه من غير ما تكلم احد فسخت الجزمه ونامت على طول,هديل وشوق استغربوا منها قامت هديل لجهة سريرها ....

هديل:مشاعل انتي وين كنتي؟
مشاعل:فيني النوم بكره يصير خير
هديل:طيب على الاقل قولي صار لك شي؟
مشاعل:هديل هذاك تشوفيني قدامك مافيني شي خلاص بكره

استغربت هديل منها بس قالت بكره بتعرف رجعت لسيريرها ونامت ....


ايطاليا_روما



رغد ترمش بعيونها ببطء مو مستوعبه الكلام الي قاله تركي لها....

تركي:رغد شفيك ردي على تتزوجيني؟
رغد:معقوله تركي انت تبي تتزوجني انا؟
تركي:أي انتي شفيك؟
رغد:تظن اهلك بيوافقون؟
تركي:انا اقدر اعتمد على نفسي واهلي مايهموني اهم شي انتي
رغد:ارجع البيت وفكر زين بعقلك مو بقلبك وبتشوف ان الي تسويه هذا غلط
تركي:زواجي منك غلط
رغد:تركي مو قصدي بس ...
تركي:رغد فهمني ليش موضوع زوجنا مو عاجبك؟
رغد:يعني كل الي فيني وتقول ليش اهلك ماراح يوافقون وحتى لو وافقوا غصب عنهم وامك اكيد تحلم تزوجك وحده احسن مني انا ما اقدر ابني ساعدتي على تعاسة الاخرين
تركي:يعني امي تختار لي وانا ابتلش بعدين انا الي بتزوج مو امي وانا ابيك انتي انا عمري ماراح الاقى وحده مثلك بالدنيا
رغد:طيب عطني فرصه افكر
تركي:رغد شتفكرين فيه انا لما قلت بتزوجك مافكرت فيها
رغد:شفت يعني لو فكرت بترجع عن قرارك
تركي:عمري ماارح اتراجع عن قراري خلاص بعطيك فرصه تفكرين بس اذا طولتي بروح اخطبك والي يصير يصير

رغد:هههه مجنون
تركي:فيك ههههه

رجعت رغد للبيت بعد مادقت على الحارس والخدامه الي كانوا يدورون عليها وحمدت ربها انهم مادقوا على امها ولا ابوها لانهم خافوا انهم ينطردون لانهم ماراقبوا رغد عدل...


اسبانيا_مدريد


هديل:مشاعل ميشو يلا قومي
مشاعل(تحس فيها بس مطنشه):......
هديل:مشاعل يلا قومي قولي بسرعه وش صار امس؟
مشاعل(قامت متنرفزه):اففف خلاص قمت بس انتي وخري عني ازعــــاج
هديل:يعني من مساع انتي جالسه ليه ماتردين على؟
مشاعل:مالي خلق
هديل:انتي وين كنتي امس راشد رجع الفندق وسال عنك وبعدين فجاه قال عرفت مكانها وطلع يجيبك اذا ما كنتي معه اجل كنتي مع مين؟
مشاعل:كنت اتمشى
هديل:تتمشين طيب هذي امشيها,انتي امس تهاوشتي معه؟
مشاعل:أي تهاوشنا
هديل:طيب تصالحتوا؟
مشاعل(بارتباك):ايه
هديل:اجل ليه متضايقه لو تصالحتوا كان رجعتي امس مستانسه وجلستي تقولين تفاصيل اللقاء كله وش صاير ضربك سوى لك شي؟
مشاعل(قامت من مكانها وعطت هديل ظهرها):ياليت ضربني كان اهون
هديل(خافت وراحت جلست جمبها):ليه هو وش سوى؟
مشاعل(طالعت فيها بارتباك):هو.....
هديل:انطقي وش سوى؟
مشاعل:انزين اذا قلت لا تصارخين ولا تعصبين على؟
هديل:مشاعل خوفتيني قولي
مشاعل(قامت من مكانها وبعدت عن هديل):هو باسني
هديل(ما استوعبت الي سمعته):نــــعم وش سوى؟
مشاعل:يعني لازم اعيد الكلمه باسني
هديل(قامت من مكانها وقربت من مشاعل):هو شلون تجرا وانتي شلون سمحتي له؟
مشاعل:يعني بصراحه امس تهاوشنى وكان بيتركني وانا ترجيته على اخر لحظه و....يعني الموقف كان يساعد وكنا لحلنا وباليل يعني شلون تبيني اوصفلك الموقف صار وخلاص
هديل:انتي غبيه تدرين ان هذا حرام
مشاعل:يييو زاك في امريكا قعد يتراجاني وانا ماكنت اوافق واعتبر نفسي عربيه ومسلمه بس راشد غير لما اشوفه احس نفسي ضعيفه وبعدين كنتي تبينه يتركني انا كنت مستعده اسوى أي شي عشان لا يخليني
هديل:يعني مستعده تنامين معه عشان ما يخليك؟
مشاعل:لا عاد مو لهدرجه
هديل:توصل لهدرجه دامك سمحتيله يسوى كذا فيك
مشاعل:هديل يعني بتقنعيني ان طول معرفتك بفيصل ماصار شي بينكم؟
هديل:طبعا لا
مشاعل:طبعا لا 3سنين حب شنو يعني حب عذري
هديل:أي حب عذري ولا مايصير؟
مشاعل:لا مايصير كل البنات الي اعرفهم والي تعرفينهم والي تعرفهم شوق والي البعض شفناهم بانفسنا كلهم يحبون بالطريقه هذي يعني بتقنعيني انك غير؟
هديل:مشاعل كل شي بالدنيا فيه منه زين وشين بس المفروض احنا نعرف نفرق
مشاعل:طيب شوق وينها؟
هديل(عرفت ان الكلام ماعجبها وتبي تغير الموضوع):طلعت
مشاعل:مع مين؟
هديل:مع عمها مدرى وين راحوا
مشاعل:ياكره
هديل:من هذا؟
مشاعل:عمها هذا ما اطيقه
هديل:غريبه اول انت كنتي تقولين يعجبني ومدرى شنو
مشاعل:اول وكنت غبيه بس الحين مو طايقه اشوفه ولو ودي كان ارجع لاول طياره للسعوديه
هديل:لهدرجه يعني....

قاطعها صوت الباب الي انفتح ودخلت شوق وورها عامل بالفندق داف العربه الي مليانه اكياس...

شوق:هاااي
مشاعل:هاااي انتي وين رحتي؟
شوق:قمت الصباح ودق على عمي عشان يطلعني السوق
هديل:ليه شالمناسبه؟
شوق:بمناسبه عيدميلادي يعني ما تدرين؟
مشاعل:هههه الا ندرى بس بنسوي لك مفاجاه مو زي عمك السوق احنا كل يوم نروح السوق
شوق:ههههه محتره لان عمي وداني السوق
مشاعل:ييييو الحمد الله والشكر

دخلت مشاعل للحملم وقالت هديل سالفه مشاعل وراشد لشوق....




ايطاليا_روما



في الفلا كان تركي قاعد مع امه وابوه عشان يفتح معاهم موضوع رغد...

ام تركي:تركي احكي وش الموضوع الي عندك ؟
تركي:يمه يبه انا قررت اتزوج
ابو تركي:زين الحمد الله عقلت تبي امك تخطب لك ولا في بالك وحده؟
تركي:لا انا في بالي وحده
ام تركي:من بنته؟
تركي:بنت جيرانا الي توهم جاين
ام تركي:زين ما اخترت بيت الهيماني معروفين بس انا مااخبر عندهم بنت الي وحده و.....ليكون بتخطب بنتهم ال....
تركي(قاطعها):ايه يمه بخطبها
ام تركي:انت مهبول تقعد طول عمرك ماتتزوج ولا تاخذ وحده مشلوله
تركي:يمه يقولون مقعده مو مشلوله
ام تركي:وش الفرق؟
تركي(تنهد):يبه وش قلت؟
ابو تركي:تركي انت مفكر زين بالموضوع عارف يعني شنو تاخذ وحده مشلوله
تركي(بجديه):أي يبه مفكر زين انا عارف وضعها ومو مشكله عندي
ام تركي:انت من جدك تحكي معه انا لو منك اقوم اضربه مو كفايه المشاكل الي كان يسويها وكل يوم جايب لنا بنت شكل ولما جاء بيتزوج بياخذ وحده مشلوله
تركي:يمه بتروحين تخطبينها ولا اخطبها بنفسي؟
ام تركي:روح اخطبها واكيد اهلها بيوافقون لانهم مبتلشين فيها
تركي:يعني لو كانت بنتك كذا كنتي بتقولين عنها هالكلام؟
ام تركي:بسم الله على بنتي من هالمرض
تركي:قلتيها يمه مرض والواحد لازم يتقبل الي الله اكتبه له
ام تركي:وانت شلك تبتلش فيها؟
تركي:يمه انا ببتلش اذا انتي خطبتي لي وحده ما ابيها
ام تركي:يعني هذي الي بتسعدك الحين؟
تركي(قام من الكرسي):يمه هذاني قلت لك باخذ رغد وغير رغد ماراح اخذ

طلع تركي من الفلا معصب من ردة فعل امه...

ام تركي:ساحرته اكيد ساحرته
ابو تركي:وش ساحرته الولد باين انه يبها ليش توقفين بطريقه مو يمكن يعقل على ايدها وربي يهديه
ام تركي:انت عارف شنو ياخذ وحده مشلوله هذي بتعبه زياده هو يتزوج عشان يرتاح ويستانس وعمره مابيستانس مع وحده مشلوله
ابو تركي:انا بصراحه ما ابي ولدي يضيع مني واذا هو يبي شي بسويه له انا بروح اخطبها له بتجين معاي ولا لا؟
ام تركي(ماعجبها الكلام بس هي ماتقدر تعارض زوجها):بروح واشوفها وان طلعت خايسه والله ما اخذها لودي
ابو تركي:ههههه وش خايسه والله انك فاضيه قومي بس ندق على ولدك ونخبره اكيد الحين زعلان

قامت ام تركي مع زوجها وهي مو عاجبها هالزواج اكيد كل ام تبي لولدها احسن وحده بالعالم بس كل شي بامر الله (وعسى ان تكرهوا شيئأ وهو خير لكم).....



اسبانيا_مدريد


بعد الغداء بدى الكل يجهز لعيد ميلاد شوق الي مو عارفه حتى وين بيسون الحفله مشاعل وهديل ودها لاحسن صالون عشان تتجهز فيه للحفله وهم بيرجعون لها بعد ما يخلصون شغلهم....

بالنسبه لعبدالعزيز كان من امس متحمس للحفله ومن الصباح اليوم الثاني قام يجهز لها كل الغراض كان يبي يسوي لها عيد ميلاد عمرها ما تنسى لانه كان ناوى يعترف لها بالحفله بحبه لها....

في الصالون...

شوق:طيب ميشو قولي لو شي صغير عن الحفله؟
مشاعل:لو تموتين ما اقول
شوق:ادرى فيك نذله ماراح تقولين بسال هديل احسن
هديل(سمعتها):لا تتعبين نفسك ماراح اقول شي
شوق:اففف يعني ما يصير كذا عيد ميلادي حتى مااعرف وين؟
مشاعل:بصراحه احنا ناوين نذبحك بس قلنا عيد ميلاد عشان ما تشكين
شوق:ههههه لا يعني الحين ماقلتي
الكوفيرا(الاسبانيه)lz miss I can't work can you stop move
شوق:عشتوا هذا تقولي لا تتحركين
هديل:انت كل شوي تتلفتين اقعدي مكانك عشان يطلع شغلها عدل
شوق:اصلا شعري حلو من غير تعديل اسم اني رحت كوفيرا ولا هي مالها داعي
هديل(تجاريها):ادرى حبيبتي ان شعرك حلو بس خذيها على قد عقلها واركدي
شوق:كانك تتنطنزين على؟
هديل:افااا ولو
شوق:ترى انا ساكته عنكم بس لانه عيد ميلادي
مشاعل:ههههههه واضح

على الساعه 10ونص طلعوا البنات من الصالون لانه كان زحمه مره هديل ومشاعل راحوا بسياره لوحدهم وشوق راحت بسياره لوحدها عشان هم بيسبقونها على مكان الحفل....

في السياره عند شوق كانت متشوقه تشوف الحفله حتى لو كانت بسيطه كانت بتعجبها لان عبدالعزيز فيها وصديقتها من الصبح مجهزين لها....

وقفت السياره فجاه وقف معها قلب شوق ماتدرى حست بشي غريب ...
اخذت نفس واول مالمست مقبض الباب انفتح فجاه وشافت واحد يفتح لها الباب ابتسمت له من الخوف والربكه اول مانزلت من اللموزين السوداء وكانها اميره...


خافت لان المكان كان ظلام استغربت بس فجاه نور المكان شافت كاشافات كبيره تنور بالترتيب ولما فتحت عيونها كانت احلى مفاجاه لها لما شافت عبدالعزيز واقف قدامها ويبتسم احلى ابتسامه شافتها بحياتها...

عبدالعزيز وقف مبهور بجمال شوق كانت من جد طالعه اميره بفستانها الابيض كانها عروس بليلة عرسها كان موديل الفستان كوكتيل طويل ومليان شك والي مزينه الورده الي على خصرها بالكرستال كانت تلمع ومعطيها جمال زياده كانت فاتحه شعرها مثل الحرير منثور حولها بلمعته الذهبيه ومزينه التاج الالماسي فوق راسها ليثبت اكثر بانها اميره وحلقها الي مكتوب فيه اسمها بانجليزي بالكرستيال...

تقدم منها ببدلته الرسميه مبهور فيها...

عبدالعزيز:تدرين اليوم طالعه كانك اميره قلت مافي مكان انسب احتفل فيه بعيد ميلادك الا بقصر مثل كذا يناسب مستواك ويناسب وحده مثلك

شوق ماقدرت تنطق بشي كانت كانها مخدره مو عارفه تعبر عن سعادتها عبدالعزيز واقف قدامها ويمدح فيها وهو الي مسوي لها عيد ميلادها...

عبد العزيز(وهو يمد يده):تسمحيلي باهالرقصه


يتبع ,,,,
👇👇👇
أحدث أقدم