رواية مظاهرة نسائية -32

رواية مظاهرة نسائية -32

ابوريان وهو يكلـم جوري: شرايك يبه؟ تكلمي بصراحه ولاتستحين..وماحد بيجبرك على شئ ماتبيه..
جوري كانت مبوسطه حيل داخلـها..من جد استخارت ربها مرتين ومرتـاحه لماجد .. وتبيه ..
بس مستحيه من وجود فؤاد .. وامها
لو كانت بس مع اسماء كان الموضوع اسهل..
جوري وهي تنزل راسها لانها مستحيه من النظرات الموجهه لها: الراي رايك عمي
ابوريان: جوري يبـه هذي حياتك وهذا بيصير زوجـك لاتقولي الراي رايكم..انتي اللي بتعيشين معاه عمرك كلـه
جوري: على شرط؟
ابوريان: اشرطي مثل ماتبين هذي حياتك
جوري: ماابي يصير شئ رسمي قبل مااخلص هالمستوى..
وهو يتوظـف
ابوريان: وهذا رأيي بعد..

ابتسمت جوري بخجل وقامت لغرفتها ركض

ام سعود: توكل على الله ياابو ريان البنت موافقه

ابوريان: ياااه امس كانت جوري صغيره اليوم كبرت وبتتزوج صحيح السنين تمشي بسرعه

ام سعود: عقبال ماتزوج عيالهم يابوريان الله يطول بعمرك ويخليك لهم

فؤاد: مبرووك خالتـي يلا وعقبال المخبوول فروووس..

ام سعود وهي تبكي من فرحتها بجوري وسعود: الحمدلله الفرحه صارت فرحتين ..

ابوريان: الله يبارك لك فيهم ياام سعود...

بظرف يومين انتشر خبر سعود ودينـا وجوري وماجد بالعائلـه

من جد فرحـه كبيره بالنسبه للكل باستثنـاء سعود ودينـا..

بعد 3 أيــام ام سعود كلمت سعاد وخبرتـها بموافقتهم واتصلت على طول لماجد حتى تخبره

سعاد: الو يمه ماجد

ماجد اللي كان نايم رد وهو مو حاس بالدنيــا..

ماجد: هلا

سعاد: نايم يمــه؟

ماجد: أي

سعاد: خساره كنت بقولـك بخبر بيطيرك من الفرح..

ماجد: قولي عمتي

سعاد: الجماعه ردوا علينــا

ماجد وهو يصحصح ويقوم من فراشه: ها وش قالوا؟؟؟؟

سعاد: موافقين..

ماجد فرح فرح مو طبيعي

ماجد بسرعه: والله تتكلمين جد عمتي؟

سعاد : أي يمه مبروووك تستاهلها

ماجد وهو يصارخ ويرفع يده: ونااااااااااااااسه

سعاد: مبسوط يمه؟

ماجد: الا طاااااااير ياعمتي من قدي اللي ابيها باخذها

سعاد: تستاهل يايمه .. عقبال عيالك

ماجد: هالشئ بفضلك صار ياعمتي ربي لايخليني منـك

سعاد: ولا منــك ياولدي يلا روح وبشر ابوك

ماجد: طيرااااااان

سكر ونزل من الدرج وهو بس لابس شورت وبدون بلوزه وشعره منكوش من النوم..

لقى ابوه يشرب شاهي..

ماجد: يبه يبه

ابوماجد: ها شفيك طااااااير وفاصخ هدومك جعل لاشر

ماجد: هههههه لالا كنت نايم تعرفني ماانـام الا كذا

ابوماجد: انزين شفيك؟

ماجد: يبه الجماعه موافقييين

ابوماجد وهو يترك بياله الشاهي : والله؟ الحمدلله ها ارتحت الحين؟

ماجد: أي يبه..

باس راس ابوه وقعد وهو مو مصدق ...

ابوماجد وهو مبسوط لولده: تستاهل كل خير يبه.. خلاص كمل نومك..

ماجد: ويين يبه يجيني النوووم...يالله مو مصدق بتزوج..

ابوماجد: خلاص ان شاء الله تخلص تدريبك وتتوظف ونروح رسمي لهـم ونشوف طلباتهم..وطلبات البنت

ماجد: اوووكي ..

صعد ماجد لداره وهو مبتسم .. مسك جوالــه مايدري ليش بهاللحظه ودي لو يسمع صوتها ويخبرها بفرحتـه الكبيره ..

كان متردد يتصل او لا

.. تشجع وضغط على زر الاتصـال وهو يعاتب حالـه المفروض مايدق بس الشوق ذبااااح

كانت بغرفتـها ترتب اوراق الجامعه وكتبـها خلاص مابقى الا يومين وتروح الريــــاض وترجع للدراسـه مع اماني بنت خالتها..

رن قامت بترفعه لما شافت الرقم دق قلبها بشوق وولــه شديد..

ردت وهي ساكته..

ماجد وهو خجلان : الو

جوري بخجل: هلا

ماجد: هلا فيك..

جوري: هلا والله

ماجد: كيفك جوري؟

جوري: زينه وانت؟

ماجد: دام حبيبتي بخير انا اكيد بخير

جوري وهي ميته: ماااااااجد

ماجد: خلاص خلاص بسكت..بيجي يوم واسوي فيك اللي ابي

وبتشوفيين

ماتت من الحيـا وماعرفت ترد عليــه

ماجد: مبرووك ..

جوري: الله يبارك فيك .. وانت بعد مبروك

ماجد: الله يبارك فيك ماتتصورين شقد فرحان ياجوري..واخيرا بنصير مع بعض

جوري ردت عليه بالسكوت...لانها مستحيه مو عارفه ترد..

بس دقات قلبها الملهوفـه والمشتاقه لحبيبها ردت وبكـل اندفـاع وعبرت عن الحب الساكن طياتها..

ماجد:..عسى ماكنتي مشغولـه

جوري: ابد ارتب كتبي وشنطتي خلاص مابقى شئ وارجع الرياض

ضاق صدره وهو يسمع هالطـاري ورد عليها بدون شعور

ماجد:اوووف انتي ليش مادرستي بالدمام؟ كيف بتحمل بعدك عني؟

جوري بصوت منخفض: هذا نصيبي

ماجد: اووووف يعني بعدين ماراح اشوفك الا يوم بالاسبوع وباقي الاسبوع هنــاك بالرياض

جوري: وش اسوي بعد لازم نصبر

ماجد: اذا انتي تقدرين وتصبرين انـا مااقدر مااشوف زوجتي اسبوع

مسكينه جوري ميته مكانها كلامه مرره جريء كيف الحين ترد عليه؟

جوري: خلاص بعدين نتفاهم...مو الحين

ماجد: خلاص نشوف.. يلا ماابي اطوول عليك واسف اذا ازعجـتك

جوري: لاعادي ..

ماجد: توصين على شئ؟

جوري: سلامتـك..وانت تبي شئ؟

ماجد: انا ابيك بس ..

جوري سكتت وهي مبتسمه..

ماجد: فديت اللي تستحــي ...اقوول

جوري: اممم

ماجد: احبك

جوري:خلاص يلا يلا رووح

ماجد:ههههههه برووح مابيدي شئ يلا تصبحين على خير

جوري: وانت من اهلـه..

سكرت ورمت نفسها عالسرير وهي فرحانه لابعد درجه ممكن تتصورهـا..

ماكنت اتخيل اني بحب هالانسان واني بكون زوجتـه..يلا الحمدلله الحمدلله..

طلـع من الحمام وهو متروش لبس ثيابه وجلس مقابل اللاب توب..

عنده كم محاضره فيها مصطلحات يبي يترجمهـم..

رن جوالــه كشر لما شاف الرقـم..

هذي خويتـة القديمه ريــم..

في يوم من الايــام حس بانجذاب لها واعجاب..

حتى صارت وحده من خيولـه بنفس اسمها

حتى يتذكرها حتى وهو مع خيولـه

الريــــــم..

بس الحين ومع مشاعره الجديده المتفتحه مع ديمه تلاشى هاالاعجاب المزيف

رد من غير نفس

فارس: نعم؟

ريم: الله يالدنيـا انا تقول لي نعم؟ بدال ماتقول هلا حبيبتي هلا عمري اشتقت لك

فارس وهو متضايق منها:هلا عمري..ها كذا مبسوطه؟

ريم: حبيبي فارس ليش تكلمني كذا؟ انا وش سويت لك؟

فارس: متضايق عندك مانع؟

ريم: لاتتضايق حبيبي وانـا معاك..

فارس: ليش متصله؟ تبين شئ؟

ريم: مو لازم يكون في سبب حتى اتصـل

فارس يقول بقلبـه..لحوول من هالبلشه كيف اخلص منها واصرفها..

ريم: ها وين سرحت؟

فارس: ابد..اقووول عندي خط ثاني

ريم بعصبيه: على فكره تراني مره مليت من هالوضع..يااخي ماتبيني ليش معلقني معاك ها؟

فارس بعصبيه: خلاص افهميها مثل ماتبين ماابيك طيب

سكر بوجهها وهو معصب..اووف منها ماعندها كرامه

مابغت تفهم اني ماابيها ومليت منهـا

جوري سمعت صوته بحكم ان غرفتها قريبه من غرفته ودخلت غرفته...

جوري: فارس شفيك تصارخ؟

فارس: هالغبيه زهقتني

جوري وهي تجلس مقابله عالسرير: أي وحده فيهم؟

فارس: ريم..

جوري: مو على اساس كنت تحبها

فارس: لامااحبها..مجرد اعجاب

جوري: والان؟

فارس: ياشيخه مليت منها...ممله بشكل ماتتخيليه

جوري: اها مليت منها وقلت لها باي ياحلوه؟

فارس: ليش تكلميني انتي بعد كذا؟

جوري: فارس البنت مو لعبه متى مامليت منها قطيتها

فارس بعصبيه: اوووه جوري ماابي اسمع هالكلام..

جوري: انا اقول كذا لمصلحتك ولا انـا مو خسرانه شئ

فارس: خلاص بنهي علاقتي فيها وبغير رقمي

قامت جوري وعلى محياها ترتسـم ابتسامه غريبه وفتحت دولاب بالزاويه فيه كتب واوراق على بعض ..

كان فيه روايـه كبيره فرت جوري صفحاتها وطلعت صورة الريــم اللي محتفظ فارس فيها من زمااان ..

جوري وهي تسحب الصوره : وهذي؟

عرق وارتبك..كيف وصلت اخته للصوره..قام وهو مرتبك وسحب الصوره..

فارس: هاتيها...انتي بأي حق تفتشين اغراضي الخاصه؟

جوري: مافتشت الابأذنك..يوم اللي اقولك ابي روايه شفرة دفينشي قلت لي دوريها بغرفتي..جيت ادورها ولفتت نظري هالروايه سحبتها وطاحت منها الصوره...عرفت انها ريـم من الاهداء الموجود وراهـا

فارس: طييب طيب

جوري: فارس حبيبي انت اخوي واقرب الناس لي لاتتضايق اذا نصحتك هذا كله لاني ابيك الافضل..

خلاص انهي كل علاقاتك..والصوره رجعها للبنت والله يستر عليها

ترى اللي تسويه حرام وفوقك رب بيحاسبك عليه..

ليش تكسب اثام انت في غنى عنها؟

جلس عالسرير وهو يفكر...كلام اختي صح..حرام صورة البنت عندي واتأملها متى ماحبيت..

ابتسم بسخريه..اختي اللي اصغر مني طلعت افهم مني مالت علي..

انتبه لنفسه رفع راسه مالقى اختـه بالغرفه..اكيد يوم شافته تفكر حبت تنسحب بهدوء حتى ياخذ راحته..

اسبــوع والترتيبات لملـكة سعود وديــنا بدأت

بنفس الوقـت الكل رجع لدراسته وخلصت اجازه العيد القصيره..

اماني وجوري كانوا بمحاضره الثقافه الاسلاميه..

الدكتور محمد يشرح والبنات عيونهم متوجهه لشاشه العرض..

لفت اماني لقت جوري تخطط الدفتر وهي سرحانه

ضربتها على يدها حتى تنتبه للمحاضره

جوري بصوت منخفض: وجع شفيك؟

اماني: اقول انتبهي الحين يسألك الدكتور وتفشلينا

وبالفعل سأل الدكتور كم طالبه وجاء عند اسم جوري

الدكتور: ايووه ياجوري جاوبي على السؤال السابق اللي ماعرفت تجاوبه زميلتك

جوري بارتباك: عفوا دكتور ممكن تعيد السؤال

الدكتور: كمان مش منتبه للمحاضره ياجوري؟

يابنات انتبهوا وركزوا حرام تحملون ماده سهله مثل الثقافه الاسلاميه..

التشخيص الاشعاعي صعب وتنتظركم مواد صعبه جدا

جوري: اسفه دكتور معليش اعذرني

الدكتور: طيب هالمره سماح ..

جلست وهي متفشلـه واماني تضحك عليها

.. لما خلصت المحاضره جات لعند اماني وجوري بنت معاهم بالقروب .. خفيفه دم وعربجيه بشكل هالبنت

عقيله: وراك ياجوري سرحانه ها؟ اعترفي وش اللي شاغل بالك؟

اماني: ياعقيله البنت انخطبت ماتشوفينها سرحاااااانه وحالتها حاله

عقيله وهي تنط لعند جوري: قولي والله؟ ياربي حركااات بطاقات العرس توصلني لبيتي مو شغلي

جوري: ههههههههه من عيوني..

اماني: شكلي بعلق صورته عالشاشه لعل وعسى تنتبه للمحاضره

عقيله: وش تعلقينها انتي الثانيه تبينها تطمر عالدكتور تفشلنا

اماني: هههههههههههههههههههه حلوووه بس لاتعيدينها

عقيله وهي تمشي: اقول تلايطي بس ..

اماني وهي تلف لجوري: شقد حبووبه هالبنت

جوري: أي والله

اماني: مشينا للكافتيريـا نفطر

جوري: واللي يرحم والديك اللي يسمعك يقول في اكل اصناف والوان .. تلاقين الكافتيريا مافيه الا مويه..

اماني: مو مشكله اهم شئ نسد جوعنـا .. قوومي

دخلوا الكافتيريـا..واخذوا لهم فطور وجلسوا عالطاوله في الهواء الطلـق

جوري : اقول اماني باص الشرقيه متى يمشي؟

للمعلوميه.. اماني وجوري قاعدين بسكن خاص للطالبات بالرياض...

هالسكن داخلي ممنوع يطلعون منه الا للضروره القصوى ..

وينزلون للشرقيه كل اسبوع يوم الاربعاء ببصات يوفرها نفس السكن..ويرجعون للرياض يوم الجمعه

اماني: يالدبه اليوم الثلاثاء مو الاربعاء

جوري: انا بنزل اليوم

اماني: ومحاضره الحاسب بكره؟

جوري: بفوتها.. تخيلي مااشتريت لي شئ لملكه دينا واخوي..

اماني: تصدقين ولا انـا للحين

جوري: لاحبيبتي بكره بنوصل للشرقيه هلكانين وماراح نقدر نطلع السوق..خلينا نرجع اليوم

اماني: تدرين..خلاص نرجع السكن ونرتب اغراضنـا وعلى اول باص للشرقيه..

جوري: تم..

طلـع من الكلـيه وهو فرحـان ليش مايدري..

مر على الاتصالات وكنسل رقمه وطلـع له رقم جديد موبايلي..

اول شخص فكر يتصل فيه هو صديق عمره ماجد..

ماجد اللي كان بالمستشفى: الو نعم

فارس وهو ييغير صوته لبنت: الو مرحبا

ماجد وهو ماعرف صوت فارس: نعم اختي؟

يتبع ,,,,

👇👇👇

تعديل المقال