بداية

رواية الكفيفه -5

رواية الكفيفه - غرام

رواية الكفيفه -5

هبه :برجع اصبر بس بروح اشوف الكيك والفطاير لا يحترق عشان ماتضربني امي مره ثانيه
هاني :روحي انقلعي ولا تتاخرين
نزلت تركض وطلعت الكيك والعجين من الفرن وقامت تصفه في محفظه كان حار مره ومن حرارته كانت تحط يدها وتسحبها مره ثانيه كانت مره متحمسه للكتابه والعب مع هاني جهزة كل شيء وراحت لغرفة هاني تركض ودخلت وقامت تكتب وهو يعلمها خطوه بخطوه ولما خلصت وكتبت لها انسدحت على الارض وهي تناظر المروحه :ااوووف تعبت وااجد يعطونكم بالمدرسه بس حلو صح هاني
هاني :وععع لا مو حلوه
هبه :هاني كل يوم بتجيب لي كتابك اكتب لك وتعلمني صح
هاني :صح
هبه :واذا خلصت تخليني العب معاك
هاني :اي تعالي اختاري وش تبين تلعبين بس ياويلك ان ماجيتي بكره تكتبين لي
هبه :لا كل يوم بكتب لك وقامت تقلب بالاشرطه
هاني :شوفي هذا مصارعه وهذا سيارات
هبه :لا مابي مو حلو
هاني :تبين سوبر ماريوا ولا كراش
هبه :اشوف اي اي هذا حلو ابيهم ثنينهم
هاني :واحد
هبه :شوي هذا وشوي هذا
هاني اخذ الشريط :يلا لعبي
هبه جلت تضغط بالهاند :هاني كيف ماعرف علمني
هاني جلس يعلمها وكلها ثواني والا وهي حافظه العبه
دخلت سميره المطبخ وشافت كل الي طلبته من هبه جاهز قامت تتلفت يمين وشمال تدورها وماشافتها وقامت تنادي :هبه هبه
هبه سمعت وقامت
هاني قام ومسك يدها :اسمعي لا تعلمين احد انك كتبتي لي طيب
هبه :طيب وانت لا تعلم امي ولا ابوي اني لعبت معاك لانها بتضربني
هاني :طيب هذا وعد وسر بينا طيب
هبه :طيب يلا بروح امي تناديني لا تعصب وراحت تركض ووقفت قدامها
سميره :وين كنتي
هبه :رتبت غرفة هاني وطلعت الكيك مع المعجنات من الفرن وغسلت الصحون كلهم ومسحت الطاوله وكنست الارض وكل شيء
سميره :طيب طيب بلا ازعاج روحي سوي عصير وحطي فيه ثلج وجهزي القهوى والشاي وحطيهم بالسله ولا تنسي الفواكه سامعه
هبه مستغربه من طلبات سميره وعاقده حاجبها :طيب يا ماما وراحت تركض للمطبخ وتجهز كل الي طلبته منها
عبير :تبينا نسهر عندها
تركي :ومدارس العيال
عبير :تقول يناموا ببيت اخوك ومع عيالها وفي الصباح يرحوا سوا للمدرسه
تركي :اوكي حلو سوا الي يعجبكم
عبير :اجل انا قايمه اجهز العيال
فيصل والهنوف ينطون من الفرحه وهم يصرخون :هي هي بنام اليوم في بيت عمي
تركي يناظرهم ويضحك :اعقلوا يا عياال ولا ترا اغير رااي
عبير :لا الله يخليك ماصدقت تروح تغير رايك لالا والي يسلمك خلك كذا احلى يلا ياعيال خلوا ابوكم بحاله وتعالوا معي نجهز
جالسه بالمطبخ تجهز للعشاء من بدري عشان لجات اختها يكون كل شيء جاهز فتحت الثلاجه وطلعت البصل وجلست تقطع وهي تقطع كانت سارحه بتفكيرها وتتذكر هدى الي ماغابت عن بالها ولا لحظه جلست تبكي ومن شدت بكيها صارت تشهق
سامي كان يركض ويلعب وهو لابس لبس غرين طايزر ويقلد كل حركاته سمع صوت امه وراح المطبخ يركض ولما شافها وقف بجنبها :ماما وش فيك تبكين
مريم انتبهت له ومسكت دموعها :لا حبيبي هذا من البصل
سامي :بس ماما انتي تبكين
مريم :من البصل يا بابا من البصل
سامي ماقتنع بكلام امه وطلع من المطبخ
مريم لما طلع من المطبخ جلست على الارض وكملت بكي
سامي راح يركض لبوه ودخل :بااااااااااااااااااااااااااااااااااااااااااااابا
محمد :بسم الله وش فيك ياغرين دايزر خوفتني
سامي :بابا انا دخلت المطبخ وكانت ماما هناك تعرف وش تسوي
محمد :امممممم ماادري بس يمكن تطبخ
سامي :لا بااابا
محمد :اجل علمني وش
سامي :ماما اي تبكي دموووعهاا واااجد وهي تبكي تسوي هااا (يعني تشهق)
محمد قام من مكانه :طيب يابطل روح العب مع اخوك ولا تقول له طيب
سامي هز راسه وراح يركض لي اخوه هيثم
دخل محمد المطبخ وجلس مقابل مريم ومد يده وقام يمسح على راسها :حبيبتي خلاص اهدي
مريم ارفعت عينها وشافته وقامت ومسحت دموعها بسرعه وتبسمت :لا حبيبي انت ماتدري هذه من البصل
محمد حضنها :حبيبتي ماحد يعرفك كثري خلاص ياقلبي لا عاد تبكين طيب
مريم :اشتقت لها يا محمد والله اشتقت
محمد يحاول يهديها :خلاص ياحبيبتي الله يعوضك بالجنه ان شاء الله تلتقين فيها
مريم مسحت دموعها وقامت ومسكت السكين :خلاص لازم اجهز العشاء اختي راحت تتعشاء عندي
محمد وقف وناظر فيها لثواني ومسح راسها وابتسم :طيب حبيبتي وطلع من المطبخ وراح لعند هيثم وسامي
هيثم يتابع التلفزيون وسامي يقطع عليه في كل لحظه ينط بوجهه ويصرخ وهو ماسك السيف :غرين داايزر
هيثم نط على سامي وضربه :بعد هناك خليني اتابع موكلي
سامي قام يبكي
دخل محمد :هااا وش صاير
سامي :بابا شوف هيثم ضربني
محمد شد اذن هيثم :ليه ضربت اخوك
هيثم :هو يا بابا الي بداء باالاول
محمد مسك يد سامي :وانت بعد وش مسوي
سامي :بابا انا كنت العب
محمد :اسمع انت وياه انا مو ناقصكم والله ان سمعت صوت حد فيكم راح اضربكم انتم الاثنين سااامعين
هيثم وسامي :حاظر يا بابا
محمد جلس وهو متضايق وشايل هم مريم بعد مارجع طيف هدى يلاحقه تم يفكر ويتذكر هدى ويكلم نفسه "ياترا بنتي هدى لازالت عايشه ولا ماتت مو مصدق ان مر على غيبها عن عيني حول خمس سنين الاحداث تمر علي وكانها امس
بعد ثلاث ساعات
في السياره
:حبيبتي قفلي السياره بنزل البقاله واخذ مشروبات لكم
نور :طيب حبيبي لا طول
ساره :بابا ابي بطاطس
انور :ان شاء الله يعيون البابا
في بيت فتحي
فتحي :يلا يا سميره صار لي ساعه وانا انتظرك في السياره
سميره :طيب طيب طلعنا يلا ياهاني وياهبه اركبوا السياره لايعصب ابوكم
هبه رحت تركض لسياره كانت اول مره تطلع فيها من البيت من بعد خمس سنين كانت تناظر حولها بتعجب كل شيء كان جديد عليها الشوارع والبيوت والاشجار كل شيء كان غريب وشكله يلفت الانتباه حتى الناس كانوا غريبين عليها كانت تناظر بصمت وتحاول تحفظ كل ماتشوفه عينها
معقوله تكون هذه تقطة تحول في حياة هبه ووتتغير معاملة فتحي وسميره وهاني لها معقوله يتحقق كل هذا بس الحقيقه ان الانسان مايدري عن المجهول وعن نوايه الشخص الثاني
في بيت محمد ضحك ولعب وفرحه بين العيال وسوالف وضحكه من القلب بين الكبار
محمد :يلا يا مريم ماصارت حمى الجمر عطيني الدجاج خليني اشويه
مريم :طيب طيب جيت يا محمد جيت
تركي يضحك ويوقف ورا محمد ويهمس :محمد
محمد لف عليه :هلا اخوي فيك شيء
تركي :لا انت فيك شيء
محمد وقف مقابله وابتسم :تركي وش تفكر فيه
تركي :محمد من جيت انت مو عاجبني احس بخاطرك شيء
محمد ابتسم :ماحد حاس فيني كثرك ياخوي
تركي ابتسم :فضفض لي ياخوي
محمد :ماودي اضايقك والله
تركي :افاا سكوتك الي يضايقني ماحب اشوفك ضايق وسكت
محمد ابتسم
تركي مسك وجه محمد ورفعه :بينك وبين زوجتك شيء
محمد حط يده على يد اخوه :الموضوع مو مثل مانت فاهم
تركي :اجل
محمد :زوجتي لازالت تفكر في هدى وحاطه امل انها راح ترجع وكذب عليك ان قلت اني انا بعد مافكرت فيها
تركي لما حس ان محمد بينهار مسك يده :اسمعني يا محمد البنت من اختفت مرت عليها سنين يعني ماتدري هل البنت عايشه ولا ميته خلاص اذاكر الله وصل على النبي وادعي لها
محمد :ااااهـ بس ياقلبي بنتي كل ماتذكرتها قلبي يتقطع وربي اموت في كل لحظه واذا شفت زوجتي انهاار اكثر من وين اخذها من زوجتي ولا من ولدي ولامن قلبي
تركي حضن محمد
طلعت عبير للحديقه وشافتهم :تركي ,محمد فيكم شيء
محمد مسح وجهه بسرعه :احم
تركي تعدل :احم لالا مافي شيء
عبير :متاكدين ان مافيكم شيء
تركي ضحك :وانتي تشوفين شيء حبيبتي احنا كنا نسولف بس
عبير :اهاا طيب انا جبت لكم الدجاج
تركي اخذه من يدها وابتسم :مشكوره حبيبتي
عبير ابتسمت :العفوو وراحت
تركي راح لمحمد وضرب راسه بالخفيف :بس عن الدلع
محمد ضحك
ساره جلست تلعب في المراجيح
انور :حبيبتي انتبهي على نفسك
نور تقطع التفاح وتأكل انور:حبيبي كل تفاحه
دخل وجلس هو واهله قريب من انور واهله
قام هاني يركض جهت الالعاب
فتحي :هبه روحي مع هاني
هبه فرحت وقامت تركض ناحيت الالعاب وجلست على المراجيح بجنب ساره
ساره لفت تناظرها وابتسمت :وش اسمك
هبه ابتسمت لها :انا اسمي هبه
ساره :وانا اسمي ساره صف رابع وانتي
هبه :انا مااروح المدرسه
ساره :طيب تعالي نلعب
انور كان متمدد و لفت انتباهه البنت الي تلعب مع بنته وقام
نور :وين بتروح
انور :لحظه بس شوي وراجع
هبه كانت تركض ورا ساره وطاحت على الارض ورفعت راسها وشافت شخص وقف قدامها
انور مسك يدها :بسم الله عليك قومي
هبه جلست وجات ساره تركض وجلست تناظر في ابوها وهبه :بابا هذه صديقتي الجديده اسمها هبه ولفت على هبه :هبه هذا بابا
انور مسك يد هبه وجلس يناظر في الجروح الي فيها ولفت انتباهه الون البنفسج الي انتشر في جسمها وحط يده على وجهها :هبه هذا يألمك
هاني انتبه وقام يناديها :هبه هبه تعالي بسرعه
انور لف عليه :هذا اخوك
هبه هزت راسها
انور :وش اسمه
هبه :هاني
هاني لما شافها تأخرت راح يركض لعند ابوه :بابا الحق ذاك الرجال الي جاء بالمدرسه اخذ هبه
فتحي عدل جلسته :اي رجال ليكون وقام يركض ووقف قدامه
فتحي :هبه يلا قومي بنروح البيت
انور رفع راسه يناظر :هذا انت وانا اقول وين شايف ها الولد طلع ولدك
فتحي مسك يد هبه :يلا نرجع البيت
انور :لحظه لحظه انتظر
فتحي وقف :خير في شيء
انور :البنت وماكمل كلمته
فتحي :هذه بنتي وانا المسأول عنها انت مالك علاقه فيها فاهم
انور وقف يناظرفيه مستغرب
فتحي سحب هبه ومشى :ماعليك من بنات الناس خلك في هم بنتك
انور مسك يد ساره :تعالي حبيتي بسرعه
نور لما شافته ماسك البنت وجاي يركض :وش فيك يا انور
انور :ماادري قابلت لك ناس متخلفين جهزي اغراضك نرجع البيت
فتحي راح لعند سميره :يلا جهزتي كل شيء راح نرجع البيت
سميره :وش فيك
فتحي :قلت لك يلا السياره
ساره :ليه بابا
انور :حبيبتي بعدين نجي طيب
ساره :طيب
وهم طالعين من جنب الباب التقت سميره في انور ولفت على فتحي :قتحي شوف شوف مو هذا الشرطي الي يدور عن هبه
فتحي لف عليها بسرعه :اوووص فضحتينا سكتي
سميره :يؤؤ طيب ماقلت شيء بس اسولف
فتحي :اجلي سوالفك في البيت
انور سمعهم وجلس يناظر هبه ورما الاغراض الي بيده وركض وراهم
كاتبة الرواية :فديت اسمي (Ebtihal)
تعليقاااتكم
بيقدر انور يرجع هدى لحظن امها من جديد ولا لا .؟
دموع محمد ومريم بتستمر ولا بتتحول لدموع فرح .؟
بترجع الضحكه لوجه هيثم ولا وبيتعرف سامي على اخته ولا .؟
بتقدر هبه تكسب هاني وبنفذ وعده لها ولا هي ايام وبينساء .؟
تعليمها الكتابه والقرائه راح يحقق شي او يساعدها في شي بحياتها وتوصل لي اهلها فيه ولا .؟
اكتشاف انور لسر فتحي وتعرفه على هبه (هدى) فك جزء كبير من القضيه وكشف كل الاوراق المخفيه السؤال هنا بيقدر يمسكه قبل لا يهرب ولا لا .؟
ولو فرضنا ان انور قدر ياخذ هبه هل بترضا وتصدق انها مخطوفه وبترجع لي اهلها الحقيقين ولا بتفضل خاطفينها وتصدقهم .؟




البااااارت الثاامن

كاتبة الرواية :فديت اسمي (Ebtihal)
فتحي ركب السياره
نور لما شافت انور رما الاغراض ارفعتهم من الارض وراحت تركض وراه هي وساره:انور وش فيك
انور :اركبوا السياره بسرعه
فتحي :شفتي وش سببت لنا هذرتك
سميره : وانا وش يدريني كنت اسأل بس
فتحي :اسكتي الحين مابي اسمع صوتك خلينا نضيعه
انور :نور البنت الي كانت تلعب مع بنتك هذه نفسها هدى محمد
نور :ومين هدى محمد
انور :هدى محمد البنت الي انخطفت قبل خمس سنوات ذكرتيها
نور :اي اي ذكرتها بس انور لا تسرعه كذا وربي انا اخاف
انور تذكر انها خارج نطاق العمل :ياا نور انا ابي امسكه قبل يهرب
نور امسك ساره :طيب طيب لا تعصب
فتحي اختفى عن انظار انور
انور عصب وضرب الدركسون :يا الله يلا احنا راجعين البيت وبكره بشوف شغلي
نور تناظر فيه وهي ساكته
انور لف عليهم :اسف اوعدكم اني اعوضها لكم بعدين
نور :طيب حصل خير
انور اخذ جواله
:هلا والله انور
انور :اهلين مهند
مهند :انور وش فيك صوتك مو عاجبني
انور :اسمعني انا لازم اقابلك ضروري
مهند :طيب الي تشوفه بس وين
انور :اي مكان بس ابي اشوفك
مهند :طيب تجيني البيت ولا اجيك
انور :خلاص انا اجيك
وعند بيت انور
انور :يلا نور انزلي انا رايح مشوار وان شاء الله ماتأخر
نور :طيب حبيبي اذا بتتاخر لا تنساء تقولي
انور :من عيوني
وصل فتحي البيت ونزلهم
:اسمعي ياويلكم ان طلعتوا من البيت او فتحتوا لحد غريب فاهمين وانت يا هاني بكره راح تغيب من المدرسه فاهم
سميره :بس
فتحي :ولا كلمه كل منك اسكتي وخذي هذه من وجهي قبل اذبحه
هبه بخوف :بس بابا انا ماسويت شيء
فتحي مسكها ورماها على الارض بالقوه :قلت لك روحي عن وجهي يلا
هبه قامت تبكي وراحت تركض للمطبخ
بعد نص ساعه
:صدقني هي يا مهند والله هي
مهند :وش الي يثبت
انور :سمعت زوجته وهي تقول له هذا الشرطي الي يدور عن هبه
مهند :بس هي اسمها هدى مو هبه
انور :ايوه بس انا اشك انهم غيروا اسمها عشان ماحد يعرفها البنت قريبا مننا طول الوقت واحنا مو دارين عنها
مهند :عشان كذا الرجال كل ماشافك ارتبك
انور :المصيبه اني ماقدرت امسكه
مهند ابتسم :بس احنا نعرف اسم الحي الي هم فيه يعني بسهوله راح نلقاه
انور :اي والله كيف غابت عني هاا الفكره
مهند :خلاص من بكره نروح المدرسه وناخذ كل المعلومات عنه
انور :اوكي خلاص
في بيت محمد
هيثم وفيصل يلعبون بالكوره
وسامي ياخذ العاب الهنوف ويهرب وهي تطارد وراه
محمد :يــــــــلا يااا اولاد تعالوا تعشوا
فيصل قام ينط :هييي انا كابتن ماجد
هيثم قام يركض ونط على الكوره :وانا كابتن رابح
تركي قام يضحك :يلا يا ماجد انت ورابح اكلوا عشان تكبرون وتقوى عظلاتكم
فيصل وهيثم روحوا لهم يركضون
الكل اجتمعوا وجلسوا ياكلون وهم مبسوطين وبعد الاكل بربع ساعه وقفت مريم وقامت تصفق بيدها
الكل التفت عليها
مريم :يلا حباايبي يلا انتهى الوقت بكره مدرسه يلا قوموا خذوا شور سريع وبعدها نووم عشان نصحى بدري ونروح المدرسه
هيثم :يؤؤؤ مااما بدري
محمد :يلا لا بدري ولا شيء الوقت تاخر يلا نوم
هيثم بتضجر :يلا فيصل خلينا نروح
عبير :يلا شاطر حبيبي قوم وانتي يا الهنوف يلا روحي انتي بعد
مريم اخذت يد سامي :يلا يلا شاطر يلا نروح
محمد :سامي اذا مارحت المدرسه بكره ياويلك
تركي :وش فيك مع عيالك انت
محمد يضحك :والله ها الولد بيجننا كل يوم يندعس في مكان عشان مايروح المدرسه
تركي ضحك :الله يعينك عليه
في غرفة انور الهدؤؤ مخيم ونور على وشك النوم الا بصوت يقطع عليها
:نور
نور لفت عليه :وش فيك
:حبيتي انا موجايني نوم
نور :ليه حبيبي
انور :اخاف اتأخر على الموعد انا تحمست للقضيه مره وابي افرح ابوها برجعتها له
نور ابتسمت :الله لا يحرمك من الاجر نام ياحبيبي ولا تاخف انا راح اصحيك
انور ابتسم وباس يدها :تسلمي حبيبتي
نور لفت تناظر فيه :تصدق ياانور انا الي مو قادره انام
انور لف عليها وحط يده على راسها وجلس يلعب بشعرها :ليه ياروحي
نور حطت راسها على صدره :ماادري بس نفسي اتم طول الليل اناظر عيونك
انور ضحك :يعني حبيتي مشتاقه لي
نور ضحكت :احس اني فاقدتك مره
انور ضحك وباس راسها
الا بصوت الباب ينفتح :بابا , ماما
نور ضحكت :حبيبتي ساره وش فيك
انور :شكلها خايفه تعالي حبيبتي قولي لي وش فيك
ساره رحت وصعدت على السرير وانسدحت بوسطهم :ابي انام معاكم
انور ضحك وحضنها :انتي خاايفه
ساره :لا بس مااقدر انام
نور تمسح على راسها يلا حبيبتي نامي
انور ابتسم وسحب نور لحظنه بجنب ساره :اليوم بنتي و زوجتي بينامون بحضني
نور وهي منسدحه على صدره وحاضنه بنتها :انور
انور :هلا حبيبتي
نور :حبيبي نام عشان ماتتاخر
انور غمض عيونه :طيب بس خليكم بحضني
نور ابتسمت
ساره مجرد ماحضنوها امها وابوها وحست بالحنان نامت
في بيت فتحي
فتحي :انا والله مو مرتاح عشان كذا ماودي الولد يروح المدرسه
سميره :يا فتحي ماعليكم منهم خله يروح ومراح يصير شيء انت وديه وخلك قريب وان شفت شيء لا تخليه يدخل وان مافيه شيء خلاص توكل على الله حرام تروح الدروس على ولدك
فتحي :نامي اذا جا الصبح يصير خير
السهره مطوله في بيت محمد وضحك وسوالف لصبح
وبعد مرور ساعات
وفي الساعه 6 :55 دقيقه الصباح كانت الهدؤؤ يغطي المكان وبعد دقيقه الا بصوت المنبه يقطع الهدؤ اخذ الخده وغطاء راسه علشان مايسمع الصوت والثاني سحب البطانيه منه وحاول يغطي وجهه ويواصل نومه فتح عينه يناظر بعد ماحس ان البطانيه تنسحب منه وحس بنور الشمس الي بداء يدخل الغرفه ولف يناظر الي نايمين جنبه الابصوت يجي من بعيييييييييييييييييييييييييييييد :يــــــــــلا ياااولاد المدرسه
هيثم جلس يتمدد واخذ المخده وقام يضربهم فيها :يلا يلا قووومووا مـــــــــــــــــدرســـــــــــه
فيصل رفع المخده :هيثم انت مزعج خلينا ننام
هيثم :الحين بتجي ماما وترشك بالمويه البارده وانت قول لها خليني انام
فيصل قام :طيب طيب خلاص جلست
مريم تسمعهم وهي تضحك ورفعت البطانيه من سامي :يلا بابا قوم يكفي نوم
سامي :مااااااااابي ابي اناااام
مريم :طيب طيب انا اوريك يااامحمد
سامي :لالا خلاص بقوم
مريم :طيب بروح وبجي ياويلكم اذا مانزلتوا
عبير تصحي الهنوف :يلا حبيبتي مدرسه قومي
تركي يتثااوب :يؤؤ يامحمد من بيوديهم المدرسه الحين والله اني مييييت نووم
محمد :اكيد انت
تركي عدل جلسته :خير
محمد ضحك :انا وانت
تركي ضحك :يلا الله يعين
نور :ساره حبيبتي يلا قومي مدرسه
ساره قامت تنط على السرير وراحت تركض لدورة المياه
نور تناظر في انور ومتردده تصحيه :خليني اجهز ساره بعدها اصحيه
في بيت فتحي
في غرفة هاني فتحت الباب بهدؤؤ ودخلت وبصوت خاافت مره :هاني
هاني فتح عينه :وش تبين انتي بعد
هبه :هاني قوم روح المدرسه
هاني :ابوي قال لي امس اني بغيب انتي ليه تصحيني
هبه :ماادري طيب خلاص انا بروح نام
هاني ضربها بالمخده :يلا طلعي برا
كلها ثواني وجهزت ساره وراحت تركض لغرفة اهلها واخذت عطر من عطورات امها وقامت تعطر المريول
فتح عينه وجلس يناظرها ثم لف لساعه وقام بسرعه :نوور ليه ماصحيتيني
نور :حبيبي بدري قلت اجهز بنتك وبعدين صحيك
انور :طيب طيب بسرعه جهزيها خليني اوصلها المدرسه وروح شغلي
نور :بنتك جاهزه بس
انور :بس ايش
نور :انور ليه ماتجلها
انور :وش الي ااجله
نور :انور الله يخليك خلي حد غيرك يروح انا مو مرتحه خليك اليوم وبكره روح
انور باس راسها :حبيبتي هذا شغلي وانا لازم اروح يلا حبيتي طلعي بنتك ومع السلامه
محمد وتركي في السياره والعيال ورا
تركي :هاا ياولاد جاهزين ماحد فيكم نسى شيء
العيال بصوت واحد :جـــــــــاااااااااااااااهـــزييييييييين
محمد وتركي :وججججججع بس وش هاا الازعاج على الصبح
في بيت فتحي
فتحي :سمييييره وجع وين ولدك
سميره :هبه يا هبه
هبه :نعم ماما
سميره :صحيتي اخوك
هبه :ايه صحيته بس قال لي ان بابا قال انه بيغيب ورجع ينام
سميره ضربت راسها :روحي صحيه وعمى وقولي له ابوك ينتظرك تحت
هبه :ان شاء الله وراحت تركض
سميره :الحين بينزل طول بالك
فتحي :الله يصبرني
في غرفة هاني دخلت تركض :هااني قوووم بسرعه بابا معصب ويقولك يلا قوم ولا بيجيك
هاني :وش تبين انتي فيه انتي
هبه :بابا مو راضي تغيب
هاني :يؤؤ الله ياخذك وضربها بالمخده :طلعي بره شوي وبنزل
عند مدرسة البنات نزلت ساره بعد ماباسها ابوها وودعها ومشى وبعدها بثواني نزلت الهنوف تركض ودخلت المدرسه
كان الكل يمشي ورا الثاني ولكنهم مايعرفون بعض كانت اماكن كثيره تجمعهم بصدف ولكن ماجمعهم لقاء
عند مدارس البنين
نزل هيثم وفيصل ومعهم سامي ركض للمدرسه
محمد :تركي وش رايك ناخذ لنا لفتين وبعدين نرجع البيت
تركي :على ان فيني النوم بس الي تشوفه
محمد :طيب يلا قدام
وقف سيارة عند المدرسه ونزل :هلا مهند
مهند :اهللين
انور :عساا متأخرت عليك
مهند :لالا انا اصلا توني واصل
انور :زين اجل
مهند :يلا حط لثمه لحد يعرفك
كلها ثواني وهاني في السياره وهبه تناظر فيه وتتبسم له وهو طالع "ياا لله متى اروح المدرسه زي هاني
وعند باب المدرسه
كان يتلفت يمين وشمال خايف ان يلمحه حد
مهند :انور شوف هناك
انور :وين
مهند :هذه السياره ماكنه الولد الي ذاك اليوم
انور :الا هو تعال بسرعه وراحوا يركضون ناحيت السياره
فتحي لمحهم ودعس بانزين وهرب
مهند ركب سيارته ووقف قدام انور :يلا اركب يا انور وقاموا يطاردونه من مكان لمكان
حاول يختفي عن انظاره لكنهم وراه في كل مكان
مهند كان مصحصح معه
بسياره محمد
محمد :شف شف
تركي :اي اشوف وش صاير وش فيهم العالم من الصبح
محمد :والله ماادري
تركي انتبه لا يصدمنا
عداا من جنبهم مثل الريح
محمد :حسبي الله عليه كان بيذبحنا
تركي ينفح :اووووووووووه حسيت اني بمووت
محمد :الحمد لله الا يرفع راااسه ويصرررخ
تركي لف عليه :ووش فيك رفع راسه وشاف سياره متجهاا ناحيتهم ولا شعوري قام يكبر
انور صرخ :مهنننننننند انتبه
مهند توتر مرره ولف السيااره بسرعه ومن قوة الفه تقلبت السياره
فتح عينه وشاف الدنيا دخان قدامه وكل شيء يتطاير ويتبعثر خاف ولف على يمينه وهو ينادي :تركي تركي
تركي مصدوم من الي شافه :محمد شفت وش صار
محمد :اوووووه الحمد لله مافيك شيء
تركي :قوم بسرعه خلينا نساعدهم
ونزلوا بسرعه وعد سيارة مهند كانت الدخان يطاير وجزء كبير من السياره صار رماد كسر النافذه وحاول يطلع الي داخلها
اجتمعوا الناس وكلموا الاسعاف حاولوا ينغذوهم لكن ربنا اذا اراد شيء ماحد يقدر يرد الغضاء
قامت مفزوعه من نومها :بسم الله لا اله الا الله ياربي وش ها الكوابيس من الصبح وش صاير ان شاء الله انور وساره بخير خليني اتطمن عليه واخذت الجوال واتصلت عليه
استمر الجوال يرن يرن لدقائق سمع صوت الجوال مد يده الي تشوهت من اثر الحروق وحاول يحرك اشفاته وينطق بكلمات وهو يشف اعز اصدقاء يتألم بجنبه انهارت دموعه مثل السيل ومحمد وتركي يناظرون فيه ويحاولون يهدونه
تركي :ياخوي تصبر الاعمار بيد الله وهذا قضاء وقدر مانقدر نرده
طاحت دموعه على خده المتشوه ووجه المليان جروح وغطاه الدم ومتزجت دموعه مع دمه وحاول ينطق بكلمات متقطعه :الله يخليك عطني الجوال
محمد مد الجوال له :لا تخوفهم وتجزعهم انتظر لما تهدى جراحك وتستوعب الصدمه بعدين بلغهم
بكى :لالا عطني الجوال هذا كل الي بقى لي من ذكرى صاحبي واعز انسان واستمر وهو يبكي لحد مااغاب عن الوعي
تركي سالت دموعه لما شاف البطاقه الشخصيه لهم
محمد يمسح على ظهر اخوه :هد ياخوي هد
تركي :انت ماتدري من هاا الناس
محمد لف عليه بخوف :مين
تركي :هذا الضابط الي يحقق بقضية بنتك هو وصاحبه
محمد انهار على الارض وهو يبكي وقرب منه وحضنه وقام يصرخ :لااااااا الله يخليكم بسرعه لا يموت


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -