بداية

رواية جيتك امانة انقذيني -11

رواية جيتك امانة انقذيني - غرام

رواية جيتك امانة انقذيني -11

اصيل..غمزت وضحكت:أيـوا ايوا يعني انخطبتي،بـالله مين المقرود اللي داعيه عليه امه
هنادي:هـاي انتي...
الرزان..طالعتها عشان لاتكمل:يحمد ربه بس ارضى فيه
هنادي..ضحكت:هذا الكلام الصح،يطول هو بس هالمزيون هذا..وقرصت خد الرزان..اموت انا
الرزان:خير خير!،يـلا مناك مصخوتها
غادة:والله مرررة تخبلي وجونان،خصوصاً بالقصة الجديدة،فظيعة
الرزان:بس عاد!!،بهون اكشخ مرة ثانية
ريما:لا رجاءً لاتعقدونها يـالله عدلنها
الرزان..ضربتها بخفة:مالت عليج
ريما..تستهبل:واااي بغيت اطيح واتكرفس يالدفشة،واااي حدج دفشة
اصيل..ضحكت:استريحي ياللي حدج رقيقة ونعومة
ريما..ابتسمت لها:عيل شلون!
ضحكوا..دخلوا عند سديم..وهنادي واصيل يلولشون ومسوين ازعاج..وتصفيق وغادة تصفر..
كلهم:وتمخطري ياحلوة يازينة
سديم..ضحكت:بسكم فضحتونا،تو الناس!!
هنادي:ترا انا والرزان وريما اول الواصلين،بس بعد السلامات واللوية على قولة اصيل،يالله خلصنا، وامي بعد مابغت تتركنا..وهي تطالع بالرزان..ودها تسولف فجأة!!
سديم:امك جاية!!
هنادي..ضحكت:وخالتي واختي الكبيرة،تصوري!!
سديم:حياهم الله،والبقية من جبتوا!!
اصيل:انا مايبت احد،امي كاشتة فينا بالكويت مع اختي غزلان وريلها
غادة:انا ماحد عطاني وجه اصلاً!!
الرزان:انا جبت نوفي وريما
سديم:الحمدلله،وش ذا ارزكم واعطيكم ثلاث بطاقات عشان ماتجيبون احد!!،بس معازيمنا ولا معازيمهم اكثر!!
اصيل:الواضح ان معازيمهم اكثر،مرة كشخات ماشاء الله وناس راقية
سديم:أي..وابتسمت فجأة..اللي كشخات الرزان،ها ياحلو وش عندك اليوم كاشخ على سنقة عشرة!!،مرة جنان ماشاء الله
الرزان:تسلمين والله،من ذوقج،انتي اللي طالعة تهبلين
سديم..ابتسمت:تسلمين،مادري وشلون ابمشي بهالفستان!!
اصيل..جلست:اقول متى ملكتوا؟؟
سديم:قبل امس
اصيل..ابتسمت وغمزت:شفتيه؟؟
سديم:طلب بس انا رفضت،بيشوفني اليوم حلاوة هي!!
اصيل:ليش؟!
هنادي:حرام عليج،يمكن كان وده يشوفج قبل ولحالكم
سديم:ماكنت جاهزة،يعني اطلع له وانا مو مرتبة!!
الرزان:أي والله،استريحوا بس مكانكم مو لازم يشوفها،خلج من الاول كذا معاه بكرا يمصخها وكل شوي ينط لج
سديم:انتي تظنين بيسويها،لاحبيبتي ماعندنا هالكلام حتى كلام مايكلمني،تكرموا عليه بيوم واحد في الاسبوع يشوفني فيه،وطبعاً اذا رجعت لندن ولايفكر يكلمني ولا يجي يزورني والا تنحش رجوله وينقطع راسه،احنا ماعندنا لعـب
اصيل:من صجج!!،شنو هالكلام الفاضي؟!انتي مرته حلال عليه،مايصير يسوون جذي؟؟
سديم:هم عندهم عيب،وبعدين احسن انا اللي بفتك
سكتوا كلهم..والرزان مستوعبة افكار سديم بالضبط وراصدتها..
سديم..ابتسمت "لكن مو من القلب":ماعلينا،شفتوا صديقاتي من المدرسة!!
غادة:عرفتنا عليهم امك،مرة كووول خصوصاً خلود هادي
سديم:هاذي كانت اقرب وحدة لي
ظلوا سوالف..الى ماجات الساعة12:30..وجات حنان اخت سديم عشان تطلع مع سديم للمعازيم..
البنات طلعوا وجلسوا على الطاولة اللي جالسين عليها صديقات سديم القديمات..
الرزان سرحت بعيد عن السوالف تتأمل فخامة ديكور القاعة..القاعة كبيرة وما غيروا بديكورها شي بس اضافوا اعمدة صغيرة على الطراز الروماني وعلى الجدران حول المكان مشاعل نار بس فيها اللي زي الورق طراز روماني بعد الديكور كان بيج وعنابي والكراسي ملبسة قماش عنابي ومن ورا في قطعة قماش مخطط بيج وعنابي وذهبي ومزمومه بالوسط بحلقة نحاسية الطاولات مفارشها بيج وفيها زري ذهبي اما الاشياء اللي موزعة عالطاولات كلها نحاسية..مسوين للمسرح اللي ماكان مرتفع مرة رقية من اليمين واليسار..وبالنهاية الكوشة كانت طراز روماني طبعاً اربعة اعمدة اثنين صغار من قدام يمين ويسار الكرسي اللي بالوسط واثنين كبار ورا الكرسي وكلهم مزينين بالقماش العنابي نفس اللي يغطي الكرسي اللي بالوسط الكرسي كبير وطويل "مثل اللي يتمددون عليهم الرومان ذيك الايام"..
طفت الانوار والكل لبسوا عباياتهم لان العريس بيدخل..
هنادي..همست للرازان:هذا اللي ابيه،انا ابي اشوف هالمغلوب على عمره اللي بيتعذب وياها
الرزان:مالج حق هنادي!!
هنادي..وبصوت اوطى:بالله ماحسيتي انها ماهي فرحانة!!،ومازالت تحب فارس!!
الرزان:الا طبعاً،واضح وضوح الشمس
هنادي:انا حذرتهم اثنينهم من البداية،والحين كل واحد حاط ايده على قلبه وحابس الدمعة يستاهلون
اصيل..قاطعتهم:قوموا بنات ام سديم تبينا نساعد سديم لما تدخل
غادة:كلنا!!
اصيل:لا طبعاً،اللي تبي تقوم
هنادي..قامت وسحبت الرزان:انا والرزان بنجي
الرزان فهمت القصد وسكتت..
اصيل:يـلا معاي طيب
الرزان:لحظة،ياربي عالوهقة ماعندي نقاب!!
هنادي:من صجج،سوي زيي وتلثمي وفكينا
الرزان:امري للـه
دقايق..واشتغلت الميوزك "مقطوعة بيتهوفن التاسعة" لدخول سديم..
سديم:بنات مابي ادخل،ممممابي
الرزان..مسكت يدها:حبيبتي هدي اعصابك وسمي باسم الله،ماراح يصير شي تطمني،اقري المعوذات وتعوذي من ابليس
سديم..ضغطت على يد الرزان بقوة وقرت المعوذات:وش اقرا بعد!!
الرزان..ابتسمت وقعدت تقول معاها اذكار:بنات اقرو معانا الاذكار
وقعدوا كلهم يقرون معاهم..ويستغفرون ويسبحون..
اصيل:بـالله مين اللي مختار هالميوزك اللي ترعب!!
هنادي:يصير اقولهم يغيرونها!!
سديم:بليــز الله يخليك
هنادي:رايحة ركض
وخلتهم يغيرونها بموسيقى اغنية"منتهى الرقة"لـ رابح صقر..ورجعت وهي تلهث من الركض.. هنادي:غـ،غيرو،هـا،كذا،تمـ،تمام!
الرزان:هاذي موسيقى اغنية منتهى الرقة صح؟
هنادي:أي،حلو؟؟
سديم:ازين من اللي قبل
اصيل..ضحكت:اما منتهى الرقة!!،حلوة وخطيرة..رن جوالها..هاذي امج ،يـلا بنات
الرزان:بسم الله
سديم..همست:بسم الله
وانفتح الباب وطلعت سديم والرزان ماسكة ايدها ورافعة شوي من فستانها وهنادي واصيل رافعين جزءالذيل شوي..وصولوا الى الرقية اللي جهة اليمين ووقفوا ينتظرون يدخل العريس من الجهة الثانية..تفاجأوا بأكثر من واحد!!..
هنادي:لحظة كل هذول يطلعون العريس!!
سديم..ضحكت غصباً عنها:لا اللي لابس دقلة هو العريس واللي جنبه عاليمين ابوي واللي عاليسار اخوي سليمان وبقية القبيلة ورا، من اليمين اول شي عايش وجنبه محمد ووراهم عاليمين عبدالله وجنبه عبدالمجيد
اصيل:الله القبيلة كلها،حده فشلة
الرزان..غيرت من جهة اليمين لليسار:انتي وقفي كذا عشان يمسك ايدج اليمين
سديم:يمسك ايدي!!
الرزان..همست:جمدي قلبج،بيلبسج الدبلة والشبكة
سديم:لا لا
الرزان:اششش،لاتفشلين عمرج قدامه انتبهي
سديم:ياربي بصيح
الرزان:مو الحين بعدين،امسكي دموعج لوقت ثاني
سديم..ابتسمت:تمزحين!
الرزان:ابتسمي كذا ياشيخة،يـلا افرديها وخليج هادية..لما هدت وابتسمت سديم..شـطورة
سديم..ضحكت:احس اني بزرة!!
الرزان:مادري عنج!!،عقلي ولاتصيرين برز
سديم ابتسمت..
اصيل:تحركوا
مشت سديم بعجلة..
الرزان:بالهداوة وبالرقة،تبيني انا اعلمج!!
سديم ضحكت وهدت مشيتها وعدلتها..قابلهم الفوج من الجهة الثانية..تركتها الرزان ووقفت بعيد شوي ويا البنات..سلم عليها ابوها اول وسلمها لعريسها..
ابو سليمان..بارك لهم اثنينهم:الف مبروك
سديم+فهد/الله يبارك فيك
ابو سليمان..ابتسم:عقبالك ياشباب،وعقبالكم يابنيات
اصيل..ضحكت بشويش وهنادي والرزان وياها وبصوت واطي:آآآمين عشان افتك من جراحو وفوزو
هنادي:ياقليلة الخاتمة!!،انثبري بس لايسمعونج
الرزان..ضحكت على شي ثاني:انتبهتوا!!
اصيل:على شنو؟؟
هنادي..طالعت محل ماكانت تطالع الرزان:وشو!!،هذا اللي مايستحي قاعد يخز وماشال عيونه!!
الرزان..ضحكت مرة ثانية:وشو!!،لا اللي متحمسين ويردون بقلب..وقلدت اخوان سديم.. آآآآآآمين،هههههههههه تحفة!!
اصيل:من صجج!!،حشى لهالدرجة!!
هنادي:يابابا انتي وياها مو منتبهين عاللي يخز!!
الرزان:وخري مناك بس البنت تبي تجلس
وساعدوا سديم تجلس وعدلوا فستانها..
سديم..رجعت مسكت يد الرزان وهمست لها:انثبري جنبي امانة ولاتتحركين
الرزان..ابتسمت:استهدي بـالله يابنت!!،الا ماتزوجيني ابوج ماشاء الله دمه خفيف
سديم..ابتسمت:استريحي مكانك لاتسمعك امي تطردك بعد ماتتوطى ببطنك
الرزان..ضحكت:ترتاح منه شوي
سديم..ضحكت:لاتخافين،تعبه عسل على قلبها
الرزان:تعبه عسل على قلبها!!،حريم ماينعرف لكم!!
سديم..ضحكت:انتي متى بتصفين مع الشباب بالله!!
الرزان:تبين اسويها الحين واصف ويا اخوانج،وعادي كلنا واحد
سديم..ضحكت:تبين تنذبحين اليوم صح!!
وحطوا اغنية "شافتك عيني" لـ حسين الجسمي
{صدقني انك على بالي..لو فرقوا بينك وبيني
لو حال من دونك الالي..وطيت ماشافتك عيني...}
سديم:وش!!،الحين يغيرونها الحين
الرزان:ليش؟!!
سديم..قربت منها اكثر:بس الحين يغيرونها بليز الرزان!
الرزان:ان شاء الله،هدي شوي..سحبت هنادي وهمست لها..خليهم يغيرون الاغنية ابي يحطون اللي لقى احبابه
هنادي:يوه منج،قطعتيها من كثر ماتسمعينها
الرزان:يـلا بسرعة،قوليلهم اهداء لسديم
هنادي..ابتسمت:اوكي من عيوني
وشوي وحطوها..
سديم:احلى اهداء والله
الرزان..ضحكت:مصلحجية
سديم..ابتسمت واشرت لها تقرب فنزلت الرزان لعندها عالأرض وقربت هي وهمست:انقذيه يالرزان ووافقي عليه،هو يحتاجك وانتي تحتاجينه،زواجكم بيكون لمصالح تفيدك وتفيده،هو في ضيقة انقذيه
الرزان..انصدمت شوي:سديم وش تخربطين!!
سديم:ليش ماتوافقين؟؟
الرزان:ببساطة مابي اتزوج
سديم:اتفقي معاه بالشروط اللي تبينها،بينفذ لك كل شروطك،بس انتي وافقي ومراح يصير شي ماتبينه
الرزان:سديم الوضع راح يصير مو حلو ابداً انا اعرف كل شي و...
سديم:القدر كذا،الله كتب للكل كذا،انا مااعترض على شي،وماراح اكون سبب أي حساسيات بينا، اوعديني عشان غلاتي عندك تفكرين بالموضوع
الرزان..استسلمت وابتسمت:اوعدج اوكي،يـلاافرديها الحين،وسولفي مع الرجال شوي مسكين مرة مسويت له صفطيشن
ولما جات تقوم مرة ثانية الرزان حست بأحد يطالع فيها ويخز بعد!!..
رفعت عينها وهي قايمة وتفاجأت باخو سديم عايش يخز فيها فرفعت حاجب وعطته نظرة..
فجأة طاحت لثمتها..فابتسم.. وماستوعبت بالبداية وبسرعة لفت الجهة الثانية و قطت الشيلة على وجهها ونزلت بسرعة وراحت للحمامات "الله يكرمكم" تضبط شيلتها،
ياويلي..ويامصيبتي..هذا من كثر مايخز اللي مايستحي طاحت اللثمة..قلة حيا رجال وش كبره ومايستحي يخز صديقة اخته قدام اخته والناس!!..اشباه رجال والله ولا شافوا الرجولة..اهم شي العالم اللي كلهم قاموا يخزون!!..وانا مطيحتها متعمدة يعني!!..الله يسامحهم
،دخلت هنادي..
هنادي:سـلامات!!
الرزان..ابتسمت:شنو سلامات انتي بعد!!
هنادي:سلامات من عيون قليل الحيا والمروة،انا اقولج من اول قاعد يخز وانتي طناش!!
الرزان:كنت منتبهة بس قلت اطنشه يمكن يستحي على وجهه
هنادي:وطبعاً لاحياة لمن تنادي!!،يقولون ان لم تستحي فافعل ماشئت
الرزان..ضحكت:ماقدر على الحكيمة!!
هنادي:شفتي شلون صديقتج الحركاتات،يـلا سليمة ان شاء الله واخيراً طلعوا
الرزان:مابغوا!،كنت ابحلف عليهم يتعشون معانا!!
هنادي..ضحكت:أي والله حدهم مصخوها،صج ملاقة وتفاهة!
الرزان..ابتسمت وهي تفصخ الشيلة:تأثرتي باصول!!
هنادي..ضحكت:هاي ابوي انتي يالمهوية!!،تراهم طلعوا بس عريس الغفلة ماطلع!!
الرزان..ضحكت:تمزحين!!،هذابحلف عليها ينام هنا!!وشو ذا!!،مسكينة سديم
هنادي..ضحكت:هي اللي حلفت عليّ اروح اشوفج،وتعتذر عن اخوها السخيف،وتقولج تعيشين وتشوفين غيرها،هههههههههههه
الرزان:اضحكي ماعليج موانتي اللي تفشلتي!!
هنادي..غمزت:تدرين الا اعلم اخوي المحترم عن عملتج،بقوله طيحتها متعمدة،طحنا عليج
الرزان:خافي ربج هنود!!،والله وديت الأرض تنفتح وتبلعني من الفشلة والقهر يوم ابتسم الأخ!! ،بعدين ياويلج تبدين حركات اعلم اخوي من الحين
هنادي..فجأة وقفت:من الحين!!،ليش هو فيها الحين وبعدين!!،وش قالت لج سدوم الخبلة!!انا متأكدة وراكم شي بعد هالهمس والكلام كله!!
الرزان:خليها بكرا وانا اقولج
هنادي..رفعت عينها للسما:يارب انك تصبرني لبكرا،يـلا حركي اشوف
الرزان:احس فشلة اطلع مرة ثانية
هنادي:ادري فشلة قدام حماتج العتيدة..وضحكت..يـلا اشوف،ولا تمنعيني رجاءً اقول لأخوي وش صار بليز
الرزان:بليس ياخذ العدو،انتي مو صاحية!!،قولي بكيفج بس لاتتهورين بالكلام لايفهم شي غلط
هنادي..فركت ايدنها بحماس وهي تبتسم:حلـو
الرزان..تلثمت عدل:يـلا سرينا
طلعوا من الحمام"الله يكرمكم" وتوجهوا للكوشة..
هنادي:ودي ارقص ياناس،ياهووو حاطين "ويلاه" بعد،ابي ارقص بس هاللي مستقعد لنا ذا شكله لزق بالكرسي وماعاد يتحرك!!
الرزان..ضحكت:بس عاد،والله شكله الرجال كشخات وذوق
هنادي..ضحكت:واهم شي شوي وبيطيح عقاله من كثر ماهو ذايب وهيمان
الرزان..ضحكت:تطيح عقل المدام سديم مو هينة
واخيراً الساعة 1:15 دخلوا سديم وفهد بغرفة ثانية لحالهم..وهي للحظة الأخيرة ماسكة بايد الرزان وماتبي تدخل!!..وبعد كلمتين محترمتين من الرزان دخلت..
اصيل..ضحكت:انا متأكدة هالفهد بيدعيلج في كل صلاة يالرزان
الرزان..ضحكت:عسى يدعي بشي زي الناس،اهم شي مايدعي بالزواج
نوف:انتي ماجربتي الزواج عشان تتكلمين،يلا اسكتي بس
الرزان:و لا ابي اجربه
هنادي..مسكتها:قومي بس بلا كلام فاضي،يـلا نبي نطلع حرتنا بالرقص
ورقصوا اول شي على "اللي لقى احبابه"..طبعاً لفتوا الانظار على طول لهم.. وهنادي فضت الساحة وشغلت "أيـه أيـه" لشيرين وسحبت الرزان ترقص مصري..وبعد اصرار وحلفان استسلمت الرزان..
غادة:ناقصنا بس الدربكة
سووا البنات دائرة حولها وهم يصفقون لها..وجات حنان اخت سديم..
حنان:وخروا شوي عاد خلوا اللي جالسين يشوفون
ووخروا البنات شوي وصاروا نص دائرة..وسحبت الرزان ريما وياها وصاروا يتنافسون شوي ويرقصون مع بعض شوي..
هنادي:ورقصني ياجدع
ولولشت هي واصيل وغادة تصفر..فقاموا البقية يصفرون معاها..
وبعدها شغلوا "لو في حياتي"لـ عمرو مصطفى..وصفوا هنادي وغادة واصيل والرزان يرقصون مع بعض رقصة وحدة..
{لو في حياتي مكان في قلبي حيبقى عشانك..لو حتى آخر الدنيا مكانك..من دا اللي حيـ خلينا بعاد
انتا حياتي وفين مااكون روحك ويايا..جايلك وهأبدأ بالدنيايا..استنى دا انا وانت على معاد...}
وبعد رقصـة أخرى ورا رقصـة..مضى الوقت..
منيرة:يـلا ياهنادي فارس من نص ساعة ينتظرنا برا
هنادي:خليه ينتظر انا ماشبعت،وتوها الساعة 3!!
منيرة:وش تبين تقعدين للفجر!!يـلا بسرعة بننتظرج في السيارة
وراحت..
هنادي:رزون انتي راحوا عنج مع مين بترجعين!!
الرزان..ابتسمت:لاتشيلين همي،دقيت على طلال وبيمر عليّ
هنادي..ضحكت:خطيبج موجود ماله داعي الكلافة
الرزان:وخليتيه خطيبي!!ارتاحي اخوي جاي
هنادي..ابتسمت:طيب امشي نلبس عباياتنا وبنتظر معاج لين مايجي اخوج
الرزان:حرام تخلينهم ينتظرون!!
هنادي:قاعدين بالسيارة وعندهم مكيف،مابيصير فيهم شي
الرزان:بعد ماهي حلوة...
هنادي..سحبتها:بس خلاص مافي سوي قرقر واجد،انتي واجد مزعج مدام!!اس في مسكل؟؟
الرزان..ضحكت:شفتي المسكينة سديم ماصدقت طلع من هنا وراحت تنام!!
هنادي:مسكينة شكلها صار لها يومين مانامت!!،وزين منها قعدت معنا 45 دقيقة !!
الرزان:ولا الخاينات اصيل و غادة!!
هنادي:بـالله وين اختفوا فجأة ورجعوا طلعوا!!
الرزان:مادري عنهم!!،اهم شي يتركونا ويطلعون!!
هنادي:انواااع الخيانة
الرزان..دق جوالها:هذا طلال الحمدلله ماطول،تعالي مين الدبة اللي اخذت نقابي من المشغل!!
هنادي:مادري يمكن نسيتيه،وبعدين وشهالكشخات حاطة لاخوج "ياخيي"
الرزان..ابتسمت:بعد عمري خيو اذا ماحطيت له هو لمين احط
هنادي..ضحكت:انــا
الرزان..وهي تتلثم وتحط الشيلة ملكي:حاطت لج "تدري ليه" وش تبين بعد!
هنادي..قطت الشيلة على وجههاو تمسك ايد الرزان:تدري ليه حبك بيكبر تدري ليه،وفكل يوم قدرك بيكثر،لانك الغالي الوحيد...
الرزان..ضحكت:ارحميني
هنادي..ضمتها:يابعد طوايفي انتيSee u tomorrw
الرزان..ضحكت:ياللي اشك انج صاحية اليوم انتي!!See u
هنادي..شافت فارس يسولف مع طلال وواقفين السيارتين وعلت صوتها شوي تستهبل على فارس: احبج يا رزونه اموووت عليج،شسوي من الحب ماخبل وجنن
الرزان..انتهبت بطلال وفارس فدفتها خفيف:وخري مناك زين،صج ماعندج سالفة
هنادي..لصقت فيها:احبج رزونه افهميني
الرزان:انزين وخري مناك بلا افلام هندية
هنادي..قربت وسوت عمرها تهمس باذنها:حددددي اموت عليج
الرزان..حاولت توخر:هنود يالدبة وخري بلا مصاخة،زوديتها!!
هنادي..وخرت وسحبت الشيلة وياها:جرحتي شعوري ليش ماتبيني!!
الرزان..عدلت الشيلة ملكي وغطت عيونها شوي:انزين يالدبة اوريج،بكرا مابي اشوف وجهج
راحت للسيارة وهي معصبة ومتنرفزة..طـلال خلصنا ابي اروح البيت
ركبت سيارة خالها وسكرت الباب بقوة..
طلال..ضحك:لا شكلها اختك استهبلت زيادة عن اللزوم وولعت كبريت بيحرقني الحين
فارس..ضحك:هنادي اذا زودتها حبتين تصير ماصخة،ماله داعي اللي سوته!!
طلال..ابتسم وغمز:يـلا نشوفك بكرا هـا
فارس..ضحك:تقصد اليوم خلاص انتهى امس
طلال..ضحك:انتهى امس!!،طيب ماعلينا نشوفك..فجأة على صوت اغنية "بسيطة" لـ وليد الشامي..اف "بسيطة"!!،لا شكلها حاقدة بقوة،يلا تصبح على خير
فارس..ضحك:وانت من اهله
طلال ركب السيارة..وجات هنادي من جهة الرزان وفتحت الباب..
هنادي:عصقولة رزون امزح ترا!!
الرزان..لارد..
هنادي:يعني من صجج!!..ومسكتها تهمس باذنها..يـلا عاد انا هنوده الخبلة ماعليّ شرهة،شوفي ترا امي الحين بتهزأني،مايكفي تهزيئة من امي وفارس!!،افرديها وبكرا دوسي ببنطي لو تبين
الرزان:القتل فيج حلال
هنادي..بعدت:اف لهالدرجة!!،وش حرمناج شبابج!!ترا مو انا اللي...
الرزان:هنادي بس عاد!!،خلصينا روحي لاتنحرمين من الطلعة بكرا بسبب مصاختج
هنادي:صافي يالبن!!
الرزان..ابتسمت:شكو!!
هنادي..ابتسمت:صافي يالبن!!
الرزان..ضحكت:حليب ياقشطة
هنادي..التفتت على طلال اللي كان يضحك:السلام عليكم،وتصبح على خير
طلال..ظل يضحك:وعليكم السلام،وانتي من اهله
هنادي..باست الرزان وضمتها:مازلت احبج يالعصقولة،تصبحين على خير،نامي زين
الرزان..ضحكت:وانتي من اهله،يـلا انقشعي مناك
هنادي..راحت وهي تضحك:عسل على قلبي
واخيراً وصلوا البيت..صعدت ببطء..ورمت نفسها عالسرير هلكانة!!،
انا شلون بكون جاهزة بكرا!!..ااااخ جسمي مكسر..بس لازم آخذ شاور عشان ارتاح في نومتي
،اخذت شاور سريع ولبست بجامة دافية..ونامت وهي تتذكر خبال هنادي وخوف سديم وهي تـبـتـسـم..


الجـزء الثـالث عشـر..]



بسم الله!!..خير وش صاير!!..بسم الله..بسم الله
،قامت بسرعة على دق الباب..وفتحت الباب..
نهلة:توج تفتحين،الحمدلله عالسلامة ساعة حشى وانا اطق الباب شوي وبكسره وانتي ولا صحيتي!!،نومة اهل الكهف!!،خلصي تسبحي عشان يوصلج طلال المشغل تسوين شعرج
ولفت وراحت بعد هالصراخ!!..الرزان سكرت الباب واتسندت عليه،
يـالله يارب تعيني وتصبرني ..يارب انت العالم بالحال..وش اسوي ياربي!!وش اسوي!!..سبحانك اللهم لااله الا انت اني كنت من الظالمين..سبحانك اللهم لااله الا انت اني كنت من الظالمين..سبحانك اللهم لااله الا انتي اني كنت من الظالمين..يـالله انك تعدي هاليوم على خير
،قامت من الأرض وراحت تشوف الساعة..الساعة 8:30،
ثمان!!..وين اروح المشغل من الحين!!..وش ابي في الحياة بالضبط!!رازة الوجه بهالساعة بالمشغل!!اشدعوى!!..يـلا بعد هالتصحية الحلوة مافيني ارجع انام
،دخلت الحمام "الله يكرمكم"..غسلت وجهها..اسنانها..وتوضت عشان تصلي ركعتين..طلعت وصلت ركعتين..وقرت من وردها اليومي،
اصبحنا واصبح الملك لله والحمدلله..لا اله الا الله وحده لاشريك له..له الملك وله الحمد وهو على كل شيء قدير..رب اسألك خير مافي هذا اليوم وخير مابعده..واعوذ بك من شر هذا اليوم وشر مابعده..رب اعوذ بك من الكسل وسوء الكبر..رب اعوذ بك من عذاب في النار وعذاب في القبر
،حطت ورقة الاذكار داخل المصحف وسكرته على الصفحة اللي وقفت عندها..سمعت احد يناديها..ضحكت!!،
قولوا كذا مو مصحيني من هالوقت عشان المشغل..مصحيني عشان اشتغل..
..اللــه ويانا رزون..اللــه ويانا Where ever keep it up girlo
،بدلت بجامتها ولبست جينز رمادي وكنزة مسكرة خفيفة بنفسجية غامقة..حطت كريم مرطب لبشرتها ومرطب لشفايفها..
ولفت شعرها ورفعته بس احتارت في الغرة!!فتركتها..طلعت ركض ونزلت ركض..
نهلة..التفتت عليها:يـلا ياست هانم روحي مع شغالة خالتك ورتبوا المجلس،اذا خلصتوا تنظيف ناديني عشان ابيكم تغيرون ترتيب الكنبات
الرزان..التفتت على شغالة خالتها هند:جولي جيبي اغراض تنظيف من مخزن وتعالي المجلس،اوكي
جولي:اوكـي
تحركت الرزان وشالت ممسحة تنظيف الرخام وسطل عبته ماي،
آآآخ ياربي وش ثقله!!..احس يدي بتنكسر..الله يعين لاينكسر ظهري بالطريق..هههههههههههه..هذا اللي ناقصني اطلع للرجال مكسرة عشان يهون..بس الصج!..فكرة مو بطالة..هههههههههه
،شالت السطل وراحت للمجلس..شافت الشغالة واقفة محتارة وش تسوي!!..
الرزان..ابتسمت لها:انتي بعدي الكنب عشان انا امسح الأرض اوكي؟
جولي..اكتفت بأنها تهز راسها وبدت بتحريك اكبر كنبة واللي موجودة ببداية المجلس..
اما الرزان..رفعت اكمامها..ورفعت البنطلون شوي..وشغلت الآيبود..وبدأت عملية التنظيف..
بعد ساعة انتهوا من الأرضية..وبدأت الرزان في الستاير..اما الشغالة بدأت في تنظيف الطاولات والتحف..
ونفضت الغبار عن الكنبات وكنست السجاد الموجود..بعد ساعتين ونص خلصوا.. وبدأوا بتغيير ترتيب الاثاث حسب اوامر امها..
الســاعــة2:10 ومازالوا..دخل فجأة وما استغرب صوتها في المجلس وراح يطل ويشوف وش تحوس!!..
فتح عيونه وسكرها وهو مصدوم..
خالد..صرخ:انتي وش تسوين؟!!
الكل وقفوا ورفعوا راسهم يطالعونه!..
نهلة:خير ياخالد وش فيك؟؟
خالد:انتي مو صاحية صح!،البنت مو مفروض تشتغل اليوم،مفروض ترتاح وتهتم بنفسها وبس، وانتي بكل بساطة مخليتها تنظف وتسحب في الاثاث بعد!!،انتي ام انتي؟؟
نهلة:مافيها شي لو ساعدت بالتنظيف،هذا لها هي مو لنا،بعدين شغالة هند ماتسوي شي لحالها!
خالد..راح ومسك الرزان:كل واحد من اخوانج عنده شغالة وهيفاء بعد عندها شغالة،هذا عذرج الوحيد عشان تعاملينها زي الشغالة!!،شوفي هي كلمة وحدة وماعاد اكررها اذا شفتج مشغلتها مرة ثانية في البيت بتندمين،وانا بجيب لج بدال الشغالة شغالتين
نهلة..صرخت:تهددني وانا اختك الكبيرة،هذا اللي ربتك عليه امي!
خالد:امي لو تدري عنج كان هي اللي هزأتج بس انتي استغلتي عدم وجودها،هذا اللي ربتج عليه امي!!،واي نعم اهددج،اختي الكبيرة على عيني وراسي لكنج مصختيها وتعديتي حدودج سكت عليج كثير لكن بعد اليوم مو ساكت لج،الحين هاذي بنتج من لحمج ودمج وتسوين فيها كذا!!، انتي مو صاحية ابداً...
الرزان..حطت يدها على فم خالد:خالي الله يخليك،هاذي امي حلالها تسوي اللي تبيه،لو ترميني بالنار هي حرة تظل امي ومالي غيرها بعد ماراح ابوي
خالد..شال يدها بقوة:انطمي بس صج ماعندج سالفة...
الرزان..قاطعته:الجنة تحت اقدام الامهات ياخالي،هي جنتي وناري
خالد..سحب الرزان وراه:لا ونعم الام والله!،اسمعيني انا الحين بجي اغيرلج الاثاث زي ماتبين، بس هاذي مالج خص فيها اليوم الرجال بيجي الساعة اربع وهي لسه ماسوت شي!!
الرزان اضطرت مجبورة انها تروح معاه وهو ماسك يدها ويسحبها وراها بقوة..وصلها للغرفة ودخلها..
خالد:اسمعي انتي بعد لاتكررين لي موال امي هذا،ادري معاج حق،بس لو كانت امج زي باقي الامهات كنت سكت،بس باللي تسويه هذا ماقدر اسكت لها،واذا شفتج مرة ثانية تنظفين كفختج مفهوم؟!
الرزان..بدون أي كلمة هزت راسها"أي"..
خالد..اخذ نفس عميق:الحمدلله،الحين تسبحي وتجهزي بسرعة عشان يوديج طلال تروحين تسوين شعرج..حط ايده على خدها..ابيج تطلعين قمر،لان قلب خالد احلى بنت في العالم
وضمها..وهي تمسكت فيه بقوة وقعدت تصيح..
الرزان..همست له:لا تعلي صوتك عليها مرة ثانية،عشان خاطري،ماحب تتأذى بسببي،مابيها تحس ان اخوها الصغير مايحترمها بسببي
خالد..تنهد وباسها على راسها:ان شاء الله عمتي،اوامر ثانية!!..هزت راسها"لا"..يـلا طيب تلايطي
الرزان..ابتسمت وكشت عليه وسكرت الباب..تسبحت وبدلت ملابسها..ولبست عبايتها وطلعت..
طلال..كان عند الدرج تحت:تووو الناس!!،اخلصي علينا يابنت الناس،وش ذا البرود!!
الرزان..ابتسمت ومدت لسانها ونزلت الدرج ببطء اكثر:كيفي،مزاااجي
طلال..ضحك:اخلصي علينا بس،يا ام العيون المنفخة،انتي فاهمة استخدام السليكون غلط ترا، بدال ماتنفخين خدودج تنفخين عيونج!!
الرزان..وصلت له وضربته:سخيف
طلال..ابتسم لها:من زمان،توج تدرين!!
الرزان..ضحكت:الحمدلله والشكر
طلال:يـلا بس مشينا،الساعة ثلاث الا ثلث مانبي نتأخر اكثر!!
وصلها طلال مشغل"لاميزون" واستشورت شعرها بسرعة لان المكان فاضي على حظها..
السـاعة3:20 العصر وصلوا البيت..وشافت هنادي نازلة من سيارتهم..
هنادي..اشرت لها:هـايات عسولة..قربت منها وضمتها عند الباب..اخبار النفسية؟؟
الرزان:خليها على الله،زفــت والحمدلله
هنادي:أفـا!،why sweet heart??anything came up!!
الرزان:Nothing new,just my dear mother
طلال..تعداهم ودخل الحوش:ضميني واضمج مافي مشاكل،بس مو بالشارع عاد
ودخل البيت وهو يضحك..
الرزان:Stupid
هنادي..ابتسمت:Silly guy
الرزان..ابتسمت:لاتغلطين على اخوي!!،انا كيفي اسب واشتم واتطنز،انا واخوي نمون بس انتي لا
هنادي..ضحكت:انا وياج واحد،واخوج اخوي
الرزان..ابتسمت:اكيد افا عليج،وهذا يعني اني راح ارفض اخوج
هنادي:هـا!!ليــش؟؟
الرزان..كتمت ضحكة:مايصير اتزوج اخوي!!،حرام!!
هنادي..ضحكت وضربتها:حرمت عليج عيشتج يالعصقولة
الرزان..ضحكت:تقولين اخوي اخوج!!،اشمعنى ماينطبق هالشي عليّ!!تفرقة عنصرية الصراحة مارضى فيها
هنادي:ان شاء الله عمرج مارضيتي!،اخوي هو اللي سوا هالتفرقة وراح خطبج انا مالي ذنب،و عشانج تحبيني ماراح ترفضينه،يعني تخيلي ايش احلى من انج تكونين زوجة اخوي!!
الرزان..ابتسمت:اني اكون حرة بنفسي!!،او ما اتزوج اصلاً!!
هنادي..دفتها خفيف:سخيفة على اخوج،بس والله احلى بنقدر نطلع مع بعض على طول ونكون مع بعض على طول،بدون مايكون في عذر لامي وامج يرفضون هالشي!!
الرزان..ضحكت:بس تفكر في مصلحتها هالبنت!!
هنادي..ضحكت:العصقولة!!،الشرهة عليّ مفتكرة فيج وجاية لج اليوم،لا وجايبه عدتي وياي بعد
الرزان..ضحكت:حلو
وصلوا الغرفة..
هنادي..فتحت الباب:حياج دخلي
الرزان..ابتسمت:أيــه!،الله يحيج،نسيت ان البيت بيتج
هنادي..ضحكت:اكيد اجل شلون!..انطق الباب ودخلت شغالة وياها اغراض..فلورا حطي اغراض هنا وروحي تحت مطبخ ودي هذا ثاني اغراض،وانثبري هناك عشان اذا مدام تحتاج شي
الرزان..ضحكت:انثبري بعد في وجهها!!،ليش متعبة عمرج!!،فشلة والله تتعبين عمرج واللي جاي اخوج يعني مفروض احنا اللي نضيفه!!
هنادي..جلست عالسرير جنبها:مين اخوي!!،لا حياتي انا جاية لصديقتي اليوم واختي وحبيبتي عشان اساعدها لان الرجال اللي خطبها جاي يشوفها،فعن أي اخو تتكلمين؟؟
الرزان..ابتسمت لها:تسلمين،الله لايحرمني منج

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -