رواية طاريك ينفض القلب -40


رواية طاريك ينفض القلب -40


رواية طاريك ينفض القلب -40

اسكتلندا ؟ وشخبار بناتهم؟؟

سالم : البلد للحين حلوة وبناتهم للحين حلوات ....بس ضعاف وايد ...

ما ياكلون..معصقلين ...

جواهر: قصدك على الموضه ....مثل العارضات...

سالم: أي عارضات الله يسلمج....هذول مافيهم طول ....عادي طولج يعني ... بس

شقر بنات اللذين...طبيعي مهب صبغ....والعيون اه من العيون ....خضر وزرق..

مثل زرقة البحر في الصيف...

جواهر: بل بل... ليكون خذت وحده منهم ؟؟؟

سالم : يخسون ...أنا اخذ منهم !!! هذول اللي لي وحق غيري؟؟؟؟ أنا مرتي لازم

تكون ملكة جمال ....وتكون ذكية وطيبة ودينّه وتموت فيني ....وبخليها بعدين

تحبكم ...يله شتبون بعد....؟

جواهر: ومن وين بنجيبها لك بالله هالمره؟؟؟

سالم : لين نويت أتزوج بتروحين تدورين وغصبن عنج بتتعبين لين تلقينها مرتي

حبيبتي...

جواهر: ومتى ناوي أن شاء الله؟؟

سالم : للحين ....ارتاحي الحين ...توني مخلص الجامعة ....

جواهر: عيل شبتسوي الحين ؟؟؟

سالم : ابد ...بعيش طرطنقي شوي.... ابغي أحس بالحياة ....ابغي أعيش...

جواهر: وأنت طول هالسنين كنت ميت؟

سالم: طبعاً... كارفينا طول هالسنين ....دراسة ودراسة ....وتدرين علي ماخلاني

ارتاح عقب الثانوية...

جواهر: أخوك العود ويفكر في مصلحتك...

سالم :والحين وناسة هو لاهي بمشاكل الشركة ومشاكل عياله ...وبرتاح منه

شوي...

جواهر: ههههه الله يغربل بليسك ولا كأنه أخوك ....

سالم : سنداره هالاخو..استوى مثل الشياب من توفى الوالد الله يرحمه ... جنه

روح الوالد انتقلت له....

جواهر: استغفر الله شهالكلام ...قمت تخوره أشوف ...

سالم : هههه يمه شوفي جوجوه شتقولي ...أنا اخوره !!!

ام جواهر: كيفك انت وياها ....

سالم : افا الحين أنا قلت أمي بتوقف معاي تقومين تقولين جذيه !!! خلاص بروح

عنكم ...خلو عشاكم لكم ( ووقف بطريقة مسرحية فأجلسته جواهر ثانية )

جواهر: اضحك معاك وأنت صدقت !!!

سالم : قولي آسفة عمي...

جواهر: آسفة عمي ...

سالم : حبيني على راسي ...

جواهر: تخسي ....ترى أنا اللي اكبر منك مهب أنت اللي اكبر مني....

سالم وهو يضحك : كله مشّوطه هالبنت ...!!!

جواهر: روح حق اللي قاص عليهم ولا يشوطون ...

سالم : انا شسوي ...؟؟ مهب بيدي أن الله خلقني جميل ....والمعجبات يحذفون

نفسهم علي..

جواهر: عدال...لا تنفجر من التواضع ...

سالم : بتروحين معاي السينما بكرة؟؟

جواهر: وأمي وين أخليها؟ بروحي أخليها بسبة هالدوام بعد أروح السينما...

سالم : نادي اللزقه تقعد معاها...

جواهر: من قصدك ؟؟

سالم : بعد من هذي نايف مدري نواف ....

جواهر: هذي اسامي صبيان .....وبعدين اسمها الشيخة نوف....

سالم : شاخت عظامها وعظامج ....مهب علي الشيخة هذي...

جواهر بهلع : اسم الله علينا ....

سالم : خلاص ...خلها تنفعج ...انا قلت بوديج لأنج متملله وعشان اخذ اجر فيج

لكن الحين خل نوافوه تنفعج....

سالم في الثانية والعشرين من عمره, طويل وذو بنية معتدلة وسيم مهتم بنفسه له

لحية على شكل القفل أنيق جداً يرتدي دائماً أفضل الماركات...أبن عم جواهر والذي

عاش اغلب وقته في بيت جواهر وربته أمها كابنها الذي لم تنجبه ...لذا لهم معزة

خاصة بقلبه ويعتبرهم كأم وأخت له لأنه لم يكن له أخت فقط 7 أخوة .... الأكبر

حمد كان هو المسيطر على العائلة بعد وفاة أبيهم ...درس هندسة الحساب الآلي

في اسكتلندا في جامعة The University of St Andrew إجازاته كان

يقضيها في بيتهم.. حتى أنه كان لديه غرفة في الطابق السفلي ينام فيها أحيانا...




انتهى الجزء بحمد الله وفضله
يسلموووو علي الردود 


الجزء الرابع عشر

في منزل جواهر

فيما بعد وبعد أن تناولوا عشائهم جلسوا في صالة التلفزيون وامسك سالم جهاز

التحكم بيده واخذ يشاهد قناة الكأس...كان هناك تحليل بعد إحدى مباريات دوري

كرة القدم القطرية وكان منصت للغاية لهم ولم ينتبه لجواهر التي أتت من وراءه

وألصقت فمها بأذنه وصرخت قائلة : تبغي شاي؟

قفز سالم من مقعده وهو يصرخ: الله ياخذج ... شفيج؟؟

جواهر وتبدو البراءة على وجهها: مافيني شي ..أسألك تبغي شاي؟

سالم : عمى بلى عمى يعميج ....جذيه يعزمون على الناس...

جلس وادر لها ظهره وعاد لمشاهدة البرنامج ....وهو مقطب حاجبيه...وعادت

جواهر وخفضت رأسها مرة أخرى قائلة : أنت مندمج وما تسمعني من مساعه

أسألك وأنت خبر خير...

دفع رأسها بقوة للخلف وهو لازال في نفس جلسته قائلاً : ازحمي عن راسي لا

اعطيج سطار والصقج في الطوفه...

ذهبت جواهر للمطبخ الداخلي وهي تضحك وجدت الخادمة قد أعدت صينية الشاي

والقهوة فحملتها وعادت لهم ... وضعت الصينية على الطاولة إمامهم وصبت

فنجان قهوة لأمها أولاً ثم لسالم الذي أخذه ولا زالت عيونه متسمرة على الشاشة

وشرب ما فيه في رشفة واحدة ووضع الفنجان على الطاولة ...

انتظرت جواهر إلى أن انتهى البرنامج والتفت سالم لهم فصبت له كأس شاي

وناولته إياه وصبت لها آخر وسألته: الحين أنت من صجك؟ جاي تقعد عندنا ومن

زمان ما شفناك وتجابل التلفزيون !!

سالم : غبية أنتي وإلا تتغابين؟ الحين أنا ما بغيت القى هالتحليل اللي خلاني اعرف

شالسالفه هالأيام وتبغيني اهده واجابلج!!!!

جواهر : أي سالفه مع ويهك؟؟

سالم : الدوري يعني شسالفته !!!

جواهر: وان شاء الله لي فازوا بتطلع في المسيرة معاهم مثل كل مره؟

سالم : لو فاز الريان واشك إنه يفوز ...بسوي اللي ما يستوي لكن لو فاز غيره

عادي بنسوي مسيرة وبنستعبط ....

جواهر: أنا قلت تخرجت وعقلت تراك للحين بزر...

سالم : بزر في عينج ...جوجوه ...تراني معطيج وجه لا تخليني احرمج من شوفتي

أسبوع عشان تتأدبين ...

جواهر: ويهياك قلبك؟

سالم : اذا مللتيني ...ايه..

جواهر: خلاص مهب مللتك ...

سالم :قومي صبي لي شاي مره ثانية....

يتبع ,,,,

👇👇👇

أحدث أقدم