رواية الجوري وفيصل -20

رواية الجوري وفيصل - غرام

رواية الجوري وفيصل -20

وراح فيصل يشوف من ورا القزازه جوري والدكتور

الدكتور حرك يد ابو الهام وابو الهام فتحت عيونه

فيصل ابتسم ابتسامه عريضه : ياهوووه عندي لكم خبر

الكل جلس يناظره

فيصل : عمي عمي فتحت عيونه

ام الهام على طول قامت وشافت من ورا القزازه جوري وهي مبتسمه وشكلها وهي مبسوطه بابوها يقطع القلب

طلعت جوري : مامااا ابوي يبغاك

ام الهام : صحا

جوري : ايه تعالي ادخلي معااي

ودخلت ام الهام مع جوري

جوري : هاه بابا كيفك الحين

ابو الهام : انا بخير الهام وينها مااشوفها معاك

جوري : الهام ولدت وجابت لنا ولد

ابو الهام : وانتم ليش هنا روحو لها

جوري : لا هي ببيتنا الحين

ابو الهام : وانا ماقالو متى بطلع

جوري: لا الحين بروح اشوف

ابو الهام : ردي لي

جوري: انشاءالله

طلعت جوري

ام نواف : هاه عسى ابوك بخير

جوري : ايه الحمد الله بخير

وراحت جوري ووراها نوف

نوف : وين

جوري : بروح اشوف ابوي متى بيطلع

نوف : اليوم مستحيل ولا بكراا

جوري : ايه عارفه بس بشوف متى وبرجع

راحت جوري وشافت متى ابوها بيرجع ورجعت لابوها

جوري : بابا بعد يومين بتطلع باذن الله

ابو الهام : ايه انشاءالله

الدكتور: لو سمحتو بعد ساعه انشاءالله بيطلع من العنايه ممكن تطلعون عشان اعطيه مغذي

جوري : اوووكي

وطلعو

وجاء ابو فيصل للمستشفى : هاه بشرو وش اخباره

فيصل : الحمدالله بخير وابشرك صحا من الغيبوبه وبعد ساعه بيطلع

ابو فيصل : الله يبشرك بالخير والحين ورا مايطلع

نواف : يعطونه مغذي

ابوفيصل : الحمدالله على سلامته

وطلعو

وبعد ساعه تقريبا شالو الاجهزه من ابو الهام وطلعو للجناح عادي يعني مو العنايه

نقلوه والكل راح هناك واولهم جوري

وكانو كلهم مجتمعين عنده ماعدا الهام دق جوال جوري

جوري : الوو

الهام : اهلين هاه بشري كيف ابوي

جوري : بخير

الهام : يعني كيف بخير

جوري: يعني ابوي صحا والحين طلعوه من العنايه

الهام : وليش ماقلتي لي

جوري : ليش امي ماقالت لك

الهام : لا

جوري : خلاص الحين عرفتي

الهام : جوري وش هالمعامله

جوري: الهام الحين انا مشغوله

الهام : اوكي باي

جوري : باي

وسكرت ودق جوالها مره ثانيه

جوري : الو هلا ندى

ندى : اهلين جوري هاه شخبار ابوك

جوري : ابشرك الحمد الله طلع من العنايه وصحا من الغيبوبه

ندى : جد الحمدالله على سلامته

جوري : الله يسلمك

ندى : وانتي كيفك

جوري : ايه كويسا انا

ندى : عندك احد

جوري : ايوا انتي كيفك

ندى : كويسا

وقامت جوري وطلعت برا الجناح

جوري : ندى كلمت علي وسمعني فيصل <وقالت لها السالفه>

ندى : بس اهم شيء انك ارتحتي

جوري : ايه الحمدالله المهم انا لازم اسكر

ندى :ا وووكي يلا بااي

جوري: باي

وسكرت ودخلت جوري وهي باين عليها تعبانه

وجلسو مع ابوهم شوي لحد الساعه 10

والكل راح للبيت وطبعا جوري راحت مع فيصل

رجعت وعلى طول تروشت ونامت

ومر يومين عاديه مافيها أي شيء

وجاء يوم خروج ابو الهام

وفي غرفة فيصل وجوري الساعه 9 الصباح

جوري: فيصل ابوي متى بيطلع

فيصل : العصر الساعه 3

جوري : اوكي بروح للمستشفى ترى

فيصل : لا بنروح انا ونواف وبنجيبه والكل راح يكون في بيت عمي

جوري : يعني بتوديني لبيت اهلي وبتروح للمستشفى

فيصل: ايه انشاءالله

وبعد كم ساعه يعني صارت 2 ونص الظهر

نزلو فيصل وجوري

فيصل وجوري : السلام

الكل : وعليكم السلام

ابو فيصل : متى بتروح تجيب عمك

فيصل : انشاءالله الحين بودي جوري لبيت عمي وبروح اجيبه من هناك

ريم : ايه كويس واحنا الحين بنروح لهم

فيصل : يلا اجل

وبعدين راحو جوري وفيصل وحط فيصل جوري ببيتهم وراح اهو لابو الهام

جوري دخلت على امها : السلام

ام الهام : هلا ببنيتي

وراحت جوري وباست راس امها

جوري : وين الهام ابغى اشوف ولدها

ام الهام : شوفيها فوق بغرفتها

وصعدت وهي تركض جوري

جوري وهي تفتح غرفة الهام بسرعه : مرحبااا

الهام : اهلين

وسلمت عليها وشافت ولدها

جوري : وااااي يادلبو يدنن يشبه لي

الهام : يعني اذا صار حلو يشبه لك لا ياقلبي يشبه لي انا

جوري : وش اسمه

الهام : بنسميه محمد على ابو فهد

جوري: لا مايناسبه سموه سليمان على ابوي

الهام : لا بعدين بنسمي على ابوي

جوري : انا بنزل تحت باي

الهام : باي

جوري كانت بتنزل بس شافت غرفتها ودخلتها وتذكرت استهبالاتها فيها هي وبنات خالتها وبنات عمانها وطلعت وهي تبكي ومسحت دموعها ونزلت تحت عن امها

ام الهام : وش اخبار اختك

جوري: لا طيبه

وجلست بالصاله وشوي يررن االجرس صا رت ام فيصل وبناتها

وعلى فكره بقول لكم لبس جوري

كانت لابسه برمودا جنز ضيقه و بلوزا اصفر توب بدون اكمام ولابسه كعب وانتو بكرامه مو عالير مره لا عادي وشعرها فارقته فرقه صغغيييره من قدام ومستشورته ومسويه بف

تكملة الجزء ...

راحت تفتح لهم جوري : اهلين

الكل : هلا بك

وبعدين دخلو وشوي يجون ام نواف وعيالها وبعدين خالتهم ام فهد وطبعا الهام لبست جلابيه حلوه ونزلت وهي باين عليها تعبانه ونزلت وكانت جالسه معاهم وبعدين بعد نص ساعه تقريبا

كلم فيصل على جوري وقال لها تطلع لقسم الرجال لانو ابو الهام موجود

جوري طلعت ومعاها نوف ورشا وهم لابسين عبايتهم عشان نواف فيه ونوف تتغطى عن فيصل

المهم

جوري : اهليييين تو مانور البيت

وتروح وتسلم على ابوها وتبوس راسه وتجلسس جنبه وتسولف معااه وبعدين

ابو فيصل : يلا يابنات ادخلو الحين بيجون الرجاجيل

الكل : انشاءالله

وطلعو البنات وراحو وجلسو بالصاله

جوري : بنات وش رايكم نعيد ايام اول

رشا : كيف يعني

جوري : يعني نروح فوق ونستهبل ونرقص

ساره ايه والله ياليت من يوم تزوجت انا وانتي ياجوري ماستهبلنا

جوري : افا عليك الحين نروح

وصعدو فوق في غرفة جوري وشغلو الاستريو وطولو عليه على اخر شيء وجلسو يستهبلون ويرقصون وكان في اغاني اجنبيه جلسو يستهبلون

واللي تاكل شبسات وشكلاطات واللي تستهبل بالرقص يعني مره فلوها وبالاخير نزلو تحت وجلسو يسولفون مع الحريم وبعدين ابو فيصل خذا البنات وام فيصل وراحو فيصل دق على جوري

فيصل : اهلين جوري

جور]: هلا والله

فيصل : بتروحين معاي ولا بتجلسين

جوري : لا بجلس عند ابوي كم يووم

فيصل : خلاص طيب يلا مع السلامه

جورري : يلا مع السلامه

وسكرو

ام الهام : هاه بتروحين معه

جوري : لا بجلس عند ابوي

ام الهام : انا بروح اشوف الهام

جوري: لا اجلسي عن ابوي انا بروح اشوفها

وراحت جوري لالهام عشان تبغى تفضفض لها

جوري : اهلن

الهام : اوه جابك الله تعالي عندي طفشت لحالي

جوري : طيب بجلس معك حتى انا طفشت

الهام : ليش ماراح ترجعين مع فيصل

جوري : لا بجلس عند ابوي

الهام : جوري فيه شيء بينك وبين فيصل

جوري : هاه ايه ياالهام فيه اشياء

الهام : خير وش فيكم

جوري : في وحده كلمتني وقالت لي <وقالت لها السالفه >

الهام : جوري انتبهي تصدقينهم هذول الناس اللي مايخافون ربهم يلعبون على الناس حتى الحلف ماهمهم جوري فيصل رجال طيب ومستحيل يسوي كذا وهو قالك واشوا انه عرف وترى بتصير لك مشاكل اكبر من كذا ولا تصيرين جفسه مع فيصل انتبهي الرجال يبغى تصير زوجته لبقه


الجزء الثاني والعشرين 


جوري : احيانا اقول كذا واحيانا اكرهه وماودي اشوفه

الهام : من اليوم ورايح ماابغاك تقولين هالكلام

جوري : اووكي وش اخبار الصغنوون

الهام : اوووه بس الله يصبرني عليه

جوري : انا بروح انام الحين يلا باي

الهام : جوري

جوري : هلا

الهام : وش صار على الجامعه

جوري : خلاص انا بدخل طب كل شيء خلص

الهام : الله يوفقك

جوري : امين

وطلعت جوري وهي تبكي وماتعرف ليييييش وراحت لغرفتها وطاحت على السرير وجلست تفكر وقامت وغسلت وجها ولبست بجامه ونزلت تحت والكل كان نايم وهي تتابع تلفزيون ومن قناة الى قناة

جاها مسج من فيصل

تصبحين على خير يااحلى جووري

جوري ارسلت له

ههه وانت من اهله سلمني على رشا

فيصل ارسل لها

كانك عارفه ان رشا عندي

جوري ارسلت له

والله ياحبي لها غريبه مانامت

فيصل ارسل لها

والله مدري عنها نزلت شفتها تبكي قلت لها وش فيك ماقالت لي كلميها وشوفي

جوري ارسلت له

احلف ليش وش فيها خلاص انا بكلمها

جوري كلمت على رشا

جوري : هلا رشو

رشا : هلابك

جوري : ليش صوتك متغير

رشا : جوري اكلمك بعدين اذا نام فيصل لانو الحين بالمطبخ

جوري : اوكي ترى انتظرك

جوري : اوكي باي

رشا : باي

وسكرت

جوري "" يااالله وش فيها رشا ليتها فيني ولا فيك اه يارشا لو تعرفين بغلاتك بقلبي وانتي ياندى معقوله نسيتيني يااالله انا وش سويت لها غريبه وش فيها علي معقوله ندى خلاص ماتسال عني ولا مسجات ولا شيء اول مايمر ييوم الا واحنا مئة مسج ومئة اتصال في اليوم والححين مر كم اسبوع مافكرت تدق حتى لو تسال عن ابوي والله لو لها عيال اوكي وش فيك علي ياندى انتي اللي مشاركتني كل شيء ليش قااسيه علي لييش ""

وونزلت دموع جوري

وصعدت جوري فوق ولان عندها دفتر تكتب فيه كل همومها وحاطته في صندوق لاشيائها الخاصه وحاطته بغرفتها ماخذته معهخا تخاف فيصل يشزفه لان فيه اشياء خاصه

وطلعت الدفتر ووكتبت

في بعض الاحيان لا نجد صديق نشكي اليه الهموم مااكثر هذه الهموم الى متى خذه القسوه يالا هذه الدنيا البائسه العابسه لاوجود للابتسامه ولاوجود للفرح هنالك احزان والام واذا كنت تثق في صديق وهو يثق بك يكون بعيد ولا تعرف لماذا يبعد هذا الصديق لماذا هذه القسوى اين ايام الافراح جميع هذي الايام انقلبت الان الا احزان

وقطعت عليها رنة جوالها دقت عليها رشا

جوري : هلا رشا

رشا : هلا جوري <وجلست تبكي>

جوري : رشا وش فيك

رشا : جوري في واحد كلمني وقال لي انو راح اهدم حيات فيصل وجوري وقولي لجوري تبعد عن فيصل راح يركب صور له ولك وراح يوريها فيصل ومو بس كذا اهو يعرف يركب مقاطع بيركبها كمان وقلت له لاتقول لي انا قول لجوري قال ماترد علي جوووري وش نسوي لازم نسوي شيء

جوري : ليش طيب نا وش سويت لهم ليش حظي كذا ليش ليش ليش <وجلست تبكي > رشا انا مالي ذنب يارشا انا راح ابعد عن فيصل بس لا يشوهون سمعتي انا من لي الحين غيرك يارشا انا محتاجه لك انا الحين وش اسوي جيبي لي حل الله يخليك انا مليييييييييييت

رشا : جوري خلاص الله يخليك خلاص

دخل فيصل على رشا

فيصل : خير رشا وش فيك ليش تبكين كذا

رشا : فيصل اطلع برا والله مو فاضيه لك

جوري : رشا لازم اسكر باي

رشا : جوري الله يخليك هدي دقيقه واكلمك

وسكرت

فيصل : خير وش فيها جوري

رشا وهي تصرخ : اطللللللللللللع

وبعدين انهارت وجلست تضرب كل شيء حولها

وتقول : مالها ذنب مالها ذنب هي كانت مستاانسه ماهي ماقد غلطت على احد ليييييش كذا

وكسرت كل شيء عندها فيصل مو عارف وش يسوي وطلع وسكر الباب

فيصل في نفسه "" ياالله وش صااير ""

اما جوري

طلعت من غرفتها وهي تركض وتروح لالهام

جوري تفتح الباب على الهام وشافت الهام صاحيه عند ولدها

الهام : جوري ليش تبكين

جوري : الهام انتي صاحيه اذا خلصتي تعالي ابغاك بالغرفه

الهام : انا خلصت ونام محمد لحظه روحي انتي وانا بجيك

وراحت جوري وجلست على السرير وهي تبكي على حظها

دخلت عليها الهام

وضمتها جوري وتقول جوري : انا خلاص انهدمت حياتي انا ما سويت لهم شيء ماسويت لهم شيء

الهام : جوري وش صاير

جوري : في واحد دق على رشا وقال لها بركب صور لجوري ولي وبوريها فيصل ومو بس كذا اهو يعرف يركب مقااطع بيركبها وبيوريها فيصل وانا ماسويت لهم شيء خلاص اما ماابغى فيصل خليهم ياخذونه بس انا وش ذنبي

الهام : جوري منتيب صاحيه مايقدر يسويها وفيصل مستحيل يصدقه

جوري : الهام اقولك مقاطع وشلون مايصدق وشلون الهام انا تعبانه تعبااانه ومليت ابغى ارجع اعيش مثل اول ماابغى اتزوج

الهام ضمت جوري وتلمس شعرها وتقول الهام بنفسها "" مسكينه ياجوري اذا هذي بدايتها وش نهايتها وحسبي الله على اللي بيسوي كذا يااالله الدنيا مالها امان ""

جوري : الهام انا وش اسوي الحين

الهام : خلاص صدقيني انا بتصرف

جوري : وانا كيف برتاح

الهام : تعوذي من الشيطان وقومي توضي وصلي لك ركعتين

جوري : اوكي بس لاتخليني ياالهام الله يخليك لاتصدقين اللي بيجيب المقاطع اكيد ابوي وامي بيصدقون بس انتي انتي لاتصدقين انا مالي غيرك انتي ورشا حتى ندى ترركتني وراحت معاد صارت تكلمني ولا شيء ولااعرف وش السبب

الهام : خلاص ياجوري وندى يمكن مشغوله خلاص الله يخليك

جوري : طيب انا بقوم اصلي

وراحت جوري وتوضت وصلت وحطت راسها على السرير ونامت

دخلت عليها الهام وشافتها نايمه جت وباست راسها وراحت تنام

اليوم اللي بعده قامت جوريالساعه تسعه وتروشت ولبست بنطلون جنز وتيشيرت وراحت لغرفة الهام وفتحتها وشافت محمج الصغير نايم باسته

ونزلت تحت وشافت ابوها وامها والهام يفطرون

جوري :صباح الخير

وباست امها وابوها


يتبع ,,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -