بداية الرواية

رواية انا لوحة حزن تبكي عجز عن رسمها فنان -3

رواية انا لوحة حزن تبكي عجزعن رسمها فنان - غرام

رواية انا لوحة حزن تبكي عجز عن رسمها فنان -3

و تذكرت كيف انها فكرت بعقلها خارج عن حدود الدين
رجعت تتذكر ،، وتتخيل بشاعة الموقف
وهي تمسح دموعها
::
صحت اليوم الثااني ومالقته بالغرفه
توقعت انه لعب عليها ،، قامت مثل المجنونه
واللحاف تغطت فيه بطريقه تفضح اكثر مماتستر
وصارت ادورر علييه بكل مكاان بالاستراحه
بس مالقته تاكددت انه لعب عليها
صارت تبكي بحرررقهـ والدموع انهاار
دخلت مره ثانيه الغرفه اللي كنت فيها
دقايق وما حست الا باللي يلف ايده على خصرها
فراس : خفتي اني مانفذ اتفاقنا صح
ماخبي عليك ،، انا توقعت انك ترفضين
واتخلص منك بسهوله
بس طلعتي ذكيه وحسبتيها صح
تركها وصفق ثم قال : براااافووو
بس فيه حاجه نسيت اقولها
شجون بخوف : وشو ؟
فراس : زواجنا ببيتم بالسر
شجون : ليـ،،؟
فراس يقاطعها : من غير ليش
والله لو شفت انك تستاهلين حبي
واني ارتحت لك ،، راح يصير اللي تبينه
مع اني مااظن ،، لاني بتزوجك وبعد كذا تنسيني
شجون على طول وافقت لان ماكان قدامها الا هالخيار
::
بعد هالقصه الطويله
شجون .. ماصارت تفرق بين اللي يحبها
واللي مايحبها .!
خصوصا انها كانت متعلقه بمحمد كثير ..
صاارت حتى اللي تحبهم ماتثق فيهم ولا حتى
تعطي نفسها مجال انها تثق فيهم
حتى هم ماتبيهم يرتاحون لها
او يتعلقون فيها ،، ثم ينصدمون
ومع ذلك اوقات تحس بالندم لسوء معاملتها للناس
ممكن نقول عليها
صارت تتصنع انها بلا مشاعر
::
++++++++++++++++++++
بالظهرأإنـ مول ّ. من الساعه 6 الى 11 اليل
كانت متلثمه ولابسه عبايه مخصره مره .. وملفته للانتباه
كل من مرت من جنبه يطالع فيها .!
و ناس ترمي عليها تعليقات
ناس تهزء فيها وناس تمدحها
وكانت كل ماتمر من جنب واحد تمسك يده بكل جراءه وتحط فيها رقم
لو ماخذ الرقم تقول له : ليه ياحلو الكسحه
طبعا اكيد عرفتوها دانا .. بالنسبه لدارين : والله العظيم لو ماتوقفين لانتي صديقتي ولاعرفك ،،
دانا : هاهاها ،، ضحكتيني ~
دارين باستغراب : انتي مجنونه ولا تحاولين ؟
دانا : مشكلتك ماراح تصيرين صاييعه
دارين : اقوول انا بسحب علييك سيفون ،، ومشت
دانا وهي تمشي وراها : افا يادارييين ،، ماتوقعتها مننك ~
بالسيارهـ~
دارين كانت تعطي محاضرات لـدانا : عيب ،، مايصير
خافي على نفسك ،، الخ
دانا : اوهوووووو وانفتح الراديو
دارين : شوي وبيتسكر ،، سكتت ثم قالت
اليوم رقم بعدين تقابلين بعدين شقق هاااه
دانا : ههههههههههههههههه
لالالالا هذي اللي من جد ماتوقعتها منك
لهالدرجه وقاحه ،، وعيني عينك المشكله
دارين : والله لو ماتعتدلين بيجيك مخمممس
يحبه قلبك
دانا : خلاااص طيب ،، ياشينك !
واصلا انتي لو تعرفين الرقم اللي عطيتهم ياه
050 والباقي انت خمنه
دارين ماعندها تفاهم قامت ترقع بـ دانا
دانا : عمى ان شاء الله ،،
كملت وهي تعدل الشيله : مو لهالدرجه جنوون
دارين : والله تسوينها ،، خابزتك يالغلا
دانا : والله شوفي ،، انا ماقولك مستحيل اسويها
بس احتمال 99% ،، إني ماسويها
يعني 1% .. إأني اسويها
دارين : اقول ضفي وجهك
دانا : وين اضفه ؟؟
اوه وصلنا ،، يالله سلام
ونزلت من السياره قبل ماتسكر قالت لها دارين :
انتبهي على نفسك هاه
دانا وهي ترمش : اكيييد
+++++++++
عند دارين
دخلت البيت ولاحد درى عنها
.. بعيدين عن بعض .. { مشتتين ]
بس علاقتها مع { نوف ، اسماء ، فراس ، صقر ]
ممكن نقول تمام
اللي برى البيت واللي مايرجع الا عالفجر
وغير اللي فجاه مايلاقونه بالبيت .. و يكتشفون بعدييين انه مسافر !.
عائلة دارين :
امها { حنان ] : 59 سنه
راعية طلعات
ابوها { عبد الرحمن ] : 64 سنه
تاجر
اخواتها :
حنين : 23 سنه مثل امها راعية طلعات
اسماء : 20 سنه .. حطوها عند الكتب والدفاتر { دافوره وتحب المذاكره]
ولو اجازه تلاقونها بس تقرى كتب بإختصار عبقريه عبقريه
جوري : 19سنه
اختصاصها إجرااام ،، بالشباب
نوف : 15 حياتها نت × نت
و دارين صديقة دانا من ايام الروضه
اخوانها :
حمد : 31 سنه متزوج ..
فراس و فارس توأم : عمرهم 26
اختصاصهم البناات
واللي مو حلو فيهم انهم عنيفين .. يعني لو احد فيهم عصب و ضرب
تحس ان الضربه مدبله
باختصار مايشوفون شي قدامهم
خاصه فراس
صقر : اصغرهم عمره 14 مثل نوف
طول الوقت عالنت
::
++++++++++++
بعد اسبوع .. يوم الجمعه الساعه 8:30
هيا & شجون
وفغرفة شجون
هيا : انتي للحين شكلك زعلانه
شجون : هه من وشو ازعل ؟
هيا يعني ذاك اليوم بالمول
شجون : اها انا انسيت .. وانتي عادك تذكرين
خلااص غيري الموضوع
هيا بنفسها : اوووف ياربي اشووهـ،،
توجه كلاامها لشجون : وين طالعه اليوم ؟
شجون : مابي اطلع
هيا : ليه
شجون : مثل كل مره يطلع محمد بوجهي .. ويسوي فضايح
وانتي عارفه وشايفه اتوقع
هيا : اصلا مادري كيف يعرف مكانك
شجون : هذ1 اللي محيرني .. بس اكيد يتجسس الاخ
هيا : ... أكـِيد .. بس انتي وش عليك منه ماتسوين شي غلط
شجون : هههههه .. اصلا حتى لو اسوي بكيفي
انا حره محد له دخل فيني
هيا : وش فيك اليوم .. مزاجك مو تمام .. عالاقل روحي غيري بجامتك ذي
شجون : جايتني على فجاه و تتكلم
هيا : طرده يعني
شجون : اسكتي واللي يرحم والديك
وطلعت لها بنطلون جينز و بلوزه سوده
ودخلت الحمام تبدل ..!
و تركت هيا ،، تحس بتغيرها عليها
++++++++++
اما دانا .. مندمجه مع دقات قلب
شوي تدخل بالتلفزيون
دانا : شف الحماره .. ليه تتزوج جميل ليه ليه
عهود : خلها بالطقاق اللي يطقها ..
دانا : قهر قهر ..
عهود : بس ترى جميل هو اللي يحبها .. صحيح كينان بعد يحبها
بس اوقات احس معه انفصام بالشخصيه
دانا : اوه المعلومه مغبره
عهود : الزبده اسكتي لافقع وجهك خل اشوف
دانا : يمه .. زوجة ابوي صارت معربجه
عهود ماقدرت تكتم ضحكتها وضحكت باعلى صوتها :هههههههههههههههههههههههههههههههههههههههه
دانا :اقول اسكتي لافقع وجهك الحين ..
عهود وهي تضحك .. خزتها
دانا : كيف تجي تضحكين وتخزين مرتن وحده
عهود : هههههههه و .. ههههههـــ بعدييـ ههههههههههه ـو بعديين معك
أأأأأهـ..
يالله جد اسكتي
الحمار يتكلم
دانا : ايام زمااان بس على فكره اسمها نطق الجميع و سكت الحمار قائلا ..
عهود :هههههههههههههه .. عارفه نفسك ....
دانا : ايه والله ...
و أخير بعد ‘‘ عرأك ‘‘ مدري وش يبي من الحياه < قأأط
سكت الجميع
+++++++++
عند دأرين جالسه بغرفة اسماء ..
عاللاب .. بتاع اختها
< طبعا قلت لكم اسماء حطوها كنت الكتب والدفاتر فـ اللاب حقها زينه
اللهم يوم تنقصها معلومه تدخل فيه ..
دارين : اقول اسوم ..
اسماء: ......
دارين : يا بنت
اسماء :....
دارين بصراخ : اسمااااااااا...
اسماء : يووووووووه .. قاعده اقرى اف يوم اكون فاضيه كلميني
دارين : هو انتي فيه وقت اشوفك فيه منتي ماسكه كتاب .. معجزه معجزه
شوفي لو لمدة 3 ايام مامسكتي كتاب بشتريلك بلاك بيري..
اسماء بعد ماخلصت الصفحه : اولا انا اشتريته يا مكحكحه ثاني شي يا تقعدين بادب يا تطلعين خليني اقرى
دارين : بطلع بطلع بس سؤال .. انتي وش تستفيدين يوم تقرين
اسماء : معلومات .. سؤال ثاني ؟
دارين : لا .. اطلع بكرامتي ياهانم احسن لي
بس ابي اللاب
اسماء : خذيه .. حقك ملكك اففف
دارين : لا بس هالفتره لين مايحن قلبي لجهازي
++++++++++++++++
محمد .~!
كان ماسك جواله و يرسل مسجات ..
لوحده من بين مئات البنات اللي يعرفهم ..!
بس هذي غير ..
اول مسج ارسله لها :.
وين طالعه اليوم ؟؟
ردت عليه :.
ماراح تطلع اليوم ..
اررسل لها :.
متاكدهـ
ردت :.
ايه .. افا عليك انا اكذب عليك ؟
ارسل لها :.
كفوو والله كفوو
طالما انكم مو طالعين اليوم ،، خل نتعشى سوى
ردت :
لا مايمدي اليوم ~
ارسل :
ترديني اجل ؟
ردت :
مو عن ،، بس خلها مره ثانيه
::
بعد ساعتين من هذ1 كله
هيا راحت بيتها ...
{ شجون و عهود .. ] نامو
باقي دانا .. تو حطت راسها بتنام الا
ارسلت لها دارين مسج
{ دنادين بكرى تعالي عندي .. سهرتنا صباحي
وجيبي مستلزمات النوم بعد ترى كلها بجامه ]
دانا ارسلت لها : دنادين هاه ،، الزبده يصير خير الحين بنام و بكرى اشوف
الوضع
++++++++++++++++++
+ اليوم الثاني +
الساعه 3 العصر ..
شجون : حطو الغدااااا
عهود : روحي المطبخ خذي تصبيره
شجون :.. ابي اشوف الغدى عالطاوله
عهود : دبري نفسك ..
شجون : انتي طابخه شي
عهود : لا
شجون : ياليييييييل ،، شكلكم مطوليين
وطلعت غرفتها
~
شافت الجوال ،، وتذكرت شخص
ودها تقتله لو كان اللي ببالها صحيح
قالت بينها وبين نفسها : احس اني سكت عليها كثير
بس بسكت .. ولاخر مره .!
ونشوف لو الاخت تتوب ولالا
و حطت الجوال عالطاوله
رجعت اخذته : خل المح لها
.. و هي تدور على اسمها قالت : لآلآ اعطيها فرصه احسن .. بس مو عشانها
بس عشان اتاكد ،، مابي هالاشكال تاخذ مقلب بنفسها ،،
نفس الشخص ارسلها مسج ،، ~
زعـلان منـك حيـل وشايـل لـكـ بقلـبـي عـتـاب..
واتـمـنـى تحمـلـنـي مـثــل مـــا اتـحـمـل عـتـابــكـ..
ترى بعض الصراحة جرح وثقل ونرفزه واعصاب..
ابـي تسمـع كلامـي زيـن وتـمســكـ زيـن اعصـابـكـ..
تعاهـدنـا انــا وانـتـه عـلـى إنـــا نـكــون احـبــاب..
واحبـابـكـ هــم احبـابـي واحبـابـي هـــم احـبـابـكـ..
وش الــي غـيـركـ فجـأه تكـلـم واذكــر الأسـبــاب..
انـا بسمـع كـلامـكـ زيــن وبسـمـع زيــن اسبـابـكـ..
رغـم كـل الخطـاء منـك فوجهـكـ مـا قفـلـت الـبـاب..
ويـوم اخطيـت فـي حقـكـ قفـلـت فوجـهـي ابـوابـكـ..
رخصـت الغالـي لعيونـكـ حنيـت لخـاطـركـ ارقــاب..
رضـيــت احنـيـهـا ارقـابــي ولاتحنـيـهـا ارقـابــكـ..
كفايـه تمتحنـي هــم وخــل مــن ذم فيـنـي وعــاب..
ترى من عاب في غيـركـ ولـو طـال الزمـن عابـكـ..
ولا تفكر في يـوم انسـاكـ او يشغلنـي عنـكـ غيـاب..
انــا اتنفـسـكـ اهــواكـ وفـيــكـ امـــوت واحـيـابـكـ..
انـا مـا شـوف احـد غيـركـ جمـيـل بفـتـنـتـه جــذاب..
انـا إعجـابـي فيـكـ اعمـى يفـوق اعجـاب اعجـابـكـ
انـا مهـمـا قـسـى قلـبـي.. بكلـمـه مـنـكـ احـسـه ذاب..
انا من زود عشقـي لـكـ عشقـت العطـر فـي ثيابـكـ..
انـا ياليـت مـغـرم فـيـكـ انــاكـلـي فغـرامـك شــاب..
احـسـكـ جــزء مــن روحــي ولا اتـحـمـل غـيـابـكـ..
ولا قد طـاب لـي جرحـكـ ولـو جرحـي لذاتـكـ طـاب..
عجـزت اقـدر اشـوف الدمـع بـل اطـراف اهـدابـكـ..
ولـكـن كـــل شـــي إلا جـــزاة الـصــد بالـتـرحـاب..
إذا صـديــت تـرحـابـي تـــرى بــاصــد تـرحـابــكـ..
ولانـي مرتـضـي ذلــي ولــو كــان الـهـواء غــلاب..
إذا مـاكـان تـرضـا بـي حـشـاء لا يمكـن ارضـا بـكـ..
ولانــي قــادر اتحـمـل عشـانـكـ غـرسـت الأنـيـاب..
انـا كـلـي غــدى مـجـروح مــن غـرسـات انيـابـكـ..
تجافيـنـي ولا هـمـكـ ولا تحـسـب لــي أي حـسـاب..
وانا من زود عشقي لكـ اصونكـ واحسـب حسابـكـ..
ألآ يـا قـسـوة الصـدمـه تجـيـنـي مـنــكـ الأصــواب..
وانا الي كنت اقول الجـرح إذا مـا صابنـي صابـكـ..
أمـانــه قـــول وش بـقـيّـت لـلـعــذال والأغــــراب..
اذا هــذا مـعـي طبـعـكـ اجــل وشحــال اغـرابــكـ..
تـمـرد كــان يحـلـى لــكـ تعـيـب فطيبـتـي وتغـتـاب..
ولكـنـي تــراي اكـبــر مـــن انـــي يـــوم اغـتـابـكـ..
حقيـقـه اكتشـفـت انــكـ سخـيـف بطبـعـكـ الـكـذاب..
وانـي كـنـت لــكـ لعـبـة سخيـفـه تـشـبـه الـعـابـكـ..
انـا عيبـي غبـي طـيـب وضـنـي فـيـكـ والله خــاب..
ولا قـــد كـنــت اتـوقــع تـجـافـي يـــوم اصـحـابـكـ..
شجون : ذي غبيه ولا تستغبي ،،، الحمد لله والشكر ~.
ومسحت المسج ،،،
تو حطت الجوال ،، ويتصل فيها شخص
عزيز وغالي على قلبها ‘‘ ح‘ـِـِيل ~ ‘‘
.....: ياهلا بالقااطعه
شجون : هلا فيكك ،، انا القاطعه ولا انت ؟
.....: ولا يهمك ،، انا ~
علومك ؟
شجون : تماام انت ؟
.....: دوووم يارب ،، انا اكيد تمام
دامني سمعت صوتك
شجون : نويصر بلا مصاخه عااد
ناصر : شقلت انا ،، انتي اللي تفهمين غلط ،!
شجون : احلف انت بس
ناصر : والله
شجون : شكلك تبي تسمع صوت القطاار
نااصر : اشوف عجبك الوضع كل ماتصل تسمعيني صوت القطار
ماشوف غير اللي مسكر السماعه بوجهي
صدق قلة ادب
شجون : ،، الزببده ~
ناصر : هو انتي خليتي فيها زبده ،، ؟
شجون : لا بس الفوول
ناصر : ماتعرفين تنكتين
شجون : الحين انت شتبي داق ؟
ناصر : جيت اقول ،، واعترف للمره المليون
بحبــ...
شجون تقاطعه : وانا للمره الترليون ،، اقولك انا مانفع تحبني
للاسف ،، مو تخصصي
مره ثانيه لابغيت تكلمني ،، قول شي عدل ولا لا تتصل من الاساس
و سكرت بوجهه
رغم انها تدري ومتاكده من حبه لها ،،،!
بس نقصها مايساعد على انها تحبه
::
يمكن أإحبك و لآكن ما اظن
يمكن انا لاحبيتك يزيد
الهم والغم
كلمة احبك ،، من لساني لك ~
مستحيل
يمكن ،، من قلبي لقلبك
يكون الح‘ـِـِل ؟ الاكيد ؟
انا لاقلت لك ‘‘ راجع احساسك ‘‘
هذ1 لمصلحتك ،،
تدري اني اقولها
وانا متاكد من اخلاصك
يمكن أإحبك و لآكن ما اظن
يمكن انا لاحبيتك يزيد
الهم والغم
اخاااااف ياقلبي ،، هالحب يكون عنوان للندم ~
::
++++++++++
دانا وهي نازله من الدرج : يالله .. انا بروح عند دارين
السهره صبااحي .. ترى ماقلد
عهود : متى راجعه
دانا : نايمه هناك يا معووودأأأهـ
عهود : يعني ؟
دانا : يمكن ارجع بكره الظهر ..
عهود: اها .. طيب انتبهي على نفسك
++++++++++
نهأأية البارت :.
واتمنى اشوف ردود تحمس
~ وماتخلى من توقعاتكم


:. 4 .:

شجون دخلت من باب بيتهم وهي معصبه اتجهت للصاله مالقت عهود ..
وتوقعت انها بالمطبخ .. و فعلا لقتها بالمطبخ
شجون : وين السواق ؟
عهود : دانا توها طلعت معه لبيت داريين
شجون : اففف .... طيب
عهود : ليه معصبه خلااص شوي ويرجع
شجون تجاهلتها ،،، و طلعت لغرفتها
::
بسام على دخلته للصاله : سويتي غدى ؟
هيا: لآ .. واشرت بقرف على العنود وقالت : هذي وش تسوي هنا ؟
العنود زعلت شوي بس ما حبت تبين فقالت بمزحـ: هذ1 اللي ناقص اخر عمري ادخل مطبخ
هيا : هههههههههههه
شكلك نسيتي اياام الكررف اللي اخووي انقذك منها ~
بسام يطالع باخته يعني اسكتي وصرف الموضوع : يعني لمتى بنجلس على اكل الخدامه ؟
هيا : وش دراني انا
بسام : لا فوق هذ1 كله .. يوم الاكل محروق و يوم مو مستوي ..
بعد سكوت من الجميع
بسام : وين امي ؟
هيا : مدري
بسام : وش اللي ماتدرين
هيا : وش دراااني انا رح دور عليها
بسام : انتي الكلام معك ضايع وهو طالع عالدرج
هيا : ايه تذكرت .. قالت بتروح ايكيا
تتغدى هناك مع صديقاتها
و تبي تغير اثاث غرفة نومها
بسام : نااس بطرانه .. الاثاث اللي بغرفتها
ماصرله 3 شهور
هيا : وش دخلنا فيها براحتها ..[ وقالت بسخريه ] اقول العنود ماتبين الاثاث القديم حق غرفة امي
لبيتكم ؟؟
العنود بعصبيه : مايحتاج وطلعت لغرفتها
بسام مسك ايد اخته بقوه وقالها : احترمي نفسك لايصير لك شي ماتحبينه ..
هيا : اقول فكني يالعبد <لآن بسام شوي اسمر
.. وماتحس الا بكف يصحصحها شوي ْ ..
بسام بصوت عالي : لعلمك ،، انتي لو مو امي موجودهـ
كان مكانك الشاارع
هيا بخوف والدموع بعينها من كف اخوها : شقصدك ؟
بسام ماعلق ...
{ عايلة هيا ]
امها { سلمى ]
تقريبا مثل ام داارين .. تحب تطلع وتتمشى
بس بأخف .. و اهم شي عندها الاثاث والديكور
ابو هيا: مطلق سلمى
ابو بسام : متوفي
بسام : الاخ الكبير والوحيد لهيام و من امها عمره 31 متزوج
العنود : زوجة بسام عمرها 25 ..
طبعا هي عادي مع هيام بس تعصب منها
لان هيام تستحقرها كثير
هيام : بتستغربون كيف هي تعاملها مع العنود كذ1
بس مثل ماقلت لكم تستحقرها كثير لانها بنظرها
مو من مستواها .. مع ان الخير اللي هي فيه
كله خير ابو بسام ..
بس مايندرى ليه شوفة النفس ~
++++++++
دانا : اقول انا طفشانه
دارين : حتى انا
دانا : يعني وش نسوي ؟
دارين بكسل : ولا شي امشي نطلع الحوش
دانا سبقت دارين وهي ماشيه سمعت صوت مفتاح باب الحمام .!
توقعتها وحده من اخواتها .. و كملت مشي قاصده الدرج
انفتح باب الحمام .. !
و شافت فارس < ضاعت علومها
{ كان طالع من الحمام و لاف منشفه بيضه على خصره و شعره اللي لين كتفه تقريبا { مبلول ]
باختصار دانا شافته و خقت
طبعا هي بنفس الوقت ارتبكت ماتدري ترجع ولا تنزل !
على طلعت دارين من غرفتها
فارس طالع بدانا وابتسم وبعدها انتبه لدارين .. دخل مره ثانيه الحمام < وانتو بكرامه
اما دارين تسطحت ضحك : ههههههههههههههههههههههههههههههههههههه
هههههههههههه
دانا : سخيفه .. مافي شي يضحك يالله امشي ==
دارين : ههههههه ادري عجبك
دانا : قولي قسم
دارين : قسم ..
دانا : هذا فارس ولا فراس ؟
دارين : فارس
دانا : مشاء الله مدري كيف تعرفينهم
دارين : اخواني بعد ماعرفهم مصيبه
دانا : مممم .. بس تبين الصراحه اخوك ذ1 انواع الخققان
دارين : ادررري .. بس ماشفتي فراس شي ثاني
مع انهم توم بس فراس احلى
وفارس حاط برقبته وشم ،، هذا قرب شي عشان نميزه
دانا : اها .. لا خليني على فارس
دارين : بالتوفيق قيد هو راعي بنات خخخخ ..
دانا بقهر : مشااء الله
دارين وهي تسكر باب بيتهم : اقول روقي المنقا
دانا : عطيني يدك
دارين : وشو ؟
دانا تسحب يدها و تجرها لين المسبح و تدفها فيه
دارين : بلى ان شااء الله ( وتصرخ ) لان المويه باردهـ..!
دانا : احسسن يالله سي يو
دارين : هي هييي .. لاتخليني بروحي
دانا : بالطقاااق .. وهي طالعه لفت على دارين و طلعت لها لسانها
دارين : حركات بزارين

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -