رواية قتلهن الطيش وأحياهن الحب -13
بعد ماوصل عبدالرحمن للبيت وبدل ملابسه كانت نور بالصاله جالسه اما ضي نامت نزل عبدالرحمن من فوق وجلس : نور
نور لفت عليه لأن عيونها كانت على التلفزيون : هلا
عبدالرحمن : بسألك عن شي ..
نوربعدم اهتمام : اسأل
عبدالرحمن : انت وهند ولوجين شلون علاقتكم مع بعض ؟!
نورواهتمت بسؤاله : ليه ؟!
عبدالرحمن : بس
نور: من ناحيه ايش ؟!
عبدالرحمن : من كل النواحي
نور: علاقتنا من احلى مايكون
عبدالرحمن : يعني ماتخبون شي على بعض صح ؟!
نور استغربت من اسئلته : ايه
عبدالرحمن سكت شوي ,,,,
نور: ليه تسأل ؟!
عبدالرحمن : طيب بسألك سؤال وتجاوبيني بصراحه
نور : ان شالله
عبدالرحمن : ماابي ان شالله ابيك توعديني وتحلفين انك تقولين الصراحه
نور ابتسمت : استغفر الله كيف ماتبي ان شالله .. اذا شاءالله بقولك
عبدالرحمن بنفاذ صبر: نور لاتستهبيلين علي .. من الحين اذا بتلفين وتدورين ماله داعي اسأل
نور تضحك : والله على حسب .. بس اسأل انت واشوف
عبدالرحمن : انت تدرين ان لوجين تكلم واحد ..؟!
نور تفاجئت من السؤال وتلون وجهها وقالت بتعجب: ولد؟!
عبدالرحمن : ايه .. تكلم ولد .. امانه جاوبيني بصراحه .. صح ولا لأ ؟!
نور بلعت ريقها : ليه هالسؤال الغريب ؟!
عبدالرحمن : بس .. وانا امنتك بصراحه .. قوليلي تكفين ..
نور: وانت وش يهمك بالموضوع ؟!
عبدالرحمن : مالك شغل .. بس قوليلي
نور: حلوه هذي مالي شغل .. اجل حتى انت مالك شغل .. ومارح اجاوبك
عبدالرحمن : لا يابنت الحلال مااقصد مالك شغل يعني مالك شغل بس انت قولي لي وانا اقولك بعدين اذا جاوبتي
نور : من قايلك هلالكلام ... وكيف عرفت ؟!
عبدالرحمن : يعني صح اللي صاير
نور: وشو ؟!
عبدالرحمن : انها تكلم ولد
نور: لا مو صح
عبدالرحمن : نوور بأمانه ..
نور سكتت شوي ومحتاره وش تقوله
عبدالرحمن : هاا يانور .. تكفين قوليلي
نور: قلتلك مو صح
عبدالرحمن : انا حلّفتك وانت ماتكذبين اذا حلفتي
نور: اول شي ليه تسأل
عبدالرحمن بتأفف : ياشين المبزره .. يلا عاد بتقولين ولا لأ
نور: ماني بقايله شي .. اللي عندي قلته ..وتدير وجهها لتلفزيون
عبدالرحمن شاف هالتصرف منها قال: خلاص بقولك بس تقولي لي
نور ابتسمت وناظرت فيه : وعد اني اقولك
عبدالرحمن قالها كل اللي صار اليوم بالاستراحه والكلام اللي قاله له خالد .. اما نور كانت فاتحه عيونها على الاخر ومفهيه من اللي تسمعه .. عبدالرحمن : يالله عاد قولي لي
نور : هاااه .. وضربه ..وكسره
عبدالرحمن : ايه بس فكيناهم .. يالله تكلمي جالس سحب منك الكلام سحب انا
نور سكتت شوي وقالت : ايه كل اللي قلته صح
عبدالرحمن : ومن متى تعرفه ؟!
نور: من فتره طويله .. بس مو مره
عبدالرحمن وكانت عارفه انه خويي اخوها ؟!
نور ارتبكت : هااه ... لا ماكانت تعرف
عبدالرحمن : وانت واهند مافكرتوا تنصحوها وتردوها عن اللي هي فيه .. وتعقلوها
نور : يوووه حاولنا معها كثير .. بس هي عنيده .. وكم مره قلت لها انتبهي بس للأسف
عبدالرحمن ساكت ..
نور: بس يالله فتره ورح تعدي .. ولولو توها صغيره وطايشه وماتعرف مصلحتها .. اكيد رح تعقل .. وانا هنو وراها .. خليني اقوم اتصل عليها اشوف وش صاير لها اللحين
عبدالرحمن : ايه تصلي ..
نورقامت اخذت جوالها من فوق الشيفونيه حق التلفزيزن واتصلت بس لقته مغلق
وقالت بحزن : اكيد سحب منها الجوال .. بس هو شلون عرف ؟1
عبدالرحمن : اكيد سحبه منها .. لو انا مكانه بذبحها مو بس اسحب الجوال
نورماهتمت لكلامه وقالت : يالله يالولو وش حالتك .. وش مسويه ..
وهي طالعه تبي تروح تكلم هند بغرفتها عشان تاخذ راحتها .. عبدالرحمن : بتنامين
نور: لا شوي بس بطلع اكلم هند
عبدالرحمن : اكيد بتقولين لها ..سي ان ان .. على طول اخبار طازه
نور : وش دخلك اللحين .. يالله لقافه وطلعت ..
هند كانت بغرفتها توها طالعه من الحمام متروشه .. وواقفه على التسريحه تمشط شعرها الا نور تتصل
ردت : هلا هلا والله نونو
نور: السلام عليكم
هند: هلا وعليكم السلام ..كيفك
نور: تمام.. هند الحقي ماتدريتي وش صار ؟!
هند : وش صار ؟!
نور: لوجين ...
هند خافت : وش فيها ؟!
نور: فهد اخوها عرف كل شي
هند شهقت : هاااه .. وش دراكي انت؟1
نور: عبدالرحمن قالي ...
هند وفتحت عيونها على الاخر : وهو وش دراه ؟1
وتقولها نور كل السالفه اللي عرفتها من عبدالرحمن ,, هند: يالله .. وش تتوقعين سوى فيها
نور: والله مدري الله يستر ياشيخه ,, اتصلت عليها مغلق جوالها .. اكيد انه سحبه منها
هند : طيب شلون الحين وش نسوي ؟ّ
نور: بكره نتصل على البيت ونفهم منها كل شي
هند : ان شالله ..
نور: وانت وش جالسه تسوين ؟!
هند : توني طالعه من الحمام الله يكرمك .. متروشه .. وجالسه انتظرحسونه يدق .. اتصلت عليه قبل لا اتروش بس مارد
نور: اهااا ... وانت بعد انتبهي يصير فيك نفس الشي ..
هند : لا ان شالله موب صاير انا حريصه مو مثل لولو
نور: والله لا ربي بغى يفضح بتنفضحين لو انك احرص من الحرص نفسه
هند : اعوذ بالله منك .. قولي خير
نور: مدري وش عاجبك فيه هالحسن .. يختي صح انه فلاوي بس مدري شلون احس اني اقرف منه
هند : انقلعي والله انه احسن منك
نور تضحك : اشوفك تدافعي عنه
هند : ايه وليش ماادافع
نور: تحبيه ؟! اعترفي
هند : ايه احبه فيها شي ..
نور: لا مافيها بش بس انتبهي لنفسك شوي
هند : وش تقصدين ؟!
نور: سلامتك ... يالله انا ابي انام بدك شي
هند: متى بتداومين بالكليه ولا عاجبتك جلسه البيت
نور: اوووف والله مدري متىاتخرج .. بس خلاص ان شالله على الاسبوع الجاي بداوم
هند : ان شالله .. يلا قفلي لا يتصل حسونه ويلاقيه انتظار ويحسبني اكلم غيره صاير شكاك وغيار هالايام
نور : طيب طيب يلا انقلعي انت وياه .. وقوليله نور تقولك انقلع ههههههههههههه
هند : ههههههه باي
نور: بايات وتقفل منها .. وتسحب اللاب توب من تجنب السرير وتدخل المسن لقت اهات متصل ورحب فيها / ولكموووو وراسل ورده
ابتسمت نور / يسلمووو
اهات/ شلونك
نور/ الحمدلله .. انت اخبارك ؟!
اهات / الحمدلله على كل حال .. كل شي تمام
نور/ دوم يارب مو يوم
اهات / تدوم انفاس غاليك ..
اهات / انت اخبارك ؟! كيف ايامك ؟!مشتاقين لك
نور/ تسلم .. ماتشتاق لغالي يارب
نور/ ايامي عاديه ممله وصارت احداث كثيره
اهات / والله .. وش صار عساها اخبار زينه ؟!
نور/ ياليتها زينه .. وارسلت وجه حزين
اهات / ليه خير .. خير .. وش صاير ؟!
نور/ امي ماتت يااهات .. وارسلت وجه يبكي
اهات / ارسل وجه متفاجئ .. لا حول ولا قوه الا بالله .. متى صار.. وايش السبب؟!
نور قالت له اللي صار
اهات/ انا لله وانا اليه راجعون ..
اهات / انا اسف يانور
نور / ليه تتأسف ..
اهات / كان المفروض اتصل واسأل عليك واكون جنبك بوقت مثل هذا
نور ابتسمت / مو مشكله يااهات ايام وعدت .. واتأقلمنا على الوضع الجديد
اهات / بس انا اعرفك يانونو انت قويه ومايهزك شي ورح تتغلبي على ظروفك هذي
نور دمعت عينها / ان شالله الله يقويني يارب
اهات / ارسل يدين تدعي وكتب يارب
نور تغير الموضوع / واخبار حبيبه القلب
اهات / ارسل وجه مبتسم تمام الحمدلله .. الاوضاع احسن من اول
نورفرحت / والله ؟!
نور/ زين الحمدلله .. ان شالله على طول
اهات / يارب يسمع منك .. وعقبالك
نور/ عقبالي بشنو؟
اهات / بكل شي خير
نور / ههههههههههههههههههههههه لنا ولك يارب
الا هذا اورنج يدخل
نور/ الداج دخل
اهات / اورنج .. ههههههه
وكلمته نور / ولكموووو
اورنج / يسلمووو
نور/ هلا والله نورت
اورنج / ارسل وجه خجول النور نورتس يابنت الاجواد
اورنج / تسيف انتي .. وش اخبارتس ؟1
نور/ والله الحمدلله .. انت وش اخبارك
اورنج / الحمدلله .. ورا ماتدخلين المسن
اورنج / دخولك صاير قليل بالحيل
نور/ والله ظروفي ماكانت تسمح لي
اورنج / وش ذا الظروف اللي تمنعتس عنا .. بروح اذبحها
نور/ ههههههههههههههههههههه .. لا هد اعصابك ياابن الحلال
اورنج / ارسل وجه يضحك .. وش نسوي مشتاقين لتس والله ..
نور/ الله يسلمك
اورنج / والله يازيني ذوق .. الله يخليني ان شالله
نور/ ههههههههههههه .. الله يرجك
اورنج / الله مير يسلمتس ويرجتس رجاً مبرحاً
نور ماتت ضحك / ههههههههههههههههههههههه
اورنج / وش بلاتس تضحكين ؟!
نور/ لا سلامتك .. وش رايك ندخل جماعي مع اهات
اورنج / اللي يريحتس سويه
دخلوا جماعي ..اهات / اورنج وش بلاك على صقيقتي ؟!
ارونج / وش بلاي ؟! ماسويت لها شي
اورنج / وراتس تبلين علي يانور
اهات / اسمع يادوب .. تراها صقيقتي الصقوقه .. انتبه تزعلها
نور / ترسل وجه خجول احرجتني اهات
نور/ هع هع هع
اورنج / الله بينتقملي منكم وياخذ حقي منك باقبانه ياصالمه <<< ينقال انه يحتسي مصري
اهات/ ههههههههههههه
نور/ خخخخخخخخخخخ
اورنج / اقول ياصقيقي
اهات / هلا ..
اهات/ قول ولا تكثر ,, خخخخخخخخخ
اورنج / اقول ورى ماتعقل صقيقتك وتقول لها تتصل علي
نور/ ههههههههههههههههههه
اورنج / ارسل وجه فاطس ضحك
اورنج / ياخي كل يوم اسدح لها الرقم ولا تتصل ..
اهات / وليه تتصل عليك ؟! موب لازم ؟! وبعدين عيب اللي يرقم مايرقم كذا قدام الله وخلقه
اورنج / اهات بالله قولها اني انا بريئ وحنون واليف ولست مفترس
اورنج / <<< وش بلاه .. الظاهر ضربت فيوزه
نور/ ههههههههههه .. خله يراجع الطبيب
اورنج / لا مايحتاج هو سليم بس تجيه حالات
اهات / طيب يلا انا بطلع تبون شي
اورنج / اطلع شوي شوي .. وحاول انك ماتسرع
نور/ هههههههههه
اهات / هههههههههه ان شالله ..يلا سلام عليكم
نور/ مع السلامه ..وترسل يد تقوله باي
اورنج / تعال كل يوم هع هع هع
اورنج / الله معك
نور/ ممكن سؤال يابرتقال
نور/ يؤيؤ اقصد اورنج
اورنج / ههههه ,, تفضلي
نور/ انت ليه رجه كذا ؟! اهات صديقك هادي موب مثلك ..
اورنج / وش اسوي الله خالقني كذا دمي خفيف واضحك .. اما اهات ربي خالقه ثقيل دم ومليق ونظيف كل يوم يتروش
اورنج / ارسل وجه يضحك
نور/ هههههههههههههههههههههههههههههههههههههههههه الله يرجك ياشيخ
اورنج / جميعاً
اورنج / ممكن اسألتس سؤال ,, بس لاتخافين تراه سهل واجد مره بالحيل
نور/ هههههههههه
نور/ اسأل ..
اورنج/ انت طايحتن على راستس وانت بزر ؟!
نور / ارسلت وجه مستغرب لأ ليه
اورنج / لا بس جبيت اتطمن عليك
اورنج / ههههههههههه
نور/ هههههههههههههههههههههه
اورنج / وش رايتس فيني ,, اهبل صح ,, بسم الله علي .. الله يخليني لأهلي
نور/ ايه بالحيل ..ماشالله عليك ,,هههههههههههههههه
اورنج /*********** 996+
اورنج / ناسيته ولا حافظته
نور / ههههههههه
اورنج / خخخخخخخخخخخخخخخخخخخ
اورنج / لا تتأخرين علي اليوم << يتخيل انه يكلمك
نور/ ههههههههه ,, خيالك واسع بالحيل
اورنج / بالحيل والله
اورنج / احبك <<< خربها الولد
نور/ ههههههههههههههههههههههههههههههههههههههههههههههههه ههههههههه هههههههههههههه
اورنج / هههههههههه ..يالله انا طالع الحين .. تامريني بشي .. لاسمح الله
نور/ سلامتك .. بس بدري وين طالع
اورنج / والله بروح انام وراي قومه الصبح بدري ان شالله
نور/ اوكي نوم العوافي يالغلا
اورنج / الله يعافيتس .. وفكري بالموضوع
نور/ ههههه يلا يلا اطلع مع السلامه بس اطلع شوي شوي لا تسرع
اورنج /ههههههههههههههه
اورنج / لا تقلدين طيب
نور: طيب اسفه وارسلت وجه قافل فمه
اورنج / شطوره ... هع هع هع
اورنج / يالله مع السلامه
نور/ هلابك مع السلامه
وطلع اورنج وقبله اهات وقفلت نور المسن وحطت راسها ونامت بعد هالسهره الحلوه مع صديقها اهات .. والداج اورنج..
,,,,,,,,,,,,,,,,,,,,,,,,,,,,,,,,,,
ثاني يوم اتصلوا البنات على لوجين بس مالقوا رد من اهل البيت غير انهم يصرفوهم ويختلقوا لهم اعذار مو مقنعه بسبب انقطاع لوجين عنهم الا مره وحده وبعد فتره كلمت نور وقالت لها التفاصيل اللي صارت معها ..
,,,,,,,,,,,,,,,,,,,,,,,,,,,,,,,
مرت الايام والشهور عاديه والروتين مثل ماهوا ..نور رجعت داومت ونجحت بأمتحانات الترم الاول .. وضي والهنوف بعد .. ولوجين نجحت بعد بنسبه مقبوله نوعا ما ..لكن لازال الجوال مسحوب منها وطلعتها ودخلتها محسوبه عليها بالملي ..وهند ماعندها جديد .. وماجد اشتغل مع ابوه ويكمل السنه اللي باقيه له .. وعبدالرحمن تفكيره لازال بلوجين..
,,,,,,,,,,,,,,,,,,,,,,,,
هند كانت بالغرفه ترتبها رن جوالها .. وحسن اللي متصل ..ردت : هلا والله ..اهلين وسهلين بنور العين
حسن : هلابك ..كيفك
هند : ماشي الحال بخير دامك بخير ..انت كيفك
حسن : ماني بخير
هند : ليه ياقلبي؟!
حسن : وش فيكي متغيره علي؟!
هند مستغربه : وين متغيره ماني متغيره ولا شي
حسن : لا والله منت متغيره بس تسحبين فيني ليل ونهار .. انت تكلمين واحد ثاني ؟!
هند : حسونه وش فيك .. وش هالكلام .. ووش تقصد اكلم احد ثاني ؟!
حسن : مدري عنك .. شوفي نفسك .. من يوم طلبتك تحولين لي فلوس وماقدرتي صرتي تتهربين مني ولا تبين تكلميني ( هالطلب كان اختبار منه لها).. وكأنك عرفتي واحد ثاني
هند : ومن قالك اني اتهرب منك ؟!
حسن : مايبيلها قول .. شوفي ياهند علم يوصلك ويتعداك .. ترا انا لا احبك ولا حبيتك .. وانت اخر وحده افكر فيكي .. ولعلمك انا اوهمتك الحب تعرفين شنو يعني وهم .. انا الحب اوهمتك اياه .. وتركتك تحلمين مع وهم لايمكن احققه لك في يوم من الايام..
هند مصدومه : حسن وش فيك وش اللي تقوله ؟!
حسن اللي اقوله هو اللي جالسه تسمعينه .. يوم كنتي ترسلي رسايل تقولين فيها ابيك تحبني حب يعيشني الدهر كله كنت احبك واحسسك بهالحب واضحك عليك .. يوم كنتي تقولي ابيك توري صديقاتي كيف تحبني ..كنت ارفعك للسما وابين لهم انك حلم حياتي وحب لا يمكن استغني عنه ..عشان تكوني احسن وحده بينهم ..بالرغم من انهم احسن منك واشرف بعد
هند بكت بعد الكلام اللي سمعته : حرررررام عليك ياحسن انا احبك والله احبك
حسن : خلي حبك لك مابي منك شي .. وبعدين ليه تحبيني مو حنا اتفقنا على اننا مانكون حبايب .. خلاص ..اجل لا تحبيني .. انت اللي كنت تفهمين كل شي بالغلط لو اقول عمري ولا حياتي تحسبين اني ميت عليك .. لا ياماما انا هذا كلامي وهذا اسلوبي واسألي خوياتك كنت اقولهم نفس الكلام بس انت اللي تفهمينه بمفهومك الغلط ..
هند : طيب ليه كنت تقولي كل هذا .. ليه تقوله وتبيني ما افهمه غلط .. حسن هذا مقلب اللي جالس تسويه فيني صح مقلب ؟!
حسن :اوهمك .. امثل عليك الحب ... وماتعرفين التمثيل ... وبعدين هذا موب مقلب اسمعي مني هالكلام اللي يتعدى على منيره ويرفضها بيكون مصيره مثلك واخس سامعتني
هند سكتت متفاجئه من الاسم اللي انقال : منيره...
حسن : ايه منيره .. وان شالله اشرطه تسجيل صوتك واصوات صديقاتك بيكون بيدينها قريب .. وهذي قرصه خفيفه منها عشان تتعلمين .
هند وهي تبكي : حسن حرام عليكم انا شسويت فيك .. انا عمري غلطت عليك .. عمري زعلتك بشي عشان تسوي فيني كذا ..حسن تكفى لا تسوي اللي تقوله .. تكفى ياحسن والله انا احبك من قلبي
حسن : ........
هند تعلي صوتها: حسسسسسسسن رد علي ليه ساكت .. ياحقييييييييييير
حسن : مع السلامه .,, طوط طوط طوط وقفل بوجهها الخط
,,,,,,,,,,,,,,,,,,,
انتــــــــــــــهى الجزء الســـادس ...
وش رح تسوي هند ؟!
وكيف رح تتصرف مع منيره وحسن ؟!
الجــــــــــــزء السابــــــع ,,,
,,,,,,,,,,,,,
مدخل/
][ ... لاَ تتخيل ... ][لا تتخيل كل الناس ملائكة فتنهار أحلامك ،، ولا تجعل ثقتك بهم عمياء ،،
لأنك ستبكي يوما على سذاجتك ،، ولتكن فيك طبيعة الماء الذي يحطم الصخرة
بينما ينساب قطرة ،، قطرة...
كن وسطاً بين الاثنين لا مفرط الثقة ولا شكاكـ
......................
منيره تكلم حسن : هاا بشر كيف الاوضاع تمام
حسن بضيقه : حرام والله ماتستاهل اللي سويته فيها
منيره عقدت حواجبها : نعم نعم وش تقول لا تقولي مسكينه وطيبه وعلى نياتها .. حسن انت بتخرب كل اللي خططناه الشهور اللي طافت
حسن : اسف يامنيره مااقدر اضرها .. قلبي تقطع عليها وهي تبكي وتترجاني
منيره بعصبيه : ياسلام انا اللحين معتمده عليك .. وشاده فيك الظهر وفي الاخر حزنت عليها وكسرت خاطري ..
حسن : منيره البنت هذي طيبه صح انها طايشه بس قلبها ابيض وانا بصراحه ...وسكت
منيره : انت وش كمل ؟!
حسن : انا حبيتها
منيره شهقت : لا والله حبيتها ياماشالله قال حبيتها قال والاشرطه اللي سجلتها وسمعتني اياها وينها؟!
حسن : ماسجلت كثير بس اول المكالمات ..وابشرك حرقت الاشرطه
منيره بقمه غضبها : والله الشرهه موب عليك علي انا اللي احسبك رجال .. ولا بغيت الوحده جبتها .. تفوووه عليك ..
وتقفل الخط بوجهه ... وترمي الجوال على الكنب وتقوم ...
,,,,,,,,,,,,,,,,,,,,,,,,,,
سعود على الكرسي المتحرك في الصاله والممرضه اللي جابوها عياله له عشان تتابع حالته جنبه وتبي تعطيه الدوا .. نور نازله من الدرج وشافتها وتكلمت : كرستينا
كرستينا التفتت لها:آي انسه نور ..
نور: دقيقه انا بعطيه الدوا…
كريستينا: أي تكرمي
نور جت واخذت الدوا منها : شلون صحته الحين
كريستينا : لا مااشالله خزات العين كل ماولو بيصير للأحسن
نور: ان شالله .. الله يسمع منك
كريستينا: الله يطمنكم عليه ياآنسه ..
واعطته نور الدوا .. : شلونه ابو عبدالعزيز اليوم
سعود يهز راسه : الحمدلله
نور تحب راسه : الله يخليك لنا يالغالي ...ويدخل عبدالعزيز وعبير وجنان : السلام عليكم
نور وسعود: وعليكم السلام ورحمه الله
نور: هلا والله .. تفضلوا
ودخلوا وسلموا على نور وسعود وجلسوا .. عبدالعزيز: شلونك يبه اليوم ؟!
سعود : الحمدلله ..
عبير: شلون صحتك يالغالي ؟!
سعود: بخير دامكم بخير يابنتي
راحت له جنان وطلعت على حجره وحبته من خده : ددي ..ددي
ناظرها وضحك لها وحبها
جنان : انا احبت
الا هذي ضي نازله من فوق : السلام عليكم .. اهلين
الكل وعليكم السلام وراحت سلمت عليهم : دنونه ليه تجلسين على حجر بابا
جنان : تيفي مالت سغل ( كيفي مالك شغل )
وتروح ضي وتشيلها وجنان ترفس وتبعدها : اتلتيني يادووبا .. ( اتركيني يادوبا)
ضي : ماني تاركتك .. وتحبها وتعطيها لعبير
جنان تصيح : اندلعي مااحبت
عبير تضحك : عيب دنونه مايصير كذا
جنان : احثن ( احسن )
نور تضحك : والله طولان لسانها ماشالله
عبدالعزيز : خليه يطول عاجبني
عبير : ايه بكره يطول عليك وعلي ونفرح فيها
عبدالعزيز : مايخالف دلوعتي ماعندي غيرها
ضي تمد لجنان لسانها: غغغغغغ منتي بحلوه وترد تمد لسانها
وجنان تصيح : ياباااااباااا توفها ( يابابا شوفها )
وسعود مبتسم ومبسوط ان عياله حواليه .. الا عبدالرحمن ماكان بالبيت ..
,,,,,,,,,,,,,,,,,,,,,,,,,
لوجين بالصاله جالسه مع امها ويتفرجون بالتلفزيون وقدامهم الفصفص والشاهي .. هدى : ليه غيرتي المسلسل
لوجين : ماما موب حلو .. خلينا على ام بي سي تو .. شكل الفلم مررره حلو شفت اعلانه
هدى : انتظري لين ينتهي المسلسل مابقى شي ويخلص
لوجين وترد على القناه اللي فيها المسلسل : طيب
جالسين ساكتين ويتابعون ..هدى : الله يخرب بيته الظالم
لوجين بالها موب مع المسلسل : وش فيه ؟! وش صار ؟!
هدى : طلق البنت من رجلها ولفق لها قضيه
لوجين لوت فمها وتعاند امها: يووه على بالي ذبحها
هدي: طيب اسكتي خليني اتابع زين
دخل عبدالله من الباب : السلام عليكم ورحمه الله وبركاته
هدى ولوجين : وعليكم السلام ورحمه الله .. وقامت لوجين حبت ايده وراسه
عبدالله : الله يرضى عليك يابنتي .. ودخل جلس
هدى تصب له شاهي : تفضل
اخذه منها : يعطيك العافيه
وتقرب له صحن الفصفص : خذ تسلى شوي
عبدالله : لا لا ابعديه يابنت الحلال موب ناقصنا انتفاخ
هدى تضحك : طيب اجيب لك معمول
عبدالله : جيبي
هدى تكلم لوجين : قومي يايمه المطبخ حطي صحن معمول وجيبيه
لوجين : ماما قولي للشغاله
هدى: لا قومي انت ..يالله بسرعه
لوجين : طيب ..وتقوم للمطبخ
شوي الا هذا فهد داخل من الباب وبيده كيس : السلام عليكم
هدى وعبدالله : وعليكم السلام
ويروح يسلم عليهم
عبدالله : وينك فيه ؟!
فهد : مع اخوياي والله .. وبعدين رحت اخذت لي غرض .. وجيت
عبدالله : مريت على ابو محمد عطيته الاغراض اللي عطيتك
فهد : ايه ..ويسلم عليك
عبدالله : الله يسلمك ويسلمه
جات لوجين من المطبخ وبيدها الصحن وناظرت فهد بس ماكلمته وحطت الصحن قدام ابوها : تفضل
عبدالله يمد يده وياخذ معموله
هدى تكلم فهد : تبي شاهي
فهد : ايه والله ياريت
هدى : قومي لولو جيبي لأخوك فنجال شاهي
لوجين تأففت : يوووه .. ماني قايمه توني جلست
فهد : عادي ويعني توك جلستي ؟!
لوجين : ماني برايحه اجيب تبي قوم جيب لنفسك ولا نادي على خديجه تجيب لك
هدى نادت خديجه وقالت لها تجيب فنجال .. قامت لوجين بتطلع غرفتها
هدى : على وين ؟!
لوجين وهي ماشيه : على الغرفه
وطلعت ...
( لوجين في الفتره اللي راحت وبعد ماكشفها فهد وضربها علاقتها فيه اختلفت كليا وصارت تتجنبه رغم انه يحاول يخلي الوضع عادي لكن هي مو مخليته وتقول لنفسها دايم مو انا اللي انضرب لكن هين .. )
,,,,,,,,,,,,,,,,,,,,,,,,,,
هند بعد ماخلصت بكى .. وصحصحت من الصدمه اللي انصدمتها اتصلت على نور تبي تقولها اللي صار بس نور كانت بالصاله وجوالها فوق بالغرفه ولا ردت على اتصالات هند الكثيره ... فأرسلت لها رساله .. ( كلميني ضروووووووووووري)
,,,,,,,,,,,,,,,,,,,,,,,,
عبدالرحمن وخالد ووليد بالاستراحه ..
عبالرحمن : ماحاولت انك تكلمه
وليد: حاولت كذا مره ابين له اني من يوم عرفت انها اخته بعدت عنها لكنه مومعطيني فرصه لكن كبفه رح يجي اليوم اللي يعرف فيه اني موب نذل لهالدرجه اللي تخليني اكلم اخت خويي
خالد: ليه وش ناوي عليه ؟!
وليد : ولا شي .. بس لا بد يجي يوم يبان اللي بالنوايا ,, وتوضح الامور
عبدالرحمن: والله انا حاولت معه بس مافي فايده
خالد: موب مشكله تراه ماينلام
,,,,,,,,,,,,,,,,,,,
نور طلعت غرفتها بعد ماراح اخوها وزوجته وتبي تبدل وتلبس بجامه وتشوف وش تلبس للكليه ... بعد ماخلصت اخذت جوالها من تحت المخده واللي من اول ماشافته ولا تدري اذا احد اتصل او ارسل .. وتفاجئت يوم شافت اكثر من 10 اتصالات ورساله لهند .. خافت وقالت : خير وش فيها ؟!
اتصلت وهند طبعا اسيره غرفتها من بعد اتصال حسن : وردت على طول : الوو
نور: السلام عليكم
هند وصوتها رايح من البكى : وعليكم السلام .. نوووور اللحقيني
نور بأنفعال : وش فيك .. انت تبكين؟!
هند وبدت تبكي من جديد :مصيبه يانور مصيبه.. تدرين حسن وش طلع ؟!
نور عقد حواجبها : وش طلع ؟!
هند بقهر: طلع كذاااااااب ..
نور: شلون كذاب ؟1
هند ماينفهم كلامها من البكي: من طرف منيره
نور: ماني سامعه ولا فاهمه شي اسكتي شوي واهدي وتكلمي خليني افهم السالفه
هند تحاول تهدي صوتها وتتنحنح : ايوا
نور: ايه زين .. وش تقولين
هند : حسن طلع من طرف منيره
نور شهقت : وش تقولين ؟! شلون عرفتي ؟!
هند : هو اللي قالي .. نووور منيره تنتقم مني وارسلت لي حسن
نور: الله لا يوفقها الملعونه ..
هند ردت تبكي: نوووور انا مقهوووووووووره بالحيل ... نور قهرني الحيوااان ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك