رواية اخوه يعيشون في صراع مع الزمن -21
ملاك : هــــلا والله تـــروك تو مانور المدرسهتركي وهو يجلس ع كرسي : هههههه بنورك
ملاك : وش عندك اليوم جاي بدري
تركي : مو اليوووم محاظرة نيكول اكيد بجي بدري *_^
ملاك : ههههه صج ماتستحي وهذا متزوج بعد ومسووي فيها هايم
تركي : ايوا هايم فيها واحبها وماشوف بالدنيا غيرها مو مصدقه يعني ..!!
ملاك : هايم فيها بحــاول افكر اني اصدق بس إنك ماتشوف غيرها مسستحيل اصدق
تركي : والله مو مجبور اوضح لك
ملاك : توضح لي في ايش ..!؟
تركي : قلت لك مو مجبور ؟
ملاك : تروك يلا عاد قولي
تركي : وبتصدقين اذا قلت لك ؟
ملاك : اممم اذا شيء يُصدق بصدق
تركي : اجل ذلفي ومانيب قايل شيء
كان ودها تعرف بس فضلت السكوت لانها تعرف تركي لو حب يقول بـ قول ..
// // //
فــي الكويت ..
اسيل جالسه ع الكرسي المتحرك وبسيل من وراء يدفها ..
اسيل : بسيل متى بنطلع من بيت خالي احس فشله والله
بسيل : مدري يمكن فراس يأجر لنا شقــه على مايخلص بيتنا
اسيل : امممم تيب بسيل خاطري في شيء
بسيل وهو يوقفها ويروح قبالها : أمري تدللي
اسيل : اممم هو يعني مو أكل بس بصراحه انا مابي اكمل دراستي خلاص بطلع
بسيل : وبتجلسين كذا لا شغل ولا دراسه
اسيل : ايوا عادي
بسيل : اسيل لا تنسين انك تعتبرين مطلقه
اسيل : وطيب اذا مطلقه عادي يعني بموت ..!؟
بسيل : لا بسم الله علييك بس مايصير لازم تكملين مو مشكله هالسنه لا تدرسين بس اللي بعدها درسي
اسيل : لا والله وانت شايفني صغيره السنه اللي بعدها بدخل 21
بسيل : بس اسيل والله مو حلووه كذا تجلسين بدون دراسه ابد مو حلوه بحقك
اسيل : انا عارفه انك تقصد اني مطلقه ويمكن ماحد يخطبني وبـ كذا ماراح يكون عندي مستقبل بس عادي انا راضيه
بسيل : لا تزعلين مني بس ترى الدنيا مالها أمــان اليوم احنا معاك بكره يمكن ماتشوفين ولا احد منا
اسيل : وجـــع لا تخووفني
بسيل : هههههه ماخوفك بس هذا الصج
اسيل : طيب بشوف برتاااح هذي السنه وللي بعدها بقرر
بسيل : طيب مو كأن قلتي تبين تقصين شعرك ؟
اسيل : ايييي بس اصبر لما افتك من هالجبس شايفني مو قادره امشي
ابتسم ونـــزل راسه وهو يفكر بـ كلام الدكتور " يمــــكن اسيل ماتقدر تمشي " ..
// // //
فــــي الأمارات ..
جالسه مع خالتها اللي أكبر منها بـ سنه ..
ريما : يعني الحين انتي في ثالث ثانوي ؟
ساره : ايوا
ريما : طيب راح تكملين هنا ؟
ساره : والله مدري ودي اكمل بالسعوديه احس دراستكم صعبه
ريما : لا عادي مب صعــبه مثل دراستكم يمكن مب تتعودين في البدايه بس بالاخير بـ تعشقين دراستنا
ساره : مدررري مرره حايره طيب الحين انتي وين تدرسين ؟
ريما : بالجامعه سنه أولى
ساره : اي تخصص ؟؟
ريما : علم النفس
ساره : ازززززززقح ياللي بتعالج مجانين
ريما : سوير عيب عليج تقولين مجانين
ساره : وش قلت ؟
ريما : مو اي واحد يتعالج مجنـــــون بس اخلص اول وحده بعالجها انتي
ساره : وهـ بسسسم الله علي مافيني شيء توف علي
ريما : هههههههه ياهبله انا اقصد يعني افهم اللي تبينه مادري بعدين اشرح لج
ساره : اصلا من طلب منك تشرحين
ريما : قومــي بس عني
ساره : ههههههههه ريما شرحي لي عن حياتكم احس مو متقبله ابد
ريما : يابعد عمري سوير ان شاء الله مع الايام بتتعودين
ساره : اقول ريموو تسوقين سياره ؟؟
ريما : ايوا ليش ؟
ساره : ياخبله نسيتي اني سعوديه
ريما : واذا ؟
ساره : يالله كيف افهمها ذي وتقول بعد بتدرس علم النفس
ريما : هههههههههههه طيب فهميني يعني شالمطلوب ؟
ساره : يعني الله يخليييك ابي اسووق
ريما : ايي قولي جذي من قبل
ساره : جذي ..!؟
ريما : احسسن من كذا
ساره : ههههههههههه يالله كيف بتعوود انا على لهجتكم
ريما : ان شاء الله مع الايام بتتعودين انا تعلم سعودي وانتي امارتي ..
// // //
فـــي أمريكـــآ ..
صحى من النوم قبل مســـاعد كالعاده ..
دخل اميله وكان متوقـــع يشووف رساله من وسن مثل ماتعوود ترسله وهو يسافها ..
بس اليـــــوم ماشاف رســــاله .. استغرب اشوي بس مــاخذ وقت يفكـــر ..
شاف اختــــه شابكه وجلـــس يسووولف معاها خــذ نص ساعه وهو يســولف معاها
رفع يــده يشوف الســـاعه .. شاف العقرب تشير الى " 7:23 صـ "
استأذن أختـــــه وقـــام يصحي مســـاعد ..
: سعوود يلا قوم
مساعد وهو مغض عيونه : سعوود بعينك
خالد : ههههههههههههه قووم طيب
رفــع نفسه وهو ينتهد : ياادوب وانت دايم كذا تصحى قبلــي
خالد : ماحب انام كثير المهم انا الحين بمشي الجامعه بسبقك ولا تتأخر
مساعد : ههههههههههههههه تعال يالغبي نسيت ان اليوم مافي محاظره
خالد وهو يضرب جبهته : اووفف كيف نسيت ماشاء الله علي صاحي من نص ساعه
مساعد : هههههههههه
خالد وهو يفسخ اللبلوزه اللي لابسها : أجــل ارجع أنــام احسن
مساعد : لا تنام ودي اسووولف لك اشوي
خالد : طييب أمــر
مساعد : لا نروح نفطــر في مكاااان و نسولف هناك
خالد : أوكــي يلا ..
لبس خالد بلوزته .. وقــام مساعد يغسل وجهه ويلبــــس ..
أخـــذ له جينز أســـود وتي شـــرت مخطط بالرصاصي والأســود مع جــاكيت جلدي اسـود ..
فـــي أحدى الكفيـــــآ’ت ..
شرب نسكافيه اشوي ورجعه ع الطـــاوله : لمى طلعت اخت ليان ..!!
خالد : ليان منو ؟
مساعد : ليان زوجة ابوي الله يرحمه اللي كبري
خالد : الله وش هالصدفه الحلوه
مساعد : من قال إنها صدفه حلوه ..!!؟
خالد : أنت *_^ لو هالشيء ماكان يهمك كان ماقلت لي وانا اعرفك ماتقولي شيء الا اللي يهمك
مساعد : مو انا تهمني ليان مو لمـــــى ..!!؟
خالد : ياخبل ليان ماتقدر تتزوجها
مساعد بعصبيه هادئه : غبـــي غبــــي والله غبي اكب علييييك هذا الحين على وجهك
خالد بـ براءه : وش سويت
مساعد : الحين مع وجهك يعني اي بنت تهمني يعني بتــزوجها افهم ليان زوجة ابوي الله يرحمــــه واكيد بتهمني
خالد : هههههههههههههههههه ايي فهمتك فهمتك شسوي ياخوي فكري وسخ ، المهم أنــا مافهمتك
مساعد : مو انت يبي لك تخطيط وشــــرح وإن شاء الله بعد تفهم
خالد : مو أنت يبي لك مترجـــــم علشان الواحد يفهم
مساعد : طيب طيب ليان زوجـــة ابوي وعشت معاها تقريبا سنه ماشفت منها اي شيء غلط قايمه بواجبها وكافه الشر عنها أما لمى انت عارفها يعني
أنـــواع الغلط فيها ويعني انا استغربت يوم عرفت انهم خوات
خالد : شوف مساعد مـــافي اختين زي بعض اكيد بــكون أختـــلاف بينهم كبير وحــده مصليه مسميه والثانيه ولا شيء وثانيا انت ماخذ فكره عن لمى إنها
تكـــلم شبـــاب وحتى لو كان تكلم فتــــرة مراهقه وخلصت
مساعد : ماتفهم اني كنت اكلمها خمس شهور واني تعرفت عليها من ضاري ولد عمي
خالد : عدت لي هالسالفه مليوون مره وقالت لك لمى مليوون مرره إنها بعدت عن هالطريق وان ظروفها هي اللي اجبرتها تلقى الحنان من الغير
مساعد : أي ظروف يرحم امك اللي تحد البنت تسولف مع شباب اسكت واللي يعافيك مابي اضيع وقتي علشانها
خالد : وانت مستحقرها المسكينه حرام عليك والله
مساعد : خلنا منها تدري عقب وفــــاة ابوي تفارقنا
خالد : انت ومنوو ؟
مساعد : كلنا اخواني وخواتي كلنا تفارقنا
خالد : إيششش كيف يعني مافهمت ...!
مساعد : عندي زوجـــة ابوي ام فراس من الكويت سافرت وراحت الكويت مع عيالها وامي امارتيه وراحت الامارات وخالي ام بدر في السعوديه
خالد : لاحول ولا قـــوة الا بالله
مساعد : مرره مضاااايق والله من هالشيء الكل خــذ ورثــه وراح والبيت اللي جمعنا بعناه ماعاد في شيء يربط بينا غير الاسم
خالد : وطيب ماراح تشوفون بعض
مساعد : الحين انا صار لي خمس شهور ماشفتهم ولا كلمتهم ولا ادري شنو اخبارهم تقريبا بس امي وساره اللي كلمتهم
خالد : وش معنى ساره ..!
مساعد : علشانها هي الوحيده اللي اختي من امي وابوي وتركي
خالد : والله مدري وش اقووولك يامساعد بس حتى لو انكم بعاد عن بعض المفروووض تسأل عنهم واذا بتنزل الامارات انزل قبل السعوديه والكويت بعدها روح بسيارتك ع الامارات
مساعد : مدري انا ماراح أنــــزل الا بعد خمس شهور يصير خير في هذا الوقت ..
// // //
لمى : طيب من جدك بتعطييييين فهد ورثك كـله
ليان بقلة حيله : وش اسوي يالمو اخوك جبار وبعدين انا عندي عماره ان شاء الله راح نسكن فيها انا وانتي ونخلي فهد
لمى : جـــــد لينووووو عندك عماره وبنسكن فيها هذا احسن شــــيء بنفتك يعني منــه هو و زوجتـــه
فتـــح الباب بســـــرعه : بتفتكييييين من منووو ياكلبه
خافت لمى وراحت عند اختها ليان اللي قالت بخوف : مو قصـــدها مو قصدها
ليلى " زوجة فهد " لا تكذبين انا سامعتها تقووول بفتك منه هو و زوجته وبعدين بسرعه الحين بنروح المحكمه تكتبين العماره بس اخوك
فهد : اييي يلا قووومي بسرعه
لمى وهي تصيح وتصارخ: لا عااااااااااااااد حرااااام علييييك مو كذاا يكفي الورث اللي اخذته منها ماخليت لها شيء خل لنا هذي العمااااره بسسس
فهد وهو يسحب شعر لمى : انتي مــــــــــالك شغـــــــــــــل
ليان واهي تمسك يده : بسس خلالالاص فكهااا بكتب العمااااره باااسمك بس الله يخليييك فكها ..
// // //
فـــي الكويت ...
فداء : مو انت تبي هذي الفرصه اللي تروح فيها عند خواتي هذي فرصتك جات
فيصل : تتوقعين امي توافق طيب ..؟
فداء : اييي ليش ماتوافق انا بصراحه اخاف اروح السعوديه الحالي وسامي يقول عنده شغل مايقدر يجيني
فيصل : طيب بسس بعد ابي اروح لاماااارات اشوووف تركي ابي اعرف اخبااااره تدريين خمس شهور ماكلمته
فداء : الحـــــاله وحده غريبه يعني ساره ماتصلت
فيصل : انا كلمتهم فوون بس ابي اشوووفهم هذا مايكفي
فــداء : ايي طيب يلا ودنــي اجل السعوديه والحـــين
فيصل : اوكــــي جهـزي وانا بقول حق امي
بــعد طوول انتظاااار .. رجـــع فيصل بخيبة امل : رفضت
فـداء : انا برووووح اكلمهاااااا مايصير ارجع الحالي
فيصل : ههههههههههه امزح معك وافقت
فــداء : اووكي أجـــل يلا بسرعه متشووووووقه حق هاللقاء كثير
فيصل : ههههههههههههههه طيب
بسيل : فيصل ابي اروووح معااااك
فيصل : امي نقعتني سااااااعه وانا اتراجها وزين وافقت وقالت لي خلك ليله وحـــده لا تخررب علي
بسيل : طيب وصصل لهم ســــــلامي كثيراً كثير
انتظروني الخميس ..
آلجزء آلسابع الفصل الثآني
فِي السياره ..
فيصل يسوق وجنبـه فــداء ..
فداء : كم باقي ...؟
فيصل : نص ساعه وراح نكــون بالسعوديه والله يافدو ماتدرين وش كثار مشتاق حق السعوديه خمس شهور وانا بعيد عنها
فداء : اشتقت بس حق السعوديه ..!؟
فيصل : حق السعوديه وأهلها وحق أخــَواني وأولهم بدر احس نفسي مو مصدق والله إني بشوفهم
فداء : هذا خمس شهور وكذا لو اكثر وش بتسوي
فيصل : بصير مجنــــــــــــــــــــــــــون
فداء : هههههه بسم الله عليك ، والله مره ودي ترجع أيامنا اششتقت لها كثير
فيصل : الله الهــــادي
// // //
بـــالسعوديه تحدِيد " بـالراشد مول" ..
الريم لابسه عبــــاه ع الكتف وراصـــه جسمها ومليــــان بالكرستآ’ل ..
ومتلثمــــه بالشيله نفسها .. وعيـــونها الخضــراء وشعرهـــا الأشقـــر بــارزه بقـوه ..
ونـــص شباب الراشد ورآهـــــا ..
تسمــع منهم كلمــــات بـــذِيئــه وقـــحـــه وغــــزل
دخلت دورة الميـــــاه بـخوف شــالت اللثـــام عن وجهها
غطت وجهها بـ دينها وأهي تصِيح ..
صعــب إنك فـي يوم مآتفهم شعــور نفســـك
تبكــي ولآ تدري وش اللي يـبكيك رغــم إن اللي تبــيه كله تحصــــله ..
رن جــوالها ومسحت دموعها وردت : مشاعل وينك ؟؟
مشاعل : انا الحين بالراشد انتي وين ؟
الريم : أنــا بدورة الميـــاه تعالي
مشاعل : طيب انا الحين عندك
سكرت منها ودخلت دورة الميــاه اخترعت من شكل الريم من الكحل السايل : وش فيك تبكين ؟؟
الريم واهي تلف ع المرايا وتمسح بقايا الكحل : خلاص مشاعل انا بروح البيت والله ماقدر اسمع الكلام اللي يقولونه عني
مشاعل : وش يقولون ؟
الريم : مدري كلمـــات مره وسخـــه
مشاعل : ههههههههههه ياحياتي إيزي وبتسمعين اكثر وراح تعيشين حيـــاه مره حلوه
الريم : بسمع اكثر من اللي سمعته لا مشاعل اسفه ماراح امشي في الطرِيق اللي تمشينه
مشاعل بخبث : طيب انتي جربي آليـــوم واذا ماعجبك براحتك
الريم : بس هذا اليوم ؟
مشاعل : بس هذا اليوم
الريم بـ ستسلام : طيب
مشاعل واهي تحوس بـ شنطتها : بعدين وجهك مره خالي تعالي احط لك لمسات ناعمه
الريم : اوكِي
حطت لها ميك آب خفيف ونــاعم أرجعت تلثمت ونص شعرها طــالع
الريم : مشاعل
مشاعل واهي تسحب يدها : امشي ولا تخافين صدقيني بتشوفين حيــاه حلوه
مشــو الثنتين والشباب وراهم
وفي كل خطــوه يسمعون كلمــه اقوى من اللي سمعوها قبـل هذي الخطـوه ..!!
ضغطت الريم على يد مشاعل بخــوف وضغطت مشاعل اكثر علشان تطمنها ..
شــــاب بـ عمر العشرين اسمه " اياد " حنطـي يمِيل للـ سموره أكثر شفــايف حلوه وتحتها سـكسـوكه أحلى
خشـم مثــل السيف عيــــون مو واسعه ولا اهي صغيره جســم عريض اشــوي شعر اســـود يميل للـ نعومه اكثر وكثــيف يوصل لـ رقبتـه
والشمـــاغ الأحمــر يغطـي شعــره الفـــوقي ويبـــرز رجولـــته وثـــوب مو وآســـع ولآ مخصر فــقط يبرز جســمه ..
بــطل جديد بـــالروايه ..
تقدم حق الريم بغرور ومــد لها كـــــرته بـ كل ثــقه كالعاده أي بنت تشــوفه مستحيل تــرفض هالكرت اللي فيه ارقام موبايله
نــاظرته مشاعل بـ عجاب ومن داخلها تغلي كيف ان ماد الكرت حق الريم واهي مو معبرها ..
الريم تناظر الكرت واهي مستغربه : وش هذا
اياد : رقمــي
الريم بـ فهاوه : ليه ؟
ناظر يـده اللي لما الحين مادها وتـوه بـ يرد بس مشاعل سحبت الكرت : خلاص انا راح اعطيها وافهمها
لف على مشاعل اللي تـو يشوفها وماهتم حق كلامها وطلع كرت ثاني من جيبه ومده حق الريم : تفضلي
الريم واهي ترجع على وراء بخوف : لا مابي ارقام
مسكها من يدها بـ جراءه وقربها من عنده : اجل وش له جايه هنا
سحبت يدها بســــرعه بخوف ورجعت على وراء اكثر ..
مشــى بـ اسرع منها ومسكها مع كتفها وناظرها بـ نظرات مافهمتها الريم
مشاعل كانت تغلي من داخلها حقــدت على الريم كيف انها تفـــــوت احلـــى شــيء مثل كذا
ناظرتهم شافت الريم مطلعه عيونها واهي تناظره والولد يناظرها بـ عجاب
قربت منهم ولا أحد منهم معبرها
اياد ولما الحين ماسك كتفها : ماقلتي لي ليه جــايه هنا ؟
الريم شافت مشاعل جنبها وارتاحت نوعا ما .. : ممكن تتركني
اياد : لا مو ممكن
سحبت كتفها عنه وناظرته بـ حتقار من فوق لـ تحت ومشت وتركت مشاعل
مشاعل : معليه أخ < ارفعت الكرت اللي عطاها اياه وقرت اسمه > : أخ اياد ..
كــــان بـ يمشي بس خطرت في باله فكره : عطيني رقمك
فرحت مشاعل وطلعت الرقم من شنطتها ومدته له
اياد : راح يكون بينا اتصال يـــلا ســلام ..
تأملت الرقم واهي شاقه الضحكه أول مره بـ حياتها ولد حلو يعطيها وجــــه
تذكرت الريم وراحت لها بدون ماتقول لها اي شيء صار بينها وبين اياد
// // //
: أبــــي اتزوج
وجن : ههههههههههههههههههههههههههههههههههه
بدر : ههههههههههههههه حمد الله و الشكر اسستخفت البنت ...!!
وسن : زهقت والله زهقت
بدر : هههههههههههههههههه مجنــــٌونه خلي امي بس تسمعك
وسن : يؤ انا ماقلت شيء غلط ابي اتزوج حالي من حال البنات
وجن : ههههههههههههه بدر تكفى دور لها احد تتزوجـــــه لا تجن علينا
بندر ولـ أول مره يدخل معاهم بالحديث : هههه عندي واحد تبينه ..؟
لفت وسن بتعجب على وجن ولفت وجن على بدر ولف بدر على بندر ..وكلهم مستغربين منه
بندر : شنــو قلت شيء غلط ...!!
وسن : قــول وش اللي ماقلته
عقد حواجبه بـ ستغراب : وش قلت
وسن حق وجن وبدر : يقوول وش قال
بدر : ايي صح وش قال ..!!! تبين تتزوجين اللي عنده
لفت وجن عليه وغــمز لها
وسن : انت مستوووعب بدر ..!!
وجن حق بندر : منو هذا اللي عندك عرفنا عليه
وسن : هيييييي انتو مستووعبين إن هذا بندر
لف عليها بدر وهو منقهر يعني اسكتي
عقدت حوابه مافهت له ..
أمــا بندر رن جـــواله وقام من غير اهتمام
وجن : غبيييييه والله غبيه
بدر : من جــــــد اقولها اسكتي اسكتي ماتفهم
وسن بـ براءه : وش سويت
وجن : لا ماسويتي شيء كل اللي سويته خليتي بندر يسكت
بدر : حنا كنا نبيه يتعود يعني يسولف مانبي نستغرب مجنـــونه وربي
وسن : جب وانا وش دراني والله
بدر : المهم وين الياس والريم ماشوفهم
وجن : الياس بـ غرفته والريم كأن قالت بتطلع
بدر : اها طيب تامرون على شيء قبل لا أطلع
وسن : إيي
بدر : وش تبين
وسن : ابي هــرفِي
بدر : وانتي وجن تبين معها ؟
وجن : لا شكرا ..
دخـــل غرفته وتســـدح ع السرير فـــرحان علشان بندر بــدا يدخل معاهم ونفس الشيء متضايق من الياس والريم
ماعادو مثــــل قبـل ..
فــكر اشــــَوي وبعدها قام قبال التسريحه لبس ثــوبه وشماغه الاحمــر وطش من العطر المفضل له
ولبس الجزمــــه " اكرمكم الله "
وطلــــع حق غـرفة الياس
لقــــاه بالارض متسند ع الزاويــــه وصـــوت شهقاته عــاليه ..
استغرب من وضــــع أخـوه وبــدا قلبـــه يتسارع نبضاته بخـــوف ..
قــرب منه بـ حنان ومسح على راسه : الياس وشْ فيك ..!؟
تعالت شهقات الياس يوم سمع صوت حنيـــة أخـوه وهو يمسح على راسه ..
مـــن زمـان كان يدور هالشيء
أمـه توفت وهو صغير ومايذكر اي شيء وابـــوه دايم بـ شغله ويهتم فيهم من بعيد لـ بعيد
كـــان فــاقد هالحنان بـــقوه حتى الريم اختـــه كانت تحن عليه بس مو مثل هو مايبي لانه الريم نفسه فاقده حنـــان
مســح بدر على شعر الياس أكثر وقال بحنان اكثر : الياس انا اخوك صارحني قولي وش فيك كل اللي بقلبك قـوله لي
كـان وده يقــول كل شيء ويــريح اللي فــيه مايدري ليش بذه الوقت حـس ان يبي فيـصل مايبي بـدر ..
يمــكن لانه فيصل كـان محــذره من قبل من طـــلال ..
قال من بين شهقــاته : أبــ ..ي فـ .. فـ ي صـ .. ل
بدر : فيصل وش فـيه .. !!؟
رفـــع الياس راسه ..
انصـــدم بدر من شكله عيــــونه احمر احمر و وارمه وخشمــه نفس الشيء احمر ودمـــوعه بـ كل مكان ..
انكســــر خاطره على اليـــاس شكله اكثر من ساعه يصيح وماحد حــوله ضـــمه على صـــدره بقـوه
: الياس ليـــــه كذا وش مسوي في نفسك ...!!
بـ نفس المكـــان في الصـاله ..
فــداء وفيصل تـوهم واصلين بـ تفاق مع وجن بـ إن ماحد يدري
ركضــت وجن وضمة فيصـــل بقوه واهي تصيح : فيصصصل من جد وحشتني
فيصل وهو يضمها اكثر ويمسح دمعته اللي طاحت : عمرري وانتي اكثر والله كلكم لكم وحشــــــه
بعدت وجن عنه واهي حاطه يدها على وجهها : مو مصدقه وربـــي ليه كذاااااا ترحون كلكم فجأه
ضمها فيصل مره ثانيه : الدنيــــــــا كذا كلنا رافضين هالشيء بس هذا غصـــب عنا الله يرحمك يـابوي
فداء : اقول بس اخلصوو
وجن راحت عند فداء : سسوري فداء نسيتك بس تدرين صار لي خمس شهور ماشفته
فداء : عاذرتك ولله
فيصل : وينهم الباقي مشتاق لهم
وجن : فــوق انت خلك هنا بجيب واحدا واحد
فيصل : هههههه طيب
وجن : بس قولي كيف امك خلتك تجي
فيصل : كنت بجيب فــداء هنا سامي مشغول
وجن : طيب ليه ماجبت فروس وبسول واسول
فيصل : امي ماتعرفينها
وجن : طيب وكم يوم بتجلس هنا
فيصل : بس يوم
وجن : لا حراااااااام مايصير كذا
فيصل : تدرين امي تقولي تعال بـ نفس اليوم زين قنعتها اجلس عندكم يوم بسرعه بس لا تضيعين الوقت
وجن : طيب طيب ..
بـ غرفة الياس ..
بدر : يعني ماراح تقول وش فيك
الياس وهو يمسح دموعه: اسف والله ماقدر اقول بس ابي طلب
بدر : أمـــَر ؟؟!!
آلياس : ابي اروح الكويت حق فيصل الله يخليك بدر لا تردني
بدر : تــامر أمر إن شـاء الله بكره بـ تكون عـــنده
الياس بـ فرحه ضم اخوه
ما اعظم إن يعــود لك انســانا بعد طول غيبـــه وأنت في اشد الحــاجه إليـــــه ..
وسن : اوووفف يانشبه انتي وش تبين
وجن واهي تجر يدها : عندي لك مفـــاجأه حلوووه
وسن : والله ماظن يجي منك شيء حلــــو
وجن : اذا شفتيه قولي مايجي مني شيء حلو
جرتــــها لما وصلو الصـاله ..
و سمعـــــت صراخ قوي من وسن : آآآآآآآآآآآآآآآآآآآآآآآآآآآآآ فيييييييييييييييصل
وجن بعصبيه : وجه يــــوجعك ياحمااااااره وش هالصراخ
وسن لما الحين مو مستوعبه : كذاااااااااابه كذااااااابه
فداء : هههههههه وش فيك جنيتي انتي ..!!
فيصل وهو يروح لها : هههههههههههههههههه تعالي سلمي علي ياخبله ماغيرتي هبالك
ركضت وسن على وراء : كذااااااااب انت مو فيصــل
نــزل بدر وهو يركض بـ خرعه والياس وام بدر وراه : خيييييير وش هالصراااخ وش صاير ..!!؟
وسن شافت امها وراحت لها : يمـــــــــه فيصصصل فيصل
بـدر : فيصـــــــــــــل ..!!
الياس شـــاف فيصل ابتسم بـ فرحه وطاحت دموعه على طول وركـــض له بـ ضمه
بس وسن سبقتـــــه : صـــُوصتي
فيصل وهو يضمها ويضربها على راسها : صوصتك بعييينك
يوم شاف الياس جاي له بعد وسن وضم اليـــــاس : يوووسي
الياس وهو يضمه اكثر مو قادر يعبر عن مشاعره ابتسم وقال : يوستك بعينك
فيصل : لاجد الياس وش فيك تصيح
قرب الياس من أذن فيصل : محتاج لك ياخوي
فيصل بهمس : عسى خير ..!
الياس : اي خير يافيصل انا تعبان
فيصل ضم الياس : عمرري والله وش فيك ... وقبل لا يتكلم الياس : اشوي بسلم على بدر وبجي لك
ترك الياس وراح عند بـــدر : البــــــــــدري
بدر : لا تـــوك تذكرني .!!
فيصل : افا وهو حد ينســـاك انت كبيرنا من بعد ابوي الله يرحمه
بدر : الله يرحمـــه
جلس معاهم اشووي وسولف وبعدها ارجعت الريم من بيت مشاعل
في البدايه استغربت وجود فــداء صار لها اسبوعين غايبه راحت لها بتسلم بس تفاجأت يوم شافت فيصل
ضمتـــه بقووه ومثل خواتها قامت تصييح ..
اشوي وغــمز بدر حق فيصل علشان يصعد وياخذ الياس ويشوف شنو فيه
// // //
: يعني كنتي تحبين ولد عمك ومآت ..!؟
ساره : الله يرحمـــــه ماتصدقين يا ريما وش كثــر احبه والله ان اكثر من روحي
ريما : ادعي له ياساره بـ رحمه وإن شاء الله في الجنـــّه
ساره : عمري مانسيته من دعاي
ريما حبت تغير السالفه : ايي و تقول امج تقول انج كنتي مخطوبه
ساره : لا مو مخطوبه يعني ماملكت
ريما : طيب رمسي لي عنه
ساره : امممم اقولك وماتقولين لحد
ريما : افا مو واثقه ..!
ساره : الا واثقه طيب اسمعي السالفه بدر اخوي كان مدمن مخدرات ويشتغل فيــــه
ريما شهقت وحطت يدها على فمها :بـــَدر ..!!
ساره : وش فيك حمد الله والشكر اللي يشووفك يقول تعرفينه
ريما : الا اعـــرفه اذكره وانا صغيره إنزين علميني ليش يسوي جذي ..!
ساره : مدري اسمعي انتي السالفه طبعا انا ماعرف السالفه كلها اللي اعرفه ان القو القبض عليه بـ تهام إن قـــاتل
ريما بشهقه اكثر: قــــــــــــــاتل ..!!
ساره : يالله انتي ماتفهمييين قلت اتهموووو
ريما : اييي وبعدين ..!؟
ساره : بعدين اعرفو منو القاتل وقالو بخلون بدر في السجن خمس سنوات
ريما بـ شهقه : خمسسس سنوااات والحين هو بالسجن ولا من زمان .!؟
ساره : بتخليني اكمـــــل ولا اشيل قشي وانام
ريما : لا لا لا تشلييين شيء كملي
ساره : ايي ولا تقاطعين .. ايي اكمل لك قبل قبـــل مايمسكوون بدر اخوي كنت طالعه الحالي بروح البقاله مشي قلت بغامر
وتخيلي كان الوقت اليل وأنا ماشيه واحد جاي بـ سرق شنطتي وانا ابعد وهو يجي وسحبني وركبني السياره
ريما بـ شهقه : ركبببببببببج السياااااااااااااره شلووووووووون وليكووون سوا لج شيء
ساره وقفت : اقوول انا بروح غرفتي احسن
ريما مسكت يدها : تعالي تكفيين والله خلاص ماقاطعج بس كملي
ساره : مابي مابي
ريما : سوووير يلا عاد بلا دلع ..
اجلست : ولا تقاطعين
ريما بـ ملل : ان شاء الله
ساره تكمل : يوم ركبني السياره وداني الشقه وقمت اصيييح واترجاااه وكذا بعدين قالي خلاص برجعك البيت بس بشرط انا اللي ارجعك واقفت ان يرجعني
وسألني عن اسمي وكذا وبالاخير طلع اللي سرقني هو صديق بدر .. يوم عرف ان انا اخته قالي ان بطلعه من السجن بس بشرط يتزوجني
وافقت بدون تردد و طلع من السجن ويوم وفاة ابوي قلت مابيه طبعا هددني بـ إن برجع بدر السجن ولا اعطيه نص ورثي
عاد عطيته ربع الورث وخلاص راح ..
ريمـا : الله كل هذا صار لج ياسوير ..!!
ساره : يــلا أيـــام وراحت الحمد الله الحين اني بخير وعايشه
ريما : الحمد الله ، انا بروح انام الحين
ساره : ووع ماعندكم شيء اسمه سهر روووحي بس روحي
ريما : ههههههه انا وراي بكره جامعه انتي ماوراج شيء الا ع طاري الدراسه مب تكملين ؟
ساره : لاااء بكمل بـ سعوديه احس دراستكم ابد مو شيء
ريما : ليش والله دراستنا حلوه جربيها انتي
ساره : مدرري خل تخلص هالسنه ويصير خير ابــي اروح عند اخواني
ريما : اي اخوان ؟
ساره : ابي اروح الكويت والسعوديه
ريما : عبيد اخوي بروح الكويت روحي معاه
ساره : والله ..!!؟ ليه وش عنده هناك ؟
ريما : دراسته
ساره : تكفيين ريووم قولي له
ريما : قولي له انتي خالج هذا
ساره : بس اخاف امي ماتوافق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك