رواية واخيرا حسيت يا مغرور -12
علا : تخيييييل عاد ازعل منك انت حبيبي انا ما ازعل انا ازعّل >> يااا قوية
ونام وانت مرتاح مافي قلبي عليك شي ولا لك بعد
تركي : هههه اوكي باي
................. بالمجلس قفل ابو محمد السماعة وهو منصدم ,,, علا بنتي انا تسوي كذا ؟؟؟ >>> طبعا كلامهم كان وااااضح ان علا صارحت تركي بحبها له بالبر
راح لها ابوها بغرفتها .....
ابو محمد : علا .. مين اللي اتصل؟
علا : هذا واحد غلطان وله وجه يراددني بعد ابووو لسانين ,, كلب
ابو محمد : لاه ؟؟ والله؟
علا بحمااس : ايييه .. والله حاااااالة المسكلة غلطان وما يبي يعترف
ابو محمد : في هذي صدقتي ... يعني برايك الغلطان لازم يعترف؟
علا : وش راااايك يبة؟؟
ابو محمد : انا سألتك انتي
علا : اكيد لازم يعترف
ابو محمد : ولازم نعاقبه صح؟
علا : اجل ؟؟؟ !!!!! اكيد عشان يتأدب ويعرف ان الله حق
ابو محمد : صح عليك
علا : انا معطيتك على كيفك ... لايش تبغى توووصل بالضبط؟؟
ابو محمد : ايش اللي صار بينك وبين تركي بالضبط؟؟
علا : هاه؟؟ انا مدري عنه .. امي هي اللي كلمته .. لالا مو امي بشرى ايه بشرى حتى رووح اسألها هي ردت بعد ما انا رديت
ابو محمد : بس بشرى نايمة >> الى الان يمشي معاها
علا : وشو ؟؟ ايه صح صح .. عاد ردت وراحت تنام ..عاد انت تعرف بشرى بس تحط راسها عالمخدة تنخمد
ابو محمد : ايه ما شاء الله بسرررعة البرق
علا تصرف : ههههه صح عليك,, تصدق يبة طلع عندك حس فكاهي .. عاد انا ذيك المرة قريت بمجلة...
ابو محمد بصراخ : لا تصرفين........ جاوبيني ليه تركي متصل وش اللي سويتيه له؟؟؟
تركي ولد عاقل ومتربي مستحيل يغلط بس انتي ام لسانين ومتهورة اتوقع منك كل شي
علا : بابا .. لا تفهم غلط .. انت سامع المكالمة صح ؟ ولا احد قايل لك
ابو محمد : سمعت المكالمة يا علا جاوبييييني لا تخليني افقد اعصابي
علا : ما صار شي بس .... ( وقفت بثقة )....
بس هو درى اني احبه
انفجع ابو محمد من اسلوبها بعد قيلتها بوجه قووووي
ابو محمد : الله يفضحك يااااااااا قليلة الادب شكلي ما عرفت اربيك .. انتي وشو ؟؟ زين الولد طلع عاقل وما انهبل معك
انتي نااوية تقتليني؟؟ انا وش سويت لك ؟؟ قصرت معك بشي؟؟ قسيت عليك؟ ما عاملتك زين ؟ جاااااوبي
علا : لا مو كذا يبة ...... انا احبه
جاها كف محتررررررررررررررم وقوي من ايد اب مقهووووووووووووووووور على بنته
خلاّها هالكف تنسى اسمها ... الحين الشي الوحيد اللي تفكر فيه علا ان ابوها غضب عليها وان هي وطّت راسه قدام تركي
اللي ما يستاهل منها التفاتة .. ما يستاهل تضيع كرامتها عشانه وما يستااااااهل يزعل ابوها بسببه ليش انا تهورت يا ربي؟؟!!!
ابوها يقدر تركي ويحترمه لانه على صغر سنه رجّال واعقل من عبدالله اخوه ... طلع ابو محمد من غرفة علا وهو ضاااايق وده يبكي من اللي سوته بنته لا وقدام ميييين ؟؟ قدام تركي
علا انفجرت بالبكاء لأول مرة تبكي من ضربة .. بالعادة هي قوية بااااس محد يقدر عليها
دخلت سامية متحمسة ما تدري وش السالفة : علااااا ... بسرعة عندك شريطة حمراء؟؟
انصدمت سامية من المنظر ........... دموع علا وهي تشاااهق
علا وهي دافنة راسه بين رجولها : خذي اللي تبين واطلعي بررررة
سامية اللي حن قلبها على اختها : علا حبيبتي وش صاااير؟؟
علا : اذلفي بررررررررة ما تسمعين؟؟
انقهرت سامية من رد علا الوقح .... دخلت للغرفة وسكرت الباب ومسكت علا من شعرها ورفعت وجهها وسطرتها كف
طالعتها علا بعيونها الحمر وهي ساكته ..
سامية بضيق : هذا عشان تحترمي الاكبر منك المرة الجاية وبعد شي .. ليش انتي دااايم كذا كل ما احاول اقرب لك تطلعيني برة حياتك؟
وبعدين ليش انتي شايلة همك لحالك وانا موجودة .. اذا ما تعتبريني اخت اعتبريني صديقة
علا : الحين وش تبين ؟؟ اعطيتيني كف .. ارتحتي خلاص؟ يللا اذلفي
سامية : ما كان ودي امد يدي عليك لكن انتي حديتيني ..
علا : وبعدين ؟؟ وش المطلوب؟
سامية : يا علا انا اختك ..
علا : داااارية
سامية : طيب؟ قولي لي وش فيك
علا : ابوي طقني
شهقت سامية : ليش؟
علا : ماااالك دخل
سامية : مستحييييل اكيد انك مسوية شي كبير .. ابوي ما قد مد يده علينا
علا : اتصل الزفت تركي
رفعت سامية حاجبها : الحين صار الزفت تركي؟؟
علا : الظاهر انك جاية تتشمتين
سامية : لا مو كذا .. بس اقول الله يالدنيا فجاة انقلبتي .. كنتي تحبينه اذا انا مو غلطانة
علا : ايه و............. قالت لها السالفة
في بيت لجين ومصعب .......................
لجين بخوف : ماااااااااااااااااجد الحق
دخل ماجد يركض : وش صاااير ؟
لجين : ملاك يا ماجد مو موجودة
ماجد : يمكن بدورة المياه يا لجين
لجين : اقول لك دوّرت بكل مكاااان وباب دورة المياه مفتوووح ما فيه احد
دخل مصعب : لجين وش صاااير ؟
ركضت لجين له : ملاك مو بالبيت
مصعب : اجل وينها؟
ماجد : لو ندري ما قلنا لك
مصعب : الحين لا تحط حرتك فيني روح دورها بدال ما انت واقف كذا
لجين : يلعن ابليييييسكم حتى بهالمصيبة تتناقرون
طلع ماجد مطنش وراح يدورها
بعد 5 ساعات من البحث المستمر ...............
لجين : هاااااه بشّر؟ لقيتها؟
ماجد وهو مبهذل وتعبااان : لا يا خبلة لو اني لاقيها جبتها هنا
يا الله رحت لبيت ابوها لقيت بنت الكلب بايعته
مصعب : لا تكون منحاشة؟ ( هربانة ... للي ما يعرف المعنى )
ماجد : مين هي؟
مصعب : وش فيك مضيع ؟؟ خويتك
ماجد : على تبن اسمها ملاك
مصعب : مو انت تحبها ؟؟ خلاص اسمها حبيبتك
لجين : يا كرهي لكم انطمووووا رفعتوا ضغطي
ماجد : علمي زوجك البزر
مصعب : بزر بعيييييييينك .. اصغر عيالك انا
ماجد مطنشه : وربي خايف يصير بها شي
لجين : مستحيل تحتفي فجأة .. لما رحنا البر كانت نايمة وانا ومصعب بالبر وانت بالمستشفى طيب؟؟؟ وانا سكرت الباب بالمفتاح
مصعب : يمكن احد مراقب البيت
ماجد : الحين مو هذا المهم ... شلون نلقاها بس
رن جوال ماجد
ماجد : الو؟
: مرحبا اخوي.. انت تعرف وحدة اسمها ملاك الـ......
ماجد : ايه نعم اعرفها .... هي عندكم؟ مين انت
: يعني انت عارف اللي حصل لها؟
ماجد : وش صاير لها هي؟؟؟ وينها؟
: هي بالمستشفى ....... لقاها فاعل خير مرمية بالبر من جوووة كانت على وشك انها تموت وبلغنا باللي صار
ماجد : وشلون عرفتوا رقمي؟
: لقيناه على ايدها مكتوب
ماجد : يعطيك الف عافية .. انا رايح للمستشفى الحين
.................................................. ..
هاه ؟؟؟ ان شاء الله عجبكم
وهذي بداية احداث قوية مثل ما قلت لكم
وش هي توقعاتكم للجااااي؟
<< البـــــــــــــارت الــ 26 >>
راح ماجد للمستشفى لحاله .. بعد ما سأل وعرف دخل غرفة ملاك وانصدم ..... مرة ابوها موجودة
ام وليد : هذا انت؟؟؟؟!!! وش جاي تسوي اكثر من اللي سويته ؟
( قدام الشرطي وملاك نايمة على اثر المخدر )
ماجد : عفوا؟؟ ما سمعت عيدي؟؟........ انتي اللي ايش تسوين هنا ؟
بعد ما عذبتيها كفااااية اذا هي منكدة عليك عيشتك اتركيها انا بتكفل بكل شي يخصها اطلعي من حيااااتنا بس
ملاك : حياااتكم؟؟؟ ما شااااء الله عليك ...>> التفتت للشرطي...هذا هوو اللي خاطف بنتي يا حضرة الضابط
تهجم علينا بوسط بيتنا وخطفها وانحاش ومعه وحدة
الشرطي : عندك رد على كلامها؟
ماجد : عندي كثييير ... بس ما راح اتكلم لما تصحى ملاك
رجع ماجد للبيت ......... في اليوم الثاني في بيت ابو مهند كانوا مجتمعين عالغداء مجرد اجتماع عادي
بعد الغداء .. دق الباب فتح مهند
مهند شاف الشرطي وتشقق من الفرحة من زمااان وده يشوف شرطي
مهند : شرطي ( قالها بصوت عالي وهو يأشر بصبعه )
الشرطي بملل : عفوا حبيبي .. ماجد الــ..... موجود؟
مهند : عمي مااااااااااااااااااااجد تعااااال في شرطي عند الباب
وراح يركض للمجلس : عميييييي بسرعة فيه شرطي يبغااااك
ابو مهند : شرطي؟؟!!!!!!!!!
انفجع ماجد ... ماجد : طيب طيب جاااي خلاص انطم
ماجد : هلا اخوي تفضل؟
الشرطي : انت اللي تفضل معنا
وخالد واقف ورى ماجد ... ماجد : ليه؟
الشرطي : هناك تعرف
ماجد : اشتكت علي صح؟
الشرطي : مدامك عااارف ليه تسأل ؟؟ يللا امشي لو سمحت
ماجد : بس ثواني واجيك
خالد : وش السالفة عمي؟
ماجد : مو الحين وقته .. ادخل بسرعة جيب جوالي
اتصل ماجد على لجين ..
ماجد : الو لولو اسمعي في واحد برة جاي بياخذني للقسم
لجين : قسم الشرطة؟
ماجد : لا قسم الالعاب .. ايه قسم الزفت .. اسمعي بنت الكلب اشتكت علي
لجين : بس انت ما سويت شي
ماجد : ما علينا .. اذا سألوك الاهل علميهم كل القصة
راح ماجد مع الشرطة للقسم ....
ابو مهند : ايش السالفة ؟
خالد : عمي يقول اسألوا لجين
دخل ابو مهند ونادى لجين للمجلس وطلعوا الشباب برة للمجلس الثاني
ابو مهند : ايش اللي صاير؟؟ ليش ماخذين عمك للشرطة؟
لجين بتوتر : بقول لكم كل شي ... بس هدّوا اعصابكم اجلس يبة
حكت لهم لجين السالفة معها ومع ماجد وملاك
راح ابو مهند وطلّع ماجد من القسم ... بالبيت
وبلمجلس تحديدا ... ابو مهند وابو فيصل وابومصعب وماجد ولجين ومصعب مجتمعين
ابو مصعب : انت يا ماجد ليش دايم تورّط نفسك بمشاكل لها اول مالها تالي؟؟؟
خليها تذلف وش عليييك ؟؟ كل الناس عندها مشاكل مو بس هي انت بس عليك تعالجها وتخليها بحياتها مااااالك دخل
ابو مهند : ليش تتلقف فيها يا ماجد ليش ورطت نفسك مع هالاشكال .. تتصرف مثل المراهقين متى بتعقل؟
ماجد بضيق وهو ينفض ثوبه بقهر : اوووووووووه .. فكوووني من فلسفتكم ترااااني ملييييييييت
يلعن ام هالدنيا كل ما تأملت منها خير رجعت تكشر بوجهي ... متى برتاااااح يا ربي متى
لجين : ماجد واللي يسلمك لا تسوي كذا بنفسك .. انت اقوى من كذا وهذا ابتلاء لازم تصبر
ماجد : ياااا لجين مليييت صبر وربي مليييت تعبت من الصبر هد حيلي
مصعب : ماجد انت رجّال ومو عشان بنت تنهار
ماجد : انت كل تبن ... انقلع من قدام وجهي اذلف بررررة
لجين : ماجد هدّي اعصابك ... صير اقوى من كذا وتحمل اذا مو عشانك عشانها
ابو مهند بنرفزة : حتى انتي معاه في الغباء اللي يقوله؟
لجين : انتوا كل شي ما يعجبكم يصير غباء؟؟؟ اسمحووولي هذا مو غباء حرااام عليكم راعوا مشاعر هالانسان
ابو فيصل : يعني بذمتك انتي وياه يحب وحدة مريضة متخلفة هذا تسمينه عقل؟
ماجد : انت المتخلف مووووو هي
ابو فيصل : عفوا؟
ماجد : اللي سمعته ... اطلعوا من مخي سيبووووني في حالي خلاص اوووووه
وماقدر يستحمل اكثر مسك في دموعه لين قال بس ..... بدت عيونه تمطر دموع بكى بضيق وقل حيلة
وقفت لجين اللي لاول مرة تشوف عمها يبكي دايم هي تبكيله مو هو يبكي لها هو دايما يخفف عنها
راحت جنبه وحطت راسه على صدرها : ماجد خلاص لا تبكي .. لا تسوي كذا يا ماجد
شال ماجد راسه من صدر لجين وقام بصراخ وقووة : انا ايش سويت لكم ؟؟ ليش كلكم واقفين ضدي والله ما ينفع انتوا وهالزمن علي
تكفوووون عاد لمرة وحدة بس وقفوا معي .... وقفوا معي مررررة وحدة بس
ابو مهند : ما وقفنا معك بسالفة قمر وخطبناها لك؟
ماجد : بعد وشوووو؟؟ بعد ما سويتولي قضية بس عشانها موو من عايلتنا
ابو مصعب : واحنا الصادقين
ماجد : لا موووو صح , انتوا غلطانين والغلط راكبكم من فوووق لتحت
ابو فيصل : ماجد امسح دموعك وخلّك رجّال
ماجد : وش تقصد بكلامك ؟؟... انا رجّال غصب عنك وعنهم كلهم تفهمووووووون؟؟
لجين : خلاص ماجد ... طلبتك عشاني اهدى شوي بعدين تكلم ... خلاص يا جماعة اهدوا شوي
ماجد : ماااا ابغى اهدّي اعصابي خلوووني لحالي بس
ابو فيصل : الرجّال ما يبكي عشان بنت
ابو مهند : فاااارس لا تزودها معه .. خلوه يهدى ... اهدى واجلس وتعوذ من ابليس
ابو مصعب : ماجد .. حط في بالك ان هالبنت ما راح تكون لك لشيئين .. اول شي ان اهلها مو موافقين واحنا بعد
وثاني شي لانها مريضة نفسية
ماجد : اول شي انطم واسمعني ثاني شي ... اهلها متوفيين الله يرحمهم وهي مو مريضة البنت بكامل قواها العقلية وانتوا حطوا في بالكم
ان ملاك بتصير لي برضاكم ولاّ غصب عنكم...
في الحوش..............
يزيد : الحين وش السالفة من زمان وهم جوة شوي تعلى اصواتهم وشوي ما نسمع شي
خالد : والله مبين السالفة كبيرة ... ودت عمي للقسم والحين هم جوة يتفاهمون معه
فيصل : بس بس اسمعوا
ابو مهند : خلاص يااااا جماعة ... خلّوا الرجّال يهدى شوي والى ذاك الوقت بنتفاهم مو الحين
مصعب : يللا يا لجين عالبيت .. مشينا
لجين : قوم يا ماجد معنا
ابو مصعب : اتركيه وروحي مع زوجك
ماجد : مووووو شغلك .. اروح مع اللي ابغاه يللا لجين مشينا
لجين : آسفة عمي ... يللا
.................. بالسيارة
ماجد : مصعب وقفني عند المستشفى
مصعب : اقووول .. خلي عنك الهياط ... عرفنا انك زاحف بطّل عناد
ماجد : مااالك دخل .. وديني المستشفى وبس
لجين : عمي الله يهديك خلي عنك حركات المبزرة
ماجد : حتى انتي بعد معهم؟
لجين : يا ماجد يا حبيبي خلي الموضوع يهدى شوي انت توك طالع من التوقيف اهدى وبعدين نروح لها
مصعب : الحين سؤال بس .؟؟... انت ليه تحب تعاند كلامهم؟
ماجد : لأنهم غلط .. وانا باخذ ملاك يعني بااااخذها الحين سوولي قضية عشان كنت باخذ قمر وهذا اللي قهرني
مووو على كيفهم يتحكمون بحياتي وشلون ابغى اعيشها
لجين : طيب يا ماجد .. خلينا نروح البيت ونرتاح شوي بعدين نروح لها
ماجد : وشو شااايفتني بزر تاخذيني على قد عقلي .. اقولك وديني المستشفى يا مصعب
اذا انتي خايفة منهم انا مووو خايف
لجين : انا مو خايفة منهم انا خايفة عليك
ماجد : وانا خايف عليها.... بعد عناااااااااااااد ودوه المستشفى
دخل بشويش وبحزن شديد .... دخل لغرفة ملاك وقف جنبها ودمعت عينه مسح على راسها و...............................
تتوقعوا ايش اللي راح يحصل الحين؟
هل راح يوافقوا اخوانه بعد النقاش اللي حصل بينهم ؟ ولا بالنقاش الثاني بيزيد عنادهم وعناده؟
لجين ومصعب تتوقعون ايش الجديد ونورة ودحوم وفطوم و نهى وخالد؟ وعلا وسامية وتركي؟
عبدالملك وفجر؟ >> ادري لحستكم هع هع اتمنى تنبسطووو يالحلوييين
<< البــــارت الـ27 >>
ماجد : ملاك تكفييين قومي .... شوفي انا ايش سويت عشانك , آآآخ ياااربي
قعد ماجد عندها طول الليل الى ان تعب وغفت عينه ... الساعة 7 الصباح اليوم الثاني
فتحت ملاك عيونها بتعب لقت راس ماجد جنبهاعالسرير وهو جالس عالكرسي ... سمعت صوت الدكتور جاي
ارتبكت ملاك وبتعب دقّت راس ماجد عشان يصحى فتح ماجد عيونه منفجع
ملاك : ماجد قوم من هنا تخبى بسرعة الدكتور جاي
تخبى ماجد ورى السرير ... دخل الدكتور ومعه مرة ابوها
ام وليد : هاه وش اخبارها اليوم
الدكتور : الى الان ماشية كويس .. بس البنت لسة تعبانة ما تقدرو تاخذوها عالبيت
ام وليد : اوووف ننتظر بعد زيااادة
فتحت ملاك عيونها بقوووة : انتي اطلعي برررة .. يا حقيرة يااا واااااااااااطية
ام وليد : يااا بعد عمري يا بنتي .. منهارة من اللي سواه فيها اللي ما يتسمى ماجد
ملاك : ماجد اشرف منك يالكلبة .. اخذني عنده وخبّاني منك ومن ذاك الزفت اللي انتي ارسلتيه عشان يقتلني
ربي خيب ظنك انا لسة عااااايشة .. اذلفييي برة ياااااا حقيييييرة
انفجعت ام وليدمن الكلام اللي قالته ملاك قدام الدكتور
ام وليد : ملاك .. اعرفي عن مين قاعدة تتكلمي .. تراك تتكلمين عن امك اللي ربتك
ملاك : يلعنها من تربية ...
استغرب الدكتور من هالكلام من اسلوب ملاك مع مرة ابوها
الدكتور : يا بنتي هدّي اعصابك
ملاك : تبغاني اهدي اعصابي طلعها برة
الدكتور : يا ام وليد تفضلي لو سمحتي
ام وليد : وبنتي؟؟ وملاك ... انا جاية اتطمن عليها ,, الحين هذا جزاي يا ملاك؟؟
ملاك : جعل جزاااااك بناااااار جهنم قولي آآآمين >> يللا قولوا آآآآمين وانا وياكم هع هع
ام وليد : معليش .. مقبولة منك انتي لسة منهارة وتعبانة
الدكتور : لو سمحتي بلا كثرة حكي واطلعي برة
طلعت ام وليد برة
الدكتور : يا بنتي الكلام اللي قلتيه قبل شوي كبير , اتهمتيها انها حاولت تقتلك
ملاك : وهذا اللي صار
الدكتور : ومين هذا ماجد؟
ملاك : هذا الدكتور اللي كان يعالجني بالعيادة النفسية .. وخذاني من بيت ابوي يوم كانت الزفت تبغى تخليني لعبة بايد رجّال تعرفه هي
جاء دكتور ماجد وخذاني بعد ما ضربتني وعذبتني لاني رفضت اسوي اللي هي تبغاه خبّاني في بيت بنت اخوه وزوجها
الدكتور : وشلون كنتي عايشة مع بنت وزوجها؟
ملاك : كنت انا ولجين ننام بالغرفة وماجد وزوجها ينامون بغرفة الضيوف بعيد عننا
الدكتور : ومرة ابوك؟
ملاك : كانت تدور علي لين لقتني وخطفني واحد هي راسلته بعدين باعت بيت ابوي عشان ما يلقاني ماجد .. واتهمت ماجد انه خطفني
هدّى الدكتور ملاك وطلع من عندها ...
ماجد بصوت واطي : ملاك
ملاك : هلا ؟ اطلع خلاص راحوا
وقف ماجد وهو يحك راسه : يلعن ام الحاالة نمت بدون ما احس بنفسي ...
ملاك :نوم العوافي
ماجد : الله يعافيك .. شلونك جيتي كانت عشان اتطمن عليك واروح بس من التعب غفت عيني
ملاك : لا لاتروح خليك عندي
ماجد : لا تخااافين انا معك لكن لازم اجهز نفسي الزفت ما بتسكت
ملاك : انا بشتكي عليها ولا يهمك
ماجد : مرة ابوك موو سهلة
ملاك : ادري فيها ما يحتاج تعلمني
بعد كم يوم تعافت ملاك وصار ودها تطلع من المستشفى ماجد له يومين ما زاها من اخر مرة
احداث هاليومين باختصار ... ام وليد هددت ملاك اذا ما تنازلت عن الدعوة انها بتتسبب في موت ماجدوتسويييها
ملاك بجد خافت لكن قالت لها بتنازل بس بشرط ... اني اتزوج ماجد وابتعد عنك وعن عيالك للابد
وافقت ام وليد واخذت كل الورث وملاك ما مانعت بالعكس تبي الفكة منها ومن شرها باقي بس يقنع ماجد اخوانه
بالزواج .... اجتمعوا الااخوان بطلب من ماجد في بيت ابو فيصل ولجين معهم
ابو مصعب : هلا يا ماجد ؟؟ اشغلتنا وش عندك بعد؟
ماجد : ادري الموضوع بينرفزكم لكن مااا علي منكم السالفة ومافيها ان ....
ابو مهند : لا تقول ان السالفة هي نفسها تبع البنت المعقدة؟
ماجد : معقدة ؟؟؟ انت عن مين قاعد تتكلم؟
ابو مصعب : هذيك اللي بغيت تدخل السجن بسببها
ماجد : المعقدين انتوا مو هي .... اسمعووني زين لا احد يغلط عليها بعد اليووووم .
ثاانيا الحين اهلها موااااافقين ما عندكم عذر
ابو فيصل : يا ماااجد ابسألك سؤال وجاوبني عليه .. انت ليه تحب العناد وشغل المبزرة؟
ماجد : هذا مووو عناد .. انتوا اللي عاندتوني بالاول ورفضتوا تزوجوني اللي ابغاها
ابو مصعب : يا ماجد يا اخوي هذي البنت مريضة بعدين تبتلش بتجيب لك مصااايب احنا خايفين عليك
ماجد : مشكووورين مو محتاج خوفكم انا كبرت عمري صااااك الثلاثين وانتوا لسة زي ما انتوا لين متى هالحاااالة يعني لين متى؟
وبعدين البنت موو مريضة ... لولو ردي عليهم انتي عرفتيها وقابلتيها جاااااوبيهم يا بنت
لجين : يا اعمااامي ويا ابوي يا حبااايبي انتوا .. البنت حبوبة وعسل وذوووق وعااقلة انا عرفتها وربي مااا اكذب عليكم
واللي تعالجت منه مجرد صدمة قوية مو مرض نفسي.. لا تسوونها سالفة
ابو فيصل : عن نفسي الفكرة هذي مو داخلة مزاجي
ابو مهند : ما ادري شلون افهمك ... ماني عااارف اقنع هالمخ اللي مو راضي يقتنع
ابومصعب سااااااكت ... سااااااااااااااكت
ماجد : هاه يا ناصر ليش سااكت ما رديت؟
ابو مصعب : الفكرة مش بطّالة .. انا تعبت منك , لجين انتي متأكدة تعرفتي عليها؟
لجين : اقول لك وربي تعرفت عليها وعرفتها زييين
ابو مصعب : انا واثق برايك انتي عاااقلة
ابتسمت لجين على حياء : تسلم
ماجد : يعني انا مجنون مثلا؟
ابو مصعب : لا مو مجنون ... لكن الحب يعمي
لجين : اكشخ يااا عمي مجرررب؟؟
ابو مصعب : احم احم ... يكح بتصريف
رفع فارس حاجبه لناصر : اقووول ... من شابه اخاه فما ظلم
لجين : قصدك من شابه اباه يا عمي؟
ابو فيصل : لا عندنا من شابه اخاه ولاّ يا ناصر؟
ابو مصعب : هههههههه المهم خلينا بسالفتك .. ماهي مشكلة اناموافق عقلك براسك وانت ادرى بمصلحتك
ماجد : واخييييييييييييييرا ما بغيت تقتنع
ابو مهند : احنا نبي مصلحتك وانت حر الله يوفقك يا اخوي .. بكيفك سوي اللي تبي هذي حياتك بالاخير
ماجد : اووووف اخيرا ... والله اي كبرت وعقلت اعرف اميّز بين الصح والخطأ الله يجزاكم بالجنة ما قصرتوا ربيتوني وعلمتوني
جاء دوري اعتمد على نفسي واتخذ قراراتي لحالي
ابو فيصل : عن نفسي مو راضي بس بكيفك انت مثل ما قالوا هذي حياتك وعندك مخ شغله
ماجد : يعطيييكم الف عااافية عالاهتمام .. كفيتوا ووفيتوا انا الحين مرتااااح
لجين : اووووف ما بغينا نخلص من هالسالفة .. الف مبررروك ماجد تعبت اراضي فيكم واهديه هع
نهاااااااااااااااااااااااية البارت وياهلا بالحبايب اللي طلّوا علينا هاليومين ... وياااااا حبايب هو باقي بارتين بس
ويمكن ادمجهم واخليهم بارت واحد اخيييير اذا قدرت .... سي يوووو بالبارت الجاي
<< البــــــــــــــــــــارت الـــ 28 والــ 29 >>
و الأخيـــــــــــــــــــــــــر
في ليلة من الف ليلة وليلة .................... اصوات الزغاريد مالية المكان
الليلة عرس ماجد وملاك المنتظر ...... في القاعة عند الحريم
لجين : يا بعد عمري عليه واخيرا بيرتاح
فطوم : يلعن ام الفللللة زواجات ورى بعض هع يللا عقبال زواجي
نورة : شوفي الخبلة وش تقول
لجين : ههههه خليها اصلا ما بتعقل الا لما تتزوج
فطوم : والله لا اطرطع فيه
نورة : اشوة انه مو اخوي
فطوم : الحمدلله انه مو اخوك هههههه
نورة : تعرفين التبن؟
فطوم : كليه
نورة : حيواااااااااااااااانة
لجين : ههههههههههههه الله يرجكم بس اشكالنا غلط
بشرى : هااااااااااي بنات سوري تاخرت عليكم
لجين : عادي عادي ... اهم شي تعالي اجلسي مع فطوم عندي انا ونورة سالفة
بشرى : خيييير ؟؟؟
فطوم : واحنا؟
لجين : سوري سوووري السالفة للمتزوجات فقط هع
نورة : يعني للكبااااااار ... ههههه يللا لجوووني
.................
لجين : نواااري ما ودك تقولييين وش سالفة هالكرشة؟
نورة : يمة يمة منكم ... كلكم لاحظتوا هالشي
لجين : يمكن انتي حامل؟
نورة : لالالا مو معقولة .... سكتت شوي ... جايز والله مدري
...... انزفت ملاك بالفستان الابيض اللؤلؤي والورد الاحمر المنثور بكل مكان
لجين كانت جنب ملاك بالزفة
ملاك : لجووون انا خايفة
لجين : يا حياتي .. اهدي لا تهزين المسكة
ملاك : مو انا اللي اهز ايدي ترجف
مسكت لجين يدها وابتسمت لها بهدوء
ملاك : لجين ... خلينا نرجع ,, كل العالم تطالع فيني كأني مسوية شي
لجين : هههههه طبيعي يطالعون فيك مو انتي العروس
ملاك : يمة ... خلينا نرجع تكفييين
لجين : وشو نرجع انهبلتي؟؟
ملاك : طيب عادي اسرع بمشيتي ؟
لجين : يااا ليل ما اطولك .. اهجدي خلاص بقى شوي ونوصل
ملاك وهي تبلع بريقها : اوكي
.......... وصلت الكوشة وعيون الكل عليها كانت قمررررررررررررر بمعنى الكلمة
الى الان ملاك تحس انها بحلم وما ودها تصحى منه
بعد الزفة الناس راحت تتعشى
ملاك تلبس عبايتها عشان تطلع وماجد يستناها برة
ملاك : يمة لجووون ما ودي اروح خاااايفة
فطوم : اوووف ترى والله ما بياكلك .. بعدين ماجد دلخ اصلا ما يخوف
لجين : خييييير ؟؟ وش قلة الادب هذي ؟ تتكلمين على زوجها تراك
فطوم : طيب ... هذا الصدق ماجد دلخ
ملاك : ليه ما تحبينه؟
فطوم : لا انا ما اطيقه وهو ما يطيقني .. عاد شنسوي زوجك عبيط
لجين : ما عليك منها ملوكة ... ماجد فديته مو عبيط ولا شي هي اللي تعابطه روحي الله معك لا يعصب علينا ماجد
ملاك وهي ترجف : يللا باااي
طلعت لماجد .... لجين : يا عمري عليها خايفة مثلي
فطوم : ههههههه ايه على طاري ليلة زواجك مصعب قال انك بكيتي
لجين : يااااا شينه اخوك ما يعرف يخبي سر يللا نشوفك ليلة زواجك ايش تسوي
فطوم : انا مو مايعة مثلك .. انتي مسوية فيها ووقت الصدق تطلع حقيقتك
لجين : يللا بس .. امشي نطلع فوق مع الاهل
فطوم : ههههه تصرييييييييييف ... يللا مشينا
.................................... طبعا كالعاااادة ما راح احكي عن العرسان هع يللا بس نعطيكم تلميح عشان لا تعصبووون
ماجد بالصالة كاااااااااااااااااشخ طالع خياااالي لابس طبعا ثوب ابيض وبشت اسود وغترة بيضاء وجزمة سوداء وسكسوكته محددة
طالع يخقق .... ملاك بالغرفة جالسة عالسرير لسة بفستانها تحس رجولها مشلولة من الخوف
ارتجفت ملاك وزاااادت نبضات قلبها بس سمعت صوته جنبها
ماجد : الف مبروك حياتي ...................... >> مقطع مشفّر هع
في بيت ابو عبدالله بعد يومين ...
نورة جاااية تركض : يممممممة يممممممة تعااااااالوا عندي لكم خبر بمليون ريااااااااااااااااااال
ام عبدالله : بسم الله وش صاااير ؟
نورة : هههههههههههه يمة انا حاااااااااااااااااامل
جاء عبدالله : والله انك مخفة .. اول شي بيقوله ولدك لا طلع : الحمدلله والشكر هههههه
نورة : مالت على خشتك .. بدل ما تقول مبرووووك
عبدالله : الف مبروووك ولا يهمك .. وانتي بعد باركي لي
نورة : الف مبروك على وشو؟؟
عبدالله :خطبت بشوووووووووري ياااا لبى عيووونها يا نااااس
ام عبدالله : بس استحي على وجهك يا ولد .. والله شباب اخر زمن
عبدالله : ههههههههههههاااااااااااااي يمة احبها شسووووي؟؟
ام عبدالله تهز براسها وتتحمد ...
نورة: ههههه المهم وش رااايك اجيب لك نسكافيه وحلى على هالخبرية الحلووووة؟
عبدالله : قداااام .. يللا انتظر
ام عبدالله : اي نسكافيه واي خرابيط ؟؟ مدامك حامل مافيه انطقي وانا بجيب لك عصير ولا حليب
عبدالله : يممممة ليه تخربين ؟؟؟ خليها تسويه بعدين بقول لها مافي
نورة : لا حليب ولا عصير مدام مافي نسكافيه بشرب شاي >> لا والله ؟ احلفي ههههه
عبدالله : هههههه والله ؟؟
نورة : بس يالبزر لا تتدخل
ام عبدالله : بس يللا بس
عبدالله : الا تعااالي ... انتي ليه مرابطة عندنا ما عندك بيت؟؟؟
نورة : لا صار بيتك لحالك تكلم
عبدالله : ما عندك زوج ؟ ضفي وجهك عنده
نورة : يمممة تكلمي
ام عبدالله : بس عن قلة الادب
عبدالله : ما ينلام زوجك .. تلاقينه يقول وش هالوررطة اللي طحت فيها
نورة : والله ما احد بيتورط الا بشرى بتاخذ لها ورع مثلك
رن جوال نورة وراحت على جنب
هيا : سلااااااااااااااااام يا بطة
نورة : اهلين هيووون شخبارك؟
هيا : تمام التمام وانتي؟
نورة: الحمدلله .. اناااا حااااااااااااااامل
هيا : ههههههههههه الف مبروووك قل لك كرشتك وراها قصة
نورة : وجججججججججع
هيا : هههه عندي لك خبرين ... انا انخطبت هع وسعودي اخوي خطب اخت يزيد خطيبي
انصدمت نورة : لحظة شووووي ...اخوك ايش اسم خطيبته ؟
هيا : فاطمة
نورة : ههههههههههههههههههههههه يا حلييييلها ...
هيا : يللا باااي ما راح اطول عليك
نورة : بااايات
بعد مرور شهر ... رجع ماجد وملاك من شهر العسل
عند البنات
لجين : احلى عروووووووووووسة وربي .. الف مبرووووك ميمي
ملاك : يبارك بعمرك يالغلا
لجين : ههههههه هاه وش صار عليك ليلة العرس؟
ولعت ملاك وجهها صااار احمررررررررررررررر
لجين : خلاص حلاص لا تحكين يمممة شوفي وجهك شلون صار طماطم
نورة : ههههههههههههههههههه
لجين : اقول نووورة ما قلت لك انتي وكرشتك ذي انك حاامل؟
فطوم : اقووول بس لا تسوين طالعة منها ... نويير تراها مثلك حامل بس ما فيها كرشة
نورة : ههههه بعد لك وجه تستهبلين على كرشتي انتي وكرشتك ؟؟؟
فطوم : لجووون لا يجي الولد ميت بس كرشتك صغييرة
لجين : يمممة بسم الله علي منك يالحيواااااااااااااانة والله اعلم مصعب اخليه يشوف شغله معك
فطوم : كل شوي مصعب ومصعب اذيتينا كان مافي احد عنده زوج الا هي
نورة وبشرى : ههههههههههههههههههههه
بشرى : ههههه هاااي
نورة : هلا والله خطيبة اخووووي
البنات : الف مبرووووووووووووووك
بشرى : ههههه الله يبارك فيكم عقباااال طمطم
فطوم : احم احم
نورة : وشو عقبال طمطم .. ما دريتوا؟؟
البنات : وشو ؟؟
نورة : خطبها خويها سعيد هههههههههههههههههههههههههه
لجين : معليش يعني عليه اسم ههههههههه
فطوم : تبنه .. عاااجبني تكفين انتي ومصعب
لجين : ياا لبى مصعب
البنات : وووووووووووووه ههههههه حركاااات لولو
لجين : هههههههههههه
المهم بعد مرور كم سنة ....
بعطيكم الزبدة
يزيد تزوج هيون اللي عشقها من اول نظرة
وعبدالملك وفجر تزوجوا ايضا وشهر العسل لعبدالملك ويزيد كان بفرنسا
عبدالملك وفجر جاهم توام بنات
ويزيد وهيا توام عيال
عبدالله وبشرى تزوجوا وقرروا يحطون زواجهم بنفس تاريخ زواج لجين ومصعب
لجين ومصعب جاهم ولد وسموه ناصر على اسم ابوه
اما نهى وخاااااااااااااااااااااااااالد ليلة زواجهم كانت تحفة ومثل الافلام بالضبط
دحوم ونوير جاهم ولد وسموه طلال ذوووق نورة
ملاك وماجد >> لبى عيونهم هالثنائي
جاتهم بنوتة وقرروا يسموها قمر لان ماجد نذر يسمي اول بنت له قمر
غارت ملاك طبعا لكنه اقنعها وهي رضت وقدرت موقفه
اما تركي ... تقدم لسامية اخت علا لكنها رفضته تضامنا مع علا
بعد هالموقف زادت علاقة علا وسامية وصاروا احلى من سمن على عسل
اما سعيد وفاطمة جابوا اربع عيال وفطوم احترفت غناء الراب في المطبخ وجننت سعيدد المسكين
نهاااااااااااااااااااااااااية الرواية ....
هذي الرواية كانت اول محاولة لي لدخول عالم الروايات ....كثير من الشخصيات اللي فوق شخصيات حقيقية
من واقعي ,, وبعض الواقف كانت حقيقية ايضا ,
شجعوني البنات كثير اني اكمل ,, مع اني ادري ان الرواية مو بذاك المستوى العالي الممتاز لكن كمحاولة اولى اعتقد انه حلو
احب الحين اوجه تحية كبيييييرة لمشجعيني واللي ساعدوني على اني اكمل صاحباتي
نوني وشوري و توتو وميمو وغلا و هيون ومرام و شيخة ومنال ومنولة الثانية
طمطم واروى وعهود قريباتي ....
احلى تحية واكبرها للوااااالدة سوسو الله يحفظها لي ويحفظ لكم كل غاالي على قلوبكم
اما الحين اهدي بوووووسة كبيرة لاحلى متابعين في منتدى غرام الاكثر من رائع
بأبدى بأول متابعة
مجنونة توتي
نورة بنت فهد
اخت نورة
ريم الحياء , روح الغلا, اه يا قلبي
hanane pop _ sinking moon
الفجر البعيد, m&n
مشاعر انثى _ اجمل شوشو
ريوم .. المجهولة سوسو
عاشقة الروايات
دلوعة وكلمتي مسموعة
غريبة الناس
فيونكة وردية
بنوتة دنماركية
نسيت انساك , وهج المشاعر
اكرهك حبيبي
عشق الكتابة
اميرة زماني
غريبة الناس
ايناس dz
الولهان _ رهوفا_ عهود _ ميس e
فاطمة منصور , همسات
مرتجى عمري , شوق المشاعر
اتمنى اني ما نسيت احد اعشقكم كلكم وكلها كم يوم باذن الله وابدأ انزل روايتي الثانية ان شاء الله بكرة اذا قدرت ويمكن بعد العيد
كل عام وانتوا بألف صحة وسلامة .......
شكرا لتشجيعكم لي واتمنى اشوفكم بالرواية الثانية اللي راح انزلها حصريا اكيد بغرام
love you
تحيااااتي : صـــــــــــــــــــــــــــــــــــــاحية لهم
تجميع
شمموووووخهـ
اللهم لك الحمد حتى ترضى وإذا رضيت وبعد الرضى ,,, اضف تعليقك