رواية وطال انتظاري -8
راشد وعى وحس ان كلام عبد الرحمن عين العقل،، وهو ما يدري ليه حن للماضي بعد ما التقى بجواهريرد بذاكرته لزمان ليوم ماكانوا صغار
كانوا جيران... يسكنون بحي واحد وبعماره وحده
وكبروا جواهر و راشد وهم يلتقون بكل يوم ..
راشد حبها من صغره وصارحها من يوم هو صغير،، لكن جواهر ما كانت تحبه لذاك الزود ولا تعرف من الحب الا اسم فقالت ايوه انا احبك زي ماهو قال لها ويوم كبرت لقت انها ما عندها أي مشاعر تجاه هذا الانسان ولا هي تعترف بشي اسمه حب ولا تفكر فيه من بعد ما كان راشد يحبها ومتعلق فيها
سايرته ومع الايام ما قدرت تسياره ولا عرفت تمثل
وهذاك اليوم
جواهر راجعه من المدرسه راشد يوصل قبلها وجالس بحديقة العماره
دخلت العمارة وكان معها واحد طويل يشبه اخوها خالد كانت تضحك معه وما اعطت اهتمام لوجود راشد وكنها ما شافته وركبوا الاثنين فوق
طبعا اللي كان معها خال اخوها خالد جاي لخالد يزوره ولقى بطريقه جواهر تمشي راجعه من المدرسه ووصلها
راشد لحظتها ما كان مصدق اللي يشوفه بعينه وبيوم ثاني التقى بجواهر وهي راجعه من المدرسه في حديقة العماره
طبعا جواهر كانت ماشيه على طول بتدخل حتى ماراح تسلم على راشد بس راشد تداركها
راشد:جواهر
جواهر من غير ما تلتفت:نعم..
راشد:وش فيك جواهر انتي مهب طبيعيه ممكن نتكلم شوي..
جواهر تلتفت له:لا مهب ممكن
راشد:ليه؟؟
جواهر:ياخي انت ما تفهم انا ما احبك ولا ابيك ليه يعني تبيني اقولها لك ليه ما فهمت من البداية
راشد هنا حس انه راح يموت ومنصدم من حكي جواهر
راشد مستغرب:جواهر انتي وش تقولين؟؟
جواهر:اظنك سمعت وماله داعي اكرر الحكي كل شويه
راشد:بس انا احبك يا جواهر
جواهر:وانا ما احبك ولا ابيك ولا بعمري اصلا حبيتك،، انا احب
راشد والدموع بعينه بنبره حزينه قاطعها:عرفت منهو تحبين خلاص ماله داعي تكملين وانا آسف لاني حبيتك وانا اسف لان يمكن بيوم ضايقتك
جواهر حست انها شوي قست عليه:راشد
راشد بنبره مخنوقه بعبره:خلاص انا عرفت كل شي ماله داعي تتعبين نفسك وتفهميني وراح احاول انساك وانسى سنين عمري اللي قضيتها بحبك
بوداعة الله بعد اللي عرفته خانتني دموعي
بوداعة الله قبل ما ترحلي طفيلي شموعي
محبتك ذابت بقلبي وعشقك ذاب بضلوعي
طلبت قلب(ن) ما به مذله طلبته ما به خضوعي
دامك طلبتين الفراق هذا قرار(ن) ما منه رجوعي
بوداعة الله يا حبيبتي انا ماضي بجروحي
ماضي بحسرتي وآهاتي ماضي انا بنوحي
ريوف وهي تبكي:وهذا اللي صار باختصار
جواهر:مدري ايش اقولك يا بعدي ولكن لا تضايقي نفسك واللي صار ما يستاهل ضيقك
ريوف:حاقده على رائد بشكل ما تتصورينه
جواهر تمسح دموع ريوف:بس حبيبتي بس هذا ما يستاهل دموعك الغاليه بس اشرحيلي ايش تبين؟؟
ريوف: ما ابي اتكلم خلاص انتي مهب فاهمتني
جواهر:وش مهب فاهمتك يالغلا الا فاهمتك ونص يعني وش تبين!!! تبين تنتقمين حق نفسك
ريوف بتردد:ايوه
جواهر تغمز:اوكي ولا يهمك يا قلبي انا اعلمك ايش تسوين خطوة بخطوة،، بشرط
ريوف:ايش هو شرطك؟
جواهر:بعطيك رقم وابي منك خدمه ماراح انساها خذي الرقم سجليه بموبايلك
ريوف بستغراب:رقم منو؟
جواهر:خذي انتي اول **********
سجلت ريوف الرقم بموبايلها:طيب رقم منو هذا
جواهر:دقي عليه اسمعي الصوت وقفلي
ريوف:جواهر منو؟؟
جواهر بعصبيه:ريوف دقي وراح تعرفين
ريوف:طيب
دقت ريوف ورد عليها صوت رجولي ...
قفلت بسرعها وقلبها يضرب...
ريوف بخوف:جـ جواهر هذا رقم منو؟
جواهر ببتسامة خبث:رقم اخوي خالد
ريوف فاتحه عينها:خالد اخوك يالمجنونه وليه معطيتني رقمه ووش تبين؟؟
جواهر:مثل ماتبيني اساعدك راح تساعديني بشي بسيط يا حبيبتي
ريوف:اش بسيطه انتي الثانية؟ لا لا جواهر انا تراجعت
جواهر وهي رافعه حاجب وببتسامة خبث:اوكي،، بس راح تندمين لان رائد ضرك وانتي سكتي عن حقك وبكره بتجيني متندمه وراح تشوفين
ريوف:كيف؟
جواهر:ماهقيتها منك طلعتي ضعيفه يا ريوف واللي عرفته عنك قوية وتردين للي يضرك مره ... بعشره
ريوف تفكر بكلام جواهر:بس
جواهر:بس الفرصه قبالك وانتي اللي رفضتيها ع العموم انا طالعه،،، بكره تزوجي رائد يا عروسه ههههههه
ريوف:لا انا ماراح اتزوج رائد
جواهر تبي تستدرج ريوف:الا كلامك وتراجعك يقول كذا انك استسلمتي خلاص للأمر الواقع
ريوف صارت تفكر بكلام جواهر وصارت تقول حكي يخلي ريوف ما تقدر وتقول انا راح اعمل اللي قلتي عليه...
ريوف:طيب وش تبيني اعمل بالرقم؟؟
جواهر:وصلنا عند المهم ابيك تكلمين اخوي خالد ولا تحسسينه انك تعرفينه يعني غلطانه بالرقم او كذا افهميها يالحلوة طيب
ريوف:طيب وبعدين
جواهر:انا بكون معك على اتصال بالنت واعلمك خطوه بخطوه واقولك متى تدقي وافهمك على كل الامور اوكي
ريوف:طيب وسالفة رائد
جواهر:برضو اتركيها علي وانا بفكر لك فيها شويات ومعليش.. طيب
ريوف:طيب
جواهر:انا اخليك هالحين طالعه تأخرت على البيت
ريوف:لا اجلسي معي شويه
جواهر:معليش يا قلبي مره ثانية تصبحين على خير
ريوف:وانتي من اهله..
-----
صباح اليوم الثاني
جلست من النوم تحس براحه قامت وتحدت الالم وقفت وتحركت بشويش وفتحت باب غرفتها
ابتسمت بسعادة واخيرا بدت تتحرك بصورة طبيعيه
سمر تصرخ:ماعاد في تدريبات بعد هاليوم
تجي امها تلقاها واقفه عند الباب وتضمها وتبكي معاها
ام محمد:الحمدلله الحمدلله... محمد يا محمد تعال تعال
يطلع محمد من غرفته يلقى سمر واقفه على رجلينها وتتحرك يروح عندها
يمسكها..
محمد:وين يالغالية تبين تروحين اليوم باخذك أي مكان ... نفسك في البحر نفسك في ايش انتي اختاري وراح اوصلك
كان محمد اكثر واحد سعيد خصوصا انه مجرب معاناة الاعاقة وما يبي اخته تعيش هالمأساه هذي
-----
بو عبد الرحمن و راشد بالمطار يودعون عبد الرحمن...
راشد يضم عبد الرحمن ودموعه تبلل خدوده:تروح وترد بالسلامة ... انتبه لنفسك عبوودي زين....
عبد الرحمن والعبره بعيونه:ان شاء الله
------
جواهر ما قدرت تنام طول الليل تخطط
ومن الصباح دقت على ريوف
جواهر:.... ما ترد وش هذي اللي طول حياتها نوم
تتصل جواهر كل شوية
حد يضرب الباب على غرفتها
جواهر:منوو؟؟؟؟؟
.........:انا امك ما تبين فطور؟؟
جواهر:اوكي بجي بعد شويه
مصره جواهر تتصل حق ريوف وتلقنها ايش تسوي خطوه بخطوه
جواهر:هلا بالحلوة ريوف صباح الخير
ريوف:صباح السرور
جواهر:زين انك صحيتي ما ورى عليك...
ريوف:شدعوه
جواهر:شلونك اليوم
ريوف:احسن عن امس
جواهر:الحمد لله
ريوف:انتي اخبارك؟؟
جواهر:تمام الله يسلمك
ريوف:اخبار سعود وشقاوته اشتقتله
جواهر:ومازال على حطت يد
ريوف:ههههههه يا قلبي سعود
جواهر:لا تحطين عينك عليه تراه محجوز
ريوف:هههه شدعوه محجوز حق منو؟
جواهر:ما نعلم.،، هيه انتي انا متصله بقولك شي ونسيتيني السالفه
ريوف:خيــــــــــــــــــر
-----
صحا رائد من النوم
وتغسل وتوضأ وصلى
وطلع من بيتهم راح الحلاق حلق ورجع خذله دش ..
طلع من غرفته نزل يفطر لقى ريوف تفطر
جلس اقبالها وهو يراقب ردة فعلها ولقاها تبتسم له
هنا هو ماقدر يمسك نفسه ورد لها الابتسامة ببتسامة اكبر:صباح الخير
ريوف وهي مبتسمة:صباح النور والسرور
رائد وهو مستانس:والورد والزهور عليك
تدخل امه...
رائد:يمه صباح الخير
ام راشد:صباح النور،، اخبارك اليوم؟؟
رائد وهو يطالع ريوف:تمام وعالي العال ورايق ع الآخر
ام راشد:ان شاء الله دوم...
يجي بو راشد ...
....
الكل خلص فطوره وطلع بو راشد للشركته وام راشد طلعت من غرفة الاكل
ريوف ابتسمت لرائد وطلعت للحديقه
وثواني ورائد لاحقها
وعشر دقايق بس تبادل ابتسامات
تمشوا عند البركه بعدين طلعوا يتمشون قريب السور
وكل هذا وهم ساكتين وبس يتبادلون الابتسامات
طلعوا عند الحشيش الاخضر وجلسوا
رائد:اليوم مره حلو
ريوف:ايوه
لحظات صمت طويـــــــــــــــــــــــــــــــــــــــــله
تنهد رائد يحس ان هذي اللحظات اللي هو جالس فيها مع ريوف ما راح تتكرر من عمره
يحبها بكل اخلاص ويبيها،، لكن يخاف ان الظروف اللي جت له تبعده عنها
ليــــــــــه يا ريوف انا حبيتك ليــــــــــــــــــــــــــــــــــه؟؟
ياريت القى اجابة تريح قلبي
ريوف تبتسم لرائد حس رائد وكنها قرت الكلام اللي بخاطره من عيونه
ريوف:تعال اقترب لحظة
اقترب رائد ..
همست بأذنه:أحبك
------
رائد مهب بمصدق ان ريوف اللي قالت له هالحكي
رائد:والله ريوف تحبيني؟؟؟
ريوف تعمل نفسها مستحيه:ايوه
رائد:انا يا ريوف انا احبك كمان،، وما تصورت انك بيوم بتجين لي وبتقولين لي انك تحبيني وربي احس نفسي بحلم مهب قادر اصحى منه
رائد:قولي لي والله قولي لي
ريوف:لازم يعني اقولك ولا ما تصدق
رائد:الا يا قلبي مصدقك... مصدقك وربي
-----
سمر ومحمد بالسيارة...
محمد:وين تحبين آخذك؟؟!
سمر:اللي يريحك....
محمد:سمر
سمر:نعم
محمد:انتي تغيرتي كثيـــــــــــــــــــــــر،، ...
سمر:صج!! انا ما لا حظت..
محمد:ابيك تردين حق شخصيتك اول ... سمر الفرفوشه الحلوة الضحوكه المزوحه الشقيه حتى احس انك بجد اختي مش وحده ثانية
سمر:.........
محمد:وش فيك ساكته؟؟
سمر:اظن انك عارف الاجابة
محمد:يا سمر يا حبيبتي اللي صارلك صار لمليون قبلك،، لا انتي اول ولا بنت يصير لها حادث وتفقد فيه عزيز وهذي الحياة وش نسوي يعني ؟؟؟ بنظل كذا
سمر:............
محمد:يلا ابي ابتسامة يلا...
سمر ببتسامة:حموود
محمد:هلا
سمر:صج الصفات اللي قلتهم قبل شوية كانوا كلهم فيني؟؟؟؟
محمد يبي يغيضها:لا
سمر:اجل بذبحك
محمد:هههههههههههههههههههههههههههههههه ورجعت لنا سمووورة
-------
في مكتب بو محمد:
السكرتير:في واحد يبي يدخل....
بو محمد:منو؟
السكرتير:عبد الرحمن المحامي
بو محمد:خل يتفضل شدعوه موقفه برى
السكرتير:حاضر
طلع السكرتير وثواني جا بو عبد الرحمن
بو عبد الرحمن:السلام عليكم
بو محمد يقوم من مكتبه يسلم على بو عبد الرحمن:وعليكم السلام وينك ما تنشاف يا رجال....
بو عبد الرحمن:الله يحييك والله اشغال الدنيا يبو محمد والولد تو مسافر يدرس برى
بو محمد:عبد الرحمن؟؟
بو عبد الرحمن:ايووه
بو محمد:الحمدلله الحمد لله يومنه راح يكمل دراسته
بو عبد الرحمن:الحمدلله
بو محمد:ووين؟؟؟
بو عبد الرحمن:ببريطانيا
----
ريوف بغرفتها تكلم جواهر..
ريوف:وهذا كل اللي صار...
جواهر:كذا كويس مثل اللي خططت له بالضبط انتي بكذا ماشيه تمام هالحين يلا بدينا شغلي شبكي نت بسرعه
ريوف:طيب...
جواهر:يلا مع السلامة اشوفك ع الماسن
ريوف:اوكي....
قفلت جواهر ودقايق الثنتين تلاقوا بالنت...
حنين الشوق "جواهر":هلا
ذكريات ماضي "ريوف":اهلين
حنين الشوق:ابيك تدقين على رقم اخوي خالد هالحين وانا بكتب لك وش تقولين خطوة بخطــــــــــوة..
ذكريات ماضي:طيب
....
خذت ريوف نفس عميـــــــــــــــــــــــــــــــــــــــــــــــ ـــــــــــــــــــــــــــــــــــــــق ودقت ع الرقم
ريوف:...
خالد:الوو مرحبا
ريوف بخوف:اأامرحبتيــــــــــــــن
خالد:من معي؟
ريوف:ريم انت سعد صح؟
خالد:لا انا مش سعد
ريوف:اوووه اجل منو الحلو؟؟
خالد:.....
ريوف:الوو
خالد:خالد
ريوف:احلى الاسامي،، صوت حلو واعتقد شكلك احلى
خالد:...!!!!!
ريوف:وش فيك ساكت؟؟
خالد:ايش اقول؟؟
ريوف:مممممم كم عمرك؟؟
خالد:ليه تسألين؟!! ...
ريوف:كذا بس جاوبني يلا
خالد متردد ومستغرب من جرأة البنت اللي اسمها ريم
خالد:27 سنه
ريم:العمر كله
خالد:وانتي؟؟
ريم:يهمك تعرف كم عمري
خالد:.................
ريم:اللي اعرفه السكوت علامة القناعه والرضا ولا انت تعرف شي ثاني
خالد:انا اللي اعرفه انك جريئة كثير
ريم:لا بالعكس احساسك خاطئ،، انا خجوله موووت ويا دوب اتكلم كلمتين على بعضهم بس انت ((ترص على شفايفها))
...
ذكريات ماضي:اسمحيلي مقدر اقولها لساني ما يطيعني
حنين الشوق:ريوف والآخير معك قلتلك تقولينها يعني تقولينها :@
ذكريات ماضي:طيب طيب
ذكريات ماضي:ولا تعصبين يا الحبيبه ان شاء الله من عيوني انا كم جواهر عندي
حنين الشوق:يلا بسرعه
...
خالد:انا ايش؟
ريم:انا اترحتلك من بذ هالكون كله
يضحك خالد
ريم:وش فيك تضحك؟
خالد:وشلون ترتاحين حق شخص ما تعرفينه
ريم:الا انا اتبع حدسي وحدسي يقول انك يا خالد غيــــــــــــر غير غير
خالد تنهد
ريم:وش فيك تنهدت؟
خالد:تذكرت همومي
ريم:شدعوه انت المفروض مثلك ما يكون مهموم ويكون باله مرتاح بالحيل
خالد:وين الاقي راحة البال بهالدنيا؟
ريم:معي ان شاء الله
خالد سكت يبي يغير الموضوع:الا ما قلتي لي كم عمرك؟؟
ريم:20 سنه
خالد:صغيره
ريم:ليه باين على صوتي اكبر؟
خالد:نسبياً
ريم:"الله يرج بليسه ما يجامل" بس انا صوتي حلو
خالد:وانا شايف غير كذا
ريوف ودها تذبحه على هالغرور
ريم:تسمع؟؟
خالد:اوكي مو مشكله
ريوف قالت موال تردده دايـــــــــــــــــــــــــم وتخبل خالد على صوتها
خالد:معقوله هذا صوتك اللي تو تكلميني فيه
ريم:ليه مش مصدق؟؟
خالد:بالصراحه ايوه من وين طلع هالصوت؟؟
ريم:من حنجرتي يعني من وين..
خالد:ما شاء الله،، ما عندك شي ثاني تقولينه
ريم:عجبتك السالفه؟
خالد:ايوه
ريم:ليه؟
خالد:كذا مزاج
ريوف :"اووف جامد كثير"
ريم:اسفه اخليك هالحين اتصل لي بعد 10 دقايق انا انتظر منك اتصال اوكي
خالد رافع حاجب:مع السلامة
ريوف قفلت الخط وخذت نفس وتنهدت
-----
بو عبد الرحمن وهو واقف:اليوم بالليل ان شاء الله انا عندك
بو محمد:حياك البيت بيتك
بو عبد الرحمن:فمان الله
بو محمد:فمان الكريم
طلع بو عبد الرحمن من مكتب بو محمد
اتصل بو محمد حق ام محمد
بو محمد:مرحبا
ام محمد:هلا والله
بو محمد:الليله عندنا ضيف بالبيت صلحي عشى راهي
ام محمد:ان شاء الله من عيوني انا كم بو محمد عندي
-------
رائد بغرفة راشد
رائد:خلاص يا خوي بسك بكا الولد راح وبعد كم شهر ان شاء الله بيرد
راشد بصوت مبحوح من البكا:انا ما تعودت عبد الرحمن يبتعد عني انت تعرفه صديقي من متى
رائد يبتسم:وانا اذا سافرت بتبكي كذا لو اقل؟؟ اعرف انا مش عزيز وغالي بقدر عبوود
راشد يبتسم ويضرب رائد:اش تقول انت يالمجنون ولا تنسى انك اخوي الوحيد اللي تربينا وكبرنا مع بعض ودمنا واحد ولحمنا واحد
رائد:وين راح فيصل؟؟
راشد:هههههههههههههههههههه منسي هالاخو
رائد:يعني تحبني انا اكثر لو عبود حبيبك؟
راشد ياخذ راس رائد ويضربه بالمخده:وتغار وتغار كمان.... صفه جديده بنسجلها بدفتر صفاتك غيور و محب هيمان
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك