بارت جديد

رواية كيف تريد ان تموت في حبي -2


رواية كيف تريد ان تموت في حبي -2

رواية كيف تريد ان تموت في حبي -2

بعد كذا جهز جواد كل التجهيزات الازمه لزواج سريعه .. وخلصوا كتب كتاب .. وكل شي وسوا حفل بسيط في البيت وعزمت مشاعل الجيران والاهل المقربيا لهم .. وبين يوم وليله صارت ليان متزوجه من اغنى اغنياء البلد ..


(( في الليل ))*



مشاعل : سويت الي تبغيه ..

جواد : انا تعبان مالي خلق اتكلم .. وانت متى بتفصخين هل عبايه خلاص انت صرتي زوجتي .

ليان : ......

جواد : انت ما تسمعين ؟؟

ويجي لها ويسحب منها العبايه .. ويطيح شعرها على وجها بشكل مرره نايس كان راح يخلي اي شخص يغرم فيها .. بس كان له ردت فعل عكسيه من قبل جواد .

جواد وهو يلف على مشاعل بعصبيه : جيبي لي مقص .

وتروح تسرع مشاعل وتجيب له مقص وتعطيه اياه .. وليان في حالت صدمه مو قادره تتحرك او تبعده مو عارفه شنو تسوي مسك جواد شعرها وقص نصه ورماه قدامها .. وجلست تطالع فيه .. اغلى شي عندها راح طول هذي السنوات الي طولت فيها شعرها علشان تشبه امها راحت .. شعرها مرمي قدامها وهي ماتقدر تسوي شي ..

ليان وهي تمسك خصل شعرها : ماراح اسامحك .. طول هذي السنوات وانا اطول شعري علشان يصير مثل امي ماراح اسامحك .

جواد بغرور وبثقه : ما كان يناسبك .

ليان ماتحملت جات له وامسكته باقوى ماعندها : كيف تجرئ ؟؟ كيف تجرئ على قص شعري ؟؟ انت ماتعرف شي عني ؟؟ انت واحد حقير ..

وتوها بتضربه الا تتفاجئ بكف يسبق ضربتها ... كف خلها مرميه في الارض .. حطت يدها على خطها وهي تحس بنار تشتعل فيه بسبب الضربه

جواد : ليكون بتصيحين .. بديت اشك انك تقدرين تسوين شي غير الصياح .. يلا صيحي الي ان تشبعين ماحد راح يهتم فيكي ؟

ليان وقفت مره ثانيه تحداه بنظراتها وقربت منه وتوها بتمد يدها علشان ترد له الكف مسك وجها بيدينه ..

جواد : بصراحه انتي احلى مما تخيلت .

ليان : بس يطول شعري ... بس يطول شعري راح اترك هذا المكان ماراح اجلس فيه اي دقيقه .

جواد : انتي " ويبعدها عنه " مشاعل خلي صونيا تاخذها وتجهز لها غرفه .. وانتي ان فتحتي فمك مره ثانيه او حاولت يطلعين من هذا البيت من غير علمك ماراح تلومين الا نفسك "ويطلع "

مشاعل نادت صونيا وخلتها تاخذ ليان معاها

صونيا : والله هذا حرام ليه مستر يقص شعر انتي ؟؟

ليان ماسكه دموعها : .......

صونيا : انا اعرف اعدل شعر مال انت تبغين ؟؟

ليان هزت راسها يعني اي

صونيا : انا في سوي حلو

وبدأت عدله وتساويه لما خلصت جابت مرايه لليان ورتها شعرها كان حلو عليها كثير بس هي كانت تفضل شعرها قبل بعدين ودتها صونيا لغرفتها ونبطحت في السرير بس ماعرفت تنام هي متعوده تنام على الارض ضل تتقلب لساعات الي ان غفت .. اول ماخفت حلمت انها في حضن امها كان المكان دافي وحست بانفاسها على وجها وبعدها حست ببوسه خفيفه هاديه خلت خطوطها يصيرون زهرين واختفت امها علشان تشوف شخص ثاني مو قادره تشوف شكله كان المكان اظلم قامت من على السرير وهي تحس ان الي صار حقيقه مو حلم بس شافت نفسها لوحدها .. ماتحملت تنام على السرير اكثر ... علشان كذا انبطحت على الارض ونامت ..



نهاية البارت



الرصاصه الثالثه


في اليوم الثاني اول مافتحت اعيونها استغربت من المكان الي هي فيه وين اخوانها ما تسمع اصراخهم ولما شافت الماكن الي هي فيه مو هذا بيتهم .. الا على دخول صونيا .. وتذكرت شنو صار امس ..

ليان : يعني كل الي صار ماكان حلم .

صونيا : مدام ليان ليه انتي في نوم هنا ؟؟

ليان : مااعرف انام على هذا السرير ..

صونيا : هذا مستر جواد لو يعرف انك انتي في نوم على الارض في واجد يعصب .

ليان : خليه يولي احسن يعصب .

صونيا : يلا غير ملابس مال انت وانزل علشان في فطور .

وتطلع .. دخلت ليان دورت المياه وخذت لها شور وطلعت تنشف شعرها وتتحسف عليه ونزلت على خدها دمعه يتيمه ومسحتها .. لانها لازم الحين تتمتع بشجاعه علشان تقدر تعيش في هذا البيت .. لبست الملابس الي جابتهم لها صونيا ..

ونزلت تحت وهي تنزل سمعت صوت صراخ يهز البيت توها بترجع لغرفتها الا طلع لها جواد ومعاه رجال كبير في السن بس كان نسخه عن جواد مع اضافت بعض التجاعيد والشيب ..

جواد : خلاص انا تزوجت والي صار صار .. وعلياء انا ماابغيها افهمني يايبه .

بو جواد : ولانك ماتبغي تتزوج علياء ترح تتزوج من الشارع ؟؟

جواد : انت الي خليتني اسوي كذا .

بو جواد : انت تبغــ " الا يلف ويلقى ليان واقفه على الدرج " هذي الي تزوجتها ؟؟

مشاعل : اي هذي .

بو جواد : لاحول ولا قوه الا بالله نزلي يابنتي انت مالك دخل في الي يصير ..

ليان حست من نظرات بو جواد انه رجال طيب وحنون .. انزلت بخجل ..

بو جواد : انتي شنو اسمك يابنتي ؟؟

ليان بصوت ممبحوح : .. ليــ ان ..

جواد مسك ليان بقوه خلاه تتعثر وكانت بطيح

بو جواد : بشوي اشوي عليها ترى البيت ماتتحمل كل هذي الدفاشه شوفها عدل تحس لو تمسكها اكثر راح تكسر عضامها بعدين لا تنسى انك انت الي خترتها ..

جواد : يبه افهم من كذا انك ماراح تفتح موضوع علياء مره ثانيه .

بو جواد : ماراح افتحه رحمه في هذي الضعيفه الي مالها اي ذنب في السالفه اما انت

جواد : يبه ..

بو جواد وهو يطالع في ليان : فطرتي ؟؟

ليان حست بالجوع : لا

بو جواد : تعالي اكلي شي ..

ليان تركت جواد وراحت معاه .

مشاعل : شكل الابو حب الحوثاله حقتك .

جواد :......

مشاعل : ابوي قلبه كبير وحنون اخدعته وشكلها الطفولي والبريئ ما يدري انها وحده بايعه نفسها علشان الفلوس ..

جواد : مشاعل لو اسمعك تقولين هذا الكلام مره ثانيه بتشوفين شي ما شفتيه في حياتك ..


(( في غرفت الطعام ))*


بو جواد : يلا اكلي قدر ماتبغين لاتستحين .. انا مدري وحده مثلك شلون طاحت في يد جواد ... انت وين ابوك وامك ..

ليان رجعت الملعقه مكانها : ماتوا قبل كم شهر ..

بو جواد : اهاااا الحين فهمت .. طيب انتي مالك اهل غيرهم ..

ليان وهي تبتسم : الا عندي اخوان

بو جواد : وينهم عنك ؟؟

ليان : انا طلعت من البيت علشان ادور لهم اكل لانهم كلهم صغار ولا رجعت الي الحين اكيد الحين هم خايفين علي " ودمعت عيونها "

بو جواد : مايدرون انك تزوجتي .

ليان هزت راسها يعني لا

بو جواد : لا حول ولا قوه الا بالله .


(( في بيت ليان ))*


طلال : شنو صار لها ليه ماجات الى الحين ؟؟

مها : مااادري ..

وليد يصيح : ابغي ليااان ..

مها : اسكت انت من وين نجيب لك ليان الحين .

طلال : اصبر اكيد بتجي هي قالت انها بتجي .

ريم : وين ليان ؟؟

مها : اوووووووف وخروا عني الي فيني يكفيني وحتى اخوك الغبي مارجع الي الحين .


(( في بيت بو جواد ))*


مشاعل : علياء شفيك ؟؟

علياء : تسئليني شفيني بعد الي سواه اخوك ..

مشاعل : هو صحيح اخوي بس هو مايستاهل ظفر منك .. خليه مع قذارتك وزبالته ..

علياء : هو وينه الحين ؟؟

مشاعل : يعني وين في الشركه كل عاده

علياء : وزبالته وينها ؟؟

مشاعل : جالسه مع الخدم تدري بنت فقر ..

علياء : حرام عليك ياجواد حرام على الايام الي قضيتها وانا احبك واستناك ؟؟

مشاعل : اوعدك ياعلياء انه راح يندم ويرجع لك يحب ارجولك علشان ترضين فيه من اول وجديد ..

علياء : الا خلنا نشوف هل القذره الي جابها ..

مشاعل : امشي اوريك اياها ..


علياء/ 22 سنه بنت عم جواد ... مغروره ومتكبره وحقود ومن يوم هي صغيره وهي تحلم انها تتزوج جواد مو علشانه علشان فلوسه.


(( عند ليان ))*


جالسه تتكلم مع الشخص الوحيد الطيب معاها في هذا البيت صونيا

صونيا : مدام ليان ...

ليان : انا كم مره قلتلك نادين بس ليان ؟؟

صونيا : انا يخاف مستر جواد في يسمع ويعصب علي انا ..

ليان : ماعليك منه مايدر ولا راح يسمعك .

صونيا : طيب مــد لالا .. ليان .

ليان : شفتي كذا احسن .

الا تدخل مشاعل وعلياء

مشاعل : عشتو صرتي صديقت الخدامه .. صونيا روحي لشغلك بسرعه

علياء وهي تاشر على ليان من فوق الي تحت : هذي الي تزوجها مااشوف فيها اي شي اسبشل ..

مشاعل : بعد شنو تقولين اخوي غبي .. جرها من مكانها الي هو الشارع وجابها عندنا بس ولا يهمك كلها كم يوم ويمل منها ويرجعها الي مكانها ... الشااااارع .

علياء : امشي الريحه هنا كريها مااقدر اتنفس تقولين احد ميت .. ماتسبح .

مشاعل : هذي لو تسبح بديزاب ماتروح ريحتها .

علياء : اكيد زباله ماتنظف امشي انا حسبت بشوف وحده عدله اثاري بتوريني ام السعف وليف .

علياء : تعالي بس خلنا نطلع " ويطلعون "

صونيا : ليان انتي مافي يزعل بدام مشاعل وااجد كويس بس هذي ام اعيون علياء هي الشرير ..

ليان : مين هذي علياء ؟؟

صونيا : هذي بنت عم مستر جواد و مدام مشاعل .. انا مافي يحبها .


(( في اليل ))*


جواد دخل البيت لقى ليان مستنيته

جواد : انتي شنو يجلسك الحين هنا .

ليان : امممممممم

جواد : خلصي شنو تبغين ؟؟

ليان : عطيت الفلوس حق ...

جواد : اي سددت الديون الي عليكم وبكره بطرش افلوس لخوانك .. وخلاص ماابي اسمع كلمه ثانيه عنهم ترى اذيتيني ..

وتركها ومشى .. صعدت ليان فوق علشان تنام شافت صونيا في غرفتها .

صونيا : هذا في ملابس واجد حلو انت في يلبس اليوم .

ليان : طيب بلبسهم .

صونيا : انت في واجد حلو .

ليان وهي تضحك وتطلع صونيا من الغرفه : قولي ماشاء الله لا تحسديني .

وتسكر الباب وتلبس المملابس وتنام على الارض .. ولما نبطحت جلست تتذكر خوانها ياترى هم شنو يسون الحيت اكيد خايفين عليها وناصر رجع ولالا ومها تعرف تعتني ابهم بدونها .. ووليد شنو يسوي الحين ليكون يضرب ريم .. وريم

يابعد قلبي على ريم .. ونزلت دمعتها ..

ليان : لالا ماابي اصيح .

ومسحت دموعها وتوها بتنام الا تسمع الباب ينفتح ويدخل عليها جواد لابس ملابس البوم .. بس ماشافها لانها نايمه على الارض وغطت نفسها ..

جواد : وين راحت هذي ؟؟

الا ينتبه بشي يتحرك على الارض

جواد بستغراب : ليه نايمه على الارض ؟؟

ليان : مااعرف انام ... على السرير ... متعوده على نومت الارض ..

جا لها جواد وحملها : اجل من اليوم ورايح تعودي على نومت السرير " وحطها على السرير ".

ليان بس حملها جواد مااعرفت تتنفس وجسمها صار حاااار وقلبها صار ينبض بقوه .. ولما حطها على السرير وصار فوقها يطالها بنظرات خوفتها تبغي تهرب باي طريقه بس مو عارفه .. قرب يده منها ومسك ملابسها من فوق .. صرخت

وبعدته بس مسكها اكثر ..

ليان : اتركني ..

جواد : ياغبيه لبستي ملابسك بالمقلوب .

ليان وخدودها صارو حمر من الاحراج : هااااااااااااا .

جواد دفها للجها الثانيه من السرير : بسرعه عدلي .

جواد لف للجها الثانيه وليان عدلت بلابسها .. وبعدها انبطح يمها .

ليان بخجل : بتنام هنا ؟؟

جواد : اي .. ما تدرين ان المتزوجين ينامون في سرير واحد " وغمز لها ولف للجه الثانيه " شوفي اذا تحركتي من مكانك وانتي نايمه او قمتي ترافسين او تتكلمين وانتي نايمه برميكي من النافذه .

ليان خافت والنبطحت وقطت فمها بيدينها


(( في الصباح ))*


ليان جالسه تسوي الفطور وصونيا تحاول تمنعها

صونيا : مدام ليان هذا تانيا تسوي اكل اتي في يروح يجلس بعدين مستر جواد يعصب .

ليان : لا تخافين الحين الفطور يجهز .. سويت فطور حق الكل .. ياريت اخواني هنا كان مااخلو شي .

تانيا : خلاص مادام انا في يكمل انتي في يروح .

الا يدخل جواد : ارموا كل الاكل في الزباله .

ليان : هااااااا .. بس

جواد يصارخ : ارموا الاكل كله في الزبااااله .. " ويسحب ليان ويطلعها "

تانيا : اهذا اكل واجد كويس حرام ذبي في الزباله .

صونيا : انا في معلوم بس مستر جواد مايبغيه .

تانيا : هذا حراام هذا مدام ليان واااجد طيب .


(( في غرفة الطعام ))*


بو جواد جالس على راس الطاوله وعلى يمينه جواد وعلى يساره مشاعل وليان جالسه يم جواد .. دخلت صونيا وحطت الفطور

ليان وهي تبتسم لصونيا : شكرا صونيا .

صونيا ابتسمت لها وطلعت

بو جواد : يلا اكلي عدل ..

ليان : حاضر .. بس

بو جواد : شفيك ؟؟

مشاعل : اووووف

ليان : انا مااحب البيض ..

بو جواد : ليه البيض مفيد .

ليان : لما كنت اصغير امي سوت بيض لنا بس ماكان يكفي للجميع ولما مديت يدي علشان اكل قالي اخوي الصغير ناصر ان الي ياكل بيض يطلعه شعر في وجها مثل ابوي ولما شفت ابوي وشفتها يايكل وامي ماتاكل صدقته ومن ذاك اليوم ما كلت البيض .

بو جواد : هههههههههههههههههههههههههههههههههه

مشاعل : صج غبيه هههههههههههه .

جواد اضربها على راسها : ياااهوو ترى كان يخدعك علشان ياكل هو .

ليان ماسكه راسها : ادري بعد كذا قالت لي امي انه يمزح بس كل ماشفت البيت اتخيل شكلي والشعر يغطي وجهي ومااكل .

مشاعل : هههههههههه راح يكون شكلك نكته .

بو جواد وهو يمسك ضحكته : خلاص لا تاكلين بيض شربي لك كاس عصير واخذيلك كروسون مع جبن .

ليان ببتسامه : حاااضر .

جواد وهو يقوم: الحمد لله .

بو جواد : ما كلت شي .

جواد : خلاص شبعت .

ليان طالعت صحن جواد كان مو ماكول منه شي تذكرت اخوانها انهم هل الاكل الي مايبغيه هو ما يشوفونه .. ماتدري شنو صاير لهم ..


(( في بيت ليان ))*


ناصر : شفيكم تعالوا اكلوا ..

مها : شكرا ماانبغي انت اكل بروحك ..

ياسر : احنا ما نبغي اكل نبغي اختنا لياان جيبها لنا ..

ناصر : وليد تعال شوف اختك شنو جابت لنا كل هذي الفلوس لنا . . يلا مو انت تبغي تاكل تعال اكل على كيفك .

وليد : ماابغي ..

مها : هذي الفلوس الي عندك قيمت ليان انت بعتها واحنا مانبغي .

ريم : مها ابعي ليان ابعيها الحين .

مها : انت شنو انت مو انسان تطلع من البيت مانسمع عنك خبر بعدين تجي وتقول اختنا تزوجت وهذي الفلوس منها وتبغينا نفرح !!

ناصر : انتوا عيال فقر وبتضلون عيال فقر .


(( في بيت بو جواد ))*


بو جواد : ترى اليوم عمك بو حمد جاي هو وعياله .

مشاعل : وناسه يعني علياء بتجي اليوم .." قالتها وهي تطالع جواد " ..

جواد : انا ماراح اكون موجود .

بو جواد : ليش ؟؟

جواد : عندي مشكله في الشركه بس الشي الاهم ماابغي اشوف نظرات عمي الي تقولي المفروض خذت بنتي .

بو جواد : سوى الي تبغيه ماراح امنعك .

جواد : انتي " ياشر على ليان " تعالي .

ليان : حاضر .

وتوقف ويمسكها ويجرها الي الغرفه ويسكر الباب عليهم ويلصقها في الجدار ويقرب منها وتوه بيبوسها ..

ليان : شنو بتسوي انت ؟؟

جواد : لازم تتعودين على لمستي مو كل مالمستك انتفضتي بهذا الشكل الكل بيعرف ان الي قلته كذب .

ليان : وانت شنو قلت ؟؟

جواد : انا قلت لابوي اني في البدايه تزوجتك رحمه فيكي بس الحين احبك واكيد ابوي قالها لكل العائله .

ليان : طيب شنو بيفيدك الي انت تسويه الحين ؟؟

جواد : ابغيكي تتعودين على لمستي ماابغيكي تترتجفين ابغيكي تناظريني في عيني من دون ما تحمل خدودك ابعي اذا لمستك الكل يحس انك عادي طبعيه مو تبعدين وكنا الي لامسك واحد غريب فهمتي .

ليان : بس .

جواد : ليان ارجوك .

ليان قام قلبها يخفق بقوه حست بيطلع من مكانه هذا اول مره ينطق بسمها ....




انتهى البارت



الرصاصه الرابعه 


جواد : ليان ارجوك .

ليان قام قلبها يخفق بقوه حست بيطلع من مكانه هذا اول مره ينطق بسمها وهو دايم يناديها بكلمة انتي علشان كذا طلع اسمها غريب من فمه .. راقبته وهو ينحني عليها ماقدرت تحمل حست ان الوقت يمشي ببطئ غمضت عيونها عسى ولعلى يتسارع

الوقت بس الوقت استمر في التباطئ .. حست بانفسه تحرق خدودها .. كانت القبله رقيقه عذبه نفس القبله الي حستها اول ليله لها هنا نفس الدفئ الي حسته نفس الامان الي شعرت ابه .. انقطعت انفاسها لحظه بعدها حست فيه يبتعد عنها

ويحضنها تمنت انها تضل العمر كله كذا .. من زمان ما حست بهذا الامان والراحه .. راح يكون صعب عليها انها تعيش معاه من غير ما تحبه .. بس شعورها ما ستمر بسرعه حست بان حسمه الدافئ تحول الي قطعت جليد وتصلب رجعت

رحفت الخوف اشوي وتحس بيدينه تضغط عليها بقسوه وتبعدها عنه .. فتحت عيونها حلاص الحلم خلص .. رجعت نظراته المغروره والمتكبره والقاسيه وراح الحنان الي شافته فيهم لما نطق بسمها .. ورماها بكل قسوه على الارض ..

جواد : استعدي عدل اليوم ماابي احد يقول ان جواد تزوج وحده من الحثاله فاهمه ." وطلع من الغرفه " ..


(( في العصر ))*


مشاعل : حي الله من جانا تو مانور البيت .

علياء : الله يحيك .

مشاعل : ليش ما جات خالتي ؟؟

علياء : اول هي معزومه عند بيت جيرانا ثانيا مع مين تجلس ؟؟

مشاعل بحزن : لو امي لسى حياه كان جلست معها .

علياء : الله كريم .. الا وين الحثاله الي عندكم ؟

مشاعل : مع الخدم امثالها .

الا تدخل ليان شايله صينية العصير : ياهلا وسهلا .

وحطت الصينيه على الطاوله وراحت تسلم على علياء وبتسامته منوره وجها الناعم بس توها تمد يدها وخرت عنها علياء وهي تناظرها بقرف وشمئزاز .

علياء : شنو هذا .. هاااي انتي بعدي عني مااتشرف ان وحده مثلك .. اوووف مو باقي الا الحثاله يجون يوتكلمون معانا ويجلسون .. مشاعل شنو هذا القرف ويييع بتخلين الخدم يجلسون معانا قولي لها تروح اوووف ريحتها تلوع الكبد

..

مشاعل حز بخاطرها المفروض علياء ما تسوي كذا كل الي حولته ليان انها تسلم عليها بس ما تقدر توقف ضد بنت عمها مع وحده غريبه : لو سمحتي انا وبنت عمي نبغي ناخذ راحتنا بروحنا .

ليان بتسمت ابتسامه باهته : انا اسفه مو قصدي اضايقكم .

مشاعل شافت شبح دمعه في عيون وهي تطلع .. ماتدري شنو صار لها كان ودها تروح تمسحها لها ..

علياء : مشاعل .. مشااااااعل وين رحتي ؟؟

مشاعل : هاا معاكي .

علياء : اي مبين !!

مشاعل : مو كانك زودتيها شوي معاها ؟؟

علياء : زودتها !! اصلا انا مابديت الي الحين بتشوفين بخليها تتحسف على الساعه الي وطت رجلها هذا البيت .

مشاعل : الله يستر منك ..

علياء : ههههههههههههههههه


(( عند الرجال ))*


حمد : وين جواد ؟؟؟

بو حمد : يعني وين تعرف ولد عمك اكيد في الشركه .. صح بو جواد ؟؟

بو جواد : اي يقول ان في مشكله في الشركه ..

حمد : ومتى يجي .

الا يدخل جواد : الحين جيت .

حمد : هلا بالي مانشوفه .

جواد : اهلين .. بعد شنو اسوي تدري عن الشغل .

حمد : ياخي طنش تعش تنتعش .

جواد : يبغي لي اجرب هذي الوصفه يوم من الايام .

بو حمد : الا ليه ماخذت لك اجازه ترى انت توك متزوج .

جواد : مااقدر اترك الشركه لو حتى يوم واحد .

بو جواد : احاول اقنعه يسافر مكان بس راسه يابس .

بو حمد : مالك حق اكيد بنت الناس اكيد تبغي تروح مكان .

جواد : الله سهل .

بو حمد : يسهل للجميع .. حمد دق على ختك خلها تطلع بنمشي .

بو جواد : شنو تروحون توكم جاين .

بو حمد : والله أم حمد قالت لا تتاخرون لانها تبغي تروح مدري وين وانا عندي شوي شغل بس قلنا لازم نجي نبارك حق المعرس .

بو جواد : بس ما امدانا نتكلم حتى .

بو حمد : مره ثانيه يااخوي .. حمد يلا دق على اختك .

حمد : ما ترد .

جواد : انا اناديها


(( عند البنات ))*


مشاعل : علياء وين بتروحين ؟؟

علياء : تعالي شوفي .

وتروح للمطبح .. ليان جالسه تسولف مع صونيا

علياء : انتي جيبي لي ماي .." تو صونيا بتقوم " مو انتي .. انتي " وتأشر على ليان " .. بسرعه جيبي ماااي .

وتروح ليان تجيب لها ماي بس لما قدمته لها علياء سوت نفسها بتمسك الكاس بس لما ليان تركته .. رمته علياء ونكسر .

علياء : يالحثاله تبغين توصخيني ترمين الماي علي شوفي شنو سويتي في عباتي .

مشاعل : بسرعه شيلي الكاس المكسور قبل ما يجرح احد .

علياء : ابي اسئلك مشاعل تتوقعين الحثاله هذا كل كانت تبيع نفسها قبل ؟؟

مشاعل : اتوقع انها تبيع نفسها بساعه مثل الافلام الاجنبيه ..

: مشااااااااعل ..

علياء + مشاعل : جوااد

جواد : علياء مدامك في بيتي تحترمين زوجتي غصبا عليك ثانيا طلعي برى اهلك يتظرونك .

على طول طلعت علياء لان جواد معصب حيييل ممكن يقتلها لو تجل اكثر .. وبعدها لف جواد على مشاعل .

جواد : انتي كيف تسمحين لنفسك تقولين لعلياء هذا الكلام .

مشاعل : لان هذا الحقيقه .

جواد : وطولين صوتك علي انا اوريك .

وتوجه لها وتوه بيرفع يده بيضربها .. شاف ليان توقف في وجها لتحمي مشاعل بجسمها منه .


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -