رواية ان شكيت من الهوى قالوا فضيحه -15
محمد : انت من متى تعرف اربيعك حمدان ..
سلطان : ( يطالع محمد بنظره استغراب لسؤاله الغريب ) .. من سنة وشي ..
محمد : وكانت علاقتكم قوية من سنة وشي ..؟
سلطان : كانت ربعتنا سطحيه .. بس بعد ما خطب خلود .. اداخل معاي اكثر ..
محمد : وانت الحين يهمك ربيعك .. اللي من تو بس تعرفه .. وما همك ولد عمك اللي عمرك ربيته معاه .. ما همك حياة اختك .. ما همك رضا ابوك وامك ... كل هذوله ما هموك .. وهمك اربيعك .. وبعدين خلنا انا وخلود ..
ابوك يا سلطان .. ابوك .. ما فكرت فيه .. وانت وحيده .. ما فكرت في حالته وانت ترفع صوتك وتقل ادبك عليه .. ما خفت من ربك .. اللي برضا والديك يرضا عليك ربك .. والجنه ما بتدخلها الا برضاهم .. مش برضا ربيعك .. يا سلطان .. انت وحيد ابوك وامك .. وانت اللي شديبك الظهر .. بعد كل اللي سوه لك .. تعاملهم هذي المعامله .. بس للاسف .. تدري طحت من عيني .. ومن عين هلك كلهم .. عشان واحد .. اعتقد انه ما قوى علاقته بك .. الا لمصلحته .. ومن ضاعت هذي المصلحه .. صرت ما تهمه .. فكر شوي .. وبتوضح الامور جدامك .. وبتعرف منو اللي يحبك ويخاف عليك .. ومنو اللي ما يهمه فيك الا الامور الماديه والمصلحه والتسليه .. ما قول غير الله يهديك ............. ويصلحك .. ويرضي عليك والديك ...
سلطان : خلصت المحاضرة ....
محمد : هي خلصت .. والظاهر انها ما فادتك .. بس كان من الواجب علي اني اكلمك .. مب عشان سواد عيونك .. عشان عمي .. اللي ادري انه مدمر والسبب انت ..
وقام سلطان عن محمد .. وعند طلعته لا قى ابوه .. بس ما كلمه .... محمد كان يتحرى ان سلطان ما ستفاد من اللي قاله له محمد .. بس بالعكس .. سلطان طلع .. لانه حس بغلطته .. وكان يريد يطلع بسرعه عشان يقعد بروحه ويراجع عمره .... وركب سيارته بسرعه ... وعند دخلت ابو سلطان الميلس .. انصدم يوم شاف محمد . قاعد ومنزل راسه .. سرحان .. وباين عليه انه متضااااااايق وااااايد .. ومقهور ..
بو سلطان : محمد ..
رفع راسه محمد .. وابتسم .. ومشى سلم على عمه .. وحبة على راسه ...
محمد : شحالك عمي ..
بو سلطان : .. ( وبعده مستغرب من وجود محمد المفاجئ ) .. بخير ربي يسلمك .. مسرع تولهت ورجعت .
محمد : ههههههههه .. هي والله صرت ما اقدر على فرقاكم ..
بو سلطان : ههههههه .. فرقانا كلنا .. ولا ناس خصوصين بس ..
محمد : ..( نزل راسه اونه مستحي ) .. ههههههه جي وجي ..
بو سلطان : هههههههههه .. اها .. زين زين عيل ..
وبعد ما قعدوا وتقهووا ..
محمد : اممممممم .. عمي .. كلمت خلود عن الملجه ..
بو سلطان : لا والله .. البنت عليها امتحانات .. وان شاء الله هذا الاسبوع بتخلص .. وبخبرها ..
محمد : .. ( وملامح الاحباط على ويهه ) .. دخيلك عمي لا تتأخرون ..
بو سلطان : هههههههه ان شاء الله ..
وترخص محمد يرد ابوظبي .. مع ان عمه حايله يتعشى .. بس ما طاع .. وبيمووووت من القهر لانه ما شاف حتى ظفر خلود ... بس ما عليه .. وين بتروحين عني .. بلوع بجبدج من كثر ما اصك عليج ..
وهو في الطريق ................ دق لخليفه .. اللي ميت من الوناسه .. وميت من القهر .. لانه من الصبح يحايل في العنود تكلمه على الماسنجر .. ومب طايعه .. ومريوم لايعه جبدها منهم .. لانها هي المرسال بينهم .. وطبعا كانت توصل الكلام بينهم .. بعد ما طلع روووووووووووووحهم .. وتكرهم في اليوم اللي حبوا بعض فيه .. وخلوها هي المرسال .... بس ما باليد حيله .. ما عندهم غيرها ...
رن التلفون .......
محمد : ياااااااااااا مرحبا والله .. بالمزاااااااااااين ..
خليفه : هلا هلا والله بشيخ الشباب ..
محمد : انت وووووووين .. ما تعطينا ويه .. لا تلفون ولا سؤال ..
خليفه : اييييييييه يا حمووود .. لو تعرف شو اللي صار لي ..
محمد : ههههههه خير شو صار لك ..
خليفه : كلمتها يا حمود .. والله انها ذابحتني ذابحتني هذي البنت ..
محمد : ههههههههههههه لا تكون قصدك العنود .
خليفه : لا قصدي خدامهتم .. اكيد قصدي العنود ..
محمد : هههههههههه .. زيييييين والله .. وكيف كلمتها ..!
خليفه : سويت اللي قلت لي اسويه ..
محمد : ونزين ..
خليفه : بعد ما طلعت روحي .. وافقت بس طبعا .. مب انها تسوي لي ادد .. لا تسوي لي مريوم العنز بنت خالتي انفايت معاها .. وتكون الرمسه جدام البقره مريوم ..
محمد : هههههههههه الله يعينها بنت خالتك هذي من كثر ما تسبها .. والله قلبي عورني عليها ..
خليفه : طالعوا هذاااااا .. عورة قلبه على مريوم .. والله انا اللي لازم يعورك قلبك عليه .. انا المسكين مب هي .. هذي تينن بلد .. وما تين ..
محمد : ههههههههه والله انكم تضحكون انت وبنت خالتك .. المهم شو صار بعدين ..
خليفه : ................. وخبره كل شي .. وكل ما يقول شي عن مريوم .. لازم يسبها .. ومحمد ميت عليهم من الضحك ..
ويلسوا يسولفون .. لين ما وصل محمد البيت .. وطوول الطريق كانوا يسولفون عن خلود والعنود .. الشباب شاربين هوى من الخاطر .. وهيمانين .. وكل واحد العن من الثاني ..ومحمد كل ما يذكر خليفه برمسته الاولى ان ما ستوت اللي تيب راس خليفه الكتبي .. يعصب خليفه .. بس من يقول محمد اسم العنود .. يتخدر خليفه ويهدى .
في هذا الوقت كان سلطان يالس في سيارته .. يفكر بكل شي سواه في ابوه .. واخته .. ومتندم على كل شي سواه .. كلام محمد له صحاه ونبهه الى اشياء ما كان منتبه الها .. وكيف سوى جي في ابوه .. ما يعرف كيف يصلح خطأه .. بس ما شي غير انه يرجع البيت ويعتذر لبوه واخته ... ومحمد ... حرك سيارته ورد البيت .. وكان كل ما يتصله واحد من ربعه يسكر التلفون في ويهه .. كرهم بعد ما وضح جدامه كل شي .. اول ما وصل البيت .. دخل على ابوه وامه وخواته ..
راح على طول ويلس عند ريوله عند ريول ابوه ..
سلطان : ابوووووويه .. سامحني ..( وحب ايد ابوه )
الكل انصدم من حركة سلطان .. كلهم مستغربين .. يحسون انهم يحلمون مب صدق اللي يشوفونه .. او ان سلطان مب طبيعي .. او هم مب طبيعين ..
بو سلطان : ( حط ايده على راس سلطان ) .. سلطان شو بلاك !
سلطان : اسف يا بويه .. اســـــــــــف .. والله اني حيوان .. وكلب .. كيف اعاملك هذي المعامله الخايسه ..
بو سلطان : قوم قوم يا بويه .. انا قلبي مب زعلان .. انا قلبي حزين .. انا ولدي وحيدي .. ما يحبني .. ولا يقدرني ..
سلطان : ( ونزلت دموعه ..وخاصة بعد ما سمع كلام ابوه .. بعد كل اللي سواه فيه .. يكون هذا اللي بقلبه حزن مب زعل وغضب ..) يالللللله يا بويه .. والله لا أعوضك عن كل دقيقه قصرت فيها بحقك .. الله لا يحرمني منك .. ولا يحرمني منكم كلكم ..
ولوى على امه .. وكانت بعد هي تصيح .. ومن بعدها فتحنها البنات مناحه ... طاح كل الكره اللي كان بقلوبهن صوب اخوهن .. ودرن ان اللي كان بسلطان غشاوه على عيونه .. وانانيه .. بس الحمد الله اللي شل هذي الغشاوه من على عيونه ...
سلطان : خلووووووود .. سامحيني .. ظلمتج وايد .. واهنتج وايد .. ما فكرت فيج .. ولا بسعادتج .. دخييييييلج سامحيني ..
خلود : مسمووووووح .. والله مسموووووووح يالغالي ....
سلطان : انا اللي بزفج على محمد .. اللي ما اعتقد اننا بنلاقي احسن منه لج .. وللأسف ادري اني متأخر فهمت هذا الشي ..
وبعد ما هدوا شويه ... نقز سلطان ..
سلطان : وين محمد !!
بو سلطان : محمد رد ابوظبي ..
فز قلب خلود من سمعت طاري محمد .. فدييييييتك يا ربي .. انت كنت اهني ولا دريت بك .. يالله يالغالي .. ليش محد خبرني ... ما شفتك .. ولا شفت حتى ظلتك .. ياللللللللللللله يالقصه والقهر ..
سلطان : لييييييييييش .. ما خليتوه يتريا !
بو سلطان : ما ادريبه ما طاع .. قال عنده شغل بيخلصه ..
وقام سلطان واقف ..
سلطان : انا باطلع ابوظبي ...
ام سلطان : واااااااااااااابويه .. الحين عاد .. الوقت قريب العشر .. وانت بتسري ..
سلطان : اووميه .. لازم اروح صوب محمد .. طلع من اهنيه .. وخاطره ضايق مني .. وعلى فكرة .. محمد هو اللي شل الغشاوة اللي على عيوني .. ومن دونه ما كنت رديت الطبعي .. وفهمت كل اللي صار حولي ..
خلود في خاطرها ... فدييييييييييييتك يا ربي .. فديتك يالعاقل .. الله كم احبه هالرياااااااااااااااال ..
وطلع عنهم سلطان .. ركب سيارته ..ساري صوب ابوظبي ....
في هذا الوقت ... كان محمد عند مزنه .. وحاشرنها .. يباها ادق حق خلود .. وتخبرها عن الملجه ويعرف رايها قبل ما يكلمها ابوها ..وبعد اكثر من مره دقت مزنه على خلود .. وكانت خلود ما ترد .. لان التلفون كان بالحجرة وهي تحت في الصاله مع ابوها وامها وسلطان وندى .. وبعد ما طلع سلطان .. هي قامت وطلعت حجرتها .. ولقت المكالمات لم يرد عليها ... وردت دقت حق مزون ... ويوم شاف محمد الرقم .. كانت مزون نازله عند امها لانها نادتها .. بتشوف شو تباها وبترد لمحمد الحجرة ..
وبعد تردد رد محمد على التلفون .. وهو يتنافض
محمد : الوووووه ..
سمعت خلود الصوت .. صخت .. وقف قلبها .. هذا صوت الغالي .. لا لا اكيد انا مب طبيعيه .. من كثر ما افكر فيه .. صار يتهيألي صوت اخته نفس صوته ... والله انه ينني ..
محمد : الوووووه ..
خلود : أ أ أ أ الووو ( متقطعه) .. منو !
محمد : اممممم .. انا خطيبج حاليا .. وريلج بالمستقبل القريب ..
خلود : ( لا لا انا ما احلم .. ثره صدق .. فديتك يا خطيبي وريلي .. اموووت فيك والله ) .. هلا
محمد : شحالج خلود
خلود : بخير دامك بخير
محمد : دامني سمعت هالحس .. وين ما تبيني اكون بخير ...
خلود : يعله دووووووم مب يوم ..
محمد : ويااااااج يا ربي
( دقيقه صمت )
محمد : خلود ..
خلود : هااه ..
محمد : ..( اونه معصب ) ما يقولون هااه
خلود : شو يقولون !
محمد : روووح خلود .. حيااااة خلود .. عيووون خلود ..
خلود : هههههههههه ..
محمد : فديييييييت هالضحكه يا ربي .. اموت فيها ..
خلود : امممممممم .. بس الضحكه ..
محمد : اموووووووت فيج كلج ..
( البنت شلكها ما صدقت .. وفصخت الحية .. وخذت راحتها وايد ..)
تشققت خلود .. وحمر ويهه .. وحست ان الدم حار في راسها .. وقلبها وكل شي فيها وقف .. بالأصح ( دوخت )
( دقيقة صمت ثانيه )
محمد : امممممم خلود .. اريد اكلمج في سالفة ...
خلود : خير ..
محمد : خير بويهج .. بس انا كلمت عمي عن العرس .. وقالي انه بيشاورج اذا موافقه بعد ما تخلصين هذا الكورس .. واذا بتوفقين بعد .. بنخلي بعد اسبوع الملجه .. ويااااااااااااااااويلج اذا ما وافقتي
خلود : ههههههههههههههههه .. عيل ليش تشاورني .!
محمد : ههههههه انا ما أشاورج انا اخبرج ... بس ابوج ابويه قالوا بيشاورونج .. معطينج ويه يعني ..
خلود : طالعواااا هذا .. ما عليه بقولهم مب موافقه .. لين بعد سنتين ..
محمد : لااااااا دخيل والديج .. ما أقدر اتريا .. بااااااااموت ..
خلود : بسم الله عليك من هالطاري ..
محمد : ( متشقق تخاف عليه .. ويستهبل عليها ) .. تخافين عليه !.؟
خلود : اكيد اخاف عليك ...
محمد : هههههه .. تراني امزح معاج .. كل شي بيصير بموافقتج ..
خلود : فديتك ( بصوت واطي .. بس محمد سمعها .. وكان قلبه بيوقف من قالت فديتك)
محمد : شو شو قلتي
خلود : لا لا ما شي ..
محمد : دخيييييلج قولي ..
خلود : ما شي ..
محمد : ما يسوى علينا .. بالدز تطلع الرمسه ..
خلود : ههههههه لا تعصب ..
محمد : مب معصب ..بس انقهرت ..
خلود : اممممممم .. لا تنقهر .. بعدين بتلوع جبدك منيه ..
محمد : خلاص يوم بتلوع جبدج منيه .. بتلوع جبدي منج ..
خلود : عيل ما بتلوع جبدك ..
محمد : هههههههه .. والله احبـــــــــــــــــج ..
ومن سمعت خلود هذي الكلمه .. عقت عمرها على الشبريه .. واعتقد انه اغمى عليها ..
وبعد ما ناداها محمد .. اكثر من مره ردت عليه ...
خلود : هلا ..
محمد : انبح صوتي وانا اناديج .. وين رحتي !
خلود : لا ما شي .. اغمى علي بس .. وصحيت .
محمد : هههههههههه فديتج والله ..
خلود : ( لا لا شكلي بموت ان ما سكرت عنه .. بيذبحني برمسته ) .. انا بسكر الحين
محمد : انزين شو عن الملجه ..!
خلود : اللي تباه سوه ..
محمد : هههه خلاص غناتي .. تصبحين على خير
خلود : وانت من اهل الخير ...
سكرت خلود عن محمد .. وهي دااااااااااااااايخه خلاص .. ياللللللله يا محمد كم احبك .. متى بي اليوم اللي بتكون فيه ملكي .. ولي أنا بس .. محد بيقدر يشاركني فيك ........ ومن الصوب الثاني .. الحمد الله يا ربي .. هانت .. ما بقى الا كم يوم .. وخلود بتصير حرمتيه .. وهذيج الساعه خل حد ينطق بشي .. لو اريد اخذها معاي من يوم الملجه .. محد بينطق بشي .. فديييييييتج يا ربي محلا حسج .. وضحكتج .. هذي البنت ذابحتني بحبها .. لا لا خلاص ما أقدر اصبر زياده .. باموووووووت .. أبــــــــــــــــــاها ..
محمد : ( بصوت عالي ) هييييييييييي ييييييييييياه .. ( ويلس ايول ويغني )
دخلت عليه مزنه .. تمت فاجه عيونها .. وماسكه عمرها عن لا تنفجر من الضحك .. اسميييييييه اتخبل هالريال
وكانت وراها وضحى ..
مزنه : حمووووود حبيبي .. بسم الله عليك ... تخبلت
وضحى : الحمد الله والشكر ... الريال تخبل وقعد
لف عليهن محمد ...
محمد : مزووووون حبيبتي ..
وضحى : طالعوا هذا .. بلويت اللي واقف عدال مزون .. ما جني ختك .. بنت البطه السوده انا ..
مزنه : ياااااااااا ويلي على الغيره ..
محمد : هي والله مشكله اللي يدزون بويوهم ..
وضحى : حراااااااام عليكم .. حسسوني اني انسانه .. واني ختكم .. ليش دايما نابذيني ..
محمد : هههههههههه تعالي تعالي .. انتي اختي الصغيره .. حبيبتي ..
تشققت وضحى .. ودخلن ييلسن مع محمد ويسولفن معاه .. من زمان ما قعدوا هذي القعده .. واغلب رمستهم كانت عن عرس محمد وخلود .. ومزنه تخبر محمد عن حالت خلود من اول ما اختفى لين ما رد .. وكيف يوم خبرتها انه رجع .. وياي يخطبها .. ومحمد مييييييييييييييييييت من الوناسه ...
كان هذا الوقت خليفه يالس على النت يكلم مريوم .. وملوع بجبدها ... يريد يكلم العنود .. والعنود من الصوب الثاني مب طايعه .. ذبحت الريال .. ما يسوى عليه هالحب ... ذل عااااااااااره ..
خليفه : مريوم .. يالبقره .. انتي شو فايدتج في الحياة ..
مريوم : والله محد ثور غيرك .. انت ما صدقت البنت قالت لك تحبك .. وانت ناشب فيها .. فج يا بوك شوي عنها .. خلها تتنفس ..
خليفه : ما أقدر .. تفهمين شو يعني ما أقدر .. ( فيس يصيح ) .. مالي خص مالي خص .. اريد اكلمها .
مريوم : الله يلوع بجبدك يا من لوعت بجبده .. تدري انا الغلطانه وما عندي سالفة اللي معتطنك ويه .
خليفه : حرااااااااااااام عليج .. الحين تبخلين على ولد خالتج بخدمه صغيره مثل هذي .. وانتي يوم تبين شي .. ما خليته في خاطرج .. رحت ويبته لج ..
مريوم : لا لا بصراحه مقطعني بخدماتك .. من كثرهن .. اضيع فيهن ..
خليفه : يالعنز .. تطنزين ..!
مريوم : of course
خليفه : اهاا تطنزين .. نزين نزين .. الحين بتخلينها تكلمني ولا شو ..
مريوم : لحظه بكلمها .. وفكني من حشرتك ..
خليفه : انزين ..
يالللللللللللله يا رب توافق ..
........
مريوم : عنود حبيبتي ..
العنود : هلا
مريوم : سوي لج صرفة مع التيس اللي حاشرني ..
العنود : ( فيس معصب ) .. مريوم لا تغلطين ..
مريوم : اووه اووه .. الحبيبه ما ترضى .. ويننننك يا خلوف تقرى ..
العنود : ( فيس مستحي) .. ههههه .. هو لين الحين يبى يكلمني !
مريوم : هي ..
العنود : امممممم .. انزين .. سوي لنا ان فايت .. بعرف شو يبى
مريوم : أحمدك ياااااااااااااارب .. افراااااج ..
العنود : هههههههه يالله انزين بسرعه ..
مريوم : اوكي ..
اول ما سوت ان فايت ... تكسر خليفه من الوناااااسه ..
خليفه : وأخيييييييييييرا .. رحمتونا ..
العنود : ههههههه الناس تقول السلام عليكم
خليفه : السلام عليكم
العنود : وعليكم السلام ..
مريوم : نحن هونا ..
خليفه : مريوم الغاليه .. روحي هاتي لي ماي ..
العنود : ههههههههههههههههههه .. وين تيب لك ماي .. انت قاعد معاها !
مريوم : بسم الله عليك خلوف .. تخبلت ..
خليفه : شو تبيني اسوي .. اريد اشغلها بأي شي .. عشان تفج عنا ..
مريوم : هههههههههه ارمس يا بووك على راحتك .. ما بدخل بينكم ..
خليفه : شي حلو يوم الواحد يحس على دمه ..
مريوم : شو شايفني ويهي لوح ما أفهم
خليفه : ههههههههه لا انتي كلج احساس وذووق .. محد مثلج ..
العنود : في هذا صدقت ..
مريوم : تطنزوون !
خليفه : لا لا حشى .. انتي شو مب واثقه من عمرج ..
مريوم : لا واثقه .. بس انتوا تشككون الواحد في عمره ..
العنود : اسمحولي انا باطلع ..
خليفه : لييييييييييييييييش .. ( فيس يصيح )
العنود : ما أقدر أتاخر على النت ..
خليفه : انزين ما بطول .. بس ليش ما تبين تسوي لي ادد عندج ..؟!
العنود : سامحني ما أقدر ..
خليفه : انزين فهميني ليش !
العنود : فكر فيها شوي .. أنا ما أريد اخون ثقة أهلي فيه ... ما أريد أيي اليوم اللي ما أقدر أحط عيني في عينهم ..
خليفه : اممممممممممممم .. خلاص ..دام هذا عذرج .. بس بين فترة وفترة .. خلي مريوم تسوي لي ان فايت معاج .. تراني والله صرت ما أقدر على قطاعتج ..
العنود : ولا أنا والله ..
خليفه : فديتج يا قلبي ..
العنود : اوكي بخليك الحين ..
خليفه : اوكي .. ديري بالج على عمرج ..
العنود : ان شاء الله .. اوامر ثانيه ..
خليفه : هههه سلامتج ..
العنود : تصبح على خير ..
مريوم : مع السلامه عنود .. وما عليج برويج في هذا الهرم ..
خليفه : لاااااا حوووووووووول .. انتي شو دخلج عرض ..
مريوم : جب انت .. ترى حياتك بيدي صارت ..
خليفه : الله يعينا يا ربببببببي .. لو طايح في ايد شارون ارحم لي .
العنود : ههههههههههههه حرام عليك .. الحين شارون ارحم من مريوم ..
خليفه : انا عندي .. هيه
مريوم : ما عليه يالتيس .. خل شارون يرحمك .. وبرويك شو بسوي
خليفه : حرام عليج عنود .. كله منج هذا .. لو انتي مسوتلي ادد .. جان ما طحت برحمة مريوم ..
العنود : عشـــــــــان خاطري .. استحمل ..
خليفه : الخاطرج .. مش بس استحمل مريوم .. استحمل المووووووت بعد ..
العنود : بسم الله عليك .. انت وبعدين معاك .. لاتيب هالطاري مره ثانيه ..
خليفه : من عيوووووووني يا عيوني .. انتي تامرين امر .. كم عنود عندي
العنود : ماأدري ..
خليفه : أفااا .. والله محد غيرج . سالبني سلااااااااااااااااب ..
العنود : هههههههههه اوكي باطلع .. مع السلامه
مريوم : مع السلامه غناتي ..
خليفه : الله معاج يالغاليه ..
وسكرت عنهم العنود .. ويت مريوم كم هزبه وسبه من خليفه .. وهي اشتغلت بعد لعانتها على خليفه .. طايحه تهديد فيه .. وهو ميييييييييييت من القهر ... ( وعلى قولت وحده من الربع .. مريوم منسدحه في حلج خلوف .. مثل الشوجه .. ومتفرعه منها شوج بعد ) ...
.................. الكل نايم ............ على الساعه 3 بالليل ... رن تلفون ابو سلطان .................
شاف الرقم .. وستغرب .. رقم غريب .!!
ابو سلطان : الوووه ..
..............: الو
بو سلطان : السلام عليكم ..
.............: وعليكم السلام ..
بو سلطان : من معاي !
..........................................................................................................................................
Cut
الجزء 26 ............
......: معاك الضابط أحمد الخيلي ...
بو سلطان : ( وقلبه منقبض ) .. يا مرحبا ... في شي صاير !!
الضابط : اممممممم .. نبغيك تتفضل عندنا مستشفى المفرق ....( وكان الضابط يحاول ما يخوف بو سلطان .. ويحاول يفهمه بسلوب ما يخليه يخاف ) ..
بو سلطان : خير .. شو صاير ...!! ( ووقف وطلع من الحجرة عشان يفهم الموضوع )
الضابط : هد عمرك .. .. خير ان شاء الله ...
بو سلطان : تراك ذبحتني .. بترمس ولا شو ..!! ( وكان معصب .. يخاف انه مقلب .. لو كان مقلب والله لويديه في داهيه )
الضابط : ولدك سلطان .. استوى له حادث .. وهو في المستشفى عندنا ...
بو سلطان : شووووووه ( طلعت الكلمه بأعلا صوت عنده .. مثل اللي يحلم .. سلطان .. ولدي .. مسوي حادث )
انت شو تقول .. شو تخربط ...
الضابط : هد عمرك .. انت تعال .. وبتعرف كل شي ..
بو سلطان : انا الحين ياي .. بس شو صار له .. ربها مب جايده !
الضابط : لا مب جايده انت تعال .. وبتعرف ..
دخل بو سلطان الحجرة .. ولبس ملابسه .. وام سلطان قلبها منقبض .. وكل ما تقوله شو صاير .. ما يرد عليها ..وطلع عنها بسرعه ..... وركب سيارته .. وطار بها .. بين السما والارض ... وكل اللي بخاطره ويتنماه .. انه يكون يحلم في كابوس وفي أي لحظه بيصحى منه .. وبيشوف سلطان جدامه ... ) .. وبعد ساعه كان جدام المستشفى .. نزل يركض .. وأول ما دخل .. راح للإستقبال .. وسأل عن سلطان .. ولاقاه الضابط اللي كلمه ..
الضابط : مرحبا .. بوسلطان ..
بو سلطان : وينه .. ودوني صوبه ..
الضابط : انت استريح الحين .. سلطان في العمليات ..
بو سلطان : شو بلاه .. ليش العمليات ..!
الضابط : انت لا تخاف .. ما بيصير الا كل خير ..!
بو سلطان : أي خير هذا .. وسلطان ما عرف حالة !
وتم بو سلطان .. ساكت .. يدعي ربه .. ويرتجه انه ما يصير لسلطان شي .. ولده وحيده .. ماله غيره ... وام سلطان .. وعت خلود وندى .. وطول الوقت اتصيح ..وندى وخلود يهدن فيها .. وهي تدري انه ما بيخلي بو سلطان يطلع يركض الا شي جايد .. وتذكرت سلطان .....
ام سلطان : ولددددددي .. سلطان .. وينه !
خلود : فديتج سلطان في ابوظبي .. بيت عمي
ام سلطان : دقي له الحين
ندى : أنا بدق له .. ( وقامت ندى ادق السلطان .. بس التلفون كان مغلق ) .. امي التلفون مغلق ..
ام سلطان : لا إله الا الله ... اعوذ بالله من الشيطان الرجيم ...
ردت ام سلطان خذت التلفون ودقت على بو سلطان .. وطلع التلفون بعد مغلق ..
بعد 3 ساعات .. كانت الساعه 7 الصبح ... طلع سلطان من غرفة العمليات .. وحطوه في العنايه المركزه ..
راح الضابط لبو سلطان .. وقاله سلطان طلع من العمليات .. ووداه صوب الدكتور المسؤول عن حالة سلطان ..
دخل بو سلطان على الدكتور .. ومن قلبه يدعي ربه انه يقوله .. سلطان بخير وما صار له شي ..
الدكتور : اهلا اهلا .. تفضل اوعود ..
بو سلطان : مشكور .. طمني دكتور .. شو حالته ولدي ! ( وعيونه مغلغه بالدموع )
الدكتور : اممممم .. مش عارف أأولك أيه .. بس حالة ابنك ..ما طمنش .. إصابته خطيرة جدا ..
( ونزل الكلام على راس بو سلطان مثل الصاعق .. يتحرى الدكتور يمزح معاه )
بو سلطان : يالله عاد دكتور .. ما فيني للمزح .. أكلمك جد انا ..
الدكتور : وأنا مش بمزح .. سلطان وضعه خطير .. ومأدرش أديك كلمه .. اللي بيدنا بس ندعي ربنا .. وان شاء الله تعدي على خير .. هو دلوأتي في غيبوبه .. والله العالم باللي حيصير ..
وطول ما الدكتور يتكلم .. بو سلطان يالس على الكرسي ماسك راسة.. ودموعه تنزل على ويهه .. مب مصدق اللي يسمعه .. سلطان ... ومرت بين عيونه ... لحظة اللي نولد فيها سلطان .. بجرة .. وفرحته أول ما شافه بالقماط .. وبعدها سنين عمره .. لين ما صار ريال .. والايام الاخيره .. اللي كانوا فيها متواقعين .. والبارحه يوم كان قاعد عند ريوله يستسمح منهم ..( وزعق بأعلا صوته .. )
: ... لاااااااااااااااااااااااااااااااااااااااااااا ... مستحيل .. سلطان .. سلطان ولدي .. وحيدي .. ياربي ارحمني .. كله ولا سلطان ... سلطان عيوني اللي اشوف بها .. سلطان روحي اللي أحيابها .. وش حياتي من دونه .. ( وتم يصيح .. مثل الياهل .. ) اريد اشوفه .. دخيييييييييييلك دكتور .. ( ويمسك جاكيت الدكتور يترجاه ) ..
وداه الدكتور لين غرفة سلطان .. وقاله انه ما يقدر يدخل داخل .. بس يشوفه من الدريشه .. وراح عنه الدكتور ..
تم بو سلطان واقف يطالع سلطان .. وهو في غيبوبته .. جنه نايم .. كان جسم سلطان كله ملفوف .. يديه وريوله وراسه .. وصدره .... وبو سلطان مب مصدق ان هذا اللي نايم سلطان .. مستحيل .. هذا مب سلطان .. أنا في مقلب .. سلطان في بيت عمه ...( وعلى طول يه في باله اخوه ..طلع التلفون .. وتذكر أنه اغلقه .. شغله .. وتصل على بو محمد ...
بو محمد : السلام عليكم
بو سلطان ( وصوته متقطع من الحزن ) : وعليكم
بو محمد ( انكر صوت اخوه .. مب طبيعي ) : بو سلطان .. بلاه صوتك ..
بو سلطان : الحق علي يا خووووووووي . الحق على أخوك ...الحق علي يا سعيد ..
بو محمد : ( وكان بيوقف قلبه من الخوف ) .. بسم الله عليك ... شو اللي صاااااار !
بو سلطان : سلطان يا سعيد .. ولدي بيروح .. وأنا واقف ما أعرف شو أسوي .. تعال بسرعة
بو محمد : بيك .. بس أنت وين !
بو سلطان : أنا في مستشفى المفرق .
بو محمد : أنا ياي الحين ... ( وماسألة عن أي شي .. لين ما يوص اله .. )
وكان في الوقت اللي يكلم بو سلطان .. كان بو محمد قاعد يتريق .. ومعاه قاعدين مزنه ووضحى وام محمد ومحمد ... فز بو محمد .. وقام معاه محمد ... ومن سرعة طلعته .. تمن اللي قاعدات فاجات عيونهن .. مب فاهمات .. وفي الطريق ..
محمد : ابويه خير .. بلاه عمي .!
بو محمد : والله ما عرف .. بس اللي فهمته .. ان سلطان شي صار له .. وبو سلطان في مستشفى المفرق ..
محمد : يالله خير ان شاء الله ..............
وأول ما وصلوا ... لاقاهم بو سلطان في الممر ...
بو محمد : خير يا خوي .. ما شر ان شاء الله ..
بو سلطان لاوي على بو محمد .. : سلطان مسوي حادث .. وفي العنايه .. ويقول الدكتور ..( وسكت ..يصيح )
بو محمد وقلبه محروق على اخوه .. عمره ما شاف اخوه يصيح جي .. بس هو يدري شو سلطان بالنسبة له .. سطان روح اللي يحيابها ابوه .. من بد كل البشر والعالم هذا سلطان غيييير ..غـيـــــــر ..
: ( مسك بو سلطان من كتوفه ..وبعده عنه شوي ) شو قااااااااااال !
بو سلطان : قال ان الاحتمال في نجاة سلطان ضعييف ..
غمض عيونه محمد من سمع كلام عمه .. ومسك عمره عن لاتدمع عيونه ..
وتموا كلهم ساكتين .. يدعون ربهم .. ويالسين على الكراسي ... يتريون أي شي ..
وفي هذا الوقت ايرن تلفون بو سلطان .. كانت خلود تتصل بأبوها ...
يوم شاف بو سلطان الرقم .. فر التلفون على محمد .. عشان يرد عليهم .. مافيه الحشرتهم .. يدري انهم بيخافون من يسمعون صوته ... ورد محمد على التلفون ...
محمد : الوووووو ..
خلود : ( وقف قلبها من سمعت صوت محمد .. مب مصدقه .. وردت شافت الرقم .. انه رقم ابوها .. محمد شو يسوي بتلفون ابوي !!!) .. الووه ..
محمد : ( في خاطره مع انه مب وقته .. ياللللللله فديت هالصوت .. هذا اللي انا محتاي اله في هالوقت ) مرحبا ..
خلود : مرحبتين .. محمد !
محمد : هي محمد .. شحالج
خلود : بخير ربي يسلمك .. انت شحالك !
محمد : بخير الحمد الله ..
خلود : اممم وين ابويه !!
محمد : اممممم .. عمي ... عمي .. طلع مع ابويه ونسى تلفونه عندنا ..
خلود : اههاااا .. اوكي قوله اني دقيت .. مع السلامه ..
محمد : مع السلامه ....
وحشروهم من التلفونات .. ام محمد وخواته .. ومحمد ما يطيع رد عليهم .. وخايف ان خلود تتصل ومزنه تقولها انه هو وابوه طلعوا يركضون .. بعد اتصال بو سلطان ....... المهم ...... بعد سكوووووت رهيب .. وغنقات عبره خنقتهم .. وخوف .. وهم .............. انتشرت اصوات ركيض .. وحشرة ممرضين .. والدكتور مر عليهم يربع .. .. ركض وراهم بو سلطان .. وابو محمد .. ومحمد .. .. وتموا واقفين برى ..وكلهم قابضين قلوبهم .. وبعد خمس دقايق ... مرت عليهم جنها دهر .. طلع الدكتور .. ومب عارف شو يقول للهم ..
بو محمد : خير يا دكتور ...
الدكتور : البأيه في حياتكم .. إداك عمره ..
بو محمد : لا الله الا الله ,,, ان لله وان اليه لا راجعون . ونزلت دموعه ... ويلس على الكرسي
محمد لف ويهه .. وصااااااااااااااح ...
من قال الدكتور ان سلطان مات ... مسك راسه وطاح على ريوله .. وطلع العبره من قلبه .. مثل اللي طلعت روحه .. أأأأه يا سلطاااااااااااااااااااان .. لييييييييييييييييييش .. خذني أنا ربي ما ريدها الحياة من دونه .. توه بعز شبابه .. توه ما تهنى ... أأأأأأأأأأهههههه يا حييييييييياتي ... ولديييييي راااااااااااااح .. راااااااااااح سندي في الدنيا .. شو ا حياتي من دووووووونه .. ( وصاح بوسلطان .. صياح حتى الطفل ما صاحه .. )
ونزل بو محمد يهدي بو سلطان ... اللي وناته تحرق قلب الصخر .. وناته وصوت صياحه شال المكان .. اللي ما يعرف شو صار .. من سمع بو سلطان .. صاح بس من صوت ونااااااااته وتنهيداته وعبراته ...
بو محمد : ارحم عمرك .. هذي الدنيا .. الموت حق .. وكل نفس بتذوقه ...
بوسلطان : أأأأأأه يا سعييييد .. سلطاااااااان يا سعييييييد سلطان .. مااااااااااااااااااااات وراااااااااااح .. راااااااح وما بيرجع ... الموت حق وكل نفس تذوقه .. بس ويلاااااااااااااااااااه من ذاق طعمه ولا مااااااااااااااااااات .. من ذااااق طعمه ولا مااااااااااااااااااات .. ياليتني .. ذقته ومت قبل سلطان ..
بو محمد : اذكر ربك .. الاعمار بيد الله .....
بو سلطان : لا اله الا الله .... بس سلطان مب راجــــــــع .. مب راجـــــــــــع .. تعرف شو يعني مب راجع ..
ويو الممرضين .. وشلوا بو سلطان يعطونه مهدء .. عشان الانهيار اللي هو فيه ... وراحوا وراه بو محمد ومحمد .. يطمنون على ابو سلطان ... وبعدها راح بو محمد اللي كان متامسك شوي عن محمد صوب الدكتور ..عشان الدفن .... ومحمد اللي كان قاعد عدال عمه في الحجرة .. ودموعه تنزل .. مب مصدق ان ولد عمه .. واخوه اللي رابي معاه .. مـــــــــــــــات .... مرت بين عيونه .. صورة سلطان من يوم كانوا صغار .. وكيف انهم كل شي كانوا يسونه نفس الشي .. لبسهم و العابهم ..وضرابتهم ............... كل شي ... وقلبه يحترق من حزنه على ولد عمه .. ورفيق عمره ...... بعد ما هدوا شوي بعد الفاجعه اللي نزلت عليهم ... بو محمد قال لمحمد يروح بيتهم .. ويخبر الحريم .. وياخذهن دبي .. بيت عمه .....وهو بيرتب كل شي ... الدفن .. وبييلس مع اخوه ..
طلع محمد ... ومب عارف كيف بيخبرهم .. وهو بروحه .. الله يكون في عونه .. ويبى من يوقف معاه ..
دخل محمد البيت .. وحالته كانت تقطع القلب .. وعيونه منفخه الصياح ... كان قابض عمره .. عن لا يضعف جدام خواته وامه ...................... كانن كلهن يالسات وعيونهن عنده ....... انقبضت قلوبهم
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك