رواية سعوديات بعروق ايطاليا -68
ريم طرطعت خخخخبدر سأل بنته اللي شكلها وافقت .....
بعد ربع ساعه نزل بنته عندهم ....
دخلت البيت بنوته بيضاء دبدوبة شعرها بني تمشي بخجل ...تجنن تشبه لبدر وواضح ان فيها عرق اجنبي كندي امريكي
.مسكها خالد ودخلها عندهم
إبتهال طلعت فوق ولاناظرت فيها ,,,
خالد استغرب حركة اخته لانهم ماتربوا على الحقد
ريم : لبى قلبه الحلوووه تعالي سلمي
سعود : ياهمجيه ماتفهم عربي هههههه
ريم : والله بجد رحنا فيها اجل ههههههه
سعود : ا ي عائلة غريبة كلهم انجلش مدري ليه
روز استحت مره وخجلت ،،
سعود : يلا ريم تعالي نمشيهااا وش رايك
اخذها سعود وودها تويز أر اس واستناست البنوووته مره و طبعا ريم لطشت لها كم غرض خخ صكيته بفاتورة محترمه
رجعوا البيت كانت إبتهال جالسه في الصاله ...
دخلوا وراحت روز تركض لانها شافت حمودي ولد خالد الصغير
ضي مستغربة : مين ذي ..؟
خالد : بنتي هههههههه
ضي بدلاخة و تناحة : وجع
خالد : ههههه وجع عاد افا امزح وانا اقدر ذي ياحبي بنت بدر ولد عمي سعود
ضي : ياحبي لهاااااااا تدنن ياخي تكسر الخاطر مره ليش ... امها هنا
خالد : لا طلقها بدر وبتسافر امريكا
ضي : أي قلي وانا اقول ليش كاسرة خاطري ..............
جت روز تلعب ومسكت الريموت تلعب فيه ،،،
صرخت عليهااا إبتهال بقوه : اتركيه
خالد : إبتهال وش فيك بزر ذي ماتفهم
إبتهال : أي محد يفهم يعني انا اللي ماافهم مو ذا قصدك ....
خالد : لا حول و لا قوة إلا بالله ماقلت كذى بس البنت ماتفهم عيب عليك تحمليها شوي بس وبيجي ابوها
ياخذهاااااااا.......
إبتهال : لا والله مطوله بعد خلاص لاعاد تجي هنا وش قالوا له ملجى احنااااااااااا
ضي : تعوذي من الشيطان ياإبتهال مااخبرك بهالقسوة حرام عليك
إبتهال طنشت وطلعت فوق
روز بكت من الصراخ وراحت لخالد : آي ونت مااي فاذر ... أي وانت داد
تبكي
ريم : والله الوهقه وش الحل ...؟
مسكتها و رفعتها فوق
خالد : ياساتر اذا جاء بدر وشافها كذى وش بقوله المشكلة انا اللي اصريت انه يتركها عندناا مشكلة والله
ضي : لا تشيل هم << كل طيبة العالم في ضي يا ناس وربي تجنن
اخذتها ضي ولعبتها خلتها تنبسط لين نست اللي صار
الساعه 11 في الليل ...
بدر دق على خالد ... واخذ بنته …
(6)
>>< من بين خلجات صخب الإختيار و الإجبار !!
تأمل قدرهـ بدقة فائقة ...!
كيف لي أن اختار او أن ارضخ لجبروت القرار الطاغي ..!
كل الأقنعة باتت متشابهة من حوله >><<<<
ذلك هو العاشق الصامتـ نوافـ
في غرفته يهوجس ...
( رفضتني ليش ...؟ طيب ليش احس يوم تحاكيني ذاك اليوم كانها استحت و اللي تستحي
يعني تحب ...!! )
شد شعرهـ بعنف بالنسبة لشخصه و غمض عيونه بحرارهـ
( يا رجال وش قاعد تخربط تحب أي تحب و هي رفضتك بكامل قناعاتها ... خلاص بروح و انسى هواها بس
المشكلة اني بروح للهواء اللي تتنفسه بضطر اشوفها ... وش دراك يا نواف يمكن تتغير مشاعرها )
نواف وقف قدام المرايا المذهبة الأطار في غرفته يتأمل حاله ...
( الله يعين صار لي سنتين يمكن و انا معلق بين السماء و الأرض مع ذيك العيونـ )
انتابته حالة تشنج من حيث المشاعر ....
مسك شماغه بإهمال و حطه على كتفه
و هو طالع من غرفته
رامي بعربجة << يقلد الرجال بكل شيء خخ : ارحبوا السنافي نواف هنا
نواف بغير نفس و هو يقفل غرفته : قاط الكلافة انت و خشيمك عمك يالثور قل عمي لا اكوفنك بذا
رامي : وش فيهم تافلين العافية ههههههه إلا تعال عمي العزيز وش عندك بالله يوم انك تقفل غرفتك على
الطالعة و النازلة مدري بس يمكن فيها كنز او هيك شيء وانا ماندري !! << اموت على التلميح ^_^
نواف بنظرة متفحصه : لا ياشيخ انت تأكل كبر راسك ولا عاد تسأل لك عين بعد احمد ربك اللي ما قلت لابوك
رامي : ههههههه وش فيكم انتم عادي انا كبير ترا اشوف اللي ابي و لا تظلمني ترى ذاك اليوم نمت بغرفتك
فجاءه لان ريم أم دماغ ذي هي وقصتها اللي تقول دجة صوف صرفتني عندها صاحبتها و طردتني من
غرفتي
نواف أعصابه لا تزال مشدوده لانه لا يزال يفكر فيها : ما حلى والله يا صاحبات ريمووت ام لسانين
رامي بربشة : موووت والله يا نواف لو شفتهم ههههههههه وحده تقول تايرا نايتلي مجلسه قدامكـ الخالق
الناطق
نواف بنظرة متفحصة اكثر : نعنبو عدوك مين طلعت عليه انت داشر ( مسكه و شده) وش بقيت لعمرك
الجاي أن ربي عطاك عمر إن شاءالله
رامي : كح كح افا عليك مين بطلع عليه عليك طبعا عمي الفاضل و العزيز و الموقر
نواف ابتسم نوعاً ما ( تركه) : عشان الموقر ذي تركتها احس انك باذل جهد فيها احمد ربك و إلا كنت بفقع
لك نص خشتك ..
تركه ...
وبعدين استدرك
نواف ( شده مره ثانية ) : صح صح تعال يالثور وش مسدحك بغرفتي قبل البارح هاه ..!!
رامي : ههههه والله اني رفضت و قاومت داري ان عندك بلاوي و اشياء محظورة و قلت يا ريم والله نواف
بيلعن شكلي لو يدري قالت انا اتفاهم معه بس تدري شهادة حق ان غرفتك فله هههههههه
نواف بإقناع : وأنت لقيتها فرصة ولعبت لعبتك المفضلة يا ورع هاه ..قمت تفتش على كيف أم ابو جدانكـ
( شد اذنه ) اخذها معلومة ريم ذي مثل ابليس بالضبط تغري الشخص و بعدين تروح و تتركه ولا كأنها طقة
الصدر و قالت انا اتفاهم عنك معه
رامي يبعد نواف : والله عاد اختك وتفاهم معها .... بس تقفليتك لغرفتك ترى تجيب لك الشبهه زود للمعلومية
نواف يمسك اذنه ويشدها اكثر : انت ما تعقل ابد يموت يهودي لو تركد ادري ان تسبدك ( كبدك) تقوطر على
الغرفة بس عشم ابو بروك بالجنة استغفرالله بس
رامي بحكمة : ياجاهل استغفر الله العلي العظيم بس ماعليش ياعمي نواف ماتوقعتها منك ..ذا وانت بتروح
تبتعث في ايطاليا افا افا بس مايجوز تحكم بالجنة او النار لاي شخص لو انه مين صحيح ان ابو بروك ذا
رفيقكم ادشر داشر و مافيه شيء ما دلع عمره فيه بس ما يجوز والله مدرس التوحيد قالنا كذا
نواف تنهد : اول مره بحياتك تنطق كلام مفهوم و على بينه الله يزيدك إن شاءالله .. واحذرك اياني و اياك
تقرب داري بس
رامي : ههههههههه ليش طيب ؟ عشان حتة قنوات سخيفة يارب بس تحفظنا يارب يارب ( ينفخ ثوبه)
<< متاثر بحركات الصبايا من مقابل فيسهم 24 ساعه
نواف بنرفزة : وعشان هالاشياء بقفل غرفتي عشان ما اخذ ذنبك يالدلخ .. اصلا حتى انا مابيهم بس الدلخ ذا
نذير مركب رأس مدري من وين طلع لنا فيه الله يسود عيشته انا بوريك فيه قبل تدشر علينا و لا تردك غير
الأحداثـ
رامي يبتسم : بالله عليك صدقتك تصدق
نواف مسكه للمرة العشر طعش و معط اذنه بقوة : مين مسود تاريخي عندك هاه !!
رامي يبعد يد نواف : بسم الله حشى حديدة ميب يد ... المهم اتركنا لا تاريخ ولا جغرافيا ابوي يبيك تحت
نواف بعناد قرب يدهـ : وش تقول يا ورعـ !! ارفع صوتك
رامي : ياليل .... ترا منيب فاضي لك عندي مشوار مع بلوط
نواف : حنا لو يفكنا الله من بلوط و عليماته كان بألف خير ..ولو نترك جلسات البنات ترى عيب رجال عمرك
كم ماشاءالله و مقابل لي فيس ريم و الهنوف وداليا 24 ساعه خرطي تراهم اكبر نصابات بالشرق الاوسط و
العالم اجمع
رامي بتريقة بالمثل : أي والله لو يفكنا الله من حجرف و عليماته كان بألف خير
نواف التفت له بحماس و ابتسم : وش دخل جد ابو حجرف بالسالفة ...؟
رامي : لان ما عندك صديق غير حجرف الأطخم ذا و نايف بس طبعا ضميري و مشاعري كشخص بار بالصلة
و القرابة ما يسمح لي اقول عن خالي نايف انو صاحب فاسد و الصاحب ساحب ترى ..
نواف و رامي ينزلوون و يسولفون ...
نواف : بالله تقول الصاحب ساحب اجل ..؟
رامي : الله الله << ملح ملح ذالبزر ^_^
الهنوف اللي قابلتهم : ياهلا ياهلا مرحب يا مرحب
نواف بإبتسامة مختلطة بالسخرية : شوفي لو تفحطين بيديك و رجليك مايمديك اوصلك لو بيت بدر اخوي
اللي حذفة عصا
الهنوف : خخخخخ مالت بس تدري منيب راده عليك لسبب واحد فقط عشان ذالطعس رامي مخاويك اكيد دابل
كبدك و عشان توي..
رامي قاطعها : نواف ترى ذا كله لاني جحدتها البارح ولا استقبلت الاوردرز اللي طلبوا من هرفي
نواف بإعجاب يناظر الهنوف اللي معصبه من حركات رامي : يا ماشاءالله اشوا عقلتوا ههههههه خلاص
تركتوا استقبال الطلبات شخصيا
الهنوف بخيبة : أي والله بعد ما غسل سعود شراعي ذاك المرة عقلت ..انا مدري ليش مكبرين السالفة
نواف : ليش يعني الاجنبي موب رجال عادي ما تغطين هالفيس الميمون عنه ( مسك خشمها )
الهنوف بإقناع : شيل يدك هنا << تتنرفز من أي احد يلمسها ^_^ مدري بس الاكيد انو ارحم من شباب البلد
يعني مايهمه انو شاف وحده او لا متعود اصلا من كثر فرفرة هالبيوت ولاهوب فاضي يشغل رادارت القز تبعه
نواف بإسلوب ناصح : اقول زانت علومك بس استغفري وبعدين تراه رحمة له انو ما يشوفك فيسك الميمون
الهنوف : والله عاد موب مشكلتي انك تغار مني صاحباتي بالمدرسة كلهم خاقين علي
رامي : اووما خاقين معليش صدقيني عمتي الفاضلة ماعندهم ذوق ولا نظر ولا مروءة << مدري وش دخل المروءة
الهنوف : ياليل شوفوا مين يحكي ذالورع اللي يذكرني بالنحو اول فصل مراجعة ماسبق دراسته
رامي : كركركركر هاهاها ينقالك تخففين دمك انت و ام دجة وينها بنتريق عليها شويات والله يا نواف لو
تشوف دماغها و قسم كنك تشوف شجرة خخخخ
نواف : هههه شر البلية مايضحك من جدكم أي قصة شعر تهبون فيها لو هي خياس
الهنوف بحماس : ياويلي بس ذكرتوني و حسررتي على وخيتي ريموت
نواف يشخص ويناظرها بالمرايه : ليش و ش صاير لها اشوفها قامطة ام ابو العافية ولا عاد تنطنط لا في ذا
او في ذاك
الهنوف : بلاك ماتدري عن اخس ( بدت الاصابع تشتغل بالتفاعل ) و اسوأ و اشين مشغل بالرياض تخيل طلبت
ريم قصة و جت ام تبن ذي انا بعرف اعمله لك هيك ( تقلد حكيها) والله و تجيب المقص و تحش شعر ريم تخيل
صار من جد شجرة على قولة ذالبزر
نواف يناظرها بحيرة ساخرة : هههه لا لا ماعليش لا تقولين انك مسكتِ لسانك انت وهي ولا غسلتوا شراع
الضعيفة
الهنوف : والله اني قمطت العافية لاني مديرتنا عجوز قريح ذي متكية بالمشغل تسوي نمص ياعساها اللي
منيب قايلة يعني ماتدري انو حرام مير ربي فوقها ....
رامي : قولي له وش سويتي هههههههه
الهنوف : للمرة العشر طعش اقولك كلت يورسيلف و لاعاد تقاطع اللي اكبر منك و معلي شاذا حكوا الكبارين
الصغارين يأكلون ابو العافية و يكتفون بالصمت فضلا لا امرا
نواف : ههههههههه وربي انك رهيبة هنيف بالله وش سويتِ لها معطتِ شعرها او كسرتِ عظامها
الهنوف : والله هي( اللي قصت الشعر ) اكلت هواء و تورطت وجتني الإداره الفاشلة اللي راس مالها بنتين لا
شكل ولا اسلوب و دقيت لهم رووسهم عند الحاضرين كلهم .. والله و تنط لي المديرة وتسحبني و تعطيني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك