بداية الرواية

رواية على موسيقى ابليس -6

رواية على موسيقى ابليس - غرام

رواية على موسيقى ابليس -6

جمانة : صباح النور ..ويش عندك جالس بدري؟
سامي : والله أنتوا الا كل تصحوا متأخرين ..
جمانة : اسمع عندي فكرة ... ليش مانسوي الفطور بنفسنا ...نشوف يمكن عندنا موهبة الطبخ واحنا غافلين عنها ...
سامي : مافي مانع .....بس ويش نسوي ..؟
جمانة : اممممم .... اي شي ....
رفعت شعرها الكستنائي ...ذيل حصان ...وبرزت ملامح وجهها الطفولية ....وطلعت مريلة الطبخ ...وعطت سامي وحدة
سامي يناظرها : ضروري البسها ؟
جمانة : من أولها ساميو ...يالله ألبسها
سامي ضحك عليها : أوكيييييييه ..شكلي بتورط معاك
جمانة ضحكت على شكله ..المريله قصيرة مرة عليه ....لان طويل ..وكان لابس ثوب ......
سامي يطالعها معصب : ليش تضحكي ؟....
طلع في شكله في المرايا ابتسم ...قام فسخ الثوب ..وحطه على الطاولة ...ولابس المريله ...جمانة تطالع فيه ...: وااو ....ياخوي ....ويش هالكشخة ؟
سامي : اي كشخه ..هههههه
تقربت جمانة اله وهي تضربه على اكتافه ...: ويش هالجسم الرياضي؟
سامي وهو يضحك : ماتستحي من الصبح تغازلي اخوش
جمانة تضحك : يالله عاد ...لاتصدق حالك ....
جمانة وقفت تفكر ....اممم ....وطلعت كتاب الطبخ ..وشوي الا تشوف سامي جالس يعممل بيض مقلي
جمانة عصبت : شووووو .....بيض ...الحين كل هالحوسة ..وتعمل بيض
سامي : ويش اسوي ....اشتهيته .....ترى اخوك بارع في البيض
جمانة انقرفت من ريحة البيض ....ماتحبه ...
سامي عارف هالشي : امممم لذيذ ....وريحته طيبة
جمانة : يــــــــــع ...ويش هالذوق؟
وهو يقرب الها الصحن ....: بس اشتميه وبتوقعي في غرامه
جمانة تفلح ...وسامي يلحقها ...: باعد عني ....ماحبه..
سامي يضحك ....: انتي قلتي نطبخ
وقام لشباق بينهم .....بعدها قرروا يروحوا مطعم يفطروا ..
$في السيارة $
جمانة : ساميو ....انت الي راح تعزمني ....انا مفلسة ..وعقاب الك
سامي : من عيني هذه قبل هذه ....بعد شو تامري؟
جمانة : يالله ...خطيبتك بتفرح فيك ..بصراحه من الحين بديت اغار منها
سامي ابتسم وهو يطالع فيها ....وشوي : جوجو...
جمانة : هلا سوسو ههه
سامي : كيف كانت ردة فعلك يوم عرفتي ان عندك اخو ثاني ؟
جمانة : بصراحه .....استانست مرة ...حليو الشعور ان يكون عندك فريد مجهول ..وخصوصا اذا كان وسيم ...ويدلعني
سامي يضحك : لاعن جد اتكلم
جمانة : وانا بعد ...تدري هذه كانت امنيتي ....يطلع اليي اخو نقيض إلى حسوم ..
يوم وصلوا المطعم ...
طلبوا الهم فطور ...وظلوا يسولفوا ويضحكوا ....شوي الا مر صاحب سامي ..وسلم عليه ومشى ...
جمانة : من هالمزيون ؟
سامي انقهر ..اخته مدلعه وساعات تفلها بزيادة : علي ..ويش تبي فيه؟
جمانة : لا بس اول مرة اشوفه ..
سامي : لايكون تبي تشوفي كل اصحابي بعد..
جمانة تضحك : ويش فيك تنرفزت ماقلت شي...لاتخرب نظرتي الك
سامي : لا كل شي ولا نظرتش
جمانة : يالله تعرف تغازل ..لايكون عندك كورسات واحنا ماندري
سامي : ماقلت شي يهبله هههههه
$$خلصوا الفطور$$>>>>>. بالعافيه
وهم عند البيت ...في الحديقة تبع البيت
جمانة : ساميو ...خلنا نلعب سله ...مشتهية بجد
سامي يفكر ....: امممممم
جمانة تمسكه من ايده : بليززززززززززز
سامي يطلعها بنص عينه
جمانة : بببليززززززززززززز
سامي ضحك ...: اوكيه يالله
جمانة حظنته : ثانكس ......ياحلى اخو بدنيا
سامي استغرب منها ......مجنونة هالبنت
قام بدل ولابس ملابس رياضة ....وجمانة لابست برمودة وتيشرت اسود
وعلى راسها قبعه لافتها على ورى ..ولابسة نظارة
اول ماطلع اخوها ,,قامت تصافر اله ..وهو يضحك عليها
جمانة : ويش هالوسامة ....لو يشوفك بنات الجامعه ينخبلوا عليك ...
سامي : طالع عليك ...
جمانة سوت حالها بيغمى عليها ...اخوها خاف عليها ..جمانة فطست ضحك : ويش فيك أمثل ...اني بذووووووب ههههههه يالله مشينا نلعب
سامي: خبله ...
وقاموا يلعبوا ...وهم يضحكو ....البيت انزعجوا منهم
نزل حسام وطلع بره ..وهو يفكر ....من جى سامي ...وهو كل معه جمانة ..شاف جمانة ناطه على سامي ...ووسامي يجر جمانة من شعرها ...وهو يفكر مجانين ....جمانة مجنونة وتحصل واحد مثلها تجن اكثر ....الحمدالله وشكر .....طلع وهو لابس شورت وبلوزة عاريه ....
حسام : تراكم ضجيتو راسنا ....من الصباح وخبالكم مشتغل
جمانة مسكت ايد سامي : مالك دخل ..انا وسومي ...أحرار ...
حسام : ماقلنا شي .....بس من الصباح عاد
جمانة تضحك تقربت إلى حسام : فاتك ...طلعنا تمشينا ..وفطرنا
قاطعها حسام : وأنا ويش يخصني ...؟
طالع في سامي نظره ....ودخل .....جمانة انقهرت منه
سامي يطالع في حسام وهو يدخل ..جمانة تخصرت : ثقيل دم ...مو مثل سومي ...
سامي : اوكي جمانة ..أنا تعبت ..بروح اسبح ,., وبمشي عندي موعد
جمانة : اوكييييييه ..
] Enchanting twins [

عند حلا وغلا .....الوضع متأزم كثيرررررر
حلا كانت جالسه على الكرسي تفكر ..وأفكارها ودتها بعيد
دق جوالها على نغمة نانسي (( بتفكر في ايـــــه ..حبيبي وساكت بس ليه ؟)) عرفت ان حسام يتصل ...رفعته بدون نفس
حلا : نعـــــــــــــــــم ؟
حسام (ويش هالنفسية القافله ..): أسمعي ..اذا فاكرة انك تسلي على حسام فأنتي غلطــــــــــــانة ..أنتي لسا ماعرفتي من هو حســــــام صالح ..
وسكر في وجهها .....حلا تعجبت ويش يقصد ...ويش صاير ...أكيد غلاية الها دخل في الموضوع ..جلست تبكي ..أتصلت اله عطاها مشغول .....دقت مرة مرتين .....قفل جواله ...وهي تفكر ليش متغير عليها بعد ماكان يحبها ....
##هذا وانا الغالي بقلبك وشوف وش صار
اجل لاقلبك كرهني وش يسوي
كنك تقول اسمع حلين اختار .....ياتنوي الفرقا والا انا بنوي
من غبت عن عيني انقطعت الاخبار ....جوي الي اخبره ماعاد جوي
حنا تجمعنا محبة ماظن تنهار
احترت مادري حبيبي ولا عدوي
اتعبت انا اصبر وارتجي غيث الامطار ....وانت غيثك سحابة شربها يروي
اول اخبرك عاطفي حيل بك نار ......وماينطفي ضوك الا على ضوي
واليوم اشوفك صرت بالحيل جبار
واثري توي عرفتك يافلان توي##
رمت جوالها على السرير ..وطلعت إلى غلا ....الي كانت تشاهد تلفزيون
وقفت في وجه أختها ...تخصرت ....: هي أنتي يالزباله ..ويش قلتي إلى حسام ..؟
غلا تكمل اكل الشيبس الي في ايدها ...وهي مطنشة
حلا طفت التلفزيون : أظن اسمعتيني ...
غلا تركت الي في ايدها وقفت بدلع : ماقلت شي ..بس وضحت اله حبيبته من أي صنـــــــف ..؟
حلا عطتها كف ..غلا عصبت بس ماردت عليها تبي توضح الها انش ماتهزي ولا شعرة فيني
وقامت اخذت مبرد الاضافر الي على الطاولة وجلست تبرد اضافرها
حلا عصبت اكثر من ردة فعل غلا
غلا : وين كلامك عن حسام ....الي قلتيه امس مثل الخاتم في ايدش ومادري شنو هههههه مو تقولي انك واثقة في اكثر من نفسش ليش خايفة الحين؟
حلا :يعني انتي الش يد في الموضوع ....
غلا :حسافة عليك ياحلا.. حسام باااااااااااعش ...هذا وانتي واثقة فيه عمل كذا
حلا : اصلا انتي من غيرتش مني سويتي الي سويتي على العموم حسام مايهمني تبيه اخذي واشبعي فيه
غلا : هههههههههاي للأسف مابيه خلي إلى امثالك المهم اذا تبي ترى اقدر اخلي يرجع الك مثل اول واحسن بعد ....
حلا : لا واثقة من نفسش بعد ......مابيه
غلا : متأكدة يابعدي ..ترى العرض ساري حتى الساعة ثمان وبس
وقفت
حلا وقفت مقابل غلا : اسمعيني اذا مافي احد ووقفش عند حدش قبل فالحين اني الي بعلمش قدرش يابنت امش
غلا : لاتكفيني خوفتيني ......بعدي مناك بس
$بعد فتـــــــــــــــــــرة$
حلا قامت تفكر في السالفة ولازم تنتقم من غلا ....فكرت في نقطة ضعف غلا ...مشكلتها انها ماتتقرب منها ولاتعرفها كثيييييييير قررت
Maxim of twins

 من اطاع هواه اعطى عدوه مناه
] Enchanting twins [

الفصل السادس

انقلاب الفصول

علاء جالس يفطر ...ويفكر في عمه ...كيف يقنعه ويجبره يوافق ....بعدها تذكر شي ابوه علمه عن سر خطير عن عمه وابتسم ...راح يجبره يوافق غصب عنه ..
سلمى : علاء قصدي ابليس .. وين راح يكون زفافك؟ وين شهر عسلك ؟انت ماجهزت اي شي بخصوص زفافك ..حتى بطاقات الدعوة والمعازيم
قاطعها علاء وهو يتأفأف ماريا تخرب عليه كل شي : افففف ....او صح نسيت
سلمى : باقي على عرسك ثلاث ايام ..وانت ولاتكلمت ولا في شي ..حتى غرفة إلى المدام ماجهزت
علاء : ان شاء الله فاكرة اني راح اعيشها احسن عيشه ..هذا بس زواج للمظاهر ....جهزي الها اي غرفه تمشي الحال ....في غرفه في الطابق الثالث .....تناسبها ....
سلمى حست بشفقه على ماريا ....الغرفه الي يقصدها قديمة وماحد يدخلها ..: حاضر ....
علاء : نادي على مؤمن ....ابغى اتفق وياه نحجز فندق وصاله ونحدد اسماء المدعوين ...
سلمى : حاضر
علاء يحس لمجرد انه بيتزوج بضيق ....لاتنخدعوا في علاء لما كان رومانسي مع ماريا ....كل شي يسوي مو إلى الله ...ور اه الف نية ونية (صج لاقالوا ابليـــــس )يحب يحرك الكل على مزاجه ..ويحسب إلى كل شي الف حساب وحساب ..
جى مؤمن واتفق معاه عن الزفاف راح يكون في دبــــــــــي وراح يجلس معه زوجته في أفخم فنادق دبي .....بعدها راح يسافر معاها ايطاليا كم اسبوع (هو اصلا اختار ايطاليا لان يحتاج يلتقي بمحامي ابو هناك ويسوي كم شغلة قبل لايهجر ايطاليا ) ...
] Enchanting twins [
ماريا بدت تميل إلى علاء ...وحست انها ماتسرعت في قرارها ..
جمانة : وين وصلتي زوجة ولد عمي؟
ماريا :..ها .... ولاشي ..بس متوترة بقى ثلاث ايام ....خايفة
جمانة : هذه حال الدنيا ....كل الحريم يخافون
ماريا :والله مادري ويش اسوي يوم العرس ...بروح فيها من الخوف
جمانة : ليش تخافي ..؟؟.ابن عمي ابضاي ...
ماريا : عارفة
جمانة : يالله ...شوفي هالفستان ....بيطلع عليك روووووعة
وظل يتسوقوا ......وفي البيت بدت تحط اغراضها في الشنط .....واستغربت من عدد الشنط الي صاروا عندها ....هي وجمانة ماقصروا في الملابس والعطور والميك اب ....والكريمات ..
دقت امها الباب
ماريا : تفضلي .....
امها وهي تناظر بنتها ...تحس كبرت ...وراح تفتقدها
امها : يابنتي ...راح توحشيني .....(( وحظنتها وماريا دموعها في عيونها))
ماريا : لا ماما ....انا قلت إلى علاء انك راح تسكيني معانا
امها : لا ليش قلتي كذا ؟
ماريا: ماما علاء طيب ...وافق بدون اعتراض....وبعدين القصر واسع
قاطعتها امها : يابنتي ......انا ماراح اظل طول العمر معاك
ماريا : اسم الله عليك ...جعل يومي قبل يومك
امها : ماقدر اترك بيت ابوك ..وانتي لازم تتعودي تعيشي لوحدك مع زوجك
ماريا حمرت اخدودها : ماما
امها : يابنتي انا راح أظل في البيت ...وانتي في بيتك ومع رجلك
وجلست امها تنصحها وتسولف معاها ...وقالت الها كيف علاء نسى سالفة ارض ابوها الي كان يبغى يسحبها منهم .قالت الها ان صار غلط بين ارضهم والأرض الي يبغاها علاء .تشابه اسماء ...مادري كيف ماريا دبرتها ..وحست حالها عن جد تعرف تكذب من صارت حرمة المسيو علاء وضحكت على افكارها(( من عاشر قوم اربعين يوم اصبح مثلهم ..وهي حتى اسبوع ماتجاوزت معاه ..هذا كيف لو طول العمر بتصير عن جد مرة ابليس هههههه)
] Enchanting twins [
$$في بيت محمد$$
اتصل علاء على عمه وطلب منه يشوفه بعد الدوام ...ورسل إلى بيتهم بطاقات دعوة على عرسه .....
حلا وغلا تفاجأوان ماريا مرته ....وانقهروا جد ...يغاروا منها ...والحين اخدت نسيبهم المليونير ..وبتصير اغنى منهم ...وعايشة حياة مرفهة ..كرهوها أكثر
] Enchanting twins [
التقى علاء مع عمه لوحدهم في مطعم
علاء : هلا فيك عمي ......تفضل
وكان يدخن ....وهو يناظر في عمه
عمه : هلا فيك ولد اخوي ......(وجلس)
علاء : شو بتشرب ؟
عمه : شاي ....
علاء طيب ......(ونادى على النادل ....وطلب عصير وشاي)
بعد ماوصل طلبهم
علاء : بالمناسبة ...ابيك تشوف ..هالاوراق
عمه استغرب .....اخد الاوراق ...وقراهم ..علاء في وجه ابتسامة عريضة ....ويشوف ردة فعل عمه ...وعمه متفاجأ ...ارتجف وهو يعرف ان احد اكتشف سره......كل عمليات التزوير الي عملها ...والمصايب ..عند ولد اخوه ....اذا انتشرت هالاوراق او احد اطلع عليهم ...راح يجلس على بساط الفقر ...
علاء : طبعا ..أنا راح استر عليك ..بموجب صلة القراب الا بينا ....لكن
عمه وهو معصب : لكن شو ....تكلم
علاء : ابغى موافقه على الارض ....اظن احسن مماتنشر فضايحك ..وتعيش اولادك المدللين بحرمان ..
عمه : صحيح انك ابليس وو ولده ....راح اوافق يولد اخويي .....لكن ماراح اعديها الك .فاهم .......(قام بدون مايشرب شي)
علاء : روح روح .لاتهدد لانك مو قد التهديد ..)) وهو يضحك
عمه يمشي ويسب ويلعن ....يعرف ان ولد اخو رجع ومعاه المشاكل ...لكن فكر يبتعد عنه .......لانه مو هين ..وراح يندم اذا فكر ينتقم منه
] Enchanting twins [
جمانة رجعت البيت ....وجلست في الصاله تكلم تلفون تعزم صاحباتها على عرس ماريا ...وهي مستاسنة ...سكرت من التلفون
جى سامي بعد ماسلم : شو في الحلو فرحان؟
جمانة : لان عرس صاحبتي قرب .....لكن تصدق بشتاق لها
سامي : هذا انتوا يالحريم ...لازم تنقصوا فرحتكم بنفسكم ..هي بتتزوج مابتطير
جمانة : انت ماتعرف علاقتي بميمو ....احنا اكثر من صديقات ..هي اختي الي ماولدتها امي
سامي : ماشاء الله ...الى هالدرجة؟!
جمانة : واكثررررر
سامي : الله ...الله يخليكم إلى بعض
جمانة : ويخليك اليي يأخوي
دخل حسام : الســـــــــلام ..
سامي وجمانة : وعليكم السلام
حسام وهو بيركب إلى غرفته
جمانة : اجلس معانا حسوم ...من مدة كل طالع او في غرفتك
حسام وهو يناظر سامي : الي عندش يكفيش....يالله تصبحوا على خير
سامي سكت ..مادري ليش يحس حسام مايحبه : براحتك
حسام حقر وركب
جمانة : حسوم وضعه مو عاجبني ابد ....مادري ويش فيه؟
سامي : ايه والله ..يمكن مو متقبل وجودي معاكم
جمانة : لالالالا لاماظن ..أنت من يوم احنا صغار معانا كيف ماتقبل الاحسامو في شي
سامي: يمكن يغار لاني كل معاك ؟
جمانة ضحكت : لا ماتوقع ....الله تخيل ...وناسه ....عندي اخوان يتشابقوا عليي .....راح اخبر كل صاحباتي
سامي : هي انتي هبلون ....اخدتي بنفسش مقلب ....اقول قومي بس نامي
جمانة : هذاوي .....مايصير الواحد يفرح الا تنكدوا عليه فرحته
سامي : اقوم احسن اليي لاتخربي اليي عقلي ..
جمانة : وين رايح ؟.....تعال
سامي : بروح العب بلايستيشن اكرم اليي
جمانة : الله ....بجي العاب وياااااااك
سامي : وانا وين ماروح تلحقيني ....صحيح انش نشبة
جمانة : واحلى نشبة ......(( وقلدت حركة الاولاد)) يالله مشينا اخوك
سامي فطس ضحك عليها ....بس عذرها كل شباب الي في البيت ..وامها لاهية بصالونات
] Enchanting twins [

يوم الزفاف

حلا وغلا كل وحدة بصالون ....لكن بصدفة اشتروا نفس الفستان وهم مايعرفوا .....ثنتينهم فستانهم لونه اورانج ...قصير ...وفي ذيل ....من ورى طالع الظهر ..وفي حركة أكس اشارة ضرب ...ومن قدام مفتوح شوي ..ومخصر ...كان مناسب إلى طولهم وجسمهم ...
وحدة منهم لابسة عدسات بلون البحر ...الا هي غلا ...
جمانة كانت مع ماري ....جمانة لابسة فستان تركواز ....وشعرها رافعه جزء منه وجزء مرمي على اكتافها ......وطالعة كوووول
ماريا متوترة ....وكل شوي تسأل جمانة اذا شكلها حلو اولا ...وتقول الها طالعه قمرررررر بس ميمو متوترة وخايفة ....مع انها طالعه قطعه فنية
جمانة : والله حلوووووة واحلى البنات ....زي مايقولوا الشباب صــــــاروخ
ماريا ضحكت على كلام جمانة المجنونة
جمانة : الله يعين ولد عمي عليك ...خلاص بس لاترتجفي كانش جوال محطوط على الصامت ويهز ....
ماريا ضحكت مرة ثانية ....على تشبيهات المجنونة جمانة
امها جت : يالله بنتي استعدي ....عشان تدخلي
وفي الصاله كانوا حلا وغلا يشتغلوا في الرقص ....والكل يناظرهم ويمدحهم ...كانوا سارقين الاضواء ..كل وحدة تناظر في الثانية بقهر لان نفس الفستان بس كل وحدة تقول اني احلى ....الثقه بنفس موصله حدها عندهم
وشوي الا يقولوا بتدخل العروس
حلا راحت الحمام وهي تزبط في شكلها .. سمعت بنت تتكلم مع صديقتها ....البنت : تدري ... فاطمة عادل الي معانا بالمدرسة ويش اسم اخوها
البنت الثانية : ايييييييه حسن .... ليش؟
البنت الاولى : ايه معانا بالمنتدى ....ومسي نفسه سليم
البنت الثانية : اخويي يعرفه ....وهو مشهور ...ونسونجي ..حتى اخويي قال اليي لاادخل المنتدى لان هو موجود
حلا عرفت سر خطير ....سليم هذا اختها تعرفت عليه من منتدى وكانت تكلمه على المسن والحين على الجوال .....وبالأخير هو نسيبهم حسن .. لاواختها ماتحب تكلم صغار على قولتها اذا كانوا اكبر منها بسنه تحذفهم والحين تحب واحد اصغر منها بسنتين ....والله انا الي راح احرق قلبش غلايه .....استانست بجد ....الحين راح ترويها
مشت بدلع ......وشافت ماريا وصلت إلى الكوشة ....وكانت ماريا طالعه حلوووووة .....غارت منها انها تزوجت قبلهم ....
بس تبي تشوف شغلها مع اختها ....كانت غلا ترقص ....ركبت حلا الها ..وقامت ترقص ....وهي تساسرها ...
نزلوا ثنتينهم ....وراحوا جنب الحمامات (أكرمكم الله) ...
حلا : ألي سمعتيه
غلا منصدمة سليم نفسه حسن .....انقهرت بجد ...
حلا : واذا مو مصدقتني .......نادي على فاطمة ......واخدي رقمه وكلميه وراح تشوفي نفس الصوت
غلا : أنتي متأكدة؟
حلا راح اجيب فاطمة ونقول الها ....ان نبي نكلم ابونا ...وعلى غفله اخدي رقم اخوها النذل ...وراح تعرفي
راحت حلا إلى فاطمة الي كانت ترقص ....وعطتهم الجوال على حسن نية ......جت حلا وعطت اختها الجوال
غلا : وانتي ليش تساعديني؟
حلا : لا بس لاتفشلينا .......يعني تطيحي سمعتنا التوأم يكلموا واحد بزر
غلا اخدت الجوال بقهر ...ودقت على حسن
وسمعت صوته : الووو فطمو ....ويش تبي؟
انصعقت بجد .........يعني يلعب عليها.....نزلت دموعها وسكرت الجوال
حلا ابتسمت وهي تعلك ...: شفتي ياغبيه ....شفتي..
غلا حست نفسيتها تعبت ..ومالها خلق اعراس...كانت دمعه بطيح بس شافت حلا تطالع فيها وتضحك ...وتقول : ويش فيش انخطفت الوانش
غلا : اصلا هو الي كان يلاحقني ......ويموت على التراب الي امشي عليه
حلا : مو واضح هههههههاي ...كنتي طول يومش تقول سليم سوا سليم قال
غلا انقهرت .....حلا ترقص قدام ختها وهي تضحك وتعلك علكتها
حلا : يالله رقصي ..كلنا نتعرض لهيك مواقف والله نسيتي ....بعدين مو اول واحد تبكي عليه ...نسيتي رامي ..(قالتها بصوت دلوع )وضحكت بدلع ....وركبت تكمل رقص وهي تطالع في غلا
غلا ماتبي تضعف .....قامت ورقصت معاها وهي مالها خلق ...
ورقصوا على غنية (( دلوعتــــــــي كله الحلا فيها ))
راحت حلا وطلبت اغنية لاتحرموني منه اهداء إلى توأمتها وهي تضحك
تضرب ضربات إلى اختها ...غلا عصبت ...وبعدين طنشت ...
] Enchanting twins [
رفض علاء يدخل العرس ..وزفواا ماريا بدونه ....
وصلوا إلى الفندق ...وعند باب الفندق ...جت ام ماريا : ياولدي هذه بنتي وأوصيك عليها ..وان شاء الله تعوضها عن ابوها الي فقدته
علاء بدون نفس : ان شاء الله
ماريا حظنت امها وهي تصيح ..جت جمانة
جمانة : مبروك علاء
علاء : الله يبارك فيك ...عقبالك..
جمانة : مبروك ميمو (وحظنتها وبدو مناحة )
بعدها صعدوا إلى الغرفة الي حجزوها ...كانت فخمة بكل معنى الكلمة ..
ظلت ماريا واقفه تناظر الغرفة ..علاء وقف يطالع فيها شوي ...بعدها دخل الحمام واخد دوش سريع ....ونام ......
ماريا انقهرت ....مطنش وجودها على الاخر ...قامت بعصبيه ...ودخلت الحمام وسبحت ..طلعت وشعرها مبلل وهي تحس بالجوع ...حتى ماكلف نفسه وطلب الهم شي ..جففت شعرها ...ومن التعب نامت وهي تحس بقهر
$في الصباح$
كانت نايمة بعمق ...قعدت ...وشافت علاء يحركها : هي انتي ....اصحي
ماريا قامت بتعب : شوووو
علاء يشوف شكلها وكانه يشوفها اول مرة ..خدودها حمران وشعرها الحريري مرمي على اكتافها حس بنجذاب الها ..: لا ..بس عمي عازمنا على الغذى عندهم
ماريا : اوكي ......كم الساعه ؟
علاء : الساعه وحدة ....انا الحين طالع ..وبرجع والاقيش جاهزة
ماريا بقهر : ان شاء الله ...
علاء طلع على طول ....ماريا عصبت ...وقامت تستعد ..ولابست الفستان الي شافت مع جمانة في المجمع ...كان لونه احمر ..وقصير ..يناسب لون بشرتها البيضة ...وهي قاعدة تلبس الحلق ..جى علاء وقف عند الباب وهو يطالع شكلها وهو منسحر ...توترت من وقفته ...ماعرفت تدخلهم ..جى بهدوء وساعدها ....وهي تحس بحرارة في جسمها ..لفها جنبه ...وهو يطالعها ..: يالله البسي عباتك .....
ماريا فكرته بيقول شي ....يجاملها على الاقل : أوكــــــــــي
] Enchanting twins [

$في بيت حلا وغلا$
وبتحديد في غرفة غلا ....كان جوالها يدق ...وهي حاقره ....لان عارفه ان سليم يتصل فيها الا هو حسن .......بعدها رفعته بدون نفس
غلا : نعـــــــــــــــــم ؟ويش تبي ؟؟؟
حسن(سليم) : شوي شوي عليي ......ويش فيك متغيرة؟
غلا :حســــــــــن .....بلا هالحركات
حسن استغرب :أنتي عرفتي ؟؟؟؟؟؟؟؟كيف ..؟ ومتى ؟
غلا : مو مهم كيف .....ماتفرق عندي .....أنا عرفت وخلاص ...لاتتصل عليي ...علاقتنا أنتهت يانونو
وسكرت في وجهها ......وهي مو مهتمة ..عادي عندها مو اول مرة
$ في الصالــــــــــــــــــــه$
سكرت نهى التلفون ونادت على التوأم عشان تشوف ردة فعلهم
نهى : حلا غلا ( نادتهم ونزلوا الصاله )
حلا : نعم خير ويش صاير؟
غلا :ويش في ؟؟؟؟
نهى ابتسمة وقالت : مافي الا الخير لكن ام سيف متقدمة إلى وحدة منكم
هي ماتدري من هي فيكم بضبط بس شافتكم في عرس ولد عمكم
حلا كانت متأكدة ان هي المقصودة
غلا :طيب من فينا .....ماحددت على الاقل شي مييزها ؟
نهى : الا ......قالت الي كات لابسة عدسات
حلا عصبببببببببببببببببببببببببببببببت
غلا اتفاجأت : انــــــــــــــــــــا !!!!!!!
نهى : اي انتي ....انا ماكنت متاكدة بضبط من الي كانت فيكم لابسة عدسات ..بس الحين تأكدت
غلا استحت
حلا بدون نفس :مبروك ياغلاية
غلا : لسا ماصار شي .....لكن ان دل على شي فهذا يدل على اني احلى منك وطول عمري بظل احلى منش يا يا شينة هههههههه
حلا : لاتفرحي كثير يمكن يشوفش عريس الغفلة ويهج
نهى : وبعدين معاكم هي مدحتكم ثنتينكم وقالت لو عندها ولدين بتخطبكم ثنتينكم
غلا بحيا مصطنع : هو كم عمره ؟
حلا عصبت وركبت غرفتها
حلا تفكر من جت غلا معاهم في البيت وهي تسرق الاضواء منها في شكلها في كل شي ودائما الي تبغا غلا يصير.... ليش ليش ... لازم انتقم منها
حتى بابا كان مهتمة اليها اكثر مني ..وعاشت مع امي الي ماشفتها كثير والحين عايشة مع بابا ...قدرت تعيش معاهم اثنينهم ..بس انا لا ..حتى حظها احسن من حظي ...وشعرها اغلظ من شعري
قعدت تفكر وبليس يوسووس الها بافكار شيطانية ومن كثر ماتشعر بالغيرة جلست تبكي
غلا عرفت كل المعلومات عن العريس ان اسمه سيف وعمره 25 سنة وموظف في شركته ابوه مدير قسم والخ يعني ولد عز
وقالو انهم بيتقدمو رسمي يوم الاربعاء بس بعد مايسمعو راي ابوهم
] Enchanting twins [
حلا جالسة على السرير وتذكرت حسام وكيف اختربت علاقتهم وفكرت وفكرت تذكرت الشريط قالت بترميه على غلا عشان تحتفظ فيه
اخذت الكيس وراحت غرفة غلا وفتحت الباب ماشافت غلا موجودة
حطت الكيس على الطاولة وكانت بتطلع وفجأة انتبهت إلى شريطين ومسجل على الكامدينة ...شغلت المسجل وسمعت كلام انصعقت منه


يتبع ....

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -