رواية تحياتي لمن دمر حياتي -13
نورة: والله كنت رافعة راسي ولا أشوفها تتأملني !! والله اني خفت
فطوم: هههههههههههههههههههههههه
قعدوا ويا بعض شوي ودق الجرس و راحوا بيوتهم
:::::::::::::
ثاني يوم كان امتحانهم سهل نوعا ً ما طلعوا من الامتحان و هم مستانسين لظنه كان سهل .... نزلت نورة تدور على ربيعتها اللي كانوا تحت و يلست وياهم ..
نورة : ها هجوور شو امتحانكم ؟؟
هاجر: تمااااام ..وايد سهل ...
منوه: حتى نحن اليوم متوصين فينا والله
فطوم: معاج حق ..بعد البارحة صراحة تعبت أعصاب الكل
كملوا اليلسة على واحد من الكراسي اللي برع ... شوي ويت روضه و خذت نورة معاها شوي ..
يلسوا بروحهم في لجنه فاضية ...و تموا يسولوفون ..و فتحت الجروح القديمه ...
روضه: نوارة أنا اعرف انج وقفتي الحركات ويا موزة
نورة: اها ..
روضه : و عرفت ليش ..بس تدرين انا أشوف انه انتي اللي ربحتي هالمرة
نورة: ليش ؟؟
روضه: لأنه انتي علقتيها فيج .. وهي اللي كلمتج من الأول مب انتي ..و كانت تسوي لج حركات بس انتي مسويه طااف ...
نورة : أصلا أنا أدري اني انا اللي ربحت هالمرة ..و هي وقفت الحركات فجأه لأنه كل أدبي درا انه هي اللي يت و كلمتني ...
روضة : شفتي كيف ؟؟ يعني انتي علقتيها فيج
نورة : أدري والله ....
روضه: وأبيج تكملين اللي سويتيه ..
نورة :صعب يا روضة صعب ,,
روضة : ليش صعب ؟؟
نورة : ما أدري شفيهم بنات هالسكول ..ما يطالعون أحد و يسوون أعمارهم شي ..بعدين أنا أبي احد يساعدني معقولة انا بطالع فيها و بشوف تحركاتها ؟؟
روضة : معاج حق ... بس اللي سمعته من بنات السكول القديمه انه انتي كنتي شي في المدرسة !!! و الكل كان معجب فيج !!
نورة : ههههههههه من وين توصلج الأخبار ؟؟ لاا حبي انا كنت عادي يعني ..بعدين ما احد ياه و قال انه معجب فيني غير ثنتين و كانوا ربيعاتي نوعا ما
روضه : اللي سمعته انه بوية اسمها هند كانت معجبه فيج ..
نورة : امممممم ... ما اعرف وحدة بهالاسم .... الا صبري .. في وحدة في ثالث كنت أسمع عنها وأشوفها ..بس عمرها ما طالعت فيني !!
روضة : شو عرفج ؟؟ انتي كنتي تطالعينها 24 ساعه ؟؟؟؟
نورة : لأ ,,
روضه : شو اللي تغير من السنه اللي طافت لهالسنه ؟؟
نورة : أشياء وااايد ..كنت طالعه من علاقة انتهت بالفشل ..... و تحولت مع الأيام لشي شبه عايش من بعد فراقها ..كتله من الأحزان .. و كنت محتاجه اهتمام ..سووو كنت دووم متعدله و كاشخه و هالأشياء يعني
روضه : انزين يعني انتي صرتي جيه بعد ما تركتوا ؟؟
نورة : بعد ما تركتني هي ..
روضه: اوكي حبيبتي انتي بعدج تكشخين و تتعدلين .. بس في شي يخليج مب واثقة من عمرج ما ادري ليش
نورة : ما اتعودت الناس تمدحني يا روضه ..ولا تعودت اني أشوف عمري أحسن شي ....
(في هالأثناء دخلوا بنتين و طالعوا فيهم ... و طلعوا ..ردوا دخلوا و تموا واقفين يسولفون عند الباب و معطينهم ظهورهم لروضه و نورة )
روضه أشرت بحركة حق نورة (انه تعالوا يلسوا ويانا بعد !!!! )
و نوورة ماتت من الضحك .....
كملوا نقاشهم عادي و طنشوا البنتين ...
روضه: انا شفت وايد بنات طالعوج يوم كنا نتمشى
نورة : لأني كنت وياج !!
روضه: لأ ..انتي في شي بشخصيتج يخلي الناس تبي تطالعج و تكلمج .. جيه من الله !!
نورة : أدري والله
روضه: خلاص انتي العبي عليها .. ما بتخسرين شي ..و قوليلي كل شي يصير ..
نورة : بس ما في وقت .. اتيي قبل الجرس بخمس دقايق و تطلع من اللجنه على طوول و تروح ممر الإدارة ..و مستحيل أروح هناك ..
روضه: اشتغلي على الموضوع قبل الامتحان ....
نورة: خلاص اوكي .... تامرين امر انتي
روضه : يالله تعالي نمشي شوي
تمشوا في النص شوي و يوا ربيعات روضة و استهبلوا على البنات ..يعني كان fun
نورة كانت مب معاهم لأنه بالها مشغول بأشياء واااايد .. موزة و هند و غيرهم و غيرهم ...كلمت هند من كم يووم ... كل ما تكلمها يزيد احساس الحزن فيها وتتذكر كل شي ..اللي قاعدة تسويه هي مجرد تعب أعصاب على الفاضي ...قررت انه ما تكلمها خلاص ..بس يا ترى هل بتنجح هالمرة من بين كل المرات ؟؟
ثاني يوم نورة كانت متعدله و كاشخه كالعادة ..تمشت هي و فطوم بالساحه و يحاولون يذاكرون .. لمحت من بعيد عنود و عايشة و زينب يالسين على واحد من الكراسي و يذاكرون .. و شافت عايشة تطالعها نفس كل مرة .. ما كانت قادرة تحط تفسير لهالنظرات غير انها تحب موزة !!!
قبل لا يوصلون جهتهم بشوي قربت على فطوم و بصوت واطي (فطيم يوم اعد للثلاثة طالعي الكرسي اللي يالسة عليه عنود و شوفي )
مشوا شوي شوي .. و نورة تعد بصوت واطي .. و يوم قالت 3 رفعت فطوم راسها و شافت عايشة و نظرتها .......
فطوم: نورة ليش تطالعج جيه ؟؟
نورة : مب قايلة لج انا ؟؟ مب قادرة أحط تفسير غير انها تحب موزة ..
فطوم: والله مبين من الطريقه اللي تطالعج فيها ..
تموا ماسكين كتبهم بس يسولفون ولا وحدة منهم تذاكر ....و راحوا صوب المقصف عشان نورة تتريا دخله موزة من الباب و تطالع فيها !!!
دخلت موزة هي وسارة .. من شافتها نورة على طوول تمت تروح و تيي و تطالع .. تكلم فطوم بس عينها بعيــــد ...
نورة : يالله يا موزة لفي ...لفي ويهج ...
بس موزة ما لفت و لا طالعت لأنها اصلا ما قدرت تشوف بسبب زحمة البنات ..
نورة :ماااالت علي و على حظي الردي ..(و فجأة يت على بالها فكرة شريرة ) فطيم بسرعه تعالي
طلعت على الدري اللي يوصلهم للجان فوق ..و تمت حاطه عينها على موزة .. و يوم صارت موزة تحتها بالضبط رفعت راسها و شافت نووورة !!!!!!!!!!!!!
نورة كملت دربها بهدووء بس هي من داخل تناقز عشان خطتها نجحت !!!!!
راحت سيدا و صارت تنقز و تصارخ ..و فطوم تضحك عليها و شما بعد يت تشوف شو السالفه .... والكل يضحك على خبالها !!! حلو شعور الانتصار صح ؟؟
خلصوا من امتحانهم اللي الكل غش فيه طبعا ً ..طلعت و ما لقت أحد من ربيعاتها فوقفت تترياهم فوووق و هي متأكدة انه بعدهم ما طلعوا ...شوي ولا شما طالعة من اللجنه و هي ضااربه بووز معتبر
نورة : ها شماااني شو سويتي في الامتحان؟؟
شما: زفت ..يالله ما عليه ..الا قوليلي صدق اللي صار اليوم (قصدها مع موزة)
نورة : هههههههه يس يس ... والآتي أعظم !!!
شما: هههههههههههههاااااااااااي حلوة هذي ....
و هم يتمشون فوق شافوا مريم و موزة تحت يتكلمون .. وقفت نورة بويههم على أمل انه موزة تطالع فووق بس ما طالعت ..
دقايق و لقت فطوم و منووه طالعين من اللجنه و يمشون ناحيتهم .. فنزلو كلهم ويا بعض ...
منى راحت ويا زينب و تموا نورة و فطوم بروحهم ... و بما أنه الجو حار فراحوا ييلسون بوحدة من اللجان ..
نورة : فطيم .. تعالي أبيج تقولين لي كل شي عن سالفتج ويا نورة ...
فطوم: امم .. شقولج ...من السنه اللي طافت وهي تسوي حركات ..يعني تدرين ..بس أنا ما عطيت الموضوع أهميه ...
نورة : ليش ؟؟
فطوم: أكيد تلعب يعني ..
نورة : لاا حبيبتي .. لو تلعب كانت اختارت وحدة من البنات المعروفين في السكول و شعر و جسم وهالحركات !!
فطوم: يمكن ...ما أعرف
و هم يتكلمون دشت نورة و علياء ربيعتها ....
نورة : هااي ..
فطوم+ نورة : هايات ..!!!
كانوا نستغربين وايد من اللي قاعد يصير ..شفيها دشت و لا كأنه في شي ؟؟!!
كملوا كلامهم عادي و ما اهتموا لها ..هي كانت ورا واقفة على وحدة من الطاولات و حاطة ميوزيك و ربيعتها يالسة و ساكتين !!
نورة فهمت انه اللي قاعد يصير عشان فطوم .. بس ما بينوا لها أي شي ..نورة شايفتها من طرف عينها تطالعهم بس فهمت فطوم انه ما تلف و لا تعطي فيس ....
دشوا عليهم زينب و عنود بعد ما شافوهم يالسين من برع ....
عنود: هااي بنات ..
فطوم: أهلين عنوودي ..
زينب : شو تسوون هني ؟؟
نورة : حر برع ..قلنا نيلس في المكيف أحسن ..
فطوم: وين منووه ؟؟ على أساس انها وياكم
عنود: لاا راحت حق وحدة من ربيعاتها ....
نورة : اوكي ...
سمعوا صوت ايمان ربيعه شمووه ... كانت هي ووحدة ثانية من بنات أدبي ...
على طول لفت نظرها منظر نورة اللي واقفة ورا فلفت عليها و قالت : نوورة شو تسوين اهني ؟؟
نورة : حرررر برع .. قلنا نيلس في المكيف أحسن (تقلد نورة و فطوم)
عنود سمعت الكلام و استغربت ... حتى انها أشرت حق نورة (انه شفيها ؟؟)
نورة هزت بكتافها انها ما تدري ...
بعد ما خلصت ايمان من نورة و علياء ... ردت حق فطووم و نورة ..
و يلست تسمع الكلام و السوالف بينهم و بين عنود و زينب ..
و فجأة و بدون مقدمات ... قالت : نورة انتي مرتبطة؟؟
نورة : لااسنغل سنغل ..ليش تسألين ؟؟
ايمان: لاا ..بس داشة بمزاج وحدة
نورة : والله .. منوو ؟؟
ايمان: بعدين بعدين ...
نورة : as u like ,, (على راحتج)
و راحت ايمان ...
فطوم: نورة شو سألتج ايمان ما سمعتها ؟؟
نورة: تقولي مرتبطة ؟؟ قلتلها لأ سنغل
فطوم:ليش شو تبي فيج ؟؟
نورة: أونه أنا داشة بمزاج وحدة ..بخلي شمووه تستفسر لي عن اللي صاير ..
و لو أني أعتقد انها لعبه ..
فطوم: ليش ؟؟
نورة:لنه ايمانووه جيه تحب تكون مسيطرة على الكل ..بس على مين يا ماما ..أنا نووورة !!
فطوم: هههههههه هيه والله ..ما علينا خلها تفكر باللي تبيه و تخطط على كيف كيفها ..
نورة: أقوول ..تعالي نطلع مليت ..و هذي اللزقة اللي ورا ..مب عارفة أسولف وياج
طلعوا و بالصدفة التقت بشما و خبرتها بكل شي ...
شما: اليوم بسألج ايمان و بكلمج ..اوكيييك؟؟
نورة: ماااااااااشي ..خلاص اوكي
بنفس اليوم يوم ردت البيت ..ارتاحت شوي و شبكت مسن (تتطمن على الأوضاااع هههههه ) و تغدت وجهزت عمرها للدراسة ....بس تذكرت سالفه ايمان فراحت سيدا و طرشت مسج حق شما ..تموا ساعه كاملة وهم يطرشون مسجات عشان نورة تبي تفهم السالفة كلها ...اللي قالته انها بوية في 2 علمي ..بس نورة الحين اتأكدت انه الموضوع لعبه من ايمان لأنه ما شي غير بوية وحدة في علمي و عندها حبيبه بالسكوول ..يعني مشكلة يوم الناس تحسبنا اغبياء !!
نورة طنشت السالفه ولا ردت بطلتها مع أحد و يوم سألتها فطوم ردت عليها : اللي يبيني يعرف وين يلاقيني !!
هذا اللي لازم يصير .. ما نخلي أي أحد يلعب بمشاعرنا يمين و يسار و يخرب حياتنا ...
يوم خلصت جلسة الاستجواب ثاني يوم الصبح .. (طبعا ً لأنه فطووم لازم تعرف كل شي لأنه الربع ما يخبون على بعض أي شي ) راحوا يقعدون في لجنه أدبي .. عند هجوووور ..كانت القعدة حلوة يعني بنات وسوالف ...كانوا يعرفونهم كلهم لأنهم ربيعاتهم بعد من زمااااان ...يوم دق الجرس طلعوا نورة وفطوم على لجنتهم و هم في الطريج لمحت سارة و موزة ... فطالعت فيها بنظرة ثابته لعدة ثواني .. ولفت ..و بعد نظرة ..ابتسمت ... و كملت الطريج ....
كانت متأكدة انه هالشياء بتعلقها فيها بس بتخليها تخسرها اكثر .. هي ما تبيها لأنها تحبها ..تبي اهتمام ..اهتماااااااااااااااااااا ام !!!!
امتحانهم كان زين .. طلعوا من اللجنه مبجر و نزلت شلتنا تحت ... كانت تفكر بموزة ..طلعت ولا بعدها .. و هم يالسن كانت تحاول تشوف أو تلمحها ...
طلعت من ممر لجنتها و سيدا على المكان اللي يتجمعون .. بدون ولا نظرة !! نورة آلمها هالشي وايد ..لأنها ما تسوي هالشي عن قناعه .. كانت تحس عمرها ضايعه .. تذكرت كل شي سوته معاها هند .. هند ؟؟ شو يخصها ؟؟ ما احد يعرف شو سر هالترابط العجيب بين كل ذكرياتها الحزينه ..بس كل ما تضايقت ينفتح كتاب الماضي و تبدا صفحاته المؤلمة تتقلب من أول ويديد ....
نورة ما استسلم و خذت ربيعاتها وراحوا يشربون ماي صوب علمي ...و مروا على المكان اللي يتجمعون فيه شله الأنس ..بس ما قدرت تشوف أحد ..ما قدرت تطالع بالأحرى ..كملوا دربهم .. اللي راحت الحمام واللي شربت مااي ..و هم داشين الحمام لقوا باب مسكر و طبعا ما شي ولا صوت .. عرفوا انه في بنتين داخل ..و نورة ما تحب هالمواقف فأشرت لهم انه يطلعون بســـــــــرعه !!!
و هم طالعين ....
فطوم: شو فيج ؟؟ عادي يعني مالنا خص فيهم
نورة: ما أحب !! بس خلاص
هجوور: أقول بسكم انتوا الثنتين و خلونا نرد ...
و هم رادين نورة كان عندها احساس انه موزة موجودة بس ما طالعت ولا لفت ..
سوت عمرها مب مهتمة كالعادة و ردوا عند البنات ...
و تموا على هالحال وااايد .. يوم تطالع و يومين لأ ..و نورة ما تحب جيه .. يا إما هيه أو لأ !! فحتى نورة صارت تطنش ولا تسوي شي ...
في الويكند الكل قعد يذاكر عشان الأحد عندهم رياضيات .. و يباله وقت عشان يخلصون 5 وحد ...
نورة كانت تذاكر شوي و تطرش مسجات شوي حق شموه ..تبي رايها باللي تسويه .. مب قادرة تركز ومالها خلق تذاكر لأنها صدق تعبت ..مب بس من الدراسة ..من كل شي ..
لقت شموه رادة عليها بمسج و تقول ( انتي ليش مكبره موضوع موزة ؟؟ اخذي وقتج و فكري و رتبي أولوياتج ) .... مسكت التلفون و ضمته لقلبها ..تذكرت انها من زمان مب مطرشة مسج حق هند ولا مكلمتها .... ( أفكر .. وأرتب أولوياتي .. وأحط خطط ... لاا ..أنا من يوم ما هدتني و بطلت أخطط لأكثر من باجر ...)
ردت على شما و قالت (أنا بطلت أحط خطط و أفكر من زماااااان .. يالله بروح أذاكر باجر الامتحان )
اليوم امتحان الرياضيات كان الكل متوتر و مب فاهمين نص المنهج ..بس يحفظون ..تشوفون الكل في الساحه يذاكر .. ولأنه الجو كان زفت وحر ورطوبه راحت شلتنا و دشوا داخل وحدة من القاعات و يلسوا فيها ... تفرقوا كل وحدة في جهة عشان ما يلتهون و يسولفون ... نورة كانت تذاكر شوي و تسرح شويتين ..شوي ولا دشت وراهم نورة (اللي تلاحق فطوم) و صارت تطالع فيهم بعدين طلعت ..
نورة لفت على فطوم و قالت :
نورة: شفتي ؟؟؟؟؟
فطوم: اهاا
نورة: الحركة وااااضحة !!
فطوم: واااااااايد
ضحكوا عليها وااايد .. الحين تذكرت تسوي الحركات ..على آخر السنه !!!
بس خطر على بالها شي ...راحت عند ليست الأسامي و قرت ... شو تتوقعوون ؟؟؟
أكيد اسم نورة كان في الليست !! و نورة ما غاب عن بالها هالشي ...لفت على فطوم و نادت من أول الصف (يالخبله هذي لجنتها !!)
فطوم: شوووووووووو ؟؟ هاتي بشوف ..
قربت عند نورة و قرت اسمها ..
فطوم: ماااااااااالت علي و على حظي ..انزين !!
و لا منووه تضحك عليهم ضحك !!
نورة: يا فرحة ما تمت
فطوم: أقوول تعالوا ادرسوا أحسن
منوه: قولتج....
(تتتتتتتتترررررررررررررن )
نورة: لااااااااااااااااا ما لحقت أدرس شي
منوه: ولا أنا اسكتي برسب
نورة: يالله تعالوا قبل لا نتأخر ..يبيلنا درب عشان نوصل
طلعت نورة قبلهم وشافت موزة واقفة بس مرت من جدامهم و سيوووووووو على فوووووووووق !!!
و بعد شوي ....
توزعت عليهم أوراق الامتحان ..اللي كان صعب !!! والأسئلة ناقصة ونصهم ما عرف يحل ولا شي ..والكل يحاول يغش بس ما في فايدة ....
طلعوا من الامتحان وهم على وشك يصيحون من الامتحان الزفت ....
نورة: مااااااااااااااالت عليهم من أسئلة !!!!
يت وحدة ربيعتهم معاها باللجنه وصارت تقول : نورة ليش ما سألتي المس ..ليش ما حكيتوا ؟؟ أنا فكرت حالي انا بس اللي مش فاهمة
نورة: شدرااني ؟؟ قلت ما احد تكلم يعني بس انا اللي معلقة على هالسؤاال
و يت وحدة ثالثة ورابعه و تجمعوا وصاروا يراجعون شو حلو ..
أميرة : والسؤال الرابع كيف طلعتوا دلتا ؟؟
عبير: أنا حسبتها 1/2 باي على 2 ضرب ..........
ولا وحدة تصارخ من بعيد : بسكم ياااااااااااااا خي !! فهمنا علمي ..يالله كل وحدة تتسهل في طريجها
نورة: ههههههههههههههههههههههه هجووور يالخايسة شتبين فينا ؟؟ امتحانا كان صعب
هجور: يعني الحين لو راجعتوا بيتغير الحل ؟؟؟؟ امشي وياي يالله ..
نورة: سمعتوها شقالت (و رفعت كتوفها بحركة ما يخصني ) ..يالله سلام
و مشوا كلهم و هم يسولفون ...
نورة: باجر آخر يوم الحمدلله ...
هجور: يا حظكم نحن لين الاثنين الياي ..
نورة: الله يعينكم .. يالله كله كم امتحان و تخلصون ...
فطوم: تعالوا نروح من ورا
نورة: لا شوفي الحين اتيي هالمس الكريهة و تقومنا ..نفس المرة اللي طافت ..
هجور: خلاص عيل خلنا بكرامتنا و تعالوا نقعد هناك ...
:::::::::::::::::::::::::::::::::::
بنفس اليوم .. يوم ردت البيت ..شافت مسج من شمووه ..(لحقت توصل البيت هذي ؟؟)
فتحت المسج و قرت (نورة أنا ما بروح باجر ويا حمود وأسوم ..لأنه أصلا محد عزمني و حسيت بذل يوم ايمان قالت تعالي )
ردت عليها ( كرامتج أهم شي .. لا تخلين أحد يستغلج ولا شي .. خلي أسوم اهي اللي تيي عندج و تاخذج .. مب انتي تروحين لها !! )
طرشت المسج و رقدت ...
بس بالها كان مشغول .. وكانت تعبانه .. تحس انها في سباق ويا الزمن ..و تحس انها بتخسر موزة .. خافت من هالشعور !! نورة انسانه روتينية .. ويوم يتغير عليها شي تموت ..خافت من فكرة انها بتكون بروحها مرة ثانية ..بس هي تعرف هالشي أصلا ً ..
//\\
..اليوم آخر يوم امتحانات و بيفتكون من القرف و الدراسة !!
الكل ياب التلفونات والكاميرات عشان يتصورون و تبقى ذكرى ....
شلتنا ماشية في الساحه و يطرشون حق بعض مسجات و صور وما احد منهم يذاكر .. و كل ما يشوفها أحد ماسكة الملزمة يقولها ( ما شاء الله نورة تذاكرين ؟؟ صدق انج دحيحة )
تقوم هي و ترفع الملزمة وتراويهم الفون ..و تقول ( هيه أذاكر !! )
و كل ما تقولها هجور و فطوم يموتون عليها ضحك ..
دشوا الامتحان و هم مستانسين لأنهم يدرون نص ساعه والكل طااالع ... و بيكون في وقت عشان يودعون ربيعاتهم و يستهبلون و جيه ...
طلعوا فوق عشان يدخلون لجانهم بعد ما دق الجرس ..و طبعا ً نورة كانت واايد مقهورة لأنه يومها كانت شايفة موزة الصبح بس هذيك عطتها طاف معتبر ..
تمت تسولف هي و فطوم و منوه على ما اتيي المس للي عليهم .. ففجأة فطوم قعت عليهم كلامهم و تقول : هيــــــــــــــه تذكرت !! اليوم حلمت بموزة ..
نورة : خخخخخخخ شو حلمتي ؟؟
فطوم: كنا نازلين على الدري ولا فجأة نطت بويهج و كان شكلها غلط !! شعرها حالته حاله و عيونها تحتها أسود وجيه ..فسألتيها ليش شكلج جيه ولا تقول (مهو لو تعطيني ويه كنت بعدل عمري كل يوم )
نورة : ههههههههههههههههههههههههه ههههههههههههههههه أما انج خطيرة يا فطوم !! ههههههههههههههههه
منووه: المفروض نورة تحلم فيها مب انتي
فطوم: ما أدري والله ..
يت المس وتصارخ : يالله كل وحدة على لجنتها بسرعه ..!!!!
نورة تتحلطم : اوهوووووووو علينا ..كلها هالنص ساعه و نفتك من ويوهكم !!
فطوم: يالله أشوفكم عقب الامتحان ..
وفي الامتحان ....
(يا ربي شو هاااااا ؟؟ حتى الآي تي مصعبينه ؟؟ خلني أأشر حق وحدة من البنات و تغششني ..)
تمت تغش كل الامتحان لين ما خلصت كل شي ..تريت البنات عشان تشوف لو في وحدة تبي مساعده ولا شي ..و يوم الكل خلص سلمت وطلعت ..
و تلاقت ويا ربيعاتها ونزلوا كلهم تحت و هم مستانسين لأنه خلصوا !!!
و تموا يقهرون ببنات أدبي و يستهبلون عليهم و اللي تصارخ و اللي يرقصون و الأغاني والتصوير << مول مب مدرسة !!
يت أماني وخذتهم معاها و دشوا صف من صفوف عوااشر و لقوا الكل يدقون و يرقصون واللي تصور والضحك و الحركااات ..يعني ونااااااااسه!!
تموا وياهم فترة و يابوا بعد بنات و صكوا على أعمارهم الباب و هاتك ياااا رقص !!
فجأة دشوا ربيعاتهم و قالت وحدة منهم : بنات تعالوا ودعوا إسراء بتساافر !!!
هني الكل سكت و صاروا يطالعون بعضهم و مب مصدقين !! ربيعتهم اللي يعرفونها من 11 سنه بتروووووووووح !!!
قامت نورة عندها وحظنتها و طاحوا ثنتينهم و الكل يضحك عليهم .. بس نورة فعلا حست انه بتشتاق لها واااااااااااااايد ...
راحت وودعت كل البنات ..و يوم يت بتروح لحقتها نورة عند الباب و قالت : انتبهي على عمرج اوكييه ؟؟ الله يوفقج يا رب ..... دشت نورة بس بعدين ردت فتحت الباب و صارخت : ولا تنسيني !!!!!!!
الكل داخل يضحكون على خبالها ....بعد ما زعلوا شوي واكتأبوا ردوا حق يلستهم مرة ثانية ...
و في مكان ثاني ....
كانوا داخل السيارة يتريون البنات على ما يطلعون ...
ما عرفتوهم صح ؟؟ أسوم و حموود !!!!!
صارلهم ساعتين واقفين و يتريون .. والدنيا برع حر موووووووووت
حمود: يا خي خسنا في الحر !!!
أسوم: أدري بس وينهم ذيلا ؟؟
حمود: لو ما طلعوا ترى بخلي السايق يمشي ...
أسوم: الا ما قلتلي شصار على سالفة ايمان وأموووول ؟؟
حمود: ما شي .. بس خيرتها بيني و بينها و قالت انه بتخليها عشااني ..خل نشوف ..
أسوم: ترى ايمانوه تغيرت واايد عن قبل ..
:::::::::::::::::::
خلونا نرد حق شلتنا شوي و نشوفهم شو مسويين ...
نورة خذت الربع و طلعوا برع عشان يشوفون البنات شوي ..
و هم مارين لقت شمووه لابسه عباتها وواقفة ويا شلتها ...
نورة: شو بتروحين وياهم ؟؟
شما : حمود وأسوم ؟؟ لاااا ما بروح
نورة: أحسن لج ..
شما: ترا حمود كسرت فوون ايمان وهي تتصل بس ما ترد عليها
نورة: ليش ؟؟
شما : قاعدة ويا أمل ..و يلسه رومانسيه بعد
نورة: والله انه حمود خبله .. البنات تارسين الدنيا ما لقت غير هي ..يالله أشووفج ..
و راحوا لنص الساحه تحت المظلة .. و مسكت ايد منووه و صاروا يرقصون تانغو .. هم ما يعرفون بس استهبال ..و تلف و تروح و اتيي والبنات كلهم يطالعونها و هي ماا همها أحد بس تبي تستانس بآخر يوم
شوي ولا دق الجرس وأعلين نهاية آخر يوم بالسكوول لهم هالسنه !!
الكل صاروا يصارخوووووووووووووووووووو ووووون و يصفروووووووووون
و اللي تدق على الشبابيك وهي ماشية و شلتنا تصفر وحدة ورا الثانية ...و يودعون البنات لأنه ما بيشوفونهم 3 شهووور ...
و هي مارة شافت شما اللي نادتها ...
نورة : شموووه أكلمج عقب اوكي ...
وراحت تودع باجي البنات و خصوصا ً شلتها .. ما تعودت انه ما تشوفهم ..كل يوم هم بويهها ..بس وعدوا بعض انه لازم يشوفون بعض بالاجازة ...
وخلص البارت
بنات شو توقعاتكم ؟!
شو مخبية الدنيا لشخصيتنا ؟!
ويالله ترى باجي بس فصل واحد و تخلص الروايــه
الفصل السادس
(محيت اسمك وعنوانك ,,
نعم قررت نسيانك !! )
ردت البيت وهي زعلانه على فراق ربيعاتها ..بس الوناسه انه الإجازة بدت والحين كله طلعات و سهر و نوم و نت ......
غيرت ثيابها و رتبت أغراضها ورمت كل شي له علاقة بالدراسة .. و بعد ساعتين من الشغل والتنظيف حست عمرها فعلا محتاجة ترقد ..راحت وانسدحت على السرير ....
تذكرت هند فجأة .... هي أصلا كل يوم تفكر فيها ..أول ما تفتح عيونها لازم تتذكر شي يخص هند .. كل ما نامت و قامت أو طلعت ..كل التفاصيل تذكرها فيها .....
حاولت تتذكر آخر مرة كلمتها فيها ...ويــــــــــــــه من شهر تقريباً !!! ما تدري كيف استحملت انه ما تكلمها كل هالمدة ...
دقت عليها أختها حنوون وقالت لها تجهز الساعه خمس عشان تمرلها و يرورحون مكان يغيرون جو ..
نامت شوي وعقب جهزت عمرها عشان لا تتأخر على حنوون ...
طلعت للصاله فشافت أبوها يالس فراحت عنده و سلمت عليه ..
نورة: أبووووي شحاااالك ؟؟ (كانت علاقتهم أكثر من علاقة اب و بنته ..تقدرون تقولون صداقة )
أبوها: هلا هلا هلا ...أنا بخير وانتي ؟؟
نورة: والله اللي يسمع سيرة اإجازة ترد له عافيته ..
أبوها: ههههههههههههههههه ....
نورة: يبه بطلع ويا حنوون اوكي ؟؟
أبوها: وين بتسيرون ؟؟
نورة: ما أدري ...
أبوها: خلاص اوكي ..بس لتأخرين ..
نورة: ان شاء الله ....
و سمعت فونها يدق فراحت ركض لأنها تدري انه حنوون .. (ألوووو ؟؟ / يالله انزلي بعد دقيقتين /اوكي ..)
بعد دقيقتين نزلت و ركبت معاها في السيارة ور احوا ..
كانت كل الطريق ساكته كعادتها ..راسها كان يعورها ..صارله تقريبا ً 3 سنين و كل ما تروح عند دكتور يقولها ما فيج شي ....يروح و يرد مرة ثانية ..
راحوا على مكان بعيــــــد و منطقة ما راحت لها من قبل ...و دشوا سوق مسوينه يديد روووووعه ..و الأحلى انه فاضي و ما فيه وايد ناس و محلات ..
راحوا و خذوا فستان حق بنت اختها حنوون لأنه عيد ميلادها بعد يومين و كان بعده يعدلون عليه في المحل ..
حنوون: نواري شرايج نتعشى اهني ؟؟
نورة: مب يوعانه والله ..
حنوون: بس أنا يوعااانه ههههههههه
نورة: هههههههه خلاص اوكي ..مجربة المطاعم اللي هني ولا ؟؟
حنوون: الا ييت هني مرة ..تعالي ندش المطعم اللبناني لأنه الإيطالي ما جربته بعدني
نورة: خلاص مشينا ..
راحوا هناك و طلبوا لهم و قعدوا ياكلون ..
نورة: أحلى شي هني انه الناس راقية و ما تشوفين اللي فالمولات و الصيع اللي يستهبلون
حنون: هيه لأنه الناس تدور الأماكن القريبة و هذا فآخر الدنيا ..
نورة: أحلى والله ..لو علي كل يوم أيي هني ..
حنوون : هههههههههه لا عاد مب كل يوم !!!!
لفت راسها حنوووون و ردت قالت بصوت واطي: شفتي اللي قاعد هناك هو وربعه ..هذا كان وياي في الشغل و يكرهني كره فظيـــــــــع
نورة: ليش شو مسويه له ؟؟
حنوون: ما أدري ..وكله يطلع اشاعات عني انا وزملائي ..مرة اني طلعت ويا فلان و مرة ما ادري شووو
نورة: حسبي الله عليهم الناس ..ما عنده شغله هذا !! اقوول خل يولي نحن هني عشان نستانس ...
حنوون: هيه والله ... المهم ..خلصتي ولا بعدج ؟؟
نورة: لا خلصت ..يالله خل نقوم ..تأخر الوقت والحين يبيلنا وقت على ما نرد
حنوون: يالله ..
قاموا وتمشوا شوي و شافت نورة المحلات اللي هناك عقب طلعوا للمدخل عشان ياخذون السيارة و يردون البيت
واضطروا يوقفون 10 دقايق على ما يابولهم السيارة ..
نورة:اففففففففف خسنا في الحر
حنون: هيه والله ..مووووت مب بس حر ..
نورة: بس اليوم شفنا هوامير من كل الأنواع
حنوون: ههههههه لا بعدج ما شفتي شي
و لا يمر واحد ويا ربعه و يلف عليهم ويقول (حيا الله بو حميـــــد )
و رااح !!
حنوون: اتغازلنا صــــــح !!!!
نورة : ههههههههههههه طلعنا بوحميد و نحن ما ندري
حنون: ههههههه مينون ..يالله ركبي ..
مشوا فدربهم و لفوا الدوار اللي يطلعهم من هالمنطقة .....و لاحظوا سيارة جيب زرقاء مشت وراهم .. و تمت تلاحقهم ..و تلف يمين و يسار و كلما وقفوا توقف و عالدوار تلاحقهم .....
توتر الجو فالسيارة أكثر لانهم دروا انه نفسه اللي غازلهم من شوي !!!!
كيف طلع لهم ما احدي يدري .... حنوون بدت تخاف صدق لأنه شو بيقولون لو احد شافهم الحين !! هي متزوجة و ما تبي مشاكل
حاولت انه تضيعه ..راحت يمين و يسار و لفت ومشت و ما في فايدة !!!
تطور الموضوع أكثر و انفتحت الدريشة و طلع رقمه الأخ .. و صار يلف من جهة نورة مرة و من جهة حنان مرة ....و قلبها يرقع من الخوووف ....تسوق و هي ترتجف و هالشي كان مبين عليها
لقت جدامها فتحة صغيرة عاليمين
و على طووول دشت فيها و بســـــــــرعه راحت على الزاوية المعتمة و صارت تمشي شوي شوي تشوفه لو بعده و لا راح ...ووقفت تاخذ نفس لأنه فعلا أعصابها تعبت....
نورة : وينه الحين ..مب شايفته ...
حنوون: ما أدري يمكن ضيعناه ..
شافوا ليتات وراهم ..رفعت عيونها ولا نفس السيارة !!!!
داااااااست على البنزين و طاااااااااارت جداااااامه ...و طاااااااااااااااااااااااا اااااااااخ !!!
ما انتبهت على المطب اللي كان جدامها و عدت فوقه وهي طااايرة ..
نورة : آآآآآآآآآآآآآآي
حنوون: راسج صح ؟؟
نورة : هيــــــه ..أوووووج يعور
حنووون : (صارت تصارخ ) ياخي شو تبا منا الحين ..أففففففففف روووح دور على اللي من أشكااالك ....
نورة : أول مرة أطب هالمكاااان ..وين نحن ؟؟
حنوون: ما أدري ما أدري
و هي بعدها تسوق وتروح يمين و يسااار ..المهم انها ما ترد البيت وهو وراها ...
فجأة وهم يتكلمون لقوا أعمارهم فمكان غريب ..لفت نورة وطالعت .... ما في ولا ليت و ما تقدر تشوف هم وين .. لقت عدالهم مدرسة .. و عيادة ....خلاص ردوا للشارع اللي يعرفوونه.. و هذاك ضاع عنهم بدل ما يلف وقف عالإشارة ...
حنوووون: اووووووووووووووف ... الحمدلله انه راااح ...على البيت سيـــــــــدا
نورة : هيه والله ..أول مرة يصير لنا موقف نفس هاا ..
حنوون: المهم انه راح .. بتنامين عندي صح ؟؟ علي مسافر
نورة : هيه أدري يايبه اغراضي أصلا ...
و راحوا البيت ..
::::::::::::::::::::::::::::
اليوم حفلة عيد ميلاد ميرا بنت حنوون و الكل كان متجهز و راحوا الصاله من وقت عشان يرتبون كل شي ..
و بما انهم مشغولين الحين تعالوا أقولكم كيف كانت أشكالهم بالحفلة ,,
نورة كانت لابسة فستان أحمر قصير .. و شعرها القصير رافعته بكليب حمرا و حاطة لاينر خفيف و غلوس مريوم اختها كانت لابسة أزرق و توب سلفر و فاله شعرها
و حنون لبست تنورة أبيض وأسود وأحمر و التوب اسود عليه تطريز أحمر خفيف و الميكب بعد خفيف ....
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك