رواية خطاي اني وفيت وما العب على الحبلين -26
لاتصالك الا الحين
فهد: وش اللي مشغلك يعني
عبير: الجوال في الشنطة وازعاج وماسمعته
فهد: من ساعة تو تشوفينه؟
عبير بخوف وتوتر : فهد لا تصارخ عليه
فهد انبه ضميره من سمع صوتها المهزوز: حبيبتي
عبير بدلع: هممممم
فهد: لا تاخذين على خاطرك مني ياقلبي بس والله
اشغلتيني عليك ..
عبير: طيب
فهد: عبورة
عبير: هلا
فهد: قولي انك سامحتيني
عبير: سامحتك
فهد: يابعد عمري انتي .. طيب ممكن اجي واشوفك
عبير: هههههه لا مو ممكن
فهد: عبورة يالله عاد جد وينك فيه؟
عبير: لا مستحيل ... اصلا الحين طالعين ورايحة البيت
فهد: تتغلين علي عبورة؟ هين .. انتي تغلي وماتدرين الا
انا طاب عليك بس صبري علي
عبير: هههههه انا رايحة البيت الحين بعدين
نتفاهم .. يلا باي
فهد: باي
راحت وهي تضحك : هااااه اروج كلمتي بندر؟
اريج: اي وعشانا اليوم عندك
عبير: اكيد مايبغى لها كلام
طلعو من السوق وركبو السيارة متوجهين لبيت ابو
تركي الثاني ... الطريق زحمة والسوق بعيد عن البيت
ويبي لهم حول الساعة عشان يوصلون ...
ندى طلعت رضاعة فارس وصارت ترضعه . واريج
ماخذه الدنيا كالعادة خبال ووناسة واستهبال
عبير تضحك على حركات اريج وسوالفها ... شوي
ودق جوالها ... ضحكت من قلب يوم شافت المتصل
اللي يفز قلبها من تشوف اسمه ورقمه ...: الو
فهد: هلا وغلا بصاحبة احلى الو بهالوجود
عبير استحت حيييييييييييييل: اهلين
فهد: بعد عمري اللي يستحون... عبورة عيوني
عبير: هلا
فهد: رايحة البيت الحين؟
عبير: ايوا ورايحين معايه ندى واريج بيتعشون
عندي
فهد: والله؟ حلو... زين ابي اذوق من طبخ يدك
عبير بدون شعور فطست ضحك: هههههههههههه
فهد استانس على ضحكتها: سلامات قايل نكتة انا؟
عبير: امممم لا
فهد: اجل؟
عبير: راح اقول لك بس لا تضحك عليه
فهد: قولي قولي الله يعين
عبير: ما اعرف اطبخ
فهد : ماشاء الله ومستانسة بعمرك؟
عبير: ههههه لا مو كذا بس خليني
اتعلم اول بعدين اطبخ لك
فهد: ترى زواجنا باقي له حول الـ 3 اشهر وانتي
للحين ماتعلمتي
عبير بدلع عفوي : فهد والله مشغوووولة
فهد: ياااالبيه .. يازين اسمي من فمك
عبير : ههههه
فهد: الظاهر استخفيتي اليوم كل ماقلت شي ضحكتي
المهم ماعلي ابي اي شي من يدك اليوم
عبير: طيب عشان خاطرك راح احاول ... بس لازم
يساعدوني
فهد: يساعدونك ... يعني يعلمونك .. بس مابي احد يحط
يده باللي تطبخينه لي الا انتي ... وهذي امانة بيني وبينك
اذا تحبيني ماراح تخونين هالأمانة
عبير: طيب
فهد: طيب وشو؟
عبير: راح اطبخ لك انا
فهد: محد يلمس شي غيرك
عبير: خلاص اوكي
فهد: يعني تحبيني؟
عبير: امممم
فهد: وشو؟
عبير: ايوا
فهد: لا قوليها
عبير: بعدين
فهد: لا ابيها الحين
عبير: بعدييييييين والله ما اقدر
فهد: زين بس قولي وش كثر؟
عبير: كثير
فهد: ياااارب صبرني على هالبخيلة بس تعالي عندي
انتي والله لاطلع هالكلام كله من عيونك ..
عبير: ههههههه طيب
فهد: احبك
عبير:......
فهد: عبوووورة احــبـــك
عبير وهي تحس بالحرارة بوجهها من الحيا: خلاص
بنوصل البيت اكلمك بعدين
فهد: اي اي صرفيني ... تمونين والله انتظرك تخلصين
وتدقين علي اذوق طبخ يدك
عبير: ان شاء الله
فهد: يالله فمان الله ياعمري
عبير: مع السلامة
اريج: مابغيتي تخلصين
عبير: وانتي ماعندك الا انا؟
اريج: لا بس احس عندك سوالف واجد... صار حشرك
الحبيب وملزم تطبخين له؟
عبير وهي تقلب بجوالها: ايوا
اريج: وبتطبخين؟
عبير: اكيد وانتو عاد خليكم معايه وساعدوني....وارسلت
مسج لفهد وحطت الجوال بشنطتها
اريج: ههههههههههههههههههه بعدي فهود واخيرا بتدخلين
المطبخ وتصيرين مرة سنعة
كملو ضحك وسوالف الين وصلو البيت ... اما فهد اول
ماوصله مسج عبير فتحه وقراه بلهفة ....
( كل مايسأل حبيبي:وش كثر عندي غلاه؟؟
أشهق وأرفع يديني كثر هالدنياا وزود....
يبتسم ويهز راسه ... ادري ...ويحرك شفااهـ..
آآآهــ ياااحلوهـ سؤالن ماايدور له ردود!!!!
ماسأل لجل إيتأكد.....يدرى مالكني هواهـ!!!!
كل مافيني نطق به والقصايد له شهود,,,,,
يدري من هالدنيا كلها ماملا عيني سواااااهــ.....
يدري ماسكن بقلبي حب غيره بالوجود.....
يدري,,,,ويدري,,,,
ولكــــــــــــــن....!!!!
رغم كل اللي دراه.....
كل ماوده يذوب بالغلا حس البروود......
يرجع ويسأل:
حبيبك قلتي وش كثره غلااااااااه؟؟؟؟
أبتسم......
ابتســــــــــــم وأحلف,,,,,,
أبتسم واحلف بربي!!!!!!
كثر.......
هالدنياااااااااا,,,,,,,
كثر هــالدنـــيــــــــــــــا وزووووووود...... )
تنهد بخاطره ... ياكبر حبها بقلبه وكل يوم يتعلق فيها
اكثر من قبل ...
( هالدنيا حلوة بشوف عيونك الحلوة
يامن غديت بحياتي كل مافيها
إن غابوا الناس عني قلت انا فدوة
إلا انت لا تغيب عن عيني وتجفيها
إن قلت أحبك ترا ماقلتها رضوة
من كل قلبي أحبك صدق واعنيها
لكن خذني حبيبي خطوتـن خطوة
بكرة الليالي تفسر لك معانيها
آنا تمنيت شوفك في العمر منوة
والروح تسأل عيوني وين غاليها
وأحلم بك ان كنت صاحي والا في غفوة
واليوم دنياي تتحقق أمانيها
ياقلب طيب أبد مايعرف القسوة
ياسنين شفت السعادة في لياليها
من نور حسنك غدت أيامنا حلوة
تحلا بشوفك ويحلا كل مافيها )
ارسل لها هالمسج ... وهو من قلب يدعي ربي يعدي
هالشهور بسرعة ويجتمع شمله معاها .....
وصلو البيت ودخلو وكل وحدة راحت مكان ...
عبير غيرت ملابسها ... ولبست لها قميص قطني
لونه ابيض ... ومرسوم بالنص ع الصدر صورة تويتي
بالأصفر ... قصير يوصل لنص الساق .. واكمام كت
لمت شعرها ونزلت للمطبخ..
اريج: ههههههه يمه بموت ضحك
عبير تناظرها وهي رافعة حاجب: خير ان شاء الله
اريج: من زمان اتمنى اشوف هالمنظر والحمدلله تحققت
امنيتي اخيرا
عبير: مررررة بايخة
ندى: ههههه ياحبك للشماتة والله
اريج: والله هالفهد خطير ياحبي له بس
ندى: عبير وينها خالتي؟
عبير: معزومة عند جارتنا ام راكان
اريج: يعني البيت لنا بس؟
عبير: يب... انقذوني وش اسهل طبخة ممكن اسويها؟
اريج: اندومي
ندى: ههههه عشان يطلقها فهد
عبير تطق ندى: عمى لا تتفاولين عليه
ندى: بسم الله عليكم يارب
اريج: ساندويتش جبن
عبير: اروووووج عن الاستهبال والله جد محتارة
ندى: صينية خضار
عبير: يعني اقطع خضار وبصل ؟
اريج: لا حبيبتي بس تصوري معاهم
ندى: ههههههه الله يقطع سوالفك اسكتي
خليني اعلمها ترى البنت شايلة هم
عبير: ايوا ندو حبيبتي علميني
ندى: زين قومي المطبخ اعلمك
قامو البنات ودخلو المطبخ
اريج وهي مازالت مستانسة على الموقف وميتة ضحك
على شكل عبير: هههههه عبورة تكفين
صورة للذكرى
عبير: هههههه مرة مبسوطة انتي
اريج: اي والله... الله يسعدكم ونستوني
قعدو البنات على طاولة المطبخ ... وعبير تستمع
لتعليماتهم وتتبعها بحذافيرها ... قعدت تقطع بصل
وهي تتأفف ومنزعجة وعبير تكلم فهد وتضحك
اريج: ههههه فهود ودي اصورها والله
حتى السكين ماتعرف تمسكه... ياخي خفف الحكم
خلنا على الأقل نمسك لها الخضار
فهد: اريجوه وجع تتشمتين في عبير
اريج: افاااا من قال اني اتشمت ..؟ انا اندب حظك
السيء اللي رماك على وحدة رفلا
عبير: اشوف فيك يوم يارب
اريج مطنشتها وتكلم فهد: والدموع اربع اربع من البصل
هههههه المهم تعشى انت .. وصينية عبير
اقلبها سحور وصوم بكرة اذا قمت شكر لله انك ماتسممت
فهد: تبين الجد؟
اريج بخبث: ايييه
فهد: بطلب لي عشى الحين
اريج: ههههههههههههههههههه والله لاعلمها
فهد يترجاها: لا اروووج تكفين والله تزعل علي
اريج: زين مو عشانك عشانها
عبير جاية لأريج: وش قاعدين تخططون من ورايه؟
اريج: ولا شي
عبير: والله انكم تتآمرون عليه ( وسحبت الجوال من
اريج)... فهد
فهد: لبيه.. عيونه ...آمري
عبير استحت وذوبها كلامه: وش قاعدين تتفقون عليه؟
فهد: انا ماقلت الا اني احبك وميت فيك
عبير: بايخ والله ورمت الجوال لأريج وراحت تكمل
اريج: هههههه ياويلي مو قادرة اتحمل ضحك
اكثر
فهد: وخري بس انتي تبين تسببين بينا مشاكل قومي
ساعديها كسرت خاطري والله
كملت عبير طبخ ... وسط تعليقات اريج ... ومساعدة ندى
حطت الصينية في الفرن واتصلت في فهد: الو
فهد: هاه بشري خلصتي المفطح؟
عبير: ههههههههههه حتى انت تعلق عليه؟
فهد:طفشتك الخايسة اريج؟
عبير: لا عادي اتقبل منها اي حاجة
فهد: يااااارب تحبيني كثر ماتحبينها
عبير: ومن قال انه هي اكثر؟
فهد: يعني انا اكثر
عبير: امممم
فهد: اموت واعرف وش تعني هذي امممم؟
عبير: يعني ايوا
فهد: يااااقلبي انتي
عبير: طيب عشر دقايق وارسل لك العشا مع السواق
فهد: افااا وليش ما اجي اتعشى عندك؟
عبير: الوقت متأخر ... ومحتاجة وقت كمان عشان استعد
يعني ماينفع
فهد: مادري ليش تحبين تعذيبي
عبير: هههههههههههه واللي انت مسويه مو تعذيب يعني؟
فهد: ياحبي لك والله ...انا راحمك بس عشان تعبتي..
عبير: خلاص بشوف العشا لا ينحرق
فهد: زين
عبير: باي.. وسكرت وراحت ركض للمطبخ
جهزت العشا .. وارسلته مع السواق لفهد... اللي اخذ
منه الأغراض وهو مبتسم
البنات طبعا طالبين لهم عشى من برا .... راحت عبير
خذت لها دش سريع وجاتهم قعدت معاهم ... حطو
عشاهم وتعشو
ندى: تتوقعون فهد بيتعشى؟
عبير: هههههههههههه ما اظن
اريج: الحمدلله اعترفت
عبير: اول مرة في حياتي اطبخ ... انا اعرف الناس
تقطع الخضار شرايح دائرية انا طالعة معايه اشكال
غريبة مدري ليه
اريج: من الرفالة ياحبي
ندى: ههههههههههههه حرام لاتحطمينها محد يطلع
من بطن امه عالم
دق جوال عبير في هالاثناء وقامت وقلبها يرقع خوف
من ردة فعل فهد ردت بكل هدوووء: هلا
فهد: هلا حياتي
عبير: اخبارك؟
فهد: آخر اخباري؟
عبير: اكيد
فهد: الحين احبك اكثر من قبل شوي
عبير: فهد انت عارف انا ابغى اي اخبار
فهد: تبين اصارحك ولا اجاملك؟
عبير: لا اكيد الصراحة
فهد: كتجربة اولى تعتبر تجربة شبه ناجحة
عبير استانست: والله؟ حلو
فهد: لعنبو ابليسك انا من اليوم افكر كيف اصيغ الجملة
بطريقة ماتحطم آمالك واثاريك مستانسة
عبير: ايوا اكيد مبسوطة ...يعني مشيت حالي
فهد: تقدرين تقولين تجربة تشكرين عليها بس اتمنى
ماتكررينها
عبير: هههههههههههههه مرررة ماتحطم
فهد: عبورة تكفين ادخلي المطبخ كل يوم وربي كذا
بموت جوع
عبير: الشغالة موجودة مو انت كل يوم تآكل من يدها؟
فهد: اي بس لاصارت مرتي عندي مايهنا لي الأكل الا
من يدك
عبير: طيب ان شاء الله بحاول بس انت لا تضغط عليه
فهد: ماراح اضغط عليك بس حاولي جد مو تضحكين علي
عبير: لا والله بحاول
فهد: زين ياقلبي انتي ... تعشيتي؟
عبير: قاعدين نتعشى
فهد: خلاص روحي كملي عشاك وقعدي مع خواتك
عبير: اوكي... باي
رجعت عبير قعدت مع خواتها وكملو سهرتهم الين راحو
خواتها كل وحدة مع رجلها ....
اليوم مسوين عشا ببيت ابو تركي بمناسبة رجوع
خالد وشهد من فرنسا ....اللي وصلو امس بالليل
شهد اللي راحت المشغل من عصر ورجعت على
المغرب لبيتها ... قاعدة تلبس وتشوف اطلالتها النهائية
شلون راح تصير
خالد اللي توه راجع من صلاة المغرب دخل عليها
وشافها لابسة فستانها الفضي الحريري الناعم: حبيبتي
شهد التفتت له وهي تلبس الحلق: اهلين
خالد: لازم تلبسين هالفستان؟
شهد تناظر فستانها مستغربة:ليش مو حلو؟
خالد: الا حلو بس عاري شوي...
شهد: من جدك انت؟ لا عاري ولا شي كل البنات
يلبسون نفس الشي
خالد: انا ماعلي من البنات انا علي من زوجتي مابي
احد يشوفها الا انا
شهد: حبيبي والله ماينفع اغيره الحين ... نسقت مكياجي
وكل شي مع هالفستان
خالد: زين غطيه بشال او اي شي
شهد: امممم ما اتوقع عندي شال يناسبه
خالد: زين شوفي عند خواتك او خواتي
شهد: خااااالد ليش تعقدها ؟
خالد: لا صرت اخاف عليك اصير معقد؟
شهد: ماقلت كذا بس هذي المرة عديها عشان خاطري
خالد: اوكي حبيبتي ... بس مرة ثانية خليني اعرف
وش راح تلبسين قبل لا تقررين ..
شهد: من عيوني
خالد باسها على خدها: تسلم لي عيونك حبيبتي ....
اهم شي حصني نفسك ...
شهد: ان شاء الله
كملت اللي بقى لها .... ولبست عباتها وطلعو متوجهين
لبيت ابو تركي...
البيت زحمة وكل الأحباب مجتمعين .... ريحة
العطور والبخور فايحة بأرجاء البيت ... والكل ينتظر
اطلالة العروس عليهم ...
اريج: كللللللللللللللللللللوش هلا والله يالله حيها مرة اخوي
التفتو كل اللي بالصالة وقامو لها ... اللي تاخذ عباتها ...
واللي جاية لها بالمبخرة تطيبها .... واللي يسلمون عليها
عبير ضمتها بقوووووة : وحشتيييييييني
شهد: بعد عمري وانتي بعد والله
اريج تدفها : وخري بس تراها مرة اخوي انا بعد
سلمو عليها .... ودخلت لمجلس الحريم ... قعدو شوي
وبعدها صلو العشا ... وصارو يستقبلون الضيوف اللي
توهم جايين .. ومن ضمنهم اهل شهد ....
البنات قايمين على ضيافتهم على اكمل وجه .....
اريج توزع المهام على البنات : جوجو خوذي انتي وندى
وفاتن القهوة... وانا ومشاعل واماني صحون الحلويات
عبير: وانا؟ اقعد اتفرج فيكم؟
فاتن: خبري فيك ماتعرفين
عبير: ماتعودت بس على الأقل اعطوني صحن حلى
كذا شكلي مرررة بايخ
اماني: زين خوذيه .. وانا بالمرة الثانية .....وراحو
البنات يدورون بالقهوة والحلى ويرحبون بالضيوف
... مرت الليلة بكل فرح والكل احتفل بحضور عروس
العايلة شهد.... رقص ووناسة وضحك كان عنوان ليلتهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك