بداية الرواية

رواية اخوه يعيشون في صراع مع الزمن -34

رواية اخوه يعيشون في صراع مع الزمن - غرام

رواية اخوه يعيشون في صراع مع الزمن -34

همها تطلــــع أو لا ..
أهــي بس تبــي الرآحــــه ..
فيصل كآن متقدم عنهم لف ورآء وهو يقول : ماشاء الله ماشاء الله كم عددنا
فـراس : عيييين الحسوود فيهآ عــود
فيصل : هههههههه قلت ماشاء الله
فراس : لا تعدد وخلك في حآلك
بدر : وين بـ نروح
مساعد : خل الهمـــه علي أنآ اوريكم أحلى مكـــآن
ساره : الا حنــآ في أي منطقــــه !؟
فيصل : هههه منطقـــه
الريم : ههههههه حمد الله والشكر
تركي : يعني بنت في الثانويـــــه جايه امريكآ وتقول منطقـــه
بسيل : هههههههه والمشكلـــه أدبي
وسن : ههههههههههههه مو اختي مو اختي فشلتنا بـ تبرا منها
ساره ماده بوزها : جب انتو كلكم ... وراحت عند مساعد : سعــــوتي حبيبي
مساعد يكلم بدر : وطبعا انا خلصت كل شيء وان شاء الله راجع في العيد لكم
ساره : سعووووووتي انا اكلمك
مساعد : وكذا يعني في العيد ان شاء الله عندكم
ساره تصارخ : سعوووووووووووت انا اكلمك
لف مساعد على فيصل : عندك ماي عطشان
ساره عصبت : مساااااااااعد وجع
مساعد لف عليها : هلا نادتيني
ساره : لا بدرررري
لف على اخوانه : سمعتوها انتو تناديني
تركي وبيده سيجارته: لا والله ماسمعت
ساره انقهرت : شكرهكم كلكم ماحبكم
مساعد : يووه وش قلت انا علشان ماتحبيني بعد ماسمعتك تناديني
ساره : الا صار لي ساعه وانا اقول سعووتي سعوتي ماترد
بدر : لاحوووول انتو امشو ليه واقفين
مساعد وهو يمشي : هذا انتي قلتيها قلتي سعوتي ماقلتي مساعد
ساره : سسخيف ماتستاهل احد يدلعك
مساعد : الدنيا غصب بعد ! انا مابي احد يدلعني
كـــانت معصبــــه وآصل حدهـــا ...راحت عند فراس ومشت جنبه
: حنا في اي منطقه ؟
فراس : اسمها ولايـــة وليس منطقه وحنا في واشطن
ساره : اييي علشان كذا يضحكون
فراس : هههه يمكن
في الجهه الثــــآنيـه ..
كــآن يمشي الحآله ويتأمل الطبيـــعه قرب منه فيصل : يالحبيب
الياس : هلا ؟
فيصل : تتأمل في شنو ..؟
الياس : اتــأمل بلــــدة أمي اللي عاشتها
فيصل : امك عاشت في واشطن ؟
الياس : إيــوآ وعندي طلب ودي اقوله حق بدر بس خايف
فيصل : شنوو ؟
الياس : ودي اشوف جدتي أم امي وخوآلي وكل أهــل امي
فيصل : انت تعرف مكانهم ؟ ومتأكد لما الحين هم هنا وان عايشين ؟
الياس : اعرف مكانهم بس مو متأكد إنهم عايشين أو لا
فيصل : غريبـين أهل امريكـــآ يعني تتوقع يدرون ان أمك توفت
الياس : مدرري عنهم
فيصل : اممم انت مره رحت لهمم اخاف مايصدقون إنك ولدهم
الياس : ماذكر اني رحت بس شفت صورتي وانا صغير مع رجـآل ماسكني واضح إن امريكي فيصل ابي اروح لهم ابي اشوفهم
الريم : حتى أنــا ودي اروح لهم
فيصل : بس انتي مالحقتي عليهم
الريم دمعت عيونها : ادري علشان كذا ابي اشوفهم يمكن اشم ريحــة امي ابي اشوف جدتي اللي المفروض تكون بـ مكانة امي
فيصل وهو يحط يده على كتوفها : ولا يهمك بعد مانرجع بقول حق بدر
الريم وقفت : توعدني
فيصل : إيي أوعدك
مسحت دموعها وابتسمت ورآحت حق ساره
تركي : مسعووود انت وين بتودينا لما الحين ماوصلنا
مساعد : يلا باقي ثواني
بسيل : طيب قول وين رايحين
مساعد : امش وانت ساكت
في الجهه الثـــــانيه ..
لمى حق ليان : حيااااتهم مررره حلووه معقووله عشتي كذا
ليان : ايوا بس ماكنت اشوفهم كثير لانهم كلهم في دور وابوهم مايخليهم يجلسون جنب بعض يوم مات كلهم تفارقو
لمى : ليـــه اول مره اسمع ابو يقول لـ أولاده لا تجلسون جنب بعض
ليان : حتى انا في البدايه استغربت بس بعدين شفته عادي يمكن مايبهم يتهاوشون او شيء من كذا
لمــى : أهـــآ
: وهذا اهو بينتاغون مول
وجن : وااااااااو مررره ضخم
مساعد : ومن داخــل أحلى
لمى قربت منهم : ومحلاتهم و ملابسهم مره روووعه
لف عليها مساعد بحتقار ومشى قدام عنها بـ يدخل
لفت عليها الريم : ملابسهم واكسسوارتهم حلوه ؟
لمى بداخلها منقهره من مساعد وحركتـه ، لفت على الريم ببتسامه : انا يعجبوني بس مدري عن ذوقك
ساره جات لها برجــه : وفيـــه العاب وكذا ؟
وسن : ايي صح قوولي لي فيــه العاب خاطري العب لعبه خطررره
ساره : ايي والله
وجن : الحين انتو بس تسوون تحقيق حق البنت دخلو وشوفو كل شيء بـ نفسكم
دخلــو البنات كلهم بـ حماس ..
ماعدا فــداء وليان واسيل ولمـــى اللي تنتظر مساعد يدخل ..
بدر : وش فيكم مادخلتو معاهم
فداء : مدري عليكم انتو
اسيل : انا ابي ادخل مع بسيل
تركي : الا اقول مساعد فيه بنات وكذا ؟
لف عليه فيصـــل بحده : تركــي
تركي يحك شعره : شفيك انت نظراتك تخووف
فراس : يعني تترك زوجتك هناك علشان تاخذ راحتك
تركي : شفيكم انتو والله امززح
بسيل : هههههه احسن تستاهل
بدر : طيب يلا قومو نــدخل
وجن : بدر نبي رقــم احد منكم علشان البنات يرحون الحالهم واحنا نروح الحالنا واذا خلصنا نتصل عليكم
ليان : مايحتاج انا عندي رقم خالد ومساعد نتصل فيهم
اسيل : طييب يلا بسووول مرره جوعانه ابي افطر ..
دآخـــل المــول ..
ساره واهي تاكل شيبس : تدرين ريــووم لو تشيلين حجابك عادي
الريم واهي تشرب العصير : ليــه ؟؟
ساره : ماحد بعرف إنك سعوديه
الريم : ههههههه ماحد قالك من قبل إنك خبله
ساره : إيــــــــوآ كذا ضحكي من زماااان والله عن ضحكتك
نزلت راسها ببتسامه حزينه : أكيد بضحك وبفرح ... رفعت راسها : تدرين ليــه ؟
ساره : ليــه ؟
الريم دمعت عيونها : لاني قــريب وانتهــي أبي اعيش حياتي في الدنيا قبل ما ودعها بتقرب من الكل قبــل ماروح علشان احد يذكرني بالخير اوانا في جهنم
ساره اخترعت : أعووووووذ بالله وش هالكلام انتي هيييييه شنو جهنم ما جهنم شنوو موت شنو شنو اللي تقولينه مجنــونه انتي استخفيتي
نزلت راسها واهي تمسح دموعها ..
ساره بـ حنان : الريم انتي مسوويه شيء غلط ! كلامك ترى مرره خطير شنو جهنم انتي وحده تعرفين ربك وتصلين وكل شي
خلت العصير على جنب وكملت مشيــها : قوومي ندخل هالمحل شكله حلوو
ساره : يعني ماراح تقولين شيء ؟
الريم : اذا حصلت فرصــه بقووول
الجهه الثــــانيــــه ..
كـــآن يدفها بالعربانه ومن محــل لـ محل .. ولأول مرره يدخلون محلات ومايشترون شيء ..
ولا العاده يطلعووون واهم شارين نص اغراض المحل ..
بسيل : اسيل لو قلنا لك بتسوين العمليه في مستشفى ثاني وعند احسن دكتــور بتوافقين ؟
اسيل بسرعه : طبعـــاً لا ومستحيل كــآن عندي رجل وحده والحين صار رجلين وشو بعد شنو باقي أنا خلاص رضيت في شكلــي
واذا انت مو عاجبك انك تدفني انا ماطلبت منك واقدر ادف نفســي
سكت وطلع من المحــل وهو يدفها و وقف عند مكـــآن حلوو ... وقف قبالها ونزل لـ مستواها : اسيل أنآ ماقلت كذا العكس ولله لو تبين اشيلك فوق ظهري
وامشي فيك وين ماروح بسويها وانا فرحــآن .... حط يده على خدها : انا لما اقولك سوي العمليـه ثانيه هذا علشانك انتي لاني اعرفك ماتحبين تجلسين وقت طويل
ومافي أخـــو يحب يشووف اخته كل يوم متضايقه أبيك تعيشين حياتك ..
بعدت يده من على خدها : طيب وانا بعيش حياتي كذا بـ هذا الكرسي ماعليكم مني
مسك يدها بـ حنان : اللي تامرين فيـــه انا شنو ابي غير راحتك
اسيل من غير ماتناظره : راحتي انكم ماتحسسوني بالنقصان مابي احد يحن علي ولا اكسر خاطر احد ماعليكم مني ومابي احد يقولي سوي العمليـه ولا شيء ولا شيء
باسها على خدها وقام : اللي تامرين فيــــــه
دفهــا وبدو يتجولون المكــــان وهم ساكتين ..
في مكـــان ثاني ..
: انتوو وينكم ساعه ادور عليكم
ساره : خير وش تبي ؟
تركي : ابي اروح عند المبنى اللي جنب المووول رووووعه ويخوووف المكان
ساره : يخووف !!
تركي : ايوا شكله مرره رعب
الريم : اجل سوري انا ماراح اروح
ساره : ماعليك منها اهي ماراح تروح انا بروح
تركي : كلنا بنروح بس وين وسن والبنات ؟
الريم : مدري المهم ابغى اشوف البيت الابيض بعد
تركي : وع بااايخ
ساره : انت وش دراك رايح مرره ؟
تركي : ايي يوم اني في كندا كنت اروح بس ترى بايخ وصغير
الريم : اللي اهو
ساره : وين فيصل والياس مو كنت تمشي معاهم
تركي : كنت اطالع وحده وسرحان الا اختفو
ساره : ههههههه تستاهل
تركي : جب بس شوفي هذي اللي تمشي كأن اخت ليان ؟
الريم : اي هذي لمى مع وسن
ساره : شكلها وسن انسجمت معاها
تركي : طيب ناديهم
أشــــرو عليهم من بعيد وجـــاو لهم
وسن حق ساره: انتي وينك هبلـــه تمشين مع الريم من محل لـ محل انا رحت مع لمى اهي تعرف كل شيء
الريم : انا ماقلت لها تعالي معاي اهي اللي جات
ساره : مو انا ماعندي ذووق قلت بـ شوفونها امريكيه ولا كذا بصير شيء هنا هناك
تركي : انتي هيــــــه شنو بصير شي هنا هناك
ساره : اقصد يعني يمكن اتعرف على امريكي ولا شيء
تركي : صج ماتستحين على وجهك
ساره : والله اذا ستحيت على وجهك بستحي على وجهي
وسن : يااالييييييل ابتدا فيلم تويتي وسلفستر
الريم : قومي ماعليك منهم خذوني المكان اللي رحتوو
وسن : يـــلا تعالي ..
تركي حق ساره : انا رجــال وانتي بنت
ساره : لا لا مافي فــي فررق
تركي لف على وسن : انتـ...سكت اشوي ...: وينهم راحو ؟
لمى وبيدها جوالها : راحو يتأملون المحلات
ساره : راحوووو عنـــــــــي !!
تركي : احسن تستاهلين
ساره : جب اسسكت لمى اي جهه راحو ؟
لمى مندمجه مع الجوال واشرت ع المكان وبسرعه ركضـــت تلحقهم
تركي بصوت عالي : سوووووووير تعالي
لفـــت واختفت وماشافها " الغبيـــه تركتني مع هذي الحالنا الحين وش اسووي ..
خلصت من جوالها وارفعت راسها وتفاجأت انها بس مع تركي ارتبكت اشوي : و وينـ هم ؟
تركي ارتبـــك اكثر من ارتباكها : مـ مدري
طبعــاً الموضوع عند لمــى فرري بس علشـــانه اخو مساعد ارتبكت اشوي
تركي وهو يرفع جواله : عندك رقم مساعد ولا خالد ؟
لمى كانت بتعطيه رقم خـــالد بس بسرعه غيرت رايها وعطته رقم مساعد .. تبي تشوف موقفه لـ شافها جالسه مع أخوه الحاله
وحسب جلستها معاهم اعرفت إن تركي مـــراهق .. .. ابتسمت على جنب ماتدري ليــه حست بالانتصــآر ..
تركي : وسن والريم وساره راحو بعد اشوي برجعوون نفس المكان يعني انت تعال ماقدر انا اجي
مساعد : طيب وووينكم ؟؟
تركي : عند ****
مساعد : أنا قريب منـــك
سكـــر منـــه ولف على لمى : ممكن رقـــم خالد بعد !
تــو بتعطيه بس شافت مساعد وخالد جايين لهم : هذا اهو خالد مع مساعد
سكـــر جــوآله وأشـــر بـ يده لهم ..
مساعد حق خالد : منو هذي اللي مع تركي ؟
خالد : لمى
مساعد انصدم : إيشششش متأكد انت
خالد : إي متأكد شوف بـ عيووونك وبعدين شفيك كذا كأن احد عطاك كف
مساعد : غبيــــه غبيــــه ... وسرع في خطواته وتقدم لهم و عيونه في لمـى يطالعها بعصبيــه : وين البنات
لمى خافت من نظراته وارجعت على ورا : الحيين بجووون
جـــا لهم خالد : بنمشي الحييين
تركي : ايـ .. قاطعه مساعد اللي سحبــــه من يده لـ مكان اشوي بعيد ..
ابتسمت لمى بـ نتصار " دام هذي نقطة ضعفك يامساعد انا اوريك "
تركي بعصبيه: انت شفيك شفيك ساحبني كذا قدام البنت ثوور انا ثووور ماعرف امشي
مساعد : جــب ولا كلمـــه وقولي وش مجلسك عند هذي الحالك
تركي بـ شك واستهبال : عادي وش فيها ؟
مساعد : لا والله ... وبحذر : تركي ترى هذي اخت ليــــان وليــآن زوجـــة ابووووك اذا نسيت وانت متزووج واللي تسووويه غلط افهمم
لف تركي وعطــــاه ظهره : لا مانسيت
مسك كتــف تركي ولفه عليه : اجل هذا وش تسميــــه ؟
تركي : ياهوووه انت وش فيك لجيتني اهي كانت تمشي مع وسن وبعدين الاغبيااااء خواتك مدري وين راحو وشفت نفسي معاها فيها شيء ؟
مساعد : جيت وشفتها ماسكه الجوال وانت ماسك الجوال واهي تنقلك شيء ويوم شفتونا رجعتو الجولات
تركي بـ ملل : كنت باخذ رقم خالد اتصل فيه جيت انت وشفت خالد معاك وخلاص اوووف
طلـــع باكيت سيجـــآرته واخذ له وحده ..
رجعــــو حق خالد ولمـــى .. لاحظ مساعد في لمـى انها تبتسم وفرحـــانه من هالشيء ..
خالد : طيب يلا نطلع كلهم برا ينتظرونا
تركي : اوكـــي يلا
مشــو كلهم مع بعض و وقف مساعد .. لفت لمى عليه بتشوف ليه واقف
وبـ كذا تقدم خالد وتركي عنهم ... قرب منها مساعد : على فكره يوم كلمت تركي كنت احذره منك
لمى استغربت : تحذره مني ؟
مساعد : يوم خلصتي مني وشفتيني ماعطيتك وجــه مللتي وقررتي تروحين حق تركي ... وقرب منها اكثر : بس حريمتك تاخذين واحد من عايلتنا
ومشــــــى عنها .. تاركها بـ صدمتها ..
هذا مو بس مايحبهـــا هذا يكرهها كــــره يشك فيــها وكل شي ... مشت واهي منزله راسها فقــدت الأمــل في إنها تتقرب منـــه
.
.
بين ما هم يمشووون
مسك يـــده بقووه وسحبــه لـ عنده : ورني جـــــــوالك بسسرعه
الياس مستغرب : ليـــه ؟
فيصل : قلت لك ورني جوالك ؟
طلع جوآلــــه من جيبه وسحبـــــه فيصل وفتح ع الرســــايل .. وشاف كل الرسايل من طــــلال
فيصل بعصبيه حق الياس : شنوو هذا فهمني !!!؟
الياس بلع ريقــــه : اذا ماسويت كذا طلال راح يفضحني
فيصل : وتقووووووله هذا الكـــــلام ! أنت ماتفهم ان اللي تسووويه حرااام حراااام
الياس وهو يناظر اخوانه اللي التفتو : فيصل مو وقتــــه شوفهم كلهم يناظرون فينا
فيصل لف عليهم ورجع لف على الياس : اخذ الجـــوال ولي شغــــل ثاني معـــــــاك
تنفس بـ راحـــــــه ولف يمين شاف بندر يبتسم لـــه عقد حـــواجبـــه وزادت ابتســامة بندر ومشــى
الياس : معقوله هو اللي خبر فيصل عن الرسايل ! إيي يمكن هو كان جالس جنبي في الليل ؟ لا بندر اعرفه ماله شغــل في احد يمكن يكون مجرد ابتسامه
وسن : شنووو هذا كله مشششي ليـــه ماناخذ لنا تاكسي تعببببت
وجن : انا عن نفسي ابي امشي لاني ماتوقع برجــع امريكا مره ثانيه معاكم ابغى احليها
الريم : وانـــا بعد
فداء : بس أنـــا حامل ماقدر على المشي
بدر : طيب لا تسووونها سالفه اللي يبي يمشي يمشي واللي يبي تاكسي يروح ياخذ له
فراس حق بدر : تعال متى بنروح عند اهل الياس والريم
بدر : اخر يوم علشان الريم والياس مايعلقون عليهم
فراس : وليكوون بتاخذ هالجيش
بدر : لا وش دخلهم بس انا والريم والياس ومساعد
فراس : لا والله حتى انا ابي اروح
بدر : انت خلك معاهم ماحد كبير غيرك وبعدين لا جاء الوقت اللي بنروح فيه نتفاهم
قطـــع حديثهم خالد : تبغون نروح الحين البيت الابيض ؟
تركي : لا واللي يرحم والديك خلها بكره ابي مطعم انا
مساعد : خلاص اجل ناخذ تاكسي ونروح ام ستريت
ساره دخلت عرض : وشنو هذا ام ستريت ؟؟
تركي : عادي شاااارع مثل كل الشوارع بس فيه محلات تجاريـــه ومطاعم
ساره : كلـــه بسوي نفسه خبره وهو مايعرف شيء وش عليك انا اسأل مساعد
تركي وهو يضربها على راسها : كلي تبــــــن حمدي ربـــك اني جاوبتك
وقفــــو ثلاث تآكسي وركبــــو فيــــه وتوجهو إلى شارع ام ستريت
في سيارة تاكسي ..
الريم : عاد هالمره بشتري في بينتاغون شفت اشياء حلوه بس ماشريت الا القليل هالمره باخذ كل اللي خاطري فيه
مساعد اللي جالس قدام : ولا يهمك قبل لا ترجعين نروح بينتاغون وتشترين كل اللي ماشريتيــــه
الريم : جـــد مساعد ! ؟
مساعد : ايي والله كم ريوووم عندي أنآ
ساره : احمم أحمم
مساعد : خييير انتي !
ساره : كم ساره عندك ؟
مساعد : ساره !؟؟ امممم كثييير
ساره : بس كم اخت اسمها ساره عندك ؟
مساعد : ماعندي
ساره : كل تبـــن ززين ولا تكلمني ولا شيء
مساعد : ههههههههه امزح عليك وش فيك زعلتي
ساره : على بالي بعد حتى انا ابي اروح بينتاغون مول وابي اشتري كل اللي في خاطري
مساعد وهو يأشر على خشمه : على هالخششم
.
.
يتبع
بعد مســــآفــــة الطريـــق وصلو حق شارع ام ستريت ..
فـــيه محــــلات ومطآعــــم حلـــــوه ...
تفـــرقو وكــــل مجموعـــــه دخــلت محـــل واللي راح مطعم واللي جلس ع الكرســــي ..
بدر : وش فيك جالسه روحي معاهم يمكن تشوفين شيء تشترين
فـداء واهي ماسكه بطنها : لا تعبــانه اشوي ابي ارتـــاح
بدر : كلمتي سامي ولا ؟
فداء : من اول ماوصلت كلمتـــه بس اليوووم لا
بدر : من وين كلمتيه ؟
فداء : من تلفوون ليـــان عطتني وقالت كلميـــه
بدر : جد والصوت واضح وكل شيء ؟
فداء : ايي طووولت مرره وانا اكلمـــــه
بدر : سجلي لي الرقـــم باخذ تلفون مساعد واكلمــــه
سجلــــــت له الرقــــم وراح عند مســـاعد اخوووهـ اللي واقف عند المطعم يطلب له ويطلب حق ساره والريم
بدر : مســــاعد
مساعد : هلا بــدر أمر ؟
بدر : ابي تلفوونك اكلم ســـامي
مساعد : اووكي بس قبــل لا تتصل فيه فتح الخـط
بدر : أدري أدري اعرفـــــه ..
أخــذ جــوال مساعد وراح مكــــان فيــه قليل من الناس علشان ياخذ راحتـــــه ..
بعــد عـــدة رنـــات رد سامي بـ ملل : هلا فــداء
بدر : آحم أنـــا بدر
سامي عدل جلستــه : بــــدر !!
بدر : قبل لا اسلم او شيء وش فيك متضايق
سامي : من قـال ؟
بدر : نبترك واحد مــاله خلق حق فداء ... بشك : انت رجعت حق حور صح ؟
سامي : بــدر حور حـــــامل ماقدر اتركها
بدر انصعم : إيششش متى صار ؟؟؟
سامي : قبل ثلاث شهور يعني أهي في شهر الثالث
بدر : بس انت قلت إنك شايفها مع واحد بالشقه يعني كيف تثــق إن هالولد منك يمكن بلـــوه جايبتها لك
سامي : لا عطتني الدليل إن مني
بدر : وكيف عطتك دليل ؟
سامي : مايصير اقوووله لك عيب
بدر غير السالفه : طيب وفــداء واهلك كيف بتقوووولهم ؟
سامي : راح يكــــــون سر وانت ماتوقع بتقوووول حق احد صح ؟
بدر : لاحووول الله ، الله يسامحك يــا يبه
سامي : هيي شنو الله يساامحه ليه اهو مسوي شيء غلط
بدر : لا بس فـداء كاسره خاطري
سامي : يعني خالي اهو اللي مغصب فداء علي ؟
بدر : لا بس كانت متردده وابوي قنعها
سامي : بدووور انا صحيح رجعت حق حور بس ترى ماحبها واذا رجعت فداء من السفر مستحيل انام عند حور لانه قلبي صاااار ملك حق فداء
بدر : يعني اتطمن عليها ؟
سامي : ايي تطمـــــــن لا تنسى قبل لا تكوون زوجتي كــانت اختك
بدر : هههههههههه
سامي : بدييير متى تتزوج مازهقت عزوبيـــــه
بدر : واللي يقولك بظل طوول عمري عزوبي
سامي : لا يبااا عليك كيفك اهوو
بدر : لا على كيفك انت سااامي انت الوحيد اللي تدري عن اللي في قلبي
سامي : تقصد نوره ؟
بدر : لا نووره راحت أيــامها وراحت ايام الطيش اقصد إنيـ ..
قاطعه سامي : ولد حـــرام زهقتنـــــــي وانت تقووول هالكلمــــــــه عطني دليل ان حرام تتزوووج بدر هذا مو ذنبك ذنب خالتي وابوك انت وش فيك
بدر : واذا تزوجت وجبت عيــــال وش اقوووولهم جدتكم اهي هند اللي مفروووض تصير عمتكم ؟ ولا اخليهم يوهمون إن جدتهم أم بدر اللي مفرووض تكون أم بندر
تدري ساعات احس اني اخــــذت شيء مو من حقـــي اخـــذه ، ام بدر المفروض تكون ام بندر يعني كأني سارق شيء من بندر
سامي : رووووح زين وش قال سااارق
بدر : مستحيل تفهمنـــــــــي
سامي : الا فاااهمك عـــدل بس انت غلطاااااااان يعني تبيني اقولك اي صح كلامك علشان ابين لك اني فااهمك
بدر : لو فاهمني وقفت معـــــاي
سامي : لا بــلا فاهمك بس ماراح اووقف معــــاك انــا بســـأل شيـــخ
بدر : انت هيـــه وش بتقوووله أنت تدري إن الحكومه لو تدري يمكن يصير شيء حق عمتي هند وامي اللي استرت على ابوي
سامي : ماعليك خلها علي ماراح اقووول شي
بدر : طيب مو الحين بعدي ماشبعت منك ابي اكلمك
سامي ابتسم : هذا انا معاك كلمنــي قول وش تبي ؟
بدر : اسيل اختــي
سامي : وش فيها ؟
بدر : اهي سوت العمليــه حق رجلها وخلصت وفي الفجر جــاء لها واحد قال بـ كمل العمليــه وسو نفســه دكتور والحين اسيل صار عندها رجيلين ماتقدر تمشي فيهم
ويقول الدكتــور مافي أمل تتعــالج
سامي : شنووووووو !! فوووضى اهي الدنيا المفروض تشتكي على ادارة المستشفى
بدر : كلمتهم يقولون إن مو مشكلتهم مشكــلة بسيل واسيل انهم مانتبهو وإن مستحيل دكتور يجي الفجر ويسوي العمليــه بدون مايعطيهم خبر ومن غير ممرضات
سامي : الشرهه مو على اسيل على بســيل اللي صدقـــه على طول
بدر : هذا اهو بسيل حـــاس إن محمل نفســـه ذنب اسيل وطول الوقت معاها ومايبي يحسسها في اي شيء
سامي : من زمــان بسيل كذا طول وقتــه معاها ، المهم وهذا ماعرفتووه ؟
بدر : لا ماعرفته انحاش من المستشفى ومافي اي دليل ضـــده
سامي : وش هدفــه يسوي كذا ؟
بدر : هذا اللي بااااط قلبي أنا متأكد إن هالشيء ورا بو عبد الله بس كيييييف اعرف
سامي : اي صح انت قلت إن مهددك
بدر : شفت كيـــف
سامي : لا حووول الله طيب اهو وش سو بـ رجلها
بدر : مدري انا ماعرف في الطب شيء بس كأن يقول قطع احد الشرايين ومدري ايش
سامي : حاولت توديها عند دكتور ثاني
بدر : ودي بس اهي رافضه هالفكره المهم حبيبي انا بسكر
سامي : أووووكي ولا تقطــــع
.
.
جلســــــو على أدى الطــولات اللي موجودهـ كـــان يسولف معاهم ويضحك وكأن من سنين ماشافهم ..
وفي عيـــــون ماشالت عينها منـــــــه ...
فراس : هههههههه من جد والله إنك هبله
ساره : ههههههه
الياس : غبيـــه يقول عنك هبله وتضحك
ساره : عاتي عــاتي حلاتي بـ هبالي
فراس : هههههههه حلاتك بعقلك ياهبله
ساره : انا عندي عقــــل
فراس : ايوا واضح المهم مو ناوين تدرسون ؟
الريم : انا عن نفسي بدرس طبعـا تعرفون إن طموحي ادرس هنا في امريكا
الياس : وانا بروح معاها
ساره : حلفووو بس انكم تبون تجون هنا علشان دراستكم
الريم : عادي نضرب عصفورين في حجر وماراح ندرس في دوله غريبه وراح نسكن عند جدتي
ساره : خييييير !! تسكنون عند جدتكم لا والله مانتو طالعين من السعوديه
الريم : هبلـــه انتي في الامارات يعني عادي رحت امريكا ولا مارحت عادي
فراس حق ساره : وشعليك منهم خليهم يدرسووون ويجلسون عند جدتهم مساعد انت معاي صح ؟
مساعد اللي كان سرحان : ها ! اي معاك
فراس : ترى انا من زمان ملاحظك انك تناظرني وش فيني ؟
مساعد ابتسم : قوم معاي ابي اكلمك
ساره : وووين ووين هناك كلنا اخوان تكلمو جنبنا
مساعد : يعني مافي اسرار
ساره : لا مافيــــه ... مدت بوزها : وبعدين مايصير هيك تخلي البنات جالسين الحالهم
فراس : والياس وين راح
ساره واهي تناظر الياس : اووه صح نسيت ان في ولد معانا
اخذ علبـــة المنديل وقطـه عليها : رجال وغصب عنك
.
.
فراس : شنو وش بغيت ؟
مساعد : ابي اطلب منك طلب
فراس : أمر ؟
مساعد : تكمـــل دراستك
فراس وهو يحط يده في جيبـــه : نسيت ايام المتوسطه والثانويه كيف اطيح عليكم فجـــأه ..؟ وكـــل يوم بعد حتى المعلمين مايعرفون وش يسوون
وفي الاخير صار الامر طبيعي اني اطيح عندهم .. نسيت كيف تمرمرت في دراستي انت من جدك مساعد تقولي ادرس ، انت الوحيد اللي درس معاي
وكنا كل سنـــه نكون بـ نفس الصف حتى وجباتي ماقدر احلهم واعيد سنــــــه انا ماصدقت اخلص الثانويه وانت تقولي ادرس
مساعد : طيب اشتغل مع بدر في شركــة ابوي
فراس : لو رجعت من امريكا بروح الكويت والشركه في السعوديه ولا ناوي بدر يفتح شركه في الكويت بعد
مساعد : اممم طيب الورث اللي من ابوي والعمارت وينها ؟
فراس : امي خذت ورثنــا كلنا وشرت لنا بيت كبيــــــر
مساعد : بـ ورثك ورث فيصل وفداء واسيل وبسيل !! من جدك تتكلم
فراس : لا فداء ورثها عندها
مساعد : ولوووو بس مستحيل بس من الورث يبقــى هذا لا تنسى اخذنا من الورث ملايييييييين
فراس : ايي عندها الفلوس الباقي من البيت كل يووم تشتري لها شنطه تستعملها يووم وتقطها خلها على الله مانقدر نتكلم وحتى يوم اسيل بتتعالج
رفضت تعطيهم فلوووس
مساعد : اجل كيف تعالجت اسيل من فلوس منو ؟
فراس : المسكين بدر تنازل عن ورث ابوي وفي الاخير اهو اللي دفع حق علاجها
مساعد : لا حووول الله والعمارات ؟
فراس : العمارات كلها في السعوديـــه قالت لي امي ابيعها بس كأنها نست السالفه وماراح نذكرها في شيء
مساعد : وأكييد اللي ساكنين في العمارات مرتاحين مايعطون أحد فلوس الايجار صح ؟
فراس : مدررري
مساعد : انتو كيف تاكلوون وتشربون ؟
فراس : الخدم يطبخووون واي شيء ناقص ياخذون من امي
مساعد : وملابسكم واغراضكم مو معقووله ماعندكم فلوس ؟
فراس : لا عندنا ماقلت كذا امي كل شهر تعطينا 600 ريال
مساعد : يوووووووه من جدك 600 ريال اكل وشرب وملابس مايكفي
فراس : خلها على الله الوحيد اللي مو متعذب انا تدري اي شيء البســه اما بسيل واسيل وفيصل بقوووه كاسرين خاطري
مساعد : طيب اذا رجعت من امريكا روح السعوديه واخذ من كل العمارات فلوس الايجار عمارتك وعمارة فيصل واسيل وبسيل وعمارتي بعد

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -