رواية قناع حبيبي -14
زين عورت قلبه بس مايبيها تشوف ابوها يبي يعذبه : قلت لج ماراح تشوفينها امس كنتي معاهازين وهي بتنفجر: الله يلعن الساعه الي شفتك فيها
راسي : وبعدج ماشفتي شي ... مو انتي الي تعانديني .. عبالج نسيت الحركه الي سويتيها فيني بالمكتبه ولا يوم تفشلني مع ابو بنت خالتج
زين : انت ... انت من صجك ماخذني وتبي تعذبني عشان هالسالفه ... والله انك مر...
راسي : خلاص مابي اسمع صوتج يلا الفطور وصل امشي اكلي
زين : مابي
سحبها من يدها : مو على كيفج
قعدها على الكرسي وحط الصينيه قدامها : يلا جدامي اكلي
زين متكتفه وتهز راسها بلا
خذ لقمه وقربها من فمها : يلا عاد ... كأنج ياهل يلا اكلي هاللقمه ورانا سفر وانتي مو ماكله شي من امس
زين تحس ان معدتها بدت تطلع اصوات كأنها تتذمر عليها لأنها ماتأكلها :قلت لك مابي شي ... انا باقوم
قام بسرعه من كرسيه وفجأه شافته جدامها من الخوف طاحت على الكرسي مره ثانيه
زين وهي تطالعه قالت بأرتباك : شتبي ... وخر عني باقوم
نزل لمستواها ومسك يدينها رجعت راسها لورى وبضعف قالت : اتركني
راسي ولا كأنه يسمعها قرب منها وصار مايبعد بينهم شي حست بأنفاسه على وجهها ولمسة يده على يدها قرب منها اكثر و ....
زين و وجهها تقلب كل الالوان : يا قليل الادب
مسحت فمها : آخر لك مره تسويها فاهم
راسي وهو يضحك : والله زوجتي وكيفي
زين وهي مقهوره منه : ابي اروح الغرفه
راسي : شكلج تبيني ارد اسوي الحركه
زين : لا لا لا .. خلاص باقعد
مسكت ريموت الكنترول وبدت تفرفر فالقنوات : اوووف ولا شي عدل
راسي : يلا الاكل برد حرام عليج ميت يوع انا
زين : اكل احد قال لك ...
الي خلاها تسكت ان شافته متجه مره ثانيه صوبها خذت لقمه ودخلتها بفمها وهي تطالعه : خلاص شوفني آكل
راسي وهو يرفع حاجبه يازعم معصب : عبالي بعد
بعد ماخلصو الفطور قامت تتلفت
راسي : تدورين شي
زين : ابي تلفوني وين توديه انت
طلعه لها ويات بتاخذه منه
راسي: لحظه في من بتتصلين
زين وهي تمد يدها تبي تاخذه منه : عطني مالك شغل
: مافي الا تقولين من
زين وهي تقرب من التلفون ومو حاطه بالها انها تقرب منه: ابي اتصل في ساره
راسي وهو مستانس من الوضع ويرجع التلفون لورى : اي ساره ؟
زين وهي معقده حواجبها ومركزه على الهدف : ساره بنت ..
وصارت في حظنه تمت تطالعه مده مدت يدها لخده وراسي قاعد بجمود تمو دقايق على هالوضع
وصلت بيدها لعينه
راسي : لهالدرجه مشتاقه تشوفينها
زين رجعها صوته للواقع : لا مابي اشوفها بس اي شي مخفي يشغل فضول الناس
قامت من حظنه وهي تتنهد : ممكن التلفون
راسي بهدوء عطاها اياه
زين وهي تحاول تهدء من دقات قلبها
ساره : يالدبه وحشتيييينييي
زين وهي تضحك : انتي اكثر ساروو والله خاطري اشوفج
راسي : مو كأنج امس شايفتها
زين وهي تلف عنه : هههههه لا لا ماذبحني الحمدلله
ساره بصوت شيطاني : عيل شسويتو
زين وهي ودها تكفخها : قلت لج ماصار شي ... وبهمس قالت : يا حماره هو يمي
راسي وهو متسند براسه على الباب ومتكتف : ليش ... شتبين تقولين لها لا يكون بتيي تخطفج او شي
زين وهي تضحك عليه : اطلع برى خلني اكلمها
راسي ضحك ورجع للصاله
ساره : وجع ... انزين متى بنشوفج
زين وصوتها تحول لحزن : مابيخليني اشوف ولا احد فيكم
ساره : نعم نعم ... شلون يعني بيحبسج في كهفه
زين : بنسافر اليوم
ساره : هاااا شلون بتسافرين ويا هالانسان والله امج بروحها ميته من الخوف ... اكاهي يات
زين : انتي ببيتنا؟
ساره : ايي امي يات تقعد مع امج تحاول تهديها وقلت باروح معاها
ساره وعيونها بدت تدمع : عطيني اياها
ام زين : يمه ... حبيبتي شخبارج
زين : انا بخير يالغاليه ... يمه مابيج تحاتيني الله يخليج ... يمه احنا بنسافر اليوم
سعاد وهي ميته خوف : يعني بيسويها بيسفرج والله يا يمه خايفه عليج خايفه يسوي فيج شي واهلج مو معاج
زين وهي تحاول تخفف عن امها : لا تخافين يمه راسي يخاف علي اكثر من نفسي ... وبعدين انا بنتج وتعرفيني عدل اقدر اوقفه عند حده
سعاد وهي مو متطمنه : قلبي معاج يمه
زين : اذا يمج ابوي خليني اكلمه
سعاد : ابوج بالشركه حبيبتي بس اذا رجع باخبره يتصل لج
زين بصوت خافت : لا يمه تحملي يتصل ابوي ... راسي مو راضي اكلمه ابد
سعاد : الله لا يوفقه ان شاء الله
زين : لا تخافين يمه طمني ابوي بعد .. احبكم وايد
سعاد: حطي بالج على نفسج حبيبتي ... مع السلامه
صكرت التلفون وضمته لصدرها : والله لا اخليك تحبني واتركك واخليك متعذب طول عمرك
دخل راسي واخفت حزنها ورى ابتسامه : يلا باطلع عشان تبدل
راسي : ليش تطلعين خلج ... عادي يعني
زين ووجهها احمر قامت بدون ماترد عليه
ضحك عليها وفتح شنطته
زين كانت بالصاله ميته من الضحك تبي تشوف شيسوي لما يعرف باللي سووته بثيابه
سمعت صرخه : زيييييييين
*
*
عالساعه 2 طلعو من الفندق
زين بدلع : راسي مابتخليني اشوف امي قبل لا نروح
راسي بجد : قلت لج يا زين روحه لبيت ابوج مافي
تكتفت ونفخت بعصبيه
وصلو المطار وكملو كل الاجراءات و اقلعت الطياره للنمسا وبالتحديد الى فيينا
اول مانزلت الطياره طلت من الدريشه تشوف الطبيعه صج روعه من المطار تبين طبيعة البلد كانت متشوقه تكتشفها
وصلو لفندق قريب من ساحة ستيفنز حطو اغراضهم
تحممو وبدلو ونزلو تحت يكتشفون المنطقه
راسي لبس بنطلون بني مخمل وقميص ابيض وعليه جاكيت بيج
زين لابسه فستان اسود منقط بأبيض وعليه جاكيت سودا قصيره لأن الجو بالليل بارد طالعه حدها كيوت مع الروج الوردي ومكحله عيونها
راسي وهو يصفر : لا لا جذي انا ماقدر شهالجمال .. كله لي
زين وهي تطالعه بأعجاب ممزوج بخجل قالت بدلع الانثى الطبيعي : راسي ...
راسي : عيونه
زين : يلا خلنا ننزل
نزلو لتحت ساحة ستيفنز فيها كثير من الفعاليات وخصوصاً المهرجانات الي تقام طول السنه بكل البلد كانو المهرجين منتشرين بالساحه يونسون السواح على يدهم اليمين كان في عدة مطاعم ولو التفتو يسار تتنتشر المحلات التجاريه كان في ماكدونالدز وبيتزاهت كمطاعم مشهوره بكل العالم بس راسي خذها لمطعم نمساوي شهير يقدم مؤكلات بحريه
NordSee
راسي تولى مهمة اختيار الاكل لأن متعود يجي هالمكان لما يسافر
زين طلبت لها طبق سمك عليه صلصله حلوه
اما راسي طلب له طبق مشكل من الربيان وبلح البحر والخثاق او الحبار مشوي
استمتعو بوجبتهم وراسي كان مايخلي زين في حالها يا يأكلها بيده يا يشرب من عصيرها
وهما راجعين الفندق زين كانت خايفه اول ليله قدرت تنفذ منه بس اليوم شبتسوي
وصلو الفندق ودخلو يبدلون
زين بأرتباك : ابي ابدل
راسي ترك بنطلون بجامته الي طلعها من شنطته : زين ... تعالي شوي ابي اكلمج
زين بخوف ماتحركت
راسي : زين تعالي ماراح اسوي فيج شفيج
قربت وقعدت على حافة السرير وقعد جنبها بهدوء
التفت عليها وصار مقابلها : زين ... انا ماراح اسوي شي بدون رضاج .. صدقيني ماراح اقرب منج الا برضاج
زين والدموع بعينها : وذيك الليله والي سويته فيني
راسي تنهد : ثقي فيني اوكي
شال الغطا ونام صوب اليمين وعاطاها ظهره : نامي حبيبتي ورانا طلعه باجر
زين واقفه محلها مستغربه من هالشخص ساعات طيب وحنون وساعات وحش
صحيح على نفس السرير لكن كل واحد بزاويه تكورت على نفسها مو عارفه كيف تنام وتتكيف مع وضعها الجديد
راسي ووصل حده من زود ماتتقلب : زين تكفين ابي انام
زين ياربي شاسوي حاولت تهدأ غمضت عيونها وبعد ربع ساعه نامت راسي من حس بتنفسها هدء معناته رقدت فصخ النظاره ونام
كان يحاول دايماً يقوم قبلها الصبح ويأجل شوفتها لعيونه لي الوقت المناسب الي تكتشف فيه بروحها
قام وتحمم اليوم بيوديها في جوله طويله حول فيينا
خفف اللحيه وحدد له سكسوكه
لبس بنطلون اسود وقميص ازرق سماوي
شعره للحين ماقصه صاير شكله خطييير لبس النظاره بسرعه وراح لجهتها
كانت نايمه مثل الملاك كان يبي يرسمها بس ماجاب معاه اي من اغراض الرسم
مسك ورده بيضا ومررها بهدوء على خدها وصل لخشمها وهني زين تحركت وفتحت عيونها ببطىء وهي تبتسم على الحركه شافته ريحة عطره خلتها تدوخ ووسامته مو طبيعيه اليوم صاير احلى من كل يوم بدون لحيه : راسي
راسي وهي يبتسم : عيونه ... قلبه ... روحه
زين استحت رفع يدها وباسها بنعومه : يلا حبيبتي قومي ورانا طلعه ابي امشيج لين ماتتعبين اليوم
زين وهي متسنده على ظهر السرير : بس انت ماقلت ان عندك شغل من جذي يينا هني
راسي وهو يضحك : شلون الزوج يسحب زوجته العنيده بدون هالعذر
زين رمت عليه المخده : بااايخ وانا قاعده اقول شلون راح اقضي اليوم بروحي
راسي وهو يضحك : لا باقعد على جبدج .. وغمز لها
زين فرحانه انها بتكتشف هالبلد الحلوه لبست بنطلون جينز اسود وقميص فيروزي وحزام عريض عالخصر اسود
حطت لون فيروزي خفيف على عينها وروج وردي راسي يحب الوردي عليها كحلت عيونها وطلعت له
مثل كل مره مدح جمالها وامطرها بأحلى كلمات الغزل
راحو اول شي فطرو بمطعم في الفندق بعدين انطلقو لبرج فيينا كان يطل على نهر الدانوب المنظر كان روعه زين قعدت تصور بهالمناظر الحلوه طبيعه ولا احلى
بعدها راحو لملاهي البراتر زين تحب الالعاب الخطيره بعكس راسي الي حاول يخفي خوفه من المرتفعات بصداع في راسه
زين وهي تسحبه من يده : لا عاااد بتركب معاي مالي شغل
راسي وهو يضحك عليها جنها ياهل : قلت لج مابي راسي يعورني
ماعطته ويه وسحبته لداخل اللعبه
راسي وهو يتشهد بداخله اللعبه كانت خطيره
تحركت اول شي وهو يطالعها ويبتسم وفي قلبه وده يخنقها على هالموقف مره وحده حس قلبه صار في بطنه و زين مغمضه عيونها وتصارخ غمض عيونه وهو بس يبي هاللعبه تكمل حس ان قلبه مايتحمل هالارتفاع وصلو لأعلى نقطه فاللعبه فتح عينه بهدوء وشاف زين تطالعه بنظرات شيطانيه التفت قدامه ولا يشوف نفسه يطير بالهوا خلاص يحس قلبه مو عنده بس وقفت اللعبه حس انه كبر 20 سنه وده يرجع كل الي في جبده
نزل من اللعبه وهو متسند على حديده تابعه للعبه
زين : الله الله كل هذا من الصداع
وفجأه فقعتها ضحك
راسي عصب : زينو لا تضحكين
زين وهي مواصله ضحك : ههههه والله هههههههه لو شايف شكلك شلون مغمض ولا يوم وصلنا لنص اللعبه هههههههههههه
راسي : تضحكين علي ها وقرب منها وبدى ينغزها : انا باعلمج شلون تضحكين
زين وهي مو موقفه ضحك وعيونها بدت تدمع : لا بس .. الله يخليك بس باموت من الضحك ههههههههه
لعبو كم لعبه وعشانه مادخلت اشيا خطيره شافت لعبه رمايه والي يفوز يحصل دبدوب وردي حده كيوت مسكت يده : راسي .. ابي هذا الدبدوب
راسي بس قالت تبي شي راح بسرعه للعبه
الرجال وهو يعطيه البندقيه قال له : شلون بتلعب بالنظاره شيلها احسن
راسي ماعطاه ويه و زين حسته تضايق
من ورى النظاره غمض عين وحده وركز على الهدف ....
طلعو من الملاهي وزين في يدها الدبدوب : ماتوقعتك بتصيبها من اول مره ... ما شاء الله عليك خطير
راسي وهو يبتسم لها : يلا خلينا نروح ناخذ لنا غدى ونتغدى بحديقة راح تعجبج
خذو الغدا الي كان عباره عن سندويتشات خفيفه وراحو لحديقة الدانوب
فرشو لهم على العشب وقعدت زين يم راسي تحت شجره كلو بهدوء
زين : راسي نسيت اشكرك على الرسمه ... روعه قليله بحقها
راسي : انا ماسويت شي انتي الي خليتي الرسمه تصير حلوه
زين ابتسمت له بحب تحس ان الي صار بالبحرين صار من الماضي نساها اياه بحنانه وطيبه بتحاول تبني معاه حياه خاليه من الانتقام بتحاول تخليه يعرف معنى الحب
بعد ماخلصو الغدا حط راسه بحظنها كانت متردده تبي تمرر يدها في شعره
خذ يدها وحطها على صدره وقعد يعلب في اصابعها
زين : راسي
راسي : هممم
زين : تظن الحب يقدر ينسي الواحد كل شي ويخليه يبدي صفحه يديده
راسي : على حسب الشخص وشنو الي بقلبه
زين : تظن بتقدر تسامح عايلتي .. ماعرف شاللي بينك وبينهم بستظن تقدر تنسى كل شي لو عرفتهم عدل .. ماظن ابوي ولا احد من عمامي يقدرون يأذون احد لهالدرجه
راسي في قلبه ماتعرفين يدج شسوى وابوج وعمج بدون مايفهمون السالفه ياو بينفذون اوامر يدج
قام من حظنها وحط يده على يدها : كل ظالم وله يوم ... وكل مظلوم بيي اليوم الي ينكشف فيه ان ماله ذنب
زين هزت راسها : اتمنى تنسى كل الحقد الي بقلبك مهما كان وتبدي حياة يديده
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك