بداية

رواية مشاغبات عاشقين -9

رواية مشاغبات عاشقين - غرام

رواية مشاغبات عاشقين -9

قبل لا ينطق فهد بأي كلمه وقف خالد وقال : لحظه يا عمي آسف يا أبووي آآسف يا عمي انا أعرف أنكم أكثر خبره مني وأكثر فهم للأمووور بس تقدرو تعتبرو طلبي رجااء مو أمر
وألتفت لفهد وقال : آآسف يا خاال أنت قدهاا بس انا ما عاااد لي مكان هنا
وطاالع في أبوه برجااء وقال : حساافر أنا يالغااالي ابغى أبعد عن هنا لفتررره وألتفت لأبو جواااد وقال : طلبتك يا عمي لا تردني

إلى هنا ينتهي الجزء الســابع

----------------------------

البارت الثامن


ياخوي وينك صرت ماعاد تنشاف
زعلان والا كل هذي قطاعه
في غيبتك قلنا عسى مابها خلاف
حتى في صوتك باخلً في سماعه
وين العداله في المحبه والانصاف
يومك تغيب ايام وتطل ساعه
والعشره اللي مالها ساس واهداف
تضيع في لحظه زعل او اشاعه
انا اعرفك طيب القلب شفاف
مفروض من راعاك بالوصل راعه
قربنا نسأل عنك كاهن او عراف
ونشوف من غير علينا طباعه
قال جوااد وهو يضرب المكتب بعصبيه :أنت اكيد مجنون مو صااحي لهذي الدرجه مو مهتم بأحد لهذي ..
ما قدر جواااد يكمل كلاااامه وخرج من المكتب وهو مضاايق والدنيا مو ساايعته
طاالع فهد في خاالد وقال بهدوووء: ليش عملت كذا ؟؟
خاالد بألم : لاااازم يا فهد .... هي طلبت وأنا نفذت
وهنااا عم الصمت والهدوووء المكاااان ما عاااد فيه كلاااام ينقاال
........................
نزل الخبر كالصااعقه على الكل
الكل كان مهيأ نفسه لسفر فهد ما توقعوو أن إلي حيسافر خالد لا ولوحده كمان من غير جواااد توؤم رووحه
داانه وهي تبكي بحضن أمهاا : ماما خااالد حيساافر سنه وسنه مو قليله قولي له لا يساافر ويتركنا
أم خااالد إلي كانت تمثل القوه : دانه بلا دلع أخووكي مساافر لشغله غير كذا أنتي ما تحبيه يعني أكيد تبغي راااحته وهو شاايف رااحته يبعد الآن عن هنا خلينا نعطيه فرصه يرتااح ويرتب أموووره
داانه : بس حشتااق له يا ماما حشتاق له مره
ام خاالد : كلنا حنشتااق له لكن هذا إلي ربي كااتبه ولاااازم نصبر
........................
أول مره تشوف أخوها مهموم ومضااايق كل ذي الضيق قربت ريتااال منه وقعدة جمبه وهي تقول: جواد ايش فيك ؟؟
طاالع جوااد فيها بحزن وقال : حيسااافر يا ريتاال حيساافر ويترك البلد كلهااا
ما أخذ رأي قرر وحينفذ
ريتاال بخووف على اخوهااا : مين إلي حيساافر
جواااد لأول مره يحس أنه وده يبكي وده ريتااال تكون اليوم أمه مثل مااكان لهاا دووم الأب والأخ والأم ضم ريتاال وهو يقول: خاالد قرر يساافر يا ريتال .. حيساافر
أنصدمت ريتااال حست أن قلبهااا وقف نبضاااته ما عااادت حااسه بأحد ولا مستوعبه ألي سااار ما عرفت تصبر أخوهااا ألي ضامهاا وكأنه طفل مضيع أمه ولا تصبر نفسهااا ... دااخلهاا كان صرااع قوووي نزلت دمعة قهر منهااا وهي تقول بنفسهاا( كيف أوااسيك وأصبرك وأنا السبب في إلي سار)
في هذا الوقت دخل فهد وشااف حااال جوااد سحب جوااد وهو يقول : قوم وخليك رجااااال خااالد أختااار الطريق إلي يريحه ويسعده المفروض تكون مبسوط له مو زعلااااان
طاالعت ريتاال بفهد بحزن كان ودهااا تقول له ( خالي قوله لا يسااافر لا يتركني لحاااالي أنا من غيره ما أعيش)
لكن أنصدمت من نظرة فهد لأول مره فهد يتجااااهل دموعها لأول مره يطااالع فيها بعتب ولوم
أما فهد فعلاً كان زعلاااان ومضاايق من تصرف ريتال مع خاالد شااف دموعها ونظرة الحزن الوااضحه بوجهها بس لأول مره ما يهتم ولا يركض لها يضمها ويواااسيها هي إلي أختاارت هي السبب في إلي ساار
أخذ جواااد وخرج من البيت من غير ما يقول كلمه وحده لريتااال
.......................
في كنــــــدا كان بندر معصب ومتنرفز من برود مااهر وقال بعصبيه : أنت أيش يا اخي تفضل هالحقيره على اهلك
مااهر : لا تقول عنها حقيره ليليان تحبني وانا أحبها وبعدين تعال قولي ايش حستفيد من أسبوع بنزل فيه اشوف اهلي ثم أرجع أجلس شهر وارجع لهم مافرقت أنتظر وانزل مره وحده وخلااااص
بندر : المشكله مو في شوفت أهلك المشكله أنك بتلغي كل شي مهم في حيااتك في سبيل رضى ليليان وحبك لها وهي للأسف ما تستاهل كل هالحب والأخلااااص ونسيت بنت عمك إلي أنتظرتك سنين وما زاالت بتنتظر
ماهر بعصبيه: بندر لو سمحت خلاااص قفل هالموضوع سفر مو مسافر وليليان ماراااح أتنازل عنها لأني أحبها وبتزوجها وبنت عمي ربي بيرزقها بولد الحلااال إلي يستاهلها
طالع بندر فيه بصدمه وقال بهدووء: أتذكر يا أخووي أنك أنت إلي أخترت ومصيري بثبت لك سوء أختياارك وغلطك
................
في بيت أبو خاالد كان خاااالد جااالس بغرفة داانه يحااول يرااضيهااا
جلس جمبها على السرير مسح على شعرها وهو يقول : أيش فيها حبيبة أخوهااا سمعت أنك غرقتي أمي وأبوي والآن نااويه تغرقي نفسك بالغرفه
أرتمت داانه في حضن أخوهاا وهي تقول: لا تتركني
ضمهاا خاالد وهو يمسح على شعرهااا: ياقلبي كلهاا سنه وبرجع وترى كل شهر شهرين بجيكي وبتشبعي مني
داانه وهي تبكي مثل الأطفااال : ما أبغى أنت عمرك ما بعدت عني ليش اليوم قررت فجأه تتركني لحالي
طاالع خاالد فيها بألم وقال : غصبن عني والله
داانه: ما في شي يجبرك تبعد عن أختك وأمك وأبوك وجوااد أنت شفته جوااد بيموت يا خاالد
أختنق خااالد وضااقت فيه الدنيا مو عاارف يرضي أخته ولا جوااد ولا ريتال قال بمرح يخفي ورااه آآلاااام لها أول مالها آآخر : ايش رأيك تقومي معااي الآن نروح لبااسكن روبنز ونروح أي مكان تأمري فيه يا قلبي
داانه وهي تتعلق فيه أكثر وتقول: وتنسى حكااية السفر
أبتسم خااالد وقال في محااوله منه ينسيها الموضوع : يالله يالله قومي بلا دلع خلينا نخرج ونستاانس
......................
لحظة وداعك اه يا لحظه وداعك ياهي صعبه بالحيل صعبه
وانا اللي ابي قربك وابي قلبك
وابي بدنيتي تبقى معي تبقى
نسيت اني اعشقك ولا تنسى اني بفقدك
لحظة وداعك ياهي صعبه بالحيل صعبه


أحبك يا خااالد والله أحبك بس أنت ما تبيني أنت قاااسي وتكرهني الكل تتعاامل معهم بطيبه بحب بحناان بس انا مالي غير الجفا غير القسوه حبيتك من صغر سني بس خاالد إلي حبيته غيرته الأياام أتحول من شخص حنون لشخص قااسي ومن شخص كان يمسح دمعتي لشخص هو سبب دموعي من شخص يدااوي جروحي لشخص يجرح بكل بروود
حااولت أكرهك ما قدرت حااولت أبعد ما قدرت
أحبك وبظل أحبك
رمت القلم بقهر فرغت كل مشااعرهاا كل خوفهاا من بعده كان من عاادتهااا لا ضاااقت كتبت وفرغت كل مكنوناات صدرهاا بس هالمره ما ارتحت ... ما ارتاحت ابد وداااها تركض وترمي نفسها بحضنه .. حضنه إلي أحتوااهاا وهي طفله أرتمت على السرير وهي تبكي بحرقه
وعلى لساانهاا تترد جمله وحده : أحبك لا تتركني
غفت عينهااا أخيراً
...........................
أكيد الكل يتسأل ليش أم خالد وأبو خالد وأبوجواد وأبو محمد مالهم طااري وليش سااكتين على سالفة سفر خااااالد
بقولكم ليش لأن أبومحمد كالعااده جمع الشيااااب عشان يفهم السالفه ويتحرك على أسااسها
أبو محمد بهدووووء: أبغى أفهم شي وااحد بس كيف ترضو بهذي المهزله إلي ساارت ؟؟ أعتقد أني أمس كنت مع أبو جوااد وأتقرر أن فهد إلي حيساافر أيش السبب إلي يخليكم تغيروو رأيكم وتقررو أن خالد إلي حيساافر
أبو خاالد وهو يتنهد من قلب:والله يا عمي أحنا مو فااامين شي كلنا أنصدمنا من طلب خاالد
أبو جواااد : أنا أول مره أشووف خاالد بذي الحااله عمره ما فكر يبعد عن أهله حتى أياام الدراااسه كان يعد الأياام حتى يرجع السعووديه واليوم يطلب بعده طلب ليش أيش السبب
سمعووو صوت فهد إلي قال : أنا أعرف السبب يا أبوووي
ألتفتوو له الثلاااثه بنظرات كلهاا تسائل
فهد : السبب ريتال
أبو جوااد بأستغرااب : ريتاااال ؟؟؟
دخل جواااد وجهه كله أرهااق وحزن : أيوه ياأبووي ريتاال
أبومحمد : قولو السالفه وخلصوني كيف ريتال السبب يعني؟؟
سرد فهد السالفه كلها لأبوجواد وأبو خااالد وابووه
بعد ما أنتهى قال : وهذي كل السالفه
أبو جوااد بأسف : أنا كنت حاااس انهم ما يبون بعضهم وفي بينهم خلاااف كبير
أبو خاالد: فعلاً كاان وااضح
أبو محمد بثقه : لا غلطااانين
أبو خاالد : كيف يا عمي غلطاانين سمعت بأذنك كلااام فهد إلي يأكد ظنوننا أنا وأبو جوااد
أبو محمد وهو يطااالع بأبو خالد ويبتسم ويقول : أنا حثبت لك كلااامي
ألتفت لفهد وجوااد وهو يقول: ريتاال الآن كيف حاالتهاا؟؟وأيش كان ردة فعلهاا لما عرفت بسفر خااالد؟؟
فهد بسرعه : هذا إلي أستغربت منه يالغالي لو تشوفها تبكي وأنصدمت بقراار سفره
طاالع أبو محمد في أبو جواد وأبو خاالد وقال: سمعتووو
أبو جوااد: بس ليش تعمل كذا وبأيش تفسر تصرفااتها
أبو محمد : هذا الشي إلي كان محيرني وفي الأخير فهمت سبب تعاملها مع خاالد بهذي الطريقه هي قسوة خاالد المفااجأه عليها ريتال كانت متعلقه بخااالد وهي طفله والكل يشهد بهذا الشي لكن كبروو وخاالد ساار أكثر حرص على ريتال وبالتاالي صاار داايم الأنتقاد والأعترااض لتصرفات ريتاال إلي يشوفها من وجهة نظره تمرد وقوة عين تبع هذي التصرفات نفور وخوف داايم من ريتاال لخاالد وأحسااسها أن خاالد يكرها يزيد مع كل موقف بينها وبين خالد فهمتووو الآن
أبو خااالد : والحل الآن أيش بيكون كيف بنقدر نسيطر على تصرفااتهم ؟؟
أبتسم أبو محمد بخبث عجووز وقال: الحل عندي أسمعوووو
وبدأ أبو محمد يحيك خطة ترووويض تمرد ريتاال وخاالد
تعتقدووو بينجح أبو محمد ولا أبطالناا بيغلبووو خبثه
....................................

في اليوم التالي الكل هاادي الكل بستثناااء شخصين
خالد وريتال
ركبت داانه السياااره وهي تقول بصوتهاا النااعم : السلاااام عليكم
جواااد بمشااغبته المعتااده: وعليكم السلااام حياا الله الداانه والله
داانه بخجل : الله يبقيك
طاالعت ريتاال فيهم وأبتسمت وهي تقول بنفسهاا ( ليتنا مثلهم)
وصلهم جوااد لجامعه وأتجهه على الشركه دخل المكتب بهدوووء وطااالع في مكتب خاالد وهو يقول: غريبه مو من عاادته التأخير
سمع صوت خااالد وهو داااخل : ما أتأخرت كنت بمكتب فهد
جوااد : أيش عندك في مكتبه
خاالد :كنت بعتذر له على أني أخذت مكاانه في السفر
جوااد ببرود فااجأ خاالد: آها يالله طيب خلنا نشوف بااقي الشغلاااات أنت عاارف فهد بيكون بدل عنك في كل شي لااازم نبدأ ننسق معه
طالع خاالد فيه وقال بعتب: في كل شي
طاالع جوااد فيه وقال بأسف : أختياارك يا الغالي
........................................
أما في الجااامعه ريتال كاانت سرحاانه أغلب الوقت حتى الأستااذه لااااحظت هذا الشي وطلبت منها تخرج من المحاااضره لأنهاا مو مركزه معهاا شكرت ريتاال الأستااذه وخرجت أتوجهت للكفتيريا وجلست بهدوووء وهي تفكر ياربي أنا ليش زعلااانه مو هذا إلي أبغااه مو أنا إلي طلبته يبعد عني ليش حاااسه أني حفقد روحي بسفره
تنهدت من قلب وهي تقول: آآآه ياربي رحمتك
بعد ما أنتهت المحاااضره أتوجهت داانه لريتاال في الكفتيريا
جلست وهي تقوول: هاااي ريتووو لا تقولي خنتيني وفطرتي من غيري
طاالعت فيهاا ريتاال بأستغرااب من عدم مباالااااتها لسفر خالد: لا ما فطرت ولا أبغى أفطر مو مشتهيه
داانه : ليش ؟؟ أيش فيكي؟؟
طاالعت ريتال فيهااا بقهر وقالت : مافيه شي بس..
قبل لا تكمل كلااامهااا سمعت جناان وهي تقول بصوت منكسر: السلااام عليكم
طاالعت فيهاا ريتاال وقالت: خير المره إلي فاتت كف هالمره أيش ..
قااطعتها جناان والعبره خاانقتهااا: ريتاال أنا آآسفه ساامحني أنا غلطت بحقك بس أرجووكي كلمي خااالد وقولي له أني أعتذرت منك وأني ما عاااد بقربك لا بخير ولا بشر بس لا يفضحني ويشكيني لأبوووي
أنصدمت ريتااال معقوول خاالد هددها وحذرها تقرب مني قالت بصوت مرتبك: خاالد هددك
داانه : أيوه كلمهاا أمس من جوااالي وألتفت لجنان وقالت : خلاااص جنان تقدري تروحي بقول لخالد أنك اعتذرتي لريتو بس هاا لا عااد تقربي منها ترى خااالد لا قال فعل
جناان بنكسااار يخفي ورااه حقد الدنيا كلهاا: أن شااء الله عن اذنكم
ريتال وهي تلتفت لداانه: ليش ما قلتي لي
داانه :قلت أحسن يكون الموضوع عملي وتعتذر وخلاااص
ووقفت وهي تقول : بروح أجيب لي شي أفطر بيه
ريتاال بهمس وفكر شاارد: أوكي
..........................
بعد أسبوع من هذي الأحدااث
كانت تتجهز لأنها راايحه لبيت أبو خاالد مع جدتهااا لبست فستاان أسود قصير كان أحد الأكتاااف نااازل بطريقه حلوه وكان يزين خصرهاا حزاام فضي ظبطت شعرها وكان مكيااجها خفيف عدااا الروج الفوشي إلي زاادهااا حلى وجااذبيه
وبعد ما أتعطرت وألقت نظره على شكلها أخذت جوواالهاا وأتصلت على جدتهااا : السلاااام عليكم
أم محمد: وعليكم السلااام هلا بنتي هاا جااهزه
ريتال : أيوه جااهزه انتي متى تجي
ام محمد : ربع سااعه وأنا عندك
ريتال: أسبقك ولا لا
أم محمد: لالا لازم نروح مع بعض هالمره الروحه غير
ريتال بأستغراااب : غير في أيش
أم محمد وهي تضحك: أنتظري الصبر حلو
ريتال : أوكي أنتظرك يالغاليه
أم محمد:بحفظ الله ياقلب جدتك
...................................
كان الوضع عاادي في بيت أبو خااالد وماكان في أي أختلاااااف سوى داانه إلي كاانت اليوم تتعامل مع الجده بخجل وحذر
أخيراً قررت الجده تشبع فضول ريتال وتوضح هي ليش شاايفه أن جلسة اليوم غير وقالت: بنتي ام خاالد اليوم أنا جااايتك وفي خااطري طلب
أم خااالد: تأمري ياخالتي ما تطلبي
أم محمد : تسلمي يا بنيتي انا ودي أطلب بنتي داانه لولدي جواااد
ريتاال ماتت من الفرحه وداانه خجلهاا وصل حده ووجهها ولع وقلبهاا قاام يرقص رقص من الفرح خخخخخخخخ
أم خااالد وهي تبتسم : أذا علي فأنا يوم المنى عندي يوم يتزوجو لكن ساامحيني ياخالتي ننشوف رأي أبو خاالد ورأي البنت كمان
أم محمد : أبو خاالد وننتظره بس البيت أنا بسألهاا
قبل حتى ماتلتفت أم محمد لداانه هربت دااانه لغرفتها وهي تسمع ضحكاات أم خالد وأم محمد وريتال
..................................
كان خاالد خااارج من غرفته وشااف داانه وهي تجري لغرفتها وتقفل الباب دق البااب عليهااا وما سمع رد خااف تكون بتبكي فتح البااب وقال : دنووو حبيبي وينك ؟؟
جلست داانه وهي تحس بأحرااج وأرتبااك : هلا خالد
طاالع خالد فيها بأستغرااب وقال: أيش فيكي في أحد مزعلك
داانه وهي تبتسم : لا
خالد: أجل ليش تاااركه الضيووف وجاايه هنا
اكثر وااحد تتمنى يشااركها فرحتها هذي هو خاالد أخوهاا الحنون أرتمت داانه بحضنه وقالت : خاالد جدتي اليوم جات تخطبني لجواااد
خاااالد من فرحته شاال داانه وهو يدوور فيهاا يضحك ويقول: يادوباااا كبرتي وحتروحي للغبي جوااد
داانه كاانت تضحك من قلب وفجأه أنفجرت ببكى حاار نزلهاا خاالد وقال: أيش فيكي ياقلبي
دااانه وهي تبكي مثل الأطفاال: كيف حتركك أنت وماما وبابا
خاالد وهو يضحك : هههههههههه يا دلوووعه حترووحي عند جواااد وحينسيكي أسمك مو بس ينسكي أخوكي وأمك وأبوك
باااس رااسهاا وقال : مبروك ياقلبي يالله أنا لااازم أخرج ولا زوج المستقبل بيقتلني
خرج من الغرفه ومشي وهو فكره شاااارد ليش جوااد ما قاال لي أوريه الدب يتحرك من ورااي هو فكر أني حساافر خلااااص مو لااازم أعرف عنه كل شي هين يا جواااد
فجأه أصطدم فيهاا بقوه كاانت حتطيح لكن يده كانت أسرع مسكها قبل لا تطيح وسحبهاا لجهته لكن حاافظ على مساافه بينهم ومن غير ما يقول ولا كلمه كان يبغىيمشي بسرعه قبل لا يتجاادلو كالعااده أستوقفه صوتها وهي تقول: مبروك لداانه
وقف خاالد ومن غير ما يلتفت لها : الله يبارك فيك وعقباالك مع الشخص إلي يفهم أفكااارك
ذبحتهااا كلمته كان نفسهاا تقول له أنها ماتتمنى غيره لكن لا خليه يولي مغرور عديم أحساااس
أما خاالد بعد ما قاال كلمته كمل طريقه هو عاارف أنه جرحها بس هي بدأت
.....................................
جوااد اليوم مانقدر نوصف سعاادته أخيراً أتحقق حلم حيااته وداانه سارت له
ما نغص عليه هاليوم ألا حاال اخته وخالد كان يتمنى يفرح هو وخاالد بنفس الوقت قطع علي تفكيره خااله فهد إلي ضمه وهو يقول: مبرووك ياالجوااد عملتهاا قبلنا يا خااين
ضحك جوااد وهو يقول: أيش أعمل لكم أنتظرتكم أكبر وقت ممكن
فهد : على العموم الله يوفقك
أتنهد جواااد وهو يقول: آآمين
دخل في هالوقت خاالد بهدووووء كان وااضح أنه ضاايق وزعلاااان
طاالع فيه جواااد وقال : مافي مبرووك يا أخوووي
طاالع فيه خاالد بعتب وقال: أنتظر كرت الدعوه عشان أباارك لك
عرف جوااد أن خالد زعلااان منه لأنه ما اعطااه خبر
مشي لعنده وجلس جمبه مو عاارف من فين يبدأ كلاااامه لأول مره يختلفوو لأول مره يحس انه في حااجز بينه وبين خااالد أخوه وصديقه وأبوه وعمه وخااله وكل شي بالنسبه له
أما خاالد كان وده يضمه ويعااتبه ويخااصمه على غلطته مثل كل مره يغلط ..ويعنفه .... ليش هالمره مو قاادر ليش....!
فهد كان يتاابع الموقف بصمت ولما شااف الموضوع مطوول وقف وهو ياخذ مفااتيح سياارته ويقول : لما تخلصووو من شغل الأطفاال إلي بتعملووه هذا أتصلو علي أجيكم
بعد ما خرج فهد ظل الحااال على ماهو عليه قطعه صوت جواد وهو يتمتم بصوت هاامس:
أعتذر أن كان في يوم قسيت
صديت أو جفيت والعذر إن كان
فأنت حد السيف لامنــي أعتزيت
وأنت أغلى شخص في عمري لقيت
وأنفجرووو الأثنين بضحك هستيري وضم خالد جواد وهو يقول:
أحبك من صميم القلب حب الصادق الولهان
وأنا من لوعة الفرقى يهل الدمع من عيني
طبعاً الكل يستغرب ليش ضحكوو فجأه كذا وليش قالوو هالأبيات بالذات
أقوولكم ليش
لأنهم أثنااء ما كانو بيدرسو في الخااارج كان معهم أحد أصدااقائهم وكان سعودي طبعاً كان عاايش معهم بنفس الشقه وكان داايم الأستغرااب من علاااقة جواد وخالد وداايم يقول لهم( صرااحه لا تزعلووو مني بس أول مره شفتكم فيهاا قلت شكلهم شوااذ خصوصاً أنكم لو تزااعلتوو تترااضوو بنفس اليوم وبأشعاار ما يقولها الواحد الآ لحبيبته)
وبكذا أتصاالحوو أبطااالنا ويارب ما عااد يسير بينهم خلاااف ^_^
.......................
كانت تحااول تكون طبيعيه وما يباان ضيقهاا قدر الأمكاان
قالت لداانه خلنا نتصل على منى ونقولها أكيد بطير من الفرحه
وأتصلو على منى وقالو لها منى كانت سعاادتها لا توصف لكن ما خفي عنهااا ضيق ريتااال إلي كانت تحااول تخفيه بس ما حبت تدقق في الموضوع عشاان فرحة داانه
مجرد ما رجعت البيت طلعت لغرفتهااا وأنفجرت ببكى حاار عله يغسل شي من ضيقها وحزنها هي فرحااانه لجواد ولداانه
بس كسرفرحتهاا كلااام خالد
مسكت دفترهااا إلي داايم يراافقهاا في كل لحظة غضب وحزن وضيق :
قاااسي كلمه ما تووصفه يجرح و ما يعرف يدااوي
كلمااته تصب في أذني مثل الناااار تقطع قلبي لأشلااااء
لكن,,,, لا يهتم
أنا من أحببته وانا أتحمل ذنب حبي لشخص قااسي لا يملك ذرة أحساااس
وكتبت بنهااية الصفحه هالبيتين


تحملنا بما فيه الكفاايه وأنتهى المشوار
ولا أدري وش أسبااب الألم والصد والقسوه
يجافيني وأنا عااشقه أهيم بحبه واحتاار
أغازل كل نظرة شوق من رمشه كما الغفوه
للأمانه الأبيات للشاعر ابراهيم الشمراني
.......................................
الكل كان يشتغل بحماااس ونشاط لتحضيرات حفل الخطووبه أكثر وااحد كان متشقق من الونااسه هو جواااد
ريتااال كان شغلهاا مضااعف لأنهاا تساعد أخوها وتسااعد صديقة عمرهاا وأختهاا داانه خاالد كان ما يرفض للبنات طلب لأول مره في التااريخ أي سوق يطلبوه سوبر خالد حااضر خخخخخخخخ ^_^
أخيراً جاا اليوم المنتظر ريتال وداانه و كانو يحضروو أغرااضهم إلي حيحتاجوهاا في الصالون ريتاال طبعاً كانت طوول الأياام إلي فاتت تنام عند داانه بسبب التحضيرات كان المقرر ان فهد حيوصلهم لأن خالد مشغول مع جواااد
كانت القااعه من اروع القاعات وأفخمهااا وأم خااالد سعاادتها اليوم لا تووصف بملكة بنتهاا على ولدها جوااد
أم محمد كان اليوم عندهاا غير دمعت عينها وهي تتذكر بنتها ريوف وتترحم عليها
جواااد كان مرتبك سعيد خاايف مشااعره ما تنوصف بهذا الوقت
خاالد مبسوووووووط ومروووق على الآخر ملكة دلووووعته وصديق عمره كيف ما يفرح
أبو محمد مبسوط الرجااال خططه مااشيه على خير ما يكون خخخخخخخخخ ^_^
أبو خالد : الرجاال معصب وكااره جوااد لأنه من وجة نظر خطف بنته منه
أبو جوااد : فرحته طااغيه اليوم بزواج ولده
فهد : الرجاال قرفان حيااته على كثر ما شغلووه ههههههههه
........................
في الصالون كانت ريتاال تسااعد دانه على لبس عباايتهااا تقول: أبشرك اليوم اخووووي بيموت بجلطه
كانت داانه لااابسه فستاان بنفسجي فااتح تصميمه يشبه تصميم فساتين الأميرات الرومانيات أما شعرها كان كيرلي يزينه طوووق ورد ألواان الورد كانت وردي وموف وابيض ومكيااجهاا وردي ومووف سمووكي نااعم كانت مثال مجسد للنعومه والرقه
داانه : بسم الله عليه وجع ريتوو لا تقولي كذا
ريتاال وهي تضحك بخبث: الله يعين من الملكه تقولي لي وجع أجل بعد الزواج ايش حتعملوو فيه أنتو الأثنين
داانه : أشك أنك بتبقي كثير عندنا لأن أعتقد الحريم اليوم ما راااح يفوتو هذا الجمال كله على عيالهم
ريتال كانت لااابسه نيللي وضح بياااض بشرتها ونقااائهااا أما مثل هذا


أما شعرهااا عدلت القصه وصبغته أسود بالمعة الأزرق النيلي مكيااجهاا كان هااادي كالعاده
ريتااال : أقول أمشي بلا فلسفه زياااده قال يفوتو قال
داانه : والله أنا صاادقه حتى أمي سايره زيهم اليوم قالت لي حتشووف بنت حلووه وأخلاااق لخالد اليوم
وصفقت بدينها ببرائه وهي تقول: الله لو تنخطبي اليوم وامي تلاااقي بنوته حلو ه لخاالد ويسير فرحنا كلنا بيوم وااحد
ما كانت تدري أنها مع كل كلمه تقولهااا تقتل ريتاال الف مره ... أستغربت لأن ريتال ما ردت عليهااا ألتفت لهااا وقالت : ريتال ايش ...
ما قدرت تكمل كلااامهااا يوم شافت وجه ريتاااال ودمعه حاارقه تجرح خدهااا النااعم مسحت دانه دمعة ريتال وهي تقول: ريتال ليش تبكي
ريتاال وهي تحااول تتماسك : دموع فرحه يا غبيه يالله خالو ينتظرنا برى
.......................
أنزفت دانه لى موسيقى كلاااسيكه هااديه الكل أنبهر بجمالها الطفولي الهااادي مجرد ما وصلت للكوشه وجلست سمعت صوت كان نااقصهااا في حفلهاا هذا وهو يقول: يالخاايسه ليش ما أنتظرتي بندووورتي يرجع ونعمل حفلتنا مع بعض
قاامت داانه ونسيت برستيج العرووس كله وركضت لمنى وضمتها وهي تقول: غبيه حمااره قلتي ما حتجي بيكنا انا وريتال كثير
ضحكت منى وهي تقول: من غباائكم ولا المفرووض تعرفوها من نفسكم مستحيل وحده فينا تحتفل من غير الثاانيه .. ألا لظروف طاارئه هههههههههههههه
جاات ريتاال في هذا الوقت وهي تقول : ممكن شوي أبغى أحد يحضني
ضحكو منى وداانه وهم يقبلووو عليها وحضنو بعضهم الثلاااثه
بعد ساعه جااا وقت دخول العريس كانت دقاات قلبه متساارعه ويحس رووحه بتطلع منه ألتفت لخالد بتوتر وهو يقول : خاالد أبغى موويه الله يخليك
خاالد: أبشر
ضحك فهد وهو يقول : حشى بنت كل هذا خووف ... خليك رجاال وأنا خاالك
جواااد وهو يلتفت لفهد بهدووء ويقول: خااال
فهد والأبتساااامه شااقه حلقه : هلا
جواااد بقهر : أكرمني بسكوتك
فهدوهو يأشر على ريتاال إلي كانت لااابسه عباايتها ومتلثمه مو بااين منها غيير عيونهاا إلي لحاالها فتنه : جاك الفرج
قربت ريتال من جوااااد وهي تبتسم بجناان والعبره خاانقتهااا : مبرووك يا أغلى ناااسي
طاالع جوااد فيها بحناان : الله يباارك فيكي يا عيون أغلى نااسك
في هذا الوقت جاا خاالد وقال وهو يعطي المويه لجوااد : بسرعه يالله الرجااال هنا كثير وطاالع في ريتاال
فهمت ريتال أنه يقصد أن وجودها غلط طاالعت فيه بتحدي وهي تظبط لجواااد دقلته السووووده ألي معطيته هيبه ومنظر عصري : يالله قلبي هدي أعصاابك مافي دااعي لتوتر وغمزت له وهي تقول ولا ما ودك تشووف حبيبة القلب
ضحك فهد وجوااد أما خاااالد سرح بعيونهاااا( ليتك ترحميني يا ريتال) أتنهد من قلب وهو يقول : عن أذنكم موفق ياعريس وألف مبرووك
لكن قبل لا يمشي مسك جوااد يده وهو يقول : على فين يا أستااذ؟؟
خالد : بروح لمجلس الرجال
جوااد : أفااا يا اخووي ما تبغي تزفني
طاالع خاالد في فهد وهو يقول: ماله دااعي دخولي حنتظرك مع فهد
شد جوااد على يده: وأنا ما رااح أدخل أذا ما دخلت معي
خاالد : لالالا تبغى داانه تذبحني أدخل وأمري لله
ريتاال : يالله
الشبااب : يالله
مجرد ما أنفتح بااب القااعه وشااف داانه من بعيد حس ان ضرباات قلبه وصلت لألف في الثاانيه
حس خاالد بتوتره وقال: هدي هدي هذا وانت من بعيد أجل لو قربت منها ايش تسوي
جواااد بهمس: خالد لا تخليني اندم أني دخلتك
ريتاال كانت وااقفه قريب منهم وسمعت كلااامهم وقالت: لا تضااربو لا ارجعكم انتو الأثنين ههههههههههههههه
خاالد نسى جوااد ونسى الكل وهو يشوفهاا تضحك ضحكه صاافيه من قلب كان وااضح بعيونهااا السعااده
في الجهه الثاانيه كانت داانه مااسكه يد منى ومو قاادره ترفع رااسها وهي تقول بهمس : منى احس قلبي بيوقف
منى بمرحها المعتااد : الله الله على عريس بنت عمي وولد عمي أيش يجننو بسم الله عليهم الله اكبر
داانه بقهر وصوت هاامس: الله يااخذك قولي آآمين
منى وهي تضحك: بسم الله علي الله يااخذ عدووي ههههههههههههههه
أخيراً وصل لهااا وقفت ورااسها بالأرض من الخجل رفع جوااد رااسها وبااسهاا على جبينهاا وهو يقول : مبروووك داانتي
داانه بغى يغمى عليها من الأحرااج وقالت بهمس: الله يبارك فيك
منى وهي تضحك : أيش قلة الذووق هذي دندونه قولي له عقباالك
ألتفت داانه لها وهي تقول: عقباااالك في عينك قولي آآمين
ضحك جواااد وهو يوقف جمبهاا :هههههههههههههههههههه هدي اعصااابك ياقلبي
قرب خااالد وهو يقول لجوااد : الله يفقع قلبك
وضم داانه وهو يقول: ألف مبرووك دلوعتي
دااانه وجهها اتلون من الأحرااج: الله يباارك فيك عقباالك خلوودي
خااالد وهو يمثل العصبيه : خلودي بعينك اصغر عيالك أنا
ضحكوو دانه ومنى وريتاال
أحم أحم
ألتفتوو لجوااد ألي قال: ما ودكم تضفووو وجيهكم يعني عيب راازين نفسكم بين المعااريس
منى وهي تكلم خالد وريتال : فعلاً فعلاً لااازم تتركوهم عشان الغزل و... ولا لا عيب عليكم انتو لسه صغاار
ضحك خالد وريتاال وقالو بنفس الوقت : أرحميني يا كبيره
طالع كل من دانه ومنى وجوااد فيهم وهم يبتسموو بخبث
قالت ريتال بارتبااك : بروح أقول لماما ان المعاااريس بيقعدوو لحالهم شوي عن أذنكم
منى وهي تمسك يد خاالد: وأنت تعااال معااي خليني أخرجك اخااف وحده من البنات تااكلك ههههههههههه
ضحك خاالد وهو يقول:أيوه والله تعرفي انا شخص وسيم وعذااب والبنات تحبني
منى وهي تقلد طريقة بندر: يا شين الغرور
ضحك خالد وهو يقول: ههههههههههههههههههههه هلا والله بالأخ بندر
........................
بعد انتهاء الحفل قررو البنات ينامو عند داانه
جلست ريتال على طرف السرير وهي ترمي الصندل على الأرض وتقول: تعباانه رجولي تألمني مره
منى وهي تجلس جمبهاا: أيوه والله رجولي أحسها أتنفخت من الرقص ههههههههههههههههه
داانه وهي تبتسم: بالعكس ما حسيت بتعب كانت الحفله جوناان ورااقيه
منى : يحق لك يا قلبي تقوللي كذا مو أنتي إلي أشتغلتي ورقصتي زينا
رتيااال :يالله بنات قومو نغير ملااابسنا وننزل نقعد مع ماما وخالتو أم منى شوي مره وحشتني
منى وهي تضحك: تصدقي ريتوو هههههههههههههه
ريتال : ايش
منى : مو قااهرني فيك ألا دلعك هذا خاالتو أم منى
ريتال وهي تضحك بتعب: ههههههههه منى وربي مو فاايقه لتريقتك
بعد ما غيروو نزلو وجلسو مع أم خالد وأم منى حست ريتاال أنها المفرووض تروح عشان خاالد يااخذ رااحته خصوصاً أن منى ما تغطي عليه يعني أكيد مشتااق يقعد مع بنت عمه ومرت عمه وقفت وهي تقول : يالله ماما أنا أستئذنكم بروح البيت
دانه ومنى : ليش
ريتال : معليش حبيباتي بس تعبانه وودي ارتااح عن أذنك ماما
أم خالد: أذنك معك ياقلب أمك أنتي
بااست رااسك أم خاالدو رااس أم منى
وسلمت على البنات وقالت لداانه وهي خاارجه: دنو بجي أأخذ أغرااضي بكرى معليش حبيبتي
داانه : ولو ريتو متى ما تحبي تااخذيها خذيها
دخلت غرفتهااا وهي حااسه بأرهااق وتعب رمت نفسها على السريرو نامت بعبااتها من تعبهاا
.................................
أما في بيت ابو خاالد داانه ومنى قررو ينتظرو رجعت خاالد وجلسو في الصااله العلوويه يتفرجو على فلم (كده رضا) ويضحكوو حتى ناامووو في الصاله من التعب دخل خاالد وشاف اشكاالهم وهم ناايمين ومات ضحك عليهم قرب من داانه وهزها وهو يقول : دنو حبيبي قومي
كالعاده داانه لونامت ما تحس بأحد
طالع في منى وقال: منى قومي منى
فتحت منى عيونهاا بكسل وقالت: الله يااخذك ليش اتأخرت
ضحك خاالد وقال: وجع من تقومي من النوم لسانك زي السااطور الله يعين بندر عليكي وقفت منى ودفته وهي تقول : بعد عن وجهي بس خليني أروح أناام
خاالد: دقيقه منى بس حدخل احط دنو على السرير لأنها مستحيل تصحى الآن
وقفت منى وهي تطالع في داانه: وأنت الصاادق شيلهاا يالله أخلص


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -