رواية مظاهرة نسائية -36

رواية مظاهرة نسائية - غرام

رواية مظاهرة نسائية -36


سعود: اممم انـا بطلع الان تبين شئ؟
دينا وهي تلف له: لا
سعود: يقولون سلامتك مو لا..ولا انـا عارف ان سلامتي اخر همك ولكن مجامله لااكثر..
دينا بتحدي: مااعرف اجامل... انا صريحه..عندك مانع؟
سعود: يعني راح نبدأ كذا تحدي؟
دينا: افهمها مثل ماتبي
سعود بخاطره... هيين يادينووه انا اوريك بس مو هنـا اذا جيتي عندي بالبيت اوريك ان ماطلعت لك قروون مااصير سعود..
ان ماخيلتك مجنونه تمشين بالشارع ولاتدرين عن هوا دارك مااصير سعود هين هيين .. خلي بس هالليله تعدي على خير
وبيطلع لك سعود الثاني اصبري انتي بس..
دينا بعد ماالاحظت شرود سعود: ها كلامي ماعجبك؟
سعود ببرود مبتسم: ومن يقول اذا كلام زوجتي مايعجبني اجل وش اللي يعجبني
دينا باستنكار: من متى هاللباقه؟
سعود ببرود اكبر يبي يجننها: من زمان بس انتي مو داريه ياحلوه
مرر اصابعه الدافيه على خدها وابتسم بخبث وقام..
استغربت حركته اللي خدرتها واستفسرت عن المعنى؟
بس المعنى واضح في نظراته الشريره..
سعود: اوكي انـا رايح...
دينا وهي تحط رجل على رجل: فمان الله
سعود مشى بيطلع بس لف لها: بيننا اتصال
دينا وهي ترف حاجب: ليش تبي شئ مني؟
سعود: شوفي الدبله اللي بيدك بتلاقين اسمي مقرون بأسمك..باختصار صرت لك وصرتي لي..
وتقولين وش ابي؟ بالعربي الفصيح صرتي زوجتي..
افهمك بعد وش ابي؟
دينا: زوجي وانا زوجتك غصبا عنا مو بيدينـا
هالكلام صحيح بس مايدري سعود ليش تضايق يوم سمعه...مايتحمل رفضها له..
وهو انسان الزم ماعليه كرامته
رجع لمكان ماكانت جالسه وكلمها وهو يقرب منها...هي خافت حاولت ترجع بس ماتقدر لانها جالسه عالكنبه..
سعود وهو يصر على اسنانه: دينا للحين انا هادئ..لاتخليني اعصب ارجوك خلي الليله تعدي على خير..وبعدين اللي تبيه سويه...
دينا وهي تحاول تحط عينها بعينه بس مو قادره: انا ماقلت شئ غير الحقيقه..
سعود: خلاص قلت لك خلااااص
مثل البرق السريع تركها وطلـع..هي من لعصبيه رفست طرف الطاوله اللي مقابلها ووجعتها رجلها لان الطاوله حديد
نزلت وهي تدلك رجلها
اييييييييييي كله منك ياسعودوه كله منك
هين بوريك برد لك كل شئ تسويه فيني
عند باب الصاله كان فارس واقف مع جوري يسولفون..
فارس: ها بشري اخوك بيض الوجه ولا مسود وجوهنـا كالعاده؟
جوري: ههههههههه فاتك نص عمرك دخلنا عليهم لقيناه ماسك يده وقريب منها ويبوس جبينها
فارس: ههههههههه حركات ابورومنسي طلع اخوك
جوري: هههههه أي والله فديته
فارس: اقول بعض الناس موصلين سلام لك
جوري وهي تبتسم بخجل: من؟
فارس: خطيبك من بعد
جوري وهي تنزل راسها وتشبك اصابعها: رد عليه السلام
فارس: ياااااااه ياشينكم يالبنات الحين الخجل والوجه احمر بس انتظروا تعرسون اللسان يطلع وش طوله اخ منكم..
جوري: لايكثر فرووس
فارس: اممم اقول جوري
جوري: هلا
فارس: وين ديمه
جوري وهي ترفع حاجب: وش تبي فيها بعد؟
فارس: لابس اسأل
جوري: هييه ياحبوب علينا هالكلام..وش تبي في البنت؟
فارس: ياشيخه سؤال مجرد سؤال لااكثر
جوري بخبث: شوف انا عارفتك زيين (وهي تضرب على كتفه)روح احسن لك عند الرجال رووح قال ديمه قال
فارس: اووف منك انتي ماينأخذ منك لاحق ولا باطل
طلع فارس وهي تفكر..ياربي وش بينهم؟
ليش مهتم فيها كثير؟
يبي يتسلى معاها؟
لالا ديمه بنت عمنا لايمكن فارس يفكر فيها للتسليه
اجل يفكر فيها على أي اساس؟
حيرتنا معاك يافارس..
ارسى لك على بر..
جات اماني وضربت جوري على ظهرها
اماني: في منو سرحانه؟
جوري: اووف خرعتيني
اماني وهي تغمز: ماودك تشوفين كحيل العين؟
جوري: ومن يطلع كحيل العين؟
اماني وهي تسحب جوري لبره: خطيبك يالغبيه تعاالي
جوري: لحظه لحظه وين بتوديني؟
اماني وهي توقف: انتي ودك تشوفيه او لا؟
جوريوهي تفكر:اممم أي
اماني: اجل تعالي نروح عند نوافذ المجلس الكبيره..
جوري: ويي اخاف يشوفونـا
اماني: عاكس ماراح يشوفون شئ تعاالي
راحوا الثنتين بشويش وخفيه لعند نوافد المجلس اللي صايره ورا البيت وبعييده عن اماكن السيارات..
جوري وهي تتراجع: لااخاف حد يشوفنـا
اماني طنشت جوري وراحت تطل : تعااالي شوفييه بسرعه لايفوتك ياحلييل
جوري بعصبيه: هييه انتي وش ياحليله مااسمح لك
جوري تحمست وراحت تطـل ودورت بين الموجودين عليه ..لقت فارس يمشي لوحده من زوايـا المجلس ويجلس جنبه..
جوري ابتسمت وقلبها يدق كل دقه اسرع من الثانيه
ومندمجه تطالعه وهو يسولف ويضحك ولاهي حاسه بأماني..
جوري بعد فتره: اموون ترى جد احبـه
لكن اماني لاجواب..
رفعت جوري راسها تدور اماني مالقتها..
حست بيد تنحط على ظهرهـا
غمضت عينها بقوه وهي خايفه..من هاللي سمعها ..
وهي تعترف بحبها؟
اسماء: تحبيه ها
جوري بارتباك: سمووي اووف خرعتيني
اسماء: منو اللي تحبيه بعدي خليني اشووف..
وقفت اسماء مكان جوري تطالع النافذه ..
اسماء: هذا ماجد؟ يالله تغير حييل...تعالي هنـا ياقليلة الادب وش تحبيه بعد؟
جوري والارتباك لازال باين عليها: خطيبي مافيها شئ
اسماء: أي ياعيوني مااختلفنـا..يوم اللي تملكون قولي تحبيه مو الحين..بعدين من متى عرفتيه حتى تحبيه..جوري لايكوون...
جوري: لالا اسماء انا اختك مااسوي شئ من وراك
اسماء: اجل كيف تحبيه؟
جوري: عادي خطبني وحبيته
اسماء: هالكلام تقوليه لامي يمكن تصدقك..بس انـا اسماء ياعيوني قولي غير هالكلام..
جوري : اووف ومنك ومن ياعيوني حقتك..ليش قاعدين بالمباحث حنا
اسماء: أي عندك مانع ..
جوري: اووه طيب انا احبه خلاص ارتحتي؟ من قبل مايخطبني
اسماء وهي تمسك ذراع اختها بقوه: كلمتيه؟ قولي لاتكذبين
جوري: وغلاة امي وابوي مااكلمه...
اسماء: حب بالعيون يعني؟
جوري وهي تبتسم وترجع تطالعه من النافذه: تقدرين تقولين..
اسماء: الله يرجك من بنت..خوفتيني يلا ندخل قبل لاحد يشوفنـا..ولاعاد تكررين هالحركه
جوري: ان شاء الله ياااااااا..ياعيوني
اسماء: ههههههههه لاتقلدين
دخلت جوري داخل قبل اسماء اللي وقفت تطالع شاشه جوالها..شافت 2 ميسد كوول من فؤاد
يؤؤ متى دق..ماسمعت الجوال..
دقت عليـه وهي تطالع النافذه شافته طلع الجوال وابتسم يوم شاف اسمها..
بعدت عن النافذه ودخلت داخل المطبخ من بوابته الخلفيه..
اسماء: هلا فؤاد
فؤاد: هلا والله اسماء..ليه ماتردين؟
اسماء: اسفه ماسمعته والله..بغيت شئ قلبي؟
فؤاد بصوت منخفض: قلبك؟ بموت انـا خلي هالكلام في البيت لو سمحتي هنـا ماينفع
اسماء: هههههههههه طيب طيب...ماقلت لي بغيت شئ؟
فؤاد: متى تبين نرجع؟
اسماء وهي تطالع الساعه : الحين 11 ونص خلاص اذا تبي نرجـع عادي نو بروبلم
فؤاد: خلاص اسلم عليهم واطلـع وينك انتي
اسماء: من شوي كنت عند نوافذ المجلس اطالعك
فؤاد : ههههههههه احلفي
اسماء: وربي..
فؤاد: خلاص يالغلا اسلم بس عالموجودين واطلـع
اسماء: خلاص انـا انتظرك بره الحديقه..
فؤاد: طيب يالغلا يلا سلاام
سكرت منه وهي مبتسمه..ياربي كيف كنت غبيه وعميه ماشفت فؤاد على حقيقته من قبل
الحين اقدر اقولـها وبدون تردد...احبـــك احبك..
دخلت اسماء للمجلس اللي كانت فيه دينـا لقتها شبهه سرحانه وجالسه جنبها امها وخالاتها وبنات خالاتها..
ولطيفه طبعا اللي هاني كان نايم بحضنها..
اسماء: ها دندون كيف الامور تمام؟
دينا ببتسامه مصطنعه: الحمدلله
اسماء: الحمدلله .. والله يتمم عليكم بخير ..
ام سعود: تعالي يمه اجلسي..ليش واقفه؟
اسماء: لاوالله بطلـع خلاص فؤاد ينتظرني
ام ريان: بدري يااسماء ماجلستي معانـا..الحين نحط العشاء اجلسي
اسماء: هني وعافيه خالتي..لاخلاص بروح..وقت ثاني ان شاء الله
راحت وسلمت عليهم كلهم..لما وصلت للطيفه باست هاني على راسه
لطيفه: يلا شدي حيلك وجيبي لنـا واحد
اسماء بفرح وهي تتخيل ان عندها ولد من فؤاد: هههههه ان شاء الله..
ام سعود وهي تطالع اسماء: هذا انـا اوصيها اذا عرفت انها استخدمت موانع ماراح اكلمها
اسماء وهي منحرجه: يممممه مو قدامهم ..
لطيفه: ههههههه مافي حد غريب
لبست عبايتها ولفت شيلتها بدون ماتتغطي وطلعت لبره..
لقت فؤاد واقف عن سيارته بالحديقه ينتظرهـا..
ابتسم يوم شافها..لما قربت منه دخلت جوالها بالشنطه ورجعت تطالعه
اسماء: يؤؤ شفيك فؤاد تطالعني كذا؟ فيني شئ غلط؟
فؤاد: كيفي احبك وبطالعك
اسماء ببتسامه: تصدق فؤاد لطيفه قالت لي شئ فرحنـي
فؤاد:فرحيني معاك..
اسماء: يوم جيت بسلـم عليها كان هاني ولدها بحضنها..قالت لي شدي حيلك وجيبي لنـا واحد مثلـه..
حسيت بفرح وانـا اتخيل ان عندنـا ولد صغيروون
فؤاد: ياحياتي..عساها دوم الفرحه..بس مو الحين اسماء نبي نستانس مع بعض ولاحقين على العيال ووجع الراس
اسماء : الحين عيالي بيصيرون وجع راس؟
فؤاد: هههههههههه واحلى وجع يلا حبيبتي مشينـا
اسماء: يلا
فارس كان متملل بالجلسه .. والا يبي يشوف ديمه ..
يشوفها يعني يشوفها ..
خلص عشاء وراح لعند المغاسل..غسل وعدل شماغه بالمرايه..وطلع للحديقه..
كان باب الصاله الكبير يطل عالحديقه دايركت..
كان يمشي رايح وجاي .. مو عارف كيف يشوفها..
يحس وده يسولف معاها..
ليش السوالف ماتحلى الا مع ديمه؟
مايدري
لمحته اميره وهي يروح ويجي..
اميره وهي تكلم ديمه بأذنها: ديووم ديووم الحقي
ديمه: وات؟
اميره: فارس بره بره يتمشى بروحه
ديمه: يالغبيه فرصتك يلا روحي
اميره: وش اقول له مااعرف
ديمه: وش ماتعرفين تبيني اقول انـا عنك يعني؟
اميره: أي ليش لا
ديمه وهي تلف لاميره: غبيه انتي؟ كيف اقوله؟
اميره وهي تفكر: امممممممم قولي له ان اللي ببالك تبادلك نفس الشعور..اي شئ اهم شئ يعرف بحبي
ديمه: اممممممممم تتوقعين راح توصل له المعلومه؟
اميره: اكيد .. يلا ديووم علشاني عااااد
ديمه: طيب لاتحنين على راسي بروح له وامري الى الله..
قامت ديمه بتطلـع لبست عبايتها..وماحـد لاحظ هالشئ من الموجودين لانهم مشغولين بالسوالف اللي ماتخلص..
شافته جلس على طرف حوض فيه ورود ... ويفكر
ديمه وهي تجلس جنبه: في ايش تفكر؟
ماصدق اللي سمعه لف لها على طول وابتسم ابتسامه عريضه..
فارس: ديمووه..توك على بالي
ديمه: انا؟!!!!
فارس بارتباك: امم لا اقصد ماشفناك اليوم يعني
ديمه وهي تعدل عبايتها: والله انشغلت مع اختي
فارس: ايييي..كيفك؟
ديمه: كويسه انت علومك والكليه؟
فارس: والله الاختبارات ماتبشر بالخير
ديمه: لانك ماتذاكر
فارس: مدري شفيني عايف الدراسه وماودي بالمذاكره اصلا
ديمه: شد حيلك هانت كلها سنتين وتخلص
فارس: ماعلينـا.. انتي علومك؟
ديمه: لاجديد ..
سكتوا الاثنين..حس فارس ان بعيون ديمه كلاااام .. مو على بعضها
فارس كان بيتكلم بس سبقته
ديمه: هههههههه شكنت بتقول؟
فارس: هههه لالا قولي اول اللي عندك...
ديمه: بصراحه فارس وبدون لف او دوران جايه اقول لك شغله وامشي
فارس باهتمام: قولي .. اسمعك
ديمه: بوصل لك رساله .. اتمنى تفهمها..
فارس باستغراب: رساله؟
ديمه: الشخص اللي تكن له مشاعر حب او اعجاب.. يبادلك هالشعور...
هالشئ للمعلوميه بس..
فارس وهو مو مصدق وعلى باله ديمه تحبه: تتكلمين جد ديمه؟
ديمه ببتسامه: يييس ..
فارس: وليش تتكلمين الغاز؟ ليش ماتقولينها بصراحه؟
ديمه وهي توقف: مثل ماانت عبرت عن مشاعرك بالغاز..سويت انا نفس الشئ ووصلت هالمسج الغاز..
فارس: مو مصدق..
ديمه: لهالدرجه الحب؟
فارس: واكثر ياديمه..ربي لايحرمني منك قولي امين
ديمه بطيب نيه: امين يارب..خلاص انا استأذن الحين..مهمتي انتهت
فارس: وين وين ديمه مابعد تكلمنــا
ديمه: الجايات اكثر ولا؟
فارس: طبعا بس خليك
ديمه: احم لهنـا المهمه انتهت..الدور والباقي عليك
( ديمه كانت تقصد يعني اعترف لاميره بحبك واترك الالغاز)
فارس: انا عن نفسي مستعد اقول وبكل صراحه .. اني معجب..وبقووه
جاوبته ببتسامه..
بعدت عنه ودخلت وهو طاااير وناسه..
ديمه طلعت تحبني؟
او عاالاقل تبادلني اعجاب مميز؟
من قدي..
اميره وهي تمسك ذراع ديمه بعد ماجلست: ها بشري


يتبع ,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -