بداية الرواية

رواية اخوه يعيشون في صراع مع الزمن -40

رواية اخوه يعيشون في صراع مع الزمن - غرام

رواية اخوه يعيشون في صراع مع الزمن -40

تركي من غير مايلف عليه: ماكنت ادري حسبته جوالي
عبد الله : وبعد ماعرفت ان مو جوالك ليش مارجعته مكانه
تركي بـ صبر : لا تسووويها سالفه خلاص هذا انت شفته
عبد الله : تعلم لا شفت شي مب حقك ترجع مكانه
تركي : لاحووول هذا اللي يبي يتهاوش
ريما : بس ! شفيكم كلها جوال
تركي : ماتقولين حق اخوك
عبد الله : لي اسم خـــالك عبد الله
تركي : تخسي خــــــالي
عبد لله :غصب عنك خالك
تركي : عبد الله واذا مو عاجبك عبيد
عبد الله بغرور وهو يمشي : مايحتاج تناديني بـ خالي اهم شي بنظرتي وبنظرة الكــل اني خالك وتــاج راسك بعد
تركي وهو يشووفه يطلع لف على ريما : شلوووون تتحملوونه هذا
ريما : ماعليك منه هو كذا ماعنده اسلوب بس ترى قلبه حنون
تركي : اي هيــــــن
.
.
: اووووووووووووف ياااربي
ساره : وش فيك تتحلطم ؟
مساعد : شماغي الاحمر ووووينه ؟
ساره : يمكن في الغساله ولا شي
مساعد : توني امس شريته في الغساله ياااربي
ساره : طيب اخذ لك ابيض
مساعد : لا لا مابي الا الاحمر من زمان مالبست شماغ وثـــوب
ساره : طيب ووين بتروح ؟
مساعد : بروح المسجد اصلي بـ يأذن الحين
دخل عليه عبد الله وهو لابس ثوب من غير شماغ : مساعد انا بمشي
مساعد : لحظه اشوي ماعرف وين المسجد
عبد الله وهو يناظر ساعته : بسرعه مابقى شــي
مساعد : طيب تركي استعد ؟
عبد الله : مادري عنه بسرعه عاد
مساعد يأس : طيب طيب جيت
طلــعو الاثنيــــن وجلست ساره الحالها في غرفــة مساعد ..
: ياربي ريمــا صارت تشتغل تفطر وتمشـــي عبد الله مايعطي وجه وإن سولف يغث وتركي نادر مايسولف ويجلس معانا حتى الضحك بدون نفس يضحك مساعد برا ماشوووفه كثير
سمعت الأذان .. وراحت تسأل جدتها عن الفطور .. دخلت المطبخ بسرعه وشربت لها كاااس ماي بدوووون نفس
الجده : عمنّ يعميك
ساره براءه: وشووو
الجده : مافي شي يلا بسرعه قوومي صلي
ساره : طيب بفطر قبل
الجده : مافيـــه لما يجي خالج واخووووج
ساره : راحو المسجد ويمكن يفطرون هنا
الجده رفعت عصاها : قلت ماهنا فطوووور الا لما يجوون
ساره مدت بوزها : طيب طيب
ريما واهي تضحك : هههههه تعوودي امي مستحيل تاكل من غير جمعـــة البيت كله
// // //
الياس : حمد الله والشكر
وسن : كيفــي مالك خص
وجن : شنو ؟
وسن واهي ترفع يدها : يقولي ليه امسك ورق عنب
وجن : وانتي ليه ماسكته
وسن : علشان بس تقول امي صار فطور احط فيه فمي
وجن انفجرت ضحك :ههههههههههههههه غبيـــــــه
الريم : ههههه الحييين بنروح بيت عمي سطام
وسن ارتبكت : بيت عمـ عمي سطام
الياس : إي بيت ضــاري *_^
وسن تبي تردها له : وبيــــت ندى *_^
الياس عقد حواجبه : وش دخل ندى
لف على الياس بســـرعه " ندى الياس "
وسن : مدري احسكم لايقين على بعض
الياس : ماشاء الله ! اسمعي وفي بيت عمي سطام تسوين حركات جنب ندى ترى وربي اذبحك لا تخلين البنت تفكر ترى انا مافكر في احد بتاتاً
وسن : ياااااي يـــاثقه وش قال بتفكر فيــــه
الياس وهو يرمش : مليون بنت تتمنــاني
بندر همس في اذن الياس : خلك في طلال ولا تفكر مجرد تفكير في ندى
الياس فتح عيــونه بـ صدمه : ليــــــه !
بندر : مو مجبور اقولك ليه
وسن : انتو هيــه وش تقولون
دخلت عليهم ام بدر : انتو لما الحين مالبستوو يلا مساكين الحين شكلهم ينتظرونا
وسن واهي تاكل ورق عنب : صاار فطــــــــُور
الريم : طيب مع منو راح نروح والسايق من شاف بدر دخل السجن طلــع
وجن : قاهرني عشر سنوات معانا ويطلع بـ كل سهوووله
وسن : ايه هانت عليه العششره
ام بدر : عندنا بندر والياس وش لنا بـ سايق يلا قومو
بندر : سيارتي خربانه
الياس : طيب بس تحملووو الزحمه سيارتي تعرفونها صغيره
طلــعو الكل حق غرفتـــه يلبـــس ويتجهز حق بيت عمهم ..
: ضـاري ! حب طفووووولتي مامر يوم الا وانا افكر فيه ليه اليوم لا ماجاء في بالي اليوم بشوفه مافرحت كثير .... غمضت عيونها بقوه " خالد ... خالد " ... غبيـــــــــه انا وش فيني هذا مجررد حلم حلم
لبســــــت بسرعه وطلعت تحت شافت الريم و وجن وامها وجلست معاهم ..
بندر : بلبس ولا تعودت إنك تشوف ولد يلبس قدامك
الياس لـ آآ .....
دخلت الريم عليهم : تقولكم امي يلا
الياس لف عليها بـ صدمه : امك !
الريم : ماصير اقول حق اللي ربتني يمه !
الياس : اها الا يصير طيب انا خلصت باقي بندر يلبس
بندر طلع من الغرفه وراح الغرفه الثانيه يلبـــس وطلع لهم ..
الياس حق الريم : نزلي اشوي بكلم بندر .... نزلت قبلهم وتركتهم الحالهم ..
الياس وهو ينزل من الدرج وجنبه بندر : انت تفكر في ندى صح ؟
بندر : عندك مانع ؟
الياس بهبال: لا ماعندي شي بس لاني قبل يومين فكرت فيها
لف عليه بندر بنظره غريبه
الياس : امزح امزح
ام بدر كانت تناظرهم واهم ينزلون من الدرج وفرحــانه حق ولدها بندر اللي بدا يسوولف " الحمد الله يااارب "
.
.
ضاري : تأخرو تأخرووو
بو اياد : منو اللي تأخر ؟
اياد : عزمنا زوجة عمي سلطان الله يرحمه واولادها
بو اياد : وانا اقول لما الحين ماحطيتو الفطور والله فيكم خير
ندى : قصدك ضاري اللي فيه الخير
بو اياد : وانت لما الحين تبي بنت عمك وجن ؟
ضاري : هــا وجن ! لا مو هي وسن وسن
بو اياد : ورا ماتخطبها اجل !
ضاري لف على اياد : مو عندي عله فووووق
بو اياد : وليه يا اياد ماتخطب !
اياد : لا ابي اكمل دراستي
بو اياد : وتحرم اخوووك ؟
اياد : تـــو عاد صغييير السنه الجايه ان شاء الله نخطب جميع
بو اياد : وترى مالك الا بنات عمك
اياد ارتبك : هــا !!!
بو اياد : ياولدي بنات عمك يتامى ولا وحده فيهم تزوجت ليه ماتسوي فيهم خير
اياد : كلهم صغار يبـــه وفداء تزوجت وماصار لها نصيب والباقي صغار
بو اياد : وجن مو صغيره
اياد : بس يبى انا مافكر فيها
بو اياد : يعني انت تفكر في احد
اياد بلع ريقه : اي
بو اياد : وطيب منو ؟
اياد : وحـ وحده من برا
بو اياد بعصبيه : مـــافيه ماراح تتزوج الا من بنات عمك سلطان واذا وماتبي منهم تاخذ من بنات عماتك ولا ماني ابوك ولا انا ولدك
ضاري بهمس حق اياد : قوووله يصير خير بعد اشوي يجون مافيه داعي يسمعووون شي
اياد من غير نفس : طيب يصير خيــــر
سمـــعو صوت الجرس وفتحت لهم الباب الخدامه ..
بو اياد : هلا هلا بعيال اخوووي كيف الحال ام بدر
ام بدر واهي متغطيه عنه : بخير الله يسلمك وانت اخبارك وكيف العيال
بو اياد : كلنا بخييير وصل لكم اخبار عن بدر ؟
ام بدر بحرقة قلب على ولدها : والله لما الحين ماشفناه ولا كلمناه وتدري يا بو اياد ماعندنا احد بندر و الياس مايعرفون يتصرفون
ضاري : ولا يهمك خالتي انا ان شااء الله بكره ارووح واشوف شنو حكمو عليه
الريم : حكمو عليه اربع سنوات
ام بدر لفت عليها : وكيف عرفتي ؟
الريم : ساره هي اللي قالت لي
وسن : وساره كيف عرفت !
الريم : مدري عنها بكره اسألها
ام بدر : بس ماراح اتطمن رووح يا ضاري اي وقت تصير فاضي اذا ماعليك امر
بو اياد : ان شااء الله مافيه الا الخييير ..
فطـــرو كلهم في طـــاوله وحده وستأذن بو اياد على شغله ..
ام بدر : يلا الياس وصلني
ضاري طار قلبه : على وووين خالتي ماشربنا الشاي ماجلسنا مع بعض
ام بدر : والله ياوليدي تعبانه اذا اهم بـ يجلسون يجلسوون بيت عمهم مو غريب
وسن : لا انا بروح معك يمـــه
ضاري بسرعه : اي خلاص خالتي السايق هنا اتصل فيه يوصلك
وسن : وانا بعد بروح
يوم شاف ام بدر لفت ... بسرعه سحب وسن من عبايتها وجلس ع الكنب : راح تجلسين
وسن بصوت صغير : برووح معاها ولا تسوووي هالحركات قدام الكل
ضاري : وبسووووي اكثر وقدام امك لو تروحين
وسن : تهدد !
ضاري : مو شغلك بس راح تجلسين
وسن بعصبيه : ضاري لو ماتتركني وربي اصرخ
ضاري تركها : الحين تقدرين تصرخين امك راحت ..
شهقت وطلعت براااا وشافت السايق مشــى .. دخلت واهي متنرفـــزه : الياس قوووم وصلني
لف الكل عليها واهم مستغربين يدروون ان وسن تتغلى كثير على ضاري وماتحب تبين حبها بس موو كذا !
عقد بندر حواجبه ولف بعدها من غير اهتمام ..
الياس وقف ومستغرب : طيب
ندى حست ان ضاري منقهر : ليه وسن ماجلستي كثير
وسن ببتسامه مجامله : تعبانه اشوووووي يلا الياس انا برا انتظرك
طلــع ضاري وراها بسرعه : وووووسن ليه كذا ؟
وسن من غير ماتلف عليه : لا حترمت نفسك بـ تعرف ليه
ضاري : حركاتي تزعجك ؟
وسن : كثيييييير
ضاري : طيب ماراح اسوي شي انا اللي اقترحت حق العزيمه علشان اشوووفك اجلسي اشووووي
حـــنت عليه وقررت تجلــــس " ليــه سويت كذا ! أنا احبــــــــــه احبــــــــه وش فيني ! .. آلحلم آلحلم هو السبب "
دخلـــو مع بعض ,,
الياس : شنو غيرتي رايك ؟
وسن : ايي خلاص بجلس
اياد : وش سوووويت ضاري خليتها ترضى
ضاري ماله خلق : ماسويت شي قلت لها جلسي وجلست
الياس : كــان سويتها من قبـــل
وسن : اصلا انا جلست علشــــــــانك انت
الياس : انا ؟
اكتفت وسن بـ غمزززه له *_^ ..
لف الياس على بندر : اختك غبيه روح اعترف لها قبل لا تسوي شي
قام بندر وجلس جنب ندى بينهم حــاجز مخده ..
اياد : طيب راح تسكتووون كذا يعني ؟
الريم : طيب نرووووح حديقة بيتكم
ضاري : ونلعب صيده
ندى : بزران حنــــــــآ
وسن : اذكر كنت العبها انا انحاش وضاري يلحقني
لف ضاري عليها وهو فرحان : ههههههههه تذكرين يوم تطيحين
وسن : ههههههههه لما الحين الشمخ فيني في رجلي
ضاري : اشوووفه
وسن : خيير !
ضاري وهو يحك شعره : امزح معـــك
جلســو يسالفووون ويضحكووون وتركت وسن كم موووقف حق الياس ونــدى وبندر واصل حــده منها
بعد أسبـــــــــــوع ..
فراس وبسيـــل في السعووديه علشان الملكـــــــه ..
وسن واهي تطق ظهره : اجــل بتتزوج
بسيل يحك مكان الضربه : عليـــك يــد ولا رجــال
وسن : أنـــــــــــــا !
الياس : عاد ماغلطت الا على رقيقه
بسيل : أي رقـــه عسى وسن رقيقه
وسن بغرور : إيــه رقيقه
فراس : اجل وين وجن ؟
وسن : مدررري كلهم بـ غرفتهم
فراس وهو يوقف : اووكي احنا رايحين لـ بيت سمـر نملك ونرجع
وسن : بليييز فروووس والله زهقانه ابغى اروح
فراس : امم حلووو علشان انتي تتكلمين مع الام
لبست بســـرعه ونـــزلت لهم : يلا انا جاهزززه ..
في السياره ..
بسيل يعدل الشماغ : يااااربي يعني لازم البس شماغ
وسن : ايي لازم واد بتتزوج تبي تلبس بدله مثلا
بسيل : لا ع الاقل زي فراس ثـــوب وكـــاب
فراس : والله انا مو رايح اتزوج بخطب
وسن : بس حتى انت المفرووض شماغ بس يلا ماعندي اخوان عدلين
فراس وقف السياره : نزلي نزلي
وسن : ههههه أمززح
بسيل وهو يشوف المرايا : مدري كيف بدر ومساعد يحبوون يلبسوونه احسه صعب
وسن : بسرعه عدل الشماغ ولا تفشلنا الا كم عمرها سمر ؟
بسيل : كبـــري
وسن : طيب حلووه
بسيل : ماشفتها
وسن : اجل كيف عرفتها
بسيل : سر ســـر مالك خص ..
فراس وهو يوقف السياره : يلا هذا وصلنا ولا تفشلونا تكملو عدل وسن قولي حق الام ان بنتهم راح تسكن كم شهر في الكويت
بسيل في داخله " يقول كم شهر نص شهر وخلاص بس بستر عليها الله يهداك ياتركي "
شــافو بـ ستقبالهم ولد في العشرينات : يالله حيهم تفضلو الرجال من هنا والحريم من هناك
وسن متــوتره : ياربي ياليت قل حق وجن تجي معاي انا ليه نطيت مدرري
سحبها فراس من يدها وهمس لها : وسوون لا تتوترين وتكلمي عدل اذا قالت وين لام قولي تعبانه في المستشفى ونبي نملك بسرعه لانها تبي تشووفهم فهمتي
وسن بصوت صغير : وانت ليه تفاول على امك
فراس : سووي اللي قلت عليه واخلصي
دخلت المجلـــس وشافت وحده كبيره عرفت إن امها وبنت في حضنها ولد صغير وبنت صغيره حلوووه عرفت ان اهي سمر ..
سلمت عليهم كلهم وجلســـــت ..
قامت سمر وعطتها العصـــير .. و وسن تراقبها
ام سمر : انتي اخته ؟
وسن بـ حيا : ايوا اخته الكبيره
ام سمر : اجل وين امكم ؟
وسن : أحم انا اخته من ابووه امه في الكويت تعبانه اشووي علشان كذا بملكوون على طول ويرحون الكويت
ام سمر : يعني مافي زواج
سمر بتردد : يمـه انا قلت لك اني موافقه على كل شي
وسن : ان شاء الله بعد مايرجعون راح نسوي لهم فرحه بس امــه تعبانه مره وتقول تبي تشووفهم قبل لا تموت
ام سمر : الله يقوومهم بـ سلامه اتركك مع العروووس تتعرفين عليها يلا قووومي " تقصد بنتها الكبيره " .. طلعـــو وجلست سمر مع وسن الحالهم ..
وسن بتدت في الكلام : تبين تشوفين صورته ؟
سمر : منوو ؟
وسن استغربت : بسيل زوجك يعني منو
سمر : إي إيــوا ... نزلت راسها بـ حيا مصطنع : اذا ممكن ؟
وسن واهي ترفع جوالها : مدري ماتوقع عندي صوره له بس بدور
سمر ضحكت بـ مجامله " غبيه يعني ماعندها صوره له وتقولي تبين تشوفينه "
وسن : إيــوا لقيته بس صوره جماعيه مع اخواني
ابتسمت سمر " يعني اكيد تركي معاهم "
وسن : لحظه بكبر لك الصوره على وجه بسيل
سمر بسرعه : لا لا عادي علشان اتعرف عليهم
وسن : طيب اجل اسمعي ابيك تقولين اي واحد الى فيهم وبشوف تقولين بسيل ولا ههههه
سمر حست انها في موقف محرج .. شافت الصوره وتأملت واحد واحد لما وصلت حق تركي ماشالت عينها منه تحــاول في داخلها تشتمه على اللي سواها فيها بس ماقدرت يكفي ان زوجها اخوه علشان يستر عليها يعني " متدينــه لك ياتركي "
وسن : ها منو أحلى واحد ؟ *_^
سمر أشرت على تركي : هذا
وسن حكت شعرها : آحمم لا هذا تركي
سمر : اجل وين بسيل ؟
وسن : ماراح اقول انتي حزري فزري ؟
سمر اشرت على بندر " ماشاء الله في شبه من تركي بس مره مو معطي الكاميرا وجه "
وسن : هذا بندر كبــر بسيل بضبط غيـرهـ
سمر : تبين اقول احلى واحد ولا احزر منو بسيل ؟
وسن : لا عرفت ان تركي احلى ما فيهم احين قولي وين بسيل ؟
سمر : اممم اهو عمره عشرين وهذا تقولين بندر اممم معقووله يكوون اشقر ؟
وسن : ههههههه لا هذا الياس امه امريكيه ؟
سمر اشرت على بسيل : اجل مافي غيره ؟
وسن : برااااااااافو
اخذت الجوال من سمر وكبـــرت الصوره على بسيل " ماشاء الله يضحك بـ مرح بس منو يأشر له بـ يده ؟ "
وسن : بعطيك معلوومه اشوي عن بسيل
سمر : ؟؟
وسن : توأم مع بنت اسمها اسيل ويمووت في الارض اللي تمشي فيها يعني وش سر العشق مدري يمكن لانها توأمته وصديقته واخته وحبيبته وكل شي
سمر : طيب ليه ماجات
وسن : اسيل صار عليها حادث وصارت ماتمشي واهي في الكويت الحين اظن ماقدرت تجي
سمر : الله يكون بعونها طيب وشنو يحب ؟
وسن : آممم بسيل مرره حنــون كثيـــــر مايحب يشووف بنت تصيح عـنده البنـــات شي مهم في الحياه يحس انها ملكه اميره مايحب يشوف اي بنت متضايقه سوا اخته او غريبه
سمر : معقووله ؟
وسن : ايوا وتقدرين تجربين بـ نفسك طيحي دمعه دمعتين تشوفين يجيب لك القمر لو تبين
سمر بداخلها " ياليتك يا تركي ورثت هالشي ... بس حلوو وين بلاقي واحد احسن منه واظن علشان كذا رضى يتزوجني يمكن حن علي "
وسن : يحب يضحك و يسوولف وهو مع اسيل مستحيل يسكتووون لا بغى يقوولك سالفه تحملي اشووي لانه راح يقولك بتفصيل ومايترك اي شي
ضحكـــت سمر بـ مرح بتدخل في عايله جديده شكلها كثير بترتاح لهم ... وبداخلها تتمنى إن بسيل يغير رايه عن فكـــرة الطلاق بعد شهر مثل ماقالها تركي ..
// // //
ظـــلام وٍ الذياب تلحـــق وراها
صحت من النــــوم اهي تصارخ : آآآآآآآآآآآآآآآآآآآآآآآآآآآآآآآآآآآآ
كـانت تتنفس بــقوه وكـــل جسمها معـــــــرق : بسم الله بسم لله
وغيــــر كذا الغرفه كــانت كلها ظلام والباب مقفـــــول كيف تقـــوم وتطلع ! الكرسي بعيد عنها ماتقدر تتحرك
لفت ع الشابك وشافت الدنيـــا ظلام " الحين الساعه كم ! "
حـاولت تقــــوم بس حست نفسها بتطيح وجلست مكانها تنادي : بسيـــــــــل بسيــــــل ... تذكرت إن اهو مع فراس في السعوديــــه
قــامت تنادي : فيصــــــــل فيصــــــــل .... لآ مجيب ....
بكــــت بـ عجـــز مو عارفه شنو تســــوي الدنيا كلها ظــلام واهي الحالها في الغرفه مافي احد حولها ...
قررت تنزل من السرير وتزحــف لما توصل الباب نـــزلت وتعورت : آآه يدي ... ورجعت تصارخ : يمــــــــــه يمــــــــــــــــــــه
ماشافت احد يرد عليها وكملـــــت الزحــــف واهي تنادي : فيصـــــل يمــــــــــــــــــــه فيصــــــــــــــــــــــل
كــان طول وقته تحت مشغل ع تلفزيــــون ومكبر الصوت وباله بعيـد التفت نظره الساعه : اوووهـ مابقى شي ع الامساك وانا جايع ..
الله يهداك يمه طلعتي ولما الحين مارجعتي وماكلنا شـي .. دخل المطبخ وشــرب ماي وأغلق التلفزيون ... سمع صرخــــات من فـــوق
وصعد بســرعه " اسيل " ..
فتح باب غرفتها وشافها تزحـــف نزل لها : اسيل اسيل وش فيك ليه تقومين
اسيل واهي تصيح : كنت في بر والذياب تحاول تاكلني ماحد حووولي
ضمها بـ حنان : اكيد حلم لا تخافين
اسيل واهي على صدره : من زمان وانا اصارخ ماحد حووولي
فيصل واهو يمسح على راسها : اسف ياعمري كنت اشوف التلفزيووون كان اتصلتي علي وجيت لك
ماردت وظلت تصيح على صدره لمــا نـــامت ..
شالها وخلها ع السرير وتمدد جنبها وهو يمسح على شعرها .. جات في باله امه من الساعه 10 طالعه لما الحين مارجعت
اتصل عليها وبعد عدة رنات ردت ..
: هلا بسيل
فيصل : يمه الله يهداك وينك تدرين ماتسحرنا والحين صار امساك
ام فراس : انا معزومه على السحور و برجع الصباح
فيصل : وليه ماقلتي تخلينا ننتظرك
ام فراس : وانا ادري عنكم بتنتظروني خلاص
فيصل : طيب طيب باي ..
سكر منها وهو معصب " ام ماعندها احساس لو تخلينا في السعوديه وربي احسن مدري وش تبي فينا " ..
باس خد اسيـــل وهو يتأملها " أنا عند وعــدي راح انتقم لك من بو عبد الله " ..
مـاعنده الحين شي يعيش لـ جله رجـــع مثـــل مــاكان
.
.
السياره هـــدوء وهم يمشووون في الطريـق المخييف ..
بسيل حق فراس : قايل لك نجلس ع الاقل يوم ثاني ونمشي العصر
فراس : طيب عادي ماصار شي
بسيل : شوف الدنيا ظلام تخووووف الفجر الحين
فراس بصوت عالي : تبغون تروحون البقاله ؟
بسيل : ليه فاطرين يعتبر ؟
فراس : ايوا توقعت ان بنوصل قبـــل
بسيل لف على سمر : جايعه
سمر بهمس : لا
فراس : ان شا الله ربع ساعه واصلين وترتاحين
لف بسيل على فراس : ليه ماقنعت فداء تجي معانا
فراس : قلت لها وماوافقت وبيني وبينك ابيها ترتاح
بسيل : بس اهي الحين ساكنه في شقة من شقق مساعد الحالها مايصير كذا
فراس : وصيت البنات عليها ان يخلونها تفطر عندهم
بسيل : ليه ماكانت تفطر عندهم ؟
فراس : يقول الياس انها كانت في المستشفى وبعدين فجأه مادرو عنها قالت خالتي ام بدر اذا ظلت يومين نروح نبلغ بس فداء اتصلت عليهم وطمنتهم
بسيل : أهــا
فراس : على فكره تركي اتصل عليك ليه جوالك مقفول .. سمعت طاري تركي ولفت عليهم
بسيل : جوالي نسيته في غرفة الياس عطني جوالك اكلمه ..
اتصــل عليه ورد بسرعه من اول رنه : الو
بسيل : هلا بو الترك
تركي : تزوجت ؟
بسيل : ايوا مافي مبروك
تركي : الا في عظم الله اجرك
بسيل : ههههههههههههههههههههههههه شدعووه
تركي ببتسامه باهته : مدري طيب شفتها ؟
بسيل : لا والله لما الحين
تركي : طيب اسمع بسيل لا تلمسها
بسيل : ليه ؟
تركي : يعني لا تسوي معاها شي وافضل انك في سرير واهي سرير علشان لا تحمل وتتورط
بسيل : اها فهمتك طيب طيب
تركي : وانتبه مو تقص عليك ترى كلمت قبلي اربع شباب
بسيل : افا
تركي : يعني انتبـــــه اهي جنبك الحين ؟
بسيل : ايوا
تركي : اووكي اخليك
بسيل : طيب انت كيفك و كيف امك مع الزواج ههههه
تركي : كلنا بخير وامي ماشفناها جلسنا عند جدتي لما تفقدنا اشوي
بسيل : ايي الله يكوون في عوونكم ولما الحين انت متضايق ؟
تركي : على ؟
بسيل : رحيــل
تركي : وإلى مــــــدى عمري المهم بسيل فيصل اكلمه متغير وش فيه علي ؟
بسيل : تصدق حتى في البيت مايسولف معنا ولا شي
تركي : بديت اشك ان كان يحب رحيل
بسيل : لا شدعووووه
تركي : من وفاة رحيل وهو كذا حتى اكثر مني
بسيل : مدري يمكن متضايق علشانك
تركي : وكذا يتضايق علشاني
بسيل : خلاص اشوفه لك
تركي : يااابعدي يا بسيل ولله من غيرك انا سلطه
بسيل : ههههههههه
تركي : يلا ياعمري تصبح على عسسل
بسيل : وانت من اهله باي
.
.
بعد مســـافة طريـــق وصلـــو البيت بـ سلامــــــه ع الساعه سبع الصباح ..
بسيل وهو يتثاوب : واخيراااااا
فراس بهمس حق بسيل : وين راح تجلس معاها ؟
بسيل : بخليها تروح غرفة فداء وانا غرفتي
فراس : جنيـــــت !
بسيل : مالي خلـــق شي والله ..
فراس : اووكي تفاهم معاها انا بروح غرفتي ..
صعد فراس غرفتـــه ولف بسيل على سمر ببتسامه : تحبين تنامين في غرفتي ولا غرفة اختي ؟
سمر : مدري كيفك
بسيل : اممم طيب راح اخليك تنامين في غرفة اختي
سمر : واختك ؟
بسيل : اختي فداء في السعوديه وغرفتها خاليه تقدرين تنامين فيها وو صح انتي ماجبتي معاك ملابس ؟
سمر : الا جبت
بسيل : وينها الشنطه ؟
سمر : ماجبت لي شي بس بجامه
بسيل : اووكي بكره انا وانتي واسيل نروح السووق ونشتري
سمر : اوووكيـــه
بسيل : اووكي يلا قومي فوق
صعدو مع بعـــض .. وأشر على غــرفة فداء : راح تنامين هنا وانا غرفتي قبالك على طول اي شي تبغينه تعالي ..
هزت راسها " بـ إيـه " .. تـو بتدخل بس شافته يدخل غرفه ثانيه عقدت حواجبها ودخلت الغرفه..
فتح الباب بـ فرحـــه ..
: ادري ادري اني بخرب عليك نوومتك بس وحشتيييني اسبوع ماشفتك ..
شغل الانـــــوار وانصدم يوم شاف فيصل نايم وهو ضام اسيل ..
بلع ريقـــه " غبي وش فيني افكر كذا "
قرب من فيصل وحركه : فيصل ... فيصل
فتح عيـــونه بـ صعوبه : بسيل ؟
بسيل : احم الوراثه بتدت تطلع
فيصل عقد حواجبه : اي وراثه ؟
بسيل بلع ريقه : وراثـــة ابوي يشك بين اخ واخته
مافهم فيصــل قصده : شنو ؟
بسيل : ليه نايم في غرفة اسيل وضامها
ضحك فيصل من غير نفس وقام : هههه كانت حلمانه وخايفه وماحسيت الا اني نايم
بسيل : في شنو حلمانه ؟
فيصل : مدري اسألها لـ صحت الا وينها زوجتك
بسيل : خليتها في غرفة فداء
استغرب فيصل بس ماهتم وطلع من الغرفه ..
بسيل حق اسيل : عاد انتي لو تنفجر قنبله فووق راسك ماتوقع قمتي
اسيل فتحت عيونها : وهذا بس كلامك صحيت
بسيل : ههههههههه من متى صحيتي ؟
اسيل : من اول مادخلت الغرفه
بسيل : وصار نومك خفيف
اسيل واهي تعدل جلستها : مدري ليه زوجتك في غرفة فداء ؟
بسيل : ياغبيه انا متزوجها استر عليها مو علشان
اسيل بسرعه : طيب طيب فهمت خلاص
بسيل : ايي كذا قولي لي وش حلمتي ؟
اسيل واهي تغطي نفسها : بكره اقوولك يلا اطلع برااا وطف الانوار فيني نووم
بسيل : طرده ؟
اسيل : اي

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -