رواية ليتها من جفاها تستفيد -4
ود:اصغر عيالك تنادينه عبودرهف:شفيكم انتي ورجلك... كل ماقلت لكم شي قلتولي اصغر عيالك
عبد الرحمن: شفيكم تتساسرون
ود:ها.... ولاشي بس اختك تقول شرايك نقولك تطلعنا اليوم
عبد الرحمن: عادي اذا ماعندي شي اطلعكم
رهف:هههههههههههه فشلهااااااااااا
عبد الرحمن: شفيك قلت شي؟؟؟
رهف: لا بس انا ماقلت تطلعنا ولاشي بس بغتك تهزأني
عبد الرحمن: وانا اقدر ازعل حبيبتي رهوف
رهف: فديتك والله
ود: مالت عليكم انتو الثنين خلني اروح اشوف امي احسن لي
رهف: امي رايحه بيت جيرانا
ود: متى رايحه
رهف:مدري سالت لين قالت انها رايحه بيت الجيران
ود: اجل اذا جت قولي لي
رهف و عبد الرحمن: حاضر مدام وهم يهزون راسهم
ود: صدق هبلان
عبد الرحمن: كأنها سبتنا
رهف: ماعليك منها وقولي شخبارك مع ذوق
عبد الرحمن: فديتها والله تمام عال العال
رهف: والله انها ماسوت فيك خير
عبد الرحمن: لازم تتخبل علي ماتشوفين جمالي
رهف: وع مادري وش لاقيه فيك
عبد ارحمن: احسن منك يا الطبل
رهف: مالطبل الا انت
عبد الرحمن: خليني الحق اختك احسن لي من القعده وياك
ام عبد الرحمن: السلام عليكم
رهف: وعليكم السلام واخيرا جيتي
ام عبد الرحمن:تدرين يا يمه سوالف الحريم سالفه تجر سالفه ... الا وين اخوانك
رهف: في حجرهم ماعدا حمود سار بيت عمي مع محمد
ام عبد الرحمن: اجل روحي ناديهم خليهم يتغدون
رهف: ان شاءالله
نادت رهف اخوانها ونزلو يتغدون كلهم
الجزء السابع
في لمة الأحباب تطري طواريك***وينتابني شوقن يهز العظامي***في داخلي شوق عظيم يناديك***وقلبي وعيني من بعادك ضوامي
........
يوم الجمعه عادة الاهل تتجمع عند بو عبدالرحمن دامه اكبر اخوانه
عند الرجال
بو ذياب: اقول زياد وانت ياذياب وين قررتو تشتغلون
زياد:ان شاءالله بنفتح لنا شركة دام تخصصنا هندسه
الكل : الله يوفقكم
ذياب وزياد: امين
بو ذياب: وبعدها ان شاءالله تعرسون
زياد: انا عن نفسي لاحق على عوار الراس
بو زياد: اجل متى ناوي تعرس
عبدالرحمن: اذا تعدى سن الشباب واصار شايب
زياد: وانت وش دخلك انت الي بتتزوج والا انا
عبد الرحمن: لا انت بتخرب علينا
زياد: وليه ان شاءالله؟؟
عبدالرحمن: والا اقول انا شعلي منك
الكل:ههههههههههههههههه
احمد: انا بتزوج اول واحد
عبدالله: قصدك الرابع او الاخير
احمد: ليه ان شاءالله؟؟
بو عبدالرحمن: انت كمل دراستك بعدين يصير خير
احمد:لاعت كبدي من الدراسه
ذياب: تراك ثنويه عامه
احمد: عارف
بو عزام: ماشاءالله عندنا كثير في العايله ثنويه عامه
عزام:من غير احمد ومروان
احمد:انا ومروان وذوق
بو عزام:الله يوفقكم
الكل : اميــــــــــــــــــــــــــن
........
اما عند البنات
سلامه: عمى لا عت كبدي منكم
شوق: انقلعي بيتكم
سلامه: ها شويق اشوفك طردتيني
شوق: مو انتي تقولي لاعت كبدك منا ذلفي
رهف: عمى اثنينكم بس كله هواش انا اشك فيكم الصراحه ماخذين رجل واحد
سلامه: بسم الله علي انا اخذ رجل هالخبله وعععع
ود: ليه سلامه يمكن يجيها رجل يجنن
سلامه: اشك الصراحه
ذوق: مو تشكين الا تتاكدين
ود: بل طايح من عينكم رجلها
شوق: سلاموه سكري الرادو لا اكسره لك
سلامه: يما متوحشه اخاف تسوينها
بعدين ياغبيه ان كسرتيه من وين اتكلم
ذوق: من خشمك
الكل:ههههههههههههههههه
سلامه: هههه ما تضحك ويا هالراس
رهف: الا تضحك شوفي كلنا ضحكنا
جوري: خلاص سدو حلوجكم
ود: وش رايكم نطلع اليوم العصر
رهف: بدون التماسيح
جوري: أيه مانبي الجنس الاخر
ود: خلاص صار
جوري: بس وين؟؟؟
ود: نروح نتمشى في الشوارع
سلامه: واااااااااااو
ذوق: ومانبي تحت السن 18
رهف: هههههههههه صح كلام سليم
سميه: انا اوافق رهف الكلام
سلمى: انا صوتي اضمه لكم بعد
شوق وسلامه: نعــــــــــــــــــــم
شوق: وليه ان شاءالله؟؟ .... أصلا انا اول من يركب السياره
سلامه وهي تفر المخده على ذوق: انتي يالزفته انطمي....لا يجيك اللي يأدبك
وهي تكلم ود: حرام عليكم والله ملانين
ود: خلاص ناخذكم معنا
سلامه: واااااااااااااو فديت بنت عمي
ود: مصالح
الكل: ههههههههههه
سلامه: ياماما كلن يتمصلح
وراحوا مع السواق بدون الاولاد وطول الرحله خبال
طلعت بنات وش تترجون
....
يوم السبت
صحت شوق من النوم وجلست تتكشخ حق المدرسه
خلصت ونزلت وشافت الكل جالس يفطر
شوق: السلام عليكم
الكل: وعليكم السلام
ام عبدالله: تعالي يايمه افطري
شوق: ان شاءالله
عبدالله: الحمد الله
ام عبدالله: ماكلت شي يايمه
عبدالله: الحمدلله يايمه اكتفيت.....يالله من بروح معي
شوق وذوق: انا
عبدالله: اجل يالله لاتتاخرون عن المدرسه
......
على الساعه 10 الصباح
في مدرسة ود
خوله:اف صدق بنات اولى يطلعون الشيب
ود: هههههههههه
خوله: ضحكي انتي شعليك
ود: هههههه حتى اولى متوسط يطلعون الشيب يكونون توهم متعلمين المهم عن اذنك عندي حصه الحين
خوله: الله يعينك
.......
في الجامعه عند رهف وصديقاتها
مروة: اقول رهوف وش صار امس
رهف: هههههههههههه سمعوا
وقالت لهم سالفه زياد وشوق
مروة: من صدقه الحين ولد عمك مايعرف بنت عمه
رهف: هو ما عمره شا فها ...ايه ماقلت لكم
مروة: وش بعد؟؟؟؟
رهف: امس كلمت ذياب
مروة: كذابه شلون؟؟
رهف: هههههه امي كلمته وعطتني السماعه
رغد:ياحليلها امك
رهف: أيه فديتها
رغد: عاد انتي ماصدقتي خذتيها
مروة: ليتني كنت جنبك وشفت وجهك
رهف: ههههههه اشتعل وجهي حسيت ان الدم نشف من جسمي
رغد: ههههههههههه
رهف: ليه تضحكين؟؟؟
مروة:امك كانت جنبك؟؟؟
رهف: لا
رغد: اقول امشوا بدت المحاضرة
رهف: ما لي خلق احضرها
مروة: وانا بعد
رغد: أقول قدامي
رهف و مروة : حاضر يا فندم
رغد: ناس مايجون الا بالعين الحمرا
......
في المدرسه عند شوق
شوق: اقول سلاموه مليت ابغى ارجع البيت
سلامة: احلفي انتي…. تنكتين
شوق: والله مليت الا سلاموه اخوك وش قالك يوم سكرت في وجهه
سلامه: هههههههه قالي من شايفه عمرها صديقتك
شوق: الصراحه نرفزني
سلامه: هههههههه تستاهلين
شوق: نعم
سلامه: هههههه ترى اخوي طيب
شوق:بس ملقوف
سلامه: طالع عليك
شوق طالعت سلامه بنص عين:وععععع انا محد طالع علي وبعدين انا مو ملقوفه
سلامه: هههههه ايه واضح
شوق:مااالت عليك
سلامه:ههههه والله لايقين لبعض
شوق: لاحبيبتي عندي الي يبغاني و ابغاه
سلامه: مدري وش يحبك في مروانوه
شوق: فديته
سلامه: أقول قدامي وش تقول ... وهي تقلد شوق فديته.. هذا مو وجه حد يتفداه ااااااااااه فديت احمد والله هو إلى يستاهل انك تتفدينه مو مروانوه
شوق:هههههههههه بعلم احمد انك تتفدينه
سلامه: أنتي خبله تسوينها
شوق: ههههههههه اجل وش على بالك
سلامه: طسي الله يعين مروان عليك
شوق: أصلا يحمد ربه اني باخذه
.......
في الجامعه عند سميه وسلمى
سميه: هااااااااااااي سلوم اخبارك؟؟
سلمى: اهلين تمامو انتي اخبارك؟؟
سميه: الحمدلله......الا اقول خلنا نروح لهالدكتور لا يحضرنا
سلمى:ههههههههههههههه ترى حنا ما نقصر فيه
سميه: ايه والله نطلع له الشيب
ودخلوا المحاضرة وبدا الدكتور يلقي المحاضرة بس سميه وسلمى كل وحده في عالم
سميه تفكر في بنت عمها لا درت أن ياسر بيكون لغيرها وسلمى تفكر بياسر ألي حبته من صغرها ااااااه ياياسر متى يجي اليوم ألي نجتمع فيه أنا وأنت تحت سقف واحد
......
في الجامعه عند ياسر كان جالس مع ربعه بس عقله مو معه
خالد: ياسر ....ياااااااااااااااااااااااااسر
ناصر: خله مو راد عليك عقله مو معه مع الغرشوبه الي خذت قلبه
خالد:لا تقول البنت الي شفناها في السوق
ناصر:إلا هي
خالد: من صدقه
ناصر:شكله تولع فيها
خالد: هو حتى مايدري من بنته
ناصر: والله الحبيب شكله تعلق
خالد:ههههههههههههههههه
ناصر: ياسر ياسر........يـــــــــــــــاســـــــــــــــــر
ياسر:نعم خير
ناصر:لنا ساعه نناديك وانت ولا على بالك
ياسر:قول شتبي؟؟؟
ناصر: شكل بنت الناس ماسوت فيك خير
ياسر:ههههههههه اي بنت لايكون البنت الي شفناها في السوق
خالد: الا هي؟؟؟
ياسر:ههههه والله انكم خبلان انا ماكنت افكر فيها انا افكر في بنت عمي
ناصر: بنت عمك
ياسر: ايه بنت عمي شفتها اخر مره نروح بيتهم وخذت قلبي قبل عقلي ولا وقلت للوالده تخطبها لي
ناصر: احلف أنت بل عليك….. توك شايفها ناوي تخطبها على طول
ياسر:انا بخطبها عشان ماتطير عني
ناصر: ليه هي عندها جناح
ياسر:انطم ولا كلمه تستهبل انت عيال عمي وعمتي ولا حد منهم خطب واخاف يخطبونها قبلي
خالد: ههههههه ممكن سؤال؟؟؟
ياسر:أسأل؟؟؟
خالد:من اجمل انت ولا هم
ياسر:مدري أدوس ببطنك
خالد:لا صدق لأن البنات مايخذون ألا الجميلين
ياسر: لا هذي غير هذي القمر نفسه
خالد: أجل مبروك منك المال ومنها العيال
ناصر: مبروك ياصديقي سنشتاق اليك
ياسر: هههههه والله انك سوالف يا نصور
ناصر: اصغر عيالك تناديني نصور
ياسر: وعععع أنت اصغر عيالي ليه خبل أنا
ناصر: مالت عليك يا حضك ان جاك ولد مثلي
خالد:أوه قوموا محاضرتنا بدت
ناصر: كله من ياسر
ياسر:وأنا شدخلني
خالد: اقول كملو نجرتكم في الطريق
ودخلوا المحاضره بعد ما قعدو يترجون الدكتور
انه يدخلهم ويحظرهم ..خالد كان متوعد ياسر وناصر لأنهم أخروه عن المحاضره
بس للاسف الدكتور خلاهم يدخلون بس حط لهم غياب
........
الجزء الثامن
لا تعاند عنادك في عنادك عنادي....عطني قلبك ياقلبي حط قلبي مكانه....حس نبضه بجوفك واسمه بك ينادي....احفظه ياحبيبي وسط صدرك أمااانه.
........ ....
اليوم الموعود (يوم الملكه)
في بيت بو عبدالله
الكل كان منشغل في البيت.....الي يعدل في الاثاث والي يطبخ والبنات ويجهزون ملابسهم
.......
العصر الساعة 5
شوق: ذووووووووووووق وش ألبس
ذوق: لبسي الزيتي حلو كثير عليك
شوق: مدري محتاره بين الزيتي والاسود
ذوق: لا الزيتي احلى
ولا جوري تدخل عليهم
جوري: وش تسوون؟؟؟
شوق: الله جابك ....وش رايك من احلى الزيتي ولا الاسود
جوري: الزيتي احلى عليك
ذوق: قلت لها بس تقول محتاره
جوري: لا الزيتي احلى.. البسيه
شوق: الله والله مو مصدقه ان عبود راح يتزوج
جوري:هههههه اقول لو يسمعك بيهزئك لانك تنادينه عبود
ذوق: بيقولك كلمته المعتاده.... وهي تقلد صوت اخوها ... اصغر عيالك تناديني عبود
شوق:ههههههههههههه تصدقون حتى رهف تقول ان ود ماتطيح منها هالكلمه
جوري:من عاشر القوم اصبح منهم
ذوق: أي قوم وأي بطيخ هو زوجها اكيد بتاخذ من طبايعه
ولا يسمعون دق على الباب
شوق: من؟؟
محمد: انا حمود
شوق: ادخل الباب مفتوح
محمد: هلا بخواتي وش عندكم متجمعين
ذوق: ما عندنا شي انت من وين جاي
محمد: من عند احمد
جوري: كنت بيت عمي
محمد: ايه.... مجلس الرجال جنان والصاله
جوري:اكيد هذي ود مو أي وحده
محمد: ههههه لو تشوفون رهف تضحكون
ذوق: ليه وش فيها؟؟؟
محمد:مسكينه كارفينها وهي كلا تافف وود تقولها عشان خاطري وتسويه
شوق: ههههههههههههه خلها تنكرف اليوم ملكة اختها
........
اما في بيت بو عبد الرحمن
الكل مشغول
الخدم كلهم في المطبخ واي وحده تطلع تهزءها ام عبد الرحمن
رهف: امي بخرتوا المجلس
ام عبد الرحمن: لا روحي بخريهم
رهف: ان شاءالله
ام عبد الرحمن: رهف
رهف: هلا
ام عبد الرحمن: اذا خلصتي روحي شوفي اختك عنود
رهف: ان شاءالله
راحت رهف تبخر المجالس بعد ماخلصت راحت تدور اختها العنود
رهف : العنود
العنود: هلا
رهف: خلصتي
عنود: ايه ... اقول رهف وش رايك في هالفستان
رهف: حلو بس العنابي احلى عشانك بيضا بيطلع احلى
عنود: رايك ؟؟
رهف: ايه يالله انا بروح اساعد امي
نزلت رهف متجهه للمطبخ
في المطبخ
سمعت رهف امها تهزأ الخدم
رهف: امي شفيك عليهم؟؟؟
ام عبد الرحمن : مو عارفين يرتبون الصواني
رهف: خلاص انا ارتبها مايصير خاطرك الا طيب
عبد الرحمن: السلام عليكم
الكل: وعليكم السلام
عبد الرحمن: امي جوعان مافي شي
ام عبد الرحمن: ما لك الا كم ساعه من تغديت
عبد الرحمن: امي رجل بنتك ما سوى فيني خير يوم بغى يملك
رهف: اسكت لو يسمعك كان ذبحك
عبد الرحمن: ههههه هو بس حتى محاميته
رهف:هههههههههه انت ناوي على عمرك
عبد الرحمن: اقول رهيف وش تسوين؟؟؟
رهف: نعم شقلت ؟؟؟
عبد الرحمن: صمخه اقولك وش تسوين
رهف:لا الي قبل
عبد الرحمن: رهيف
رهف: قوم اطلع بره قوم
عبد الرحمن: تقرب منها :اسف يا الشيخه رهف ....وكان عنده كاس ماي وصبه عليها
رهف: اااااااااااه حما ر
وطلع من المطبخ وهي وراه تبغى تكب عليه ماي
طلع بره وتوها بتكب الماي الا وخر وانكب على الي كان وراه
عبد الرحمن:اووه سامحنا يا ولد العم
رهف تفشلت من الي صار ومن ورى الباب: سامحني يا ولد عمي هذا كله من دحوم العله
ياسر: لا عادي ما صار شي الا هو ماي بعدين انا بروح ابدل
رهف من الفشله راحت عند امها
ياسر في خاطره جلسي لا تروحين انا جاي عشانك
عبد الرحمن: ياسر... قرب من إذنه وصرخ
.يـــــــــــــاســــــــــــر
ياسر: نعم وش تبغى ما يكفيك انك كبيت على ثوبي ماي والحين تصارخ في اذني
عبد الرحمن: بل عليك كل هذا عشان انكب على ثوبك ماي وبعدين مو انا الي كبيت عليك رهوف هي الي كبته
ياسر: ما انت اكيد مجننها
عبد الرحمن: ماجننتها ولا شي بس كبيت عليها ماي
ياسر:نعم وش قلت؟؟؟؟
عبد الرحمن: وش فيك اصمخيت اقول لك كبيت عليها ماي
ياسر: اقول عبد الرحمن
عبد الرحمن: نعم
ياسر:ممكن تجيبلي ماي
عبد الرحمن: مممممم افكر
ياسر: يالله لا ادوس بطنك
عبد الرحمن: زين
راح عبد الرحمن يجيب لياسر الماي
عبد الرحمن: تفضل
ياسر: مشكور .... ويصب عليه الماي... هذي عشان رهف.. باي
وراح عنه وخلى عبد الرحمن ميت من القهر
عبد الرحمن: اوريك يا زفت اذا ما رديتها لك
ودخل البيت وهو يتحلطم
رهف: اخوي استخف .....وش شفيك يا الخبل وش في ثوبك كله ماي
عبد الرحمن: ولد عمك الزفت قالي اروح اجيبله ماي ويوم جبتله كبه علي ويقول ... وهو يقلد ياسر هذي عشان رهف
رهف:هههههههههههههه تستاهل
عبد الرحمن: طسي عن وجهي لااحط حرتي فيك
بنات اخر زمن
رهف وهي تقلد اخوها : بنات اخر زمن وش فيهم البنات على الاقل احسن من الاولاد يا الدب
عبد الرحمن: رهوف طسي عن وجهي لان ولد عمك فوربي
رهف:هههههههههههههههه انا بروح احسن من القعده وياك
.......
عند المغرب
شوق: جوري وش رايك؟؟؟؟
جوري: حلو بس تعالي احطلك مكياج
ذوق: انا بعدها
ولا يدخل عليهم عبد الله
عبدالله: انتوا ماخلصتوا
جوري: لا ما بعد.. وبعدين تو الناس توها 6
عبد الله: احلفي انتي اجل متى تبون تروحون حضرتكم
ذوق: وش فيك انت تو الناس
عبد الله: يقولون تو الناس مو صاحيين انتوا
شوق فولت منه: بسك رجيتنا ما صارت ملكه ...اجل في الزواج انت وش بتسوي فينا
........
نرجع لياسر الي راح يبدل ثوبه
ياسر.... اااااااااه يابنت عمي يوم عن يوم تخليني احبك زياده ههههههههه والله انها جنان وهي تراكض ورى اخوها
ولا يقطع تفكيره صوت سميه
سميه:ياسر وين كنت؟؟؟
ياسر: كنت مع عمي
سميه: وش في ثوبك كله ماي؟؟؟؟
ياسر:هههههه رهف كابه علي ماي
سميه وهي مستغربه: وش جيب رهف لك
ياسر: كانت تركض ورى اخوها تبغى تكب عليه ماي جا علي
سميه: مممم اجل روح بدل
ياسر: وين امي؟؟؟
سميه: موجوده في غرفتها
ياسر: اجل بروح ابدل .... سميه ممكن تسوين لي شي اكله
سميه: ان شاء الله
........
الساعه 8 المعازيم بدو يحظرون وبيت بو عبدالرحمن انترس من الحريم والرجال
في بيت العم محمد
رهف: ود وش رايك في الوردي
ود: جنان عليك اخاف يضنون انتي العروس مو انا
رهف: هههههه ..... بصدق عمري
ود: من حقك يا حرم ذياب مستقبلا
رهف:هههههه
ود: لا اليوم راح تنخطبين
رهف: ود خلاص
ود: هههههههههههه
وسمعو دق على الباب
ود: من؟؟؟؟؟؟
جوري: هلا بالعروس ممكن ادخل؟؟؟؟
رهف:لا ممنوع خوات المعرس يدخلون
جوري: الله رهوف وش هالكشخه بتغطين على العروس... بس لا تصدقي عمرك
ود: هههههههههههه
رهف:اكيد بصدق عمري
جوري:ههههههههه يا الله متى بتنزلين كل المعازيم جو
رهف: اجل خلينا روح نساعد امي
ود: لا حرام عليكم لا تخلوني لحالي
رهف:هههههههه خلاص انا بروح وجوري تجلس عندك
ود وهي تطالع جوري : يا****************ه اجلسي معي
جوري: اوكيك
....
يوم نزلت رهف سلمت على المعازيم يوم وصلت لمرت عمها طارق
ام ياسر: هلا ... هلا رهف اخبارك؟؟
رهف وهي مو مستوعبه: ها ... الحمد الله تمام انتي اخبارك؟؟
ام ياسر: الحمدلله
رهف: خالتي عن اذنك بروح اساعد امي
ام ياسر: خذي راحتك حبيبتي
وراحت رهف للمطبخ وشافت زياد ورجعت عشان تلبس جلال
رهف: السلام عليكم
زياد: بسم الله ....من وين طلعتي لي
رهف: من تحت الارض ....منين بعد من الباب .... بعدين سلم اول
زياد:ههههههههه سوري وعليكم السلام
رهف: امر بغيت شي
زياد: جيت اشرب ماي اخوانك قلت لهم قالوا روح انت محنا فاضين لك
رهف: ههههه شوف الكيسان في الدولاب الي جنبك
زياد: مشكوره
رهف: العفوا
وطلع زياد وهي راحت الصاله تدور امها
شوق: واااااااو رهوووف تجننين
رهف: بدون ماتقولين ........اقول قومي خليني اشوفك
شوق قامت وبكل غرور وحركت شعرها
سلامه و ذوق: ههههههههههههههه اموت على الغرور
شوق:احم عارفه انكم مقهورين لاني اجمل منكم
سميه: وععع حنا نقتهر منك اخر شي نفكر فيه
سلمى:خلوها من حقها
سلامه: اوه حرم مروان من قدك
شوق : على بالك بستحي ... ترى وجهي مغسول بمرق
الكل:ههههههههههههههههههههههههههه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك