بداية الرواية

رواية بقايا أنثى مجروحه -8


رواية بقايا أنثى مجروحه - غرام

رواية بقايا أنثى مجروحه -8


اليوم الثاني الساعة تسع الصبح كنت فاتحة الشنطة وأرمي ملابسي بشكل عشوائي فيها..ما أبي أشوف فارس بعد اللي حصل أحس بجواتي نار تحرقني..بعدها انهارت جنب الشنطة أبكي..

سكرت الشنطة وأرسلت لفارس..أنا طالعة لأهلي أجلس عندهم كم يوم..وطلعت لأهلي..

=====

مر اليوم علي كئيب وكنت أحاول أني ما أبين لأهلي شيء..وأما فارس لا اتصل ولا أرسل..

دخل علينا خالد وما كان بالصالة معي ألا أمي وشجون..

خالد:السلام عليكم..

..وعليكم السلام..

خالد:كيفك ميشو..

:الحمدلله بخير أنت كيفك..

خالد:أنا تمام الحمد لله..والتفت على أمي..أقول يالغالية صديقي زياد طالع اليوم مع أهله لجدة وعزمني أجي بالشاليهات عندهم وأخذكم معي..وأنا بصراحة ودي أطلع لجدة من زمان عن البحر..وش رأيكم نطلع بكرة..

أمي:كيفك ياولدي..

شجون:أيه ماما خلينا نطلع لجدة أنا مشتاقة للبحر..

أمي:خلاص بس شوفوا أبوكم أذا وافق طلعنا..

شجون:أوكي اتركوا دادي علي..

خال:طيب أنا أستأذن بطلع فوق أرتاح..

أمي:أذنك معك..

كنت أطالع أهلي وهم يتكلمون وأنا عقلي سارح في نظرات زياد..

قطع علي سرحاني صوت امي:مشاعل يماه بتطلعين معانا أذا وافق أبوك..

:ان شاء الله اذا كان فارس ما عنده مانع..

وبصراحة أنا نفسي بالسفرة هذي..منها أكون بعيدة عن فارس..ومنها أفأجى رغد بجيتي



تحس او ما تحس فيني

ترى صار الامر عادي

صدى صوتك يبكيني

ويملي حزني فؤادي

كان الكل يتجهز عشان السفر بكرة أن شاء الله لجدة..

أرسلت لفارس وأنا أدعي ربي انو ما يعاند ويرفض(فارس بكرة أهلي طالعين لجدة أقدر أطلع معهم)..

أرسل بعدها بثواني(بكيفك)..واااااااااو مو مصدقة..نقزت من السرير فرحانة وفتحت الشنطة وبديت أرتب ملابسي فيها..

طرى في بالي نظرات زياد..نظراته يا ناس مو طبيعية تسبب لي التوتر أذا طرت ع بالي..

سمت ضرب عالباب..

:أدخل..

دخلت شجون وقالت:اتصلتي ع فارس عشان السفر..

:أرسلت له..

شجون:وأن شاء الله وافق..

:أيه ما تشوفيني جالسة أرتب شنطتي..

شجون:قلت يمكن عشانك بترجعين..

:المهم ما تدرين منى راح نمشي بكرة أن شاء الله..

شجون:خالد يقول بأذن الله ع العصر بنسافر بالسيارة..

تنهدت:تعب بالسيارة..

شجون:أنتي تعرفين خالد يحب السفر بالسيارة..

وفعلاً أخوي خالد دائماَ يحب سفرياته داخل السعودية تكون بالسيارة..

=====

اليوم الثاني بعدما جهزنا طلعنا متوجهين لمكة قاصدين العمرة وبعدها بنطلع جدة..

وكنت راكبة بسيارة بندر..وأما المامي وشجون وخلدون والخدامة مع خالد..وأبوي ما رضى يروح لأنو مشغول..

:بندوري..

بندر:هلا..

:وش صار على موضوع زواجك من جمانة..

بندر:الوالد يقول بعد زواج خالد راح نخطب جمانة من عمي سالم رسمي أن شاء الله..وتنهدت تنهيدة تعب..

:سلامتك وش فيك تتنهد..

بندر وهو يأشر على قلبه:اللي هنا متعبني..

عقدت حواجبي:ليكون تحبها..

التفت علي بندر:قصدك جمانة..

هزيت رأسي بالأيجاب..

صد عني يطالع الطريق..وقال:لا..

عقدت حواجبي أكثر:أجل مين..

بندر:عبير..

ابتسمت بمكر:وين اللي ين يقول شكلك متأثرة بالقصص والروايات..وما في حب من مجرد نظرة..

بندر:مشاعل لما قلت لك هالكلام كنت اعتقد أنو بس أعجاب ولكن اكتشفت مع الأيام أني أحبها..خاصة بعد ما شفت أبوي جاد بموضوع زواجي من جمانة..مشاعل جمانة ما أحس بناحيتها أي حب أو مشاعر مثل عبير..

:طيب ليه ما تقول لأبوي أنك ما تبي جمانة وتبي تخطب عبير..

بندر:قلت له يا مشاعل..لكنه عصب وقال ما راح تأخذ غير بنت عمك سالم..

:طيب حاول مرة ثانية وثالثة لحد ما يوافق..

بندر:حاولت أكثر من مرة لكن من دون فايدة..

:لا تيأس يا بندر..باقي على زواج خالد ثلاث أسابيع..يعني راح تقدر فيها انك تقنع أبوي..وان شاء الله يوافق..

بندر:يـــــا رب يوافق..بس مشاعل..

:هلا..

بندر:أتمنى هالكلام ما يطلع لحد..

:لا توصي حريص..

يالله ليه أبوي يجبرنا علي شيء ما نبياه ويتحكم بحياتنا..

كنت طول الطريق سرحانة بحالي وحال أخوي..بصراحة أتمنى يأخذ عبير..وأنا متأكدة بأذن الله راح يسعدها بندر ويقدر ينسيها سامي..

قطع سرحاني صوت بندر اللي وقف عند محطة عشان البنزين..

بندر:أنا نازل السوبر ماركت وش تبين أجيب لك..

:اممم على ذوقك بس أهم شيء ما تجيب لي مشروب غازي..تعرفني ما أحبها..

:أوكي..

نزل بندر وما اخذ ألا دقايق ورجع..ركب السيارة وعطاني الكيسة..

فتحتها ومديت لبندر فطيرة وعصير وأخذها وأخذت لي بالمثل وجلست أكل فيها..

بعدها بفترة التفت ع بندر:بندر..كم باقي ونوصل أن شاء الله..

بندر:باقي خمس مية كيلو..

:وااااو تعب..الله يهديك بس يا خالد لو حجزنا بالطيارة كان أحسن..

بندر:أيه والله..بس شنسوي بأخوك دامه يحب السفر بالسيارة..

مر الوقت وحسيت فيها بالنوم..

رفعت رجولي لحضني وسندت رأسي ع ورى ونمت..

=====

انتيهنا من عمرتنا الساعة وحدة ونص وحجزنا في فندق قريب من الحرم عشان نستريح..وجلست لحد الفجر قضيتها ما بين صلاة وقرأت قرآن..وبعدها نمت..

شجون وهي تهز كتوفي:مشاعل ميشو بسك نوم أصحي..

صديت بوجهي للجهة الثانية عنها:يووووه شجون أتركيني أنام بس شوي..

شجون:وش شوي..أحنا ألحين بنطلع لجدة يله أصحي..

:طيب الساعة كم..

شجون:سبع الصبح..

:يووووه في حد يمشي بهالوقت..

شجون:وش أسوي عاد أنا بأخوك خالد هو اللي قال نمشي ألحين..

صحيت وأنا أتأفف من زمان ما نمت بارتياح مثل كذا وهذي خربت علي نومتي..خذيت شاور ع السريع ولبست وبعدما انتهيت..شفت شجون تلبس عبايتها:بنمشي ألحين..

شجون:أيه خالد وأمي وخلدون مشوا قبلنا من زمان..وبندر يتنظرنا ألحين..

لبست عبايتي وأنا أحس أني لسى ما شبعت نوم..

======

وصلنا للشهاليات..واتصل بندر على خالد يسأل عن مكان الشاليهات..

وأول ما وصلت جلست مع أمي وخالد..

خالد وهو يوقف:أنا طالع أمشي شوي ع البحر مين راح يمشي..

بندر:أنا ما فيني حيل بنام..

شجون:وأنا بعد..

:أنا بطلع معك..

خالد:أوكي يله لبسي عبايتك..

طلعت مع خالد أمشي وأخذنا نمشي بهدوء..

~~أبعرف يا بحر وش اللي بس سويته !

أنا لا عمري جرحت إنسان ولا عمري بكيته !

أبسكت يا بحر وأمشي وأخلي ضيقتي فيني

أبسكت وأبتعد عنك وأدور من يواسيني

تصدق يا بحر إني توقعتك تشيل الهـــــم

ولكني انصدمت أنك غرقت بدمعه من عيني~~

..رن جواله وقف لما رن جواله ورد..

خالد:هلا زياد..لا الحمد لله وصلنا جدة وعلى فكرة أخذت شاليه قريب منكم..

ما أدري ليه توترت وارتعبت لما قال خالد أننا قريب منكم..

خالد:لا على البحر..أوكي انتظرك..

وبعدما سكر خالد التفت علي:ميشو رجعي..زياد راح يجي ألحين عندي..

======

العصر..اتصلت على رغد اللي فرحت كثير لما قلت لها أني جاية جدة عشان أخوها اللي مقترح ع أخوي نطلع معهم الشهاليات..

واتفقنا نطلع مع بعض..وفعلاً طلعنا نتمشى وما كان معاهم ألا عمتها وبنتها سوسن بعمري أنا ورغد..

وكنت أمشي مع رغد وسوسن وشجون وداخلين جو ضحك وسوالف..رن جوالي وكانت نورة وابتعدت..

:هلا النوري..

نورة:هلا فيك كيفك..

:الحمد لله بخير..أنتي كيفك وكيف سعود..

نورة:كلنا بخير ولله الحمد..ألا أقول ما شاء الله عليك قبل أيام أعطيك نصايح كيف تجذبين قلب فارس وما مر يومين ألا تركتيه وسافرتي..

:نورة قلت لك فارس صعب ينسى حبه لغادة..وبعدين أنا ما عاد أبي حبه بعد اللي حصلي معاه..خسارة بس حبي فيه..

نورة:ليش وش اللي حصل..

ارتبكت:هــا أيــه تصرفاته هالأيام وكيف أنه يحقرني ومطنشني يقهر..

نورة وبعدم تصديق:أكــــيد..

:أيــه أكيــد..

نورة:طيب مشاعل أكلمك بعدين سعود جاء..

سكرت من نورة..وسمعت صوت من وراي..

:دام أنه ما يحبك ليه ما تطلقين منه..ترى في ناس غيره يحبونك..

التفت عليه وكانت صدمتي لما شفته,,,,

%%البارت العاشر%%


الا يا عيني لا تبكين عيشي نعمة النسيان

خسارة دمعتك تنزل على من لا يراعيها

التفت وانصدمت لما شفته زياد..

شهقت وعلى طول ابتعدت..

ودخلت الشاليه وجلست عالكنبة..وكلماته ترن بأذني..وش يقصد في ناس غيره يحبونك..معقولة يكون يحبني لا لا مو قصده كذا..ألا كلامه واضح..

تذكرت شكله كان لابس شورت بيج وكت زيتي ولابس نظارات شمسية وشعره اللي يوصل لتحت أذنه يتطاير مع نسمات الهواء..كان جذاب بكل ما تحمله الكلمة من معنى.. وتذكرت صوته الهامس المبحوح..

مسكت رأسي ما أبي أفكر فيه أكثر من كذا..أحس أني أخون فارس لما أفكر فيه..بس غصب أفكر فيه..

قررت أريح عمري وأنام

======

صحيت ع صوت الجوال وكان واصلني مسج..

طالعت الساعة وكانت تسع وفتحت المسج..

<أحبك

أقول أني أحبك

أرددها بكل ما فيني

بنظراتي،،،

بهمساتي،،،

بكلماتي،،،

بدمعاتي،،،

بخطواتي،،،

ارددها ...

ومع هذا أحس إن اللي لك بداخلي يكبر

وأحس الكلمة

ما توفي ولا تكفي

ولا توصف مدى حب لك بقلبي

أحبك .. ويايايايايااااااااااااااااا

ياااااكبر حبي

ياااااكثر حبي

أحبك كثر محكي

وكثر مشكي

وكثر ما افرح

وكثر ما ازعل

وكثر ما اضحك

‏ وكثر ما ابكي

أحبك..كثر ما حسيت

أحبك..كثر ما حبيت

وكثر ما حب البشر أحباب

أحبك لو يصد عني جميع الناس وينسوني

أحبك لو بعدت وصرت

أنا في الكون وحداني

أحبك

يا'أروع'من مشى

بالأرض

و'أطيب'من سكن

بالقلب

أنا لامن طرى أسمك

انسى الناس والأجناس

وانسى الهم والأفراح

واعيش بعالم احلامي

أدور لك ولا ألقاك

((تدري وش مصبرني))

طيفك ما يفارقني

تعال.. تعال.. تعال

تعال

ووعدك اني بحبك مثل ودك

وودي

_،_،_،_،_،_،_،_

مسحت المسج اللي كان من الرقم الغريب وخذيت شاور ولبست وبعدما انتهيت من صلاتي طلعت للصالة..

وحصلت بندر يكلم وملامحه مو عاجبتني..

قلت بعد ما سكر:خير أن شاء الله وشفيك معصب

بندر ومن دون نفس:الوالد اتصل يقول لازم ترجع بكرة..

:ليه وش يبي منك

بندر:أكيد السالفة فيها شغل

:طيب برجع معك الرياض بكرة..

بندر:ليه تبين ترجعين مو عاجبتك الطلعة..وغمز بعينه..وألا اشتقتي لبعض الناس..

ضربته بخفة ع كتفه:يالدب ما تستحي

ضحك بندر:طيب ليه تبين ترجعين معي

ما أدري وشأقول أقول لأن زياد ضايقني وكرهني هالطلعة من بدايتها..تنهدت وقلت:لابس أمي تقول اليوم أن بنجلس بجدة أسبوع..وبما أنك راجع بكرة برجع معك..صعب أترك زوجي أسبوع وش يقول عني عمي فواز وزوجته..

كنت أدعي ربي أنو بندر يقتنع بهالعذر وتمشي عليه..

ابتسم بندر:ياعمري ع اللي يعرفون السنع..ولو أني أشك أنك مشتاقة لبعض الناس..

ضربته هالمرت بقوة:سخيف..

وضحك بصوت عالي..

======

نفس العذر اللي قلته لبندر قلته لأهلي..

ورجعت مع بندر اليوم الثاني..

أول ما دخلت القصر سلمت على أبوي وطلعت لغرفتي..وأول ما رميت نفسي على سريري..غصب عني راح تفكيري لعند زياد..وسرحت بشكله طوله صوته همسه والأهم كلمة في غيره يحبونك..وغفت عيني على صورته..

سمعت صوت عالباب

فتحت عيوني بكسل:مين

روزي:تعي أنزلي العشاء كاهز والأستاز سلطان وبندر عم بيتزرونك..

قمت وغسلت وبعدها نزلت وتعيشت مع أبوي وبندر..

وبعدما خلصت تجهزت..وكنت لابسة بنطلون جينز وقميص أخضر طويل لفوق الركبة ومفتوح من الجوانب وعلى وسطي حزام بني على شكل دوائر مفتوحة..ورولت شعري من تحت ورفعت قصتي(الغرة)بربطة عريضة لونها أخضر..وعملت لي ميك آب فرنسي..وبعدما خلصت أخذت عبايتي وطلعت من غرفتي:روزي..روزي..

روزي:نعم مدام..

:قولي لوحدة من الخادمات تنزل شنطتي..

روزي:حاضر..

نزلت وحصلت بندر بالصالة يتفرج ع التلفزيون..

أول ما شافني صفر:الله الله كل هالشياكة عشان الحبيب..

قلت بدلع:أيه أجل عشانك..

بندر وبمزح:طيب روحي ما نبي نأخرك أخاف تموتين علي من الشوق..

ضحكت وأنا طالعة:أوكي مع السلامة..

=====


دخلت قصر عمي ولا حصلت حد وكان الوقت عشر ونص..نزلت عبايتي وأنا طالعة للإصنصير..

سمعت صوت الباب الرئيسي ينفتح والتفت..شفت فارس داخل وزادت دقات قلبي..

انتبه لي وقال:السلام عليكم

:وعليكم السلام

فارس وهو يقرب مسك رأسي وباسني ما بين عيوني:كيفك

استغربت حركته وهالشيء زاد من دقات قلبي قلت بتوتر:الحمد لله بخير..أنت كيف حالك..

فارس:بخير ونعمة الحمد لله..ألا أشوفكم ماطولتوا بجدة

:اهلي لسى بجدة بس أنا وبندر اللي رجعنا

مسك يدي:وأن شاء الله انبسطتي اليومين اللي قضيتها في جدة

:الحمد لله انبسطت فيها وكملت بقلبي لأني بعيدة عنك..وبعدها طلعنا لفوق..

=====


اليوم الثاني

كنت جالسة بالصالة مع خالتي وفارس اللي يتفرج ع التلفزيون..رن جوالي وطالعت المتصل..وقفت وأستأذنت..

:هلا مرام..

مرام:هلا فيك شخبارك..

:طيبه الحمد لله أنتي كيفك مع زوجك..

مرام وبنرة حزن:بصراحة أبدا مو مرتاحه معاه..

:حبيبتي أنتي لسى في بداية زواجك وهذا شيء طبيعي..

مرام:حسبي الله على جاسم والعقربه زوجته هم السبب..الله لا يبارك فيهم..

:مرام حبيبتي هذا أخوك لا تدعين عليه..

مرا:مشاعل يرميني وأنا ما كملت19على واحد عمره خمس وستين وما تبيني أدعي عليه..

:ادعي له أن الله يهديه ويصلحه مو تدعين عليه..

تنهدت مرام:لا تلوميني يا مشاعل أذا دعيت عليه..والله من قهري من اللي سواه فيني..بس اللي مقهورة منه جد موضوع أمي..

:ليه وش فيها خالتي..

مرام وبصوت مبحوح:جاسم رافض أنها تعيش عندي..والله خايفة عليها من مضاوي..

:وجاسم ليه يرفض..

مرام:ما أدري ليه..بس الله يستر على أمي منها..

بعد مدة قصيرة سكرت من مرام..طلعت لجناحي أصلي المغرب وحصلت فارس واقف قدام المراية يعدل شماغه..ورن جواله ورد..وكنت أنا أفرش سجادتي..

فارس:هلا ندوش..كيفك..أنا بخير الحمدلله..وكمل وهو متجه للباب..ؤلا يهمك بس وش صار بالموضوع اللي قلت لك عليه..وبصوت عالي شوي..أيش نست..

عقدت حواجبي مستغربة وش فيه منفعل..على فكرة اللي يكلمها ندى بنت خاله وأخته من الرضاعة والكل من زمان عارف هالشيء..

====


اليوم زواج أخوي خالد..

بعدما انتهت الكوافيرة مني طلعت..ودخلت أنا غرفة التبديل ألبس فستاني..مسكت ظهري اللي يالمني من الجلسة ساعة أول مرة أحس بمثل هالآلآم هذا غير الألم اللي بطني..

طلعت فستاني من الدولاب ولبسته وكان لونه أبيض سترتش أبيض وعلى الخصر حزام فضي وكان على جسمي روعــــــة..طلعت لغرفة النوم وجلست قدام المراية ألبس حلقي وكان طويل من الذهب الأبيض ومرصع بالألماس..

دخل فارس..على فكرة العلاقة لحد الآن سطحية معاه..

فارس:خلصتي مشاعل عشان نمشي..

وقفت والتفت عليه:ايه خلاص انتهيت..

فارس طالعني بنظرات تفحصية:تصدقين مشاعل كل يوم أشوفك أحلى من قبل..

صحيح مصدومة من كلامه بس بنفس الوقت كنت حدي خجلانة وقلت بسرعة:فارس ترى تأخرنا..

وصلت الفندق ولما دخلت حصلت أمي اللي كانت لابسة جلابية فخمة لونها دمي ومطرزة بالذهبي وشعرها الأسود الطويل مسيحته وحاطة مكياج خليجي..

وأختي نورة لابسة فستان حمل ليموني فيه حزام من تحت الصدر باللون العنابي وشعري جايبته على جنب وحاطة وردة صغيرة عنابية والميك آب خليجي..

شجون لبست فستان بني متداخل عليه اللون السماوي بطريقة خيالية وشعرها الغزالي قاصته الفروالة والميك أب لبناني..

الكل كان مبسوط وفرحان..

وخاصةً أمي وخالتي أم سالم عشان عصافير الحب خالد والهنوف اللي الكل عارف عن حبهم من لما كانوا صغار..

وبعدما انتهيت من الاستقبال طالعت المنصة عشان الرقص ومن أول رقصة حسيت بدوخة ولا كملت..

والساعة وحدة انزفت الهنوف اللي ابهرت الكل بطلتها كان فستانها ناعم مرة وفيه شك بسيط والطرحة كانت طووويلة وشعرها الباذنجي رافعته بطريقة ناعم والتاج كان ناعم وراقي مرة والميك آب كان أنعم وبارز ملامحها الناعمة ..

بعد ماوصلت للكوشة سلمنا عليها..

وبعد ماتغطينا دخل المعرس خالد أخوي وكان كاشخ بالبشت الأسود ودخل أبوي وأعمامي وسالم ونواف..

سلموا أبوي وعماني والعيال على الهنوف وطلعوا..

وماعاد باقي ألا خالد

نزلت عباتي وطلعت أنا وأمي وخالتي أم سالم وخواتي نبارك لخالد والهنوف..

يتبع ,,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -