بداية

رواية عشقتك من جنوني -20

رواية عشقتك من جنوني - غرام

رواية عشقتك من جنوني -20

في البحرين
صباح يووم ثاني في احد المجمعاات الضخمه
مسكت فستان زفاف أبيض وهي تقول :وهذا شرااايك فيه حلووو ولا؟؟
ناظر فيه وبعدها قال :عاري واااجد شوفي فتحت الصدر وش كبرها والظهر عاد قصه ثانيه وش هالتفصيل الفاشل
شوووفي غيررره
غرام :تيب انت دور معي عشان اعرف شنوو ذوقك
كينان :انا ما اعرف اختار في ملابس الحرريم انتي اختاري بس شي يكوون سااتر
غرام ابتسمت بفررح :خلاص دام حنا بنتزووج لازم تعرف ذووقي كيف عشان بعدين انت تشتري لي
كينان :انا اللي بلبس ولا انتي ملابسك انتي اللي اشتريها انا حدي اعطيك لفلووس وبس
غرام :كينان حبيبي انا لفلووس ماتهمني انت بس اللي تهمني هذا جزاي اني ابي شي على ذووقك
كينان بملل :غرام انا ما أحب اتسووق واايد وانتي شكلك تموتين بالفراره بالسووق فمره ثانيه الله يخليك لاتجيبيني هنا اوكي
غرام تمسكت بيده بتملك :انت اللي مو راضي تتكلم وتقول وين تبينا نروح قلت مالنا الا السوووق .....ع العمووم انت اختار الحين وين تبينا نرووح
كينان بتعب:بوصلك البيت وبروح بيتي احس نفسي تعبااان
غرام :سلااامتك ياقلبي بس لسى ماشبعت منك تم معي شوووي بعد بليييييز
كينان :غرام لاتصيرين لحوحه ترى انا ما احب هذي الصفة بالذات .......فتح ازارير قميصه الاوولى وهو يحس نفسه مخنووق بس مجبور يسوووي هالشي عشان ينسى حبه لسديم ويعيش حياته
*
*
*
*
بعد يــــــــــــــــــومين ""

دارت في انحااء الغرفة وهي تدور على مفتاح الكبت اللي خبت فيه فستان نوره عشان حفلة عيد ميلادها اليوم وعشااان لاتشووف الفستاان قبل
طلعت وهم من الحمام (وانتو بكرامه) بعد ماخلصت شور وهي لابسه روب الحمام
وشافت سديم اللي كانت تدور على المفتااح في كل مكان وسألتها بستغراب :خير سديم فيك شي شتدورين عليه ؟؟؟
سديم لفت لها وهي تقوول :ادووور مفتااح الكبت اللي فيه فستان نوره ولبساتنا انا معااك
وهم :خبيته تحت مخدتي امس كانت بتطيح عليه نووره عشان كذا خبيته
تنهدت براحه :آآآه الحمد لله طمنتيني وربي خفت انه ضاع وراح كل شي ..الا بقولك متى بيجيبون الكيكه اللي طلبناها ؟؟
وهم :بعد صلاة المغرب نخلي السايق يجيبها لاتحاتين
سديم :وخالتي ام فيصل ضبطووا معها المووضوع
وهم :اتوووقع نور قال لهاا
سديم :طيب البنات متى راح يجون ؟؟
وهم :والله مدري بس اكيد ماراح يتأخروون
*
*
*
في البحرين
في فلة كينان
دخل الصالوون وهو مكشر وماله خلق وصادف في وجهه اخووه نوواف اللي كان حاله أعظم من حال اخووه وود ماسكه احد المجلات وتفرفر فيها
نطق بهمس :السلاااام عليكم
لف له نواف بسررعه وهو يقول بعصبيه :كينان ليييه طلعت مع هذي مررره ثانيه انا ما أحبهااا واكرهها انا ابي سديم .....سدييييم احسن من هذي بمليووون مرره
كينان تنهد وهو يرد :نوااف هذي الحين مررتي وعيب عليك تتكلم عنها بهذي الصوووره وبعدين منوو سديم هذي ؟؟انا ابيك تنسااها مثل مانسيتها انا
قام من مكاانه بعصبيه أكبر :ما أقدر انساااها عشان وحده مثل هذي ......اهي حتى من تشوووفني كنها شايفه الحيط
ومن كنت صغيرر كانت تكرهني لو تكلمت بشي عطتني كف ومشت انا ماأحبببببببها لاتجيبها بيتنا مره ثانيه
وداد تمسكت فيه تهديه :خلااااااص نوااف اهدأ هذا اخووك الكبير كم مرره اقولك احترمه ولا تكلمه بهذي الطررريقه
نواف :اخوووي الكبير تغير اخوووي اللي كنت احبه وكان شوووي ويطير فيني من زووود حبه لي تغيييير ماعاد مثل قبل
صار ناسيني وناسي اللي حووله ....صار يحب الاشياء اللي انا اكرهها .......كينان لو تحبني صج لاتتزوج من غرام لاني بترك البيت في اليووم اللي تدخله هي
كينان:لو ماتزوجت من غرام راح اتزوج من وحده غيرها وسديم مستحيل ترررجع تعيش معنا مررره ثانيه خلاااااص اهي شافت اهلها في السعووجيه
وراح تاخذ واحد من هناك وتعيش حياتها
تقرب منه وضمه بحزن وبأسف :آآآآآسف اني كنت مقصر معك في الايام اللي طافت وآسف اني اهملتك بس والله ماكان بيدي سااامحني يالغالي
*
*
*
في مكان ثاني وبالتحديد في صالة المطار
كتف يديه وهو يقوول :مقتنع من اللي قاعد تسوويه ؟؟
هز راسه بالايجاب وهو يقول :مليووون بالمئه انا ماعندي الاهالحل يالوليد
الوليد:وأمك المسكينه شنوو ذنبها انها تخسر اثنين وابووك المسكين شنوو موقفه انه فقد ولده وسنده بهالحياه ....وانت ماتدري
شيصير بكره لاقدر الله والحياه مالها آمان كيف بيقدرون يتحملون غيابك خمس سنين مره وحده
أسامه ضغط على يده بقهر وهو ينطق بحزن:وانا كيييييف اقدر اتحمل اشوووفها مع رجال ثاني غيري قولي كيييييييييييف ؟؟
الوليد:طيب انت وش دراك انها راح تتزوج مرره ثانيه !!
أسامه:وليد البنت صغيررره واكيد راح يجي لها خطاب بعد العدة
الوليد:طيب تحمل هالشي عشاان خاطر اهلك والله خمس سنين مو قليله كيف يهوون عليك تتركنا كل هالمده
أسامه :لاني تعبت يالوليد تعبت من عيشتي وتعبت من نفسي وتعبت من تصرفاتي تعبت من قلبي البارد اللي كان ارحم بكثير من وهو يحترق الحين .........انتهى كل شي وتطلقنا وكلن راح بطريقه وأخيراً بعد التعب اللي شافته معي
راح تلقى شخص يعوووضها عن كل اللي فقدته ان شاء الله لكن انا اسووار عشقها وحبها بتظل مقيدتني طول عمري
الوليد:طيب ياأساامه روح والله معاك بس لاتنسى تدق علي من فترة للثانيه وتطمني عليك وانا اكييد راح اجي وازورك
أسامه :لاتجي الا مع نور وامانه سلم لي عليها وعليهم كلهم ولا اووصيك دير بالك على ابوووي واهلي واي جديد لاتنسى توووصله لي
ضمه باأخوووووه وهو يقوول :كلهم بعيووني يالغالي لاتووصي حريص ......ترووح وترجع بالسلاااامه
*
*
*
بعد صلاة المغرب
في فلة ابووو فيصل
صاحت بهبال :ليييييه تبيني البس هذا الفستااان شكله بيطير العقل ولو لبسته بينعدم مرررره وحده
مسكتها سديم وهي تقوول:سلطان راح يجي لك الليله او لا؟؟
نوره بتفكير:اممممم قال بيجي 11 لييه في شي ؟؟
سديم :لاااياعمري مافيه شي بس ابيك تكشخين الليله له ويشووف نووره ثانيه وش رايك ؟؟
نوره:طيب شنوو المنااسبه عشان كل هذا ؟؟
وهم تدخلت اخيراً:نوره حبيبتي انتي البسي وبس عشااان انا ابي أصوورك وسديم بتحطك عارضه عندها هههه
نوره بفرررررح :صج والله بتحطيني عارضه عندك
سديم :ماشاء الله الاخت شكلها تتمنى المهم انتي لبسيه وبعدين نقولك ليه
نوره:اوكي هااتي الفستاان
اخذته ودخلت غرفة الملابس تبدل
سديم بهمس :هاااا...رتبووا كل شي تحت !!
وهم:يب بس نور لسى ماجت مدري شفيها
سديم :دقي عليها شووفي ليييه تأخرت
وهم:اوكي البس ملابسي بالاول وبعدين انزل أكلمها على ماأنتي تضبطين نفسك وتضبطين نووره
سديم:طيب لاتتأخرين اوكي
هزت راسها بالايجاب واخذت ملابسها وطلعت من الغرفة للتتوجه الى غرفة نورره
دخلتها وقفلت وراها الباب بالقفل ....اول شي غيرت لبسها الى تنووره قصيرة فوق الركبة بشووي بلوون السكري مع بدي عاري الاكمام ضاغط عند الصدر
وينزل منه كسرات خفيفه ونااعمه بالون الاحمر (طبعاً سديم نفس البسه بالضبط)وكانت لايقه عليهم مررره
جلست ع السرير لتتذكر موقف قريب مر عليها
-----------
اسامه جلس على المرجيحه وهو يقول:اليوم عيد ميلادي ومثل كل سنة مااعرف اقضيه مع مين ولا اعرف شنو
اسوي فيه ويمر يوم عيد ميلادي مثل أي يوم عادي لكن هذي المررة حبيت انك تشاركيني فيه
مو شرط تسوي أي شيء يكفيني وجودك بس
----------
مسحت دموعها بعنف وهي تفكر :لييييه ياوهم دموعك صارت رخيصه عندك وصرتي تنزلينها على شخص مايستااهل
ليييييه تحسين بالشوووق له وقلبك يحترررق يبي يشوووفه وهو اللي عمره ماحس بهالشي
قامت من مكانها وهي تنفض هالذكرى من بالها وتتمنى تنسى ذلك اليووم للأبد بس هذا بعيد عن أملها
*
*
*
ودعت بك عام مضى..
واقبلت بك عام جديد..
ياللي حياتي لك رضى..
يالله عسى عامك سعيد..
HAPPY BIRthdy to u


عيد ميلاد السعــد
عيد ميلاد الفـــرح
عيد ميلاد الصبــا
عيد ميلاد الحسن
عيد ميلاد الشفافية
عيد ميلاد النرجسية
عيد ميلاد الجمال
عيد ميلاد الغرام


عيد ميلاد الحب
عيد ميلادي أنا
عيد ميلاد أشياء كثيرة
هو عيد ميلادك أنتي
فعيد ميلاد جديد
عيد ميلاد سعيد
دخلت نووره تلك الصاله وعلى شفتها أكبر ابتسااامه من الاذون للأذوون وهي تناظر المكان المزين بالبالونات والشموع
وغيرها من الزينه التي ملئلت المكان وعاطيته حله أجمل
ناظرت المتواجدين اللي كانوا واقفين على شكل دائره حوولها وتتوسطهم طاوله كبيرره عليها كيكه جميلة وراقيه
يتوسطها اسمهاا <<من ذووق وهم
ناظرت فيهم شخص شخص وهم يسلموون عليها أولهم كانت امها اللي ضمتها بفرح وهي تقوول :هذا احلى يوووم اللي انولدتي فيه يالغاليه وسعادتي فيك ماتنوووصف
كل عام وانتي بخير ياحبيبتي وعقبال 1000 سنه
وبعدها البنات اللي كانت اولهم سديم وبعدها نور ووهم ودانه وشيمااء
:كل وعااااام وانتي بخير عقبال الف سنه
طفت الشمووع واشتغلت الاضواء وهم يغنوا لها سنه حلوووه ياحميل سنه حلووه نوره هبيبي <<مو حافظتها انتوو كملووها
(نوره كانت لابسه فستاان أحمر فووق الركبه بشوووي يتووسط الصدر فيونكه بيضا عاطيته جمال أكثر وميك آب نااعم مرره برووج أحمر صاارخ مبرز بياضها)
تمسكووا فيها البنات وهي تقص لهم من الكيك وتوزع عليهم ام فيصل
بعد كذا جلسوا البنات ضحك وسووالف لما الساااعه11 اللي هو موعد قدوم سلطان
ناظرت في شكلها بالمرايه وهي تقول :متأكدين شكلي حلوو
دانه :بتجنني ياقلبي قمر الله يحفظك
نوره:لا بيغمي علي لحظه هذي دانه اللي تكلمت وين ام التحطيم اجل
دانه:هههههه اليووم بس طرشناها لمكان بعيد
نوره:عسى دووم مو يووم
سديم :نووره الرجال صار له نص ساعه وهو ينتظرك وانتي لسى واقفه مكانك
ارسلت لهم بووسه في الهواء وهي تطلع من الصالون وتقول :مشكووورين ع الحفلة الحلووه هذي كان زين عيد ميلادي كل يووم
دانه :ياربي طماااعه ...بس ماسمعتها نورره
قامت وهم وهي تشيل الكيكه معها
وسألتها سديم بستغراب :وهم وين بترووحين وشايله الكيكه معك
وهم :لازم نخلي زوجها ياكل من كيكتها برتبها وبخلي الخادمه تدخلها لهم
سديم :زين تسووين كيف رااحت من بالي هذي
ابتسمت وطلعت من الصالون وراحت للمطبخ لكنها قبل لاتدخل انصدمت من الكلام اللي سمعته ........
*
*
*
في المجلس
سلطان:أحم ..نووووره طالعه تهبلين الصرااحه شكلك كذاا مرره غير ماعرفتك
نوره بحيا عبيط :صج والله
سلطان:اي والله طالعه تهبلين .........قام من مكانه وقرب منهاا وباسها بخدها بنعوومه وهو يقوول :
تمنيت أكون أناوياك
عالبحر نضوي الشموع
وننتظرالوقت يمرلجل
أحتفل بميلادك ياقمر
وأباركلك بلي مضى
واللي جايلك من عمر
وأهمسلك كل عام وإنت
بخيرياأحلى البشرتصدق
عاد احترت بالهديةالورد
ولاّ العطر لا إنت قدرك
أكبرمن هالقدرولجل
هذا بهديلك كلمة تذكرني
بها طول العمر
أحبك
ياأغلى البشر
كل عام وانتي بخير ياقلبي وعقبال مليووون سنه
نوره بهبال :شنووو مليوون سنه بعدها ما اقدر اقووم ويطيحوون ضرروسي كلهاا لاااا انا أفضل اموووت وانا صغيره
ولا امووت وانا ما اقدر اقووم من مكااني حتى
سلطان :طيب اكلتيني بقشووري وبعدين ممنووع تموتين وتخليني لانك اذا متي يمكن امووت انا وررراك وش الحيااه بليااك
نوره :بكيفك هووو ...المهم قولي منو قال لك ان اليووم عيد ميلادي ؟
ابتسم بعفويه وهو يرد :العصفووره قالت لي ...وجبت لك مفاجأه خطيره مثل سلحاافاتك
نوره بعبط :يعني لاتقولي انك جبت لي صندووق حشرات انت صايدهم ترى خواتي مابيرضون يدخلووني الغرفة لوو شافوهم
سلطان :ههههه ههههههههههههه حلووه هذي
نوره :طيب قولي شنو هالمفاجأه بسرررعه
سلطان :لحظه انتظريني برووح وبجي .......طلع بسرعه ودخل بعدها بخمس دقايق وهو شايل قفص ذهبي
فيه حصافير حب روووعه وحطه قدامها
نورره :الله يهبلووووووووووون
سلطان :عجبووك ؟؟
نوره :وااايد تعرفني أحب الطيووور
سلطان :هههههه عاد لاتشربين المااي حقهم اوكي
نوره :ياربي لازم يخرب اللحظات الحلووه
سلطان اخذ كيس بلوون الاحمر اللي كان جنبه ومده لها وهو يقول :يلا فتحي الكيس
نوره :بعد هدية ثانيه !
سلطان :ولو تستاهلين كم نووره عندي اناا
نوره أخذت الكيس وطلعت منه علبة مخمليه كبيرره بلوون الذهبي فتحتها لتنبهر من جمال ذلك العقد الالماسي الفاخر
ابتسمت بفرح :مررررره حلووووو
سلطان :بيصير احلى لما يكوون عليك ...هاتي من ايدك انا بلبسك
أخذه من ايدها ولبسها اياااه وبعدها طبع قبله ناعمه على جبينها وهو يقوول بهمس :أحبــــــــــــــك
*
*
*
نهاااية البارت 28
توقعاتكم
1/كينان هل بيترك غرام وياخذ وحده ثانيه على طلب نوواف ؟؟
2/وهم شنوو الشي اللي سمعته وصدمها؟؟
3/أسامه بيقدر يتحمل يساافر خمس سنوات ولا بيرجع قبل ؟؟
موعدنا القادم الاثنين بأذن الله
تحياتي /أصل الغرؤؤؤر

رواية عشقتك من جنونك /للكاتبة أصل الغرور

البارت التاااسع والعشرين

جاني يبي حبي
جاني يبي قلبي
جاني يبي قربي
ماارد مهما كان يحسبني ماقدر
في ابعاده مااصبر
مارجع لو يتعذر لوطال الزمان
خلاص ارجوك انا بنساك ابيك ترحل الله معاك
غيرك في مليون في الدنيا وفي هالكون
امثالك مايسون اعطي قلبي لهم
كل مره تتائسف واقول شكله تحسف انا سمح وانتا اعرف
مايجيني غيرها خلاص اليوم انابنساك ابي ترحل الله معاك
خلاص ارجوك ابي انساك ابي ترحل الله معاك
بااحلامك انا ارجع او اني لك اسمع خلاص قلبي تشجع وعنك يبي يروح
عشقتك ماانكر وفيتلي مااذكر موقادر انا اصبر وبهديك الجروح
خلاص ارجوك انا بنساك ابيك ترحل الله معاك


فتحت عيونهاا ببطء لتصدم بظلاااااام تلك الغرفة البارده
ناظرتها بستغراب .....جدران بيضاااء وسرير أبيض ويدها ثقيللله لاتستطيع تحريكهاااا .....لكن مااهذا الشي الوااقف بجانبها ويتصل بيدها بخيط شفاف
أغمضت عينيها بأرهاااق لتررجع تفتحهم مررره ثانية بسرعه وكأنها استووعبت وجودهاا في هذا المكان
صااحت بأسمه وهي تبكي :أساااااامه ...اهئ اهئ اسااااااااااااامه
تمسكت بيدهاا بحنان وهي تهديها :وووهم حبيبتي لااااتبكين مو زين لك لاتبكين الله يخليك
ناظرتها بعيوونها الحمراا وبوجهها الاصفر وكأن لونه الابيض قد رحل وهي تقوول بدمووع :سديم أساامة رااح راااااااح وتركني س دي م اسااامة سااافر وماراح يرجع والسبب اناا
ضمتها سديم وهي تمسح دموووعها :خلااااص ياقلبي لاتبكييين هذا يزيد من ألمك انسي الموووضوع ولا تفكرين فييه
وهم بدت شهقاتها تعلى وهي تقوول :كيف اقدر انسى كيييييييييييف ؟ ليه يتركني بعد ماعرف اني احبببه ....وبعدين لييييييه انا هني انا ماأحب المستشفيااات ما أحبهاا ليه جبتووني هنا
سديم :طحتي علينا لما سمعتي نور وشيماء يتكلموون عن الموضووع عشان كذا جبناك المستشفى هذا غييير دمك اللي نازل الى 2 وتحاتجين الحين الى دم زياااده الحمد لله انا جبناك في الووقت المنااسب


ولاكان رحتي مناا
وهم رجعت تبكي بقووة :انااا لوو مت يمكن ارحم من اللي قاعد يصير فيني ...انا ما أتحمل بعده عني اكثر من كذا ...سديم ابي اشوووفه لووو مره وحده بس ليييه يسوووي فيني كذا
سديم :استغفررري ربك ولاتقوولين هذا الكلاااام وبعدين انا معااك لاتخااافين وهذي اوول خطووة عشااان تنسينه مو انتي تبين رجاال يحبك ويحترمك ويعرف منووو وهم هذا انسب حل سووواه عشان لاتشووفينه مرره ثانية ......وبعدين انتي ماتعرفين ان الدمموع
مثل الدوواء كل مابلعتيهم صرتي سعيده عشان كذا ما ابي اشوووف دموعك مفهوووم
هزت وهم رااسها بالمووافقه وهي تمسحهم وسديم تبتسم في وجهها براحة
*
*
*
في فلة ابووو فيصل
3:20 صباحاً
:خااالد أنت للحين صااحي ؟؟شفيك مانمت تعبااان ؟؟
ابو فيصل :وين أقدر اناام وبنتي في المستشفى وحالتها ماتسر
أم فيصل :لاتحااتي بكرة تصير أحسن مني ومنك .....تعرررف دلع البنات كم يوووم وتطلع من المستشفى
أبو فيصل :هذا مو دلع بنااات وهم صج تعباااانه المسكينه عاااشت حياتها كلهاا بتعب ورغم كل اللي يصير فيها تشوووفينها ترجع تضحك وتبتسم مررة ثانية ...
رغم جروحها وألمهاا ترجع تسووولف وتضحك وكأن شي ماصاار ...انا اللي تعبتها في البداية ولا ماكان صار هذا حالها انا ادري انهاا تحبه رغم كل الي سوواه فيها
ومثل ماسااامحتني على اللي سوويته فيهها سااامحته
أم فيصل :اجل كلمممه يردها له ويصلح اللي سووواه والله البنت ماتستااهل اللي يصير فيها
أبو فيصل :ياليت اقدر الووولد الحين سااافرر وتررك كل شي ورااه دقيت على جوواله بكلمه لكنه مقفل
أم فيصل :الله يكون بعوونها المسكينه
ابو فيصل :ونووره راحت معهم بعد
ام فيصل :مارضووا يدخلوون غير مرافقه وحده بس ومن شوووي تسوووي نفسها مررريضه بس عشاان ترووح لهم
ابو فيصل :هههههههه
*
*

في البحرين

4:5 مساااءاً
:شدعوووه يااعمي اساساً انا قايل باخذها ويااي اليووم بس تعررف انشغلت هذي الاياام شووي
ابو غراام:والله ياولدي انا منحرج منك بس تعرف البنت مدلعه شوووي وانت اخبر بهالسووالف لاتخليها تحس بالفرررق انا عاارف انك ماتقصر بس تحمللها اكثر شوووي


كينان :تااامر ياعمي من عيووني
ابو غرام :يلا اجل ما أطوول عليك فمان الله
كينان :فمان الكريم
-
-
غرام :هااا يبه شنووو قال بنطلع ؟؟
ابو غراام :ايه وانا ابووتس بيطلعك اهوو كان مشغوول شووي عشان كذا ماتفرغ لك وااجد
...وانتي بعد خفي ع الرجاال شووي
غرام بدلع:تيب مشكووور بابا ..وباسته وصعدت غرفتهاا وهي بتطير من الووناااسه
دخلت غرفتها ومسكت الجوووال تنتظره يدق
غراام :ادق انا عليه ....لا لا الحين هوو يدق دام بابا كلمه ...اففففف تيب ليييه مادق للحين
بعد ربع سااعه وهي تنتظره على ناار وصل لها مسج وفتحته وهي بتشقق من الونااسه
(اجهزي عشر دقايق وانا عندك ..ولو سمحتي لاتلبسي قصير لانا بنطلع )
غرام :وهـ بس فدييت اللي يغاار علي ...يانااااس احبببه ..بس ليييه في المسج موو كاتب لي حتى كلمة حلووه ولا كلف نفسه انه يدق ويسمع صووتي اووووفففف
-
-
عند كينان
تأفف بملل وهو يجلس ع الصووفا :اففففففف ياربي انا فااضي لهاا ...لا وقايله الى ابوهاا بعد عشاان تحرجني واطلعهااا
وداد:شفيك عليهاا ياكينان البنت وحيدة امهها وابووها يعني مدللـــــه وغير الملابس والاكسسوارات ماتعررف والحين حبتك بعد تبي تطلع تستانس معااك وتكشخ فيك
كينان بقهر :ياربي انا شنوو ماخذ لي وحده بزر مرااااهقه <<عذراً ع التسميه
يعني اهي للحين ماكبرت ع هالسووالف
وداد :توكل بس وادعي ان الله يهديهاا على ايدك
اخذ كينان مفااتيح سياارته وطلع
دخلهاا وشغلهاا وبدى يسوووق بدون لايركز بالشخص اللي كان يلحقه وكان يراقبه من كم يوووم
*
*
*
في فلة الوووليد
:ياربي وينهاا للحين مارجعت والساايق مايرد علي ...ياربي شسوووي الحين شكلي بقووم ادوور عليها مدري لييه تأخرت
بنتظرها عشرر دقايق لو مارجعت بطلع ادووورها
انتظررت وصولها على ناار لكن فاجأها دخوول الوليد اللي سألها بستغرااب من شكلها المتووتر :نور حبيبتي شفيك؟
نور:براءه قالت بترروح السووبر ماركت اللي بنهااية الشاارع مع الساايق وللحين مارجعت قلت لها برووح معااك قالت لي مايحتااج مدري شفيها تأخرت واااايد
الوليد بخوووف :كيف مارجعت للحين وبعدين لييييييه مادقيتي تخبريني
نور :صار لها نصف سااعه وانا كنت اسووي العشاا توقعت انها رجعت وتلعب فووق بغرفتها
الوليد :طيب طيب انا طالع اشوووفها
نور وهي تصيح :بروووح معااك انا خاايفه صار لها شي والله مااسامح نفسي لوو صار لهااشي
الوليد :نور حبيبتي اهدي ولا توتريني معااك وبعدين انتي خليك هنا عشاان لو رجعت تكلميني
*
*
*
براءه بخوووف :أنت ميين ؟؟؟ولييه جايبني هنا انا خااايفة رجعني البيت
......:لا تخافي انا وياااك بنروح نتمشى ونروح الملاهي بعد واشتري لك اللعبه اللي تبينها
براءه بدت تصيح :بس ابووي مايرضي اطلع مع أحد غريب والحين ماما نووور تدوور علي
......:انا قلت لهم اني راح اطلع وياااك
براءه وهي تصررخ داخل السيااره :كذااااب كذااب اصلاً ماقلت لهمم رجعنننننني البيت يالحررامي
صرخ فيها بعصبيه :شفيك انتي غبيييييه ناقصك انا سكتي احسن لك ماااأبي اسمع صوتك فااااااااااهمه
*
*
*

في البحرين

وصلوا المجمع واتجهووا على طوول الى محل الذهب على طلب غراام عشاان يختاروا الدبل
كينان :لو سمحت نبي دبل بس اخر موديل نزل بلييز
الموظف طلع لهم عدة اشكال وهو يقول :هذي اجدد الموديلات اللي نزلت طال عمرك
كيان اخذ واحد من الاشكال :شراايك في ذي ؟؟
غرام :لا لاكينان هذي مو حلوووه
كينان أخذ شكل ثاني :هذا شكله حلووو مرره شرايك؟
غراام :نووو ما ابي شايفته على صديقتي من قبل
كينان بملل :طيب وذي ؟
غرام بدلع :لاحبي كمان موو حلووو
كينان طلع من المحل وهو يزفر بضيق ولحقته غراام اللي كانت تتعمد ماتختار عشان تجي معه مرره ثانيه
غرام بدلع :شفيك كينان ؟؟ليييه طلعت
كينان وهو يحاول يضبط اعصاابه :انتي متأكده انك جاايه تشترين
غرام :يب اجل جاايه شسووي يعني بس مدري انت شفيك دايم معصب ومايعجبك شي ...<<الخ من لهوواش
-
-
دخلت المحل وراهم وسألت الموظف :لو سمحت اللي توهم طالعين كانوا جاييين يشترون شنوو ؟؟
الموظف بستغراب :مخطووبين وجايين يشترون دبل الزوااج على ما أعتقد
:اهاااا طيب مشكوور يعطيك العاافيه
...وطلعت من المحل وهي تفكر باللي انقذتها وسااعدتها بيووم من الاياام تمنت انها تحمل لها أخباار اجمل من كذا
التفتت عهوود وناظرت بغرام بحقد (الحين كينان شنوو شايف فيهاا سبحااان اللي خلق وفرق على الاقل سديم عفووويه وبريئه وهذي كل شي باااين انه اصطناااع )
خطرت في بالها فكره مجنونه وهي تناظرهم بعد ماجلسواا في طاوله من طاولات الكوووفي
تلثمت تممماااام وراحت وطلبت لها كبتشينووا
ولما خلص اخذته ومشت تجااههم بكل ثقه على انها بتجلس في الطااوله اللي وراهم
مرت من جنب غراام اللي كانت جالسه وتناظر في كينان بحب
وسووت ان الكووفي طااح منهاا وصااب جزء من عباءة غراام
اللي صرخت بعصبيه :ووووووووجع في شكلك انتي ماتشوووفين
عهوود ماتكلمت ولا كلمه بس ناظرت فيها من فووق لتحت بسخرريه واستفزاز
غرام :يالغبييييه شوفي شنووو سوويتي
كينان :غرام هدي حصل خير البنت مووو قصدهاا وبعدين شووفي النااس كيف تناظر فينا
غرام بصووت اعلى :كينان الله يخليك لاتدخل بيني وبينهاا
ناظرتهم بهدووء وتعمدت تدووس على رجل غراام وتمشي
غراام لحظتها كانت بتصرررخ فيها بصووت عالي بدون مايهمها أحد لكن كينان ناظرها بحده وهو يقوول :انكتمي
ومشى ويااها طالعين من المجمع
ناظرتهم وابتسمت بنتصااار وبسخررريه على اللي ماخذها كييف عربجيه ولا تجي برزانة وهدووء صديقتهاا سديم لبى قلبهاا
-
-
دخل كينان السيااره وبعصبيه بدى يسوووق
غرام بدمووع :كيناان شذنبي انا تخليني اطلع من السوووق بهذي السرعه وبعدين ليييه ماخليتني اربيهاا الحقيررره هذي
كينان بصراخ : البنت الكوفي طاح منها من غير لا تدري شتبينها تسوي لك تمسح عباتك مثلا وبعدين هذا اسلوب تكلمينها فيه واحنا بمكان عام
غرام: ترمي علي وتبيني اسكت لها
كينان بقهر : انا ماقلت اسكتي لها ولا قلت اصرخي عليها على الاقل راعي المكان اللي احنا فيه ما كان له داعي ترفعين صوتك كذا اللي يسوى واللي مايسوى قامو يناظرون فينا ... تصرفاتك زادت عن حدها يا غرام
وانا مو قادر اتحملك يعني الى متى بتضلين كذا انا قلت يمكن ماتعرف اسلوبي وسكت لك من قبل ...بس تسوين كذا قدام الناس انا ما اسمح لك ومره ثانيه اذا بتطلعين اطلعي بروحك انا اعصابي ما اقدر امسكها اكثر من كذا
*
*
*
ناظر السياره بريبه لم شاف شخص نزل منها وهو حامل براءه اللي كانت تصرخ بس حط يده عليها يمنعها من الكلام
جن جنونه وهو يستوعب المنظر اللي قدامه صرخ في صديقه : ضاري شوف ذاك الولد اللي ماخذ البنت ما ابيه يفلت منا


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -