بداية الرواية

رواية ماعاد قلبي يتحمل جراح -2

رواية ماعاد قلبي يتحمل جراح - غرام

رواية ماعاد قلبي يتحمل جراح -2

الجــ الثاني ـــــــــــزء

رجع محمد لاخوه وبيده بريال خبز وجبن واثنين عصير ربيع محمد دخل لحسين
وسلم وتغدوا وهم ساكتين بس حسين مكتاأب لاخير
محمد:حسين اووووووه ذكرتني نسينا ماناخذ علاجك وقام يدور في الشنطة حقتهم
بس مالقى شي
محمد وهم متحسسسف مرة :حسين والله مالقيته نسيناه بس بخلص العصير وبروح اجيب لك علاج
حسين:لا لا مايحتاج ماني تعبان عادي
محمد:الا واضح انك تعبان وحتى لو قدرت تمسك نفسك الحين انا لازم اوفر لك العلاج
حسين:قلت لك مايحتاج وماني تعبان
محمد:طيب انت امس تعالجت
حسين :ايه
محمد:متاكد
حسين:محمد انت ماقد نمت من الفجر لازم تنام شوي
محمد:لا مافيني نوم
في بيت ابو جراح .ابو ا جراح يتصل على اخوه ابو احمد
ابو احمد:هلا
ابوا جراح:سلام
:وعليكم السلام
:كيف الحال
:الحمد لله
:ابي اسالك يابوا احمد انت شفت محمد واخوه تهاوشوا هم والاولاد وطلعوا من البيت مدري وين راحوا اتصل على محمد مايرد
ابو احمد :بس!!!!! ماعليك فلوسهم بتخلص وبيردون ومشاكل ذا الاولاد مانتنتهي الا ترى ابوي اتصل يبينا نمرهم ذا الاسبوع اش رايك
ابو جراح:والله مدري لاني اتعب من مسافة الطريق بس ارد لك خبر
اميرة كانت جالسة جنب عاشة وقربت من عاشة وهي تهمس :شكلهم مررررة مهتمين صح؟
عاشة وهي تبتسم :مرررررررة
اميرة :امشي نروح غرفتنا ! وانا اميرة طالعة من الصالة صاح مشعل :فككة من ذيك الوجيه النحسة تجيب للواحد تشائم انا ماالتفت لاجل مايقول اني مهتمة
وانا وعاشة في غرفتنا انفتح الباب بقوة مشعل:هيييييه انتي (وهو يطالع فيني)
عاشة:يوووه خوفتني اش فيك دق الباب مرة ثانية
مشعل :اصحابي اليوم بيجوني ابيك تسوين عشى لان اصحابي بيجوووون سامعة وابعدين مابيهم يروحون جيعانين ابيك تكثرين اوكيشن؟
هزيت راسي :اوكيشن
وانقلع وقفل الباب بقوووووووة
عاشة :مالت عليه خوفني
:ماعليك منه
اذن المغرب دخلت المطبخ ومعي عاشه وسوينا العشاء رايحين جايين في المطبخ اذن العشا واحنا قد خلصنا من العشاء تقريبا الساعه ثمان ونص انتها العشاء وانا منهلكه من التعب اشوي كذا مشعل دخل ركض رايح غرفته وانا واقفه قدامه قلت :ترا العشاء انتهى
مشعل وبكل وقاحه: ايت عشاء
قلت :سويت لك عشاء ليه منت عازم اصحابك؟
مشعل: اوووه لالا واحد من اصحابي حلف علينا يعشينا هو حنيذ طبعا مو طبخك
:اهااا والعشا الي سويته وين احطه
مشعل: كليه انتي واهلك والااقلك تصدقي فيه على اولاد عمتك خخخخخخخخ
انا وقد نفد صبري :صدق انك سخييييف بس قاعد تستخف دمك ياثقيل دم
واعطيته ضهري مقهوووره:
رجع لحقني يعنني بيخوفني ومسكني من عند كتفي بقوووه : اش قلتي ؟اذا فيك خير عيدي الكلام الي قلتيه انا وبكل تبلد مارديت عليه وقف على رجلي عشان يقهرني شوي ورااح
دخلت غرفتي وقابلت عاشه .عاشه: اش فيك مرفوع ظغطك ؟
:لا بس اخوك ماراح يجون اصحابه اش رايك فيه بس يلعب في اعصابي
عاشه: جد والله اش بنسوي بالعشاء كثييير مره
قلت : يقول بيعشيهم حنيذ شكله حنيذ من نوع ثاني هههههه
عاشة:ههههههههه وععع الله يقرفهم لا والمشكلة مهايطين مسوين شداد مااظن اللي يسوي فعايلهم شديد الا على نفسه
:افففففف والله حرااام والله حراااام التعب اللي تعبته الله لا يسامحه النذل
شوي امي تنادي امييييييييرة ويتك فيه
انا بزهههق :نعععععععععم انا في غرفتي
شوي الا وامي تجي ومكششششرة:اش ذا العشى اللي سوتيه ؟
:والله ولدك قالي اسوي لاصحابه قالي انه عازمهم والحين يقول واحد حالف عليهم يعشيهم ورميت نفسي على السرير منهلكه
امي: طيب وليه ماتقولين لي انك بتطبخين؟
:والله ماحبيت اشغل بالك قلت اشيل الجمل بما حمل وانتي لو عرفتي بتوقفين معي في المطبخ وانا ماابيك تتعبين
امي:طيب والمطبخ مرررة محيوس اش رايك فيه؟
عاشة :الله يخليها بتنظفه لاني انا اللي طبخت وترا اليوم الاربعاء وانا ماانام الظهر والله مافيني حيل
امي بعنااااد:لا عاشة مابتنظفه وانتي اللي وسخته قومي نظفيه بسرعه
:يمممه الله يرحم والديك اتركي العناد لاني مابقوم تعبااااااااااانه و راسي مصدع
امي: يعني مابتقومين مايكفي انك لعبتي في النعمه مابتنظفين المطبخ
:يووووه مابي
راحت امي اخذت عصى وضربتني على رجلي وجعتني لما ضربتني ولعت اكثر انا زعلانه على مشعل تجي هي وتزيد الطين بله.مسكت العصى وطالعت لها بنظرة وكاني شوي وانفجر من الزعل:ليه تمدين يدك ؟
امي :ايييه تستاهلين ليه ماتنظفين المطبخ
:خلاص شوي وابنظفه انتي روحي
امي :لا ابيك الحين تنظفينه
:والله اما الحين مالي نية اقوم
امي:يعني مابتقومين ؟
انا وقد نفد صبري:والله مااقوم
وضربتني ضربتني لييييين حسيت انها كسرت العصى على ظهري وعاشة تمنعني بس امي حلفت لو حاولت تمنعني مرة ثانيه انها لترجع عليها
واخيرا تعبت من الضرب اللي ضربتني اياه وراحت وعاشة تبكي من الرحمه لي
وانا كنت ابكي تلحفت بالبطانية وعاشة تسمعني ابكي
عاشة :خلاص يا اميرة انا بنظف المطبخ ماعليك تكفيين لا تبكين والله انك اذا بكيتي احسن اني ولا شي يالله خلاص
ابعدت اللحاف ووجهي احمر قمت بسرعه بطلع من الغرفة .مسكتني من يدي
عاشة: الله يخليك فكينا من المشاكل امي باقي زعلانه واذ رحتي لها بتزيدك
:ماني برايحة لها بروح اتصل على عادل اذا يبي من عشانا والا لا
عاشة :اهااا خلاص روحي
رحت اتصل وامي راحت تصلي
دقيت على بيت عادل
ام غدي (زوجة عادل):هلا
: السلام عليكم
ام غدي:وعليكم السلام هلا والله
:كيف الحال ياام غدي
:بخير الله يسلمك .انتي كيفك؟
:بخير دامك بخير الا بغيت اسالك عادل موجود اذا موجود اعطيني اياه
ام غدي :ابشررري
عادل:هلا وغلا
انا:السلام عليكم
عادل:وعليكم السلام
انا:كيف الحال حبيبي ؟
عادل:بخير انتي كيفك حبيبتي ؟
انا :الحمد لله الا وش رايك بعشى جاااااااهز مجهز ومجاااااني كمان
عادل:هههههه ومن يكره .انا وام غدي محتارين اش بنسوي عشى اذا عندكم ارسلولنا
انا :والله ياطويل العمر والسلامه مشعل وانت بالكرامة قال لي قاطعني
عادل :اففففففففف لا والله انتي شكلك واااااااصلة حدك اش السالفة اساسا صوتك متغير هااااااه اش الجديد
انا :أي والله واصلة حدي اخلص انت الثاني تبي عشى والا لا
عادل:ههههههههههه الا نبي لا تعصبين بس
انا :هههههه مشعل وانت بالكرا _____
عادل:اففففففففففف
انا: تبي تسمع السالفةوالا كيف؟
عادل :امممزح كملي اش سوى مشعل وانتي بالكرامةهههههههههه
انا :ههههههههه تخيل قال لي اسوي عشى على انه عازم اصحابه وكثرت العشى وجاني قبل شوي يقول واحد من اخوياه حالف عليهم يعشيهم حنييييذ مو طبخي ؟
عادل:بسسسسس ماعليك منه وانتي بالكرامة اجيك الحين واشيل لي صحن من عند عادل ام غدي تصيح:لاااااااااا بيخرب الرجيم اخوك ماصدقنا خف كرشه
اعادل :سمعت الاحتجاج
انا:ههههههههههه لا لا ماعليكم اليوم بس بطلوا رجيم
عادل:يالله يالله دقايق وانا عندكم بس وين اخوانك وانتي بالكرامه
انا :والله ماهم موجودين وانت بالكرامة هههههههههه تعال بس
:يالله يالله
قفلت الخط شوي رحت متكسرة على سريري انتظر عادل
ربع ساعة انتظار ....
الباب يدق صحت على عاشة:عااااااااااااااااشة افتحي الباب بس امي كانت اقرب وردت على السماعة امي:ميييين
عادل :افتحي الباب يمة انا عادل
امي :يالله انت حيه
عادل يركض وهو داخل :سلاااااااااااااام
امي :وعليكم السلام هلا فيك يمة
عادل:كيفكم وقرب من عاشة حب راسها
دخلته امي المجلس وهو يسولف عادل:
يمممة سمعنا ان عندكم عشى ؟ مدري الكلام ذا صح والا اشاعة وانا من زمااان محروم من الكبسة تعرفين ام غدي تقول لازم انرجم الله يعين
امي :هههههه أي والله عندنا عشى تعرف اميرة مالها نية تترك رجتها وخفة عقلها ملت القدر رز ولحم تتكلم وهي متضايقة نفسها تذبحني
عادل:يوووووه يمة الله يهديك كل الثقل هذا اللي في اميرة وتشوفينها مرجوجة طيب مفروض تقولين الله يكثر خيرك يابنتي كفاية وقفتها في المطبخ وبعدين حاولي يمة انك ماتقسين عليها عامليها بطيب واصبري الله يعينك
امي:وليه شكت لك ؟
عادل :تشكي لي من ايش ؟لا والله ماشكت لي؟
امي :لا بس اسالك
عادل التفت لعاشة :عيوش روحي نادي لي اميرة
عاشة جت لي ركض وانا منسدحة على سريري والنوم يخيم على اجفاااااااااااااااني
عاشة:ميمي عادل جا ويبي يشوفك ومدت يدها تبي تساعدني اقوم
مديت لها يدي تساعدني ورحت لعدولي وانا اقول :ترى ياعيوش الحسنة الوحيد اللي سوتها امي لنا انها رضعت عادل
عاشة بابتسامة لطيفة:رضيتي ياميمي تعجبيني دايم ترضين بسرعة
انا وبخجل:لا تستهينين فيني هههههههههه
وصلت لعادل وانا ابتسم :هلا والله
عادل :هلا بك والله وطلع لك ريش يالزين ماتجين الا ونرسل لك احد
انا:هههههههههه وليه مايطلع لي ريش وانت اخوي ومسكت ختفه احبه خشم
امي شوي وتنفجر مااتطيق حركاتي
عادل مبسووووط:ابي كبسة ابي كبسة ويدفني من ظهري للمطبخ
انا :ههههه لحوووووول ودخلنا المطبخ جهزت صحنين
عادل :ميمي واحد يكفي وهو مشمر ايدينه يبي يساعدني
انا :عادل و لو اني مابي اتعبك انت تدري ان اولاد عمتي تهاوشوا مع مشعل ومشاري وانت بالكرامة وطردوهم
عاشة وهي تمسك على فمها:هههههههههه واااااااااو لا تسمعك امي
عادل منسجم :وليه يطردونهم اخوانك وانتي بالكرامه هههههههههه وهو يطالع في عاشة
انا :شدااااااااد تعرف المهم تلقاهم ميتين جوع اش رايك تودي لهم عشى وانتبه تعرف امي او اخواني .بس انت تعرف رقم محمد ولد عمتي؟
عادل:ايه اعرفه الحين اتصل اشوف وينهم
عادل يدور للرقم اخيرا ووصل عادل يتصل
محمد:هلا
عادل :سلام
محمد:وعليكم السلام
عادل :كيف الحال
محمد:بخير الله يسلمك انت اش اخبارك
عادل :الحمد لله وينكم يامحمد ابي امرك اليوم اذا مافيه مضايقة
محمد:الله يحيك تعال بس احد معاك ؟
عادل :ايه
محمد:مين معاك
عادل:ثوبي ؟
محمد :هههههههه الله يحيك انت وثوبك
عادل :بس هيييييه لاتسوون عشى ولا شي
محمد:الا بنسوي(يتريق)
عادل:لا انا متعشي
محمد:تكفى خلنا نسوي عشى تكفى
عادل:ههههههههههه لا والله مشكور تراني بعز شبابي مابي اموت !!!!
محمد اعطى عادل رقم الشقة وانتهت المكالمه
بسرعة جهزت اميرة وعاشة العشى اخذ عادل الصحنين وطلع من دون ماتشوفه امه ام جراح .واميرة لحقته في الحوش اعطته العلاج حق حسين لانها نظفت الغرفة بعدهم ولقت علاج حسين
وهو في السيارة يأشر لعاشة واميرةتبون شي ؟
ياشرون له: لا لارووووووووووح بس
عادل مسرع بالسيارة على الاخر على بيت زوجته نزل لهم عشى وبعدها راح لمحمد للشقق اللي قال عنها واخيرا وصل عادل وراح لنفس الشقة دق الباب
محمد فتح الباب :هلا والله
عادل وهو يصافح محمد:السلام عليكم
محمد:وعليكم السلام يالله انتحيه
عادل :الله يسلمك ودخله محمد للصاله وشال عنه العشى وللمطبخ
عادل وهو جالس في الصالة وحده :الله يستر من واي البيبان هذي بيطلع حسين الله يستر لا افز قدامه الله يشفيه بس شوي انفتح باب عن يمينه والغرفة كانت مظلمة وحسين طالع منها عيونه حمرا واااضح عليه مو راااايق التفت عادل لحسين ومد له يده:هلا والله
حسين :كيف الحال
عادل :بخير الله يسلمك انت كيفك شكلك كنت نايم وازعجتك
حسين:لا والله بس تعبان شوي
محمد جا من المطبخ ومعه قهوة و3 قطع كنافة ونزل الصحن وحسين كان جالس حط عند كل واحد صحن وفنجال ورجع جلس جنب حسين
محمد:كيفكم يابو غدي
عادل :بخير الله يسلمك
محمد:ليه كلفت على نفسك وجبت العشى معك والله مو لازم
عادل:لا والله مافيه كلفة ولا شي بس انا والاهل نسوي رجيم بس اليوم قلنا نسوي كبسة ونخربها وكثرنا وجبت معي الا انتم كيفكم؟
محمد:والله ماعلينا خلاف
محمد التفت لحسين وهو منزل راسه ماغير ياكل شفايفه شوي ياكلها اكل محمد مسك يده وابعدها عن فمه وقرب من الطاولة وسحب له مناديل:حسين اش فيك ذبحت شفايفك وانت تاكلها ياشيخ ارحم نفسك خذ واعطاه منديل لان شفته تدمي :يقول له بصوت واطي)
عادل :تراني جبت علاج حسين
محمد:بالله !الله يوفقك ماتقصر
عادل:طيب انا استاذن ابي اروح الحق اتعشى مع اهلي وباقي بوديهم لعمي عندهم سهره ومابي ابطي عليهم
محمد:اجلس شوي ماامدانا نسولف
عادل:الله يستر عليكم مرة ثانية انشاء الله وهو طالع التفت لمحمد:محمد اذا احتجت شي قل لي وانا اخوك لا يردك الا لسانك وانا عند امرك في أي وقت شوفني اسالك بالله اذا احتجت شي تقول لي
محمد :اصيييل ايو اغدي ماتقصر الله يخليك وانا ما ني بحاجة شي الله يوفقك
عادل:انا قلت لك.يالله اشوفكم على خير
محمد:الله يحفظك وراح عادل
محمد قام للمطبخ جاب العشى وفرش السفرة :حسين تعال كل ؟
حسين جلس على السفرة ولا مد يد ماغير منزل راسه مكتاأأأأأأأأأب على الاخر مايبي احد يكلمه
محمد:حسوني حبيبي مد يدك كل انا ادري مالك نفس بس عشاني
حسين بكى وغطى بيده وجهه
محمد:/لحووووووول حسين !! اش فيك تبكي ؟الله يخليك لاتزيدني اللي فيني يكفيني ؟
حسين وهو يبكي:مافيني شي بس تعبان شوي
محمد:انت تقول لك يومين ما اكلت علاجك مااظن ان كلامك صحيح ؟اكيد انك منت منتظم على علاجك
حسين :لا والله ماني منتظم عليه لي حول الاسبوع مااخذته
محمد:وليه حضرتك ماتاخذه بانتظام ؟انا ماشريته لاجل تاخذه بمزاجك
حسين:لا بس انا مابيه يخلص
محمد مستغرب:واذا خلص انا بشتريه من الصيدليه
حسين:لا مابيك تخسر ؟
محمد يتنهد:اففففففففف خلاص بروح اجيب لك علاجك وعاد رح انام
قام محمد وجاب العلاج وكوب موية واعطاه حسين .حسين تعالج وساعده محمد قومه وراح معه غرفة النوم وانسدح حسين على السرير وغطاه محمد باللحاف وولع المكيف وهو رايح جاي قال له حسين:محمد !
محمد:نعم
حسين :اناأأأأأأأ ومسك راسه ومعاد تكلم
محمد جلس جنبه :امرني تبي شي اجيب لك شي؟
حسين:لا بس انا مابيك تهتم فيني ؟
محمد متعجب:وليه مااهتم فيك وانت مني !!!!
حسين وهو يزيد يبكي:محمد الله يخليك ترفق بحالي مابي اتعلق فيك اكثر ؟
محمد:واذا تعلقت فيني انا اخوك مااحد يلومك ؟
حسين:لابس اخاف يجيك شي وانا بعدك اضيع؟وجلس يضم رجوله لصدره انا مدري اش فيني اخاااااااااف عليك مرررة ذي اليوم مدري اش فيني علومي ملخبطة
محمد:تعوذ من الشيطان انت بس مكتاب الله يخليك لاتوسوسبي ماني ناقص
ومحمد يشد راس اخوه لصدره :الله لا يحرمنا من بعض .شوي رجع حسين مد نفسه على السرير.بدا ينعس من العلاج
محمد:اقرا المعوذات وانسدح جنب اخوه وانتظر حتى ناام
محمد ماعاد سمع صوته وهو يبكي حس انه نام قام من السرير وطلع من الغرفة وجلس يبي يكمل اكله محمد يكلم نفسه:انا ادري ان ذا الطبخ من يدينك يااميرة وانا ادري انه حلو بس!ماني قادراكل اهلك سدو نفسي الله يسد انفسهم .ههه انا مدري اش فيني على اميرة ؟رغم انها ماتدري عني ومن سابع المستحيلات اني اتزوجها او حتى اكلمها بس احس براااحة لما اذكرها الله يذكرها بالخير
:اففففففففففففف احس بضيقة مو طبيعية لحوووووول وةنزل محمد راسه في حسرة وبكى وقعد ملتوي على نفسه يبكي بشكل مجنوووون مرة ربع ساعة وهي منكسر من همه مسح عيونه ورفع راسه يطالع للسقف :ياااااااااااارب ساعدني وارزقني وظيفة اكف يدي من اني امدها لاحد يارب ارجوووووووك ورجع نزل راسه يبكي من جديد :ارجوووك يارب كن عوني يوم قلة حيلتي
في بيت ابوا جراح جميلة موجودة تسهر جميله وهي تسولف مع امها
:يمة غريبة ماعاد عزمتي جاراتك لك مدة منهم ؟
ام جراح:والله يمة ان ودي اعزمهم بس من يوقف معي في المطبخ يساعدني والا يغسل لي المواعين والله ان عجوز وان شغل البيت كله على راسي بس الله يهديهم!
جميلة:الله منتي قادرة تعزمين جاراتك على شان كذا وليه اميرة اش حضرتها ماتساعدك وش هي على راسها ريشة وبعدين ماهي صغيرة عاشة ممكن بس هي كم عمرها؟
ام جراح:والله مدري اش اقول لك بس الله يهديهم وليتك تسمعين كلمه طيبه والله ماغير ترفع صوتها علي
جميله:وليه ماهي بنتك تحترمك !خلاص انا بكلمها واشوف اش فيها ماتساعدك ؟
ام جراح:لا لا تكلمينها مابي يصير بينكم مشاكل !!!!
جميلة:لتكونين بس تخافين منها ؟
ام جراح :شلون اخاف من بنتي انتي الثانية قلت لك مابي يصير بينكم مشاكل انا بعدين بانصحها بهدوووء هي ماينفع معاها الشدة
جميلة :اهااااا
شوي وانا اشيل بنت اختي جميله ومعي عاشة جلسنا معهم في الصالة
وجميلة مرفوووع ضغطها شوي وتقوم تذبحني انا اعرفها اذا فيها شي وزعلانه
وهي تطالع فيني بعين حادة بس كسرت عيني مابي اقول اش فيك تجنبا للمشاكل
جميلة بتطفل:وين كنتم ؟
انا :كنا في غرفتنا نسولف
جميلة :طيب انا ضيفة هنا وانتم في غرفتكم ؟
انا بابتسامةعريضة:هذا احنا جينا
عاشة :اش فيك زهقانة تقول لجميلة
جميلة تطالع فيني شوي وتاكلني :مافيني شي
انا وقد طفح الكيل حطيت عيني بعينها وانا وهي نطالع في بعض بشرااسة
عاشة :اش فيكم ؟
انا ماتكلمت
جميلة: اسالي اختك اش سوت؟
عاشة :اميرة اش سوت ؟
جميلة:المشكلة انها واااثقة من نفسها لا ماهي واثقة تسوي نفسها واثقة
انا على طول نزلت بنتها اللي عمرها سنة و3 اشهور :اش سويت يمكن انتي تعرفين عني اكثر من نفسي؟
جميلة :لا والله !ماتدرين اش سويتي يالخاينة فضحتينا ؟
انا خلاص جن جنوني :ههه خاينة ليه ؟
جميلة وهي تتفاخر بنفسها وهي تتكلم:والله انا من زمان كنت اقول انتبهي يمة انتبه يبه ترى اميرة ماتعجبني تصرفاتها بس مااحد يسمع كلامي
امي شوي وتنجلط:اش سوت ؟
جميلة :والله اقبل يومين يمكن جاني مشعل يقول ان الاخت اميرة تطلع مع اللقيط محمد ؟
انا مصدوومة احس اني اتلعثم هذي ماهي او اول مرة تقذفني فيها جميلة وانا مع نفسي في حوسة لازم يكون لي ردة فعل مومعقولة اسكت؟
امي شوي وتنجن:متى صار ذا الشي
عاشة مصدوووومة ماتتكلم ماغير تحط يدها على فمها
جميلة:والله مدري وانتي بعدين يمة تقولين انها ماتدخل لك الطبخ ولا تساعدك ماتدرين ان البنت تحب؟
امي تحط يدها على راسها:واااااااااااو يااميرة فضحتينا الله لايوفقك الله يجعلك ويجعلك____الخ
انا ماعاد بيدي حيلة نزلت راسي عااااااجزة اني ادفع الظلم عن نفسي وجلست ابكي :والله اللي ماشكرتني ياجميلة ماتشكرك ومن لا يشكر الناس لا يشكر الله مسرع يمة جحديني على وقفاتي معك ؟
عاشةوعيونها ملياانه دموع:اميرة صدق اللي قالته جميلة انتي كنتي .....
انا طالعت لعاشة :حتى انتي ياعاشة تصدقين كلامهم فيني والله انها كذابة
جميلة:والله لو انك بنتي اني لاجرك من شعرك ليين اتعب واني لافصلك من الدراسة وترى مشعل يتحلف فيك ومسالة انك تكملين دراسة ريحي راسك من ذي الفكرة انتي راح تتركين المدرسة وتجلسين شغالة في البيت وهذا قدرك يالواطية
انا :جميلة انتي مريضة نفسيا صدقيني والكلام اللي سمعتيه كذب واذا كان مشعل اللي قال لك قولي له يشوف نفسه !!!انا اشرف منك انت واخوانك كلهم وانا اذا كنت فاسدة ماراح انتظر رضاك عني باكون فاسدة في أي مكان في البيت في الشارع في أي مكان
جميلة:دامك تنكرين الحين انك ماسويتي شي ليه بكيتي ياحلييييييلك
انا :ليه ابكي ونزلت راسي امسح دموعي اللي ماتدري اش تفسيرها
جميله :تصدقين اشك ان عندك انفصام في الشخصية ؟وبعدين تقولين اخواني ايشوفون اش هم يسون والله عاد ذولي رجال مايعيبهم شي لكن انتي بنت مو مثلهم
انا :انتي تدرين انا ليش ابكي والا لا ؟
جميلة:مايهمني ؟
انا :بس انا يهمني اعلمك ووقفت اطالع فيها وهي جالسة انا من الزعل ماعاد حسيت في نفسي رحت لها ركض وسحبت من شعرها بقووة وطاحت من الكنب على ركبها واجرها لييين اخر الصالة وامي وعاشة يمسكوني ومااحد قادر يفكها مني حاولو قد مايقدرون يفكونها بس بدون فايدة وجميله كانت تصارخ بشكل مجنون حتى امي خافت عليها ومسكت ايدي وعضتها بقوووه بس مافكيت شوي ودخل ابوي من الصياح اللي وصل الشارع وفك العقال وقعد يضربني ويسحبون شعري بس مافكيتها راحت امي تتصل على جراح يفك جميله مني شوي الباب يدق وكان جراح اللي يدق .امي صاحت على عاشة تقو لها افتحي الباب بس عاشة خافت علي يضربني لانه مايرحم راحت لي ركض تمسك ايدي : اميره خلاص اتركيها جراح جاء على طول فكيتها وسحبتني عاشه من يدي ودخلتني غرفتنا اخذت المفتاح وقفلت عليه .دخل جراح يصيح يقول اش السالفه اش عندكم . جميله قاعده تصيح وتمسك على راسها : وتلعن وتسب امي وابوي جمبها يهدونها عاشه المفتاح معها خبته في جيبها لاجل مايستفزني جراح وافتح الباب
امي:والله اميرة مدري اش سوت ؟تهاوشت هي وجميلة ومدت يدها على اختها الله يكسر ايدها
جراح:وينها ؟
امي :في غرفتها
جراح تقول ثور راح لغرفتي ركض ويدق على الباب
جراح :افتحي الباب احسن لك
انا مستغربة من عاشة لانها قفلت علي مارديت عليه وهو يصارخ شوي ويكسر الباب وانا جوة الغرفة رميت نفسي على سريري باقي مابرد غلي في جميلة ابي اذبحها
جراح:تفتحين والا لا ترى بكسر الباب؟
انافي استسلاااام:اكسره ماعندي مفتاح
جراح:وين المفتاح
انا :مدري
رجع عند امي ركض يسالها من اللي قفل الباب علي
امي:والله مدري .لكن اسال عاشة
عاشة من دون قصد مرت من عند جراح .جراح مسكهامن عند كتفها وين المفتاح
عاشة:مدري
جراح:تراني واااااصل حدي اخلصي علي وهي مافكرت تعطيه ماغير تعاند وهو سحبها لين باب الغرفة
جراح:تفتحين الغرفة والا كيف؟
عاشة:ماهو معي
انا :عاااااااااااااااشة اعطيه المفتاح اذا كان عندك
عاشة:مدري وينه
جراح دفها من كتفها بقوة وطاحت على الارض وراح يدور لسكروب وراح للمطبخ يدور يدور وهو حااااقد اساسا هو ناوي علي لان مشعل قد وصل لهم الكلام
عاشة طلعت الحوش تبكي
وانا في الغرفة اسمع صوت جراح يفك في المسامير خفت اش بسوي فيني وانتظر وانتظر طول وهو يفك في المسامير معادني اتحمل خوف اكثر من كذا وقمت فتحت الشباك كانت فتحات الشباك وااسعه اقدر اطلع منها واحاول اطلع طلعت راسي وشوي اسمع صوت مسمار ينفك اشد نفسي بقوة اساعد نفسي كتفي نشب ماقدرت اطلع واسمع مسمار ثاني شديت نفسي بقوة وطلعت كتفي الباقي سحبت نفسي بقووووة حسيت اني جرحت نفسي مو مشكلة اهم شي اطلع بس واخيرا طلعت بعد عنا وقفلت الشباك وانا امشي اسمع صوت واقول في نفسي:جاك الموووت ياتارك الصلاة)وامشي شوي ووقف انا اعرف الصوت مشيت شوي لقيت عاشة جالسة تبكي ورى الحوش وتقابلت انا وياها وضمتني وضميتها لاول مرة عاشة: توقعت انك راح تطلعين من الغرفة كنت انتظرك
انا فكيتها شوي وارجع لك
عاشة:وين بتروحين ومسكتني ماتبين اروح لهم
انا:شوي واجيك
رحت بسرعة ووقفت ورى جراح وهو وجهه باقي يفك في الباب ويلعن الباب مرة ويرجع يلعني انا وراه مدري كيف اتفاهم معه انا ارجف من الخوف
كلمته بصوت واااطي بعد ماهدت شياطيني:جراح انت مصدق كلامهم فيني
لف جراح وهو يبتسم بخبث:جيتي وربك جابك
انا رجعت على ورى وانا خااااااايفة منه وحط يده على حلقي كانه يخنقني انا ساكته ماتكلمت
جراح:ايه مصدق كلامهم
انا :وليه ماانت واثق فيني
جراح:لا ماني واثق واساسا البنت ماينوثق فيها
ماعاد رديت
جراح يمكن يكون رحمني:وبعدين اش يثبت لي ان كلامهم مو صحيح
اانا:ودني المستشفى اذا مو مصدق !
جراح :خلاص الحين اوديك المستشفى
انا تورطت:بس مايهون عليك اتكشف في المستشفيات عشان شي زي كذا بس انا بااحلف لك على المصحف
جراح:تراجعتي خلاص تعالي احلفي على المصحف
وسحبني من كتفي وداني الغرفة وفتحت الدولاب وطلعت المصحف وحلفت له
قال لي:دخلي القران في الدرج واول مادخلتها مسكني من شعري وصفق وجهي في الدولاب وفكني.انا دخت وعاشة معي تمسكني وفقد وعيي
جراح نزل لامي وابوي وجميلة وهو يفخر بنفسه:يمممه تراني طقيت اميرة
والحين طايحة
جميله:احسن الله لايوفقها الكلبة الـ......
امي :والله مدري اش فيها ذا اليومين صايرة جنية الله ياخذ روحها
صحيت من الاغماء وعاشه جنبي مسكت ايدي وقومتني ورحت غسلت وجهي
وهي فتحت باب غرفتنا دخلنا الغرفه وانا داااااااايخه ورميت نفسي على سريري
قفلت عاشه الباب وراها وجلست بجمبي وهي تبكي
عاشه: ليش تروحين له وانا قد قفلت عليك لجل مايطقك
انا: احسن من اني اقعد ساعه ساعتين خايفه انتظر يفتح الباب وبعدها يطقني
نفس الشي لو مارحت له هو بيجيلي
عاشه: طيب انتي اش استفدي الحين يوم مديتي يدك على جميله وانتي تدرين ان جميله الكل يحبها ويطيعها يعني ماراح احد يوقف معك
انا: والله عارفه وغطيت وجهي ورجعت فتحت الحاف وهي تناظر
انا:اش رايك في وجهي بعد التفقيع ؟
عاشة:والله بصراحة شيااااكة
انا:ههههههههههههههههههههههههههه
عاشة:هههههههههههههههههههههه الله يخلف على اهلي شكلك انهبلتي


الجـــــــــــــــــــــ الثالث ـــــــــــزء

انا:ليه انهبلتي؟ لاني ضحكت تبيني ابكي ماحد يستاهل دموعي
عاشة:لا مابيك تبكين بس على اللي جاك تضحكين غريبة
انا:والله لو اني ببكي لاجل حركات اهلك فيني والله بتعب
عاشة:مو اهلي وحدي هم اهلك كمان انتي دايم تقولين اخوانك واهلك ماكانهم اهلك
انا:وليه اهلك يستاهلون احد يعترف فيهم ؟لا والله خصوصا اخوانك يفشلووووووون
عاشة:والله انك صادقة بس اش نسوي ربي بلانا
انا:تتوقعين جميلة راحت؟
عاشة:ايه راحت
انا:افففففف منها ومن طبايعها تصدقين ندمت اني مديت يدي عليها
عاشة:يالله خليك مرة ثانية تنتبهين قبل لا تندمين
انا:المشكلة بنتها كانت تتمسك فيها والله اني احب بنتها بس اكره جميله
عاشة:اييييه والله انك صادقة كانت تتمسك في امها ياحليلك يالينا تحزن صح؟
انا اهز راسي :ايه
عاشة:المشكلة امها الهبلا بعد مارحتي الغرفة هنا وقفلت عليك شفتها تصيييح خوفت البنت .لا ولينا تروح لامهاجميلة وتمسح عينها تقول لها اش فيك والله لو تشوفين يدينها وهي تسال امها اش فيها ان يتقطع قلبك واااو يالينا يالبى قلبك
انا غطيت وجهي بالبطانية ضاااااااايقة الدنيا فيني
عاشة :اش فيك تعبانة .مالومك تتعبين من اللي صار لك وقعدت تهمزلي مرة رجولي مرة ايديني واناابكي من دون صوت تحت البطانية!!!!!
في بيت ابو احمد نورة تطبخ الغدا وكانت واقفة عند الفرن واروى تغسل المواعين كل واحدة معطيه الثانيه ظهرها
اروى:نورة باسالك سؤال بس مابيك تعصبين وجاااوبي بكل صراحة
نورة:ايه
اروى :انتي من يوم انطرد محمد واخوه حسين احسك مانتي بطبيعية مرة تعبانه ومرة تبكين انتي حزينة عليهم والا انتي تعبانة صدق
نورة:افففففف من بعض التدخلات ,اول شي انتي تعرفين اني داااايم مصدعة وراسي يعذبني من الصداع يعني انا من زمان تعبانه من راسي
ثانيا:تقولين ابكي ,انا اصلا من عرفت الدنيا وانا ابكي مو غريب علي تدمع عيوني

يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -