بداية الرواية

رواية اخوه يعيشون في صراع مع الزمن -23

رواية اخوه يعيشون في صراع مع الزمن - غرام

رواية اخوه يعيشون في صراع مع الزمن -23

لبس جينز ازرق ثقيل مع شوز .. وبلوزه بيضـه بـ أكمـآ’م وفوقه جآكيت اسود جلدي
أخذ الشــال ولوآه على رقبتــه ولبس القبـعه اللي متلصقه بالجاكيت
اخذ اغراضه وحطهم في جيبــــه ..
وطلع شاف خالد نفس الشيء جاهز ومدفي نفسه ..
وقف خالد وطلعـــو مع بعض وشافو الثلج ينزل ..
مساعد : أوه الله مو كاتب نروح الالعاب
خالد :ليــه عادي اذا طاح ثلج وش بصير
مساعد : مدري بس يعني تتوقع عادي
خالد : إيــوا عادي قوم بس
مشو وسمعو باب شقة لمى يفتح .. لف خالد أمـا مساعد كمل
لمى شافت خالد وبتسمت له .. رد لها الابتسامه ومشى
لمى : خالد لحظه بعرفك على اختي
خالد قدم اشوي : أي اخت ؟
لمى : ليان
طلعت ليان وستغربت الشخص للي واقف قبالها
تكلمت لمى : ليان هذا خالد زميل لي بالجامعه
ليان ببتسامه : مرحبا
خالد : مرحبتين شرفتينا
لمى : ليان هذا صاحب مساعد
خالد لف على لمى بتعجب اكثر < ليكون قالت لها على مساعد والله هذي تسويها >
ليان : جــد وينه الحين مساعد ؟
لمى ضربـآ’ت قلبها تترفع اكثر لفت على مالف خالد شافته جالس ع الكرسي وجالس رجل ع رجل ويدخــن ..
خالد بصوت عالي : مســـاعد تعال اشوي
مساعد بصوت عادي بس سمعوه : مانيب جاي
لمى حـز في خاطرها اشوي : ليان بدخل بس بجيب شيء نسيته
ليان : اوكي ولا تطولين
لفت على خالد : أنـآ’ بروح له
خالد يرقع : ترى هو مو راضي يجي لانه ماله خلق
اكتفت ليان بـ بتسامه وراحت حق مساعد : السلام
مساعد يوم شافها وقف : ليان ..!؟
ليان : إيـوا
مساعد مد يده لها : وعليكم السلام
مدت يدها له : كيفك ؟
مساعد : تمام بس ماقلتي لي ليه جايه امريكا بتكملين ؟
ليان : لا بس اختي لمى بـ تكمل وقلت بجي معاها مرافقه اغير جو اشوي
مساعد : اممم حلو علشان تنتبهين على اختك بعد مره وحـده
مافهمت ليان عليه اما خالد قرص مساعد من تحت علشان يسكت ..
ليان : اوكي اخليكم ولي جلسه ثانيه معاك مساعد
مساعد : ايوا اكيد واذا محتاجه شيء مايردك الا لسانك
ليان : اوكي يلا باي
راقبها لما دخلت بالشقه ولف على خالد : انت ليه تسكتني ليه ماتخليني اقول لها عن اختها مسودة الوجـه
خالد : وش له تسوي مشكله بينهم مساعد وش هالنذاله وليه تقول عنها مسودة الوجه هي وش سوت المسكينه
مساعد : لا تقول مسكينه مو مسكينه انا قايل لك من قبل لمى معترفه لي انها تكلم شباب
خالد : بالله عليك مساعد كم صار لهه هذا لاعتراف
مساعد : صار له سنتين بس حتى لو يصير مليون سنه ماراح اغير نظرتي لها
خالد : مساعد البنت جات لك وقالت لك انها تغيرت وان هذيك فترة مراهقه ليه ماتغفر ؟
مساعد : اقول خالد قووم وخلصنا شوفة وجهها تخرب لي يوومي كلــــــه
// // //

في الكويت

الياس وفيصل تـوهم واصلين ..
نزل فيصل من السياره ونزل بعده الياس ..
فيصل : راح تجلس عندي اسبوع لما اشوف حل مع الكلب طلال
نزل الياس راسه يحس ان حمـل اخوه هم ثقيل عليه ..
فيصل : كم شريط عنده ؟
الياس : مدري ماقالي
فيصل : طيب يلا قوم ندخل داخل
الياس : فيصل ودني مكان ثاني مابي اسكن عندكم
فيصل : الياس قلت ادخل
الياس : مابي اضايق امك
فيصل : امي انا اتفاهم معاها .. مسك يد الياس وسحبه معـــاه
طق الجرس وفتحت لهم الخدامه
فيصل : مدام في هنا ؟
الخدامه : مافي بس بسيل واسيل
دخل الياس وشاف اسيل وبسيل يسالفون ويضحكون كالعاده
اسيل شافته من بعيد : اليااااااااااااااااس
لف بسيل عليه وقام : اليااااااس
راح بسيـــل له وهو يسرع ونفس الشيء الياس
اما اسيل جالسه ع الكنب ماتقدر تقوم
بس تناظر في الياس ودموع الشوق تنزل منها
بسيل : وحششتوني اموت واعيش واحيا وانا اقول وحششتني الحمد الله انك جيت
الياس : وانتو أكثر وربـي مشتاق مرره لكم
لف على اسيل وهو مستغرب : وانتي ماتبين تسلمين علي
بسيل بلع ريقه : آ مـ ماتقدر
الياس : شنو اللي ماتقدر عليه ؟
فيصل وهو مايدري عن شيء : مافكيتو الجبس اللي بـ رجولها
بسيل : الا بس الدكتور قال خلوها ترتاح ولا تمشي
الياس : اي جبس وش صاير
اسيل من بين دموعها : تعال الياس خلني افرغ شوقي لك
راح لها وجلس ع الكنب جبنها
ضمـــته اسيل : وحششتني وحششتني
ارتبك وهو يحاول يخلي الوضع طبيعي وضمها وبسرعه شال يده : وانتي اكثر
بسيل جلس جنبـه : احس مو مصدق والله بس وين الباقي ؟
فيصل : ماجبت معاي الا الياس لاني ابيه في شغل
اسيل : طيب فيصل اجلس بقولك شيء
فيصل جلس : امري ؟
اسيل لفت على بسيل يعني انت تكلم بدالي
بسيل : لا اول شيء الياس
فيصل : شنو شفيكم انتو
بسيل : الياس من اول ماجينا من الكويت اسبوع وصار حق اسيل حادث صدمتها السياره وجبسو رجولها خمس شهور
الياس : ول ليـــه ليكون كسر كبيـــر ..؟
بسيل : لايوا كسر كبير كسر في ركبتها وكسر في ساقها
الياس : لاحول الله والحين مافيها شيء
بسيل : الا فيها ... لف على فيصل وهو يقول : الدكتور يقول ان اسيل تحتاج عمليه بالخارج علشان تقدر تمشي
فيصل : إيشششش ..!؟
الياس : يعنــي ماراح تمشي الا بـ عمليه بالخارج
بسيل : ويمكن تنجح ويمكن لا
اسيل : بس اذا مانجحت ماراح تضرني
فيصل وهو يقرب من اسيل : يابعد عمري يا اسيل ... ضمها له وهو يقول : ان شاء الله راح نعالجك بالخارج بس مو الحين بعد اسبوع
بسيل : لا وش بعد اسبوع انا سويت كل الاجراءات
فيصل : ومن وين لكم الفلوس لا تنسون ان نص الورث خلينا حق هذا البيت
بسيل : انا عندي عماره بالسعوديه واهي عندها عماره
فيصل : وراح تبيعونها ؟
بسيل : ايي انا قلت حق امي و عادي وافقت
فيصل : بسيل لا تحرك ولا شيء من العمارات في ناس ساكنين فيها اذا بعتها وين يرحون ؟
بسيل : عادي ماراح يتغير شيء راح يظلون فيها
فيصل : وانت تشوف هذا سهل بس تبيع العماره وخلاص هذا يبي لها شغله
بسيل : وقولي وش الحل ؟
فيصل : خلاص اسبوع قلت لك اخلص شغلي مع الياس وانا اشوف
بسيل : لا لا مانبي
فيصل : بس بلا عناد
الياس : طيب خلهم يرحون السعوديه ويرحون بعد بدر ترى اهو فاتح شركه
فيصل : والله بدر فتح شـركه ؟
الياس : ايوا جمعنا الورث وفتحنا شركه وشرينا بيت
بسيل : خلاص مثل ماقال الياس
فيصل : من جدك انت فلوسهم وش له تاخذ منهم والله ماقول الا غلطة امي ضيعن نص الورث علشان هذا البيت
الياس : وشدعوه فيصل ترى مهما صار احنا اخوان وفلوسنا واحد
فيصل : لا مو قصدي كذا بس يعني
الياس : وش بســه يعني ليش كل واحد اخذ ورثــه صار كل واحد فلوسه غير ماهقيتك كذا والله يافيصل
فيصل : خلاص كيفكم اللي تشوفونه
اسيل : يعني بنروح السعوديه ؟
بسيل : اي خلاص نروح
اسيل نزلت راسها : بسيل انت روح الوحدك
بسيل : اسيل وش قلنا
اسيل : لا ماستحي بس مابي اروح
فيصل : مو مشتاقه حق اللي بالسعوديه ؟
اسيل : الا اشتقت بس
بسيل : لا بتروحين وبلا كلام زايد
فيصل : بسيل منو راح يروح معاكم
بسيل : بس انا واهي بنروح امريكا وراح نتقابل مع مساعد
فيصل : اوكي حــلو
// // //
فـي الأمـآرآ’ت ..
ساره : خالتو خــــــآلتي خــآله
ريما : هههههههه كل اساليت الخال قلتيها
ساره : ههههههه وينك ساعه ادور عليك
ريما : كنت بالمطبخ شبغيتي انتي ماتقولين خاله الا وراج شيء
ساره : لا والله والله بس كذا قلت بدون شعور طيب عطيني رقم خالي عبد الله
ريما : خلاص بتروحين الكويت
ساره : ايي قلت حق امي وبـ لصياح والنياح وافقت
ريما : هههههههه طيب لا تطولين تكفين من جيتي انتي هنا غيرتي علي كل شيء
ساره : لا ماراح اطول يعني عبد الله يجلس اسبوع بالكويت ويوم لاربعا يرجع صح ؟
ريما : صح
ساره : ايي يعني قولي الاربعا بجي بجلس هناك خمس ايام بس يلا ريمو اتصلي قبل مايمشي
ريما : عبيد مايمشي الا بالليل يعني باقي له ساعتين ويمشي
ساره : وش يدريك يمكن الحين يقول بمشي الحين يلا سووير عاد
ريما : على فكره يعني ترى بـ طياره
ساره : ايشش طياااره ..؟ يعني هذا يبي له حجز اكيد الحين مافي
ريما : مجنونه ماقلتي من قبل
ساره : يؤؤ ريما بسرعه عطيني رقمه بكلمه
ريما : انزين بس الحين انتي ماتمونين عليه انا اكلمه
ساره : ايوا بعد احسسن يلا كلميــه ..
اتصلت ريما على أخـوها عبد الله وكلمتــه وبعد الحـآ’ح وافق
:ريما الحين بمر عليها بس ماقلتي شسمها
ريما انفجرت ضحك : ههههههههههههههههههههه الحين عايشه معانا ماتعرفها
عبد الله : من كثر ماقعد في البيت علشان اعرفها قولي شنو اسمها
ريما : اسمها ساره
عبد الله : اهمم طيب الحين بجي لها خليها تطلع ثواني لو ماشوفها بمشي يلا باي
سكر منها ريما بـ ستعجال حق ساره : يقول ثواني مايشوفج بـ يمشي
ساره : لا والله اني جاهزه بس بجيب الشنطه
// // //
في السعوديه في الشـركه ..
ريتال : اسمه ماهر بن ال ، شركته جـ
قاطعها بدر: بس بس عرفته خلاص يلا توكلي
طلعت ريتال واهي حامله الاوراق وسكرت الباب وراها
بدر : اهــآ’ يعني هو نفسه بو عبد الله زوج اسيل جالس يتحداني اوريك بسسس وأعلمك منو بدر اللي تتحداه
// // //
وسن بخوف : الريم انتي مو طبيعيه وش فيك
الريم بـ صراخ : راااااااااسي مو قااادره اتحمـــل الألام
وجن واهي تصيح على اختها : قومي الريم المستشفى
الريم بصراخ اكثر: ماااااااااااااااااابي شـــــــــــيء طلعووو براااااا
دخلت ام بدر : الريم حبيبتي قومي المستشفى مايصير كذا
الريم واهي ترافس الارض وصوتها يعلى اكثر : قـــلت ماااااااااااااااااابي شيء طلعووووو برااااااا
ام بدر : لاحول ولا قـوه مدري وش صابك يابنتي
طلعــو كلهم برا
وشافو مشاعل بـ وجههم
وسن شافتها ومارتاحت ابد لها ودخلت غرفتها
اما ام بدر : هلا بنتي مشاعل
مشاعل : الريم بخير ؟
وجن واهي تصيح : انتي وش سويتي لها اهي من عرفتك واهي متغيره
دخلت وجن غرفتها بسرعه وسكرت الباب
ام بدر : ماعليك منها بس اشوي زعلانه على اختها دخلي على الريم وقنعيها تروح المستشفى
مشاعل كانت هذا اللي خايفه منه اهو يحطون السبب فيها < اه بس لو اعرف يا اياد وش سويت لها >
دخلت غرفة الريم وسكرت الباب
الريم كانت مغطيه نفسها ولا تدري منو اللي دخل ولا اهتمت
اما مشاعل رفعت جوالها واتصلت على اياد ..
: اياد انا الحين بغرفتها يلا قولي وش سويت لها
اياد : جد يعني الحين جنب الريم ؟
مشاعل : ايوا بسرعه قولي وش سويت لها وشنو اقولها
اياد : عطيني اكلمها
مشاعل : طيب بس بحط سبيكر
اياد : اوكي بس بسرعه عطيني الريم
الريم شالت الغطى من سمعت صوت مشاعل وتناظرها واهي مستغربه " تكلم اياد " ؟
مشاعل حطت سبيكر : اياد يبي يكلمك
الريم بصوت مبوح : وش يبي
اياد تكلم : الريم
خذت الريم الجوال واهي تمسح بقايا دموعها : اياد
اياد : اظن عرفتي الحين وش صار
الريم بصياح : لا والله لما الحين ماعرفت
اياد : اممم تدرين وش سبــة الالام اللي براسك
الريم : لا
اياد : سببها المخدرات اللي خذتيها واهي مو حاسه
الريم بشهقه : إيشششششششششش ...!؟
مشاعل انصصدمت ماتوقعت اياد بـ ذي النذاله اندمت يوم طاوعته وحطت الحبوب في العصير
طول الوقت كانت تحسبه منـــوم ..!
// // //
في بيت بـو عبد الله ..
: الحققيييييير قــدر ياخذ المناقصه مني بس والله لـ أسوي لك مثل ابوك
بو طارق : وش سويت بـ ابوه
بو عبد الله : اخذت منه مناقصه وفوقها مبلغ وقدره وبالاخير هددته ان يزوجني بنتـه ولا راح اشتكي ع الشرطه
بو طارق : وشنو تهديدك له ؟
بو عبد الله : موقع على شيك بدون رصيد وهذا اللي بصير مع بدر وبهدده يزوجني وحده من خواته هههه
ولله لـ أنتقم من بيت بو بدر واحد واحد
بو طارق وهو يغمز : لا تنساني من خواته
بو عبد لله : لا والله مانساك ، الحقير بدر سحب المناقصات كلها وكفايه خاسر بالاسهم يعني الحين ماملك ولا شيء
وماحد وقف معاي غيرك
// // //
في بيت سطـآ’م " بو اياد " أخـو سلطان " بو بدر " اذا مانسيتو
> طبعا اياد اللي مع الريم غير اياد هذا فقط تشابه اسماء وهذا غلطه مطبعيه _^>
ضاري : مشتاق لها عارف كيف يعني مشتاق لها فاهمني انت ..!؟
اياد بملل : خلاص والله وربي فــاهمك بس ياخي فكني
ضاري : من توفى عمي سلطان ماشفته يعني احسب ست شهور لآاا مسسستحيل ماصدق انا لما الحين ماصرت مجنون
ندى : ههههههه وش فيييك انت جنيت
ضاري : ايي جنيت والله بـ حبها يعني قبل كنت اروح بيت عمي سلطان حق فيصل واشوف وسن الحين اروح حق مين علشان اشوفها
اياد : سو نفسك بـ تكلم بدر في موضوع
ضاري : بدر لا لا مو معاه انا
ندى : طيب انا خذني لـ بيتهم وراح تشوفها
ضاري : جد وتروحين حق مين
ندى : امم اروح حق الريم او وسن عادي اي احد
ضاري : ياابعد قلبــــي ياختي
ندى : يلا بروح البس مابيك تنسى لي هالمعروف ابــدا ..
ضاري : معروف فيه وسن مانساااه لو ع قص رقبتي
اياد : هههههههه اللهم لك الحمد والشكر
// // //
يمـــَكن قليلْ بس الأهـَم الأحدآث ...
أنتظروُني في رجَب ..
بـ حفظ البــآ’ري ..
وأهم شــَيء تعلِيقـآ’تكم _^




أضـَع بِين إيدِيكم جـزء 8 فـصل ثآنِي
آلذيْ كتبــتـهُ أنآملِي .. وأخـرجَه فكِري وعقلي ..
أتمنى إن يحــوز أعجآبكم ..
طلعتْ بـرا وشآفتـه وآقف ينتظرهآ .. حسَت بآلخجَل منه ..
صحيح هو خآلها بس عمرها مآكلمته ومآشآفته تتذكره وأهي صغِيره بس
وحتى يـوم راحت الامـارات مآكآنت تشوفـه لآنه دراسته بآلكِويت ..
شـافته ينـزل من آلسيـارهـ ويقرب منهآ ..
: انتِ سـاره
سـاره : إيـوا
عبد الله : طيب ليش وآقفـه دآمج سـاره صار لي ساعه انتظرج
ساره برتبآك: آآ مـ مدري
خـذ شنطتهآ وركبهآ بـآلسيـاره .. أمآ هي لحقتـه وركبـَت في المقعـد الأمآمي ..
حــرك سيـارته وآلسـياره هـدوء حتى مسجـَل مو مشغـل ..
ساره من دآخلهآ ( يآالله صبرك ليكـون طول الوقت سآكتِين يآ الله أنـآ وش يصبرني أسكت
زين هآلدقآيق سسكت ..! )
مآتحمـَلت هآلهــدوء وقررت اهي تبدا بآلحدِيث ,.,
: آآ شسمـه متى نُوصل الكويت
عبد الله بدون مآينآظرها :والله أول مره انا أسِير بـ لموتر من الأمآرآت للـ كويت
ساره شهقت : آآآآ أول مره ..!! طيب كيـــِف تعرف الطرِيق ..!
عبد الله : أنآ قلت أول مره مآقلت مآدل الطريق ..!
ساره : إيي أول مره يعني مآتدل الطريق كيف راح تعرف الطريق وأنت اول مره ..!؟
وقــَف السياره على جنب ولف عليهآ خآفت سـاره منه بلعت ريقهآ : ايش ..!؟
عبد الله : سمعي يآحلوه أنآ بسير قبـل السعوديه علشان بآخذ كم شيء وبعدها بنسير من السعوديه للـ كويت فهمتِي ولا أنتي
من نوع اللي مآيفهم إلا بششـرح ...!!
مجـرد مآسمعت كلمــة السعوديه نسست نفسهآ ونست إن جآلس يستـهزء فيهآ قآلت بـ فرحه : بنروح السعوديه قول والله لآ تكذب ...!؟
عبد الله : لآ تكذب ..!!!
ارتبكت اشوي : لآ يعنـ اقصـ ..
مآخلآها تكمل كلآمها وحـرك السياره : نسيت إنج سعـوديه علشآن جذي بعذرج ولا تمونين واجد
فكـرت سـاره إن يستهزء بآلسعوديه وقآلت: وش قصدك اني سعوديه
وقف السيـاره علشان بـ شغل الدخآن وخآفت أكثر وأهي تقول ( عز الله مآوصلنا اذا كل كلمه بـ قولها يوقف السياره ..)
بعد مآشغل الدخآن أخــذ له مـزه وحرك السياره : اقصد إنج مشتآقه حق السعوديه ونسيتي نفسسج
ساره : أهـآ على بآلي بعد
عبد الله وهو يطلع الدخآن من فمـه : واذا قصدي ثاني شنو بتسوين يعني
ساره : ماراح اسوي شيء بس بدآفع عن سعوديتي
عبد الله : ههههه مآقلت لي ريمآ إنج هبله
سآره تنرفزت تحس إن وآثق من نفسه : خييير لا تغلط أنت الهبــل مهب أنآ
عبد الله : هههههههههه مهب ..!
ساره : يعني مآنيب انا
عبد الله : أنتي من وين في السعوديه الدمآم صح
ساره : إي الدمآم بس اصلنا الرياض
عبد الله : أها بس اهل الرياض مايقولون مهب ولآ مانيب
ساره :وطيب عادي حنآ متعودِِين في البيت كذا نغير اشوي من لهجتنآ قصيمي جدآوي حساوي وش عليك منا
عبد الله وهو يمز: مآعلي منكم
// // //
فـِي نفَس الوقت ..
بسيل تـو صآحِي من النٌوم ورآح غـرفة اسيل حتى قبـل لا يغسـل وجهه ..
طق آلبآب ودخـل شآف اسيل نآيمــه وجنبهآ الكرسي ..
انكســر خآطره على أختـه .. معقـوله اذا مآنجحت العمليـــه راح تظل طول عمرهآ ع الكرٍسِي ..
والله مسستحيل أخليهآ وربٍي يآ أسيل مآتستآهلِين ..
قرب منهآ ومسح على شعرها القصِير ومصبـغته بـنفسجي ..
صحـت وفركت عيونهآ : بسيل متى صحيت
بسيل : توني من اشوي
عدلت جلستها : طيب متى راح نمشي السعوديه
بسيل : بعد الفطور
اسيل : وقلت حق امي
بسيل : اي قلت لها
اسيل : وش قالت
بسيل : هههه يعني وش تتوقيعنها بتقول مثـلا لا تاخذ من بدر اخوك وانا بعطيك فلوس العمليه ..! ولا بتقول انا بتبرع ..!
اكيد ماصدقت على الله وقالت يلا احسن علشان نوفــر ..
اسيل : لا تزعل منها بسيل
بسيل : مازعلت منها بس سؤالك عجيب
اسيل : طيب طيب خلاص انسى سالفة امي ابي اغسل وجهي
بسيل : حتى انا تصدقين ماغسلته على طول جيت هنا
اسيل : اممم طيب يـ إنك تشيلني أو تدفني بالعربآنه
بسيل وهو يشيلها : بشيلك ههههه
اسيل : هههههههه بسسسيل يممممه اشوي اشوي علي بطيح
دخــل دورة المياه وغسل لها وجهها ونزلها نسى إنها ماتقدر تمشي ..
وتــو بتطيح بس تلآحق ومسكها من خصرها : اسف نسيت
اسيل بخوف : لا بس امسكني عدل بطيح
شالها مره ثانيه ورجعها ع السرير وجلس جنبها بـ رتياح : أووه احس اني سـويت جهـد
اسيل بـ شهقه : ئــآآ لهذي الدرجــه أنآ متينه
بسيل وهو يقوم : ههههه من زمان متينه :p
اسيل : يااااحمااااااار انت المتين والله جسسمي حلو
بسيل وهو يأشر على جسمه بدلع: تجبين جسي جنب جسسمك
اسيل لفت وجهها عنــه : زعلت منــــك
بسيل : هههههه زعلي عادي متعــود عليك بكره ترضين يــلا سي يو ولآ تتحركييين بروح اجيب الفطــور ..
// // //
وسن ماده بوزها: مو حلو والله مزرعه بدون اخواني وخواتي
بدر : يعني شنو مو رايحــه ..!؟
وسن : الا بروح بس يعني اقول المزرعه مو حلوه بدوونهم
وجن : طيب بدر كم يوم راح نظل هناك ؟
بدر : مدري يقول عمي سطام يومِين
وسن : يــآ’لله يعني بقابل وجه تولين يومين
وجن : ههههه اهم شيء
بدر : وسن عيب عليك تستغبين البنت واهي ماسوت لك شيء
وسن : لا ابد ماسوت لي شــيء
بدر : انا عارف ان عليها حركات غبيـــه بس ولو هذي بنت عمتك مايجوز تقولين عنها كذا وانتي ماتدرين عنها يمكن تابت
وسن : ههههههههاي تولين تتوب عن حركاتها ماعتقد والله
بدر : طيب بس خلاص اسكتي وين الريم
وجن : بـ غرفتها مدرري يابدر الريم مرره مرره متغيــّره مدري وشْ فيها
بدر وهو يقوم : اوكي بروح اشوف وش فيها وحــده منكم تبلــغ بندر يجهــز
وجن : بندور نايم
وسن بخبث : نييههههاي انا بصحيه
// // //
فـي الدور الأرضــِي ..
دخلت نـدى مع أخـوها ضـاري وشافت ام بدر .. سلمت عليها وجلست معاها تسولف
ام بدر : حيا الله من جانا والله من زمان عنكم
ندى : الله يحييك وشدعوه خالتي ذاك الاسبوع انا عندكم
ام بدر : اي انتي بس اما ضاري واخوانه مانشوفهم
ضاري أرتبك : آ مشاغل الدنيا جيت بس بسلم وبطلع
ام بدر : لا شنو تطلـع بـدري اجلس اشوي وانا بنادي لك بدر
سـكت ضاري ماقدر يقول شــيء وخاصه ان يبي يشــوف وسن ..
ندى : اوكي خالتي انا بروح عند الريم
ام بدر : وانا بنادي بدر حياك الله ضاري ولا تستحي البيت بيتك يلا عن اذنكم
راحت ام بدر تنــادي بدر .. وتو بتقوم ندى الا مسكها ضاري : وين رايحه وتاركتني
ندى : بروح عند ريوم
ضاري : مو بكيفك اول شيء تروحين عند وسن بعدين ريوومتك
ندى : طيب اتركنـــي علشان اروح
ضاري : نويد حسي فيني مرتبك استحي اجلس هنا الحالي
توها بتنطق ندى بـ كلمه الا سمعو صراخ وسن واهي تنزل من الدرج بخــوف .. وبندر يركــض وراها
بندر بـ صراخ : يـــآ حماررره والله ماخليييك
وسن تصارخ بخوف : يمـــــه لحقو علي بـ موووتني المجنـــون ..
كــآن يركض وراها وهو معصب واهي تركـــض بخوف وشعرهــا يتطاير على ورا
أخير قـدر بندر يمسك اشوي من شعرها ووقفها ..
وسن بـــوجـع : بنيييييييييييدر أتررررك شعررري ياحماااااار
بندر : انا كمممممم مررره قلت مابي احد يصحيني من النوووم
وسن : مو اناااااا والله مووو انااااا اتررررركني والله لـ عللللم عليك ابوووووي
قالت كلمـــة ابوي لا شعــوري ولا حست بـ نفسها
ترك شعرها ومسسسك يدها علشان لا تنحاش كان بـ تهمها ان قالت كذا علشان يترك شعرها
بس شاف ان اتهامه ابد مو محلــه ترررك يدها فجأه وراح غرفته ..
جلست وسن بـ راحـــه ع الكنب : وهـ بغيت امـــوت منه
حط يده ضاري على فمه يحاول يكتم ضحكته بس ماقدر وانفجر ضحك : هههههههههههههههههههههههههههههههه
قامت من الكنب بخرعه : ضاري ....!!!
ماتكلم و مازال يضحك حست ان مو لابسه حجاب وراحت غرفتها على طول ..
واهي تتحلطم من داخل ( الحمار اكيد فرحـــآن ان شااافني الحييييييين يالله ماشافني الا كذا )
ندى : ضاري وش فيك جنيت وش هالضحك
هدا اشوي : ههههههه جننتني هالبنت يلا خلاص قومي نروح البيت
ندى : قل قسسم شاف اللي يبيه ويقول قومي نروح البيت
ضاري : وش فيك المغرب بنروح المزرعه قومي نجهـــز من الحين
ندى بتأثر : الله يرحمك يااخوي ريان لو الحين عايش كان تشوفه اول من وصل المزرعه
ضاري : الله يرحمـــه
// // //
بـآلكوِيت ..
: آآآآآآآآآآآآآآآآآآآآآآهـ يممممممممممممه لحقووووووووووني
سسمع صوت أخــوه ودخل الغرفه على طول : فـراسسس وش فييك
بصراخ أكثثر : هآلمرررررره قوووووويه يافيييصل حااسس اني بموووووووووووت
فصل بخووووف على أخــوه : لآ فراس لا تقوووول كذا اصبر والله بـ فرجها عليييك لا تقول هذا الكلام اشوي وراح اجيب السياره
: بسسسرعه والله موووو قاااادر اتحمممممل الألآم ..
طلع من الغــرفه بـ أسسرع مآعنده وهو يدعي من قلبه < يارب خفف عليه >
شاف اليـاس بوجهه : ياس روووح عند فرااااااس
الياس : ليييه ..؟
فيصل : هنــاك يتووووجع انا بششغل السياره وانت ساااعده بالنزول
راح الياس غرفـــة بسيل علشان يساعده في نزول فــراس ..
بـ غرفة اسيل كآلعاده من تسسمع صراخ فراس أو فداء يوجعها قلبها وتصيح ..
رن جـــوالها والفتت واهي مستغربه رقمها لما الحين سعودي وماحد يعرفه الا اللي بـ السعوديه
مدت يدها بـ فرحه ونست إنها كانت تصيح رفعته شافت رقم غريب ..
: الووو
وسن بـ صراخ: أسيلووووووه
اسيل واهي تبعد الجوال عن أذنها : وجـــــع ياحماااره أذنـــِي
وسن : ياااحماااره وش هالاسلــوب الحين صار لي خمس شهور ماشفتك ولا كلمتك
اسيل واهي تمسح دموعها : ووووسن مررره مشتااااقه لكم
وسن : وأنـــآ اكثثرر يااابعدي وقسسسم السعوديه بـ كبرها مو حلوووه بدووووونكم
اسيل واهي تصيح: عمممممري والله زززين فكرتي تتصلين علي مرره محتااااااجه لكم
وسن : ياااقلبي ووووش فيك ..؟
اسيل واهي تشاهق : صـ .. صـر.. صرت مآ مشـ ... ماشي
وسن مافهمت : إيششش وش قلتي ...!؟
ماقدرت اسيل تتكلم واهي تصييح بـ قوووه
وسن : اسسيل لا تصيحين علمييييني ووووش فييييييك
اسيل : ابيـ ابيكم ووووووسن
وسن تمسح دموعها : اسسيل عممري وش فييييييييك لا تخليني اصيح يكفي اني ماسكه دموعي من رحتو عنا
اسيل هدت اشوي : بكره بجي السعوديه
ووسن بـ فرررررحه : جججد اسسسسيل قووولي والله لا تكذبييييييييييين
اسيل : قسسم بس انا وبسيل
وسن : فيصل تو شايفينا بس فراس جيبووووه معاكم
اسيل : فراااس مرره تعبان من اشوي سسمعت صووته يقول بمووووت
وسن : عممممري هووو الله يششفيــــه
اسيل : آمييييين
وسن : بعد اشوي بنروح مزرعتنا مع عماتي وعمي سطام
اسيل تمسح بقايا دموعها : جد والله اليوم في جمعه ..؟
وسن : ايوا يعني بكره اذا بتجوون تعالو المرزعه
اسيل : لا
وسن : وش اللي لا

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -