رواية غثيثة مزحة الايام -78 البارت الاخير

 
رواية غثيثة مزحة الايام -78

رواية غثيثة مزحة الايام -78

إمتحان
ناصر :كيفك مع الادآره ؟
هيله :والله بيني وبينك يعني ..احسن من الطب ..تركته لـ أهله خخخ
ناصر :خساره كنتِ بـ تصيرين الد.هيله
هيله :وانا مستغنيه ..أبي أصير ماما هيله
ناصر:يـؤ يعني جده
هيله :هـ هـ هـ ..سماجه مب عاجبك أسمي
ناصر :ههههههههه .. لا
هيله :اهم شي انه عاجبك ابوي ..على اسم امه


◙◙◙◙◙
- شلــون ؟؟ وليه طيب
خجل وهي تتبسم إبتسامه طافيه :عآدي يابندر ..دآيم انا وخالد في إختلاف ..بـ حكم إختلاف البيئـه ..
بندر : طيب ولو .. مفروض يعني تعديـتوا مرحلة الاختلافات على قولك ..
خجل :اول خلافنا كان عالغطـا .. حتى فالسفـر مايبيني افتش ..وانا ماتعودت كذا ..تدري لو يدري عن سفـرتي لـ باريس يوم عدتي وش بيسوي..اتوقع يعايرني فيها طول عمري
بندر :هذا الظاهر متخلف وعايش فالجاهليه ..مايصلح لك
خجل تبتسم :لا يـابندر ..بالعكس .. هو الصح ! ..انا ادري إني غلطانه بـ سفرتي لـ باريس وادري إني غلط ليش اني افتش ومو متغطيه .. بس عاد طآح على وحده زيي تدري ولا تسوي
أبتسم بندر على اخته .. دايم في خلافات مع زوجها ..لكن تحبه وهو يحبها ..لو مب حابين بعض كان محد فيهم تحمل الثـاني ابد ..
تذكر تجربته هو ..يوم قـال لأمه عنهـا .. وإنه يبيها
/
- انت عارف المبـداء يابندر .. زوآج من برآ العايله ...مرفوض!
بندر :بس يمه .. انا إنسـان ادور راحتي والبنت ارتحت لها
ام سعـود :تبيني اوافق على وحده من هاللي تعالجهم .. وش تبي الناس تقول؟ .. وش علة ولدك؟ ماخذ من برا العايله ولاهيب من مستـوانا لا المادي ولا الاجتمـآعي ..حتى نسب مهيب معـروفه ..هذا إن كانوا قبايل بعد ..
بندر :يمـــه!! ..انا منيب متزوج فلوسها ولا نسبها ولا أهلها .. إن اكرمكم عند الله أتقـاكم
ام سعود:ماأختلفنا على هالشي ..بس توك شاب وكل مواصفاتك زينه .. وش تبي بـ مـــــرآم ؟!
/
تنهـد من أعمـاقه على هالذكرى .. يمكن ماكان يحس إتجاهها بـ أي حبْ .. لكن كانت تنقط براءه حتى من وجهها البـريء والـ"بيبي فيس" .. ماينسى قصة شعرها والمخدرات اللي خلت ملامحها تذبل
وجسمها الضعيف ينحـف بـ شكل كبير ..
دعـآ لها بالتوفـيق مع طلال .. صحيح معد شافها ولا عاد يتذكر زي اول ..يعني زي لا قالوا البعيد عن العين بعيد عن القلب ..
◙◙◙◙◙
- ههههه أجل قايل لك قل لآمك تدور لك قبلها بـ سنه ويالله يمدي
طارق :والله إني زهقت .. لا راحوا لـ عرس ولا شي .. قالوا ..حلوه بس قرويه .. ولا ماعليها بس جسمها مدري شلون ..قسم بالله ذا الحريم يفصفصوون اماً جابت هالبنت .. احسهم بـ يشوفون أشياء فيني انا مدري عنها
ناصر:ههههههههههههههههههههههههههه
طارق:سويت حركه ..وش رآيك فيها
ناصر:وشي؟
طارق:قلت لهم عن اخت خالد .. زوج بنت عمك
ناصر :إييييييه ..ههههههههههههههه بـ تخطبها ؟
طارق:قلت لهم بـ أروح اشوفها .. وإن جازت لي ابيها ولا علي منكم
ناصر :ماشاء الله عليك من موقف خقيت معها ؟
طارق : لآ .. انا اهلي كانوا يدورون لي ..ومصخوووها لوني معرس يوم اقولهم قد جاني بـزآرين .. وندى هي اللي اعرفها وقد شفتها يعني
ناصر:تعرفها
طارق:يـاتنكه مب اعرفها اعرفها ... بس يعني قد شفتها وادري وش هي يعني مب داخل على عمـآي
◙◙◙◙◙
طلعت من المكتبه وركبت السياره وهي فـ قمة توترها .. طالعته بـ عيون خآيفه وهي تضم كتبها اللي داخل الكيسه الحمرا محدده بـ الابيض لـ صدرها من جرير
ماعلق ولا تكلم .. حرك السياره بـ ملامح جامده .. تخاف منه لا عصب .. ليه لا وهي شافته كيف مع جده ..
هذا هو لا عصب يصير وحـش ولا روّق .. تحسه حمل وديـع مايضرك ..
جود ببتسامه :آسفه لآني تأخرت ..بس على مالقيت كتبـي
التفت لها وهو مبتسم :هههه مشكله اللي شآك فـ نفسه
جود :يعني مب معصب
نواف :لا .. "وببتسامه " والله وكبرنا يـاجووييد وصرنا نروح للجامعه ونشتري لها كتب
جود :إييييه عيوني مب بس انت
نواف:ههههههههههههههه بـ فتك من "ويقلد صوتها" والله المدرسه هي اللي كارهنتي ومستلعنه علي انا ماسويت شي
جود :وانا صـادقه لين قلت لك كذا اكون صادقه
نواف:سـبحاااان الله كل المدرسات كارهينك
جود:لا مب كلهم بس حقت العربي .. والجغرافيا وووو ..امممممم ..التعبير
نواف:في ثالث تاخذون تعبير؟
جود :إيييييه .. احل زيكم يالعلمي
نواف:هههههههههه صح المهم تخرجي وفكينا منيب فاضي لك انا ومشاوير جامعتك المشكله انك ماتحبين السوواايق ولا كان
جود:ههههههههه لا والله اخاف بعدين اتعود ان شاء الله
نواف:إيه كل شي بعدين ..حتى الحمل بعدييين ..الظاهر اني بصير شايب وانتي معييه تحملين
جود:هههههههههههه خلني أستقر فالجامعه ثمن نحكي بالهموآضيع


! ----[ The End ] * . .





يتبع

اول شي يسعـدني أني انهيت هـ القصه على خير =)
إن شاء الله يعني خخخ
بصـراحه فكرتها كانت في رآسي من زمان .. بس ماكنت قـآدره ارسم الفكره صح
الحمدالله الحين كتبتها .. =)

هـ القصه لها أيـام حلوه.. اذكـر كيف جلست افرفر فـ المنتديات ادور أسم .. كـنت مفكـره بأسامي كثيره
وكل واحد القى فيه عيب .. كل مامشيت بـ القصه شوي
وبعدين جلست فتره افكـر بـ قصص للشخصيات الثـآنويه
كتبتها وعدلت عليها ..يمكن 5 مرات ..ومره بعد مانزلتها او مرتين
حتى ان بنت خالي قالت لي .. لعد تنزلينا وابدي بـ وحده جديده ..لأن هذي ربي ماكتب لك نصيب فيها .. >حسيتها زوج مب روآيه :/
ماسمعت كلامها ومشيت فيها لين خلصتها
وعلى فكره :d تراها ميب عندي على وورد




محـمد (سطــــــــــام)
اول شي بتكلم عن اسمه .. بصراحه كنت نآويه اسميه مشـآري على طلب وحده من العضوات .. كانت تقولي آبي هالاسم ..لما كتبتها قبل التعديل ..
احس اسم مشـاري اسم واحد عمره 19 .. مو واحد فـ الـ 28
سبب تسـميتي له بـ سطام .. اول شي كان إقتـراح من سموي(sama) ..بس اقتنعت فيه ..لما كنّـا رآيحين لجدتي فالمستشفى وانا طالعه من الغرفه حقتها ..لفت نظري واحد كان صفاته تقريبـاً معظمها في سطام ..
عرفت انه يصير ولد بنت عم امـي (يأخآل ابوي حك ظهري هههه ) ..دخل اسم سطام مزآجي رغم محآولات صديقاتي اني ماأسمي هالاسم ..بس قلت لو شفتـوا الرجال اللي شفته ..بصراحه الهمــني مره
حيـاته .. انا ماكنت مفكره انها تكون كذا ..كنت افكر ان امه تحبه مره ..بس المجتمـع اللي حوله مايرحمه .. حتى كنت افكر ان عندهم جـآر يكون نجس عليه مره ..
بس مدري ليه غيرت رآيي وفكرت ان امه تكون قآسيه عليه
كـ شخصيـه ماكنت آبيه يكون مثآلي ..بس هذا اللي طلع معآي ..


نــآصر
هـ الانسـان مدري كيف صـآر اخو محمد .. كان ودي يصير عندهم اخت .. بس ماكان مخي يستوعب كثرة شخصيات .. وجتني فتره كان ودي خجل تصير اختهم .. بس غيرت رآيي
نرجع لـ ناصر .. كنت افكر انه يكون متزوج وزوجـته "ديمه " .. طبعـاً لما كنت آبي خجل تصير اختهم
وكنت حاطه في رآسي ان زوجته تموت .. ويصير مثل المجـنون ..وهيله خصيتها مثل شخصية منال اللي في بقول ولا تقاطعني .. وتجي يوم للبيتهم ويشوفها هو وتصير تشششبه ديمه مره .. ويتزوجها على اساس انها ديمه
بس ماأدري ليه غيرت رآي بعد ..يـآكثر ماأغير رآيي خخخخ
كـ شخصيه عاجبنـي .. بس انا اعترف ان شخصيته ماتناسب الناس الاكبـآريه اللي هم اهله
يعني اللي مثل ناصر ..نادر مايكون بآر بأمه .. ويكون رآعي بنات من الطراز الخآثر ..يعني ماتوقف على مكالمات وبس .. يكون يسآفر ويصير عنده شقه ..هذا ان ماجابهم للبيته .. اما ناصر بصراحه يعتبر مؤدب مقـآرنتـاً فيهم .. ماطاوعني قلبي انه يصير كذا ..لأن هالنوعيه ماأحب اخوض فيهم بصراحه ..وانا في كل قصصي الـ 4 ماقد جبت ابطال غير بآرين لأهلهم ..لأن ماأقدر اسوي كذا حتى القصص اللي تتكلم عن هالشي ماأحبها ابد ..فـ استعنت بـ الخيال شوي
رغـم ان شي بداخلي مو مقـتنع ان ناصر يعتبر سـيء مقارنتاً بـ أقرانه من الاكبـاريه



مشـعل
مدري كيف جتـني شخصيته ..كانت وليدة اللحظه .. وانا اكتب البارت الاول جاني الالهـام لها .. وقلت مابدهآش ههه قدام
كانت كثيره ردود اللي إنه سطحي وكلها سب في شخصيته.. وكأن ماله صفه الا سطحي ..هههه بصرآحه شخصيه تعجبني .. وحبيتها مره حسيت إنها سبشل عن البـآقين

نجـــلآ
هالبنت خليط بين كم بنت عرفتهم ..
يعني طريقة كلامها ..جاني الالهـآم من وحده تصير صديقة بنت عمتي ..هالبنت اتعب وانا اقول كيوت ..طريقة كلامها على حركاتها كانت خلقه كذا ..مو تصنـع ابد
اما كـ أسم ..وحده تقرب لي اسمها نجلا ..كشخه مره وملابسها دآيم حلوه وذويقه .. عشان كذا سميتها نجـلا بدال شذى في قصتي قبل التعديل
من اول بـارت كتبته وانا كنت أبيها لـ سطام .. موقف سطام مع خجل كان مجرد تمويه .. حتى موقفها (اقصد نجلا) مع سعود مجرد تمويـه بعد لا أكثر
ولا ماكنت مفكـره ابد ان نجلا تاخذ سعود ..
من اول ماكتبت اسمها على صفحة الوورد وانا حاطه في رآسي إنها للسطام ..حسيت انهم لايقين لـ بعض
لأن نجـلا رقيقه وحسـأسه وتنحط عالجرح يبـرى .>تحمست ههه
اما سطام .. حنون مع خواته ويهتم بأهله ويبدي نفسه عالناس اللي يحبهم .. وهي محتـاحه للواحد زي كذا ..
حتى هو تصلح له نجـلا مره ..
الضغط النفسي .. هالشي عند صديقتي .. وقلت لها ان ودي احط مرضها في قصتي ..وهي ماقصرت قالت لي كل شي
بس هذي احسن أبطـال قصتي ..ويمكن قصصي كلهم ..مدري ليه حبيتها .. ههه



هيـله
ماعندي تعليق كثير لها .. بس لو كنت قآرءه ماأعتقد اني بحبها خخخ
اممممم أسمها كثير ناس تستغربه .. وتقول وش معنى هالاسم ..وحده من البنات لـ آخر لحظه تقولي جيبي أي اسم الا هيله
كنت آبي أسم كبير ..يعني من الاسمـآء القدام ..وهذا اقـوى اسم يدل على انه قديم
بصراحه الاسمـا تجيني مع الالهـام ..لما اتخيل شخصيه اتخيل اسمها معها
احس فيه ناس بتقول انها تغيرت مع ناصر بـ شكل كبير جداً وغير وآقعي
انا اقول انها كانت تبـذل مجهوود وتتقمص شخصيه غير شخصيتها –وهذا شي كلاً جربه- ويمكن هالشي يتعبها .. بس هي في طريقها تتغير لكن محتـاجه فقزه عشان تثبت له انها تحبه ومراح تفرط فييه
من نآحيتي تغير هيله فـ آخر البارت الـ40 ماكان تغير ..إنما تقمص مؤقت لـ شخصية الزوجه المحبه ..لين تكتسب اطباعها هالطبع




جوآن وحسين وفيصل
كنت نآويه جوان لـ فيصل ..بس مدري وش غيّر رأيـي
بـ تكون فكره مستهلكه ومكـرره ..عموماً هالقصه مدري ليه ماحبيتها .. ويمكن ماأعطيتهم حقهم لآن الالهام كان يمن علي خخخ


في شخصيات ماتكلمت عنها


بس ماعندي لها حكـي ..الحكي لكم


بس حبيت ادخلكم ورآ المسرح اوريكم حوسة الروآيه شوي خخخ


>مصدقه انها خلف كواليس بـ قووه



× حتسـي | =)
اللي يقولون أكتبي قصه جديده ..بصرآحه ودي
بعد ترا انا ماأنعطى وجه , كل شي يجيب إلهـآم ههه , بس كتبت فـ النص ينقطع , مدري الظآهر يمزح خخخخخ
لكن زي ماقلت ظروفي , ودرآستي يمكن اكتب وانزل لين مشيت فيها ويمكن ماأكتب خير شر =d خخ
امممم , بصرآحه جووّ ثقيله مدري كيف كان .. يعني معذبه كنت عايشتها صدق .. حتى الاسمـا كانت تعني لي
كبرتـي نفس الشي .. أي كلمه كنت اطيح فيها وأصير أكررها كثير أقولها فالقصه كثير
فـ لما أرجع اقراها من جديد .. اتذكر أيـام يوم كنت اكتبها ..أيام الادمان
يوم كنت القـى احد اسولف معه عن قصصي وأفكـاري ههههه >ضحكة وحده ضآق صدرها ومتفشله من مدري وش خخخخ
كنّـا انا وصديقآتي دايم نسولف عنها ووش آخر الاحداث ولما احتار بـ شي كل وحده تعطيني رأي ..
بـدا الحماس يخف من بقول وانعـدم في ثقيله ! ..=$ أحيانا أحسها ميته
لكن حبكم لها هو اللي خلآني أحبها .. وبصرآحه لو بـ قيم نفسي بـ قصصي احس بالنسبه لي احلاهم ثقيله لآني تعبت فيها
لا من ناحية سرد او حوآر .. خصوصاً حوارات الشباب كنت القط كلام اخوي الكبير وعيال خالاتي وعماتي واكتب ..
ولا من نآحية أشعار احطها .. كنت اجلس الفلف فالمنتديات ادور شي يصلح لـ موقف او وصف لـ مشآعر بطل معيـّن
كل اللي أقدر اقوله وداعاً ياثقـيله ="(
والله إني اتذكر يوم كنت اقولكم بـ نزل قصه جديده..ياسرع الزمن هذاني أختمها
أحبكم كلكم ..دعـوآتكم لي
الله يوفقني ويدخلني الجنه =) ويوفقني فـ كل أبو شي (مب ابو شي خخ كان خطأ مطبعي ترا)
ويحقق أمنيـاتي >ماكني مسكت خط
يوم السبت 10 محرم 1431هـ
الساعه10:45
فـ صاله الجنآح , اللي فوق هههههههههههه

أعذروني عالتقصيـر ..لكن تأكدوا اني بذلت كل جهدي
يعني لحد يسب بس أمدحوا خخخخخخ


هالروآيـه اهديها لـ كل قرائي .. وأخص أسماء
كوكو , لولي =) , ندى يالبى قلبها اللي ابثرتها في كل مناسبه ماغير اقولها "تخيلي لو فيه وحده تقرا لي هنا وانا مدري عنها" خخ وهي ترد لي بـ"وانتي كل مناسبه بـ تلقلييني ؟" , "ششششطحه" ههههه صديقتي الهلآليه المتعصبه صآحبة الافكـآر الجوووهنميه اللي عطتني فكرتين ومنة علي فيهم ههه ومسويه إنها عارفه كل قصتي , احتري تعليقك يـاحرمه ولا ترا مافي كريووكي خخ (فيس يهزز حواجبه )
لبـى قلوبكم يـا كلكم


،

رِمْشْ الْغَ‘ـلآ

منتديات غرام 


أحدث أقدم