رواية بعيد عن الواقع -16
: ايه الله يخليه لكم ..: انا ما ابيه بس ابي اوصيتس عليه .. والله يجيب لكم الذريه الصالحه ودي اشوف عياله وعيال احمد قبل لا اموت ..
: انشالله يارب ..
: تجهزي ترى الملكه بعد المغرب ..
: ابشري طال عمرتس ..
: وما فيها شي لو لبستي عشان يشوفتس رجلتس ..
: مالها داعي فديت عمرتس ..
: والله ان ارقص في عرسكم واطنطن ..
: هههههههه والعرس والحفلات ما ابيها ..
: اجل سوو زي احمد وبتول دخلوا على طول بعد الملكه ..
: لا يا خالتي حاولوا تسوون عشا بسيط اعزم فيه صديقاتي وقرايبنا بس .. اما الحفلات والخرابيط ما ابيها وابوي توه ميت ..
: الله يكملتس بعقلتس يا امي .. الا على فكره امتس ما راح تجي .. ووش فيها ما ترد على تلفوني ..
: ما ادري يمكن ما هيب عند الجوال .. وتقول ما هيب جايه عشان خواتي ودراستهم ..
: وما راح تآخذين اجازه عشان عرستس ..
: على حسب ..
: وكيف على حسب .. نسيتي انتس عروس كيف بتدخلين على رجلتس وما انتيب مقدمه على اجازه ..
: انشالله ..
: بأكلم مبارك يشوف المندوب وهو من نفسه يسوي الأمر ..
: اللي تشوفونه ..
( t r f ~ )
دخلت هنادي المطبخ صباحا .. لأنها طفشت وملت وهي قدام الكمبيوتر ع المسن مع لطيفه صديقتها ايام الجامعه .. واختها للأسف اللي مايدرون عن قرابتهم .. سوت لها كوب كوفي دخلت الشغاله بسرعه .. وكأنها خايفه من جريمه سوتها ..
: مدام هنادي انا مافيه معلوم انتي قوم ..
: عسى ما شر وش الحاصل ..
: مدام بدريه قول بس شوف هنادي على طول ودي فطور ..
: ههههههههه يا حليلتس يا بدريه .. يالله ورينا وش مسويه فطور ..
: اووو مدام انا سوي كل حاجه كويس .. ما شاء الله انتي وااااجد جميله ..
: ههههه ثانكيو ..
: انتي اوربي ؟..
: والله طلعتي تفهمين .. × خطرت على بالها فكره تنصب عليها وتتسلى ×,,
: ايوه انا امي فرانس × فرنسيه ..
: اوووووو كويس ..
: هههههههه انتي معلوم سيلين ديون ..
: ايوه معلوم !..
: ماما انا ..
حست الشغاله انها نصابه ..
: اووووو بس انتي ما فيه سمسم .. انتي واااااجد هلوه ..
: ثانيكو فري ماتش ..
: ويلكم .. انتي جواز ..
: لا انا فيه بوي فرند ..
: ما شاء الله كويس .. ايس اسموه ..
: اممممممم اسموه علي ..
: اوووووه كويس واجد ..
: بس ما فيه قول لاحد .. بس عادي قول لسعود
: ليس ما فيه قول ..
: عشان سعود جوزي انا ..
: كويس انتي هلوه وسعود ماشؤالله هلو واجد واجد ..
: لا ياشيخه مصيختيها ..
: ايس قول مدام ..
: اقول خلصي الفطور واتركي البربره والهذره الزايده طاااار عمرتس ..
: اوووو انتي هورمه واجد كويس ..
: ثانكيو ياقوووومره ..
: يئني ايس قووومره ..
: يعني هني ..
: واااااااو انا هووووبي انتي ..
*( افففف الله يكافينا الشر عاد شرق آسيا ما يبي لهم سحاقيات خلقه )..
دق جوالها فجأه وشافت الرقم سعود .. خافت وارتبكت ورجعت التلفون وما ردت .. ودق للمره الثانيه وشافت المتصل بدريه .. ردت عليها بسرعه ..
: هلا بدريه وينتس ..
: هلا بتس توني مخلصه المحاضره ..
: تعالي البيت بسرعه سعود يدق ..
: احسن خليه يتكسر لا تردين عليه .. ترى يموت ويطرطع من هالحركه ..
: كويس يعني اطنشه ..
: ايه وخليتس جاهزه بنروح لعمي نزوره وبعدها نتغدى و احتمال كبير نروح نتسوق ..
: ايه بس _ _ _ ..
قاطعتها : لا تشلين هم الفلوس وانا اختس الخير واجد ..
: بس انا ما ينقصني شي ..
: والله العضيم بأقومها زعل .. وش ذا الحكي ما بينا رسميات ..
: ابشري ..
( t r f ~ )
في نفس الحزه .. في فندق الأنتر كونتنيتال .. بالجناح الرومانسي لشخصين .. قامت من النوم عشان تستفرغ عصاره معدتها الخاليه حتى من الماء .. قام احمد من نومه مفزوع مستغرب عن هالحاله الغريبه واصرارها على عدم ذهابها للمستشفى عشان يفحصونها ..
: حبيبتي وش هالحاله الغريبه اللي جاتس ..
: وش اسوي بعد ؟..
: نروح للمستشفى الحين .. يفحصون ويشوفون وش العله ..
: مانيب رايقه للمستشفى بأنام ما نمت من امس ..
: بعد !.. اقول البسي العبايه ومشينا بسرعه للمستشفى ..
: يا حمودي والله ما فيني الا العافيه .. انا عارفه وش فيني بالضبط ..
ضيق عينه بشك ..
: وش فيتس مثلا .. ترى اعصابي تلفانه ما اتحمل المفاجأت ..
: ما اقدر اقول لك الا اذا تأكدت ..
: لا اجل السالفه ما يبي لها الا المستشفى .. امششي قدامي ..
: ههههههه السالفه ما تحمل كل هذا .. بس جيب اختبار حمل من الصيدليه ..
: لا عاد قولي قسم ..
: ما ادري والله بس شاكه .. لأن الدوره الشهريه متأخره علي ..
: لا انشالله انتس متوحمه وهذا الحمل .. آآآه ولد ومنتس كيف بيطلع شكله ..
: اكيد بيطلع قمر .. لأنك ابوه يا حياتي ..
: لا بيطلع لتس بعيونه الخضر ..
: هههههههه ويآخذ سمارك الحلو ..
: لا وعععع مهوب من زين لوني .. ابيه يشبه لتس ..
: خلاص بنوصل لأتفاقيه .. اذا كانت بنت تشبه لي .. واذا ولد تشبه لك حبي ..
: لا انا طماع بأشوف بتول كثير في البيت ..
: افااااا والأصل ..
: آآآآه يالأصل اغلى من التقليد بواااااجد .. مهوب يقولون ما اغلى من الولد الا ولد الولد .. انا اقول ما اغلى من العيال الا امهم ..
: هههههههههه اللي يسمعك يقول متأكد ..
: انشالله تفألي بالخير ..
: يارب حبيبي ..
: الحين انزل الصيدليه واجيب اختبار الحمل بسرعه .. ما تبين شي ثاني ..
: سلامه قلبك يا عيوني ..
: تكفين لا تقولين كلام حلو .. بنفسي وربي ما اتحمل ..
: على ذا الخشم ..
: يسلم لي الخشم وراعيته ..
( t r f ~ )
بعد صلاه المغرب .. وصل المملك لقصر احمد بن عساف .. والشهود الدكتور عبدالله ومبارك ..
: واخيرا بتعرس ..
: وش نسوي بعجوزنا ما بغت ترضى علينا ..
: هههههه احسن شي سوته فيك .. ما مليت من حياه العزوبيه ثمان وثلاثين سنه ..
: الشكوى لله وانت ابخص بالظروف يأبو عابد ..
: اهم شي الأبر لازم تآخذها قبل لا يصير شي ..
: انشالله .. وربي راحمها بنت في عز شبابها تآخذ شايب بسني ..
: انت ليش مقلل من قدر نفسك .. سنك قمه الرجوله ..
: ادري بس تعرف ظروف المرض اللي فيني ما يحتاج اذكرك ..
: كثيرين اللي فيهم الفايروس ومتأقلمين مع وضعهم الزوجي ..
: ودي بس والله انها غاليه ما تستاهل ..
: هههههه بدت الفضايح تطلع هاه .. على فكره قريت الديوان حقك خطير يالشاعر ..
: اي ديوان ؟..
: عيني في عينك ..
: يعني تقدر تقول مراهقه الثلاثين ..
: طيب يا مراهق ما راح تسوون عرس ..
: على طلبها كان ودها ..
: خلاص تبيني اروح اسألها ..
: لا لا تروح اخاف تشوف سكسوكتك وتأكس علي ..
: ههه يا ابن الحلال انا خالها ما راح تطمع فيني انشالله .. ما عليك زود يا ابو الحسن ..
: نعنبو ذا الوجه وتهزا فيني ..
: ههههههههههه ابرفع ضغطك شوي .. ولا تحدني ادخل عليها واقولها لا تعرسين به تراه جني مغني ..
: الله يبهتك من متى وانا جني .. الا طيب على قد نياتي ..
: ايه هين نسيت المخيم وسواليفك ..
: ايام وليالي ..
: كانك بديت تشعر ..
: لا بس هذي مقدمه ازليه لأني بأدخل القفص الذهبي ..
: وفلسفه بعد ..
: ما شفت شي وانا اخوك اصبر بس ..
: هههههههههههههههه ..
: لو تدخل والله ان احش رجولك ..
: لا عاد احلف بس .. يأخي خال ويبي يسلم على بنت اخته وش فيك داحش عمرك ..
بجديه ..: سلم عليها وقول لها ما ترجع لبيتهم ..
: ليه عسى ما شر ..
: يا اخي صارت مرتي وش فيك انت ..
: طيب طيب لا تنفخ علي ..
: المهم وما تروح المدرسه على رجولها .. تركب مع السواق وهو اللي يوديها ..
: العرس ما انتو مسوين ..
: لا اللي سمعته من امي انها ما تبي حفله .. بس عشا بسيط وينتهي الموضوع ..
: وش هالكلام ما يصير ..
: ادري انه مايصير .. بس ولو ابوها تونا دافنينه من شهر ونحتفل من زين وجيهنا ..
: وجهك انت اما انا و سندس طلعنا من الموضوع ..
: يا اخي انت وش داحشك معنا قم بس ..
: ههههههههههههه ومعصب بعد ..
: يالله روح وعلمها بالكلام اللي وصيتك ..
: طيب ادخل شوفها ..
: ما له داعي ..
: ما تبون تصورون وربي انك غريب ..
: يا اخي انت كمخه ما تفهم قلنا لك ما نبي وش فيك ؟..
: هههههه خلاص بأروح اسألها واشوف ..
: حتى لو ما ابي احرجها ..
: ترى بأوصل لها الكلام واقول حسين ما يبي يتصور معتس ..
: ما تقدر يا زميلي ..
: تتحدى ؟..
: نعم اتحدها وانا قدها ..
:على بركه الله ..
: ههههههههههههه ..
: وش فيك تضحك ..
: صورها بس عشان اشوف تعابير وجهها اذا قلت لها ..
: تعابير وجهها ولا عشان بس تبي تحفظ ملا محها سود الله وجهك ..
: تعقب يالتيس ..
( t r f ~ )
انتهى ...
سبحان الله وبحمده .. سبحان الله العضيم ..
مساء الورد ..
الفصل الثالث والأربعين :
قرأه ممتعه مقدما ...
( t r f ~ )
دخل عليها خالها عبدالله .. بعد ما خذت له طريق ودرب .. كانت لابسه جلابيه بيت عاديه جدا .. ورابطه شعرها ذيل حصان كعادتها .. ووجها خالي تماما من المساحيق ما عدا مسكره خفيفه بالنسبه لرموشها الكثيفه ..
: اهلين بالعروس ..
: هلا خالي .. كيف الحال ؟..
: تمام ولله الحمد .. انتي وش جايبتس من الحين لبيتهم ؟..
: ههههههه مافيه احد في بيتنا .. حصه رجعت لرجلها .. وبتول مسافره مع احمد مسوين شهر عسل ..
: ايه الله يوفقهم انشالله .. الا امتس ليه ما جات ..
: امي الله يعلم بالحال حاولت فيها تجي ع الأقل تبين الأهتمام زعلانه مني ..
ونزلت دمعتها غصبا عنها ..
: وش يا بنت الحلال تعوذي من الشيطان .. يعني ما تعرفين حركاتها من زمان وهي تبط التسبد ..
: وش السوات يا خالي ..
: ما لتس الا الدعا .. الله واكبر هذا رجلتس لا تروحين بعيد .. امه غضبانه عليه الين قبل امس ..
: ايه بس انا حالتي تختلف عنه .. لا تنسى انه كان راعي بلاوي ..
: الله واكبر منكم يالنسوان والحين راعي البلاوي هذا مهوب رجلتس ..
: لا والله مهوب قصدي اهينه اصلا انا ما وافقت عليه الا لأنه مريض ..
: وانتي وش دراتس عن مرضه ..
ارتبكت ..: هاه لا بس يقولون ما ادري ..
: الا انتي عارفه بس تبين تلفين وتدورين ..
: ما ادري ..
: ع العموم عنده فايروس في الكبد له اكثر من عشر سنوات .. لا تناشبينه وتسوين مشاكل .. ترى نفسيته براس خشمه ..
: لا والله انه بالحفظ ول بعمري الاغيه ..
: هو بنفسه راح يقول لتس .. واذا ما قال عاد هذي حريه شخصيه ولازم تقدرين وضعه شوي ..
: اشوفك موقف في صفه ..
: ايه والله انه اغلى من الأخو ..
: افاااا وحنا وين رحنا ..
: اللي يعرف حسين عمره ما يفكر حتى يكرهه ..
: اففففف طفشتني فيه .. لا تخاف بأزهق منه ..
: هههههه اوصل له ..
: على راحتك ..
: شكلتس يقول بايعتها بقوه ..
: عادي والله لا با يعتها ولا هم يحزنون ..
: طيب وش رايتس تدخلين عليه الليله ..
: لا لا الليله لا ..
: ليه خايفه منه ترى ما يآكل ..
: هههههه ادري والله بس قلت يعني لو اروح معك الرياض واشتري اغراضي وجهازي .. ولا ترضاها على ادخل من دون حتى ابسط حقوقي ..
: مهوب ضايع وانتي مع حسين ..
: اففففف لازم تحط حسين في كل شي ..
: طبعا ولا تفكرين انتس تآخذين محله ..
: صداقتكم غريبه .. شاكه في الخلاقك ..
: تجربيني وتشوفين ..
: يمآآآآه لا لا ..
: ههههههههههههههههههههههههه ..
: قليل ادب ..
: ع العموم تجهزي الليله بأرجع الرياض ..
: ما تقدر تأجلها بكره الصباح .. ع الأقل اقدم ع الأجازه ونمشي مره وحده .. لأن هنادي واااحشتني موووت ..
: هههههههه ما تدرين سعود الدلخ وش مسوي ..
: لا وش مسوي .. لا تقول سواها واعرس ..
: ايه امس تملك على اختس ام شوشه ..
: لا حراااام والله ما تستاهل اللي يصير لها .. صدق وقح ..
: والغريب لنها ما طلبت الطلاق ..
: اففففف بصراحه حقير وتافه ..
: بس انا ما راح اسكت على حق بنت اخوي ..
: وش بتسوي مثلا هو بعد اكيد بيقول زوجتي ليش انت تتدخل بينا ..
: المسكينه لو بيدها خلعته ومتأكد من هالشي .. بس مشكلتها ماديتها زفت ..
: غريبه وين اموال خالي اللي تارسه الدنيا ..
: مال حرام وضاع .. سبحان الله مستحيل يدوم اللي يغضب ربي ..
: عاد تصدق .. دايم ادعي له اتمنى يصحى من غيبوبته هذي ..
: لا الحاله مشرف عليها صديقي .. ويقول انشالله فيه تحسن .. نبضات القلب كانت جدا بطيئه .. والحين ماشيه تمام .. حتى الضغط ولله الحمد صاير معتدل بالنسبه لحالته ..
: يعني فيه امل ..
: لا الأمل بيد ربي انشالله .. حنا مانقدر نحكم ع الحاله اذا بتشفى ولا لا .. واحد من مرضاي مثلا الأسبوع اللي راح فحصت عليه .. وكنت مسوي تشخيص كامل لحالته .. والفايروس كان ثاير بشكل مو طبيعي .. امس رجعنا نسوي نفس الروتين عشان جرعه الأبر .. وتخيلي الصدمه خامل بنسبه 70 % ..
: يعني انشالله فيه امل انه يخمل الفايروس اللي في حسين ..
: ما اتوقع ابدا يا سندس .. لأنه الرجال كبير وله عشر سنوات والعلاج ما استجاب لو واحد بالميه ..
برقت عين سندس لا اراديا ...
: يعني افقد الأمل ..
: ادعي له والله ما يخيب امل طالبه .. وعلى فكره الدموع هذي مالها لازمه .. ولا نبضات الحب بدت تدق معتس ..
: ههههههه لا بس حزنت عليه .. ما ادري احسه ما يستاهل ..
: ايه والله ما يستاهل ابو ابراهيم ..
: لا يكون مستسمي بأبراهيم ..
: هههههههههه لا انا اللي طريته ..
: اشوى .. لا تلفت انتباهه ع الأسم ..
: وش فيها ابوه وسمى عليه ..
: وعععععع واصير انا ام ابراهيم .. الله لا يقوله انشالله ..
: ان كيدهن عضيم ..
: لا تغلط لو سمحت ترى رجلي برا الحين اناديه يجي يقشه ويطردك ..
: يا بنت استحي عيب ..
: وش دخلك الحين هو رجلي .. وانت مجرد خال ..
: هين اوريتس يا ام لسان ..
: وش بتسوي مثلا ؟..
: عادي امشي الرياض مثلا واتركتس مثلا وانتي تكونين مآخذه اجازه وتروح ع الفاضي مثلا ..
: لا لا الا هالحركه تكفى .. العذر والسموحه طال عمرك ..
: يووووه نسيت خذي ..
طلع من جيبه ظرف كبير ..
: خذيه من بعلتس حسونه ياحرمه ..
: وشو ذا ؟..
: اتوقع المهر ولا كيف بتقضين للزواج ..
: اهااااا ..
: افتحيه خلينا نشوف كم ؟..
: وش دخلك هههههههه ..
: خلاص كذا اعتبر التحدي لازال ساري ..
: لا لا آآآآسفه تعال معي نعد ..
فتحت وصارت تعد من خمسميه
: خمسميه الف الف وخمسميه ..
: يا اخي عليتس ذكاْ احسدتس عليه .. شوفي كم عددها .. واضربيها على الخمسيميه ..
: بس انا ذاكرتي مهيب ارقاميه يادكتور عبادي .. ذاكرتي لغه عربيه ..
: هاتي بس ..
واخذ منها وصار يعد ..
: افففففففف ما شالله ميه الف .. × غمز لها ××. : من قدك يا حلو ..
: قول ما شالله بس .. انا ادري تبي تصير صديقي ..
: ايه والله صديقتي بقوه .. ممشيها قطه مع حسين هههههه ..
: ههههههههههههه ..
: يالله خذي قروشتس ومشينا لبيتكم ننام ..
: يوووووه اخاف حرمتك تذبحنا ..
: ما عليتس منها بس مشينا ..
: اوكي بس البس عبايتي والم عفشي واجيك ..
: وانا بأروح لحسين اسولف شوي ..
: بس اخاف يحلف عليك ..
: لا انشالله بيفهمها .. اذا دقيت عليتس ردي عشان اذا حلف ..
: اوكي ..
( t r f ~ )
وبالفعل حلف عليه حسين يبات معه .. بس مو في بيت احمد في قصره اللي يبعد خطوات قريبه من قصر احمد بن عساف ..
في مطعم الخليج الصيني وبعد انتهائهم من وجبه الغدا .. كانت هنادي فاتحه شنطه بدريه تجرب روجها الوردي .. اما بدريه مشغوله في البلاك بيري مع صديقتها يسولفون .. ملت هنادي وطفشت وحبت تغير جو الملل اللي هم فيه .. صفقت يدها بقوه وبدريه خبر خير ما سمعتها ولا حست فيها لأنها سرحانه .. طالعتها وقررت تصرخ في وجهها عشان تحس .. صرخت والأنسانه ابدا مو مستوعبه .. وفجأه انتبهت للهيتفون على اذنها .. ضحكت على نفسها كيف ما انتبهت له .. قربت وسحبت الهيتفون من اذنها .. مع هالحركه التفتت بدربه بقوه دوبها تستوعب اللي يصير ..
: ياشيخه حرام عليتس ساعتين اكلم نفسي .. اصرخ واصفق في وجهتس ..
: والله ما سمعت ياعمري سوي ..
: يالله مشينا بس شبعت وطفشت ..
: لا لا نروح السوق .. وبعدها المشغل ..
: ليه وش ناويه عليه ؟..
: لا بس نغير لوكاتنا ..
: ارررررحمينا يا ام لوكات .. السوق وبس ابي انااااام مواصله من امس ..
: لا تكفين هنوده عشان خاطري ..
: انتي اللي عشان خاطري .. لاهيه في جوالتس ومطنشتني ..
: خلاص التوبه ما امسكه ..
: لا تحاولين السوق ويخب ..
: اوكي امرنا لله .. بس بكره نروح نغير لوكاتنا ..
: تصدقين تحسسيني اني انا الصغيره وانا الكبيره ..
: لا عيوني انا توني اعتبر نون ما تزوجت ..
: واللي يتزوج يصير هو الكبير ..
: طبعا ..
: ياشيخه ! احلفي بس ..
: ههههههههههههه .. يا حلوتس باتعصيب .. مشينا للسياره بس ..
: الا قولي سرينا ..
: ههههههههههههه ..
رجعوا من مطعم الفندق يبون ينامون من كثر الفرفره والمشي .. راح لدورات المياه اما هي طاحت على السرير .. فجأه طلع عشان يصحيها ويبشرها ..
: بتلو حبيبي قومي ..
فتحت عيونه بثقل ..
: حبيبي بأنام تعبانه ..
: شوفي هذا التحليل خطين واضحه ..
نطت من السرير مذهوله ومو مصدقه اللي يقوله ..
: نصاااااب وينه ..
: شوفي هذا هو ..
: يوووووه الحمد لله يعني بأصير ام ..
: اففففففف الحمدلله يا حبي ..
قام وشالها على كتفه كالعاده ..
: هههههههههههه نزلني حمودي حرام عليك الدنيا تدور بي ..
: ما اقدر حتى اخليتس تمشين ..
: يوووه ياحمودي كل يوم اكتشف اني احبك زياده ..
: انتي توس تكتشفين .. انا من عشر سنين مكتشف ومخلص ..
: حمودي انت تحبني حتى من عقب ما صارت هذيك الأيام ..
: اعتبرها احلى ايام حياتي ..
: يووووه عاد انا احس انها ايام غبيه .. ما ادري يمكن لأني جاهله وغبيه ..
: من ناحيه غبيه بصراحه غبيه موووت .. حتى احس انتس تنكه ..
: لا عاد ..
: هههههههههههه ..
: وش فيك تضحك علي ..
: تذكرين يوم تقولين كيف اعرس وامي فلسطينيه ..
: يوووووووه مستعيبه من امي بشكل ..
: لا والمشكله ما تمانعين لو احد خطبتس بعد اللي صار ..
: ايه عادي كبرت وفهمت وتعقلت بعد ..
: ما خفتي من الناس اللي خطبوتس قبلي ..
: عادي لأني اصلا كنت حاطتك في بالي ..
: يالخبيثه :) يعني كنتي تحبيني ..
: ما كنت متأكده مررره بس اميل لك صرآحتن ..
: وافهم الميلان هذا وش معناته ..
: معناته اني اموووووت فيك .. وانا مو داريه عن نفسي ..
: تصدقين يوم كنت في بريطانيا افكر فيتس الليل والنهار .. مافيه في بالي الا انتي حتى جدتي كنت اسألها عنتس احيانا وتسكر الخط في وجهي هههههه ..
: احسن شي تسويه فيك يا قليل الأدب ..
: يمكن لو اقولتس ما فيه انثى في العالم لفتت انتباهي مثلتس ..
: لا مستحيل ..
: اول مره شفتس تدرين وش قلت في خاطري ..
: هاه وشو ..
: شفت صغر حجمتس قلت جايبينها من الحضانه .. اما كنتي بزر بقووووه ..
: هههههههههه .. والمشكله في النهايه غدرت بي يالخاين ..
: بصراحه ما ادري كيف قلبي طاوعني عليتس .. آآآآه
ونزل يبوس رجولها فجاْه دمعت عينه .. رفعت راسه ..
: وش فيك حبيبي ؟..
: ولا شي بس تذكرت يوم طحتي عند رجولي .. انا ما استاهلتس يابتول ..
: يا حياتي انا مسامحتك .. انا بزر وانت مراهق وش هالكلام ..
: اوعديني ما تزعلين علي في اي يوم الا تقولين لي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك